Chapter 588

śrīnārāyaṇa uvāca |
śṛṇu lakṣmi yadā cendradyumnaḥ satyaṃ jagāma ha |
tadā khaṇḍeśarājā vai niyukto'bhūnnirīkṣaṇe || 1 ||
[Analyze grammar]

gālo nāma mahīpālaścotkalelāprabhūpatiḥ |
oḍhrarājaḥ sa vai proktastena mādhavamūrtikā || 2 ||
[Analyze grammar]

sthāpitā svalpakālārthaṃ nityadarśanahetave |
apasārya ca tāṃ mūrtiṃ siṃhāsanavarāṇi ca || 3 ||
[Analyze grammar]

kārayāmāsa nṛpatiḥ prāsāde madhyame sthale |
tāni saṃśobhayāmāsa rājā cendradyutistadā || 4 ||
[Analyze grammar]

tāvadvyomni sandadṛśe vimānaṃ brahmaṇaḥ śubham |
haṃsavāhyaṃ sāvitryādiśobhitaṃ tejasā'nvitam || 5 ||
[Analyze grammar]

brahmā cā'vātatārā'smād gaṃgājalasamanvitaḥ |
jayaśabdā harṣaśabdā namaḥśabdāstadā'bhavan || 6 ||
[Analyze grammar]

caturdaśabhuvanānāṃ dehināṃ darśanecchayā |
sammardaśca mahānāsīdahaṃpūrvikayā tadā || 7 ||
[Analyze grammar]

brahmāṇaṃ vardhayāmāsurlājākusumakā'kṣataiḥ |
brahmā kṛṣṇarathaṃ gatvā nanāma ca dadarśa ca || 8 ||
[Analyze grammar]

tato balarathaṃ paścād bhadrārathaṃ jagāma ca |
nanāma ca pratuṣṭāva pupūja divyavastubhiḥ || 9 ||
[Analyze grammar]

namaḥ kṛṣṇāya śeṣāya lakṣmyai cakrāya vai namaḥ |
viṣṇurāmasubhadrāṇāmabhedāya namo namaḥ || 10 ||
[Analyze grammar]

ajñānanāśakartre ca sudarśanātmane namaḥ |
evaṃ praṇamya vivṛtya nāradādiṣṭapatsṛtiḥ || 11 ||
[Analyze grammar]

nīlācalasthaprāsādaṃ vīkṣituṃ samupāgamat |
mandiraṃ maṇḍapaṃ vedīṃ śālāṃ dṛṣṭvā tutoṣa ha || 12 ||
[Analyze grammar]

brahmāsane kānane ca hyupaviṣṭaḥ svayaṃ hyajaḥ |
devā ṛṣayo viprāśca niṣedustatra maṇḍape || 13 ||
[Analyze grammar]

ṛtvigādyā yathāsthānaṃ sthitā brahmājñayā tataḥ |
bhāradvājaḥ samārebhe kartuṃ śāntikapauṣṭike || 14 ||
[Analyze grammar]

trailokyavāsināṃ pūjā cakāra nṛpatistadā |
kalevaraṃ bhagavataḥ prāsādaṃ ca manoharam || 15 ||
[Analyze grammar]

pratiṣṭhāpya bharadvājaḥ samucchritamahādhvajam |
vyajñāpayat pratiṣṭhāyai prāṇānāṃ tu pitāmaham || 16 ||
[Analyze grammar]

kṛtasvastyayano brahmā ṛṣibhirbrāhmaṇāribhiḥ |
saha gatvā rathān vādyaghoṣairjayaravaiḥ saha || 17 ||
[Analyze grammar]

stutvā'vatārayāmāsuḥ rathāt sopānavartmanā |
bhaktā bhāgavatā ninyuḥ śanaiḥ prāsādasannidhim || 18 ||
[Analyze grammar]

tūlikāsu sthitāsvāsu puṣpavṛṣṭirabhūnmuhuḥ |
jaya tvaṃ jagatāṃ nātha jaya kṛṣṇanarāyaṇa || 19 ||
[Analyze grammar]

jaya saṃkarṣaṇa bhadre jaya saukhyaṃ vidhehi naḥ |
ityuddhoṣaiḥ samāninyuḥ prāsādadvāri maṇḍape || 20 ||
[Analyze grammar]

vāsayitvā'bhiṣekāya sammukhā''darśamaṇḍale |
adhivāsitakuṃbhaiśca tīrthavāryupasaṃbhṛtaiḥ || 21 ||
[Analyze grammar]

sūktābhyāṃ śrīpuruṣayoścakārā'jo'bhiṣecanam |
tato hyalaṃkṛtān devān gandhamālyopaśobhitān || 22 ||
[Analyze grammar]

viprā stān saṃpracakruvaiṃ siṃhāsanagatān prabhūn |
brahmā śalākayā netre tvaṃjayāmāsa nimnadṛk || 23 ||
[Analyze grammar]

nyāsāṃścakāra vidhivad divyaśṛṃgāraśobhitān |
bhāvayāmāsa divyāṃstān mūrtisthān saṃpracetanān || 24 ||
[Analyze grammar]

tato nīrājayitvā tān prārthayāmāsa bhaktitaḥ |
sarvajagatpratiṣṭha tvaṃ mūrtāvatra sthiro bhava || 25 ||
[Analyze grammar]

tvayi pratiṣṭhite devā vayaṃ cāpi pratiṣṭhitāḥ |
divyamūrtimayo bhūtvā prāsāde'tra sthiro vasa || 26 ||
[Analyze grammar]

tvadājñayā pratiṣṭheyaṃ pūrṇā''stāṃ tvatprasādataḥ |
ityuktvā hṛdayaṃ spṛṣṭvā jajāpa mantramācyutam || 27 ||
[Analyze grammar]

bhogān nivedayāmāsa bhojayāmāsa dehinaḥ |
dāpayāmāsa dānāni parihāraṃ cakāra saḥ || 28 ||
[Analyze grammar]

vaiśākhasyā'male pakṣe cāṣṭamyāṃ puṣyayogataḥ |
kṛtā pratiṣṭhā ca gurau brahmaṇā parameṣṭhinā || 29 ||
[Analyze grammar]

taddine ca kṛtaṃ puṇyaṃ snānaṃ dānaṃ japādikam |
tapo vrataṃ pūjanaṃ ca sarvamakṣayatāṃ vrajet || 30 ||
[Analyze grammar]

taddine tatra gatvā ca kṛṣṇaṃ rāmaṃ ca bhadrikām |
sudarśanaṃ ca paśyanti muktāste mama dhāmagāḥ || 31 ||
[Analyze grammar]

atha lakṣmi dine tasmin kṛṣṇamūrtāvadṛśyata |
sāyaṃ nṛsiṃho bhagavān sarvairadbhutadarśanaḥ || 32 ||
[Analyze grammar]

atha kṣaṇāntare matsyastathā'dṛśyata kacchapaḥ |
vārāho'dṛśyata kṣaṇāntare haṃso'pyadṛśyata || 33 ||
[Analyze grammar]

hayagrīvo'dṛśyatā'pi kapilo'dṛśyatā'pi ca |
hariścāpyadṛśyatā'pi vāsudevo'pyadṛśyata || 34 ||
[Analyze grammar]

pṛthuradṛśyata tatra dattātreyo'pyadṛśyata |
ṛṣabho'dṛśyata paścād vāmano'thāpyadṛśyata || 35 ||
[Analyze grammar]

paraśurāmo'dṛśyata yajñanārāyaṇastataḥ |
rāmādityo'dṛśyatātha kumārāḥ sanakādayaḥ || 36 ||
[Analyze grammar]

adṛśyanta nārado'dṛśyatā'pi rājarājakaḥ |
vyāso buddhastataḥ svāmikṛṣṇanārāyaṇaḥ punaḥ || 37 ||
[Analyze grammar]

vairājo'dṛśyata tatra lakṣmīnārāyaṇo'pi ca |
naranārāyaṇaścaite'dṛśyantā'pi kṣaṇe kṣaṇe || 38 ||
[Analyze grammar]

atyāścaryaṃ gatāḥ sarve jñātavantaśca vai tadā |
avatārā hareḥ sarve puruṣottamasaṃbhavāḥ || 39 ||
[Analyze grammar]

asmādeva prajāyante bhaktānurūpadarśanāḥ |
prajahṛṣurnṛpādyāśca dṛṣṭvā hariṃ hi tādṛśam || 40 ||
[Analyze grammar]

saṃśayā nāśamāpannā avatārā'vatāriṇoḥ |
sarvarūpamayo mūlaṃ sākṣāt yat puruṣottamaḥ || 41 ||
[Analyze grammar]

ārādhyate yathā yena tathā tasya phalapradaḥ |
yasya yāvāṃstu viśvāsastasya siddhistu tāvatī || 42 ||
[Analyze grammar]

atha brahmā jagannāthaṃ prārthayāmāsa gadgadaḥ |
bhagavan indradyumnasya sahasrāṇi tu janmanām || 43 ||
[Analyze grammar]

tava bhaktiṃ kurvato'tra vyatītāni purā purā |
adya janmani bhakteśca phalaṃ prāptastavecchayā || 44 ||
[Analyze grammar]

bhaktiyogena rājā tvāṃ samarcayitumicchati |
upadeśaṃ pradehyenaṃ vratotsavān samādiśa || 85 ||
[Analyze grammar]

ityarthito brahmaṇā''ha kāṣṭhamūrtirhasan hariḥ |
indradyumna prasanno'smi tava bhaktyā'tibhāvayā || 46 ||
[Analyze grammar]

varaṃ dadāmi te bhūpa mayi bhaktiḥ sthirā'stu te |
utsṛjya vittakoṭīstu yanmamā''yatanaṃ kṛtam || 47 ||
[Analyze grammar]

bhaṃge'pyetasya rājendra naitat tyakṣye kadācana |
anena dāruvapuṣā sthāsyāmyatra parārdhakam || 48 ||
[Analyze grammar]

dvitīyaṃ padmayonestad yāvatparisamāpyate |
atha nyagrodhottarasthakūpasya ye jalena mām || 49 ||
[Analyze grammar]

rāmaṃ bhadrāṃ snāpayeyuste mallokamavāpnuyuḥ |
snānasthitaṃ tu māṃ paśyet sa yāyāt paramaṃ padam || 50 ||
[Analyze grammar]

caturdaśyāṃ svarṇakuṃbhairuddhareyurdvijā jalam |
jyeṣṭhyāṃ prātarmañcake māṃ rāmaṃ bhadrāṃ tu maṇḍape || 51 ||
[Analyze grammar]

aiśānīsthe sthāpayitvā snāpayitvā punarnayet |
dakṣiṇābhimukhaṃ yāntaṃ saṃpaśyenmāṃ sa mucyate || 52 ||
[Analyze grammar]

tataḥ pañcadaśāhāni sthāpayitvā tu māṃ nṛpa |
virūpamabhirūpaṃ vā na paśyettu kadācana || 53 ||
[Analyze grammar]

jyeṣṭhasnānamidaṃ datvā kṛtvā mucyaiेta bandhanāt |
atha māghasya pañcamyāmaṣṭamyāṃ caitraśuklake || 54 ||
[Analyze grammar]

guṇḍicayātrāṃ kuryācca mokṣadā sukhadā hi sā |
āṣāḍhasya dvitīyā puṣyarkṣayutā'pi mokṣadā || 55 ||
[Analyze grammar]

ṛkṣābhāve tithau yātrotsavaḥ kāryoḥ mama nṛpa |
tasyāṃ rathe samāropya rāmaṃ māṃ bhadrikāṃ tathā || 56 ||
[Analyze grammar]

guṇḍicāmaṇḍapaṃ nāma yatrā'hamajanaṃ sthalam |
aśvamedhasahasrasya vedī yatra tvayā kṛtā || 57 ||
[Analyze grammar]

tatra yātrā prakartavyā mama sthāne dharāgate |
dināni nava yāsyāmi taḍāgaṃ cendradyumnakam || 58 ||
[Analyze grammar]

tataḥ paraṃ mama devālayaṃ yāsyāmi vai punaḥ |
tadā draṣṭuḥ pratipadaṃ tvaśvamedhaphalaṃ bhavet || 59 ||
[Analyze grammar]

mamotthānaṃ mama svāpaṃ matpārśvaparivartanam |
mārgaprāvaraṇaṃ cāpi puṣyasnānamahotsavam || 60 ||
[Analyze grammar]

phālgunyāṃ krīḍanaṃ kuryād dolāyāṃ sumahotsavam |
caitre sitatrayodaśyāṃ kuryāt karmaprapūraṇam || 61 ||
[Analyze grammar]

caitre śuklacaturdaśyāṃ damanairme prapūjanam |
vaiśākhaśuklatṛtīye lepayeccandanaiśca mām || 62 ||
[Analyze grammar]

ityutsavāḥ prakartavyāstvayendradyumna sarvadā |
bhuktimuktipradā me te prasādasanmukhā yataḥ || 63 ||
[Analyze grammar]

brahman satyaṃ yāhi devāḥ svargaṃ yāntu nṛpo'tra ca |
tiṣṭhatu cātra sthāsye'haṃ brahmāyuḥpūrṇimāvadhim || 64 ||
[Analyze grammar]

ityuktāḥ prayayuḥ sarve kṛṣṇo mūrtirbabhūva ha |
brahmā satyaṃ yayau paścād rājā cakāra cotsavān || 65 ||
[Analyze grammar]

śṛṇu lakṣmi kathayāmi jyeṣṭhasnānaṃ śubhāvaham |
jyeṣṭhaśukladaśamyāṃ ca vrataṃ saṃkalpya vāgyataḥ || 66 ||
[Analyze grammar]

ekādaśe prage yāyānmārkaṃḍeyā'vaṭaṃ tataḥ |
ācamya śaṃkaraṃ natvā snātvā vṛṣaṇayorvṛṣam || 67 ||
[Analyze grammar]

spṛṣṭvā'ṅguṣṭhena liṃgaṃ ca muṣṭinā śaktimityapi |
pūjayitvā tato yāyānnārāyaṇamanāmayam || 68 ||
[Analyze grammar]

nyagrodhaṃ praṇamet kuryāt pradakṣiṇaṃ namettataḥ |
garuḍaṃ praṇameccātha praviśet kṛṣṇamandiram || 69 ||
[Analyze grammar]

taṃ triḥpradakṣiṇaṃ kṛtvā'rcayet kuryācca darśanam |
upadāḥ sampradāyaivograsenamanujñāpya ca || 70 ||
[Analyze grammar]

svargadvārasya mārgeṇa yāyāt snātuṃ samudrakam |
ācamya prāṅmukho likhenmaṇḍalaṃ nyāsamācaret || 71 ||
[Analyze grammar]

prāṇāyāmatrayaṃ kṛtvā baghnīyātkavacaṃ dṛḍham |
pūrve māṃ pātu govindo vārijākṣastu dakṣiṇe || 72 ||
[Analyze grammar]

pradyumnaḥ paścime pātu hṛṣīkeśastathottare |
āgneyyāṃ narasiṃhaśca nairṛtyāṃ madhusūdanaḥ || 73 ||
[Analyze grammar]

vāyavyāṃ śrīdharaḥ pātu aiśānyāṃ ca gadādharaḥ |
ūrdhvaṃ trivikramaḥ pātu tvadho vārāharūpadhṛk || 74 ||
[Analyze grammar]

sarvatra pātu māṃ svāmī manaḥ kṛṣṇo narāyaṇaḥ |
cittaṃ pātu garuḍastho buddhyahaṃ tu janārdanaḥ || 75 ||
[Analyze grammar]

indriyāṇi sadā pātu śrīmān patiḥ prabhāpatiḥ |
iti varma dhārayitvā ṣoḍaśādyupacārakaiḥ || 76 ||
[Analyze grammar]

maṇḍale pūjayettatra śrīsvāmipuruṣottamam |
antaḥśuddhyarthamācāmed bāhye darbhajalaṃ kṣipet || 77 ||
[Analyze grammar]

samudre ca triḥsnāyācca sarvapāpakṣayo bhavet |
tilakaṃ bindukaṃ kuryād vastre dhṛtvā'rcayeddharim || 78 ||
[Analyze grammar]

maṇḍale śrīdharāyuktamāvāhayed bṛsīṃ dadet |
pādyamarghyamācamanaṃ madhuparkaṃ tathā''plavam || 79 ||
[Analyze grammar]

vastraṃ yajñopavītaṃ bhūṣaṇaṃ gandhānulepanam |
puṣpamālāṃ dhūpanaṃ ca dīpaṃ miṣṭānnapānakam || 80 ||
[Analyze grammar]

tāmbūlaṃ cārārtrikaṃ pradakṣiṇaṃ stavanādikam |
kṣamā'parādhanaṃ visarjanaṃ kuryāt kramārcanam || 81 ||
[Analyze grammar]

dhyānaṃ dānaṃ tapo jāpyaṃ śrāddhaṃ ca surapūjanam |
sindhurāje kṛtaṃ sarvaṃ koṭikoṭiguṇaṃ bhavet || 82 ||
[Analyze grammar]

abdhiṃ ca mandiraṃ natvā yāyādindradyuteḥ saraḥ |
narasiṃhamanuprārthya tatra snāyād yathāvidhi || 83 ||
[Analyze grammar]

paścimābhimukhaṃ tato yāyānnṛsiṃhamarcayet |
samudre snapanaṃ kṛtvā prapaśyet puruṣottamam || 84 ||
[Analyze grammar]

evaṃ kuryāt pañcatīrthī dhruvaṃ mokṣamavāpnuyāt |
jyeṣṭhaśuklapūrṇimāyāṃ jyeṣṭhāgaśca śaśī guruḥ || 85 ||
[Analyze grammar]

tadā tīrthāni gacchanti kṣetraṃ śrīpuruṣottamam |
jyeṣṭhapaṃcakasaṃjñaṃ ca vratamudyāpanaṃ caret || 86 ||
[Analyze grammar]

kṛṣṇaṃ balaṃ nṛsiṃhaṃ ca bhadrāṃ cakraṃ prapūjayet |
nīlamādhavaṃ garuḍaṃ pūjayet puruṣottamam || 87 ||
[Analyze grammar]

svarṇakalaśe daśamīdine'rcayettu mādhavam |
nārāyaṇaṃ tvekādaśyāṃ dvādaśyāṃ yajñasūkaram || 88 ||
[Analyze grammar]

trayodaśyāṃ ca pradyumnaṃ caturdaśyāṃ tu nṛharim |
pūrṇimāyāṃ sarvadevān pūjayitvā vidhānataḥ || 89 ||
[Analyze grammar]

nityaṃ vā pūrṇimāyāṃ vā naivedyaṃ pāyasaṃ dadet |
miṣṭānnāni supeyāni phalādyāni samarpayet || 90 ||
[Analyze grammar]

homaṃ cāṣṭottaraśataṃ hunet sādhūn prabhojayet |
gavāṃ dānāni kuryācca yatheṣṭaphalabhāgbhavet || 91 ||
[Analyze grammar]

evaṃ yātrādikaraṇānmokṣamavāpnuyād dhruvam |
paṭhanācchravaṇāllakṣmi tadyātrāphalabhāg bhavet || 92 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne brahmaṇa āgamanaṃ jagannāthādiprāṇapratiṣṭhā svamūrtau avatārāṇāṃ darśanam utsavāḥ rathayātrā rathayātrāphalāni pañcatīrthī tadvidhirityādinirūpaṇanāmā'ṣṭāśītyadhikapañcaśatatamo'dhyāyaḥ || 588 ||
[Analyze grammar]