Chapter 19

śrīkṛṣṇa uvāca |
athā'sya vatsare yāte dvitīye vatsare śubhe |
prārabdhe kārtikakṛṣṇāṣṭamyāṃ janmotsavaṃ pitā || 1 ||
[Analyze grammar]

pracakāra tadā gurorlomaśasyā'pi pūjanam |
brāhmaṇān bhojayāmāsa dadau dānāni bhūriśaḥ || 2 ||
[Analyze grammar]

sarva tad rādhike tubhyaṃ kathayāmi samāsataḥ |
anādiśrīkṛṣṇanārāyaṇapumuttamasya vai || 3 ||
[Analyze grammar]

saptamyāṃ prātarutthāya śrīmadropālakṛṣṇakaḥ |
smṛtvā kṛṣṇaṃ hariṃ rādhe snātvā prapūjya keśavam || 4 ||
[Analyze grammar]

patrikāṃ lekhayāmāsa vārṣikādyamahotsave |
varṣaṃ me nandanasyaurjakṛṣṇāṣṭamīprage śubham || 5 ||
[Analyze grammar]

pūrṇa prajāyate cātha dvitīyavatsarakṣaṇe |
śubhe dine ca tatraiva mahotsave mudāvahe || 6 ||
[Analyze grammar]

kriyamāṇe mayā''gatya bhavadbhirupabṛṃhite |
svātmā'yamiti matvaiva śobhāvṛddhirvidhīyatām || 7 ||
[Analyze grammar]

anādiśrīkṛṣṇanārāyaṇaścāśīrnidhiḥ svayam |
nīyantāṃ cāpi dīyantāṃ yathāsnehaṃ śubhāśiṣaḥ || 8 ||
[Analyze grammar]

matvā gṛhaṃ svakīyaṃ cā''gantavyaṃ prārthayāmi vaḥ |
kuṭumbabhṛtyasujanasuhṛtsambandhisaṃhitān || 9 ||
[Analyze grammar]

devarṣipitṛvṛddhānāṃ satāṃ brahmānuśīlinām |
pativratānāṃ sādhvīnāṃ devīnāṃ brahmayoṣitām || 10 ||
[Analyze grammar]

vipradharmavatāṃ bhaktasatsaṃgakāriṇāṃ tathā |
śubhāśīrbhiḥ śiśuḥ śyāmo ghanaśyāmo harirbhavet || 11 ||
[Analyze grammar]

kuṃkumavāpikātīrthe cāśvapaṭṭasarastaṭe |
saurāṣṭre bhūtale sarvairāgantavyaṃ mama gṛhama || 12 ||
[Analyze grammar]

bhadrā yasyottare cāsti pūrvaṃ śatrujitā nadī |
dakṣiṇe vartate vyāghrāraṇyaṃ ca paścime giriḥ || 13 ||
[Analyze grammar]

madhye sarovaraṃ divyaṃ daśakrodhādivartulam |
madhye dvīpo mahānasti prāsādo lomaśāśramaḥ || 14 ||
[Analyze grammar]

tatra gopālakṛṣṇasya mamālayo virājate |
āgantavyaṃ mahābhāgairdvitīyavārṣikotsave || 15 ||
[Analyze grammar]

anādiśrīkṛṣṇanārāyaṇasya paramātmanaḥ |
dhanyo'haṃ kṛtakṛtyo'haṃ bhaviṣyāmyāgamāttu vaḥ || 16 ||
[Analyze grammar]

vaikuṇṭhena sameyaṃ bhūrbhaviṣyatyāgamāttu vaḥ |
putrasya janmasāphalyaṃ bhaviṣyatyāgamācca vaḥ || 17 ||
[Analyze grammar]

vāraṃ vāraṃ praṇamyā''mantrayāmyāgamanāya vaḥ |
caturdaśastarasthānāṃ samājo'tra bhaviṣyati || 18 ||
[Analyze grammar]

parasparaprasaṃgena lābho'labhyo bhaviṣyati |
seviṣye ca yathāśakti mahīmānān samāhitaḥ || 19 ||
[Analyze grammar]

kṛpaṇo'yamiti matvā'nugrāhyo dāsa eva yat |
kambharāśrīstathā cānugrāhyā nārībhirāgamāt || 20 ||
[Analyze grammar]

sarvamānasayuktāṃśca tattvāni cārthayāmyapi |
dravyaguṇakriyājātisaṃsargānarthayāmyapi || 21 ||
[Analyze grammar]

cetanācetanān sarvānāmantrayāmi bhāvataḥ |
mama putro bhavatputro vardhanīyaḥ śubhāśiṣā || 22 ||
[Analyze grammar]

anāgame tu cintā me sarvadā'nāgamātmikā |
utthitā syācca sā mābhūt kṛpā mā khaṇḍitā bhavet || 23 ||
[Analyze grammar]

śāśvatikatā saṃrakṣyā śāśvatikamahotsave |
ityabhyarthya virame'tipratikṣan ṛtayācanām || 24 ||
[Analyze grammar]

ityevaṃ rādhike pitrā prabhoḥ kuṃkumapatrikā |
likhitā bhāvagarbhā ca preṣitā vai digantare || 25 ||
[Analyze grammar]

kṛṣṇāyudhāni sarvāṇi yayurnītvā divaṃ prati |
īśalokān guṇā yayurdhāmānyaiśvaryamaṇḍalam || 26 ||
[Analyze grammar]

pātālādau bhūṣaṇāni yayurnītvā ca patrikāḥ |
rādhike mūrtimantaste kṛṣṇadūtā yathā yayuḥ || 27 ||
[Analyze grammar]

āmantritāśca te yātuṃ prayāṇe cakrire mudā |
svasvalokasyavastūni śreṣṭhapreṣṭhāni sarvathā || 28 ||
[Analyze grammar]

divyānyupadāyogyāni sauvarṇarājatāni ca |
tāntavāni rāsanāni vimānādau dadhuśca te || 29 ||
[Analyze grammar]

ānandaṃ menire kṛṣṇanārāyaṇamahotsavam |
iṣṭaṃ bhāgyaṃ samāyātaṃ matvā babhūvurutsukāḥ || 30 ||
[Analyze grammar]

kuṃkumavāpikākṣetre gopālakṛṣṇalomaśau |
saptamyāmeva sāmagrīsamavāyaṃ pracakratuḥ || 31 ||
[Analyze grammar]

ghṛtakulyā dadhikulyā guḍakulyāśca śarkarāḥ |
madhūni ca vicitrāṇi miṣṭānnānyapi sarveśaḥ || 32 ||
[Analyze grammar]

peyāni mukhacūrṇāni kārayāmāsaturmudā |
kāndivikāśca devānāṃ tayā lakṣmyādiyoṣitaḥ || 3 ||
[Analyze grammar]

kanyakāśca harerbhaktāścakrurmāhānasīyakam |
pātheyaṃ jāṭharārpyaṃ ca yatkiñcidbhinnajātikam || 34 ||
[Analyze grammar]

sarvaṃ vyañjanasāhāyyaṃ cāranālādibṛṃhitam |
lehyaṃ coṣyaṃ bhojyamiṣṭaṃ bhakṣyaṃ bharjitamityapi || 35 ||
[Analyze grammar]

kvāthitaṃ pācitaṃ pratāpitaṃ cārdrīkṛtaṃ tathā |
pepitaṃ kūrcitaṃ dagdhaṃ sārīkṛtaṃ prapecetam || 36 ||
[Analyze grammar]

chūṃkāritaṃ vāṣpitaṃ ca miśritaṃ mathitaṃ tayā |
yadyad yogyaṃ ca tatsarvaṃ cakrurvai niśi sarvathā || 37 ||
[Analyze grammar]

darvī cullī kaṭāhī ca sthālī kuṃbhī mahānasī |
cipiṭī gargarī bhrāṣṭrī cāgaminī ca vardhinī || 38 ||
[Analyze grammar]

mūśalī vallarītyādyā devyaḥ pākasahāyadāḥ |
kuśalinyo ramādīnāṃ kaiṃkaryaṃ cakrurādarāta || 39 ||
[Analyze grammar]

dvādaśa rāśayaścāpi tadā sarvapradeśataḥ |
niyojitāḥ samānetuṃ vastūnyāninyurādarāt || 40 ||
[Analyze grammar]

rāśīnāṃ yatra saṃcārā yatra yatra vasanti ca |
tattadvastūni cādāya samāyayustadotsukāḥ || 41 ||
[Analyze grammar]

meṣī rāśirnivasati dhānyaratnākarādiṣu |
navaśādvalasaṃchannavasudhāyāṃ na sarvaśaḥ || 42 ||
[Analyze grammar]

nityaṃ carati phulleṣu sarasāṃ pulineṣu ca |
ajāvikadhanādau ca sasyeṣu vividheṣu ca || 43 ||
[Analyze grammar]

sā ca naijanivāsebhyo dhānyāni rasavanti ca |
ratnāni mīktikādīni hīrakāṃśca maṇīṃstathā || 44 ||
[Analyze grammar]

pādatrāṇe śirastrāṇaṃ varma caurṇaṃ samujjvalam |
hastatrāṇaṃ kaṭitrāṇaṃ kambalikāśca kambalān || 45 ||
[Analyze grammar]

vasūn vamumatīgarbhāt śākapatrāṇi sarvataḥ |
phullapuṣpāṇi hārāṃśca pakvā''makaṇikāṃstathā || 46 ||
[Analyze grammar]

phalakandān mukhacūrṇānānināya supuṣkalān |
divyā ca meṣadevī sā'rpayāmāsa tu śārṅgiṇe || 47 ||
[Analyze grammar]

atha rāśirvṛṣīnāmnī carate gokulādiṣu |
nivāso vartate tasyāḥ kṛṣīvaladharādiṣu || 48 ||
[Analyze grammar]

śaṃkarasya gṛhe cāpi dharmadevīsvarūpiṇī |
goloke vartate cāpi sāpi divyā tadutsave || 49 ||
[Analyze grammar]

ānināya ca golokāt kāmadhenūḥ sahasraśaḥ |
dhānyānyakṣatagodhūmādīni dugdhājyakāni ca || 50 ||
[Analyze grammar]

bhūrīṇi navanītāni dadhitakrāṇi sarvaśaḥ |
yānavāhanaśibikā bhogyavastūni yāni ca || 51 ||
[Analyze grammar]

ānināya ca kailāsādasaṃkhyaratnakāni ca |
dadau śrīharaye tatrotsavārthe vastupuṣkalam || 5 ||
[Analyze grammar]

mithunīnāmikā rāśirgītanartanaśilpiṣu |
vartate cāpi dampatyoḥ śayyāsanaparigrahe || 53 ||
[Analyze grammar]

vīṇāvādyādiṣu cāpi krīḍāyāṃ ca ratau tathā |
adhvādau ca vihāro'syā vartate gṛhamedhiṣu || 54 ||
[Analyze grammar]

rāśi gurau mahāloke mahājane ca sarvathā |
sāpi divyā divyavastūnyānināyopadātmikāḥ || 55 ||
[Analyze grammar]

gītikānṛtyaśilpādikalāścatuḥpraṣaṣṭikāḥ |
kanyakāḥ sā samānīyotsave śrīharaye dadau || 56 ||
[Analyze grammar]

dugdhaphenanibhāḥ śayyāścāsanāni dyumanti ca |
gṛhasāhāyyasāmagrīḥ sarvāścānāyya vai dadau || 57 ||
[Analyze grammar]

vīṇāvādyāni sarvāṇi rājabhogyasuvaibhavān |
guruyogyān devayogyānānāyya vaibhavān dadau || 58 ||
[Analyze grammar]

martyayogyāṃstathā sarvadehiyogyāṃśca vaibhavān |
nijāśramasthalebhyaścānāyya śrīharaye dadau || 59 ||
[Analyze grammar]

karkināmnī ca yā rāśiḥ kṛkalāsī hi devatā |
salilasthā ca kedāravāpipulinavāsinī || 60 ||
[Analyze grammar]

viviktā'vanisaṃsthā cā''nināya jalamauktikān |
kamalāni vicitrāṇi rasāṃśca vividhāṃstathā || 61 ||
[Analyze grammar]

nūtnakedārasasyānāṃ supakvāḥ śimbikāstathā |
ānināya dadau kṛṣṇanārāyaṇāya cotsave || 62 ||
[Analyze grammar]

siṃhī tu parvatāraṇyadurgakandarabhūmiṣu |
vasati vyādhapallīṣu gahvareṣu guhāsu ca || 63 ||
[Analyze grammar]

sā ca naijāvāsabhūmerānināya sucāmarau |
kastūrīdhātusaugandhyaṃ karpūracandanāni ca || 64 ||
[Analyze grammar]

kauśeyakāni vastrāṇi gajamauktikakāni ca |
aurṇakambalavastrāṇi mṛduni śītahāni ca || 65 ||
[Analyze grammar]

mṛgacarmāṇi ramyāṇi siṃhacarmāṇi vai tathā |
vyāghrahastipracarmāṇi karidantāṃśca hīrakān || 66 ||
[Analyze grammar]

svargarasān kupyarasān khāneyakān rasāṃstathā |
gūṭikāścauṣadhīn divyastambānakṣayakṛllatāḥ || 67 ||
[Analyze grammar]

divyagandhān divyaphalānyapi kalpadrumāṃstathā |
divyapradīpapatrāṇyānināya haraye dadau || 68 ||
[Analyze grammar]

atha vai kanyakārāśiḥ sarvasaubhāgyasundarī |
sarvamaṃgalamāṃgalyā svarṇacampakasūjjvalā || 69 ||
[Analyze grammar]

kalpakanyāsvarūpā ca bhāvanāphaladā sadā |
vrīhipradīpakakarā vasati dampatīśaye || 70 ||
[Analyze grammar]

tāmbūladā ganadharasasāradā''nandadāyinī |
naḍvaleṣu cāmareṣu puṇyeṣu kalikādiṣu || 71 ||
[Analyze grammar]

nagareṣu ca devānāṃ gṛheṣu vasati tathā |
svarge satye martyaloke pātālādau harergṛhe || 72 ||
[Analyze grammar]

sarvatra vasati kanyā cānināya śubhadravān |
kuṃkumā'kṣatasaubhāgyavibhūṣā ratnajhullarīḥ || 73 ||
[Analyze grammar]

kaṃcukān candrasannaddhān ṭopīṃ cāndrīṃ ca śāradīm |
hiraṇyagarbhopaskārān pātrāṇi kaṭakāṃstathā || 74 ||
[Analyze grammar]

asaṃkhyānantapātrāṇi kānakāni mahotsave |
kalaśān gargarīrhāṇḍān vaṭikāḥ sthālikāstathā || 75 ||
[Analyze grammar]

hārān vicitrān pramaṇīn sūryakāntān manoharān |
candrakāntān vahnikāntān devakāntān nināya sā || 76 ||
[Analyze grammar]

cāmarān ratnadaṇḍāṃśca chatrāṇi kānakāni ca |
vetrān yaṣṭīn vellaṇādīn vardhanīḥ kaṇḍanīstathā || 77 ||
[Analyze grammar]

tāmbūlāni vicitrāṇi gucchān cāmpakakaisarān |
kādambakāṃśca kaundāṃśca kalpayaṣṭīṃśca kānakīḥ || 78 ||
[Analyze grammar]

miṣṭānnasthālikā dīrghā naisargikapradīpakān |
gandhān rasān gandhasārān nināya haraye dadau || 79 ||
[Analyze grammar]

tulārāśiśca vai divyā tulānāmnī tu sundarī |
bīthyā''paṇakrayaśālānagarādhvagṛhādiṣu || 80 ||
[Analyze grammar]

dhanāḍhyavyāpṛtisthāne vasati carate tathā |
sā'pi divyā kṛṣṇakāntakṛte nināya cotsave || 81 ||
[Analyze grammar]

annānāṃ veṣavārāṇāṃ pauṣkalyaṃ hrāsavarjitam |
tulāṃ divyāṃ dadau yatra dhṛtaṃ tvakṣayameva hi || 82 ||
[Analyze grammar]

dhanāni svarṇaraupyāṇi mudrāḥ pāśān dadau tu sā |
kuberabhavanānnītvā bahvīḥ smṛddhīrdadau tadā || 83 ||
[Analyze grammar]

vṛścikī yā ca vai tīvrā rāśiḥ śvabhre ca bhūstare |
valmīke gomaye dīrṇe sthale bhūgarbhake tathā || 84 ||
[Analyze grammar]

pāṣāṇādau ca vasati carati drutvagādiṣu |
gṛhabhittau vane kṣetre'raṇye kaccarake truṭau || 85 ||
[Analyze grammar]

divyakanyā ca sā kṛṣṇakṛte nināya śailajān |
śilārasān drumarasān bhūmikandāṃśca mūlakān || 86 ||
[Analyze grammar]

raṇajanyān bhūmijanyān rasān lāvaṇasaṃjñitān |
kaṭvamblamadhurāṃścāpi viṣahāṃśca rasān dadau || 87 ||
[Analyze grammar]

dhanūrāśirdivyakanyā turaṃgarūpadhāriṇī |
dhanuryuktā śaratūṇā śūrā'straśastravidvarā || 88 ||
[Analyze grammar]

gaje rathe turage ca yāne vimānake kṣitau |
śakaṭe śibikāyāṃ ca tiṣṭhati carate tathā || 89 ||
[Analyze grammar]

tattatsthalāni yānāni gajavājirathādikān |
vyomayānāni divyāni vyomodyānayutāni ca || 90 ||
[Analyze grammar]

haṃsaturagahastyādiśobhitāni navāni vai |
vimānāni dadau kṛṣṇanārāyaṇāya cotsave || 91 ||
[Analyze grammar]

makarīnāmato rāśirmṛgāsyā divyakanyakā |
nadīṣu vasati vārdhau mahāsarovarādiṣu || 92 ||
[Analyze grammar]

khāteṣu devaparikhādiṣu sañcarate tathā |
tattatsthānaprajātāni ratnāni haraye dadau || 93 ||
[Analyze grammar]

kuṃbhikārāśirityākhyā puruṣaskandhavāsinī |
riktakuṃbhātmikā kanyārūpā śauṇḍikasadmasu || 94 ||
[Analyze grammar]

dyūtagṛheṣu śālāsu vasati carate tathā |
sā ca dadau koṭikuṃbhān sauvarṇān haraye tadā || 95 ||
[Analyze grammar]

mīnarāśiryugalaṃ saprema tīrthābdhisañcaram |
vasati puṇyatīrtheṣu devabrāhmaṇasadmasu || 96 ||
[Analyze grammar]

mīnī kanyātmikā divyā cāgatya haraye dadau |
pūjāpātrāṇi sarvāṇi pūjādravyottamāni ca || 97 ||
[Analyze grammar]

upacārān ṣoḍaśa saṃpradadau haraye mudā |
evaṃ rāśirdvādaśātmā divyakanyāgaṇastadā || 98 ||
[Analyze grammar]

satyapātālaparyantān sārān śrīharaye dadau |
viśvakarmā''hūta evā''gato maṇḍapamadbhutam || 99 ||
[Analyze grammar]

cakāra śatabhaumaṃ ca kṣetragarbhaṃ digantagam |
vyomavāṭaṃ yānavāṭaṃ samudyānasuśobhitam || 100 ||
[Analyze grammar]

dharmasabhā cendrasabhā sabhā cāpi bṛhaspateḥ |
śukrasabhā brahmasabhā sabhā viṣṇoḥ śivasya ca || 101 ||
[Analyze grammar]

yatra vai maṇḍape tatra samāveśagatāstadā |
siṃhāsanāni divyāni ketavaḥ kānakāstathā || 102 ||
[Analyze grammar]

kalaśāḥ svarṇanirmāṇāḥ śataikasaṃkhyayā sthitāḥ |
sahasraikaśikharāḍhyo naisargikadivākaraḥ || 103 ||
[Analyze grammar]

naisargikaśaśibhrājattejaḥpuñjavirājitaḥ |
vidyuddīpārbudaśobhaḥ koṭitārakarājitaḥ || 104 ||
[Analyze grammar]

vāpīkūpataḍāgādigṛhasādhanamaṇḍitaḥ |
bhośrayapānapramṛdyādidivyadravyavirājitaḥ || 105 ||
[Analyze grammar]

divyamaṇḍanamālādyairdivyamāṇikyabhittikaḥ |
divyamauktikamaṇyādyairhārakādyaiḥ subṛṃhitaḥ || 106 ||
[Analyze grammar]

naikagopuravāṭaiśca sahasradhruvaśāśvataḥ |
madhyevedīmahādivyānalanaisargikājyavān || 107 ||
[Analyze grammar]

lakṣalakṣātilakṣāṇāṃ stambhānāṃ rājirājitaḥ |
sarvadevarṣimunibhirjagatāṃ pālakaiḥ śubhaiḥ || 108 ||
[Analyze grammar]

stambhoparikṛtasthāno divyakīramayūrakaḥ |
divyaśravaṇavīkṣādidivyabhojyagṛhādibhiḥ || 109 ||
[Analyze grammar]

divyārāmavihārādidivyabhojyagṛhādibhiḥ |
divyāplavanabhāgaiśca varāṃgaṇairvirājitaḥ || 110 ||
[Analyze grammar]

vyomagaḥ kāmagaḥ koṭyarbudakanyābhiśobhitaḥ |
divyapradarśanavyāpto divyamallaraṇāṃgaṇaḥ || 111 ||
[Analyze grammar]

divyagāndharvavidyaśca divyanāṭakarañjitaḥ |
daivīvādyakṛtālāpasvaramiṣṭādyamaṇḍitaḥ || 112 ||
[Analyze grammar]

gajasiṃhādipratimaḥ sarvadevavirājitaḥ |
brahmāṇḍe caiśvare loke dhāmni nāsti ca yat khalu || 113 ||
[Analyze grammar]

tattatra nāsti vai viśvakarmanirmitamaṇḍape |
jīvasṛṣṭau ceśasṛṣṭau brahmasṛṣṭau pare sthale || 114 ||
[Analyze grammar]

yat kiñcid vidyate khyātaṃ tadatra maṇḍape kṛtam |
viśvakarmā'karocchailpyaṃ brahmā'karod vidhānakam || 119 ||
[Analyze grammar]

vāsudevo'karod vasturūpāṇi khyātimanti ca |
akṣaraṃ brahma rūpāṇāṃ vyaktatāmakarottadā || 116 ||
[Analyze grammar]

rādhike tvaṃ mahāmāyā nyūnatāmaharaḥ svayam |
lakṣmīḥ pūrṇatvamātiṣṭhajjayā jayamakārayat || 117 ||
[Analyze grammar]

ityevaṃ saptamīsāyaṃ maṇḍapaḥ śobhano'bhavat |
rātrirna dṛśyate tatra śāśvate dhāmni cāgate || 118 ||
[Analyze grammar]

nidrā kuṃkumavāpyāśca kṣetrāt krośagataṃ gatā |
ānandinī mahābrāhmī śaktiḥ saurāṣṭrake sthitā || 119 ||
[Analyze grammar]

sūryasyodayanaṃ pūrvaṃ bimbadarśanamātrakam |
rātryāgamo digantānāṃ kārṣṇyamātrābhiveditaḥ || 120 ||
[Analyze grammar]

vigamaśca digantānāṃ prabhādhāvalyaniścitaḥ |
bālakhilyāgamenaiva sūryodayastu tarkitaḥ || 121 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kārtikakṛṣṇāṣṭamyāṃ bālakṛṣṇasya prabhordvitīyavarṣārambhotsave sarvalokeṣvāmantraṇapatrikāpreṣaṇaṃ rāśikṛtavastūpasthāpanaṃ mahāmaṇḍapanirmāṇaṃ cetyādinirūpaṇanāmaikonaviṃśo'dhyāyaḥ || 19 ||
[Analyze grammar]