Chapter 551

śrīnārāyaṇa uvāca |
śaṃkaraḥ pārvatīṃ prāha tīrthāntarāṇi yānyapi |
saurāṣṭre tāni te vacmi lakṣmi nibodha me priye || 1 ||
[Analyze grammar]

unnabillaṃ śubhaṃ tīrthaṃ gṛhātmakaṃ ca śāṃbhavam |
gaṃgeśvaraṃ paścime vai raivatād bhāti śobhanam || 2 ||
[Analyze grammar]

yakṣeśvarīmahātīrthaṃm upalāttvaṃ ca śobhanam |
vastrāpathe mahākṣetre nagare vāmane purā || 3 ||
[Analyze grammar]

putraśokābhisantapto vasiṣṭho bhagavānṛṣiḥ |
ājagāma tapastaptuṃ svarṇarekhānadītaṭe || 4 ||
[Analyze grammar]

īśānakoṇe nagarāt svarṇarekhānadījale |
vāsiṣṭhaṃ tanmahattīrthaṃ vartate bhuktimuktidam || 5 ||
[Analyze grammar]

balikhātaṃ makhatīrthe kṛtasmarasya sannidhau |
vartate mokṣadaṃ nāthatīrthaṃ lokasya śāntidam || 6 ||
[Analyze grammar]

vastrāpathasya vāyavye divyaṃ cāsti sarovaram |
apsarasāṃ parītālaṃ devāḥ snānti vihāriṇaḥ || 7 ||
[Analyze grammar]

jālīgahanaśaṃbhuśca devī triśūlinī tathā |
herambākhyo gaṇeśaśca vartante tīrthavāsinaḥ || 8 ||
[Analyze grammar]

paścime sāgare tatra makarālayapattanam |
kundanākhyaṃ puraṃ cāpi maṇibhadraṃ śubhāśrayam || 9 ||
[Analyze grammar]

śrīdāmapuramutkṛṣṭaṃ dvārikākṣetramuttamam |
evaṃ tīrthāni sāmudre taṭe vasantyanekaśaḥ || 10 ||
[Analyze grammar]

evamuktvā mahādevaḥ pārvatīṃ parameśvarīm |
kṛtvā prābhāsikaṃ yajñaṃ śrāvaṇe samupasthite || 11 ||
[Analyze grammar]

yayau koṭigaṇairyukto dvārikāṃ nagarīṃ prati |
śrīkṛṣṇādyāstīrthadevāḥ satkāraṃ cakrurīśvarāḥ || 12 ||
[Analyze grammar]

māsaṃ nītvā kṛṣṇabhūmau camatkārapuraṃ yayuḥ |
tatra devyaścā'ṣṭaṣaṣṭisaṃkhyā hareṇa pūjitāḥ || 13 ||
[Analyze grammar]

navarātravrate sarvāḥ prāpya śrīśaṃkaraṃ patim |
nimagnāḥ sukhavistāre brahmānandātmasāgare || 14 ||
[Analyze grammar]

āśvine ca yayuḥ sarve parvataṃ tvarbudācalam |
gaganasthaṃ puṣkaraṃ tu yatra saṃrājate'niśam || 15 ||
[Analyze grammar]

dvitīyaṃ parvataśṛṃge tṛtīyaṃ bhūtale sthitam |
vasiṣṭhādimaharṣīṇāmāśramā yatra śobhanāḥ || 16 ||
[Analyze grammar]

parvate cākacakyādirūpāśca vālukāḥ śubhāḥ |
vṛkṣāśca vallikāḥ stambāstāpasā iva bhānti ca || 17 ||
[Analyze grammar]

araṇyānyapi ramyāṇi devodyānāni vai tathā |
yajñānāṃ bhūmayo yatra tāpasānāṃ ca vedikāḥ || 18 ||
[Analyze grammar]

satīnāṃ sunivāsāśca sādhūnāmāśramāstathā |
vidyante brāhmaṇānāṃ ca vaiṣṇavānāṃ śubhālayāḥ || 19 ||
[Analyze grammar]

sārasvatāni tīrthāni nadā nadyaśca pāvikāḥ |
meghānāṃ śikharāvāsā vāyūnāṃ gandhamiśritāḥ || 20 ||
[Analyze grammar]

dhenūnāṃ devakoṭīnāṃ vāsā yatra bhavanti ca |
yogināṃ siddhajīvānāṃ maṇḍalāni vasanti ca || 21 ||
[Analyze grammar]

puṣkare śikhare vāsaṃ tatra cakruḥ śivādayaḥ |
puṣkarādīni tīrthāni vasiṣṭhādyā maharṣayaḥ || 22 ||
[Analyze grammar]

brahmādyā devatāścānye cakruḥ śaṃkaramānanam |
jalaṃ puṣpaṃ phalaṃ cārghaṃ naivedyaṃ sevanādikam || 23 ||
[Analyze grammar]

daduḥ śrīparameśāya pārvatīpataye surāḥ |
vaśiṣṭhena kṛtā pūjā viśiṣṭā ca nijālaye || 24 ||
[Analyze grammar]

suviśrāntiṃ tataścakruḥ śāṃkaratvarbudācale |
arbudo'yaṃ divyamūrtiḥ satkāraṃ kṛtavān bahum || 25 ||
[Analyze grammar]

śaṃkaraḥ pārvatīṃ prāha niśāyāṃ svāsane kathām |
śṛṇu tvasya kathāṃ divyāṃ pāpatāpapraṇāśinīm || 26 ||
[Analyze grammar]

gautamo'bhūnmunīnāṃ vai mānyo dhanyo mahānṛṣiḥ |
śataśṛṃge nivāsaṃ sa kṛtvā tapaścacāra ha || 27 ||
[Analyze grammar]

ahalyā tasya bhāryā'pi tāpasī brahmavādinī |
daṇḍakāraṇyavāstavyā gautame kiṃkarī sadā || 28 ||
[Analyze grammar]

atithīnāṃ pūjanaṃ sā sadā karoti bhāminī |
ekadā'vagrahe jāte pṛthvyāmannāni santi na || 29 ||
[Analyze grammar]

viprā vicārayāmāsurbhojanaṃ kva miliṣyati |
gautamo'sti samarthaḥ sa pūjayatyatithīn sadā || 30 ||
[Analyze grammar]

tadgṛhaṃ samagacchāma ityāyayuḥ samantataḥ |
gautamastadvilokyaiva brahmāṇaṃ prapitāmaham || 31 ||
[Analyze grammar]

sasmāra subahu brahmā pratyakṣaḥ sambabhūva ha |
varaṃ vṛṇu samuvāca gautamaḥ prāha bhūtale || 32 ||
[Analyze grammar]

jalaṃ godhūmadhānyāni yavāśca kaṇiśādayaḥ |
prātarārabhya jāyantāṃ madhyāhne tatkaṇānvayam || 33 ||
[Analyze grammar]

gṛhṇīyo nityamityevaṃ teṣāṃ pakvaṃ ca bhojanam |
vaiśvadevaṃ śubhaṃ śrāddhaṃ naivedyaṃ devatāsu ca || 34 ||
[Analyze grammar]

ātitheyaṃ brāhmaṇānāṃ kurmo yayā tathāstu me |
brahmā tvāśrutya ca tathāstviti prāha yayau tataḥ || 3 || || 9 ||
[Analyze grammar]

nityaṃ dhānyaṃ navaṃ prātarjāyate tacca pacyate |
sahasrāṇāṃ nityameva viprāṇāṃ bhojanaṃ tathā || 36 ||
[Analyze grammar]

bhavatyevaṃ vatsaraṃ vai brāhmaṇā bhojitāstayā |
pātivratyaprabhāveṇā'halyā karoti sevanam || 37 ||
[Analyze grammar]

saṃkalpayati nityaṃ sā prātaḥ kāntasya pādayoḥ |
natvā patitvā cā'ṅguṣṭhe prakṣālyā'rghaṃ vidhāya ca || 38 ||
[Analyze grammar]

yadyahaṃ svāmibhāryā'smi svāmibhaktā pativratā |
tadā tvatra prajāyantāṃ lakṣapātrāṇi nityaśaḥ || 39 ||
[Analyze grammar]

dāsā dāsyaḥ sevakāśca dhenavo rasavadaghradāḥ |
khādyapeyāni sarvāṇi kriyantāṃ hutabhuk svayam || 40 ||
[Analyze grammar]

devāśca pariveṣṭāro bhavantu daṇḍake mama |
evaṃ nityaṃ susaṃkalpya kṛtvā mahānasāni ca || 41 ||
[Analyze grammar]

pācayitvā navānnāni kṛtvā viśvasurārpaṇam |
gogrāsān jantubhāgāṃśca vikīrya pitṛpiṇḍakān || 42 ||
[Analyze grammar]

viprān lakṣamitān nityaṃ bhojayatyadhikānapi |
atha varṣottare kāle suvṛṣṭirbhūtale'bhavat || 43 ||
[Analyze grammar]

annāni sarvadeśeṣu jātānyeva samantataḥ |
viprāḥ prāhurvayaṃ deśāntarāṇyeṣyāma eva vai || 44 ||
[Analyze grammar]

gautamastāṃstadā prāha vasatā'traiva bhūsurāḥ |
tadā te brāhmaṇāḥ prāhuḥ svatantrāḥ smo vayaṃ mune || 45 ||
[Analyze grammar]

tvayā'nnāni pradattāni rakṣitāśca vayaṃ sadā |
yasyā'nnaṃ tasya vai deho'dhīnatā tasya cottamā || 86 ||
[Analyze grammar]

tadvākyaṃ sarvathā pālyaṃ kintu jigamiṣā dhruvā |
ityuktvā cintayāmāsurgantuṃ te miṣamadbhutam || 47 ||
[Analyze grammar]

eko vipro rodhanākhyaḥ prāṇāyāmaṃ vidhāya ca |
saṃyamena viveśā'ntarhṛdaye gautamasya hi || 48 ||
[Analyze grammar]

anyaiścaikā tu gaustatra nirmitā māyayā śubhā |
sā gatā gautamaścaiva śālāyāṃ tṛṇasannidhau || 49 ||
[Analyze grammar]

gautamo'pi sthitastatra prāṇāyāme sthiro hyataḥ |
gaurgatā parṇaśālāyāṃ gautamastāṃ vilokya ca || 50 ||
[Analyze grammar]

rodhanā'ntaḥpraveśena prāṇaruddhā bhavā'tra gauḥ |
evamuccārayāmāsa prāṇaruddhā'bhavattu gauḥ || 51 ||
[Analyze grammar]

patitā mūrchitā cāpi viprāḥ prāhustadā muhuḥ |
goghno vai gautamo nā'syā''śrame stheyaṃ tu bhūsuraiḥ || 52 ||
[Analyze grammar]

gautamastān muhuḥ stutyā tuṣṭāva pūjyabhūsurān |
neyaṃ mṛtā'sti mūrchāyāṃ mūrchā naśyettu vā katham || 53 ||
[Analyze grammar]

prāyaścittaṃ karomyatra mā yāntu bhūsurā gṛhāt |
ityuktā brāhmaṇāḥ prāhuḥ prāyaścittaṃ na jīvite || 54 ||
[Analyze grammar]

mūrchite vā prakartavyaṃ mūrchā dūrīkarotu vai |
gaṃgājalaṃ samānīya samāplāvaya gāmimām || 55 ||
[Analyze grammar]

vimūrchā sthāsyati drāg vai vayaṃ yāmo vanāntaram |
ityuktvā prayayuḥ sarve viprā daṇḍakabhūmitaḥ || 56 ||
[Analyze grammar]

gautamo vyomamārgeṇa yayau śrīśaṃkara prati |
śaṃkaraḥ svāgataṃ tatra kailāse kṛtavān purā || 57 ||
[Analyze grammar]

gautamastu haraṃ natvā yayāce gāṃgakaṃ jalam |
śaṃkaraḥ svaṃ jaṭākhaṇḍaṃ samutpāṭya dadau tadā || 58 ||
[Analyze grammar]

sagāṃgaṃ taṃ nināyātra datvā godehamastake |
tadutpannajalenaināṃ plāvayāmāsa gautamaḥ || 59 ||
[Analyze grammar]

gaurjātā svasthahṛdayā vimūrchā tvāśrame sthitā |
gaṃgā sā gautamī jātā godānasya vareṇa hi || 60 ||
[Analyze grammar]

godāvarīti vikhyātā daṇḍakāraṇyavāsinī |
atha tān brāhmaṇānāha gautamarṣiḥ palāyitān || 61 ||
[Analyze grammar]

sarve bhavantu kāpaṭyadharmābhāsā yugāntare |
raudrāḥ kapālasaṃgāśca bhojyadānāṃ vinindakāḥ || 62 ||
[Analyze grammar]

ityevaṃ sati te cāsya gautamasya prabhāvanam |
kathitaṃ sucamatkāramayaṃ godāvaraṃ sthalam || 62 ||
[Analyze grammar]

tatra godāvare tīrthe gautamasyā'bhavacchubhaḥ |
śiṣyastūttaṃkanāmā yo vedānadhītya yāvataḥ || 64 ||
[Analyze grammar]

gurave dakṣiṇāṃ dātuṃ prārthanāṃ pracakāra saḥ |
gurupatnī tadā prāha dakṣiṇāṃ maṇimālikām || 65 ||
[Analyze grammar]

saudāsasya gṛhe rājñī madayantī svavakṣasi |
dhārayatyeva nityaṃ sā tvānetavyā pradehi tām || 66 ||
[Analyze grammar]

ityukto gurupatnyā sa prasthitaḥ satvaraṃ tadā |
sudāsasya gṛha prāyāt sudāsaṃ vyāghrarūpiṇam || 67 ||
[Analyze grammar]

dadarśa tvabhiyāntaṃ svaṃ bhakṣayituṃ sa bhūsuraḥ |
vipraḥ prāha yatheṣṭaṃ tvaṃ khāda māṃ tadanantaram || 68 ||
[Analyze grammar]

atithiste samāyāto maṇimālā pradehi me |
guruve'rpayya caiṣyāmi dakṣiṇāṃ tvabhivāñcchitām || 69 ||
[Analyze grammar]

rājā prāha śubhaṃ vipra yācyatāṃ mahiṣī mama |
ityukto bhūsuro rājñīṃ yayāce mālikāṃ prati || 70 ||
[Analyze grammar]

rājñī prāha tvamānīhi cābhijñānaṃ nṛpasya vai |
sa gatvā tvaritaṃ bhūpamabhijñānamayācata || 71 ||
[Analyze grammar]

saudāsaścāha vākyaṃ yadabhijñānaṃ yato bhavet |
yairvinā sugatirnāsti durgatiṃ yena yānti ca || 72 ||
[Analyze grammar]

gatvaivaṃ brūhi tāṃ sādhvīṃ śrutvā dāsyati mālikām |
sā dadau bhūsurāyaināṃ mālikāṃ divyasatprabhām || 73 ||
[Analyze grammar]

uvāca tvasurastatra raṇāntike pratiṣṭhati |
atalāt sa samāgatya mālāmicchati me śubhām || 74 ||
[Analyze grammar]

ajāmṛto'suro nāmnā khātayāmāsa tattalam |
bhūgarbhe vāsayāmāsa rākṣasān sa nijānugān || 75 ||
[Analyze grammar]

tena vai vivaraṃ pṛthvyāṃ cātidīrghaṃ kṛtaṃ yataḥ |
āharenna yathā''gatya tathā rakṣa prayāhi vai || 76 ||
[Analyze grammar]

ityuktaḥ so'pyutaṃkaśca maṇihāraṃ samādade |
āyātaḥ svaguroḥ patnyai dadau hīrakahārakam || 77 ||
[Analyze grammar]

guruṃ papraccha vākyasya śubhārthaṃ sa jagād ha |
prasāditā dvijā dānairdāsyanti sugatiṃ parām || 78 ||
[Analyze grammar]

asantuṣṭā dvijā yasya durgatistasya sarvadā |
ityarthaṃ cāpi vijñāya mumude bhūsurastadā || 79 ||
[Analyze grammar]

āśīrvādān gurorgurvyāḥ samādāya mahānṛṣiḥ |
uttaṃkaḥ puṣkaraṃ tīrthaṃ ramyaṃ nijālayaṃ yayau || 80 ||
[Analyze grammar]

uttaṃkatīrthamatrā'sti pāpatāpapraṇāśanam |
athaitad vivaraṃ dīrghamāyataṃ cāsuraiḥ kṛtam || 81 ||
[Analyze grammar]

tatraikadā vaśiṣṭhasya kāmadhenuḥ papāta ha |
vaśiṣṭho nijayogena homadhenuṃ nijāṃ tadā || 82 ||
[Analyze grammar]

bahirniṣkāsayāmāsa tata ārabhya sarvadā |
pūrtiṃ vicārayāmāsa vivarasya mahādriṇā || 83 ||
[Analyze grammar]

himālayaṃ yayau śīghraṃ vaśiṣṭho hi vihāyasā |
arthayāmāsa tatputraṃ vivarasya prapūrtaye || 84 ||
[Analyze grammar]

nandivardhaṃ sutaṃ prādād vaśiṣṭhastaṃ nināya ca |
vivare sthāpayāmāsa nandivardhananāmakam || 85 ||
[Analyze grammar]

arbudena ca nāgena dhṛtastatra yathāyatham |
arbudācalamevaitannāmakhyātiṃ gataṃ tataḥ || 86 ||
[Analyze grammar]

bhādraśuklasya pañcamyāṃ tvāyātaḥ parvato yataḥ |
tīrthānyapi vaśiṣṭhena cānītāni bahūnyapi || 87 ||
[Analyze grammar]

asya śṛṃge nāgatīrthaṃ vaśiṣṭhasyā''śramastathā |
śaṃkarasya tathā vāsastatra snātvā ca nirjhare || 88 ||
[Analyze grammar]

dhanasampatsukhasvargaputralakṣmyādi cāpyate |
vandhyā snātvā putravatī bhavedeva na saṃśayaḥ || 89 ||
[Analyze grammar]

śrāddhaṃ tatra kariṣyanti pitarastasya sarvathā |
muktiṃ svargāt prayāsyanti kartā'pi muktigo bhavet || 90 ||
[Analyze grammar]

vaśiṣṭhaścānayāmāsa gautamīṃ ca sarasvatīm |
gaṃgāṃ mandākinīṃ tatrā'caleśvaraṃ ca śaṃkaram || 91 ||
[Analyze grammar]

gautamī brāhmaṇī kācidanapatyatvaduḥkhitā |
sādhvī tīrthaṃ nāgatīrthamāyayāvarbudācale || 92 ||
[Analyze grammar]

atha sā cintayāmāsa dhiṅ māṃ putravivarjitām |
iti cintāparā snātuṃ nāgatīrthaṃ viveśa sā || 93 ||
[Analyze grammar]

snātvā sā nirgatā tasmāt salilād yāvadeva hi |
vināpi bhartṛsaṃyogaṃ sadyo garbhavatī hyabhūt || 94 ||
[Analyze grammar]

prasannā sā ca śuśrāva gāṃ tadā cā'śarīriṇīm |
yo yadvāñcchati citte'tra jalamadhye vyavasthitaḥ || 95 ||
[Analyze grammar]

cintitaṃ tadavāpnoti nārī vā'tha naro'pi vā |
tvayā tvatra jalesthitvā putravāñcchā kṛtā hṛdi || 96 ||
[Analyze grammar]

ato garbhayutā jātā putrastava bhaviṣyati |
śrutvā''kāśagatā vāṇīṃ devadūtena bhāṣitām || 97 ||
[Analyze grammar]

dṛṣṭvā patiṃ vinā garbhaṃ vākyametaduvāca sā |
aho tīrthaprabhāvo'yamapūrvaḥ pratibhāti me || 98 ||
[Analyze grammar]

yatra saṃjāyate garbhaḥ strīṇāṃ śukraṃ rajo vinā |
tato gṛhaṃ gatā sā ca suṣuve sutamuttamam || 99 ||
[Analyze grammar]

sakāmā ye cātra tīrthe snānti teṣāṃ manorathāḥ |
phalantyeva na sandeho yathā sā gautamī tathā || 100 ||
[Analyze grammar]

gomatī cāhṛtā kuṇḍe vaśiṣṭhena mahātmanā |
tatra snātvā paraṃ svarge vindate nātra saṃśayaḥ || 101 ||
[Analyze grammar]

śṛṇu devi camatkāramacaleśvarasannidhau |
śukaścāsīt kṛtanīḍaḥ pradakṣiṇaṃ karoti saḥ || 102 ||
[Analyze grammar]

uḍḍīyoḍḍīya ca nīḍe viśrāmyati punaḥ punaḥ |
kālena ca mṛto rājā veṇunāmā'bhavaddhi saḥ || 103 ||
[Analyze grammar]

jātismarau vabhūvā'sau rājā smṛtvā śukasthitim |
acaleśvaramāsādya pradakṣiṇamathā'karot || 104 ||
[Analyze grammar]

nānyat kiñcit karotyeva karotyeva pradakṣiṇam |
nāradādyāḥ ṛṣayastu dṛṣṭvā bhūpaṃ tathāvidham || 105 ||
[Analyze grammar]

papracchuḥ kevalaṃ pradakṣiṇaṃ kathaṃ vidhīyate |
naivedyaṃ phalapuṣpādi kathaṃ nārpayase vad || 106 ||
[Analyze grammar]

veṇuḥ prāha purā pakṣī śukaścāsaṃ sthito'tra tu |
devaṃ tatra sthitaṃ kurvan pradakṣiṇamaharniśam || 107 ||
[Analyze grammar]

kṛpayā tatprabhāvācca jātismaro'dhunā'bhavam |
karomi tanmahāpuṇyaṃ smṛtvā devapradakṣiṇam || 108 ||
[Analyze grammar]

anantapuṇyalābhārthaṃ karomyeva pradakṣiṇam |
ṛṣayo nṛpateḥ śrutvā sādhu sādhviti cā'bruvan || 109 ||
[Analyze grammar]

rājā kālena mahatā harabhaktyā tataḥ param |
oṃ namaḥ śrokṛṣṇanārāyaṇāya svāmine namaḥ || 110 ||
[Analyze grammar]

iti mantraṃ harāllabdhvā bhaktyā vaikuṇṭhamāyayau |
satyai śaṃbhūditaṃ vṛttaṃ lakṣmi te tu mayoditam || 111 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne śaṃkarādīnāṃ dvārikācamatkārapurā'rbudācalādigamana gautamavṛttāntaṃ saudāsottaṃkavṛttāntaṃ nāgatīrthamahimā veṇunṛpamokṣaḥ arbudānayanavṛttāntaṃ cetyādinirūpaṇanāmaikapañcāśadadhikapañcaśatatamo'dhyāyaḥ || 551 ||
[Analyze grammar]