Chapter 545

śrīnārāyaṇa uvāca |
śṛṇu lakṣmi  śaṃkaraśca pārvatīṃ prāha pāvanam |
agastyādikatīrthānāṃ varṇanaṃ pravadāmi te || 1 ||
[Analyze grammar]

nyaṃkumatyāstaṭe divyamagastyāśramamuttamam |
āाsīt pūrve kṛte varṣamātraṃ tapaścakāra saḥ || 2 ||
[Analyze grammar]

agastyarṣiḥ kadācidvai yayau tīrthasamīhayā |
dakṣiṇasyāṃ diśi tatra vātāpeिrupaśāmitaḥ || 3 ||
[Analyze grammar]

ilvalo nāma tadbhrātā'grajaḥ kāpaṭyasaṃbhrataḥ |
nagaryāṃ maṇimatyāṃ sa cāsa vātāpireva tu || 4 ||
[Analyze grammar]

agastyaṃ sa camatkāraṃ śrutvā taṃ prati cāyayau |
prāha me bhagavan putraṃ dehi mahendrasadṛśam || 9 ||
[Analyze grammar]

agastyastaṃ cā'suraṃ tu dātuṃ naicchat sutaṃ tataḥ |
cukrodha so'surastasya brāhmaṇasya tapobhṛtaḥ || 6 ||
[Analyze grammar]

tīrthayātrāṃ kurvataścāgastyasya mārgamadhyataḥ |
vātāpiḥ phalarūpo'bhūt kāliṃgaraṃ supakvakam || 7 ||
[Analyze grammar]

kāmarūpastṛtīyaścātāpiḥ parṇagrahaṃ śubham |
babhūva śobhanamṛṣyāśramarūpaṃ savedikam || 8 ||
[Analyze grammar]

ilvalastvāgatānāṃ vai vāṭagānāṃ samarhaṇam |
phalabhojanadānādyaiścakāra nityameva ca || 9 ||
[Analyze grammar]

phalabhojī mārgagaścātithirbhuktvā phalaṃ tataḥ |
jalaṃ pibati yāvadvai tāvadilvala āsuraḥ || 154510 ||
[Analyze grammar]

āhvayatyudarasthaṃ taṃ vātāpiṃ satphalātmakam |
he vātāpe bahiryāhityevaṃ śrutvodaraṃgataḥ || 11 ||
[Analyze grammar]

sajīvastūdaraṃ bhittvā niryātyeva hi tatkṣaṇam |
trayaste bhrātaro hṛṣṭā militvā taṃ mṛtaṃ janam || 12 ||
[Analyze grammar]

khādanti nityaśastvevaṃ kurvanti ṛṣihiṃsanam |
tena pathā hyagastyaśca nirgato yāvadeva ha || 13 ||
[Analyze grammar]

āाtāpiḥ parṇaśālā'bhūd vātāpistu phalaṃ hyabhūt |
ilvalastaṃ tadā'gastyamatithiṃ prāha harṣataḥ || 14 ||
[Analyze grammar]

ṛṣe bhāgyaṃ mama dhanyaṃ grahāṇa phalabhojanam |
abhyāgatasya sevā vai karoti mokṣaṇaṃ param || 15 ||
[Analyze grammar]

agastyastaṃ tathetyāha niṣasāda gṛhāntare |
ilvalastatphalaṃ dvedhā caturdhā pravibhajya va || 16 ||
[Analyze grammar]

agastyaṃ bhojayāmāsā''hvayāmāsā'nujaṃ punaḥ |
pratyuttaraṃ na cā'vāpa pācayāmāsa tam ṛṣiḥ || 17 ||
[Analyze grammar]

bhrāmayitvodare hastaṃ pratyudgāraṃ cakāra ca |
tadā bhayaṃ samāpanna ilvalastatsthalāttadā || 18 ||
[Analyze grammar]

cakre palāyanaṃ śīghraṃ dudrāvā''tāpirityapi |
tau muniḥ krodhadṛṣṭyaiva bhasmīcakāra tatkṣaṇāt || 19 ||
[Analyze grammar]

tato'gastirdehaśuddhiṃ kartuṃ tīrtheṣu vai caran |
samāgato'tra vai nyaṃkumatyāstaṭe sthiro'bhavat || 154520 ||
[Analyze grammar]

varṣamātraṃ tapaścakre'gastyatīrthamidaṃ hi tat |
dehaśuddhayarthamādiṣṭaṃ pāvanaṃ svargadaṃ param || 21 ||
[Analyze grammar]

atha rājā purā cāsīnnṛgo nāma janādhipaḥ |
sa kadācid yayau tīrthayātrārthaṃ vai prabhāsake || 22 ||
[Analyze grammar]

svalpabhṛtyayuto mārge siṃhāraṇye dumālaye |
viśaśrāma niśāyāṃ ca lebhe nidrāṃ śubhāṃ sukhām || 23 ||
[Analyze grammar]

jñātvā parvatajāścaurāḥ śataśo hetisaṃyutāḥ |
svarṇādi dhanamāhartuṃ paritaḥ paryaveṣṭayan || 24 ||
[Analyze grammar]

rājñastu rakṣakāḥ svalpāścaurāstata śatādhikāḥ |
kiṃ kāryaṃ prāṇanāśaḥ syāddhanahetorna tadvaram || 25 ||
[Analyze grammar]

matvaivaṃ tu nṛgaḥ prāhṛ gṛhṇantvetattu puṣkalam |
ātmānaṃ rakṣayet prājño dhanairdāraistathārjavaiḥ || 26 ||
[Analyze grammar]

yadyapyasmi nṛpaścāhaṃ mayā daṇḍyā ime khalāḥ |
tathāpi nāsti sainyaṃ me vane paryāptameva yat || 27 ||
[Analyze grammar]

prāṇaglahe prāṇahānau nāsti cintā yato nṛpaḥ |
kintu mokṣakarī yātrā na me syāditi hānitaḥ || 28 ||
[Analyze grammar]

dravyaṃ datvā ca gantavyaṃ yātrāṃ kṛtvā tataḥ punaḥ |
mārgayitvā ca tān sarvān nāśayiṣye raṇāṃgaṇe || 29 ||
[Analyze grammar]

vicāryaivaṃ nṛgo yāvad bhṛtyān āाjñāṃ karoti ca |
dhanaṃ dātuṃ hi caurebhyastāvadrājñaḥ śarīrataḥ || 30 ||
[Analyze grammar]

ekā nārī saśastrā vai samutpannā'tiroṣiṇī |
hetibhistān sarvacaurān jaghāna līlayā raṇe || 31 ||
[Analyze grammar]

rājñā svāsthyaṃ gatastīvraṃ vavande tāṃ prarakṣaṇīm |
sā tu śīghraṃ punā rājño dehe praveśamāsthitā || 32 ||
[Analyze grammar]

tato rājā yayau prātarmārgaṃ prabhāsakasya saḥ |
vāmadevamṛṣiṃ dṛṣṭvā tapantaṃ devikātaṭe || 33 ||
[Analyze grammar]

viśaśrāma kṣaṇaṃ madhyāhne ca guruttamam |
vāmadevaṃ ca papraccha kā kanyā''sīccharīrajā || 34 ||
[Analyze grammar]

vāmadevaḥ samādhiṃ ca kṛtvā jñātvā sva pūrvajam |
puṇyaṃ nṛpaṃ samuvāca pūrvaṃ taṃ śūdrako'bhavaḥ || 35 ||
[Analyze grammar]

śrāvaṇasya kṛtā śuklā tvekādaśī tathā tvayā |
upoṣitā dvādaśī ca tatpuṇyaṃ tvayi saṃsthitam || 36 ||
[Analyze grammar]

puṇyarūpā tu sā kanyā tithidvayasvarūpiṇī |
kanyā caikādaśī sā ca hetayo dvādaśī tithiḥ || 37 ||
[Analyze grammar]

tābhyāṃ caurāḥ śatravaste hatāstīrthavratasya te |
evaṃ vātra paratrā''dyaṃ kṛtaṃ puṇyaṃ prayāti hi || 38 ||
[Analyze grammar]

sakhā puṇyaṃ cātmani sthaṃ sahrāyaṃ sarvadā'sti tat |
tasmāttīrthaṃ vrataṃ dānaṃ kartavyaṃ mānave bhave || 39 ||
[Analyze grammar]

ityukto jñātavān sarvaṃ nṛgastuṣṭo babhūva ha |
vāmadevamṛṣiṃ natvā saṃpūjya copadā dadau || 154540 ||
[Analyze grammar]

tattīrthaṃ vāmadevasya mṛgasyāpi prakīrtitam |
saurāṣṭre somake kṣetre rakṣakaṃ mokṣadaṃ tathā || 41 ||
[Analyze grammar]

somanāthaṃ prasampūjya yayau harmyaṃ nijaṃ tataḥ |
athā''sīd devaśarmākhyo dvijaḥ prabhāsatīrthajaḥ || 42 ||
[Analyze grammar]

nyaṃkumatyāstīre vāsaṃ cakāra sa ca nirdhanaḥ |
dhanārthe grāmamutsṛjya cauryaṃ kāryaṃ cakāra saḥ || 43 ||
[Analyze grammar]

tasya putro'bhavannāmnā duḥsahaścaura eva saḥ |
vyasanoparato'raṇye jīrṇadevālaye vasan || 44 ||
[Analyze grammar]

cauryaṃ cakāra devasya dīpaṃ prajvālya vai tadā |
janairbhṛśaṃ tāḍitaśca mṛto'bhūcca śivālaye || 45 ||
[Analyze grammar]

gāndhāraviṣaye rājā khyāto nāmnā tu durmukhaḥ |
prajopadravakṛnmūrkho dharmakāryabahiṣkṛtaḥ || 46 ||
[Analyze grammar]

śivālayasya saṃskārācchivabhakto'bhavaddhi saḥ |
puṣpasragdhūpanaivedyagandhādibhiḥ śivaṃ sadā || 47 ||
[Analyze grammar]

anyāṃścāpyarcayatyeva surān dīpapradānakaiḥ |
yatra yatrāśrame daive prayātyeva sa pāthaiिvaḥ || 48 ||
[Analyze grammar]

dīpadānaṃ karotyeva devālayeṣu sarvadā |
ekadā sa ca tīrtheṣu vicaran raivatācale || 49 ||
[Analyze grammar]

somanāthaṃ samāyātaḥ siṃhāraṇye tu mārgagaḥ |
nyaṃkumatyāstaṭe prāpa nidhanaṃ kālayogataḥ || 154550 ||
[Analyze grammar]

dīpadānasya ca pūjāyāśca phalena durmukhaḥ |
viśravasaḥ sutaḥ so'bhūt kubero yakṣarāḍiti || 51 ||
[Analyze grammar]

kuberastu tato jātismaraḥ prabhāsamāyayau |
yatra pūrvaṃ mṛtastvāsīnyaṃkumatyāstaṭe hi saḥ || 52 ||
[Analyze grammar]

tatra śaṃbhuṃ pratiṣṭhāpya mandiraṃ nirmame hi saḥ |
tattīrthe tu nijākhyādiyutaṃ kuberaśaṃkaram || 53 ||
[Analyze grammar]

kṛtavāṃśca śivaṃ tatra tuṣṭāva śubhramānasaḥ |
śaṃkaraśca kuberāya varadānatrayaṃ dadau || 54 ||
[Analyze grammar]

sakhyaṃ dhanādhipatyaṃ ca dikpālatvaṃ divaukasām |
kubereśaṃ tatra gatvā bhaktyā yaḥ pūjayiṣyati || 55 ||
[Analyze grammar]

tadgṛhe saptapuruṣāvadhi lakṣmī nivatsyati |
atha kaivartako matsyaghātī svārociṣe'ntare || 56 ||
[Analyze grammar]

samudrasya taṭe jālaṃ jalaklinnaṃ śivālaye |
nītvā dhvajasya daṇḍe tajjāḷaṃ dorakanirmitam || 57 ||
[Analyze grammar]

sthāpayāmāsa ca yathā dhvajo dṛśyeta jālakṛt |
śoṣaṇāya jalasyaivaṃ jāladhvajo'bhavaddinam || 58 ||
[Analyze grammar]

tatpuṇyena sa kaivarto janmāntare tu bhūpatiḥ |
saurāṣṭre kuṃkumavāpīkṣetre kratudhvajābhidhaḥ || 59 ||
[Analyze grammar]

rājā'bhavat pratāpī ca lomaśasyā''śrame sadā |
oṃ namaḥ śrīkṛṣṇanārāyaṇāyeti japan sadā || 154560 ||
[Analyze grammar]

paramo vaiṣṇavo jātaḥ śaṃkarasya prasādataḥ |
jātismaraḥ pradadau ca prabhāse somanāthake || 61 ||
[Analyze grammar]

dhvajāṃ śubhrāṃ mahādīrghāṃ prativarṣe tato dadau |
daśavarṣasahasrāṇi rājyaṃ cakāra bhūpatiḥ || 62 ||
[Analyze grammar]

aśvapaṭṭasaromadhye kṛṣṇanārāyaṇālayam |
jīrṇe tannūtanaṃ rājā kārayāmāsa śrṛṃgavat || 63 ||
[Analyze grammar]

tato divyavimānena yayau vaikuṇṭhameva saḥ |
paṭhanācchravaṇāccāsya bhavenmokṣapadaṃ dhruvam || 64 ||
[Analyze grammar]

devakulaṃ śubhaṃ kṣetraṃ prabhāse vartate tathā |
ṛṣitoyā nadī ramyā mimiḷuryatra devatāḥ || 65 ||
[Analyze grammar]

ṛṣibhiḥ prārthitāścānāvṛṣṭikāle tu satrake |
tarṣitā bahuyajñaiśca vṛṣṭirjātā'tiśobhanā || 66 ||
[Analyze grammar]

devatānāmṛṣīṇāṃ ca kuḷānāṃ samavāyataḥ |
ṛṣikulākhyasusaridvarā tīrthaṃ hi pāvanam || 67 ||
[Analyze grammar]

vyāghrāraṇye ṛṣayastu nyavasan ye purā yuge |
brahmāṇaṃ tvekadā draṣṭuṃ satyalokaṃ yayurhi te || 68 ||
[Analyze grammar]

tuṣṭuvurvividhaiḥ stotrairbrahmāṇaṃ kamaloddhavam |
brahmā tuṣṭo'vadat sarvān vṛṇudhvaṃ mānasepsitam || 69 ||
[Analyze grammar]

ṛṣayaste tadā prāhuḥ snānasandhyādi karma yat |
sāmudreṇa salilena tvanantapuṇyadāyakam || 154570 ||
[Analyze grammar]

jalapāne cātithīnāṃ satkārādau ca bhūjalam |
kūpādīnāṃ bhavatyeva vasāmo yatra nityadā || 71 ||
[Analyze grammar]

tasmānnadyastvayā brahman preṣayitavyā kṣmāṃ prati |
miṣṭāni hi jalānyāsāṃ kriyārhāṃṇi prabhāsake || 72 ||
[Analyze grammar]

prāpsyāmo yena ca yathā tathā kuru pitāmaha |
abhiṣekāya no dehi nadīṃ puṇyāṃ pitāmaha || 73 ||
[Analyze grammar]

vīkṣāṃ cakre tadā brahmā kartavyārthaṃ vicintya ca |
nimnagā āाhvayāmāsa gaṃgāṃ yamīṃ sarasvatīm || 74 ||
[Analyze grammar]

candrabhāgāṃ tathā revāṃ sarayūṃ gaṇḍakīṃ tathā |
tāpīṃ godāvarīṃ śiprāṃ kāverīṃ devikāṃ tathā || 75 ||
[Analyze grammar]

carmaṇvatīṃ ca māhendrīṃ bhadrāṃ śatrujitāṃ tathā |
mūrtimatyaśca tāḥ sarvāḥ sthitā vai brahmaṇaḥ puraḥ || 76 ||
[Analyze grammar]

brahmaṇā ca kṛtā dṛṣṭiḥ kamaṇḍaluṃ prati tadā |
tāśca bhāvaṃ parijñāya viviśustatkamaṇḍalum || 77 ||
[Analyze grammar]

tāstu tebhyo munibhyaśca dattā netuṃ bhuvaṃ prati |
toyarūpāḥ kamaṇḍalujalasthā hi saridvarāḥ || 78 ||
[Analyze grammar]

tadānīṃ sā ṛṣitoyā sarvasarinmayī śubhā |
ṛṣitoyānāmanadī saurāṣṭre samajāyata || 79 ||
[Analyze grammar]

devadāruvane yatra jalaṃ kamaṇḍaloḥ purā |
sanyastamṛṣibhistatra nadī sā saṃbabhūva ha || 80 ||
[Analyze grammar]

samudraṃ prāpitā sā hi saubhāgyādyairvivardhitā |
mūlacaṇḍīśatīrthe sā prapūrvābhimukhī tataḥ || 81 ||
[Analyze grammar]

bhuktimuktipradā ramyā kathitā śaṃkareṇa vai |
pārvatyai sā mayā lakṣmi  kathitā te samāsataḥ || 82 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne'gastyāśramasya ātāpīvātāpīlvalavināśasya vāmadevanṛgakuberatīrthānāṃ kratudhvajamokṣasya devakulaṛṣitoyāditīthīnāṃ sopākhyānavarṇananāmā pañcacatvāriṃśadadhikapañcaśatatamo'dhyāyaḥ || 545 ||
[Analyze grammar]