Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 550 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
śṛṇu lakṣmi tataḥ śaṃbhuḥ pārvatyai samuvāca yat |
tīrthavaryaṃ kathayāmi te'pi svargādidāyakam || 1 ||
[Analyze grammar]

devikāyāstaṭe tvāsīt tuṇḍīnāmā ṛṣiḥ purā |
kūpastatrā'bhavattvekaḥ ṛṣeryogātsa muktikṛt || 2 ||
[Analyze grammar]

hariṇāḥ patitāstatra jalapānārthamugragāḥ |
mṛtāste muninā sarve jīvitāstapaso balāt || 3 ||
[Analyze grammar]

jalaṃ hūṃkāramātreṇa pūritaṃ kūpagaṃ tadā |
taṭoparito vahati camatkārakaraṃ yataḥ || 4 ||
[Analyze grammar]

tatra tuṇḍīśvaro devaḥ sthāpitastena tīrthakam |
tatra tīrthaṃ śubhaṃ kṛtvā hyāśāpuraṃ gaṇeśvaram || 5 ||
[Analyze grammar]

gacchennaivedyamādhāya dānaṃ dadyāttu kānakam |
tato gacchet kāpilaṃ tu tīrthaṃ pāpaharaṃ śubham || 6 ||
[Analyze grammar]

kapilau raivataṃ gacchan yatrovāsa hi vatsaram |
kapilā sā nadī tatra tīrtharūpā vyajāyata || 7 ||
[Analyze grammar]

prauṣṭhapadyasite pakṣe ṣaṣṭhyāṃ bhaumo bhaved yadi |
vyatīpātaśca rohiṇyāṃ sā ṣaṣṭhī kapilā matā || 8 ||
[Analyze grammar]

kapilāsaṃgame ṣaṣṭhyāṃ kapilāyāṃ samāhitaḥ |
snātvā śrīkapilaṃ viṣṇuṃ pūjayedarkabhūsthitam || 9 ||
[Analyze grammar]

kapilā kapilo viṣṇuḥ rakṣatāṃ ceti cārthayet |
kapilāṃ gāṃ pradadyācca vājimedhaphalaṃ bhavet || 10 ||
[Analyze grammar]

hāṭakeśaṃ tatastīrthaṃ prakuryāt pāvanaṃ param |
tato gacchedagastyasyāśramaṃ vatsarasevitam || 11 ||
[Analyze grammar]

kālakeyāḥ purā daityāḥ samudrāntarnivāsinaḥ |
rātrau pṛthvyāṃ samāgamya suptān viprādikān muhuḥ || 12 ||
[Analyze grammar]

bhakṣayanti sma tān jñātvā kālakeyān vihiṃsakān |
agastyaḥ saṃyayau tatra samudrasya taṭaṃ prati || 13 ||
[Analyze grammar]

tapaścakāra vidhivad varṣamātraṃ taṭe sthitaḥ |
caturthyāṃ phālgune māsi naktāhāraṃ vidhāya saḥ || 14 ||
[Analyze grammar]

pañcamyāṃ tilapiṣṭaṃ ca bhuktvā homaṃ cakāra saḥ |
evaṃ caturṣu māseṣu kṛtvaikabhojanaṃ tataḥ || 15 ||
[Analyze grammar]

nirāhāraḥ samabhavannirvighnavratamuttamam |
varṣottaraṃ sa munirāṭ lokarakṣāṃ vyacintayat || 16 ||
[Analyze grammar]

paśyadhvaṃ kautukaṃ devāḥ samīnamakarādikam |
añjalinā pibāmyenaṃ śoṣayāmi mahārṇavam || 17 ||
[Analyze grammar]

evamuktvā hariṃ smṛtvā kṛtvā brahmāṇamāntaram |
gaṇḍūṣamakarot sarvaṃ samudraṃ saritāṃ patim || 18 ||
[Analyze grammar]

kālakeyā vinaṣṭāśca pācitaṃ jalamityapi |
tataśca meghavarṣairvai samudrāḥ sajalāḥ punaḥ || 19 ||
[Analyze grammar]

ityāgastyāśramaṃ ramyaṃ tīrthaṃ pāpapraṇāśanam |
lopāmudrāsahitaṃ māṃ yaścā'trā''gatya pūjayet || 20 ||
[Analyze grammar]

hāṭakeśo mayā nītastaṃ vidhinā prapūjayet |
ayane cottare martyo golakṣaphalamāpnuyāt || 21 ||
[Analyze grammar]

bhadrāśvo nṛpatistatrā'gastyadarśanakāṃkṣayā |
samājagāma cānarca papraccha kuśalaṃ prati || 22 ||
[Analyze grammar]

āścaryaṃ yadi te kiñcid viditaṃ dṛṣṭameva vā |
tanme kathaya dharmajña tato yāmi prabhāsakam || 23 ||
[Analyze grammar]

agastyastaṃ nṛpaṃ prāha śvetadvīpodbhavāṃ kathām |
āścaryarūpo bhagavān kṛṣṇanārāyaṇaḥ prabhuḥ || 24 ||
[Analyze grammar]

kuṃkumavāpikātīrthe rājate puruṣottamaḥ |
tasyāścaryāṇi dṛṣṭāni bahūni vividhāni ca || 25 ||
[Analyze grammar]

so'yaṃ nārāyaṇaḥ śete śvetadvīpe'pi sarvadā |
nāradaḥ śrīkṛṣṇanārāyaṇaṃ dṛṣṭvā surāṣṭrake || 26 ||
[Analyze grammar]

māthure śrīrādhikeśaṃ kṛṣṇaṃ dṛṣṭvā tataḥ param |
himādrau śrīnaranārāyaṇaṃ dṛṣṭvā yayau muniḥ || 27 ||
[Analyze grammar]

śvetadvīpaṃ tatra so'yaṃ dadarśa samarūpiṇaḥ |
śaṃkhacakragadāpadmānpuruṣāṃstigmatejasaḥ || 28 ||
[Analyze grammar]

sadṛśān sadṛśākārān sadṛśaguṇavaibhavān |
kiśorān rūpasampannān sughaṭāṃśca manoharān || 29 ||
[Analyze grammar]

ayaṃ viṣṇurayaṃ viṣṇureṣa viṣṇuḥ sanātanaḥ |
cintā'bhūttasya tān dṛṣṭvā ko'smin viṣṇuriti prabhuḥ || 30 ||
[Analyze grammar]

kasmai natvā tato'nyāṃśca paśyāmi khalu bhāvataḥ |
nyūnasya prathame pūjye pūjyapūjāvyatikrame || 31 ||
[Analyze grammar]

āyuryaśojñānahāniḥ pratyavāyo'dhiko bhavet |
evaṃ cintayatastasya cittaṃ kṛṣṇanarāyaṇam || 32 ||
[Analyze grammar]

cintā yuktaṃ mudhā jātaṃ kathamārādhayāmi tam |
yena vedmi paraṃ kṛṣṇanārāyaṇaṃ karomi kim || 33 ||
[Analyze grammar]

evaṃ saṃcintya dadhyau sa taṃ devaṃ parameśvaram |
dhyātastasya kāṃbhareyaḥ paritoṣaṃ jagāma ha || 34 ||
[Analyze grammar]

uvāca sa prasannaḥ san sākṣād bhūtvā narāyaṇaḥ |
varaṃ varaya bhadraṃ te dṛṣṭaṃ rūpaṃ mama tvayā || 35 ||
[Analyze grammar]

ye'tra loke samāyānti sārūpyādicatuṣṭayam |
teṣāṃ bhavati tvatraiva brūhi kiṃ te dadāmyaham || 36 ||
[Analyze grammar]

nāradaḥ prāha te prāptiryathā syāt tacca me vada |
nārāyaṇastadā prāha pauruṣaṃ sūktameva me || 37 ||
[Analyze grammar]

sahasraśīrṣā puruṣo yatrā'haṃ varṇito mune |
tadāsthāya janā ye māṃ prayakṣyanti narāyaṇam || 38 ||
[Analyze grammar]

te māṃ prāpsyanti satataṃ saṃhitā'dhyayanena ca |
lakṣmīnārāyaṇasaṃhitoktamārgeṇa ye janāḥ || 39 ||
[Analyze grammar]

pūjayiṣyanti māṃ bhaktāste prāpsyanti vai dhruvam |
mama kṣetraṃ gamiṣyanti me kariṣyanti darśanam || 40 ||
[Analyze grammar]

sevāṃ satāṃ kariṣyanti te māṃ prāpsyanti niścitam |
mannāma vihitaṃ bhinnaṃ sarveṣāṃ raṭanāya vai || 41 ||
[Analyze grammar]

vinā pūjāṃ nāmabhaktyā'vaśyaṃ prāpsyanti māṃ janāḥ |
sarvaṃ jñānaṃ tava mune prakāśaṃ yāsyati dhruvam || 42 ||
[Analyze grammar]

mama darśanayogyaṃ ca muktadarśanayogyakam |
sarvaṃ vivekajaṃ jñānaṃ bhaviṣyati ca te mune || 43 ||
[Analyze grammar]

ityuktvā bhagavāṃsteṣu sadṛśeṣu ca viṣṇuṣu |
yayau punarnāradaśca jñātavānnaiva taṃ prabhum || 44 ||
[Analyze grammar]

matvā cā'darśanaṃ viṣṇoḥ samāneṣu ca viṣṇuṣu |
tāṃ diśaṃ praṇipatyaiva nāradastu divaṃ prati || 45 ||
[Analyze grammar]

yāsyan yatra surāṣṭre cā'gastyo'haṃ nivasāmi vai |
tatrā''gatya kṣaṇaṃ sthitvā yayau vaihāyasaṃ puram || 46 ||
[Analyze grammar]

tadvai nāradatīrthaṃ ca sthalaṃ jñānapradaṃ śubham |
bhadrāśvo'pi muniṃ natvā yayau prabhāsakaṃ prati || 47 ||
[Analyze grammar]

ityevaṃ śvetabhūmisthaṃ jñātvā nārāyaṇaṃ tataḥ |
viśālāsthaṃ yāmunasthaṃ kuṃkumavāpikāsthitam || 48 ||
[Analyze grammar]

akṣarāt pararūpaṃ ca jñātvā mokṣaṃ hi vindati |
smaran viṣṇuṃ paṭhanvedān dadan dānaṃ yajan harim || 49 ||
[Analyze grammar]

sādhūn santoṣayan bhakto mokṣabhāṅ nā'tra saṃśayaḥ |
tīrthaṃ sādhumayaṃ sādhvīmayaṃ śreṣṭhaṃ pramokṣadam || 50 ||
[Analyze grammar]

tato gacched bhīmanāthatīrthe bhītinivārakam |
suparṇeśīṃ tataḥ paśyet suparṇaṃ ca narāyaṇam || 51 ||
[Analyze grammar]

kaubereśīṃ tato gacchettato bhallaṃ sutīrthakam |
bhallatīrthe sadā viṣṇurvartate gaṃgayā saha || 52 ||
[Analyze grammar]

gaṃgā ca vaiṣṇavaṃ kṣetraṃ pāvanaṃ mūrtimad yataḥ |
vallakena niṣādena viṣṇuḥ kṛṣṇaḥ sanātanaḥ || 53 ||
[Analyze grammar]

bhallaṃ dhanuṣi sandhāya hṛto golokago'bhavat |
vallako'pi mṛgabhrāntyā plakṣadrustambasaṃsthitam || 54 ||
[Analyze grammar]

viṣṇuṃ jaghāna bhallena gatvā paśyati mādhavam |
tuṣṭāva ca tataḥ khinnaḥ prāptavāṃstadanugraham || 55 ||
[Analyze grammar]

yayau tatraiva golokaṃ viṣṇunā saha dhīvaraḥ |
bhallakṣetraṃ hi tatproktaṃ viddhaḥ pādatale hariḥ || 56 ||
[Analyze grammar]

mokṣadaṃ svargadaṃ śreṣṭhaṃ janmamaraṇavedhakṛt |
tato gaccheddhiraṇyāyā uttare raivataṃ prati || 57 ||
[Analyze grammar]

kauśikaṃ paramaṃ tīrthaṃ tato vastrāpathātmakam |
dāmodaraṃ raivatakaṃ bhavamindreśvaraṃ tathā || 58 ||
[Analyze grammar]

cakrodyānaṃ revatītīrthakaṃ vāsiṣṭhakāśramam |
śṛṇu cāsyā bhūmerlakṣmi kathāṃ pāpapraṇāśinīm || 59 ||
[Analyze grammar]

gajo nāmā'bhavadrājā bhāryayā saha pārthivaḥ |
gaṃgājalābhiṣekārtha yayāvuvāsa tatra ca || 60 ||
[Analyze grammar]

bhadro nāma munistasyā''jagāma purataḥ kvacit |
taṃ gajaḥ prāha mokṣārthaṃ jñānaṃ dehi mune mama || 61 ||
[Analyze grammar]

bhadraḥ prāha svayaṃ cātmā tīrthaṃ sarveṣu pāvanam |
tatrā''ste śrīkṛṣṇanārāyaṇastīrthottamottamam || 62 ||
[Analyze grammar]

tasya jñānaṃ smṛtirūpaṃ paraṃ jñānamihocyate |
anyat sarvaṃ jñānamātraṃ medhābhārakaraṃ nṛpa || 63 ||
[Analyze grammar]

tīrthāni toyapūrṇāni devāḥ pāṣāṇamṛnmayāḥ |
ātmasthaṃ yena paśyanti te na paśyanti taṃ param || 64 ||
[Analyze grammar]

santi tīrthānyanekāni puṇyānyāyatanāni ca |
puṇyatoyāḥ pavitrāśca sāgarāḥ saritastathā || 65 ||
[Analyze grammar]

jñānaṃ teṣāṃ ca tīrthānāṃ jñānottamottamaṃ matam |
anādiśrīkṛṣṇanārāyaṇaṃ viṣṇuṃ narāyaṇam || 66 ||
[Analyze grammar]

matsyaṃ varāhaṃ nṛvyāghraṃ vāmanaṃ kacchapaṃ harim |
rāmaṃ rāmaṃ ca rāmaṃ ca kṛṣṇaṃ śrīpuruṣottamam || 67 ||
[Analyze grammar]

hariṃ śrīkapilaṃ dattātreyaṃ buddhaṃ ca raiṇukam |
vāsudevaṃ pṛthuṃ haṃsamṛṣabhaṃ ca kumārakān || 68 ||
[Analyze grammar]

nāradaṃ ca kratuṃ cāśvagrīvaṃ vyāsaṃ janārdanam |
mohakaṃ rājarājaṃ ca kalkaghnaṃ ca pumuttamam || 69 ||
[Analyze grammar]

naraṃ nārāyaṇaṃ devaṃ śvetadvīpapatiṃ prabhum |
śeṣasthaṃ padmanābhaṃ ca jagannāthaṃ raṇasthitam || 70 ||
[Analyze grammar]

nāmāni tasya vāsāni smṛtvā mokṣamavāpnuyāt |
gaṃgā ca yamunā caiva nadī godāvarī śubhā || 71 ||
[Analyze grammar]

śatadruśca tathā vindhyā payodhā varadā tathā |
carmaṇvatī ca sarayū gaṇḍakī caṇḍapāpahā || 72 ||
[Analyze grammar]

candrabhāgā vipāśā ca śoṇā brahmasutā tathā |
etāścānyāśca yā bahvyo himāśrayādayo'drayaḥ || 73 ||
[Analyze grammar]

nāmoccāreṇa yeṣāṃ hi pāpaṃ yāti vināśanam |
aśvapaṭṭasarasaśca mānasasarasastathā || 74 ||
[Analyze grammar]

nārāyaṇasarasaśca puṣkarasarasastathā |
indradyumnasarasaśca smaraṇādeva mokṣyate || 75 ||
[Analyze grammar]

kānyakubje mārgaśīrṣe hyuṣitvā svargamāpnuyāt |
arbude pauṣapūrṇāyāṃ māghyāṃ gayāsutīrthake || 76 ||
[Analyze grammar]

phālgunyāṃ himavatpṛṣṭhe caitryāṃ vaset prabhāsake |
aśvinyāṃ kuṃkumavāpyāṃ vaiśākhyāṃ cāpyavantike || 77 ||
[Analyze grammar]

jyeṣṭhyāṃ trikūpake caiva śrāvaṇyāṃ pūrvasāgare |
bhādryāṃ sārasvate caiva kārtikyāṃ raivatācale || 78 ||
[Analyze grammar]

kāpile ca tathā dvīpe śālagrāme'pi bhūtale |
dīpotsavyāṃ cāndrabhāge śrāddhaṃ snānaṃ japaṃ caret || 79 ||
[Analyze grammar]

goloke'kṣaradhāmni vaikuṇṭhe kailāsake'thavā |
yathābhaktiṃ bhaved vāso vratināṃ tīrthaśālinām || 80 ||
[Analyze grammar]

māsānāṃ kārtikaḥ śreṣṭhaḥ kārtike bhīṣmapañcakam |
tatrāpi dvādaśī śreṣṭhā rājan dāmodare jale || 81 ||
[Analyze grammar]

somanāthasya sānnidhye udayānto girirmahān |
tasya paścimabhāge tu raivatādriḥ smṛto mahān || 82 ||
[Analyze grammar]

nadī tatra ca vahati suvarṇarekhikā śubhā |
dhātavastatra tu raktāḥ śvetā nīlā vicitrakāḥ || 83 ||
[Analyze grammar]

pāṣāṇā kuṃjarākārāḥ svarṇagairikasannibhāḥ |
vṛkṣā vallyaśca gulmāśca kāñcanānāṃ samudbhavāḥ || 84 ||
[Analyze grammar]

tatra nadyāṃ svarṇalekhānāmnyāṃ nārāyaṇo hradaḥ |
dāmodarahradaścāpi rādhāderīti cāpi vai || 85 ||
[Analyze grammar]

tatra snātvā jalaṃ pītvā yānti muktiṃ hi dehinaḥ |
hariścandreṇa balinā śibinā nahuṣeṇa ca || 86 ||
[Analyze grammar]

nalena ca mahādānānyarpitāni hi raivate |
gatāste viṣṇubhavanaṃ śāśvataṃ ca nirāmayam || 87 ||
[Analyze grammar]

ityevaṃ bhadravacanaṃ śrutvā gajo janādhipaḥ |
samāyayau raivatasya prabhāsasya ca tīrthake || 88 ||
[Analyze grammar]

datvā dānānyanekāni havirhutvā hutāśane |
ūrdhvapādaḥ sthito bhūtvā'pibaddhūmamadhomukhaḥ || 89 ||
[Analyze grammar]

anye tena sahā''yātāstapaḥ kurvanti vai tathā |
sarvairvrataṃ kṛtaṃ tatra dhyeyo dāmodaro girau || 90 ||
[Analyze grammar]

sakṛduccaritaṃ yena harirityakṣaradvayam |
baddhaḥ parikarastena mokṣopagamanaṃ prati || 91 ||
[Analyze grammar]

sa rājā ṛṣibhiḥ sārdhaṃ yāvat tiṣṭhati tatra vai |
vimānānāṃ sahasrāṇi tāvattatrā'gatāni vai || 92 ||
[Analyze grammar]

yeṣu devyo ramādāsyo nārāyaṇasya pārṣadāḥ |
muktāścānye samabhavan śataśo'tha sahasraśaḥ || 93 ||
[Analyze grammar]

sarvaiścānucaraiḥ sārdhaṃ sa rājā bhāryayā saha |
gato vimānamārūḍho yadakṣarapadaṃ varam || 94 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
iti mantrasya coddhoṣo vimāneṣvakhileṣvapi || 95 ||
[Analyze grammar]

satāliko'bhavad vyomni yena svargādivāsinaḥ |
darśanārthaṃ vimānānāṃ muktānāṃ mārgamadhyagāḥ || 96 ||
[Analyze grammar]

avasthāya ca rājānaṃ nārāyaṇaṃ pareśvaram |
samabhilokayāmāsuḥ pūjayāmāsurīśvarān || 97 ||
[Analyze grammar]

evaṃ pitṛmunīnāṃ ca lokān bhittvā'ṇḍakād bahiḥ |
yayurmokṣapadaṃ sarve kṛtvā tīrthaṃ tu raivatam || 98 ||
[Analyze grammar]

śaṃkaraḥ pārvatīṃ prāha kṣetrasyaivaṃvidhāṃ kathām |
mayā lakṣmi cābhihitā tubhyaṃ mokṣakarī śubhā || 99 ||
[Analyze grammar]

paṭhanācchravaṇāttvasyāḥ kathāyāḥ pāpanāśanam |
svargaṃ satyaṃ ca vaikuṇṭhaṃ paraṃ dhāmā'kṣaraṃ labhet || 100 ||
[Analyze grammar]

idaṃ śrutvā tathā bhaktyā modayitvā praśaṃsayet |
sarvapāparahitaḥ san paraṃbrahmādhisaṃvrajet || 101 ||
[Analyze grammar]

kā mayā procyate lakṣmi saurāṣṭrasya pavitratā |
svayaṃ śrīmatkṛṣṇanārāyaṇasya maṇirūpiṇaḥ || 102 ||
[Analyze grammar]

deśaḥ saurāṣṭraityākhyo mokṣado'sti pade pade |
anādiśrīkṛṣṇanārāyaṇaḥ pūrve'sti sarvadā || 103 ||
[Analyze grammar]

paścime vāmano devo dakṣiṇe somanāthakaḥ |
uttare ca camatkāranagaraṃ dvārikā śubhā || 104 ||
[Analyze grammar]

śatruṃjitā svarṇarekhā bhadrā coṣṇā hiraṇyakā |
devanadī nyaṃkumatī sarito mokṣadāḥ śubhāḥ || 105 ||
[Analyze grammar]

yatra santi raivataśca śatruṃjayo varāṭakaḥ |
śālamālo navanītaścānye parvatapuṃgavāḥ || 106 ||
[Analyze grammar]

maharṣayaśca bhagavatsvarūpā yatra santi hi |
satyo lakṣmīsamā yatrā'kṣatā devyo vasanti ca || 107 ||
[Analyze grammar]

candro yanmukhamālokya kṣaṇaṃ stabdho bhavatyapi |
tādṛśyo divyadevyaśca sūryatulyāśca bālakāḥ || 108 ||
[Analyze grammar]

yatra vasanti śīlasthāḥ sākṣānnārāyaṇo'pi ca |
anādiśrīkṛṣṇanārāyaṇasya gopikāstathā || 109 ||
[Analyze grammar]

lakṣaśo yatra saurāṣṭre bhaktā vasanti sevikāḥ |
sarvo brahmamayo deśo lakṣmi vaikuṇṭhavanmama || 110 ||
[Analyze grammar]

ityevaṃ kathitaṃ sarvaṃ śaṃkaroditameva te |
pāṭhakāḥ śrāvakāḥ śrotujanā muktā bhavanti ca || 111 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne tuṇḍīśvarakapilātīrthā'gastyanāradacamatkārabhīmanāthatīrthabhallakṣetraraivatatīrthagajanṛpamokṣādīnāṃ sopākhyānavarṇanaṃnāmā pañcāśadadhikapañcaśatatamo'dhyāyaḥ || 550 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 550

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: