Chapter 17

śrīkṛṣṇa uvāca |
śṛṇu rādhe ca te daityā yadā gṛhaṃ na cāyayuḥ |
tatpatnyo daityasainyasyā'nveṣaṇārthaṃ samāyayuḥ || 1 ||
[Analyze grammar]

ayutaṃ śrāvaṇe māse varṣānvite sthale tadā |
kuṃkumavāpikākṣetre jalādisaṃplute śubhe || 2 ||
[Analyze grammar]

samāgatya hi daityānāṃ patnyo vyomapradeśataḥ |
vyapaśyan ramaṇīyaṃ cāraṇyasthaṃ mahadāśramam || 3 ||
[Analyze grammar]

koṭikanyāśrayaṃ cāpi lomaśarṣiniṣevitam |
kecid vaikhānasāstatra kecidāsannirāsanāḥ || 4 ||
[Analyze grammar]

yāyāvarāstathā cānye vānaprasthāstathā'pare |
śālīnāśca tathā kecit kāpotīṃ vṛttimāśritāḥ || 5 ||
[Analyze grammar]

tathā cānye śritā vṛttiṃ sarvabhūtadayāṃ śubhām |
śilocchāśca tathaivā'nye kāṣṭhapātrādanāḥ pare || 6 ||
[Analyze grammar]

apākapācinaḥ kecit pākinaśca kvacitpunaḥ |
nānāvidhidharāḥ kecijjitātmānastu kecana || 7 ||
[Analyze grammar]

sthānamaunavratāḥ kecittathā'nye jalaśāyinaḥ |
tathordhvaśāyinaścānye tathā'nye mṛgacāriṇaḥ || 8 ||
[Analyze grammar]

pañcāgnayastathā kecit kecit parṇaphalāśinaḥ |
abbhakṣā vāyubhakṣāśca tathā'nye śākabhakṣiṇaḥ || 9 ||
[Analyze grammar]

ato'nye'pyatitīvrāṃ vai tapaścaryāṃ prapedire |
yatrāraṇye sādhavaśca sādhvyo vasanti koṭiśaḥ || 10 ||
[Analyze grammar]

yatrā''śrame hareḥ patnyaḥ koṭikanyā vasanti ca |
yatra mokṣapradā tvāste divyā kuṃkumavāpikā || 11 ||
[Analyze grammar]

yatra divyaṃ tvaśvapaṭṭasarovaraṃ pravartate |
sa deśo divyatāsampādako yatra harermahān || 12 ||
[Analyze grammar]

prāsādo vidyate ramyo golokādadhikojjvalaḥ |
yatra śrīkambharālakṣmīryatra gopālakṛṣṇakaḥ || 13 ||
[Analyze grammar]

rājante śrībālakṛṣṇānvitāḥ samantataḥ prajāḥ |
tādṛśaḥ sa mahādivyo nandanopavanadyutiḥ || 14 ||
[Analyze grammar]

pradeśo vīkṣitastābhirdaityābhirvyomamārgataḥ |
vajrasphaṭikapāṣāṇaḥ pravālāṃkuraśarkaraḥ || 15 ||
[Analyze grammar]

nīlā'malamṛttikāḍhyo jalanirjharaśobhitaḥ |
vicitrakusumopetairlatāmañjarīdhāribhiḥ || 16 ||
[Analyze grammar]

reje yaḥ prāṃśubhirvṛkṣairullikhadbhirivā'mbaram |
sthalyastatrā'dhikaṃ rejurnānādhātuparisravaiḥ || 17 ||
[Analyze grammar]

vicitrakusumopetāścitritā iva sarvataḥ |
tāsu ketakikhaṇḍāśca kundaṣaṇḍāśca puṣpitāḥ || 18 ||
[Analyze grammar]

unmīlitā ivā''bhānti dhātakīvanarājibhiḥ |
bhinnendranīlavimalairdhautaiḥ prasravaṇāmbubhiḥ || 19 ||
[Analyze grammar]

citraiḥ kusumasaṃchannairdhātuprastaravistaraiḥ |
krīḍadbhirdevamithunairnṛtyadbhiścāpsarogaṇaiḥ || 20 ||
[Analyze grammar]

kūjadbhiḥ śikhibhirmattaiḥ śobhito deśa ujjvalaḥ |
kalhārakusumopeto haṃsasārasasevitaḥ || 21 ||
[Analyze grammar]

prasannasalilākīrṇaḥ sarobhiḥ phullapaṃkajaiḥ |
siṃhayūthānukīṇābhirjuṣṭābhirmṛgapakṣibhiḥ || 22 ||
[Analyze grammar]

sevitābhirmunigaṇaiḥ sthālībhirupaśobhitaḥ |
kinnarodgītalalitaḥ parapuṣṭānināditaḥ || 23 ||
[Analyze grammar]

vidyādharaśatākīrṇo devagandharvasevitaḥ |
dhārāpātaiśca meghānāṃ visphulliṃgaiḥ sahasraśaḥ || 24 ||
[Analyze grammar]

prakāśito muhurmṛduramyaharitaśādvalaḥ |
sarvartukavanodyānaḥ puṣpākarasuśobhitaḥ || 25 ||
[Analyze grammar]

yajñakimpuruṣāvāso guhyakānāmathāśrayaḥ |
muktānāṃ pārṣadānāṃ vaiṣṇavānāṃ vāsaśobhanaḥ || 26 ||
[Analyze grammar]

varado yatra bhagavān kṛṣṇanārāyaṇaḥ prabhuḥ |
sarvāmaragururdevo nityaṃ sannihito hariḥ || 27 ||
[Analyze grammar]

bhaktānukampī sa śrīmān cādhyāste pārṣadaiḥ saha |
vimānayāyinaḥ sarve yaṃ devaṃ parameśvaram || 28 ||
[Analyze grammar]

āyānti sevituṃ devā vareṇyamajamacyutam |
anye devanikāyāśca sevituṃ prapatanti yam || 29 ||
[Analyze grammar]

tadadhiṣṭhānarūpo'yaṃ deśaḥ strībhirvilokitaḥ |
daityābhirvīkṣito deśaḥ śrāvaṇe'timanoharaḥ || 30 ||
[Analyze grammar]

vṛkṣaśākhāsu kanyābhiścāndolito hariḥ patiḥ |
pratidrulambidolāyāṃ vīkṣitaḥ parameśvaraḥ || 31 ||
[Analyze grammar]

āścaryaṃ tā gatā dṛṣṭvā patināśakaraṃ harim |
cukrudhuścāti taṃ kṛṣṇaṃ hantuṃ peturdrume drume || 32 ||
[Analyze grammar]

yadyaddrumasya śākhāyāṃ preṃkhā kṛṣṇasya lambate |
sa sa vṛkṣo'bhavad devo vṛkṣarūpī prasevakaḥ || 33 ||
[Analyze grammar]

sa sa vṛkṣo'bhavat drāk ca śastradhṛk devapūruṣaḥ |
rakṣituṃ taṃ bhagavantaṃ hantuṃ tā daityayoṣitaḥ || 34 ||
[Analyze grammar]

ākāśe eva rākṣasyo yuddhaṃ devairvyadhustadā |
bhindīpālaistomaraiśca mūśalairasthihetibhiḥ || 35 ||
[Analyze grammar]

vṛkṣaśākhābhirugrābhirvaṃśaiḥ prastarakaṇṭakaiḥ |
pāṣāṇairyaṣṭibhiścāpi keśākeśi tataḥ punaḥ || 36 ||
[Analyze grammar]

devā vṛkṣā rākṣasībhiryuyudhurna ca jīvataḥ |
na jaghnurmarmabhāgeṣu komalāṃgeṣu naiva ca || 37 ||
[Analyze grammar]

strījātiṃ na vihanyādvai matvaivaṃ prāṇato na tāḥ |
nāśayāmāsurugrāstāstataḥ kanyābhireva ca || 38 ||
[Analyze grammar]

smṛtaḥ kṛṣṇaprabhurjñātvā nārīryuddhapramardinīḥ |
drāgeva bhagavāṃstatra dvedhā bhūtvā samāgataḥ || 39 ||
[Analyze grammar]

kālalakṣmīrūpadharaḥ sarvaśastrānvitaḥ prabhuḥ |
sahasrabhujavān hastisthito vyomnā samāyayau || 40 ||
[Analyze grammar]

śveto hastiḥ pakṣayukto jagarja tvambare yadā |
pratidhvanyā sphuṭakarṇā rākṣasyo vihvalāstadā || 41 ||
[Analyze grammar]

mūrchāmavāpurākāśe nipeturvanabhūtale |
anyāstu dudruvurhastinaṃ tu nāśayituṃ hariḥ || 42 ||
[Analyze grammar]

kālalakṣmīsvarūpastā jaghāna jīvatastadā |
mriyamāṇā dvidhā chinnā bhinnāḥ peturmṛtāḥ striyaḥ || 43 ||
[Analyze grammar]

tāsāmātmā kālalakṣmyā layaṃ yāto muhurmuhuḥ |
kiśoraścāpararūpaḥ kṛṣṇanārāyaṇastadā || 44 ||
[Analyze grammar]

kanyakāmadhyavartī ca vireje lomaśāśrame |
kāścid daityayūthapatnyo hastinā śuṇḍhayā hatāḥ || 45 ||
[Analyze grammar]

anyāḥ śastrairhatā lakṣmyā niḥśeṣā naṣṭatāṃ gatāḥ |
mṛtāstā divyatāṃ prāptā yathā devyo virejire || 46 ||
[Analyze grammar]

mubhuhuḥ śrīkṛṣṇānārāyaṇaṃ dṛṣṭvā kiśorakam |
arthayāmāsuratyarthaṃ parameśvaramīśvaram || 47 ||
[Analyze grammar]

kānto bhava sadā'smākaṃ hyanāthānāṃ prarakṣakaḥ |
mṛtā daityaguṇairhīnā jātāstava pratāpataḥ || 48 ||
[Analyze grammar]

kanyakāsu ca no vāsaṃ dehi lomaśasannidhau |
sevāṃ kartuṃ samīhā naḥ sadā te'sti kṛpākara || 49 ||
[Analyze grammar]

tathā'stviti hariḥ prāhā'yutadivyāstu kanyakāḥ |
ūnadvādaśavārṣikyo'bhavan kṛṣṇapratāpataḥ || 50 ||
[Analyze grammar]

rūpānurūpāvayavā priyā rādhāramāsamāḥ |
tābhyo dadau lomaśaśca mantraṃ śrīvaiṣṇavottamam || 51 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
taulasīṃ mālikāṃ kaṇṭhe lalāṭe tilakaṃ śubham || 52 ||
[Analyze grammar]

pītaśāṭīrdadau haste mālikāṃ japasādhanīm |
jñānaṃ vidyāṃ dadau tābhyo vāsaṃ dadau nijāśrame || 53 ||
[Analyze grammar]

tāśca sarvā bālakṛṣṇacaraṇau dugdhadhārayā |
prakṣālya ca papustasya prasādānnaṃ phalādikam || 54 ||
[Analyze grammar]

bhakṣayāmāsuratyāptapremṇā dāsyena tāstadā |
lomaśaśca tatastābhyaḥ sarvābhyaḥ śaraṇāgatim || 55 ||
[Analyze grammar]

bodhayāmāsa vai ṣoḍhā sarvasamarpaṇātmikām |
kanyāḥ śṛṇuta sarvā vai kṛṣṇārthakṛtaniścayāḥ || 56 ||
[Analyze grammar]

nārīdehaḥ parārtho'sti paraḥ śrīpuruṣottamaḥ |
tadarthaṃ sarvathā bhāvyaṃ nārībhiḥ patibhaktibhiḥ || 57 ||
[Analyze grammar]

patireva parabrahma tārako mokṣadāyakaḥ |
śatajanmakṛtapuṇyāt kanyā bhavati dhārmikī || 58 ||
[Analyze grammar]

sahasrajanmapuṇyaistu bhavet kṛṣṇārpitā tu sā |
lakṣajanmārjitapuṇyaiḥ kṛṣṇapatnī bhavet satī || 59 ||
[Analyze grammar]

yūyaṃ sarvāḥ kṛṣṇapatnyaḥ kṛpayā stha na saṃśayaḥ |
kasmāt kutaśca tāvadvai puṇyamupārjitaṃ bhavet || 60 ||
[Analyze grammar]

hareryogātpuṇyavārdhiḥ śevadhiriva vardhate |
kāmāt krodhācca saṃyogāllobhānmohādapi prabhau || 61 ||
[Analyze grammar]

tallīnāstadadhīnāścet sarvaṃ puṇyamupārjitam |
evaṃ yūyaṃ cādya jātā lakṣmīhastagatāḥ striyaḥ || 62 ||
[Analyze grammar]

vaireṇāpi hareryogāt puṇyaṃ prāptā hi śāśvatam |
anādiśrīkṛṣṇanārāyaṇasyā'nugrahānmama || 63 ||
[Analyze grammar]

āśrame parito māyā naivā''viśati kācana |
māyāparo'yaṃ deśo'sti lomaśasya mamāśrayaḥ || 64 ||
[Analyze grammar]

kāmakrodhādidoṣāstu doṣiṇāṃ prajvalanti vai |
ye mamāśramabhāgasyopari vyomni prayānti tu || 65 ||
[Analyze grammar]

uparito'pi gacchanti teṣāṃ naśyanti vai hṛdaḥ |
doṣā rāgādayaścāpi paśūnāmapi pakṣiṇām || 66 ||
[Analyze grammar]

devānāṃ dānavānāṃ ca daityānāṃ cāpi yoṣitām |
saṃsāriṇāṃ ca saṃsāro mithyāvidvāsanātmakaḥ || 67 ||
[Analyze grammar]

āmūlato layaṃ yāti mamāśramaniṣevaṇāt |
atrāśrame kṛtavāsā divyā bhavanti dehinaḥ || 68 ||
[Analyze grammar]

śāntisteṣāṃ sadā dāsye śrīkṛṣṇasya pratāpataḥ |
yūyaṃ sarvā hariṃ kṛṣṇaṃ bhajathā'tra tadāśritāḥ || 69 ||
[Analyze grammar]

hareḥ prāptiṃ vinā nānyad vāñcchanīyaṃ viśiṣyate |
tasya bhaktiṃ hi kuruta dhyānaṃ carata tasya vai || 70 ||
[Analyze grammar]

sevāṃ labhadhvaṃ tasyaiva nityaṃ nityamatandritāḥ |
gataṃ pāpaṃ gato bhāvo daityatā vṛddhatā gatā || 71 ||
[Analyze grammar]

gatā bhīrmaraṇaṃ cāpi gataṃ yuṣmākamārttidam |
sarvaṃ labdhaṃ ca labdhavyaṃ prāptavyaṃ prāptamityapi || 72 ||
[Analyze grammar]

kṛtaṃ kṛtyaṃ ca yāvadvai nā'to'nyadavaśiṣyate |
sevadhvaṃ ṣaḍvidhaṃ dāsyaṃ hṛdi kṛtvā tu kanyakāḥ || 73 ||
[Analyze grammar]

viśvāso mādhave kāryo yathā'patyasya mātari |
varadānaṃ varaṇaṃ ca tasmin kāryaṃ tvameva me || 74 ||
[Analyze grammar]

sannyāsaḥ sarvathā tasmin kṛṣṇe dehasya dehinām |
kārpaṇyaṃ cāpi kaiṃkaryaṃ bhṛtyavat paramātmani || 75 ||
[Analyze grammar]

sadā sthairyaṃ sukhe duḥkhe pātivratyaṃ na cetarat |
mama kāntasyā'nukūlyaṃ tadicchecchā tu māmakī || 76 ||
[Analyze grammar]

prātikūlyaṃ na me tasya tadaniṣṭaṃ tu neṣyate |
ityevaṃ svāmisaukhye svasaukhyaṃ manyeta māninī || 77 ||
[Analyze grammar]

svāmiduḥkhe tu yā'śāntā duḥkhinī bhavati dhruvam |
svātmavad vartate tasmin kānte deve parātmani || 78 ||
[Analyze grammar]

sarvaṃ tasmai pradātavyaṃ śaraṇaṃ yā samicchati |
sa evā'tra pitā pātā sa eva jananī januḥ || 79 ||
[Analyze grammar]

kṛṣṇa eva mahān bandhurbhrātā svasā hariḥ svayam |
kṛṣṇa eva kaniṣṭho'pi cānujo duhitā'pi saḥ || 80 ||
[Analyze grammar]

kṛṣṇa eva patiḥ patnī snuṣā vadhūrharirmama |
kṛṣṇa eva śvaśuraśca śvaśrūrnanāndā cātmajā || 81 ||
[Analyze grammar]

putraḥ putrī sakhī mitraṃ kṛṣṇa eva sadā mama |
kṛṣṇanārāyaṇo bhrātā rājā bhatyaśca kiṃkaraḥ || 82 ||
[Analyze grammar]

sevakaśca guruḥ kṛṣṇaḥ śikṣakaśca purohitaḥ |
darśakaḥ sārtha evā'yaṃ gṛhaṃ gṛhapatiḥ prabhuḥ || 83 ||
[Analyze grammar]

āśrayaḥ phaladaścāpi mama śreṣṭhoṃ sa mādhavaḥ |
mama kṣetraṃ vāṭikā ca mama dravyaṃ hariḥ svayam || 84 ||
[Analyze grammar]

sambandhī me keśavaḥ sa bālaḥ sa bālikā mama |
mama hṛdyo mahīmānaḥ prāghūṇiko mama prabhuḥ || 85 ||
[Analyze grammar]

sapatnī me sadā kṛṣṇaḥ sapatno māyike mama |
mayi draṣṭā mayi śrotā mayi spraṣṭā janārdanaḥ || 86 ||
[Analyze grammar]

ghrātā rasayitā kṛṣṇo mayi mantā hariḥ sa vai |
gantā mayi grahitā sa vaktā''nandayitā mayi || 87 ||
[Analyze grammar]

visarjayitā kṛṣṇaḥ sa boddhā cintayitā mayi |
nirṇetā saḥ prāpayitā vettā vidvān sa vai mayi || 88 ||
[Analyze grammar]

tarpayitā modayitā ratnā mayi hariḥ sa ca |
goptā cākarṣayitā ca garbhe kukṣau sa me hṛdi || 89 ||
[Analyze grammar]

prāṇayitā jīvayitā'ntarātmā me pumuttamaḥ |
sākṣī cetā patiḥ kṛṣṇaḥ sarvā'haṃ tanmayī vadhūḥ || 90 ||
[Analyze grammar]

tasya sarvaṃ mayi cāhaṃ tasmin śrīparamātmani |
ityevaṃ putrikā yūyaṃ bhavatā'sminniveditāḥ || 91 ||
[Analyze grammar]

yanmiṣṭaṃ yacca me hṛdyaṃ yanmādhuryaṃ yacchītalam |
tatsarvaṃ me bālakṛṣṇaścaivaṃ bhavata dāsikāḥ || 92 ||
[Analyze grammar]

gopāyanti yathā gopyaṃ prabhurgopyatamo hariḥ |
kāntaḥ so'yaṃ gopanīyaḥ kartavyaṃ nā'vaśiṣyate || 93 ||
[Analyze grammar]

kāntārthaṃ gopanaṃ sarvaṃ kāntāgre naiva gopanam |
kāntavad bhāvyate kṛṣṇastataḥ kāntāyate hi saḥ || 94 ||
[Analyze grammar]

kāntāyate yathā kāntā kāntaṃ pratyabhikāmukī |
kṛṣṇaḥ kṛṣṇāyate kṛṣṇāṃ kṛṣṇaṃ pratyabhikāmukīm || 95 ||
[Analyze grammar]

anādiśrīkṛṣṇanārāyaṇo yuṣmāsu vartate |
abhinnastiṣṭhati dravyaṃ śāśvataṃ cāvyayaṃ hi saḥ || 96 ||
[Analyze grammar]

sa eva militaścā'tra gopālakṛṣṇamandire |
kambharāśrīnandanaḥ sa prāpto yuṣmadvrataṃ hi saḥ || 97 ||
[Analyze grammar]

bhojane śayane snāne dhyāne yāne samāsane |
vihāre ramaṇe pāne viśrāme ca pravartane || 98 ||
[Analyze grammar]

vikṛtau sukṛtau saumye juṣadhvaṃ taṃ viṣādane |
nivartane ca nidrāyāṃ juṣadhvaṃ taṃ priyaṃ patim || 99 ||
[Analyze grammar]

evaṃ kriyākalāpaṃ svaṃ samarpayata tatra vai |
etāvacchāstravistāraścaitāvattvanuśāsanam || 100 ||
[Analyze grammar]

oṃ śāntirastuviratirbhavatīnāṃ narāyaṇe |
sarvakāmalayaścā'stu bhavatīnāṃ parātmani || 101 ||
[Analyze grammar]

ityupādiśya munirāṭ māyākṣālanasadbalaḥ |
kanyābhyaḥ sa ca saṃvāsān dadau parṇālayeṣu vai || 102 ||
[Analyze grammar]

svayaṃ dhyāne nimagno'bhūt kanyābhirbhojitāśca tāḥ |
pūjitā vanditāḥ svāgatādibhiścā'bhiyojitāḥ || 103 ||
[Analyze grammar]

tatastā api nityaṃ vai śuśruvuḥ paramāḥ kathāḥ |
lakṣmīnārāyaṇasaṃhitāyāḥ prātaḥ sāyaṃ dine dine || 104 ||
[Analyze grammar]

prātarnityaṃ pūjayanti sma śrīkṛṣṇaṃ patiṃ priyam |
janmanaḥ saphalatvaṃ ca kurvantyeva divāniśam || 105 ||
[Analyze grammar]

ityevaṃ rādhike te'tra kathitāṃ divyatāpradām |
patyarthaṃ prāṇadātrīṇāṃ kathāṃ kṛṣṇanivedinīm || 106 ||
[Analyze grammar]

yāsu nāsti sadācāro yāsu nāsti ca sevanam |
bhaktirārādhanā yāsu nāsti kṛṣṇasya bhāvanam || 107 ||
[Analyze grammar]

tāsāṃ tuṣṭo hariścāyaṃ tvanugrahaparāyaṇaḥ |
kṛpāsādhyo mahārājo vavarṣa sīmato'tigaḥ || 108 ||
[Analyze grammar]

kartumakartumanyathākartuṃ śaktaḥ parātparaḥ |
daityajātīn devajātīn brahmajātīn karoti vai || 109 ||
[Analyze grammar]

pāpātpāpatamaścāpi paṭhanācchravaṇādapi |
devavanmuktavat kṛṣṇapatnīvat saṃprajāyate || 110 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kaṃkatāladaityapatnīnāṃ yuddhe kuṃkumavāpikākṣetre kṛṣṇakāntātvaṃ lomaśakṛtabālakṛṣṇātmaniveditopadeśaścetyādinirūpaṇanāmā saptadaśo'dhyāyaḥ || 17 ||
[Analyze grammar]