Chapter 569

| śrīnārāyaṇa uvāca |
śrūyatāṃ ca tvayā lakṣmi śaṃbhuḥ paramavaiṣṇavaḥ |
pārvatīṃ prāha māhātmyaṃ mama tīrthādisaṃbhavam || 1 ||
[Analyze grammar]

candradvīpaḥ prabhāsetustāmrapārṇeya ityapi |
gabhastimān nāgadvīpaḥ saumyo gandharva ityapi || 2 ||
[Analyze grammar]

vāruṇaḥ kaumārikeyaścaite deśā hi nārmadāḥ |
narmadājalasiktāste tadvāripānakāriṇaḥ || 3 ||
[Analyze grammar]

dehinaḥ puṇyayogena svarge mokṣe prayānti ca |
jīvāḥ karmaphalaṃ sveṣāṃ prāpnuvanti śubhāśubham || 4 ||
[Analyze grammar]

śreyo'rthaṃ ca tapo homaṃ dānaṃ dhyānaṃ ca pūjanam |
kāruṇyaṃ narmadāsnānaṃ kartavyaṃ śubhalabdhaye || 5 ||
[Analyze grammar]

ākhyānaṃ kathayiṣyāmi yathāvṛttaṃ purātanam |
kuvalayāśvo rājarṣiḥ purā kṛtayuge'bhavat || 6 ||
[Analyze grammar]

anekāni sahasrāṇi dānāni vividhāni ca |
dattāni tena rājñā vai sarvatīrtheṣu bhāvataḥ || 7 ||
[Analyze grammar]

iṣṭāśca kratavastena varjayitvā tu narmadām |
rājā kuvalayāśvaḥ sa dānadharmaparāyaṇaḥ || 8 ||
[Analyze grammar]

rāhusūryasamāyoge kurukṣetraṃ yayau kila |
lakṣamekaṃ hayānāṃ ca dantināmayutaṃ tathā || 9 ||
[Analyze grammar]

hemamāṇikyaratnāni vāsāṃsi vividhāni ca |
śraddhayā parayā yukto brāhmaṇebhyo dadau grahe || 10 ||
[Analyze grammar]

śeṣaṃ dravyaṃ ca tatkṣetre sarvaṃ kaṃkaravannṛpaḥ |
añjalinā pratisthalaṃ vikīrya snānamācarat || 11 ||
[Analyze grammar]

tato jagāmā'vadhyāyāṃ nije rājye'bhajaddharim |
atha rājā mucukundo viṣṇubhakto jitendriyaḥ || 12 ||
[Analyze grammar]

daityānāmadhipaścāsīt sa ca sūryagrahe yayau |
narmadāmoṃkāranāthaṃ vaidūryasiddhaparvatam || 13 ||
[Analyze grammar]

narmadākapilāyoge koṭitīrthe'vasacca saḥ |
lakṣamekaṃ tu dogdhrīṇāmayutaṃ vājināṃ tathā || 158 ||
[Analyze grammar]

sahasraṃ dantināṃ caiva rathānāṃ ca sahasrakam |
kāmikānāṃ tu yānānāṃ sahasraṃ hemamālinām || 15 ||
[Analyze grammar]

dhanaṃ dhānyaṃ suvāsāṃsi ratnāni vividhānyapi |
snānaṃ kṛtvā yathāyogyaṃ viprebhyaḥ pradadau tadā || 16 ||
[Analyze grammar]

dadāvoṃkāranāthāya dakṣiṇāṃ ca śatāyutam |
yo yaṃ kāmayate kāmaṃ taṃ tasmai sa prayacchati || 17 ||
[Analyze grammar]

evaṃ kṛtvā paraṃ tīrthe svālayaṃ punarāyayau |
atha kālāntare bhūpau svasvapuṇyaprabhāvataḥ || 18 ||
[Analyze grammar]

svargaṃ prāptau cāpsarobhiḥ sevitāvindrasadṛśau |
mucukundarathastūrdhvaṃ sadā prayāti vai divi || 19 ||
[Analyze grammar]

kuvalayāśvayānaṃ tu tadadho yāti sarvadā |
ubhau niveditau dūtairdharmarājasya dhīmataḥ || 20 ||
[Analyze grammar]

kuvalayāśvo rājarṣirmucukundo mahābalaḥ |
lokāntaramubhāvetau vimānasthau samāgatau || 21 ||
[Analyze grammar]

tāvadutpatitaṃ yānaṃ mucukundasya copari |
yojanānāṃ sahasreṇa hyuparyupari vartate || 25 ||
[Analyze grammar]

avadhyā'dhipateryānamadhobhāge pravartate |
śrutvā taddharmarājo'pi papraccha citraguptakam || 23 ||
[Analyze grammar]

kataraṃ pūjaye rājñorvad me'rghādikarmabhiḥ |
puṇyabalaṃ dvayorvīkṣya prāha vai citraguptakaḥ || 24 ||
[Analyze grammar]

mucukundaṃ prathamaṃ prārcaya revāpratāpataḥ |
saptarṣīnapi papraccha te'bruvan citraguptavat || 25 ||
[Analyze grammar]

mucukundaṃ samāsādya tvarghapādyena pūjaya |
dānena kāpilenejyo dānavendro'tipuṇyavān || 26 ||
[Analyze grammar]

evamukto dharmarājo dānavendramupāśrayat |
añjaliṃ tu tato baddhvā yānasyā'gre vyavasthitaḥ || 27 ||
[Analyze grammar]

kuśalaṃ te'dya daityendra sarvadharmānvitau bhavān |
nirjitāste trayo lokā dānenā'nena bhūtale || 28 ||
[Analyze grammar]

oṃkāradakṣiṇasyā'nte mūrtau kāpilasaṃgame |
saptakalpavahātīre puṇyasaṃkhyā na vidyate || 29 ||
[Analyze grammar]

evamuktvā pūjayitvā darśayāmāsa mārgakam |
viṣṇorvaikuṇṭhalokasya mucukundo jagāma ha || 30 ||
[Analyze grammar]

athā''sādya tato bhūpaṃ kuvalayāśvameva tu |
dharmarājaḥ svayaṃ prāha svāgataṃ te karomi vai || 31 ||
[Analyze grammar]

rājā prāha virodho vai devadānavayoḥ sadā |
tvaṃ devo vai kathaṃ daityaṃ prāk prapūjitavānasi || 32 ||
[Analyze grammar]

māṃ tyaktvā dānavendraḥ sa pādyārghyeṇa tvayā'rcitaḥ |
viparītaṃ tu tatsarvaṃ dharmarāja kṛtaṃ katham || 33 ||
[Analyze grammar]

yamaḥ prāha yathākarma kartavyaṃ me'vaśiṣyate |
viṣādaṃ tyaja rājendra gahanā karmaṇāṃ gatiḥ || 34 ||
[Analyze grammar]

kurukṣetrādadhikaṃ vai puṇyaṃ syānnārmade sthale |
kalāṃ nārhanti tīrthāni sārdhaṃ kalpagayā kvacit || 35 ||
[Analyze grammar]

karmasākṣī tu sarveṣāṃ yathānyāyaṃ karomi hi |
sa rājā vismayāpanno drutaṃ natvā yameśvaram || 36 ||
[Analyze grammar]

narmadāṃ snātukāmaśca kapilāsaṃgamaṃ prati |
āyayau saṃgame sasnau divyayānaṃ hi bhūbhṛtaḥ || 37 ||
[Analyze grammar]

tadā tūrdhvaṃ gataṃ pūrṇe viṣṇulokaṃ sanātanam |
etādṛśaṃ paraṃ puṇyapradaṃ tīrthaṃ hi nārmadam || 38 ||
[Analyze grammar]

bhuktimuktipradaṃ pāpakṣālakaṃ kamale priye |
janā pāpā api yānti muktiṃ revājalāplavāt || 39 ||
[Analyze grammar]

tīryate viṣṇudharmeṇa saṃsārābdhiḥ sudustaraḥ |
raktā mūḍhāśca lokā vai pravartante'tipāpake || 40 ||
[Analyze grammar]

te nātmānaṃ vijānanti na kṛṣṇaṃ nahi devatāḥ |
na śṛṇvanti paraṃ śreyaḥ sati cakṣuṣi nekṣate || 41 ||
[Analyze grammar]

same pathi śanairyānto plavante sma pade pade |
yamamuktā api jīvā na jānanti prabodhitāḥ || 42 ||
[Analyze grammar]

kliśyante te vṛthā nānārāgalobhavaśā narāḥ |
dṛṣṭvā garbhakhaniṃ kaṣṭāṃ pratyakṣāṃ trāsabodhinīm || 43 ||
[Analyze grammar]

mokṣamārgaṃ na buddhyanti teṣāṃ revā vimuktidā |
pretabhūtā prajāḥ sarvā yamalokādhikārikāḥ || 44 ||
[Analyze grammar]

śivaḥ prāha śaṇu śaile purākhyānaṃ vadāmi te |
sūryeṇa kathitaṃ tvāsītpurākhyānaṃ tu nārmadam || 45 ||
[Analyze grammar]

yamāya nijaputrāya lokatāraṇahetave |
āśrayennarmadāṃ devīṃ saptakalāvahāṃ satīm || 46 ||
[Analyze grammar]

snānāvagāhanātpānāt tathā dānakriyādibhiḥ |
dhāmadā mokṣadā svargapradā śreyaḥpradā hi sā || 47 ||
[Analyze grammar]

dhyāyamānā narmadā pāpināṃ pāpavināśinī |
saṃsmṛtā kīrtitā nāmnā svargadā yāmyavāriṇī || 48 ||
[Analyze grammar]

narmade narmade coktvā pāpo yāmyaṃ na paśyati |
narakastho'pi revāṃ sa hariṃ haraṃ smared yadi || 49 ||
[Analyze grammar]

mucyate yamadūtaiḥ sa tatkṣaṇānnātra saṃśayaḥ |
vaidūryaparvataḥ ṛkṣastathā cāmarakaṇṭakaḥ || 50 ||
[Analyze grammar]

oṃkāro narmadā caite bhuktimuktiphalapradāḥ |
siddheśvaraṃ ca yajñeśaṃ madhyasthaṃ śaśibhūṣaṇam || 51 ||
[Analyze grammar]

kapileśaṃ caturthaṃ tacchivakṣetraṃ pramuktidam |
teṣāṃ pūjāṃ prakurvanti puṣpadhūpā''rttitarpaṇaiḥ || 7 || || 2 ||
[Analyze grammar]

śivalokaṃ tu ye yānti śāśvataṃ padamaiśvaram |
godānaṃ hemadānaṃ ca tiladānaṃ tathaiva ca || 23 ||
[Analyze grammar]

annadānaṃ payodānaṃ sarvopaskaramityapi |
prāsādā''rāmadānaṃ ca dadānā yānti mokṣaṇam || 54 ||
[Analyze grammar]

yamalokaṃ na te yānti bhaktā bhagavato nanu |
loko vicāraṇīyo'yaṃ miśrito vartate sadā || 515 ||
[Analyze grammar]

sanmānaṃ cāpamānena viyoge neṣṭasaṃgamaḥ |
yauvanaṃ jarayā grastaṃ saukhyaṃ kaṣṭādupadrutam || 56 ||
[Analyze grammar]

balibhiḥ palitaiścāpi jarjarīkṛtavigrahaḥ |
strīpuṃsoryauvanaṃ rūpaṃ yadanyonyaṃ priyaṃkaram || 57 ||
[Analyze grammar]

tadeva jarayā grastamubhayorapi na priyam |
apūrvavattathātmānaṃ śaithilyena samanvitam || 58 ||
[Analyze grammar]

yaḥ paśyanna virajyeta ko'nyastasmādacetanaḥ |
jarā'bhibhūtaḥ puruṣaḥ patnīputrādibāndhavaiḥ || 59 ||
[Analyze grammar]

aśaktatvād durācārairbhṛtyaiśca paribhūyate |
dharmamarthaṃ ca kāmaṃ ca mokṣaṃ na jarayā yutaḥ || 60 ||
[Analyze grammar]

śaktaḥ sādhayituṃ tasmācchīghraṃ dharma samācaret |
vātapītakaphādīnāṃ vaiṣamyaṃ vyādhimaṇḍalam || 61 ||
[Analyze grammar]

dehe tiṣṭhati nityaṃ vai bahuduḥkhakaraṃ muhuḥ |
duḥkhāni svātmavedyāni kiṃ tatra vedyate paraiḥ || 62 ||
[Analyze grammar]

ekottaraṃ mṛtyuśataṃ he nityaṃ pravartate |
tatraikaṃ kālarūpaṃ ca śeṣāstvāgantukāḥ smṛtāḥ || 63 ||
[Analyze grammar]

kālaḥ pratikṣaṇaṃ dehaṃ kṣapayatyeva śāntimān |
āgantukāḥ kṣapayanti tattvāni hi pratikṣaṇam || 64 ||
[Analyze grammar]

āgantukā mṛtyavastu nātyantaṃ mārayanti vai |
bheṣajādipratisparddhisādhanairvidravanti te || 65 ||
[Analyze grammar]

kālamṛtyuḥ kṣaṇādyātmā mahākālātmakastathā |
japahomapradānādyairbhaiṣajaiśca na śāmyati || 66 ||
[Analyze grammar]

apamṛtyustu dehasya viṣamadyādisaṃbhavaḥ |
sarveṣāṃ jalapātādivahnipātādisaṃbhavaḥ || 67 ||
[Analyze grammar]

kṣayaṃ karoti vṛṣṭyādi kīṭānāṃ jalapūrataḥ |
jñātā'yaṃ puruṣo nityamapamṛtyorbibheti ca || 68 ||
[Analyze grammar]

vividhā vyādhayaḥ kaṣṭāḥ sarpādyāḥ prāṇino'pi ca |
viṣāṇino'bhicārāśca mṛtyordvārāṇi dehinām || 69 ||
[Analyze grammar]

āvṛtaṃ rogasarpādyairapi dhanvantariḥ svayam |
svasthaṃ kartuṃ na śaknoti kālagrastaṃ hi dehinam || 70 ||
[Analyze grammar]

nauṣadhaṃ na tapo dānaṃ na mitrāṇi na bāndhavāḥ |
paritrātuṃ samarthā no kālagrastaṃ pravāsinam || 71 ||
[Analyze grammar]

nāsti mṛtyusamaṃ duḥkhaṃ nāsti mṛtyusamo ripuḥ |
nāsti mṛtyusamaḥ kālo dehināṃ sukhamāninām || 72 ||
[Analyze grammar]

sadbhāryāsutamitrāṇi rājyaiśvaryasukhāni ca |
mṛtyuśchinatti sarvāṇi vāryamāṇo'pi vegataḥ || 73 ||
[Analyze grammar]

idṃ tai kathitaṃ putra dharmarāja mayā'rthavat |
pariṇāme bhavet sarvaṃ sarvathā kālabhojanam || 74 ||
[Analyze grammar]

tasmāt sarvaprayatnena sevyā nārāyaṇī sṛtiḥ |
sarvaduḥkhaharā revā sarvaśokavināśinī || 75 ||
[Analyze grammar]

yān yān kāmayate kāmān tāṃstān revā prayacchati |
jñānaṃ dhyānaṃ cādhyayanaṃ revāsevanameva tat || 76 ||
[Analyze grammar]

yajño dānaṃ tapaḥ satyaṃ lakṣmi revāmbusevanam |
brahmakūrcasahasrāṇi revātoyasamāni na || 77 ||
[Analyze grammar]

godānaṃ tatra vai dattaṃ gomedhāyutapuṇyadam |
śaśāṃko'bhūt purā rājā narmadātīramāśritaḥ || 78 ||
[Analyze grammar]

dānaṃ yajñaṃ tapaścakre parvate'marakaṇṭake |
dadau cārdhaprasūtāṃ gāṃ brāhmaṇāya mahātmane || 79 ||
[Analyze grammar]

dānasyā'sya prabhāveṇa divyūrdhvayāyānago'bhavat |
yāvadvatsasya pādau dvau mukhaṃ yonau pradṛśyate || 80 ||
[Analyze grammar]

tāvadgauḥ pṛthivī jñeyā saśailavanakānanā |
svarṇaśṛṃgī rūpyakhurī savatsā kāṃsyadohanā || 81 ||
[Analyze grammar]

narmadāsnānayuktā ca sakuśā tilasaṃyutā |
oṃkārā'marayormadhye koṭitīrthe śaśāṃkakaḥ || 82 ||
[Analyze grammar]

etāḥ sahasrasaṃkhyākā brāhmaṇebhyo hyakalpayat |
sa rājā dānapuṇyena divyayānena vai divi || 83 ||
[Analyze grammar]

rājate tu tadā nedurdevadundubhayo divi |
tatkṣaṇe yānamārūḍho hariścandro'pi bhūpatiḥ || 84 ||
[Analyze grammar]

kurukṣetre gosahasraṃ datvā yānena cāyayau |
dhṛtasvarṇātapatrastu vījyamānaśca cāmaraiḥ || 85 ||
[Analyze grammar]

yojanānāṃ sahasreṇa hariścandro hyadhaḥsthitaḥ |
evaṃ dṛṣṭvā nimnabhāvaṃ jagāmā'jaṃ sa satvaram || 86 ||
[Analyze grammar]

viṣaṇṇavadano'pṛcchat pitāmahaṃ tu kāraṇam |
mayā tu kaurave kṣetre dānaṃ dattamanantakam || 87 ||
[Analyze grammar]

śaśāṃkena tu revāyāṃ dānaṃ dattamanantakam |
kathaṃ puṇyaṃ nārmadaṃ tu kurukṣetrād viśiṣyate || 88 ||
[Analyze grammar]

yenā'hamasmi nimnastho hariścandraḥ samūrdhvagaḥ |
śrutvā brahmā hariścandraṃ prāha mā khedamāvaha || 89 ||
[Analyze grammar]

śaśāṃkena purā sūryagrahe'dryamarakaṇṭake |
anekāni sahasrāṇi kṛtānīṣṭāni bhūpate || 90 ||
[Analyze grammar]

anyataḥ sarvatīrthāni caikato'marakaṇṭakam |
tolitaṃ ca mayā pūrvamamareśo viśiṣyate || 011 ||
[Analyze grammar]

sevyatāṃ kalpagā devī yadicchetparamaṃ padam |
hariścandrastato natvā yayāvamarakaṇṭakam || 92 ||
[Analyze grammar]

narmadāyāstaṭe dravyaṃ dhanaṃ gāśca dadau tadā |
atha puṇyodayenā'sya vimānaṃ cordhvagaṃ hyabhūt || 93 ||
[Analyze grammar]

tadā santoṣamāpannaḥ kṛtvā rājyaṃ ciraṃ tataḥ |
yayau vaikuṇṭhamevā'yaṃ narmadāyāḥ prabhāvataḥ || 94 ||
[Analyze grammar]

yadyapyanena dattāni kaurave ca bahūnyapi |
dānāni tatphalaṃ naiva nārmadena samaṃ hyabhūt || 95 ||
[Analyze grammar]

evaṃ vai nārmadaṃ tīrthaṃ sarvaśreyaskaraṃ param |
bhuktidaṃ mokṣadaṃ cāpi koṭitīrthasamanvitam || 96 ||
[Analyze grammar]

etatsarvaṃ samākhyātaṃ śivāyai śaṃkareṇa ha |
mayā tubhyaṃ mahālakṣmi proktaṃ tannārmadaṃ phalam || 97 ||
[Analyze grammar]

yaḥ śṛṇoti jano lakṣmi gosahasraphalaṃ labhet |
paṭhanācchravaṇātsmṛterlabhedvai tādṛśaṃ phalam || 98 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne kuvalayāśvamucukundavimānavaiṣamye hariścandraśaśāṃkavimānavaiṣamye narmadāmarakaṇṭakamāhātmyādhikyādikathananāmaikonasaptatyadhikapañcaśatatamo'dhyāyaḥ || 569 ||
[Analyze grammar]