Chapter 556

śrīnārāyaṇa uvāca |
śṛṇu lakṣmi śaṃkarādyāḥ kṛtvā tīrthāni cārbude |
vyomayānairyayurvyomni paśyanto bhūtalādikān || 1 ||
[Analyze grammar]

satī ca pārvatī dṛṣṭvā suśobham ṛkṣaparvatam |
papraccha śaṃkaraṃ namrā ko'yaṃ prakāśate giriḥ || 2 ||
[Analyze grammar]

śaṃbhuḥ prāha mahānāste ṛkṣākhyaḥ parvato hyayam |
yatra vai ṛṣayaḥ santi tāpasā vanavāsinaḥ || 3 ||
[Analyze grammar]

oṃkārākhyo vasāmyatra tvayā sākaṃ hi ṛkṣake |
śrutvaivaṃ pārvatī prāha śaṃbho'tra bhūtale punaḥ || 4 ||
[Analyze grammar]

himālayāt samārabhya samudraṃ prati parvatāḥ |
kati tvadāśrayāḥ santi kati nadyaśca me vada || 5 ||
[Analyze grammar]

śaṃbhuḥ prāha śṛṇu haimi saptā'tra kulaparvatān |
mahendro malayaḥ sahyaḥ śuktimānṛkṣaparvataḥ || 6 ||
[Analyze grammar]

vindhyaśca pāriyātraśca hyete vai kulaparvatāḥ |
anye tu mandaraḥ śāraḥ kailāso dardurastathā || 7 ||
[Analyze grammar]

maināko vaidyuto vārandhamaḥ pāṇḍurakastathā |
tuṃgaprasthaḥ kṛṣṇagirirjayanta ṛṣyamūkakaḥ || 8 ||
[Analyze grammar]

airāvataśca gomantaścitrakūṭaḥ śrīparvataḥ |
cakorakūṭaḥ śrīśailaḥ śatruṃjitaḥ kṛtasmaraḥ || 9 ||
[Analyze grammar]

raivatādrirbaradādaḥ śālamālādayo'pi ca |
vartante pāvanāstīrthabhūmayastārakāḥ śubhāḥ || 10 ||
[Analyze grammar]

himācalo mahānāste pitā te'yutaśṛṃgavān |
tasmānnadyo nirgatā yāḥ svasārastava tāḥ śṛṇu || 11 ||
[Analyze grammar]

gaṃgā sindhuḥ śatadruśca vitastā ca sarasvatī |
vipāśā candrabhāgā ca sarayūryamunā tathā || 12 ||
[Analyze grammar]

irāvatī devikā ca kuhūrgomatī bāhudā |
dhūtapāpā dṛṣadvatī nisvīrā kauśikī tathā || 13 ||
[Analyze grammar]

cakṣuṣmatī gaṇḍakī ca lohitā brahmaputrakaḥ |
yāḥ samudraṃ yathānimnaṃ mimīluḥ puṇyapāvanāḥ || 14 ||
[Analyze grammar]

pāriyātrodbhavāścāpi samākarṇaya śobhane |
vedasmṛtirvedavatī sindhuparṇā carmaṇvatī || 15 ||
[Analyze grammar]

candranābhā rohipārā nāśadā''cāranāmikā |
vedatrayī vidiśā ca vapantī tāḥ samudragāḥ || 16 ||
[Analyze grammar]

nadīḥ ṛkṣaprasūtāśca śṛṇu tvaṃ pāvanīḥ śubhāḥ |
śoṇo jyotīrathā cāpi narmadā surasā tathā || 17 ||
[Analyze grammar]

mandākinī daśārṇā ca tamasā pippalā tathā |
citrakūṭā karatoyā citrotpallā piśācikā || 18 ||
[Analyze grammar]

viśālā vaṃjukā vāluvāhinī virajā tathā |
śuktimatī paṃkinī ca rātrī tāḥ ṛkṣaputrikāḥ || 19 ||
[Analyze grammar]

vindhyapādodbhavāścāpi śṛṇu pāpavināśinīḥ |
śubhā tāpī payoṣṇī ca maṇijālā kumudvatī || 20 ||
[Analyze grammar]

veṣṇā pāśā vaitaraṇī śīghrādā'ntyā girā tathā |
durgā toyā vaidipālā vindhyaparvatajāśca tāḥ || 21 ||
[Analyze grammar]

sahyapādodbhavāścāpi śṛṇu nadīḥ samudragāḥ |
godāvarī bhīmarathī kṛṣṇā veṇī ca vañjrulā || 22 ||
[Analyze grammar]

tuṃgabhadrā suprayogā bāhyakāverīti smṛtā |
malayācalajā nadyastāmraparṇyutpalāvatī || 23 ||
[Analyze grammar]

puṣpāvatī śatamālā etāścāpi samudragāḥ |
mahendratanayā nadyastriyāmā ikṣulā tathā || 24 ||
[Analyze grammar]

ṛṣikulyā trivindālā vaṃśavarā ca mūlinī |
atha śuktimatī nadyaḥ palāśinī ca lūtasī || 25 ||
[Analyze grammar]

ṛṣikā mandagāmā ca samudragāstu tā api |
etā mahattamā nadyastathā gomatī bhadrikā || 26 ||
[Analyze grammar]

ojasvatī svarṇarekhā nāganadī ca devikā |
sābhramatī hiraṇyā ca nyaṃkumatī śatruṃjitā || 27 ||
[Analyze grammar]

manoramā candrakalā nārāyaṇī māheśvarī |
etāścānyā bhavantyeva pāpaghnyo mokṣadāyikāḥ || 28 ||
[Analyze grammar]

śrutvā caivaṃ satī śaṃbhuṃ samuvāca tataḥ param |
etāsu nātha kutra tvaṃ samūrto vartase vad || 29 ||
[Analyze grammar]

śaṃbhuḥ prāha ca revāyāṃ varte'haṃ liṃgamūrtikaḥ |
narmadākaṃkarāḥ sarve śaṃkarā iti me sthitiḥ || 30 ||
[Analyze grammar]

pārvatī prāha me vāñchā jāyate narmadātaṭam |
draṣṭuṃ darśaya revāṃ me yasmāt sā nirgatā tathā || 31 ||
[Analyze grammar]

yatra praviṣṭā cābdhau sā sarvāṃ darśaya me śiva |
tathāstviti haraḥ prāha ṛkṣe cāvātarat tadā || 32 ||
[Analyze grammar]

pārvatyā sahitaḥ śaṃbhustathā svagaṇakoṭibhiḥ |
revā yasmānniḥsasāra tatraivā'vātatāra ha || 33 ||
[Analyze grammar]

ṛkṣe ca parvate sarve nyūṣu sasnurviśaśramuḥ |
jalaṃ papurbhojanāni cakrustataśca pārvatī || 34 ||
[Analyze grammar]

gaṇānāṃ tu sabhāmadhye śaṃkaraṃ samapṛcchata |
revodbhavaṃ mama brūhi tathā tīrthāni cāṃjasā || 35 ||
[Analyze grammar]

śaṃkarastāṃ narmadāyā āgamaṃ nijagāda ha |
śṛṇu haimi purā daityo hiraṇyakaśipurmahān || 36 ||
[Analyze grammar]

devādīnardayāmāsa devā nārāyaṇaṃ yayuḥ |
viṣṇuṃ vijñāpayāmāsurdaityaduḥkhaṃ sudāruṇam || 37 ||
[Analyze grammar]

viṣṇurnṛsiṃharūpeṇa hatavān dānaveśvaram |
tato devairarthiteyaṃ pāvanārthaṃ harergṛhāt || 38 ||
[Analyze grammar]

vaikuṇṭhātpāvanī mūrtiḥ revā divyasvarūpiṇī |
nārāyaṇasya bhaktā yā divyā dāsī susevikā || 39 ||
[Analyze grammar]

jalarūpā svayaṃ bhūtvā devaiḥ saha samāyayau |
svarge sā devaloke vai tasthau ca vahuvatsarān || 40 ||
[Analyze grammar]

atha rājā'bhavat pṛthvyāṃ hiraṇyatejānāmataḥ |
somavaṃśodbhavaḥ so'yaṃ tvekadā tapase vane || 41 ||
[Analyze grammar]

yayau tapaścacārāti brāhmaṇānāṃ samājñayā |
mahādevasya tuṣṭyarthaṃ hitāya dehadhāriṇām || 42 ||
[Analyze grammar]

narmadāyā bhuvi tvānayanārthaṃ sa janādhipaḥ |
mahādevaṃ cā'parokṣaṃ dadarśa nṛpatistadā || 43 ||
[Analyze grammar]

vavre varaṃ narmadāyāḥ pṛthvyāmāgamanaṃ śubham |
sarveṣāṃ dehināṃ yena samuddhāro bhavediti || 44 ||
[Analyze grammar]

śaṃbhuḥ prāha tathā'stvetat tvayā samyag vicāritam |
sasmāra narmadāṃ sāpi śaṃkarāgre hyupasthitā || 45 ||
[Analyze grammar]

śaṃbhuḥ prāha bhuvaṃ yāhi reve mokṣasya hetave |
janakalyāṇadā tatra bhava pāpapraṇāśinī || 46 ||
[Analyze grammar]

revā prāha nirādhārā kutra tiṣṭhāmi śaṃkara |
śaṃbhuḥ prāha nagaścāste tūdayācalanāmakaḥ || 47 ||
[Analyze grammar]

sa tvāṃ dhārayituṃ śaktastacchṛṃge'vatara priye |
tataḥ sā narmadā svargādavātatāra vai śanaiḥ || 48 ||
[Analyze grammar]

hiraṇyatejāstasyāstu salilaiḥ samatarpayat |
pitṝn pitāmahādīṃśca tilodakāni vai dadau || 49 ||
[Analyze grammar]

uddhṛtāḥ pitaraḥ sarve yayuḥ svargaṃ ca mokṣaṇam |
so'yaṃ nārmadavārbhiśca pavitro'sti pade pade || 50 ||
[Analyze grammar]

narmadā varṇyate seyaṃ saptakalpānugāminī |
te deśāḥ parvatāḥ puṇyāste grāmāste'pi cāśramāḥ || 51 ||
[Analyze grammar]

yatra yātrā saricchreṣṭhā narmadā saptakalpagā |
tribhiḥ sārasvataṃ puṇyaṃ saptāhena tu yāmunam || 52 ||
[Analyze grammar]

sadyaḥ punāti gāṃgeyaṃ darśanādeva narmadā |
revātaṭeṣu ye vṛkṣāḥ patitāḥ kālaparyaye || 53 ||
[Analyze grammar]

narmadātoyasaṃspṛṣṭāste yānti paramāṃ gatim |
revāyā yatra kutrāpi saṃgame ca taṭe'pi vā || 54 ||
[Analyze grammar]

snānaṃ dānaṃ japo homaḥ svādhyāyaḥ pitṛpūjūnam |
devabhaktirmahādīkṣā nyāso dehavisarjanam || 55 ||
[Analyze grammar]

yatkiñcit syānmanuṣyāṇāmanantaphaladaṃ bhavet |
nārmade mūlatīrthe tad vājimedhaphalapradam || 56 ||
[Analyze grammar]

kulānāṃ śatamāgāmi samatītaṃ tathā śatam |
uddharedātmanā sārdhaṃ revātīrthāvagāhanāt || 57 ||
[Analyze grammar]

bhūdānasya pradātrā'tra rājyaprāptiṃ labhed dhruvam |
narmadātoyapānasya snānasya prekṣaṇasya ca || 58 ||
[Analyze grammar]

api cāndrāyaṇaśatādadhikaṃ phalamasti vai |
prātaryo narmadāṃ puṇyāṃ smarenmokṣaṃ labhettu saḥ || 59 ||
[Analyze grammar]

udayādristhitāṃ tāṃ cānināya bhūtale punaḥ |
purūravākhyarājarṣiḥ somavaṃśe babhūva yaḥ || 60 ||
[Analyze grammar]

candrapurīmahārājyaṃ sārvabhaumaṃ cakāra saḥ |
nirābādhāḥ prajāstasya bhavaddāridryavarjitāḥ || 61 ||
[Analyze grammar]

cirāyuṣo janāścāsan kāmadughāśca dhenavaḥ |
kauśeyapaṭṭavastrāśca narā nāryo vibhūṣitāḥ || 62 ||
[Analyze grammar]

vṛkṣe vṛkṣe rasadhārā dharaṇiḥ sasyaśālinī |
evaṃ rājñā kṛte rājye sarvaṃ siddhimayaṃ hyabhūt || 63 ||
[Analyze grammar]

tena sūryagrahe hastivājigobhavanāni ca |
svarṇarūpyakaratnāni dāne dattāni bhūriśaḥ || 64 ||
[Analyze grammar]

atarpayat pitṝṃścāpi havyakavyena bhūpatiḥ |
tadāścaryamabhūd rājño pitṝṇāṃ darśane śṛṇu || 65 ||
[Analyze grammar]

atikaṣṭena pitaro jalaṃ pibanti vīkṣitam |
kṣutkṣāmakaṇṭhatālvoṣṭhān kaśmalāṃśca mṛdaṃbhasā || 66 ||
[Analyze grammar]

nagnān malinavastrāṃśca śataśo'tha sahasraśaḥ |
dṛṣṭvā purūravā rājā natvā pitṝnuvāca ha || 67 ||
[Analyze grammar]

ke yūyaṃ vikṛtākārāḥ pretabhūtā bubhukṣitāḥ |
kathayadhvaṃ yathā mokṣo bhavetpretasvarūpataḥ || 68 ||
[Analyze grammar]

pitarastu nṛpaṃ prāhurvayaṃ vai tava pūrvajāḥ |
sadiddhīnamidaṃ kṣetraṃ dharmakarmavivarjitam || 69 ||
[Analyze grammar]

na vai tīrthaṃ vinā muktistīrthaṃ cānaya bhūmiṣu |
ityuktvā te yayuryāmyāṃ diśaṃ rājāpi tatkṣaṇāt || 70 ||
[Analyze grammar]

putre rājyadhuraṃ nyasya yayāvudayaparvatam |
kandamūlaphalāhāraḥ śivapūjāparāyaṇaḥ || 71 ||
[Analyze grammar]

bhaktiṃ cakāra paramāṃ tayā tuṣṭo maheśvaraḥ |
pratyakṣo'bhūduvācainaṃ bhūpaṃ varaṃ vṛṇu nṛpa || 72 ||
[Analyze grammar]

rājā vavre saptakalpavahāṃ śrīnarmadāṃ nadīm |
pitṝṇāṃ tāraṇārthaṃ vai bhūmiṣu tvavatāraya || 73 ||
[Analyze grammar]

śaṃbhunā bhaktatuṣṭyarthamāhūtā narmadā nadī |
makarāsanamārūḍhā divyābharaṇabhūṣitā || 74 ||
[Analyze grammar]

projjvalā yuvatī kanyā nārāyaṇāṃgasaṃbhavā |
sarvasaubhāgyasampannā kṛṣṇakuntalaśobhanā || 75 ||
[Analyze grammar]

āgatya śaṃkaraṃ natvovāca kathaṃ nu saṃsmṛtā |
śivaḥ prāha tvadarthaṃ vai caturdaśasahasrakam || 76 ||
[Analyze grammar]

varṣāṇāṃ nṛpatistepe hiraṇyataijaso nṛpaḥ |
bhāvāt pitṛpramokṣārtham ṛkṣādrau tvaṃ prayāhi vai || 77 ||
[Analyze grammar]

pretarūpān sarvapitṝn narakasthān samuddhara |
ityuktvā vyomamārgeṇa revā ṛkṣādrimāyayau || 78 ||
[Analyze grammar]

śaṃbhustasyai dadāvagryaṃ sudṛḍhamṛkṣaparvatam |
gaganāt pracyutā revā papāta parvatopari || 79 ||
[Analyze grammar]

purūravāḥ sa rājarṣirnarmadāṃ tvidamabravīt |
anugrahaḥ kṛto devi pitṝṇāṃ tāraṇāya me || 80 ||
[Analyze grammar]

rājñā tatastatra nadyāṃ snātvā surāḥ sutarpitāḥ |
pitarastarpitāścāpi piṇḍādyaistoṣitāstathā || 81 ||
[Analyze grammar]

narakāduddhṛtāḥ sarve devayānapathe sthitāḥ |
kṛmikīṭapataṃgādyāḥ pakṣiṇaścāṇḍajāśca ye || 82 ||
[Analyze grammar]

eṣo'vatāraśca puna ādikalpe kṛte yuge |
evaṃ sā śrīkṛṣṇanārāyaṇavāmāṃgajā satī || 83 ||
[Analyze grammar]

kanyā śrīnarmadādevī devaiḥ svargaṃ samāhṛtā |
svargādudayaśikharaṃ nītā hiraṇyatejasā || 84 ||
[Analyze grammar]

udayādreḥ ṛkṣaśailaṃ purūravā nināya ca |
tato bhūbhāgamāpannā pāvanī cābdhigā'bhavat || 85 ||
[Analyze grammar]

snānāvagāhanātpānātsmaraṇātkīrtanādapi |
anekabhavajaṃ ghoramaghaṃ sarvaṃ vinaśyati || 86 ||
[Analyze grammar]

atha prāpte prathame ca kalau nadyaśca sarvaśaḥ |
pañcasāhasrasaurānte yayuḥ svargaṃ tadā punaḥ || 87 ||
[Analyze grammar]

prāpte kṛte'bhavad rājā purukutsaḥ pratāpavān |
tapastepe narmadāyā avatārāya vai punaḥ || 88 ||
[Analyze grammar]

mayā tuṣṭena tasmai ca varo'rpitastatastu sā |
smṛtā revā samāyātā mamā''jñayā bhuvaṃ prati || 89 ||
[Analyze grammar]

paryaṃkaparvate ramye veṇustambe hyavātarat |
paryaṃkānniḥsṛtā vegād vāruṇīṃ diśamabdhigā || 90 ||
[Analyze grammar]

purukutsaṃ patiṃ kṛtvā śāpāt samudratāṃ gatā |
vartate pāvanī loke svargasopānapaddhatiḥ || 91 ||
[Analyze grammar]

ye'pyadharmaratā loke narmadāyāṃ mṛtā yadi |
te'pi rudratvamāyānti revātoyaprasaṃgataḥ || 92 ||
[Analyze grammar]

tatra vaiṇyeśvaraṃ devaṃ veṇumūle vyavasthitam |
ādyaṃ tīrthaṃ paraṃ taddhi pāpatāpapraṇāśanam || 93 ||
[Analyze grammar]

revodgamottare bhāge'nantapuraṃ supattanam |
ṛṣyāśramātmakaṃ tvāste divyaṃ muktipradaṃ sadā || 94 ||
[Analyze grammar]

vyāsāśramaṃ purā tatra sadāsītpāvanaṃ param |
śaivakṣetraṃ paraṃ tīrthaṃ vidyate śāśvataṃ śubham || 95 ||
[Analyze grammar]

utpalāvarttanāmā ca mādhavo yatra tiṣṭhati |
sahasramastako viṣṇurvartate pāvane sthale || 96 ||
[Analyze grammar]

krośamātraṃ harikṣetraṃ narmadāyāṃ prakathyate |
revāyā uttare kūle kapilātīrthamuttamam || 97 ||
[Analyze grammar]

tripurītīrthamatrā'sti śaṃkarastatsvarūpadhṛk |
krośadvayapramāṇaṃ tad vidyate svargadaṃ śubham || 98 ||
[Analyze grammar]

tripuraṃ vinihatyaiva viśaśrāma kṣaṇaṃ haraḥ |
tīrthaṃ tatpāvanaṃ svargamokṣadaṃ snānamātrataḥ || 99 ||
[Analyze grammar]

ityevaṃ śaṃkaraḥ prāha pārvatīṃ narmadāsakhīm |
mayoktaṃ tu purā vṛttaṃ lakṣmi te manasepsitam || 100 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne narmadāyā brahmalokādudayācalāgamastataḥ ṛkṣādryāgamastatobhūtalāvatarastato veṇutīrthā'nantapuratīrthādītihāseṣu purūravaso nṛpasya revāvatāreṇa pitruddhārādinirūpaṇanāmā ṣaṭapaṃcāśadadhikapañcaśatatamo'dhyāyaḥ || 256 ||
[Analyze grammar]