Chapter 552

śrīnārāyaṇa uvāca |
śṛṇu lakṣmi śaṃkaraṃ tvāgataṃ śrutvā'rbudācale |
agastyastaddarśanārthaṃ dakṣiṇāt samupāgataḥ || 1 ||
[Analyze grammar]

natvā śaṃbhuṃ pūjayitvā sukhāsīnaḥ śubhāsane |
śaṃbhunā satkṛto'gastyaḥ papraccha śaṃkaraṃ tataḥ || 2 ||
[Analyze grammar]

ciraṃjīvitvamevā'tra kathaṃ syānme vada prabho |
śaṃbhuḥ prāha bhaja kṛṣṇanārāyaṇaṃ pumuttamam || 3 ||
[Analyze grammar]

saurāṣṭre vartamānaṃ vai kāmbhareyaṃ ramāpatim |
vinā bhaktiṃ hareḥ kvāpi divyatvaṃ naiva jāyate || 4 ||
[Analyze grammar]

vinā ca divyabhāvena ciraṃjīvo na jāyate |
kālakṣayādikaṃ divye spṛśatyeva na karhicit || 5 ||
[Analyze grammar]

divyayogaṃ vinā divyabhāvo naiva kadācana |
divyo nārāyaṇo viṣṇurbhūtabhāvana īśvaraḥ || 6 ||
[Analyze grammar]

tasmin dehe praviṣṭe ca divyatā syād viśeṣataḥ |
siddhayastatra vartante yatra kṛṣṇanarāyaṇaḥ || 7 ||
[Analyze grammar]

ahaṃ vai śaṃkaro brahmā viṣṇuścānye divaukasaḥ |
divyā nārāyaṇāṃśena tasmānnārāyaṇaṃ bhaja || 8 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
japa nitya mahāmantraṃ dhyānaṃ kuru hareḥ sadā || 9 ||
[Analyze grammar]

juhudhi śrīkṛṣṇanārāyaṇāya svāmine svāhā |
prasannaḥ san yatheṣṭaṃ te dāsyatyeva sa divyatām || 10 ||
[Analyze grammar]

ityukto'gastyamunirāḍ dhyānaṃ cakāra pūjanam |
vandanaṃ smaraṇaṃ nityaṃ kṛṣṇanārāyaṇasya vai || 11 ||
[Analyze grammar]

lomaśasyā''śrame gatvovāsā'śvapaṭṭake tadā |
athaikadā sa munirāṭ tīrthārthaṃ kāśikāṃ yayau || 12 ||
[Analyze grammar]

vyomnā himagiriṃ gatvā prayayau mānasaṃ saraḥ |
kacchapaṃ mānase divyaṃ dadarśa munipuṃgavaḥ || 13 ||
[Analyze grammar]

kamalāni sudivyāni dadarśa kānakāni ca |
kacchapenā'rpitaṃ divyaṃ kamalaṃ svāgate śubham || 14 ||
[Analyze grammar]

tāvat sa munirāṭ tatra babhūva divyadṛṣṭimān |
uḍḍīya kacchapaṃ natvā yayāvilāvṛtaṃ tataḥ || 15 ||
[Analyze grammar]

meroḥ pārśvasthite khaṇḍe dadarśa susarovaram |
tasya taṭe śubhā tena dṛṣṭā kācinmahākuṭī || 16 ||
[Analyze grammar]

tatropavāsaśithilo dṛṣṭastena hi tāpasaḥ |
asthicarmāvaśeṣaśca cīravalkalakāmbaraḥ || 17 ||
[Analyze grammar]

pṛṣṭaśca pratipattyarthaṃ kastvaṃ ceti mahātmanā |
sa tvagastyaṃ samuvāca sthīyatāṃ sthīyatāṃ dvija || 18 ||
[Analyze grammar]

ātithyaṃ gṛhyatāṃ brahman praviśyatāṃ sthalaṃ mama |
iti śrutvā saṃpraviṣṭo'gastyaḥ parṇakuṭīṃ ca tām || 19 ||
[Analyze grammar]

tāvaddadarśa puruṣaṃ vipraṃ jvalantamīśvaram |
bhūmau śubhāsanasthaṃ prājapantaṃ brahma śāśvatam || 20 ||
[Analyze grammar]

svakare mālikāṃ yuñjan lalāṭe tilakaṃ dadhan |
oṃ namaḥ śrīkṛṣṇanārāyaṇāya svāmine svāhā || 21 ||
[Analyze grammar]

homamevaṃ prakurvantaṃ pratyekaṃ maṇimāpya ca |
vadantaṃ mālikānte ca pauruṣaṃ sūktamuttamam || 22 ||
[Analyze grammar]

etādṛśaḥ sa puruṣo lakṣmīsūktamuvāca ha |
sūktottaraṃ tu tatkuṭyāṃ kuṇḍādvai pañcakanyakāḥ || 23 ||
[Analyze grammar]

niryayuḥ kāñcanaṃ siṃhāsanaṃ tvekā dadau tadā |
dvitīyā jalapātreṇa pādaprakṣālanaṃ vyadhāt || 24 ||
[Analyze grammar]

tṛtīyā vyajanaṃ dhṛtvā munaye pavanaṃ dadau |
caturthī pañcamī dhṛtvā cāmare pakṣayoḥ sthite || 25 ||
[Analyze grammar]

punaḥ śrīsūktamuccārya kuṭyāṃ sa tāpaso muhuḥ |
homaṃ cakāra vai tāvat kanyāstu śataśaḥ śubhāḥ || 25 ||
[Analyze grammar]

hemakuṃbhakarāstatrotpannāḥ pārśve sarovaram |
vāruṇena ca homena śīghraṃ tatraiva nirmitam || 27 ||
[Analyze grammar]

tāstu jalāni cānīya snāpayāmāsuretya tam |
vastreṇa mārjanaṃ cakruścālaṃkārān dadustataḥ || 28 ||
[Analyze grammar]

vastrāṇi ca dduḥ pūjāṃ cakrurnaivedyamuttamam |
jalaṃ dadustatastāścā'ntardhāna prayayuḥ kṣaṇāt || 29 ||
[Analyze grammar]

athā'gastyaḥ samālokyā''ścaryaṃ dhyānaṃ cakāra ha |
netre sammīlite yāvat tāvanmerugirau nijam || 30 ||
[Analyze grammar]

uccaśṛṃge sthitaṃ mūrdhni paśyatyātmānamātmanā |
paśyati sāgarānsapta tathaiva kulaparvatān || 31 ||
[Analyze grammar]

saptadvīpavatīṃ pṛthvīṃ ddarśa merusaṃsthitaḥ |
dṛṣṭvā sarvaṃ punardhyānaṃ cakārā'gattyako muniḥ || 32 ||
[Analyze grammar]

bhuvarlokaṃ tathā svargaṃ janaṃ satyaṃ ddarśa ha |
brahmasabhāṃ ca vaikuṇṭhaṃ ddarśa tatra vai sthitaḥ || 33 ||
[Analyze grammar]

tatra dadarśa puruṣaṃ caturbāhuṃ janārdanam |
unmīlya netre yāvacca bahiḥ paśyati tāvatā || 34 ||
[Analyze grammar]

na vai merurna vai divyā kuṭī naiva sarovaram |
mānasaṃ na saraścāpi kāśikā'pi na vidyate || 35 ||
[Analyze grammar]

aśvapaṭṭasarastīre lomaśasyā''śrame śubhe |
agastyaḥ svaṃ dadarśaiva naije parṇagṛhe tadā || 36 ||
[Analyze grammar]

tadārabhyā'tra loke cāgastyasya divyatā yathā |
ciraṃjāvitvamatyarthamaiśvaryāṇyatigāni ca || 37 ||
[Analyze grammar]

jātānyeva ca taddeśaṃ kadā prāpsye punaḥ śubham |
ityeva cintayāno'sau śaṃbhuṃ draṣṭuṃ himācalam || 38 ||
[Analyze grammar]

naranārāyaṇaṃ draṣṭuṃ muhuryāti narāyaṇam |
draṣṭuṃ cāpi śvetabhūmiṃ satyalokaṃ punaḥ punaḥ || 39 ||
[Analyze grammar]

tathāpi ca punarnaiva jāyate tasya darśanam |
ityevaṃ śaṃkaraḥ prāha pārvatīṃ tāvadeva ca || 40 ||
[Analyze grammar]

punaragastirāyāto darśanārthaṃ tamārbudam |
natvā śaṃbhuṃ praṇamyaivovāca jijñāsitaṃ tadā || 41 ||
[Analyze grammar]

bhagavan divyalokasya purā dṛṣṭasya vai mayā |
vrataṃ tapo vā dharmo vā prātyarthaṃ sādhane vada || 42 ||
[Analyze grammar]

śaṃkaraḥ prāha tacchrutvā yatte lakṣmi vadāmyaham |
anārādhya hariṃ bhaktyā tallokāptirna vai bhavet || 43 ||
[Analyze grammar]

ārādhite harau lokā bhaveyurvai kare'khilāḥ |
yo yajñe tvijyate devo yasmāt sarvamidaṃ jagat || 44 ||
[Analyze grammar]

utpannaṃ sarvadā yasmin līnaṃ bhavati sāmaram |
anādi śrīkṛṣṇanārāyaṇo devaḥ parātparaḥ || 45 ||
[Analyze grammar]

akṣarādhipatiḥ śrīmān pūrṇaḥ śrīpuruṣottamaḥ |
paripūrṇatamaḥ so'yaṃ bhajanīya sadā janaiḥ || 46 ||
[Analyze grammar]

sakāmairvāpi niṣkāmaiḥ savārthadaḥ sa vai prabhuḥ |
caturdhātmā'bhavatpūrvaṃ sa eva puruṣottamaḥ || 47 ||
[Analyze grammar]

goloke śrīkṛṣṇarūpo vaikuṇṭhe sa narāyaṇaḥ |
vāsudevo'vyākṛte ca haime naranarāyaṇaḥ || 48 ||
[Analyze grammar]

punaścā'yaṃ caturdhā cā'bhavacchrīpuruṣottamaḥ |
satyalokottare viṣṇurviṣṇuśca kṣīrasāgare || 49 ||
[Analyze grammar]

śvetadvīpe tathā vipṇurviṣṇurādityako divi |
punaścāyaṃ sa bhagavān tridhātmānaṃ sasarja ha || 50 ||
[Analyze grammar]

sadāśivaṃ mahāviṣṇuṃ mahākālaṃ ca śāśvatam |
punaścāyaṃ sa bhagavān tridhātmānaṃ sasarja ha || 51 ||
[Analyze grammar]

aniruddhaṃ ca pradyumnaṃ saṃkarṣaṇaṃ ca śāśvatam |
punaścāyaṃ sa bhagavān tridhātmānaṃ sasarja ha || 52 ||
[Analyze grammar]

brahmāṇaṃ rājasaṃ rūpaṃ sāttvikaṃ viṣṇumeva ca |
tāmasaṃ rudrarūpaṃ ca sṛṣṭipuṣṭivinaṣṭikṛt || 53 ||
[Analyze grammar]

eka eva hi bhagavān kalpe kalpe prajāyate |
sṛṣṭau sṛṣṭau golakeṣu sa evā'saṃkhyarūpadhṛk || 54 ||
[Analyze grammar]

yo viṣṇuḥ sa svayaṃ brahmā yo brahmā'sau maheśvaraḥ |
catvāro vā trayaścaite tattvaṃ tvekaṃ sanātanam || 55 ||
[Analyze grammar]

mokṣadaṃ pararūpeṇa kāryarūpeṇa bhūtidam |
sattvenātmā śuddhyati śrīnārāyaṇānubhāvataḥ || 56 ||
[Analyze grammar]

śuddhyā vai mu्cyate jantuḥ śuddhirnāryaṇāśrayā |
nārāyaṇaśca bhagavān yajñarūpī vivartate || 57 ||
[Analyze grammar]

kṛte nārāyaṇaḥ śuddhaḥ sūkṣmarūpa upāsyate |
tretāyāṃ yajñarūpeṇa kathābhirdvāpare'rcanaiḥ || 58 ||
[Analyze grammar]

karmabhirbahubhiḥ kalke kalpitairapi pūjyate |
ijyate ced dveṣabuddhyā caiteṣu rūpadhāriṣu || 59 ||
[Analyze grammar]

bhedabuddhyā jñāyate cenna muktistasya vai kvacit |
ekaṃ jñātvā bhajed yaḥ sa muktaḥ syānnātra saṃśayaḥ || 60 ||
[Analyze grammar]

bhedaṃ kṛtvā bhajeccekaṃ paraṃ naiva dviṣīta cet |
pātivratyaparasyā'sya muktirbhavenna saṃśayaḥ || 61 ||
[Analyze grammar]

bhedaṃ kṛtvā bhajeccaikaṃ nindedanyaṃ tu yo janaḥ |
sarvaṃ naṣṭaṃ bhavettasya durgatiṃ sa samāpnuyāt || 62 ||
[Analyze grammar]

idaṃ ca śṛṇu me'gastya gadataḥ prāktanaṃ yathā |
sṛṣṭyāraṃbhe harerbhaktā hyabhavan sṛṣṭivāsinaḥ || 63 ||
[Analyze grammar]

sarvajñā iva te sarve dharmasthā mokṣabhāginaḥ |
caturdaśastarasthā vai yaṣṭvā śrīpuruṣotamam || 64 ||
[Analyze grammar]

mokṣaṃ kramāt prayānti sma tato brahmā hariṃ prabhum |
sasmāra śrīhariścāpi prādurbhūto hi sarvagaḥ || 65 ||
[Analyze grammar]

uvāca brūhi kiṃ kāryaṃ brahmovāca hari tataḥ |
devadeva janaḥ sarvo muktimārge vyavasthitaḥ || 66 ||
[Analyze grammar]

kathaṃ sṛṣṭirhi bhavitā svargādiṣu ca ko vaset |
nārakeṣveṣu lokeṣu keṣāṃ vāse mano bhavet || 67 ||
[Analyze grammar]

evamuktastadā śrīmannārāyaṇo jagād tam |
yugāni trīṇi bahavo māmupeṣyanti bhāgataḥ || 68 ||
[Analyze grammar]

antye yuge praviralā bhaviṣyanti mahāśayāḥ |
eṣa mohaṃ sṛjāmyāśu yaḥ sarvān mohayiṣyati || 69 ||
[Analyze grammar]

rudraśca bahurūpāṇi tāmasāni punaḥ punaḥ |
bhairavādīni cānyāni pārvatyapi parāṇi ca || 70 ||
[Analyze grammar]

daityānāṃ nāśanārthāya ghorāṇi dhārayiṣyati |
madyamāṃsādilubdhāśca mohitā vai śarīriṇaḥ || 71 ||
[Analyze grammar]

tāni cāśritya vai sattvamārgahīnā vimārgagāḥ |
bhaviṣyanti tathā vedaṃ tyaktvā tāmasamohataḥ || 72 ||
[Analyze grammar]

tantrāṇi tāmasānyeva hiṃsāḍhyāni yathāruci |
kariṣyanti ca tānyāśritya ye dveṣaparāstadā || 73 ||
[Analyze grammar]

bhaviṣyanti na vai teṣāṃ muktirnirayagāminām |
athā'ha brahmaṇā proktaḥ kuru mohavacāṃsi vai || 74 ||
[Analyze grammar]

yānyāśritya janā loke janmabhāgā bhavantu hi |
tasmādārabhya kālāttu mayā'gastya kṛtānyapi ||7 || || 9 ||
[Analyze grammar]

tāmasāni ca tantrāṇi sakāmānāṃ priyāṇi hi |
teṣu cābhirato loko bāhulyena vyavasthitaḥ || 76 ||
[Analyze grammar]

pravahatyeva saṃsāre mṛtau janmani vai muhuḥ |
kalke yuge janāḥ prāya āśrayiṣyanti mānuṣān || 77 ||
[Analyze grammar]

matvā tān paramātmānaṃ nindiṣyanti śivādikān |
tena pāpena te sarve yāsyanti nirayān dhruvān || 78 ||
[Analyze grammar]

guravo vañcayiṣyanti svayaṃ mugdhā hi mānavān |
nindārāgaiśca vidveṣairmamā'haṃkāradūṣaṇaiḥ || 79 ||
[Analyze grammar]

kāpaṭyacauryaviśvāsaghātaiḥ svārthairnirantaram |
tena pāpena guravo yāsyanti nirayān bahūn || 80 ||
[Analyze grammar]

śvavat mānyā bhaviṣyanti lokeṣu guravo janāḥ |
yamamārgā yāmyalokāḥ kāśiṣyante ca tadbalāt || 81 ||
[Analyze grammar]

tasmādagastya loko'yaṃ kāmyena karmaṇā mayā |
bahudhā pūritaścāste mokṣagastu kvacit kvacit || 82 ||
[Analyze grammar]

ya evaṃ vetti viprarṣe paraṃ nārāyaṇaṃ prabhum |
sarvātmānaṃ paraṃbrahma tathā naścā'parān bahūn || 83 ||
[Analyze grammar]

mukhyato guṇataścāpi mohastasya na bādhate |
paśyā'gastya mayi brahāparaṃ rūpaṃ sanātanam || 84 ||
[Analyze grammar]

evamukto'gastimunirdadarśa śaṃkaraṃ yadā |
tatra dadarśa vrahmāṇaṃ brahmaṇyantarnarāyaṇam || 85 ||
[Analyze grammar]

nārāyaṇe paraṃbrahmā'nādinaṃ puruṣottamam |
jvaladbhāsvaravarṇābhaṃ koṭikandarpasundaram || 86 ||
[Analyze grammar]

evaṃ dṛṣṭvā'gastiviprastuṣṭāva parameśvaram |
bhavān viṣṇuḥ paraṃbrahma kṛṣṇanārāyāga prabho || 87 ||
[Analyze grammar]

viśapraveśane dhātustatra snupratyayādanu |
viṣṇuḥ sa vyāpakaḥ sarvadevādau parameśvaraḥ || 88 ||
[Analyze grammar]

kvacid brahmā kvacid rudro bhavāneva parātparaḥ |
viṣṇurnārāyaṇaḥ śaṃbhurbrahmā kṛṣṇanarāyaṇaḥ || 89 ||
[Analyze grammar]

ebhiśca nāmabhirbrahmaparaṃ proktaṃ sanātanam |
nāsti bhedo'vatārāṇāmekasminnavatāriṇi || 90 ||
[Analyze grammar]

yo'nyathā bhāvayedetat te bodhyāḥ kalidharmiṇaḥ |
te yānti narakaṃ ghoraṃ nindakāḥ pāpapūruṣāḥ || 91 ||
[Analyze grammar]

etādṛśā bhaviṣyanti bhedakā hi kalau yuge |
mohakā vaṃcakā loke jñānagoṣṭhyā viḍambakāḥ || 92 ||
[Analyze grammar]

vadiṣyanti vayaṃ sujñā jānīmaḥ paramaṃ prabhum |
nānye jānanti tattattvamavatārādicintakāḥ || 93 ||
[Analyze grammar]

ityeteṣāṃ nindakānāṃ haryavatāradrohiṇām |
kṣetrāṇi dharmarājasya nagaryāṃ kāritāni vai || 94 ||
[Analyze grammar]

tena bāhyavrate śubhrā hṛdi kṛṣṇā vinindakāḥ |
drohiṇaścāvamantāro yāsyanti narake dhruvam || 95 ||
[Analyze grammar]

brahmaṇā'haṃ purā sṛṣṭaḥ proktaśca sṛja vai prajāḥ |
avijñānasamartho'haṃ nimagnaḥ salile tadā || 96 ||
[Analyze grammar]

tatrā'paśyaṃ supuruṣaṃ divyaṃ tvaṃguṣṭhamātrakam |
kiśoraṃ meghasaṃkāśaṃ puṇḍarīkanibhekṣaṇam || 97 ||
[Analyze grammar]

tamahaṃ pṛṣṭavān kastvaṃ kathaṃ jātaḥ prakathyatām |
sa māmāha tvamevā'haṃ brahmā'haṃ viṣṇurasmyaham || 98 ||
[Analyze grammar]

ahaṃ nārāyaṇo devo jalaśāyī sanātanaḥ |
anādiśrīkṛṣṇanārāyaṇo bhavāmi dhāmani || 99 ||
[Analyze grammar]

divyaṃ te'stu netramatra paśya māṃ yatnato hara |
evamuktastadā tena yāvatpaśyāmyahaṃ ca tam || 100 ||
[Analyze grammar]

tāvat pare'kṣare divye dhāmni dṛṣṭo mayā prabhuḥ |
sa eva vīkṣitaścāpi goloke'pi vikuṇṭhake || 101 ||
[Analyze grammar]

mahāviṣṇurjale dṛṣṭo virāḍrūrūpo'pi vīkṣitaḥ |
tannābhau paṃkajaṃ dṛṣṭaṃ brahmā tatra vilokitaḥ || 102 ||
[Analyze grammar]

tatpārśve'haṃ mayā dṛṣṭo dṛṣṭvā'haṃ harṣamāgataḥ |
tapasā tadguṇān smṛtvā'stauṣaṃ śrīparameśvaram || 103 ||
[Analyze grammar]

ityevaṃ śaṃkaraḥ prāhā'gastyaṃ vai tvarbudācale |
tanmayā te'tra kathitaṃ lakṣmi mokṣapradaṃ vacaḥ || 104 ||
[Analyze grammar]

paṭhanācchravaṇāccāsya mokṣo bhavet pare'kṣare |
sakāmānāṃ gṛhalakṣmīdhanaputrādikaṃ bhavet || 105 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne''gastyasya divyatā cirajīvitvādiprāptiḥ arbudācale rudrasya camatkāraḥ satyetarayugīyamānavānāṃ tridevaviṣayakaparasparadrohakāriṇāṃ saṃsārapravāhasajīvanatetyādi |
nirūpaṇanāmā dvipañcāśadadhikapañcaśatatamo'dhyāyaḥ || 552 ||
[Analyze grammar]