Chapter 546

śrīnārāyaṇa uvāca |
śṛṇu lakṣmi pravakṣyāmi viśālanṛpateḥ purā |
jātaṃ divyaṃ caritraṃ yat pārvatyai prāha śaṃkaraḥ || 1 ||
[Analyze grammar]

pūrvaṃ rājā viśālo'bhūt kāśīpūryāṃ mahābalaḥ |
gotrajairhṛtarājyo'sau gandhamādanamāyayau || 2 ||
[Analyze grammar]

tasya droṇyāṃ badarīṃ ca śubhāṃ prāpya nṛpottamaḥ |
tapaścakre bhajamānaḥ kṛṣṇanārāyaṇaṃ harim || 3 ||
[Analyze grammar]

kadācidāgatau tatra purāṇāvṛṣisattamau |
naranārāyaṇau devau dharmaputrau himāśritau || 4 ||
[Analyze grammar]

tau dṛṣṭvā sutapasyantaṃ badarīsthaṃ nṛpaṃ śubham |
dhyāyantaṃ paramaṃ brahmaviṣṇurūpaṃ janārdanam || 5 ||
[Analyze grammar]

naranārāyaṇaṃ prītau dṛṣṭvā taṃ kṣīṇakalmaṣam |
ūcaturvaradau rājan vṛṇīṣva varamīpsitam || 6 ||
[Analyze grammar]

rājā prāha bhavantau kau na jānāmi kathaṃ varam |
ajñātābhyāṃ pragṛhṇāmi dātuṃ śaktau ca kaṃ varam || 7 ||
[Analyze grammar]

ārādhayāmi yaṃ kṛṣṇanārāyaṇaṃ jagadgurum |
tasmād varaṃ grahīṣyāmi nānyasmāditi bhūsurau || 8 ||
[Analyze grammar]

evamuktāvāhatustau kamārādhayase prabhum |
kaṃ vā varaṃ vṛṇoṣi tvaṃ kathayasva kutūhalāt || 9 ||
[Analyze grammar]

evamukto nṛpaḥ prāha kṛṣṇanārāyaṇaṃ prabhum |
ārādhayāmi satataṃ tatastāvūcatuḥ punaḥ || 10 ||
[Analyze grammar]

rājaṃstasyaiva devasya prasādādāvayorvaram |
gṛhāṇa tvaṃ varaṃ brūhi kaste manasi vartate || 11 ||
[Analyze grammar]

yathā yajñeśvaraṃ devaṃ yajñairvividhadakṣiṇaiḥ |
yaṣṭuṃ samarthatā me syāttathā me dadataṃ varam || 12 ||
[Analyze grammar]

tadā nārāyaṇaṃ śreṣṭhaṃ bhrātaraṃ sampradarśya vai |
naraḥ prāha ca rājānaṃ śṛṇu rājan sanātanam || 13 ||
[Analyze grammar]

ayaṃ me pūrvajo bhrātā lokānāṃ mārgadarśakaḥ |
mayā saha tapaḥ kurvannāste badarikāśrame || 14 ||
[Analyze grammar]

ayaṃ matsyo'bhavat pūrvaṃ tataḥ kūrmo'bhavatpunaḥ |
varāhaścā'bhavat so'yaṃ narasiṃhastato'bhavat || 15 ||
[Analyze grammar]

vāmanaśca tato jātastataḥ paraśurāmakaḥ |
tato rāmaśca buddhaśca kṛṣṇaḥ kalkistato hyayam || 16 ||
[Analyze grammar]

anādiśrīkṛṣṇanārāyaṇaḥ so'yaṃ parātparaḥ |
rājate kuṃkumavāpītīrthe saurāṣṭrabhūtale || 17 ||
[Analyze grammar]

so'yaṃ nārāyaṇaḥ sākṣāllakṣmīpatiḥ ramāpatiḥ |
śrīpatiḥ kamalākāntaḥ pārvatīpatirīśvaraḥ || 18 ||
[Analyze grammar]

kṛṣṇo rādhāpatiḥ prabhāpatiśca māṇikīpatiḥ |
bhaktapatirmuktapatiḥ satīpatiḥ pumuttamaḥ || 19 ||
[Analyze grammar]

matsyaṃ rājannupāsīta vedajñānasya labdhaye |
kūrmaṃ rājannupāsīta śārīrabalapuṣṭaye || 20 ||
[Analyze grammar]

kroḍaṃ rājannupāsīta pṛthvīrājyādilabdhaye |
narasiṃhamupāsīta pāpiśatrunivṛttaye || 21 ||
[Analyze grammar]

vāmanaṃ samupāsīta sārvabhaumatvasiddhaye |
parśurāmamupāsīta krūraśatrunivṛttaye || 22 ||
[Analyze grammar]

rāmādityamupāsīta sadā dharmasya vṛddhaye |
buddhaṃ sādhumupāsīta tvātmajñānasya labdhaye || 23 ||
[Analyze grammar]

kṛṣṇaṃ kāntamupāsīta golokādikalabdhaye |
kalkiṃ rājannupāsīta rāgadveṣādihānaye || 24 ||
[Analyze grammar]

anādiśrīkṛṣṇanārāyaṇaṃ tvakṣaramuktaye |
yugalaṃ samupāsīta bhuktimuktisamṛddhaye || 25 ||
[Analyze grammar]

evamuktvā narastasya harervāsarajaṃ vratam |
kuru rājan sadā tvekādaśyāmupoṣaṇaṃ tathā || 26 ||
[Analyze grammar]

dvādaśyāmupavāsaṃ ca samartho yajane bhava |
ityuktvā tau yayatuśca badarīṃ nṛpatistataḥ || 27 ||
[Analyze grammar]

vrataṃ cakāra vidhivat sāmarthyaṃ cāpa vai punaḥ |
cakraṃ sudarśanaṃ tasmai prasannena tu viṣṇunā || 28 ||
[Analyze grammar]

arpitaṃ tat samādāya yayau rājyaṃ nijaṃ punaḥ |
śatrūn vijitya ca rājā cakravartīṃ babhūva saḥ || 29 ||
[Analyze grammar]

tena ca tapasaḥ sthānaṃ himālaye kṛtaṃ purā |
tatra vai nagarī parṇaśālāḍhyā ṛṣiyojitā || 30 ||
[Analyze grammar]

tāpasānāṃ kṛte tena rājñā nāmnā svakena vai |
viśālākhyā nirmitā sā badarī cāśramātmikā || 31 ||
[Analyze grammar]

viśālanṛpaternāmnā viśālākhyā'bhavacchubhā |
naranārāyaṇāvāsā ṛṣīṇāṃ sukhavāsadā || 32 ||
[Analyze grammar]

tatra tīrthaṃ paraṃ kṛtvā paraṃ dhāmā'bhigacchati |
tatra janmani rājā'sau rājye sthitvā punaḥ punaḥ || 33 ||
[Analyze grammar]

yajñaiśca vividhairiṣṭvā prasannamakaroddharim |
athaikadā satīrthārthaṃ yayāvarbudapuṣkaram || 34 ||
[Analyze grammar]

tato vai lomaśakṣetraṃ tataśca raivatācalam |
prabhāsakṣetramāsādya somanāthaṃ vilokya ca || 35 ||
[Analyze grammar]

guptaprayāgaṃ gatvā ca cakāra vaiṣṇavaṃ kratum |
tataḥ śrīkuṃkumavāpīkṣetre natvā tu lomaśam || 39 ||
[Analyze grammar]

yayau rājyaṃ tato hitvā saṃsāraṃ badarīṃ yayau |
bhaktyā nārāyaṇaṃ prāpya yayau dhāma paraṃ hareḥ || 37 ||
[Analyze grammar]

anena rājñā yajñastu yatra guptaprayāgake |
kṛtaḥ śreṣṭhaṃ paraṃ tīrthaṃ tārakaṃ taddhi vidyate || 38 ||
[Analyze grammar]

śṛṇu cānyaṃ ca nṛpatiṃ yannāmnā tīrthamuttamam |
bhadreśvaraṃ jayantyākhye saṃbhūtaṃ bhadrikātaṭe || 39 ||
[Analyze grammar]

āsīt kṛtayuge rājā bhadrāśvo nāma bhaktarāṭ |
yasya nāmnā'bhavad varṣaṃ bhadrāśvaṃ nāma nāmataḥ || 40 ||
[Analyze grammar]

tasyā'gastyaḥ kadācittu gṛhamāgatya sattamaḥ |
uvāca saptarātraṃ tu vasāmi bhavato gṛhe || 41 ||
[Analyze grammar]

taṃ rājā śirasā natvā sthīyatāmityabhāṣata |
tasya kāntimatīnāmnī bhāryā''sīcca pativratā || 42 ||
[Analyze grammar]

tasyāstejaḥ samabhavaccandrakāntisamaṃ bhuvi |
śatāni pañca nṛpateścānyāḥ patnyo'bhavannapi || 43 ||
[Analyze grammar]

tā dāsya iva karmāṇi kurvantyasyāstapobalāt |
mahābhāgā kāntimatī bhāryā sarvottamā'sti ca || 44 ||
[Analyze grammar]

sapatnyaśca bhayāttasyā dāsyaṃ kurvanti nityadā |
tāmagastyastadā dṛṣṭvā rūpatejonvitāṃ śubhām || 45 ||
[Analyze grammar]

rājānaṃ tatra lubdhaṃ ca harerbhaktyā vivarjitam |
kāntimatīṃ bhaktihīnāṃ dṛṣṭvā ca munirabravīt || 46 ||
[Analyze grammar]

prathame divase dṛṣṭvā lokayantaṃ priyāmukham |
sādhu sādhu jagannāthetyāhā'gastyaḥ praharṣitaḥ || 47 ||
[Analyze grammar]

dvitīye divase'pyevaṃ rājñīṃ nṛpaṃ vilokya ca |
aho muṣṭamaho muṣṭaṃ jagadetaccarācaram || 48 ||
[Analyze grammar]

ityagastyo'vadad dhunvan śiro nṛpasya śṛṇvataḥ |
tṛtīye'hani bhūpaṃ ca rājñīṃ dṛṣṭvā śucā'vadat || 49 ||
[Analyze grammar]

aho mūḍhā na jānanti dātāraṃ parameśvaram |
ya ekena dinenaiva rājñastuṣṭaḥ pradattavān || 50 ||
[Analyze grammar]

caturthe divase hastāvutkṣipya punarabravīt |
sādhu sādhu jagannātha strī śūdrāḥ sādhu sādhviti || 51 ||
[Analyze grammar]

dvijāḥ sādhu nṛpāḥ sādhuvaiśyāḥ sādhu punaḥ punaḥ |
sādhu bhadrāśca sādhu tvaṃ sādhu bho'gastya sādhu te || 52 ||
[Analyze grammar]

sādhu prahlāda sādhu tvaṃ dhruvaḥ sādhu mahāvrataḥ |
evamuktvā nanartoccairagastyo rājasannidhau || 53 ||
[Analyze grammar]

evambhūtaṃ tu taṃ dṛṣṭvā patnīyukto nṛpottamaḥ |
kiṃ harṣakāraṇaṃ brahman yenetthaṃ nṛtyate tviha || 54 ||
[Analyze grammar]

kiṃ ca saṃbhāṣase vidvan parānandena cetasā |
agastyastaṃ ca bhadrāśvaṃ tathā rājñīmuvāca ha || 55 ||
[Analyze grammar]

aho mūrkhaḥ kurājā tvaṃ mūrkhī ceyaṃ priyā tava |
mūrkhāśca mantriṇaḥ sarve aho mūrkhāḥ purohitāḥ || 56 ||
[Analyze grammar]

sarvaṃ maurkhyānvitaṃ rājan dṛśyate tava maṇḍalam |
saralaṃ viditārthaṃ ca ye na jānanti me matam || 57 ||
[Analyze grammar]

evamukte punā rājā kṛtāṃjalirabhāṣata |
na jānīmo vayaṃ brahman tavoktaṃ bhāvapūritam || 58 ||
[Analyze grammar]

vivecaya mahāvidvan yadyanugrahakṛd bhavān |
agastyaśca tadā prāha vṛttāntaṃ prāgbhavaṃ yathā || 59 ||
[Analyze grammar]

āsīd vaiśyo haradattanāmā nagarapattane |
tasya bhṛtyo bhavānāsīcchūdravarṇo'tibhaktimān || 60 ||
[Analyze grammar]

iyaṃ rājñī tava patnī vaiśyabhṛtyā tadā'bhavat |
sa vaiśyo'śvayuji māsi dvādaśyāṃ niyataḥ sthitaḥ || 61 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
gṛṇan viṣṇvālayaṃ gatvā puṣpadhūpādibhirharim || 62 ||
[Analyze grammar]

abhyarcayati nityaṃ vai ciraṃ dhyānaṃ karoti ca |
devālaye bhavantau ca kṛtvā sa rakṣapālakau || 63 ||
[Analyze grammar]

saṃsthāpya dvau pradīpānāṃ jvālanārthaṃ tataḥ sa vai |
prayāti svagṛhaṃ vaiśyo bhavantau tu harergṛhe || 64 ||
[Analyze grammar]

sammārjanaṃ jaladānaṃ puṣpatulasīyojanam |
āgatānāṃ ca satkāraṃ kṛtvā nityaṃ hareḥ puraḥ || 65 ||
[Analyze grammar]

divāniśaṃ bhavantau ca dīpānāmapyakhaṇḍatām |
āstāṃ saṃrakṣayantau vai punaḥ prajvālya saṃsthitau || 66 ||
[Analyze grammar]

tena puṇyena bhavatoḥ pāpāni tvāyuṣā saha |
vilīnāni prabhātāyāṃ rajanyāṃ ca yuvāṃ tadā || 67 ||
[Analyze grammar]

śrīhareḥ kṛpayā śūdradehau tyaktvā mṛtiṃ gatau |
tato rājaṃstava janma priyavratagṛhe'bhavat || 68 ||
[Analyze grammar]

iyaṃ kāntimatī saiva tava patnī sahā''gatā |
pārakyasyā'pi dīpasya jvālitasya harergṛhe || 69 ||
[Analyze grammar]

sevābhaktidāsyabhāvaiḥ prasāditasya śārṅgiṇaḥ |
rājyaṃ śreṣṭhaṃ bhavadbhyāṃ ca prasādenedamarjitam || 70 ||
[Analyze grammar]

yaḥ punaḥ svena vittena viṣṇoragre pradīpakān |
jvālayet tasya yatpuṇyaṃ tat saṃkhyātuṃ na śakyate || 71 ||
[Analyze grammar]

mārjanaṃ lepanaṃ prakṣālanaṃ pātrapraśodhanam |
pādasaṃvāhanaṃ vastrakṣālanaṃ stavanaṃ tathā || 72 ||
[Analyze grammar]

jīrṇoddharaṇamijyāṃ ca puṣpatulasīyojanam |
naivedyaṃ salilaṃ patraṃ phalamārārtrikādikam || 73 ||
[Analyze grammar]

candanā'kṣatakuṃkumā'bīrasugandhacarcanam |
nityaṃ kuryāttasya puṇyapāraṃ vaktuṃ na śakyate || 74 ||
[Analyze grammar]

tena rājaṃstava puṇyaṃ smṛtvā prākkṛtameva ca |
sādhu sādhu jagannāthetyuktaṃ harṣeṇa vai mayā || 75 ||
[Analyze grammar]

kṛte varṣeṇa yatpuṇyaṃ tretāyāṃ tat ṣaṇmāsikaiḥ |
dvāpare ca tribhirmāsaiḥ kalāvekadinena tat || 76 ||
[Analyze grammar]

oṃ namaḥ śrīkṛṣṇanārāyaṇāyeti vadan janaḥ |
bhaktyā saṃpūjayan kṛṣṇaṃ sarvaṃ tallabhate phalam || 77 ||
[Analyze grammar]

evaṃ sthite'piloke'smin prāpte kalau janāḥ khalu |
bhajiṣyante na vai kṛṣṇaṃ dvāpare triyuge'pi vā || 78 ||
[Analyze grammar]

muṣṭāste karmabhiḥ svaiśca vañcitāḥ syuśca sarvathā |
tvaṃ ca rājan rataścātra kāntāyāmeva sarvadā || 79 ||
[Analyze grammar]

na tvaṃ neyaṃ smarasyatra kṛṣṇanārāyaṇaṃ prabhum |
etatsarvaṃ vilokyaiva mayoktaṃ cāpare dine || 80 ||
[Analyze grammar]

aho muṣṭamaho muṣṭaṃ jagadetaccarācaram |
śrīharerbhāryayā muṣṭaṃ vañcitaṃ vai carācaram || 81 ||
[Analyze grammar]

bhajante na hariṃ sampaddātāraṃ puruṣottamam |
atha pārakyadīpasyotkarṣādapi phalaṃ mahat || 82 ||
[Analyze grammar]

rājyaṃ labdhaṃ tathāpi śrīharernāma gṛṇanti na |
na rājā na ca vā rājñī smaratyapi narāyaṇam || 83 ||
[Analyze grammar]

mamāgame'pi naivaitau bhajete puruṣottamam |
satsaṃgena hi sarvatrā'bhaktā api kṣaṇaṃ khalu || 84 ||
[Analyze grammar]

bhaktiṃ kurvanti kṛṣṇasya na tu mūrkhāḥ kadācana |
suyoge'pi bhaktihīnā mūḍhā eva na saṃśayaḥ || 85 ||
[Analyze grammar]

rājā mūḍhastasya rājñī mūḍhatameti bhāti me |
atastṛtīyadivase yuvāṃ dṛṣṭvā mayeritam || 86 ||
[Analyze grammar]

aho mūḍhā na jānanti govindaṃ parameśvaram |
etatsarvaṃ sukhaṃ cāpi harerdīpakriyāphalam || 87 ||
[Analyze grammar]

ekasyaiva divasasya phalaṃ rājyottamottamam |
caturthe divase rājan hastāvutkṣipya vai mayā || 88 ||
[Analyze grammar]

vicāryaiva śrāvitaṃ vāṃ bhaktāḥ sarve hi sādhavaḥ |
bhagavatā dvijā ye ca rājāno ye ca vaiṣṇavāḥ || 89 ||
[Analyze grammar]

yajante vividhairyajñaistena te sādhavaḥ smṛtāḥ |
ye na bhajanti deveśaṃ satyapi smṛddhisādhane || 90 ||
[Analyze grammar]

nirdhano'pi tataḥ śreṣṭho yo vai bhajati keśavam |
ahaṃ yadyapyaraṇyastho nirdhano niḥkuṭumbakaḥ || 91 ||
[Analyze grammar]

tathāpi sādhurevā'smi sasmṛddhīnāmapekṣayā |
yamahaṃ na vismarāmi kadāpi puruṣottamam || 92 ||
[Analyze grammar]

tena sādho agastyeti mayoktaṃ māṃ prati dhruvam |
sā strī dhanyā sa śūdraśca tathā dhanyataro mataḥ || 93 ||
[Analyze grammar]

śuśrūṣāṃ svāmino nārāyaṇatmakasya sarvathā |
kānte ca svāmini nityaṃ parokṣo harirasti vai || 94 ||
[Analyze grammar]

matvā karoti yena syāt kṛṣṇārpaṇaṃ sukarma tat |
sā strī dhanyā tathā śūdro dvijaśuśrūṣaṇe rataḥ || 95 ||
[Analyze grammar]

dvijājñayā harerbhaktiṃ sādhū tau yat karoti hi |
dvijāste sādhavaḥ proktā harerbhaktiyutāśca ye || 96 ||
[Analyze grammar]

nṛpāste sādhavaḥ proktā hariṃ bhajanti nityadā |
āsuraṃ bhāvamāśritya prahlādaḥ puruṣottamam || 97 ||
[Analyze grammar]

muktvā cānyaṃ na jānāti tenā'sau sādhurucyate |
uttānapādaputraśca dhruva eva tu bālakaḥ || 98 ||
[Analyze grammar]

vane viṣṇuṃ samārādhya prāpa sthānaṃ mahattamam |
tena sādhurdhruvaścāpi mayoktaṃ rājasattama || 99 ||
[Analyze grammar]

sarvaṃ sādhu bhaved rājan śrīkṛṣṇaḥ smaryate hṛdi |
asādhu yāvadevaitacchrīkṛṣṇo vismṛto yadi || 100 ||
[Analyze grammar]

tvayā rājan paraṃ prāptaṃ rājyaṃ viṣṇustu vismṛtaḥ |
tasmādbhajā'tra govindaṃ śrīkṛṣṇaṃ puruṣottamam || 101 ||
[Analyze grammar]

ityuktau dampatī natvā smṛtvā prāgbhavajaṃ phalam |
bhejāte śrīhariṃ kṛṣṇanārāyaṇaṃ phalapradam || 102 ||
[Analyze grammar]

ya idaṃ śṛṇuyāllakṣmi mokṣastasyā'pi saṃbhavet |
pārvatīṃ śaṃkaraḥ prāha yattanmayeritaṃ tava || 103 ||
[Analyze grammar]

bhadrāśvaḥ sa yayau tīrthayātrārthaṃ ca prabhāsake |
saurāṣṭre tena bhadrāyāstaṭe vai paścime śubhe || 104 ||
[Analyze grammar]

jayantākhye pattane ca śāṃkaraṃ tīrthamāsthitam |
bhadreśvaraṃ ca tannāma śravaṇātpāpanāśanam || 105 ||
[Analyze grammar]

punā rājā dadau tatrā'gastyāśramaṃ tapomayam |
aśvapaṭṭasarasaśca taṭe brahmarṣisevitam || 106 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne viśālanṛpakṛtaviśālātīrthabhadrāśvanṛpakṛta bhadre tīrthā'gastyakṛtopadeśaścetyādinirūpaṇanāmā ṣaṭcatvāriṃśadadhikapañcaśatatamo'dhyāyaḥ || 546 ||
[Analyze grammar]