Chapter 539

śrīnārāyaṇa uvāca |
śṛṇu lakṣmi tathā'nyāni tīrthāni kathayāmi te |
yānyuktāni mahādevyai mahādevena vai tadā || 1 ||
[Analyze grammar]

vāmadevasya sāvarṇeraghorasya tathā param |
kapilasya śubhaṃ tīrthaṃ vartate tu prabhāsake || 2 ||
[Analyze grammar]

tathā śrīmukhasaṃjñaṃ ca vanaṃ lakṣmyā virājate |
yatra vai vaiṣṇavā yogisiddhā vasanti sarvadā || 3 ||
[Analyze grammar]

sagareṇa purā''dityaḥ sthāpito yatra bhāsakaḥ |
sāgarādityatīrthaṃ tad vidyate tu prabhāsake || 4 ||
[Analyze grammar]

antyajasya sutā cā'kṣamālā'bhūd yuvatī purā |
pūrvajanmani śūdrā sā rajasvalā hi śaṃkaram || 5 ||
[Analyze grammar]

pasparśa tena doṣeṇa kanyā'ntyajasya cā'bhavat |
vasiṣṭhena tapoyogād gṛhītā janakārpitā || 6 ||
[Analyze grammar]

bahuvarṣe purā devo na vavarṣa tadā tu te |
himabhūmau dadasvā'nnaṃ samayācanta cāntyajam || 7 ||
[Analyze grammar]

tena putryā sahānnaṃ vai dattaṃ tadā vasiṣṭhakaḥ |
āpaddharmaṃ samālocyovāca tatrā'ntyajaṃ yathā || 8 ||
[Analyze grammar]

jīvarakṣārthamāgṛhṇan nahi pāpena lipyate |
ajīgartaḥ sutaṃ hantumupāsarpad bubhukṣitaḥ || 9 ||
[Analyze grammar]

bhāradvājaḥ kṣudhārtastu upajagrāha gāḥ purā |
kṣudhārto hyabhyagād gāṃ tu viśvāmitro'pi vai purā || 10 ||
[Analyze grammar]

ityuktvā tāmakṣamālāṃ jagrāha sa vasiṣṭhakaḥ |
annaṃ bhuktvā cāyayuste prabhāse tvabdhisannidhau || 11 ||
[Analyze grammar]

akṣamālā tapaścakre'rundhatī sā vyajāyata |
tayā'kṣamālikeśaśca sthāpitaḥ śaṃkarastadā || 12 ||
[Analyze grammar]

atha tatra siddhalakṣmītīrthaṃ vai vartate śubham |
tathā tīrthaṃ mahākālīkṛtaṃ cāpi virājate || 13 ||
[Analyze grammar]

puṣkarāvartakānāmnī nadī kamaladā śubhā |
vartate śubhatīrthe ca prabhāse sadgatipradam || 14 ||
[Analyze grammar]

atha mitrābhidhaḥ kaścit kāyastho'bhūd dharātale |
tasya putro'bhavaccitraścitrā kanyā'bhavattathā || 156 ||
[Analyze grammar]

pitrormṛtyau bālakau tau prabhāsaṃ yayatustataḥ |
tuṣṭuvatustatra sūryaṃ tapasā bahuvāsarān || 16 ||
[Analyze grammar]

citrasya tu prasanno'bhūt sūryaḥ prāha varaṃ vṛṇu |
sa vavre sarvakāryeṣu prauḍhatvaṃ rucimattvakam || 17 ||
[Analyze grammar]

tathāstviti raviḥ prāha dharmarājaśca taṃ tathā |
kuśalaṃ tu paraṃ jñātvā kṛtavān lekhakaṃ nijam || 18 ||
[Analyze grammar]

sūryo'pi cā'bhavattatra citrāditya iti prathaḥ |
citrā'bhavaddharmarājagṛhiṇī tapasaḥ phalāt || 19 ||
[Analyze grammar]

citreśvarīti sā tatra devī saṃrājate tathā |
tīrthaṃ cāpi śubhaṃ jātaṃ rogadoṣanivārakam || 20 ||
[Analyze grammar]

athātra śītalā devī vartate duḥkhanāśinī |
visphoṭakapraśāntyarthaṃ mayūrāṃstatra kūrdayet || 21 ||
[Analyze grammar]

visphoṭaṃ carcikā cāpi bālānāṃ praśamo bhavet |
karpūraṃ kuṃkumaṃ cāpi candanaṃ kusumāni ca || 2 ||
[Analyze grammar]

navamyāṃ śuklapakṣe tāṃ naivedyaṃ ghṛtapāyasam |
mālāṃ bilvamayīṃ dadyād rogā naśyanti dūrataḥ || 23 ||
[Analyze grammar]

śītalātīrthamevaitaduktaṃ bālasukhādikṛt |
citrā yā yamapatnī sā citrapathā saridvarā || 24 ||
[Analyze grammar]

dvitīyena svarūpeṇa jātā prabhāsake sthale |
tadvai tīrthaṃ pāpatāpapraśāntyarthaṃ samucyate || 25 ||
[Analyze grammar]

dharmarājakṛtaṃ tīrthaṃ prabhāse vartate tathā |
brahmaṇā nirmitaḥ kuṇḍaḥ kāyākalpakaro'sti vai || 26 ||
[Analyze grammar]

nāradena kṛtaṃ tīrthaṃ vidyate svarabhāsitam |
yajñakuṇḍo mahattīrthaṃ brahmādikasuraiḥ kṛtam || 27 ||
[Analyze grammar]

hiraṇyāyāstaṭe svarṇadānādi puṇyadaṃ hi tat |
vainateyaṃ tathā tīrthaṃ sarpabhītinivārakam || 28 ||
[Analyze grammar]

raivantakaṃ mahattīrthaṃ sūryaputrasya vartate |
aśvasya taṃ pūjayitvā ravāvāpad vinaśyati || 29 ||
[Analyze grammar]

svargavaidyakṛtaṃ tīrthaṃ sāvitrītīrthamityapi |
tapasā jāyamānaṃ tad vidyate vai prabhāsake || 30 ||
[Analyze grammar]

talasvāmītitīrthaṃ ca uṣṇajalānvitaṃ tathā |
siṃhāraṇye vartate ca pāvanaṃ svargadaṃ śubham || 31 ||
[Analyze grammar]

śṛṇu lakṣmi purā tatra siṃhāraṇye talodbhavam |
āsīnmahendranāmā tu dānavastapaso balāt || 32 ||
[Analyze grammar]

jigye devān śaṃkarāt saḥ prārthayāmāsa saṃgaram |
yuyudhe śaṃkareṇā''dau brahmāṇḍakṣayakārakaḥ || 33 ||
[Analyze grammar]

tataḥ kopācchivadehājjvālā bahvyo'bhavaṃstadā |
tāsāṃ madhye talo dagdho dudrāva ca vanāntare || 34 ||
[Analyze grammar]

śivaḥ someśvaraṃ gatvā susthitaḥ sa talastataḥ |
mahendraṃ pīḍayāmāsa badhāna kakubhāṃ patīn || 35 ||
[Analyze grammar]

talo vismayamāpanno harṣanṛtyamathā'karot |
cakampe tasya nṛtyena sarvaṃ sthāvarajaṃgamam || 36 ||
[Analyze grammar]

kṣubhitā girayaḥ sarve vidruto lavaṇārṇavaḥ |
trailokyaṃ vyākulībhūtaṃ tadā vai lomaśo muniḥ || 37 ||
[Analyze grammar]

prabhāsaṃ tu samāgatya śaṃkaraṃ prāha rakṣa naḥ |
talaṃ nāśaya deveśa mā ciraṃ ca drutaṃ kuru || 38 ||
[Analyze grammar]

rudra uvācā'vadhyo me talaḥ putrasamaḥ sthitaḥ |
kintu uṣṇavane ramye taptodakasamīpataḥ || 39 ||
[Analyze grammar]

durvāsā vartate taṃ ca prārthayadhvaṃ surādayaḥ |
anādiśrīkṛṣṇanārāyaṇo guptaprayāgake || 40 ||
[Analyze grammar]

śatruṃjayācale tvaśvapaṭṭasaṃjñasarovare |
saurāṣṭre mahati kṣetre vartate bhagavān svayam || 41 ||
[Analyze grammar]

durvāsasā stūyamāno lomaśādibhirādarāt |
devaiḥ samprārthyamānaśca talaṃ vināśayiṣyati || 42 ||
[Analyze grammar]

kalpe kalpe pūrvabhūmau vyāghrāraṇye sthitaḥ prabhuḥ |
siṃhāraṇyagataṃ daityaṃ talaṃ hanti punaḥ punaḥ || 43 ||
[Analyze grammar]

evamukto lomaśaḥ saḥ uṣṇodakasamīpataḥ |
gatvā durvāsasaṃ devānnītvā kṛṣṇanarāyaṇam || 44 ||
[Analyze grammar]

svasthānaṃ pāvanaṃ gatvā prāha kṛṣṇanarāyaṇam |
bhagavan rākṣasaścogro harā'vadhyo hi vartate || 45 ||
[Analyze grammar]

bhavatā nāśanīyaḥ sa suramānuṣaduḥkhadaḥ |
anādiśrīkṛṣṇanārāyaṇo gatvā sacakrakaḥ || 46 ||
[Analyze grammar]

vyāghrāraṇye talaṃ dṛṣṭvā mumoca vai sudarśanam |
talo dudrāva ca siṃhāraṇyamuṣṇodagahvaram || 47 ||
[Analyze grammar]

tatra cakreṇa tu dvedhā'bhavad daityo mamāra ca |
durvāsasā pūjitaśca mārkaṇḍeyena cārcitaḥ || 48 ||
[Analyze grammar]

kṛṣṇanārāyaṇaḥ saṃjñāṃ talasvāmīti cāpa yat |
talasvāmī mahat tīrthaṃ kṛṣṇanārāyaṇāśrayam || 49 ||
[Analyze grammar]

nityamuṣṇodakakuṇḍatrayamakṣayamasti ca |
pāpakṣālanakaṃ svargapradaṃ mokṣapradaṃ tathā || 50 ||
[Analyze grammar]

tatra tīrthaṃ tu sāvitryāstapaḥsthānaṃ pravidyate |
athā'nyadasti tīrthaṃ ca bhūtamātṛkasaṃjñakam || 51 ||
[Analyze grammar]

bhūtapretagaṇānāṃ ca sthānāni santi tatra ca |
bhūtānāṃ mātaraṃ tatra pūjayed bhayavāriṇīm || 52 ||
[Analyze grammar]

cākṣuṣasyā''ntare lakṣmi purā kṛtayuge satī |
śaṃkaraṃ saṃvivāhyaiva ramate sma ca kānane || 53 ||
[Analyze grammar]

pārvatyāṃ kāmabhāvena tṛpto'bhūcchaṃkarastataḥ |
pārvatī kānane tatra kailāse snānamācarat || 54 ||
[Analyze grammar]

pārvatyāḥ snānamātreṇa nirgatā jalakardamāt |
mātaro bhūtikā bhīmā asaṃkhyā rūpavarjitāḥ || 55 ||
[Analyze grammar]

kṛṣṇāḥ karālavadanāḥ piṃgākṣyo muktamūrdhajāḥ |
kapālamālābharaṇā baddhamuṇḍārdhapiṇḍikāḥ || 56 ||
[Analyze grammar]

kapālakhaṭvāṃgadharā muṇḍamālādharāstathā |
dvīpicarmāmbaradharā raṇatkiṃkiṇimekhalāḥ || 57 ||
[Analyze grammar]

ḍimaḍḍamarukārāvāścitkārāpūritāmbarāḥ |
daśakoṭyaḥ susañjātāścatasro'tra hi nāyikāḥ || 58 ||
[Analyze grammar]

raktakarṇī mahājihvā kṣayā ca pāpakāriṇī |
etāsāmanvaye jātā bahavo brahmarākṣasāḥ || 59 ||
[Analyze grammar]

śleṣmāntakasta vṛkṣe te prāyaśaśca vasanti te |
uttālāścapalāścaite nṛtyanti ca hasanti ca || 60 ||
[Analyze grammar]

vṛkṣe kaṇṭakite raudre vasantyapi vane vane |
śaṃkaro'pi tadā snānaṃ cakre tajjalakardamāt || 61 ||
[Analyze grammar]

bhūtā asaṃkhyāḥ sañjātā vikarālā bhayaṃkarāḥ |
dvau mukhyau tādṛśāveva tadrūpābharaṇau narau || 62 ||
[Analyze grammar]

kapālakhaṭvāṃgadharau jātau carmāvaguṇṭhitau |
anugamyamānau bahubhūtairmahābhayānakaiḥ || 63 ||
[Analyze grammar]

siṃhaśārdūlādimukhairbhīṣaṇasvarakarmabhiḥ |
tau ca kṣudhāyutau śivāṃ śivaṃ tadāhaturmuhuḥ || 64 ||
[Analyze grammar]

bhojanaṃ bhojanaṃ ceti śaṃbhuḥ prāha tadā ca tau |
yuvayorhastasaṃparkānmāṃsāsṛgādi jāyatām || 65 ||
[Analyze grammar]

naktāhāravihārau ca divāsvapnāvabhāginau |
putravad rakṣataṃ lokān dharmaṃ pālayataṃ sadā || 66 ||
[Analyze grammar]

ityuktau tau gaṇau bhūtamātṛnāyakasevitau |
ekībhūtau kṣaṇenaiva sahodarau sahāyakau || 67 ||
[Analyze grammar]

āvayoḥ khalu śaucena jātau vai malinau sadā |
ābhyāṃ vāsaśca dātavyo dūraṃ paścimabhūtale || 68 ||
[Analyze grammar]

siṃhāraṇye vane vāso somanāthasamīpataḥ |
sihavyāghrapaśukṣetre saurāṣṭre jāyatāmiti || 69 ||
[Analyze grammar]

yatra kaṇṭakino vṛkṣā rūkṣā raṇapradeśakāḥ |
kuḍyādau citritā yatra mañjaryaśca bhavanti vai || 70 ||
[Analyze grammar]

bhāryā yatra punarbhūśca valmīkaśca śamī tathā |
yatra gṛhe narāḥ pañca yatra vā strītrayaṃ bhavet || 71 ||
[Analyze grammar]

yatra vā gotrayaṃ tatra tadgṛhe vasatiśca vaḥ |
andhakāre bhūvivare gahvare dhanapūrite || 72 ||
[Analyze grammar]

ekacchāgaṃ dvigardabhaṃ gotrayaṃ pañcamāhiṣam |
ṣaḍaśvaṃ vā saptagajaṃ tadgṛhe vasatirhi vaḥ || 73 ||
[Analyze grammar]

yatra gṛhe ca kuddālo dātṛkaṃ peṭikā tathā |
sthālyādibhājanaṃ yatra tatraivāsti viśīrṇakam || 74 ||
[Analyze grammar]

kṣiptaṃ sthale sthale nāsti vyavasthā śuddhirityapi |
musalolūkhalayośca dehalyāṃ strīḥ niṣīdati || 75 ||
[Analyze grammar]

śakṛnmūtraṃ ca yatrāsti malaṃ yatra ca kaccaram |
laṃghyante yatra dhānyāni pakvāpakvāni veśmani || 76 ||
[Analyze grammar]

laṃghyante yatra śāstrāṇi tadgṛhe vasatirhi vaḥ |
manuṣyāsthi gṛhe yasya sevatīvallikā tathā || 77 ||
[Analyze grammar]

rohitaśca jaṭī yatrā''gastyako bandhujīvakaḥ |
karṇikā ca bhaved yatra sthalapadmaṃ ca yatra vai || 78 ||
[Analyze grammar]

mallikā ca yatra harmye tatra vai vasatirhi vaḥ |
tālaṃ tamālaṃ bhallāvaṃ ciñcāvṛkṣāśca yatra vai || 79 ||
[Analyze grammar]

bakulaḥ kadalīṣaṇḍaṃ kadambaḥ khadiro'pi vā |
nyagrodho'śvattha āmra udumbaraḥ panasastathā || 80 ||
[Analyze grammar]

aśoka oḍravṛkṣaśca tatra bhūtaniveśanam |
devārcanaṃ yatra nāsti yatra nāsti japādikam || 81 ||
[Analyze grammar]

kṛṣṇabhaktiryatra nāsti bhūtānāṃ vasatirhi sā |
malināsyāśca ye martyā malināmbaradhāriṇaḥ || 82 ||
[Analyze grammar]

maladantā gṛhasthāśca bhūtānāṃ vasatiḥ sadā |
dīpo nāsti yatra gehe jano nāsti samāntare || 83 ||
[Analyze grammar]

malayuktā nālikādyāstatra bhūtādiveśanam |
snānahīnā narā nāryo vasatirbhavatu dhruvam || 84 ||
[Analyze grammar]

madyamāṃsāśanā lokā vāsārhāḥ santu vaḥ sadā |
catvare gocare grāmagopurāgre śmaśānake || 85 ||
[Analyze grammar]

mṛtaśāvikabhūbhāge caitye drume ca prastare |
malabhūmau nālikādau bhūtānāṃ vasatiḥ sadā || 86 ||
[Analyze grammar]

mantramāntrikadehe ca mantrite ca kaṇe tathā |
mantrasya viṣaye dehe bhūtānāṃ vasatirbhavet || 87 ||
[Analyze grammar]

ākasmikamṛterbhūmau taḍāgasya taṭe'nile |
duṣṭe'pavitrabhūmau ca bhūtānāṃ vasatiḥ sadā || 88 ||
[Analyze grammar]

amāyāṃ ca caturdaśyāṃ vaiśākhe kārtike tathā |
balidānāṃ pūjakānāṃ gṛhe mā nivasantu vai || 89 ||
[Analyze grammar]

nārāyaṇa hare kṛṣṇa śiva rādhe ramāpate |
viṣṇo śrīmatkṛṣṇanārāyaṇa śrīkamalāpate || 90 ||
[Analyze grammar]

prabhānātha mahālakṣmīpate śrīmāṇikīpate |
pārvatīśvara padyeśa muktadhāmādhisatpate || 91 ||
[Analyze grammar]

akṣareśetyādirūpaṃ bhajanaṃ svāmino hareḥ |
pūjanaṃ yatra devānāṃ tatra mā nivasantu vai || 92 ||
[Analyze grammar]

yatra śuddhistathā dharmaḥ kalaho yatra nāsti ca |
mālinyaṃ yatra vai nāsti tatra mā nivasantu vai || 93 ||
[Analyze grammar]

yatra syādāntare śuddhistatra bhūto na tiṣṭhatu |
upāsanābalaṃ yatra bhūtamātā na tatra vai || 94 ||
[Analyze grammar]

vaiśākhe śuklapakṣe ca pañcadaśadineṣvapi |
bhūtamātuḥ prapūjā ca kartavyā prokṣaṇīyakaiḥ || 95 ||
[Analyze grammar]

prokṣaṇairjalasecaiśca grīvāṃ sindūrakaistathā |
puṣpairdhūpairarcayecca baliṃ daded yathocitam || 96 ||
[Analyze grammar]

māṣādikṛṣṇabhojyaṃ vai tena tuṣṭaḥ prajāpate |
na śākinyo gṛhe tasya na piśācā na rākṣasāḥ || 97 ||
[Analyze grammar]

na bhūtādyāḥ pīḍayanti vaṃśaḥ sukhaṃ vivardhate |
bhojayet kṣīrasaṃyāva kṛsaraiḥ pūyapāyasaiḥ || 98 ||
[Analyze grammar]

tena putrapaśusmṛddhiṃ śarīrārogyamāpnuyāt |
ekādaśyāṃ navamyāṃ ca prakṣālya kuḍyakaṃ tataḥ || 019 ||
[Analyze grammar]

mukhabimbāni citrāṇi kārayed raktakajjalaiḥ |
mātṝṇāṃ caṇḍikānāṃ ca rākṣasīnāṃ tathaiva ca || 100 ||
[Analyze grammar]

bhūtapretapiśācānāṃ śākinīnāṃ tathaiva ca |
mukhāni kārayet tatra hāvabhāvayutāni ca || 101 ||
[Analyze grammar]

amāyāṃ pūjayettāni rātrau dīpena saṃyutaḥ |
mastake ca nije dhṛtvā suhṛnmitrasamanvitaḥ || 102 ||
[Analyze grammar]

grāmānte ca śmaśānānte vīrabhramaṇamācaret |
sa dīpaḥ sarvabhūtānāṃ sādhako balavān bhavet || 103 ||
[Analyze grammar]

nityaṃ ca bhrāmayed dīpaṃ rātrau grāme śmaśānake |
pañcadaśyāṃ prakurvīta bhūtamāturmahotsavam || 104 ||
[Analyze grammar]

pūjayedbhojayennamet kṣamayitvā gṛhaṃ vrajet |
evaṃ pūjāprakartuśca bhūtavighno na jāyate || 105 ||
[Analyze grammar]

atha tasyā bhūtamātuḥ śarīrāt pañcakoṭayaḥ |
piśācāḥ svedabindubhyo jātāḥ sarve bhayānakāḥ || 106 ||
[Analyze grammar]

dhamanīsantatāḥ śuṣkāḥ śmaśrūlāścarmavāsasāḥ |
ulūkhalābharaṇāśca śūrpacchatrāḥ kharasvarāḥ || 107 ||
[Analyze grammar]

pāṇipātrāḥ śirohārā bubhukṣitāḥ kurūpiṇaḥ |
nakhajvālitakeśebhyaścāṃgārānudgiranti te || 108 ||
[Analyze grammar]

ākarṇadāritāsyāśca lambabhrūsthūlanāsikāḥ |
pṛṣṭhataḥ pāṇipādāśca pṛṣṭhagāśca vipādagāḥ || 109 ||
[Analyze grammar]

ākrośantaśca dīnāsyāḥ sūtikāgṛhavāsanāḥ |
taiḥ khādyaṃ cārthitaṃ śaṃbhoḥ śaṃbhurvaraṃ dadau tadā || 110 ||
[Analyze grammar]

antardhānaṃ prajāsveva kāmarūpatvamityapi |
ubhayoḥ sandhyayoścāro bhagnagṛheṣu cāsanam || 111 ||
[Analyze grammar]

anācāragṛhāṇyeva bhagnānyāyatanāni ca |
rājamārgoparathyāśca catvarāṇi ca vedikāḥ || 112 ||
[Analyze grammar]

upalāśca tathā koṇān rathyānāṃ nirgamāṃstathā |
caityavṛkṣādikāṃścāpi śṛṃgāṇi cocchrayāṃstathā || 113 ||
[Analyze grammar]

sthānāni ca piśācānāṃ nivāsāya dadau haraḥ |
adharmikān janāṃścāpi madyamāṃsāśinastathā || 114 ||
[Analyze grammar]

malamūtrabharāṃścāpi nivāsāya dadau haraḥ |
teṣāṃ vighnavināśāya baliṃ kuryād vicakṣaṇaḥ || 115 ||
[Analyze grammar]

pūpairharidrakṛśarairmadhunā tilacūrṇakaiḥ |
odanaṃ sā''savaṃ dadyāt tilabhaktaṃ guḍaudanam || 116 ||
[Analyze grammar]

kṛṣṇāni caiva vāsāṃsi dhūmāḥ sumanasastathā |
evaṃ kṛtvā ca santuṣṭā vighnān haranti sarvadā || 117 ||
[Analyze grammar]

evaṃ hareṇa bhūtānāṃ piśācānāṃ ca mātaraḥ |
sarvaputragaṇopetāḥ preṣitāśca prabhāsakam || 118 ||
[Analyze grammar]

siṃhāraṇyaṃ nivāsārthaṃ dattaṃ vai śatayojanam |
yatra khādyaṃ miletteṣāṃ paścime sāgare sadā || 119 ||
[Analyze grammar]

te kailāsaṃ parityajya siṃhāraṇyaṃ samāgatāḥ |
upadravānakurvaṃśca prajāsvāgatya vai punaḥ || 120 ||
[Analyze grammar]

anādiśrīkṛṣṇanārāyaṇo hantuṃ ca tāṃstadā |
sudarśanaṃ mumocā'trā'raṇye dudruvurambare || 121 ||
[Analyze grammar]

bhūtāḥ piśācakādyāśca mātaraśceti paścimam |
pāresamudraṃ jagmuste kṛṣṇavarṇāḥ piśācakāḥ || 122 ||
[Analyze grammar]

kadrūpā abriktadeśe vasatiṃ tatra cakrire |
koṭiśaste tato jātāḥ kāmarūpā hi mānavāḥ || 123 ||
[Analyze grammar]

ye tu cakreṇa nihatāste devā malināstadā |
siṃhāraṇye nivasanto dehāntarāṇi jagṛhuḥ || 124 ||
[Analyze grammar]

somanāthasya śaṃbhoste śiṣyāḥ prajāḥ suputrakāḥ |
putryaḥ sutāśca śiṣyāśca siṃhāraṇye vasanti vai || 125 ||
[Analyze grammar]

uṣṇodakasya kuṇḍasyā'bhito'driṣu vaneṣu ca |
tāmasānāṃ kṛte lakṣmi tāmasā devatāḥ sadā || 126 ||
[Analyze grammar]

tīrtharūpā bhavantyeva svabhāvaguṇabhāvanaiḥ |
teṣāṃ tīrthaṃ mahattadvai siṃhā'raṇye'sti tāmasam || 127 ||
[Analyze grammar]

bhūtamātuḥ piśācānāṃ bhūtānāṃ ca nivāsanam |
cakreṇa sīdamānāḥ saṃsīdamānā hi jātayaḥ || 128 ||
[Analyze grammar]

paścimāyāṃ kṣitau jātāḥ piśācasadṛśāstu te |
ityevaṃ kathitaṃ devyai śaṃbhunā ca prabhāsake || 129 ||
[Analyze grammar]

kailāsajanyaṃ vṛttāntaṃ tīrthamiṣeṇa somake |
mayā te kathitaṃ lakṣmi talatvāmī tvahaṃ purā || 130 ||
[Analyze grammar]

talanāśārthamabhavaṃ tathā'nyacchruṇu pāvanam |
paṭhanācchravaṇāccāsya pāpahāniḥ prajāyate || 131 ||
[Analyze grammar]