Chapter 570

śrīlakṣmīruvāca |
śrutaṃ vai nārmadaṃ puṇyaṃ māhātmyaṃ cāmareśvare |
koṭitīrthodbhavaṃ kṛṣṇa kurukṣetrāt sahasragam || 1 ||
[Analyze grammar]

kathamevaṃ tvayā nātha racitaṃ māyayā purā |
kvacitpuṇyaṃ kṛte sāmye kvacinnyūnaṃ tathā'dhikam || 2 ||
[Analyze grammar]

śrīnārāyaṇa uvāca |
sarvaṃ me racanālabhyaṃ narmadā saptakalpagā |
sāptakālpikadevānāmṛṣīṇāṃ ca satāṃ tathā || 3 ||
[Analyze grammar]

yogānmamā'vatārāṇāṃ narmadā sarvato'dhikā |
nityaṃ ca pralaye revā kṣīrode ca mamāntikam || 4 ||
[Analyze grammar]

pādasevāparā bhūtvā tiṣṭhate mama bhāminī |
mama yogānmama māyā divyā bhavati cottamā || 2 ||
[Analyze grammar]

śṛṇu māyāmayaṃ sarvaṃ mayā yādṛk prakalpitam |
tat sṛṣṭvā'nupraviśāmi mama yogena śiṣyate || 6 ||
[Analyze grammar]

śṛṇu māṃ na vijānanti rudrendrāḥ sapitāmahāḥ |
mayā nārāyaṇenaiva kṛtā api sureśvarāḥ || || 7 ||
[Analyze grammar]

sarve tīrthamayāḥ santi mama vāsena sundari |
parjanyau varṣati deśe deśo jalena pūryate || 8 ||
[Analyze grammar]

vyoma nirjalatāṃ yāti māyā matkṛtirūpiṇī |
punarjalaiḥ samāvṛttaṃ vyoma vai dṛśyate kṣaṇāt || 9 ||
[Analyze grammar]

punarvṛṣṭiḥ punā riktaṃ māyaiṣā nirmitā mayā |
pāvanaṃ tu jalaṃ sarvaṃ mama vāsena bhāmini || 10 ||
[Analyze grammar]

saṃkalpitaṃ viśeṣeṇa pāvanaṃ vai viśeṣataḥ |
nirjharāṇāṃ jalaṃ sādhusevitaṃ pāvanaṃ yathā || 11 ||
[Analyze grammar]

tato devaiḥ sevitaṃ pāvanataraṃ bhavatyapi |
mayā prasevitaṃ tatpāvanatamaṃ prajāyate || 12 ||
[Analyze grammar]

kiṃ muhuḥ sevitaṃ tacca tatrāpi pratikalpagam |
mayā prasevitā revā kṣīrode matsamā tataḥ || 13 ||
[Analyze grammar]

pāvanī pāvanānāṃ ca māṃgalyānāṃ ca maṃgalā |
mokṣadānāṃ paramokṣapradā manmāyayā hi sā || 14 ||
[Analyze grammar]

somo yatkṣīyate pakṣe pakṣe punarvivardhate |
amāyāṃ dṛśyate naiva māyeyaṃ madvinirmitā || 15 ||
[Analyze grammar]

hemante salilaṃ kūpe coṣṇaṃ bhavati sundari |
jāyate śītalaṃ grīṣme māyeyaṃ ca mayā kṛtā || 16 ||
[Analyze grammar]

bhāskaraścaikamārgeṇa sadā yāti na cānyathā |
udeti pūrvato nityamastameti ca paścime || 17 ||
[Analyze grammar]

nimnatāṃ mṛdutāṃ śaitye cordhvaṃ tu tigmatāṃ tataḥ |
prayāti klṛptivaicitryānmāyeyaṃ mama sundari || 18 ||
[Analyze grammar]

śukraṃ ca śoṇitaṃ bhinnaṃ bhinnadehe prajāyate |
tayoryoge bhavedgarbho nānyathā tu kadācana || 19 ||
[Analyze grammar]

sajātīye ca jāyeta na vaijātye prajāyate |
garbhe praviśya jīvastu sukhaduḥkhe hi vindati || 20 ||
[Analyze grammar]

vinā dehaṃ na vai duḥkhaṃ sukhaṃ vā cātmanaḥ kvacit |
jātaśca vismared garbhaṃ māyaiṣā nirmitā mayā || 21 ||
[Analyze grammar]

yathākarma bhavejjanturbhinnadeho'pi jīvati |
yathākarma bhavenmūृtyurdehasthito'pi gacchati || 22 ||
[Analyze grammar]

śukraśoṇitasammiśre garbhe karkandhusadṛśe |
aṅgulyaścaraṇau cāpi bhujau śīrṣaṃ kaṭistathā || 23 ||
[Analyze grammar]

pṛṣṭhaṃ tathodaraṃ cāpi dantauṣṭhapuṭanāsikāḥ |
karṇau netre kapālau ca lalāṭaṃ jihvikā tathā || 24 ||
[Analyze grammar]

māyayā me bhavantyete jāyante jantavastataḥ |
tasyaiva jīryate bhuktamagninā pītameva ca || 25 ||
[Analyze grammar]

adhastu sravate mūtraṃ māyaiṣā nirmitā mayā |
śabdaḥ sparśaśca rūpaṃ ca raso gandhastathā'pare || 26 ||
[Analyze grammar]

bhūtādyā mānasādyāśca prāṇādyā dhātavo'pi ca |
pravartante'nnatattvādvai māyaiṣā nirmitā mayā || 27 ||
[Analyze grammar]

sarvartuṣu sahasreṣu gateṣvapi ciraṃ sthitaḥ |
navartuṃ naiva jānāti svāsthyānukūlamityapi || 28 ||
[Analyze grammar]

bhojanādīni vastūni naiva jānāti tattvataḥ |
kasmāt kīdṛgbhavellābho māyaiṣā mama sundari || 29 ||
[Analyze grammar]

āpo divyā mayā sṛṣṭā adṛśyād dṛśyarūpikāḥ |
bhaumā nadyo bhavantyeva dṛṣṭau bahūdakāśca tāḥ || 30 ||
[Analyze grammar]

grīṣme śuṣyanti sarvāstāḥ punaścakraṃ tathaiva tat |
udbhavanti praśuṣyanti māyaiṣā prativatsaram || 31 ||
[Analyze grammar]

ākāśaṃ śūnyarūpaṃ vai vāyuścāpi pravāhakaḥ |
himālayaṃ samāsādya himātmako bhavatyapi || 32 ||
[Analyze grammar]

śilātmakaṃ himaṃ śṛṃgād dravatyeva śanaiḥ śaneḥ |
gāṃgatā jāyate sā tu gaṃgā deśasukhāvahā || 33 ||
[Analyze grammar]

meghā vahanti salilamuddhṛtya lavaṇārṇavāt |
varṣanti madhuraṃ loke kṣaraṃ vārdhau kṛtaṃ mayā || 34 ||
[Analyze grammar]

kvacittu kaṭurūpaṃ tat kvacinmiṣṭaṃ jalaṃ matam |
bhinnaguṇaṃ jāyate tanmāyaiṣā mama padmaje || 356 ||
[Analyze grammar]

roganāśakaraṃ vīryamoṣadhe nikṣipāmyaham |
oṣadhe dīyamāne vā kālo bhūtvā harāmyaham || 36 ||
[Analyze grammar]

garbho bālo yuvā vṛddhau jaraṭhaḥ śaktivarjitaḥ |
bījamaṃkurakaṃ patraṃ kāṇḍaṃ nālaṃ ca puṣpakam || 37 ||
[Analyze grammar]

phalaṃ rasādi tṛptiśca bījād bījasahasrakam |
kvacittu niṣphalaṃ bījaṃ māyaiṣā matkṛtā priye || 38 ||
[Analyze grammar]

matsṛṣṭāstu narā nāryo bhavanti śataputrakāḥ |
mama te ca na putro'sti māyaiṣā mama padmaje || 39 ||
[Analyze grammar]

ekasmādeva dehācca jāyante jantukoṭayaḥ |
mastake kīṭakā likṣā vastreṣu matkuṇādayaḥ || 40 ||
[Analyze grammar]

romakūpeṣu kīṭāśca svedād yūkādayastathā |
aṃge chinne māṃsamadhye kṛmayaśca bhavantyapi || 41 ||
[Analyze grammar]

mūtre kīṭāḥ sūkṣmarūpā bhavantyeva nalādiṣu |
vīryajanyāstathā garbhā jāyante'patyarūpiṇaḥ || 42 ||
[Analyze grammar]

ekasmādeva dehādvai jāyante bhinnasṛṣṭayaḥ |
sarve putrāḥ svasya bālāḥ svasmājjātāstu te yataḥ || 43 ||
[Analyze grammar]

visadṛśāstu kīṭādyāsteṣu sneho na vidyate |
sadṛśe piṇḍake putre sneho bhavati dehinām || 44 ||
[Analyze grammar]

sarveṣu jantuṣu tveṣā mayā māyā nidhāpitā |
ekatra śatrutā kīṭe'nyatra putre'tiraktatā || 45 ||
[Analyze grammar]

kīṭāraktapibā eva putrāḥ sarvapibā api |
garbhe raktapibā mātuścāṃke dugdhapibāstathā || 46 ||
[Analyze grammar]

bālye dravyapibāścāpi yauvane sampadāmpibāḥ |
vicittatve mṛtau śāntipibā asupibā api || 47 ||
[Analyze grammar]

evaṃ sarvapibe sneho māyaiṣā mama bhāmini |
nare nāryā bhavet sneho nāryā sneho narasya ca || 48 ||
[Analyze grammar]

nāryośca narayorvā na tādṛṅa māyā mamedṛśī |
jale pṛthvyāṃ rase dehe vṛṣṭau bīje ca bhakṣite || 49 ||
[Analyze grammar]

tatrā'mṛtaṃ visṛjāmi kṣudhāyāṃ tadvibhāvyate |
akṣudhāyāṃ viṣaṃ tatsyānmāyaiṣā mama sundari || 50 ||
[Analyze grammar]

loka evaṃ vijānāti garuḍo vahate'cyutam |
kintvahaṃ garuḍaṃ nītvā prayāmi cāntarasthitaḥ || 51 ||
[Analyze grammar]

lokāḥ sarve vijānanti devā nityaṃ makhāśinaḥ |
kintvahaṃ makharūpeṇa yakṣyāmi tridivaukasaḥ || 52 ||
[Analyze grammar]

sarvelokā vijānanti gururdadāti dīkṣaṇam |
kintvahaṃ tu gurau dīkṣārūpastiṣṭhāmi māyayā || 53 ||
[Analyze grammar]

sarve lokā vijānanti varuṇaḥ pāti sāgaram |
kintvahaṃ varuṇe sthitvā rakṣāmi sāgarān sadā || 54 ||
[Analyze grammar]

sarve lokā vijānanti kubero dhanarakṣakaḥ |
kintvahaṃ dhanarūpeṇa rakṣāmyasya kuberatām || 55 ||
[Analyze grammar]

sarve lokā vijānanti vṛtraḥ śakreṇa sūditaḥ |
kintvahaṃ māyayā śakre sthitvā vṛtraṃ vyanāśayam || 56 ||
[Analyze grammar]

evaṃ lokā vijānanti sūryo nārāyaṇo mahān |
kintvahaṃ sūryamāviśya prakāśayāmi yogyataḥ || 57 ||
[Analyze grammar]

dhruve dhrauvyaṃ mayā dattaṃ merau mādhyasthyamityapi |
abdhau vāḍavarūpo'smi megheṣu vāyurūpavān || 58 ||
[Analyze grammar]

ākāśe tiṣṭhate vāri naiva paśyanti vai janāḥ |
devā api na jānanti hyamṛtaṃ kutra tiṣṭhati || 59 ||
[Analyze grammar]

auṣadhaṃ māyayā sṛṣṭaṃ vane tiṣṭhati sarvathā |
vīryaṃ tatrā''dadhāmyeva roganāśakaraṃ sadā || 60 ||
[Analyze grammar]

loko hyevaṃ vijānāti rājā pālayati prajā |
kintvahaṃ nṛpamāviśya pālayāmi prajā mama || 61 ||
[Analyze grammar]

sṛṣṭau sāyaṃkālarūpo rātrau pralayarūpavān |
prātargarbhasvarūpo'haṃ māyayaiva bhavāmi ca || 62 ||
[Analyze grammar]

sūryaḥ pācayati sarva māyayā'haṃ ravau sthitaḥ |
vahniḥ pācayati sarvaṃ māyayā cānale sthitaḥ || 63 ||
[Analyze grammar]

sūryāśurūpavānasmi prakāśayāmi golakam |
māyāṃ pralayakālinīṃ kṛtvā saṃhṛtya vai jagat || 64 ||
[Analyze grammar]

śeṣe śaye'pi śeṣaśca śete me māyayā tadā |
paśya māyābalaṃ me tvaṃ strīrūpā vartase sadā || 65 ||
[Analyze grammar]

kathaṃ na jāyase lakṣmi puṃsvarūpā vadātra me |
seyaṃ māyā mama lakṣmi strīrūpe te'sti ceṣṭatā || 66 ||
[Analyze grammar]

mamā'sti puṃsvarūpe ceṣṭatā māyā mamāsti sā |
prajāpatiṃ haraṃ viṣṇuṃ sṛjāmi jalamadhyataḥ || 67 ||
[Analyze grammar]

te'pi māṃ nahi jānanti mama māyāvimohitāḥ |
ṛṣirvipraḥ purākalpe somaśarmā'bhidho mama || 68 ||
[Analyze grammar]

bhakto'pi māyayā channo na viveda nijaṃ param |
māyā mama viśālākṣi rohiṇī lomaharṣiṇī || 69 ||
[Analyze grammar]

kvacidindriyalaulyena prabadhnātyapi yoginam |
somaśarmā māyayā me karśitaḥ strītvamāpa ha || 70 ||
[Analyze grammar]

nāsīt tādṛk tasya karma nāparādhaḥ kṛtastathā |
mamā''rādhanayukto'pi niṣādījanma cāptavān || 71 ||
[Analyze grammar]

nityaṃ cintayate mūrtiṃ mama lakṣmi manoharām |
atha dīrghena kālena tuṣṭo'haṃ bhaktikarmabhiḥ || 72 ||
[Analyze grammar]

tapobhiścāpi satataṃ pratyakṣatāmahaṃ gataḥ |
varārthaṃ sa mayā proktastuṣṭo'smīṣṭaṃ dadāmi te || 73 ||
[Analyze grammar]

ratnāni kāñcanaṃ gāśca sāmrājyaṃ cāpyakaṇṭakam |
athavecchasi svargaṃ ca yatra saukhyaṃ varāṅganāḥ || 74 ||
[Analyze grammar]

dhanaṃ yānaṃ vāhanāni sainyānyapi ca sampadaḥ |
hemabhāṇḍāni saudhāni kānakāni dyumanti ca || 75 ||
[Analyze grammar]

akṣayāni ca pātrāṇi vividhānyamṛtāni ca |
bhogān divyānaiśvarāṃśca vadā'rpayāmi te dvija || 76 ||
[Analyze grammar]

dadāmi te varaṃ vipra yāvatte cittacintitam |
śrutvā madvacanaṃ vipro natvovāca śanairhi mām || 77 ||
[Analyze grammar]

cenna prakupyate nātha varaṃ samanuyācate |
yat tvayā bhāṣitaṃ deva sarvaṃ deyaṃ mama tvayā || 78 ||
[Analyze grammar]

evaṃ lakṣmi subhakto'pi yayāce lālasānvitaḥ |
mayoktaḥ kathametadvai sarvaṃ vai yācase'nagha || 79 ||
[Analyze grammar]

bandhanaṃ mama bhaktasya mama khedāya jāyate |
tadā''ścaryadarśanecchurmama māyādidṛkṣukaḥ || 80 ||
[Analyze grammar]

māṃ prāha madhuraṃ vākyaṃ virāgaṃ rāgamiśritam |
nāhaṃ svarṇaṃ gāśca ratnaṃ rājyaṃ svargaṃ varāṃganāḥ || 81 ||
[Analyze grammar]

aiśvaryaṃ cā'kṣayaṃ pātraṃ cāmṛtaṃ yānavāhanam |
bhoktumicchāmi bhagavan necchāmi divyatāṃ prabho || 82 ||
[Analyze grammar]

tathā svargasahasrāṇāmekaṃ vāpi na rocaye |
kintu me vartate cecchā kathaṃ kṛtvā vikrīḍasi || 83 ||
[Analyze grammar]

nidarśanārthaṃ deveśa svalpaṃ draṣṭuṃ vṛṇomyaham |
māyā vai dṛśyate satyā mithyocyate maharṣibhiḥ || 84 ||
[Analyze grammar]

kīdṛśīyaṃ veditavyā dṛṣṭāntārthaṃ pradarśaya |
tatastasya vacaḥ śrutvā sa mayā tatra bhāṣitaḥ || 85 ||
[Analyze grammar]

te kiṃ me māyayā vipra bhaktiṃ kuru sukhaṃ labha |
devā api na jānanti māyayā me vimohitāḥ || 86 ||
[Analyze grammar]

tvaṃ tu naiva vijānāsi māyāyāṃ patito'pi san |
jijñāsasi hyayogyaṃ vai kṛtakāryo'pi vai punaḥ || 87 ||
[Analyze grammar]

bhavituṃ cā'kṛtakāryaḥ kathaṃ cecchasi śocanam |
evamukto'pi mugdhaḥ sa māyayā māmuvāca ha || 88 ||
[Analyze grammar]

yadi tuṣṭo'si me kṛṣṇa bhaktyā vā tapasā mama |
māyāṃ darśaya me svalpāṃ yathā jānāmi tādṛśam || 89 ||
[Analyze grammar]

sarva saṃsāracakraṃ vai punarbaddho bhavāmi na |
tato mayoditaṃ tasmai yāhi kubjāmrakaṃ sthalam || 90 ||
[Analyze grammar]

gaṃgātīraṃ mahādivyaṃ tatra sarvamavāpsyasi |
śrutvā madvacanaṃ kṛtvā pradakṣiṇaṃ ca māṃ tataḥ || 91 ||
[Analyze grammar]

yayau kubjāmrakaṃ tīrthaṃ prātarmāyābhilāṣukaḥ |
tataḥ kanthāṃ vaṃśadaṇḍaṃ jalapātraṃ ca kañcukam || 92 ||
[Analyze grammar]

pātheyaṃ ca taṭe nyasya natvā gaṃgāṃ punaḥ punaḥ |
jalamādhāya śirasi kṛtvā''camanamityatha || 93 ||
[Analyze grammar]

pītvā jalaṃ ca māṃ smṛtvā snātuṃ viveśa vāriṣu |
tāvanme māyayā vipro jale cā'dṛśyatāṃ gataḥ || 94 ||
[Analyze grammar]

pārśve niṣādasadane tatstrīgarbhagato'bhavat |
hṛdaye'cintayattatra garbhakleśena pīḍitaḥ || 95 ||
[Analyze grammar]

aho kaṣṭaṃ mayā prāptaṃ kasyacid duṣkṛtasya ha |
yo'haṃ niṣādikāgarbhe vasāmi narakātmake || 96 ||
[Analyze grammar]

dhik tapo dhik ca me karma dhik phalaṃ dhik ca jīvitam |
yo'haṃ niṣādagarbhe'tra tiṣṭhāmi mūtrasaṃkule || 97 ||
[Analyze grammar]

durgandhe duḥsahe vātapittaśleṣmarajovahe |
alaṃ kiṃ bhāṣaṇenā'tra naṣṭe kiṃ rodanena vai || 98 ||
[Analyze grammar]

māyājijñāsayā mūtrakedārikāṃ praveśitaḥ |
kuto viṣṇuḥ kutaścāhaṃ kvāste gaṃgājalaṃ hi tat || 99 ||
[Analyze grammar]

kvā'yaṃ niṣādikāgarbhaḥ kvā'yaṃ mūtrahradastathā |
garbhasaṃsāraniṣkrāntaḥ paścādāpsyāmi śāntatām || 100 ||
[Analyze grammar]

evaṃ cintayamānasya navamāsātmakaṃ kṣaṇam |
vyatītaṃ daśame māsi pūrṇe garbhādbahirgataḥ || 101 ||
[Analyze grammar]

bhūmyāṃ tu patatastasya naṣṭaṃ garbhe vicintitam |
ajāyata ca sā kanyā niṣādaputrikā tataḥ || 102 ||
[Analyze grammar]

vipratvaṃ vismṛtaṃ sarvaṃ tayā māyāvimugdhayā |
atha pitrā kṛtodvāhā yuvatī dhīvarapriyā || 103 ||
[Analyze grammar]

ṣaṭ putrān suṣuve kanyā sapta varṣadvayāntare |
bhakṣyā'bhakṣyaṃ khādati sma peyā'peyaṃ pibatyapi || 104 ||
[Analyze grammar]

śaśādīn ghātayitvā cāmiṣāhāraṃ karotyapi |
kāryā'kāryaṃ na jānāti vācyāvācyaṃ na vetti sā || 105 ||
[Analyze grammar]

gamyāgamyaṃ na jānāti māyājālāvṛtā yataḥ |
pañcāśadvarṣake kāle mayā sā preritā hṛdi || 106 ||
[Analyze grammar]

ghaṭaṃ gṛhītvā viṭliptavastrakṣālanakāraṇāt |
yayau snātuṃ tu tatraiva yatra nyastaṃ purā'mbaram || 107 ||
[Analyze grammar]

tīre niḥkṣipya vastrāṇi ghaṭaṃ saṃsthāpya sā taṭe |
prasvedagharmasantaptā saśiraḥsnānamicchukī || 108 ||
[Analyze grammar]

snātuṃ viveśa gaṃgāyāṃ tāvajjātaḥ sa bhūsuraḥ |
somaśarmā'bhidho vipraḥ sasmāra pūrvavṛttakam || 109 ||
[Analyze grammar]

bahistvāgatya vai kūle prātaḥkāle dhṛtāṃśca yān |
vastradaṇḍakalaśāṃścā'paśyanmadhyāhnake kṣaṇe || 110 ||
[Analyze grammar]

pārśve tatraiva nāryā ca dhṛtā viḍvastragargarīḥ |
apaśyattu mahāścaryaṃ prāpa madhyandine tadā || 111 ||
[Analyze grammar]

vipraḥ sa dhīvarīvastrādikaṃ tyaktvā tataḥ purā |
tyaktaṃ dhautraṃ ca jagrāha dhārayāmāsa lajjayā || 112 ||
[Analyze grammar]

śuśocāti tadā smṛtvā niṣadya samavāluke |
mayā kiṃ karma pāpena kṛtaṃ nindyaṃ suduḥkhadam || 113 ||
[Analyze grammar]

yenā''cārāt paribhraṣṭo gataścaitādṛśīṃ daśām |
niṣādī hyabhavaṃ bhakṣyā'bhakṣyaṃ naivā'vicārayam || 114 ||
[Analyze grammar]

jīvānaghātayaṃ sarvāñjalasthalādivāsinaḥ |
peyā'peyaṃ kṛtavāṃścā'gamyāgamanamācaram || 115 ||
[Analyze grammar]

vācyāvācyaṃ na vai dṛṣṭaṃ cauryādikaṃ muhuḥ kṛtam |
putrā duhitaraścāpi niṣādājjanitā mayā || 116 ||
[Analyze grammar]

vartante bālakāḥ stanyapānārhāśca gṛhe mama |
pratīkṣante tvāgamaṃ me jātaścāhaṃ naro'tra vai || 117 ||
[Analyze grammar]

kiṃ kāryaṃ kimakāryaṃ vai māyāmohaṃ tarāmi na |
apatyaśokasaṃvyāpto vipratāsmaraṇaṃ gataḥ || 118 ||
[Analyze grammar]

vipro bhūtvā'tilajjāvān maunaṃ ca niṣasāda saḥ |
etasminnantare tatra niṣādo bālakāstathā || 119 ||
[Analyze grammar]

cirakālagatatvena mārgayituṃ tadā''yayuḥ |
tatra tāṃ te mṛgayanti bhārye mātaśca rodinaḥ || 120 ||
[Analyze grammar]

pṛcchati sma ca taṃ vipraṃ niṣādo bālakairyutaḥ |
tvayā dṛṣṭā'sti me patnī dvijā'tra snātumāgatā || 121 ||
[Analyze grammar]

bālā duhitarastasyā rudanti karuṇaṃ gṛhe |
stanyapānaṃ vinā cāpi madhyabhojanamantarā || 122 ||
[Analyze grammar]

kinnu paśyatha bho viprā anye narāśca yoṣitaḥ |
mama bhāryāṃ jalaṃ netuṃ vastraṃ kṣālayituṃ tathā || 123 ||
[Analyze grammar]

snātuṃ samāgatāṃ cātra yadi ced vadathā'tra me |
ghaṭamādāya hastena tvāgatā bhālitā yadi || 124 ||
[Analyze grammar]

kintu pratyuttaraṃ nāptvā ruroda sa tadā punaḥ |
janāḥ paśyanti taṃ vipraṃ daṇḍakalaśasaṃyutam || 129 ||
[Analyze grammar]

na paśyanti ca tāṃ nārīṃ dadyuḥ pratyuttaraṃ katham |
bhīlo duḥkhena santapto dṛṣṭvā kuṃbhapaṭādikam || 126 ||
[Analyze grammar]

apaśyaṃśca svakāṃ patnīṃ karuṇaṃ paryavedayat |
api grāheṇa kenāpi snāyamānā dhṛtā kimu || 127 ||
[Analyze grammar]

na cā'priyaṃ mayā'styuktā kadācittvapi karmasu |
svapne'pi noktapūrvā'sti nātmaghātaḥ prasaṃbhavet || 128 ||
[Analyze grammar]

kintu krūrapiśācena bhakṣitā vāpi rakṣasā |
yadvā prasahya kenāpi nītā deśāntaraṃ bhavet || 129 ||
[Analyze grammar]

kiṃ kṛtaṃ duṣkataṃ pūrvaṃ mayā karma hi kaṣṭadam |
yena matpurato bhāryā'lpā''yuṣye vigatiṃ gatā || 130 ||
[Analyze grammar]

ehi me subhage kānte mama cittānuvartini |
paśyaitān bālakān kanyā rudataḥ kṣudhitāṃstathā || 131 ||
[Analyze grammar]

kāmaṃ māṃ kṣudhitaṃ cāpi jñāsyase tvaṃ pipāsitam |
yadi daiva śṛṇoṣyatra dharmeṇa dehi me priyām || 132 ||
[Analyze grammar]

eva vilapamānasya niṣādasya tvitastataḥ |
savrīḍaṃ bhāṣate vipro niṣādaṃ gaccha nāsti sā || 133 ||
[Analyze grammar]

yathā karma gatā sā te sarvathā hyanivṛttaye |
bālāṃstān parirakṣasva gaccha kiṃ kliśyase vṛthā || 134 ||
[Analyze grammar]

kāruṇyātte kathayāmi tavā'haṃ sā priyā'bhavat |
snānamātreṇa tu muniḥ pūrvavanmāyayā'bhavam || 135 ||
[Analyze grammar]

niṣādaḥ prāha taṃ vipraṃ strītvaṃ prāpto'si vai katham |
puṃstvaṃ cāpi kathaṃ prāpta etadācakṣva pṛcchataḥ || 136 ||
[Analyze grammar]

vipraḥ prāha harirbhaktyā mayā sākṣātkṛtastadā |
vareṇa chandayāmāsa mayā'pi cepsitaṃ tadā || 137 ||
[Analyze grammar]

māyāṃ me darśaya nātha kīdṛśī sā bhavediti |
tato'haṃ tena cāpyukto gaccha kubjāmrake jale || 138 ||
[Analyze grammar]

tatra drakṣyasi cetyuktvā tvantardhānaṃ jagāma saḥ |
ahamāgatya gaṃgāyāṃ snātvā niṣādabālikā || 139 ||
[Analyze grammar]

niṣādīgarbhasaṃbhūtā tava patnyabhavaṃ tataḥ |
adya snātvā punarjāto brāhmaṇo vai yathāpurā || 140 ||
[Analyze grammar]

śrutvaivaṃ sa niṣādaśca bālakāśca tiro'bhavan |
ahaṃ tvāsaṃ ca tadrūpo lakṣmi māyāpradarśakaḥ || 141 ||
[Analyze grammar]

madhyāhne cāgatā viprāḥ snātuṃ te somaśarmakam |
prāhuḥ kathaṃ nu pūrvāhṇaścā'dya tīre prayāpitaḥ || 142 ||
[Analyze grammar]

prātarārabhya caivātrā''madhyāhnaṃ tiṣṭhase katham |
dinārdhe darśitā māyā pañcāśadvārṣikī priye || 143 ||
[Analyze grammar]

athā'ha darśayitvā svaṃ tamavocaṃ purākṛtam |
bhavāntare tvayā bhaktāḥ sādhavo nābhivāditāḥ || 144 ||
[Analyze grammar]

tatpāpādīdṛśo bhogo māyāmiṣeṇa te'bhavat |
gaccha vipra paraṃ dhāma śvetadvīpaṃ sukhī bhava || 145 ||
[Analyze grammar]

vipro yayau tato dhāma nārāyaṇastiro'bhavat |
māyātīrthamidaṃ lakṣmi mokṣadaṃ vartate bhuvi || 146 ||
[Analyze grammar]

śravaṇāt kīrtanāccāsya bhuktirmuktirbhavet khalu |
pārvatyai śaṃkaraḥ prāha nārmade kṣetrake purā || 147 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne bhagavatkṛtamāyāracanā somaśarmaviprasya māyādarśane niṣādīstrītvaṃ dvādaśā'patyamātṛtvaṃ punarjalanimajjane vipratvaṃ mokṣaṇaṃ māyātīrthamāhātmyaṃ ceti |
nirūpaṇanāmā saptatyadhikapañcaśatatamo'dhyāyaḥ || 570 ||
[Analyze grammar]