Chapter 14

śrīkṛṣṇa uvāca |
śrūyatāṃ rādhike yuddhaṃ nārīṇāṃ caṇḍayoṣitām |
pherurājagṛhiṇīnāṃ rākṣasīnāṃ bhayānakam || 1 ||
[Analyze grammar]

dāruṇaṃ sarvathānāśakaraṃ prāṇārpaṇātmakam |
patayo'tra mṛtā yasmānmartavyaṃ tatra bhasmasu || 2 ||
[Analyze grammar]

iti kṛtvā yuyudhustā maraṇāṃkagatā yathā |
bhayaṃ tyaktvā hariṃ dṛṣṭvā hanyatāṃ hanyatāmiti || 3 ||
[Analyze grammar]

khaṇḍaśaḥ kūrcabhāgāśca vidhīyantāṃ pracukruśuḥ |
samudrasya yathā pūrapravāhaḥ pūrṇimādine || 4 ||
[Analyze grammar]

tathā sainyaṃ rākṣasīnāṃ bālakṛṣṇagṛhe'patat |
kanyakānāṃ mahāsainyaṃ miśritaṃ na tadā pṛthak || 5 ||
[Analyze grammar]

bhāti yataśca tāḥ krūrā mṛtvā'pi bālakṛṣṇakam |
uddhartuṃ pūravaccāpi prasahyāpi yathākatham || 6 ||
[Analyze grammar]

dhartavyo mārayitavyo jīvato nā'sumān bhavet |
ityeva maraṇaṃ cā'gre kṛtvā hantuṃ pradhāvitāḥ || 7 ||
[Analyze grammar]

pralaye śalabhā vyomno yathā patanti bhūtale |
tathā patanti tāḥ sarvā rākṣasyo bālamandire || 8 ||
[Analyze grammar]

dṛṣṭvaivaṃ vaiparītyaṃ tu bālakṛṣṇastadā prabhuḥ |
prahasan kuṃkumavāpīkṣetraṃ līnaṃ cakāra ha || 9 ||
[Analyze grammar]

rākṣasyastatra ha gṛhasthale vane jalātmakam |
sarvaṃ cākasmikaṃ dṛṣṭvā nirāśā yayurambaram || 10 ||
[Analyze grammar]

kanyakābhirmahāyuddhaṃ cakraḥ roṣātisaṃbhṛtāḥ |
kanyakā divyadehāstā vadhyante śastrakoṭibhiḥ || 11 ||
[Analyze grammar]

na ca tāsāṃ śarīrāṇi bhidyante vahnipiṇḍavat |
na ca duḥkhāni jāyante chedanāni bhavanti na || 12 ||
[Analyze grammar]

svāmivarmasamāvṛttā rakṣāmantrābhirakṣitāḥ |
na mriyante kṛṣṇapatnyo mriyante daityayoṣitaḥ || 13 ||
[Analyze grammar]

chidyante bahudhā śastraiḥ kanyakānāṃ tadolbaṇaiḥ |
dvedhā bhūtā rākṣasī yā sā naikā punarasti vai || 14 ||
[Analyze grammar]

hatā sā jīvato yātā gatā nāyāti vai punaḥ |
ākāśaṃ yuddhasaṃvyāptaṃ raṇacaṇḍīvibhūṣitam || 15 ||
[Analyze grammar]

abhavanmodamāpannaṃ cāvakāśān dadau bahūn |
sahasrakrośapāre vai yuddhākāśo'bhavattadā || 16 ||
[Analyze grammar]

samantataḥ surāṣṭre vai koṭyabjārbudayoṣitām |
eko'pi vidyate nā'tra pumān raṇaglahe tadā || 17 ||
[Analyze grammar]

rākṣasīnāṃ kabandhāśca śirāṃsi bāhavaḥ stanāḥ |
sakthīni ca nitambāśca vyomno nipeturambarāt || 18 ||
[Analyze grammar]

raktavarṣaṃ māṃsavarṣaṃ piṇḍavarṣaṃ babhūva ha |
keśavarṣaṃ śastravarṣaṃ śavavarṣaṃ babhūva ha || 19 ||
[Analyze grammar]

aṃgavarṣaṃ candranibhakhaṇḍavarṣaṃ babhūva ha |
navanītasamā dehā vidāryante'tikomalāḥ || 20 ||
[Analyze grammar]

pātyante patidevārthaṃ parasparaṃ priyāgaṇaiḥ |
yamarājaḥ kṣaṇaṃ yuddhaṃ draṣṭuṃ śrutvā samāgataḥ || 21 ||
[Analyze grammar]

devā ākāśagā yuddhaṃ lokayanti na bhūtajam |
yadā daityastrīgaṇaiśca vijñātaṃ nijanāśanam || 22 ||
[Analyze grammar]

kanyakāśāśvatikatvaṃ tadā mantraiḥ pramantrya ca |
muktānyastrāṇi divyāni bhūtasaṃhārakāṇi vai || 23 ||
[Analyze grammar]

rākṣasībhiḥ prathamaṃ ca bāṣpāstraṃ prahitaṃ tadā |
bāṣpaṃ cā'bhūdambareti nā'jñāyata tṛṇādikam || 24 ||
[Analyze grammar]

lakṣmyā muktaṃ kiraṇāstraṃ bāṣpanāśo babhūva ha |
atha mumoca vai śukrajīvanī dhūmramastrakam || 25 ||
[Analyze grammar]

ambaraṃ dhūmrasaṃchannaṃ netrayorjvalanaṃ hyabhūt |
añjanī ca tadā dhūmrapānaṃ sarvaṃ vidhāya ca || 26 ||
[Analyze grammar]

mumoca tatra vahnyastraṃ rākṣasīlayakārakam |
śukrasañjīvanī tatra meghāstraṃ pramumoca ha || 27 ||
[Analyze grammar]

vṛndā tadā pramumoca śālagrāmāstrakaṃ mahat |
ākāśe śālaśailā vai tāḍayanti tu rākṣasīḥ || 28 ||
[Analyze grammar]

koṭarā rākṣasī śālagrāmāstraṃ tvagilat tadā |
pāṃśvastraṃ pramumocā'tra dhūlyāḍhyaṃ śukrajīvanī || 29 ||
[Analyze grammar]

añjanī tu tadā vāyumantrāstraṃ pramumoca ha |
nāgāstraṃ ṣaṇḍhikā tatra prerayāmāsa sarvataḥ || 30 ||
[Analyze grammar]

gāruḍāstraṃ ca kamalā pramumoca sukhāvaham |
vṛścikāstraṃ pramumoca vikhātā rākṣasī tadā || 31 ||
[Analyze grammar]

cillikāstraṃ pramumoca garutmatī tadā punaḥ |
vahnyaṇuvṛṣṭimakarot prāṇahā śukrajīvanī || 32 ||
[Analyze grammar]

śāradā vahnivṛṣṭiṃ ca jagrāsa līlayā tadā |
atha rākṣasapatnyastā māyāyuddhaṃ tadā vyadhuḥ || 33 ||
[Analyze grammar]

pāṣāṇān maruto vṛkṣān māṃsalohitapūyakān |
sasṛjurmadyadhārāśca bāṇān śastrāṇi sarvaśaḥ || 34 ||
[Analyze grammar]

varṣayāmāsuratyugrān sphoṭacūrṇān savahnikān |
hetīn samantatastīkṣṇān malamūtrādikāṃstathā || 35 ||
[Analyze grammar]

hāhākārastadā jāto bhūtale kanyakāgaṇe |
tadā tu yoginīcakraṃ catuḥṣaṣṭigaṇātmakam || 36 ||
[Analyze grammar]

vidhāya nijarūpāṇi dharādharasamāni vai |
jagrasustāḥ samastāśca māyā mṛṣodbhavā muhuḥ || 37 ||
[Analyze grammar]

āmūlāllayamāpannā yoginībaladharṣitāḥ |
māyā vṛṣṭisvarūpāstā layaṃ yātāstadā punaḥ || 38 ||
[Analyze grammar]

pherucitākhyākṣasyā śavānāṃ varṣaṇaṃ kṛtam |
koṭiśo vai śavā vyomno nipeturyoṣitāṃ tathā || 39 ||
[Analyze grammar]

kukkuṭīnāṃ ca gṛdhrīṇāṃ kākīnāṃ śukayoṣitām |
śyenīnāṃ bhāsanārīṇāṃ kapotīnāṃ śavāstathā || 40 ||
[Analyze grammar]

kravyādīnāmulūkīnāṃ śyenīnāṃ cibarīśavāḥ |
nipeturambarāttatra bhūtalaṃ channatāṃ gatam || 41 ||
[Analyze grammar]

tadā vilokya vai śaṃbhorbhairavī hi mahāsatī |
rūpaṃ cakāra vai naijaṃ daśayojanamāyatam || 42 ||
[Analyze grammar]

lakṣabāhuyutaṃ lakṣarākṣasī śavasarjinīḥ |
jagrāha yugapatsarvā mardayāmāsa tāstataḥ || 43 ||
[Analyze grammar]

lakṣapādairmūḍhmāraistadā cakruśurulbaṇam |
śavasṛṣṭirlayaṃ yātā mṛṣā māyā layaṃ gatā || 44 ||
[Analyze grammar]

atha tadā tu bhairavyā hastagā daityayoṣitaḥ |
pratārayituṃ hastebhyo nirgantuṃ yatnamācaran || 45 ||
[Analyze grammar]

ekaikāstāḥ kare cakru rūpāṇyasaṃkhyakāni hi |
kāścid daśa tathā kāścit pañcāśaccāparāḥ śatam || 46 ||
[Analyze grammar]

yathā haste mamurnaiva tathā tā vyacarat kalāḥ |
bhairavī nijahastānāṃ vardhanaṃ tvakarottadā || 47 ||
[Analyze grammar]

tathā tā api rākṣasyo vṛddhiṃ naijāṃ dadhustadā |
evaṃ bhāre tu mahati tvasaṃkhyadehasarjane || 48 ||
[Analyze grammar]

bhairavīkaratastā vai vinirgatya vimuṣṭikāt |
jagarjurvyomamārgasthā bhairavīṃ mastake muhuḥ || 49 ||
[Analyze grammar]

tāḍayāmāsuratyarthamasaṃkhyā rākṣasastriyaḥ |
prāṇaglahe sthitāstābhirmṛtyubhīrnaiva gaṇyate || 50 ||
[Analyze grammar]

atha dṛṣṭvā mahālakṣmīrasaṃkhyā rākṣasīstadā |
koṭyasaṃkhyasvarūpāstā anantarūpadhāriṇīḥ || 51 ||
[Analyze grammar]

svayaṃ mātā mahālakṣmīḥ smṛtvā kṛṣṇanarāyaṇam |
dadhāra rūpaṃ brahmāṇḍatulyaṃ koṭibhujāyutam || 52 ||
[Analyze grammar]

grahanakṣatratārādyā lambante mūrdhajeṣu vai |
yasyāḥ sā tu mahāghorā sarvaśastraprahāriṇī || 53 ||
[Analyze grammar]

mārayāmāsa saṃgṛhya saṃgṛhya rākṣasīrmuhuḥ |
anyā lakṣmyaścaturhastā aṣṭahastāstathā'parāḥ || 54 ||
[Analyze grammar]

ṣoḍaśahastikāścānyā dvātriṃśaddhastasaṃyutāḥ |
catuḥṣaṣṭibāhuyuktāḥ śatasāhasrasatkarāḥ || 55 ||
[Analyze grammar]

daśasāhasrahastāśca mahālakṣmyā vinirmitāḥ |
ghnanti tā rākṣasīrvyomni samutplutya punaḥ punaḥ || 56 ||
[Analyze grammar]

bahvyastatra hatā naṣṭā vyasavaḥ peturarditāḥ |
mṛtāstāstu mṛtā eva punarutthānavarjitāḥ || 57 ||
[Analyze grammar]

tadātmāno mahālakṣmyāmantarbhāvaṃ prapedire |
balaṃ tvardhādhikaṃ sarvaṃ naṣṭaṃ rākṣasayoṣitām || 58 ||
[Analyze grammar]

mahālakṣmīrbhīrulakṣmīranyā lakṣmyastataḥ kṣaṇam |
vilokya vijayaṃ naijaṃ raṇatūryāṇyavādayan || 59 ||
[Analyze grammar]

kanyakāḥ śrībālakṛṣṇayutā modamathā'labhan |
athaikā rūḍhikā tatra rākṣasī śailarūpiṇī || 60 ||
[Analyze grammar]

bhūtvā papāta vai vyomno bālakṛṣṇopari drutam |
tāvattalājā hyabhavanmahacchailagṛhopamā || 61 ||
[Analyze grammar]

kuṃkumavāpikākṣetraṃ talājāśailarakṣitam |
abhavat kanyakā garbhaṃ bhayaṃ dūraṃ tato gatam || 62 ||
[Analyze grammar]

rūṇḍhikā vegato yāvattalājāparvate'patat |
chinnā bhinnā ca śikharairvidīrṇā ca mṛtā'bhavat || 63 ||
[Analyze grammar]

athā'parā bhūmitalaṃ praviśya kṣitijātmikā |
hyabhavad dīrgharūpā vai śatayojanamāyatā || 64 ||
[Analyze grammar]

dardūṃrīrūpamāpannā daśayojanamucchritā |
adharoṣṭhaḥ kṛtaḥ pṛthvyāstalarūpaḥ suśobhanaḥ || 65 ||
[Analyze grammar]

ūrdhvoṣṭhaśca kṛtaḥ svargasamastārāmbarānvitaḥ |
yatra naiva hi kāsāñcid vibhramo bhayado bhavet || 66 ||
[Analyze grammar]

kāpaṭyena tathā kṛtvā sarvāstu kanyakāstathā |
kuṃkumavāpikākṣetraṃ cāśvapaṭṭasarovaram || 67 ||
[Analyze grammar]

lomaśasyā''śramaścāpi mukhamadhye cakāra sā |
tāvannārāyaṇaḥ kṛṣṇo jñātvā duśceṣṭitaṃ tadā || 68 ||
[Analyze grammar]

rākṣasyāstu vināśārthaṃ tathā kautukasṛṣṭaye |
svayaṃ vai kanyakārūpaṃ dadhāra kanyakāsu vai || 69 ||
[Analyze grammar]

cakraṃ sudarśanaṃ divyaṃ kare kṛtvā gale sthitaḥ |
kṛṣṇaḥ kṛṣṇānāmakanyā vyarājata kṣaṇaṃ tadā || 70 ||
[Analyze grammar]

sudarśanaṃ mahātejovahniyuktaṃ mumoca saḥ |
vahniyuktena cakreṇa tasyā galamukhodaram || 71 ||
[Analyze grammar]

cakarta khaṇḍaśastāṃ vai maṇḍukīṃ rūṇḍhikāṃ kṣaṇāt |
tasyā medā'sthito jātāścākacakyaciroṭikāḥ || 72 ||
[Analyze grammar]

athā'nyā dāminīnāmnī rākṣasī vīkṣya vai mṛtām |
dardūrikāṃ svayaṃ tejomayaṃ rūpaṃ dadhāra ca || 73 ||
[Analyze grammar]

vyomavyāptaṃ mahāvidyujjvālāmālākulaṃ tataḥ |
sudarśanamagilat sā mukhaṃ vyādāya vaiṣṇavam || 74 ||
[Analyze grammar]

tāṃ ca bhittvā viniryātaṃ drāgeva tat sudarśanam |
yathā vidyullatāṃśāśca nipateyuḥ kṣitau tathā || 75 ||
[Analyze grammar]

dāminī rākṣasī khaṇḍamayī papāta bhūtale |
athā'nyā dyuhanā tatra vapurnirmāya sūryavat || 76 ||
[Analyze grammar]

bālakṛṣṇaṃ mukhe nyasyotpapāta khaṃ divaṃ prati |
vīraśistāvadevā'tra saṃvīkṣya lomaśaṃ munim || 77 ||
[Analyze grammar]

mukhe nyasyotpapātordhvaṃ yayau dūraṃ yadā'mbaram |
kṛṣṇanārāyaṇo bālo lomaśo'pi ca yogirāṭ || 78 ||
[Analyze grammar]

vahnirūpāvubho tatraudare jātau hi dāruṇau |
vahninā jajjvalatuśca rākṣasyau mamratustathā || 79 ||
[Analyze grammar]

udare ca viniṣpāṭya nirgatau lomaśā'cyutau |
athā'nyā dāminī vahnirūpā'bhavat tadāśrame || 80 ||
[Analyze grammar]

lomaśasyā''śramaṃ sarvaṃ kṣetraṃ kuṃkumavāpikam |
dadāha vahninā yāvat kiñcinmātraṃ tadā drutam || 81 ||
[Analyze grammar]

bālāhakī mahālakṣmīrvṛṣṭirūpā babhūva ha |
vahniṃ ca rundhayāmāsa śāntayāmāsa varṣaṇaiḥ || 82 ||
[Analyze grammar]

dhṛtvā tu dāminīṃ tatra jaghāna prāṇataḥ satī |
mṛtā sā dāminī tatra prasārya pādahastakau || 83 ||
[Analyze grammar]

athā'parā ca dhībhakṣyānāmnī rākṣasakāminī |
devīṃ tu kambharālakṣmīṃ skandhe nidhāya khaṃ yayau || 84 ||
[Analyze grammar]

dṛṣṭvā tadā tu sā sādhvī muṣṭyā jaghāna dhīmakhīm |
brahmarandhre mṛtā dhībhakṣiṇī tūrṇaṃ papāta ha || 85 ||
[Analyze grammar]

śauṇḍī vyāghrīrūpadharī bhūtvā gopālakṛṣṇakam |
jagrāha pitaraṃ yāvattāvat pārvatī kārabhī || 86 ||
[Analyze grammar]

bhūtvā vyāghrīṃ cakhādaināṃ pitā svastho'bhavattadā |
athā'nyā raṇacaṇḍībhiḥ kanyābhiḥ sarvatobalaiḥ || 87 ||
[Analyze grammar]

hatāstatramṛtāḥ sarvāḥ śatamātrā'vaśeṣitāḥ |
tāstadā śaraṇaṃ prāptāḥ kuṇṭhādiṣṭidamādikāḥ || 88 ||
[Analyze grammar]

kanyābhistā nigaḍeṣu dhṛtāḥ śastravihīnakāḥ |
vidhavāstāḥ kṛṣṇanārāyaṇaṃ smṛtvā praṇemire || 89 ||
[Analyze grammar]

rurudurbhayamagnāśca prārthayāmāsurīśvaram |
hatā nāthā hi naḥ kṛṣṇa vayaṃ te śaraṇaṃ gatāḥ || 90 ||
[Analyze grammar]

uddhāraya mahāduḥkhāt parātpara mahāprabho |
lakṣalakṣapralakṣāṇāṃ mūlakṛtrimayoṣitām || 91 ||
[Analyze grammar]

rākṣasīnāṃ mṛtānāṃ tvaṃ samuddhāraṃ samācara |
vayaṃ tu cā'balāḥ kṛṣṇa tava priyā hatāḥ khalu || 92 ||
[Analyze grammar]

kva gacchāmaḥ kṛpāsindho talājāvat nijāḥ kuru |
yathālakṣmīḥ ramā rādhā śrīḥ satī pārvatī prabhā || 93 ||
[Analyze grammar]

māṇikyā maṃjulā tāsāṃ dāsīnaiṃjāḥ kuru prabho |
yadvā tāsāṃ ca dāsīnāṃ dāsīrvidhehi mādhava || 94 ||
[Analyze grammar]

tvāṃ vinā na gṛhaṃ cānyat sukhadaṃ tvāyatau matam |
vayaṃ tūbhayatobhraṣṭā labhāmo vai kathaṃ sukham || 95 ||
[Analyze grammar]

tasmānnaijāḥ kuru kṛṣṇa kṣamāpyā'smatsudāruṇam |
karmaprajvālya rakṣatvaṃ divyabhāvaṃ pradehi naḥ || 96 ||
[Analyze grammar]

surāśca bhogino daityā dānavā rākṣasāḥ khagāḥ |
ṛṣayo munayo martyā vṛkṣādyāste prasūtayaḥ || 97 ||
[Analyze grammar]

tava vaṃśa samutpannāstava yogamupāgatāḥ |
kathaṃ pāpena jīvāmo'labhyakāntamupāgatāḥ || 98 ||
[Analyze grammar]

kuru naḥ pāvanīḥ sarvā rakṣobhāvavivarjitāḥ |
ityevaṃ tvarthitastābhiḥ kṛṣṇanārāyaṇaḥ prabhuḥ || 99 ||
[Analyze grammar]

tāḥ sarvā divyadṛṣṭyā ca divyā''pprokṣaṇakena ca |
dveṣabhāvena ca svasya satatasmaraṇena ca || 100 ||
[Analyze grammar]

dhūtapāpā gatarakṣobhāvāśca tā vyadhāttadā |
kāmadhenugavāmāsyairantaḥkṛtvā gavodarāt || 101 ||
[Analyze grammar]

mūtradvāreṇa tatraiva lomaśena nikāsitāḥ |
brahmayogyā abhavaṃstā divyadehā ramā yathā || 102 ||
[Analyze grammar]

visasmarustadā naijān janmasaṃskāravigrahān |
divyā devyo yathā tadvajjātāścandrakalā yathā || 103 ||
[Analyze grammar]

sarvāstāḥ kanyakāḥ kṛṣṇanārāyaṇasya vāñcchayā |
saumyā dvādaśavārṣikyo vaiṣṇavyastilakānvitāḥ || 104 ||
[Analyze grammar]

anyathākartṛkṛṣṇasya prabhāveṇa hi rādhike |
atha yāśca mṛtāḥ kṛṣṇamūrtau līnā raṇe tadā || 105 ||
[Analyze grammar]

tāśca sarvāḥ kṛṣṇamūrternirgatā divyakanyakāḥ |
lakṣasaṃkhyāśca tāḥ sūryojjvalāmbarāśca nirmalāḥ || 106 ||
[Analyze grammar]

kaṭakamukuṭacakrakuṇḍalaraśanānvitāḥ |
ajāyanta kṣaṇāt kṛṣṇanārāyaṇehayā priyāḥ || 107 ||
[Analyze grammar]

oṃnamaḥ śrīkṛṣṇanārāyaṇāya pataye svāhā |
mantraṃ śrīlomaśastābhyo dadau śrīharisannidhau || 108 ||
[Analyze grammar]

havanaṃ kārayitvā ca tābhyo'nyābhyaśca lomaśaḥ |
dadau yajñopavītāni pītāmbarāṇi mālikāḥ || 109 ||
[Analyze grammar]

taulasīrjapamālāśca kaṇṭhīścāpi dadau tadā |
śaṃkhacakragadāpadmacihnānyapi dadau tadā || 110 ||
[Analyze grammar]

bhojitā dīkṣitāḥ sarvā rakṣitā lomaśāśrame |
yāśca yuddhe'bhavaṃstatra ramādyāḥ koṭikanyakāḥ || 111 ||
[Analyze grammar]

tābhyaḥ kṛṣṇapatistatra parātparasukhaṃ dadau |
bāhūbhyāṃ tāḥ parigṛhya nipīḍya nijavakṣasi || 112 ||
[Analyze grammar]

dhanyā''śīrvādaśabdāṃśca cumbanāni dadau prabhuḥ |
yuddhaśramo'straśastrādisparśaśramādikaṃ tadā || 113 ||
[Analyze grammar]

kṣaṇāt sarvaṃ nivṛttaṃ ca romamātrā'pi na kṣatiḥ |
sarvāsāmabhavattatra jayakāro mahānabhūt || 114 ||
[Analyze grammar]

bhojitāḥ pūjitāḥ sarvāḥ parirabdhā dayālunā |
cumbitā vakṣasi svasya pīḍitāścāmṛtīkṛtāḥ || 115 ||
[Analyze grammar]

mahotsavaḥ kṛtastatra jayanimittajo'tra ca |
devādyāśca samājagmuḥ pūjitā bhojitāśca te || 116 ||
[Analyze grammar]

yathāgataṃ gatāste tu lomaśo munirāṭ tataḥ |
nāmāni lakṣakanyānāṃ vidadhe tu navāni vai || 117 ||
[Analyze grammar]

suśīlā susahā vidyut kiraṇā candrikā dyutiḥ |
ityādiśubhanāmāni kṛtavān lomaśo muniḥ || 118 ||
[Analyze grammar]

āśramaṃ nītavān sarvāḥ kṛṣṇanārāyaṇājñayā |
atha pṛthvī samāhūtā kṛṣṇanārāyaṇena tu || 119 ||
[Analyze grammar]

yuddhasthalīṃ svayaṃ bhūmiḥ samīcakāra vai tadā |
aśuddhiṃ lopayāmāsa śuddhāṃ bhūmiṃ cakāra sā || 120 ||
[Analyze grammar]

vṛṣṭyā cāpi kṣālitā sā devenāpi tataḥ śubhā |
bhūmiḥ sā lakṣatīrthākhyā hyabhavat kṛṣṇavanditā || 121 ||
[Analyze grammar]

śastrāṇi bhagavānnaije saudhe rarakṣa yāni ca |
yuddhe tatra patitāni divyāni bhautikāni ca || 122 ||
[Analyze grammar]

evaṃ vai rādhike yuddhaṃ purā tatra babhūva ha |
na bhūtaṃ na bhaviṣyacca strīṇāṃ divyagatipradam || 123 ||
[Analyze grammar]

lakṣāṇāṃ kanyakānāṃ tu rūpadvayaṃ harīcchayā |
vyajāyata ca pratyekaṃ tatraikaikaṃ vimānagam || 124 ||
[Analyze grammar]

bhūtvā ca pārṣadairnītaṃ paramākṣarasatpadam |
kanyārūpaṃ dvitīyaṃ ca lomaśāśramasaṃsthitam || 125 ||
[Analyze grammar]

ityevaṃ rādhike te'tra kathitaṃ paramā'dbhutam |
kathānakaṃ harerdivyaṃ nārīyuddhamayaṃ param || 126 ||
[Analyze grammar]

paṭhanācchravaṇāccāsya cintanāccārpaṇāttathā |
kṛṣṇapriyātvamāsādya brahmaloke gatirbhavet || 127 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne'saṃkhyakanyakābhiḥ yuddhasamarthābhiḥ saha rākṣasīnāṃ yuddhe rākṣasīnāṃ vināśābhimukhaparājaye'nte śaraṇāgatirmuktipadaṃ kanyakāpadaṃ ca bālakṛṣṇakṛpayetinirūpaṇanāmā caturdaśo'dhyāyaḥ || 14 ||
[Analyze grammar]