Chapter 559

śrīnārāyaṇa uvāca |
śṛṇu lakṣmi  tataḥ śaṃbhuḥ pārvatīṃ prāha cottamam |
śāṇḍilyākalpagāyogaṃ tīrthaṃ cānyad vadāmi te || 1 ||
[Analyze grammar]

yatra janma sahṛsrā'rjunākhyasya bhūpaterabhūt |
tatra śāḍilyakauṇḍinyamāṇḍavyā nyavasan mudā || 2 ||
[Analyze grammar]

śāṇḍilyasyā''śramastvāste śāṇḍilyārevikāyuji |
śāṇḍilyapuramityevaṃ prasiddhaṃ tatpurā'bhavat || 3 ||
[Analyze grammar]

niśāyāṃ mūṣakaḥ kaścidaṭamāna itastataḥ |
prabhakṣito biḍālena tāvad vṛkaḥ samāgataḥ || 4 ||
[Analyze grammar]

kiñciccheṣaṃ mūṣakaṃ taṃ tyaktvā dudrāva cākhubhuk |
tadā meghe prasañjāte pravāhastatra nirgataḥ || 5 ||
[Analyze grammar]

asthipravahaṇaṃ svākhoḥ prasaṃjātaṃ jale tataḥ |
tīrthasyā'sya prabhāveṇa yakṣo'bhavat sa unduruḥ || 6 ||
[Analyze grammar]

bṛhadvṛndasamākhyāto yakṣāyutasamāvṛtaḥ |
haṃsayuktavimānena yakṣeśvaro divaṃ yayau || 7 ||
[Analyze grammar]

yakṣaloke'dhipo jātastīrthasyaiva prabhāvataḥ |
tato gacchenmahātīrthe kubjārevāsamāgamam || 8 ||
[Analyze grammar]

rantidevena vai yatra yajñaḥ kṛto'tiśobhanaḥ |
avadhyāyā nṛpaścāsīd rantidevā'bhidhaḥ purā || 9 ||
[Analyze grammar]

vasiṣṭhasyā'numatyā sa revātīre kratuṃ śubham |
kartuṃ cājñāpayāmāsa bhṛtyāmātyapurodhasaḥ || 10 ||
[Analyze grammar]

yajñopaskārasaṃbhāraḥ śīghrameva vidhīyatām |
dhenūśca daśalakṣāṇi savatsāḥ supayasvinīḥ || 11 ||
[Analyze grammar]

hemabhārairbhūṣitāśca kāmadughāḥ sumaṃgalāḥ |
ānayantu lakṣamaśvānāmayutaṃ sudantinām || 12 ||
[Analyze grammar]

maṇimāṇikyaratnānāṃ yatrā''nantyaṃ yathā bhavet |
anekāni sahasrāṇi vimānānāṃ syurambare || 13 ||
[Analyze grammar]

pṛthvīyānānyanekāni cānayantvatra tīrthake |
ājñāpyaivaṃ svayaṃ yāne vyomage sanniṣadya vai || 14 ||
[Analyze grammar]

narmadāyāstaṭe gatvā sāntaḥpuraparicchadḥ |
viśaśrāma suvarṇasya yūpān kuṇḍāṃśca maṇḍapān || 15 ||
[Analyze grammar]

kārayāmāsa bhakṣyāṃśca bhojyān pakvānnaparvatān |
kṛtavān ratnabhūṣābhirbrāhmaṇān samalaṃkṛtān || 16 ||
[Analyze grammar]

yajñadīkṣāṃ prajagrāha patnyā saha narādhipaḥ |
yajñe pravartite havyavāhanaḥ sarvagocaraḥ || 17 ||
[Analyze grammar]

pratyakṣo jagṛhe havyaṃ mūrtimān svāhayā saha |
brahmaśakrādayo devā lokapālā marudgaṇāḥ || 18 ||
[Analyze grammar]

viśvedevāśca sādhyāśca vasavaścandrabhāskarau |
saritaḥ sāgarāḥ śailāḥ sarvatīrthāni cāpagāḥ || 19 ||
[Analyze grammar]

mātaraḥ siddhagandharvāḥ sayakṣoragarākṣasāḥ |
umayā sahito rudro viṣṇurnārāyaṇīyutaḥ || 155920 ||
[Analyze grammar]

āyayuryajñabhāgāṃśca teṣāṃ pṛthagakalpayat |
vedadhvaniṃ pravṛttaṃ ca śrutvā dānavapuṃgavāḥ || 21 ||
[Analyze grammar]

mahābāhusubāhvādyāḥ krauṃcapuranivāsinaḥ |
āyayurnarmadātīre sabhṛtyabalavāhanāḥ || 22 ||
[Analyze grammar]

pracakrire kratau vighnaṃ dakṣiṇāyāṃ diśi sthitāḥ |
uvāca rantidevaṃ tu brahmā bhayāt pravihvalaḥ || 23 ||
[Analyze grammar]

vighnaṃ vāraya rājendra  yajñaḥ kramād yathā bhavet |
brahmiṣṭho rantidevastacchrutvovāca hariṃ smaran || 24 ||
[Analyze grammar]

yadi me vidyate satyaṃ brahmabhaktau parā matiḥ |
daityarākṣasaduṣṭādyā layaṃ yāntu vinā mṛdham || 25 ||
[Analyze grammar]

evamuktvā sa rājarṣiḥ sasmāra viṣṇumīśvaram |
śaṃkhacakragadāpadmadhārī sākṣādupāgataḥ || 26 ||
[Analyze grammar]

viṣṇoścakraṃ kuśāgre'tra tiṣṭhatu rākṣasārdanam |
evamuktvā nārmade sujale tvāplāvya taṃ kuśam || 27 ||
[Analyze grammar]

preṣayāmāsa rakṣārthaṃ dakṣiṇasyāṃ diśi dhruvam |
uttare'pi tathā cānyat preṣayāmāsa darbhakam || 28 ||
[Analyze grammar]

devamantreṇa ghoreṇa rakṣāṃ vidhāya sarvataḥ |
pūrvasyāṃ paścimāyāṃ ca preṣayāmāsa vai kuśau || 29 ||
[Analyze grammar]

mūrtimantastu te jātāścakrurdurgān samantataḥ |
agninā jvalamānāśca rākṣasānāṃ pradāhakāḥ || 155930 ||
[Analyze grammar]

durgāste vyomacārā vai yatra yatra ca rākṣasāḥ |
tatra tatrā'bhigatvaiva dadhustān sahṛsraśaḥ || 31 ||
[Analyze grammar]

athā'gnau ca juhāvā'yaṃ rājā bilvā''mravetasam |
tasmāt samutthitaṃ liṃgaṃ jvalatkālānalaprabham || 32 ||
[Analyze grammar]

nemuryajñīyabhūmisthāḥ sarve kuṇḍasthamīśvaram |
rantidevasya vai sarve camatkāraṃ vilokya ca || 33 ||
[Analyze grammar]

dhanyavādān dadustatra devādyā api bhāvataḥ |
dānavā dudruvuḥ sarve bhayād darbhānalotthitāt || 34 ||
[Analyze grammar]

krauṃcadvīpaṃ yayuryajñaḥ saṃpūrṇatāṃ gatastathā |
liṃgaṃ bilvāmrakaṃ natvā pūjayitvā surādayaḥ || 35 ||
[Analyze grammar]

yayuḥ svargaṃ praśaṃsanto nṛpaṃ tīrthe camatkṛtim |
sāketaṃ va yayau yānaṃ samāruhya ca bhūpatiḥ || 36 ||
[Analyze grammar]

tatra tīrthe kṛtasnānā yānti brahma sanātanam |
darśanādapi pāpānāṃ prajvālakaṃ pramokṣadam || 37 ||
[Analyze grammar]

kubjāyāṃ cā'paraṃ tīrthaṃ hārikeśākhyamastyapi |
harikeśa iti khyātaḥ śālagrāme dvijo'bhavat || 38 ||
[Analyze grammar]

śiloñcchavṛttirdhamātmā tasya patnī pativratā |
suvratākhyā'bhavad yasyāṃ śataṃ putrāḥ prajajñire || 39 ||
[Analyze grammar]

kapilāpuramāśritya harikeśo divāniśam |
śilānāmarjanenaiva prasthamannaṃ samṛcchati || 40 ||
[Analyze grammar]

bālā api ca te putrā yathākathaṃcideva tu |
vartayanti prabhikṣādyaiḥ pūrṇamannaṃ na yanti hi || 41 ||
[Analyze grammar]

sthitiṃ tu tādṛśīṃ dṛṣṭvā mātā śuśoca vihvalā |
patiṃ prāha suduḥkhārtā garhamāṇāṃ nijāṃ daśām || 42 ||
[Analyze grammar]

vṛddhau ca mātāpitarau sādhvī bhāryā sutaḥ śiśuḥ |
bharaṇīyāḥ prayatnena dharma eṣaḥ sanātanaḥ || 43 ||
[Analyze grammar]

tasmāt pratigrahaṃ kṛtvā bhartavyaṃ svakuṭumbakam |
putreṇa lokaṃ jayati putreṇa sukhamedhate || 44 ||
[Analyze grammar]

putreṇa sukhamāpnoti pitṝṇāṃ ca suto gatiḥ |
ambarīṣo mahṛाrājaścāyodhyādhipatiḥ kila || 45 ||
[Analyze grammar]

prakaroti kratuṃ yāhi kurukṣetre dvijottama |
gatāśca brāhmaṇāstatra pratigrahajighṛkṣayā || 46 ||
[Analyze grammar]

gāḥ kāñcanaṃ dhanaṃ labdhaṃ śālagrāmanivāsibhiḥ |
śrutvaivaṃ bhāminīvākyaṃ gṛhītvā ca kuṭumbakam || 47 ||
[Analyze grammar]

kurukṣetre yayau yajñe praviṣṭaścā'dhvare dvijaḥ |
ambarīṣo vilokyainaṃ cārghapādyairapūjayat || 48 ||
[Analyze grammar]

uvācā''tithyarūpeṇa yācayasva yathepsitam |
vipraḥ prāha dhanaṃ varṣaśataṃ yāvadbhavenmama || 49 ||
[Analyze grammar]

paryāptaṃ sakuṭumbasya tāvad dehi nṛpottama |
dhenūrdehi pratiputra hemabhārapariṣkṛtāḥ || 155950 ||
[Analyze grammar]

ābharaṇāni vastrāṇi kṣetrodyānagṛhāṇi ca |
dāridyaṃ me yathā na syāttathā bhikṣāṃ pradehi me || 51 ||
[Analyze grammar]

ambarīṣaḥ prasanno'ti dadau sarvaṃ yathepsitam |
śālagrāme śubhe kṣetre vipro rājeva modate || 52 ||
[Analyze grammar]

kālāntare tataḥ prāpte vipro mṛtyuvaśaṃ yayau |
marudeśe nirudake brahmarakṣastvamāgataḥ || 53 ||
[Analyze grammar]

rājapratigrahāccāpi tathā brāhmaṇyalopataḥ |
viṣayavāsanāvattvād dhanādivāsanādinā || 54 ||
[Analyze grammar]

iha vṛkṣāḥ prarohanti dāvadagdhā ghanāgame |
rājapratigrahadagdhāḥ prarohanti na karhicit || 55 ||
[Analyze grammar]

narake raurave ghore tasya vai patanaṃ bhavet |
vipro'yaṃ rākṣasaḥ preto bhūtvā sutān priyāṃ tathā || 56 ||
[Analyze grammar]

āgatyā''gatya ca grahe rudan prāha punaḥ punaḥ |
mamoddhāraṃ prakurvantu rākṣaso'haṃ pratigrahāt || || 97 ||
[Analyze grammar]

jāto'smi me mahānārāyaṇabaliṃ dadatvapi |
tatastasya sutairnārāyaṇabaliḥ prasaṃkṛtaḥ || 58 ||
[Analyze grammar]

vyomavāṇyā sutebhyaśca kathitaṃ yāntu narmadām |
kubjāyāḥ saṃgame tatra bilvāmrake sutīrthake || 59 ||
[Analyze grammar]

tatra snātvā bhavatyeva brahmarakṣovimokṣaṇam |
labhate brahmalokaṃ ca pāpatāpapraṇāśanāt || 155960 ||
[Analyze grammar]

śrutvā sādhvī sutairyuktā yayau bilvāmrakasthalam |
rākṣaso'pi kuṭumbena sahā'dṛśyo yayau tadā || 61 ||
[Analyze grammar]

samprāptaḥ sumudāyuktaḥ kubjārevāsamāgamam |
snātvā śaṃbhuṃ prapūjyaiva nārāyaṇaṃ samarcya ca || 62 ||
[Analyze grammar]

dhyāne tasthustadā vyomnā vimānaṃ tvāyayau śubham |
viṣṇupārṣadayuktaṃ ca samāruhya mahojjvalam || 63 ||
[Analyze grammar]

tatkṣaṇād divyadehāste brahmalokaṃ tadā yayuḥ |
evaṃ kubjāsaṃgamasya revāyāṃ pāpanāśanam || 64 ||
[Analyze grammar]

mokṣaṇaṃ harikeśasya jātaṃ kuṭumbinastadā |
sarve yayurhi te muktiṃ tathā yāsyanti mānavāḥ || 65 ||
[Analyze grammar]

atha suvarṇanāmnaśca gandharvasya priyā satī |
hemagarbheti vikhyātā putrī tasyāḥ prasundarī || 66 ||
[Analyze grammar]

sukāmā nāmataḥ sā ca dhanadena vivāhitā |
tasyāṃ putraḥ ketumālī rājā vaidyādhare pure || 67 ||
[Analyze grammar]

babhūva tasya patnī ca śaśirekhetināmataḥ |
dve kanye janayāmāsa ratiṃ prītiṃ manorame || 68 ||
[Analyze grammar]

dadau sa kāmadevāya pāṇigrahaṇapūrvakam |
anyāśca kanyakā bahvīrdāsīrūpā tadā dadau || 69 ||
[Analyze grammar]

tāśca kanyā niyamaṃ vai jagṛhuḥ śivapūjanam |
kṛtvā jalādikaṃ grāhyaṃ nānyathā tu kadācana || 155970 ||
[Analyze grammar]

athaikadā yayuḥ sarvā devanadyāṃ vigāhitum |
citrāṃgadaśca gandharvo dṛṣṭvā tāstatra cāyayau || 71 ||
[Analyze grammar]

kāmarūpadharo bhūtvā rūpānurūpaśobhitaḥ |
sasnau jale yadā tasmin mohitāstāstu kanyakāḥ || 72 ||
[Analyze grammar]

remustenaiva sākaṃ ca visasmarurharārcanam |
evaṃ vai divase yāte sāyaṃ saṃsmṛtya śaṃkaram || 73 ||
[Analyze grammar]

āाyayuḥ pūjanārthaṃ ca bhuktvā pītvā'nnavāri ca |
pārvatī kupitā dṛṣṭvā śaśāpa sāyameva tāḥ || 74 ||
[Analyze grammar]

dharmasya niyamaṃ hitvā cā'pūjya śaṃkaraṃ ca mām |
jalānnaṃ bhuktavatyaśca tato doṣānvitāḥ khalu || 75 ||
[Analyze grammar]

mama śāpena vai sarvā bhavantu kubjikāstathā |
vāmanyaśca martyaloke hīnāṃgā vanabhīllikāḥ || 76 ||
[Analyze grammar]

evaṃ śaptāstu tāḥ sarvā martyalokaṃ samāgaman |
babhramustā vane'raṇye bhīlikāḥ śāpaduḥkhitāḥ || 77 ||
[Analyze grammar]

ekadā ca kubero vai tena mārgeṇa cāmbare |
nirgato divyayānena dṛṣṭvā tā duḥkhitāstataḥ || 78 ||
[Analyze grammar]

yayau śīghraṃ pārvatīṃ ca prati kailāsameva saḥ |
natvā ruroda ca tadā satī prāha kathaṃ tviha || 79 ||
[Analyze grammar]

rodiṣi vada me tvatra kāraṇaṃ prakaromi yat |
kuberaḥ kanyakāśāpanirvṛtiṃ prārthayat tadā || 155980 ||
[Analyze grammar]

śrutvaitat pārvatī prāha yāntu sarvā hi narmadām |
yajñapākāśramaṃ gatvā bilvāmrakaṃ sutīrthakam || 81 ||
[Analyze grammar]

kṛtvā śāpāttato muktā bhaviṣyanti drutaṃ tu tāḥ |
yatra vai saṃgame kubjā gāndharvyo bhīllayonitaḥ || 82 ||
[Analyze grammar]

muktāḥ khātvā jalaṃ pītvā kubjātīrthaṃ taducyate |
kubjānadī ca sā proktā narmadāsaṃgatā ca yā || 83 ||
[Analyze grammar]

tatra snātāḥ śāpamuktā gāndharvyo yānasaṃsthitāḥ |
yayuḥ sarvāḥ kuberoktyā svarge punarnijālayam || 84 ||
[Analyze grammar]

aneke jalapānādyaistatra siddhiṃ parāṃ gatāḥ |
śravaṇāt kīrtanād vāpi mucyante bhavabandhanāt || 85 ||
[Analyze grammar]

athānyattatra vai tīrthaṃ māheśvarapurātmakam |
raudraṃ vāruṇamāsādya krośamātrapramāṇataḥ || 86 ||
[Analyze grammar]

śivakṣetre'tra ye snātāḥ paśavaḥ pakṣiṇo'pi ca |
api kīṭapataṃgādyā mṛtā yānti divaṃ param || 87 ||
[Analyze grammar]

sālaṃkāyanamuninā kṛto yajño mahān purā |
ayodhyādhipatiḥ sālaṃkāyanā'khyo nṛpo'bhavat || 88 ||
[Analyze grammar]

anāvṛṣṭau prajātāyāṃ mārkaṇḍeyaṃ mahāmunim |
paryapṛcchat kāraṇaṃ ca mārkaṇḍeyo jagād tam || 89 ||
[Analyze grammar]

gaṃgāsāgarasaṃbhede tava rājye narādhipa |
adhikāravihīnā vai sakāmā phalavāñcchanāḥ || 155990 ||
[Analyze grammar]

sāmprataṃ saptacāṇḍālā ūrdhvapādā adhaḥśikhāḥ |
kaṇadhūmaṃ pibantyeva tapaḥ kurvanti tena vai || 91 ||
[Analyze grammar]

tapasyanadhikārāṇāṃ pāpaṃ tapasi jāyate |
taddaśāṃśastvayi rājannāste tato'pyavagrahaḥ || 92 ||
[Analyze grammar]

tasmāttān daṇḍaya rājan taporodhaṃ ca kāraya |
yajñe ca nārmade kṣetre samācara mahāmakham || 93 ||
[Analyze grammar]

vṛṣṭistena va sarvatra bhaviṣyati na saṃśayaḥ |
mucyatāṃ pāpadoṣeṇa rājyaṃ svargamavāpsyasi || 94 ||
[Analyze grammar]

śrutvā rājā tvādideśa bhṛtyān sambhārasiddhaye |
saptarātrābhyantarato yathā yajñaḥ pravartate || 99 ||
[Analyze grammar]

rājā rājyaprajāścāpyamātyā rājakumārakāḥ |
ṛṣayo munayo viprā rājñyo devāḥ sureśvarāḥ || 96 ||
[Analyze grammar]

āyayustatra vai tīre revāyāśca nimantritāḥ |
arbudā'rbudasaṃkhyākāḥ svarṇamudrāśca saṃdadau || 97 ||
[Analyze grammar]

koṭigogajavājyādidānaṃ cakāra bhūpatiḥ |
hiraṇmayā mahāstambhāḥ sruvādyā api kānakāḥ || 98 ||
[Analyze grammar]

bhakṣyabhojyarasādyāścā'pūrvā divyarasā'nvitāḥ |
vartante tatra bhūbhāge viṣṇuḥ sākṣāt samāyayau || 99 ||
[Analyze grammar]

rudraścāgniḥ svayaṃ brahmā tattaddevyaḥ samāyayuḥ |
yajño nirvartitaḥ pūrṇo'vabhṛthaṃ narmadājale || 1559100 ||
[Analyze grammar]

cakruḥ sarve mahāvṛṣṭiḥ saṃjātā kṣitimaṇḍale |
devādyāḥ pūjitā rājñā brāhmaṇāśca pratoṣitāḥ || 101 ||
[Analyze grammar]

tādṛśaṃ tanmahattīrthe yajñīyaṃ nārmadaṃ śubham |
sañjātaṃ tāpasā rājñā niruddhāstapasastathā || 102 ||
[Analyze grammar]

ye cāṇḍālāstapasyāsan tena vṛṣṭirbabhūva ca |
ityevaṃ ca kratuṃ kṛtvā yayuḥ svaṃ svaṃ niketanam || 103 ||
[Analyze grammar]

tata ārabhya tattīrthaṃ yajñatīrthaṃ hi kathyate |
ityevaṃ śaṃkaraḥ prāha pārvatīṃ tīrthamaṇḍalam || 104 ||
[Analyze grammar]

mayoditaṃ ca te lakṣmi  pāpatāpapraṇāśanam |
paṭhanācchravaṇāccāpi muktidaṃ nārmadaṃ jalam || 105 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne śāṇḍilyākalpagātīrtha rantidevatīrtha harikeśatīrthā'mbarīṣatīrtha bilvāmrakatīrtha sālaṃkāyanatīrthādīni sacamatkāra nirūpitānīti nāmaikonaṣaṣṭayadhikapañcaśatatamo'dhyāyaḥ || 559 ||
[Analyze grammar]