Chapter 526

śrīnārāyaṇa uvāca |
śṛṇu lakṣmi vasoḥ pūrvavṛttāntaṃ cā'bhavadyathā |
kathayāmi camatkāraṃ raibhyasyāpi tataḥ param || 1 ||
[Analyze grammar]

vasurāsīnmahābhaktaḥ kāśmīranṛpatiḥ svayam |
anādiśrīkṛṣṇanārāyaṇasya śaraṇāgataḥ || 2 ||
[Analyze grammar]

oṃ namaḥ śrīkṛṣṇanārāyaṇasya svāmine namaḥ |
itimantraṃ prajagrāha vārdhakye tu narāyaṇāt || 3 ||
[Analyze grammar]

bādarīṃ sa samāyāti pratisaṃvatsaraṃ nṛpaḥ |
nārāyaṇasya sevārthaṃ darśanārthaṃ ca bhāvataḥ || 4 ||
[Analyze grammar]

kaṇṭhe ca tulasīmālāṃ sadā rakṣati śobhanām |
kare'pi japanārthaṃ sarvadā rakṣati mālikām || 5 ||
[Analyze grammar]

jānan kṣaṇasthitiṃ svasya saṃsārasyāpi tādṛśīm |
saṃsāre nirmitāḥ sarve saṃghātāḥ śokabhīpradāḥ || 6 ||
[Analyze grammar]

vāyuśca bhūmirākāśo jalaṃ tejaśca paṃkajam |
śarīraṃ pañcabhūtaiśca nirmitaṃ sarvadehinām || 7 ||
[Analyze grammar]

mithyābhramaḥ kṛtrimaśca svapnavanmāyayā'nvitaḥ |
ko vā kasya sutastatra kā strī kasya patistathā || 8 ||
[Analyze grammar]

karmabhirnirmitaṃ sarvaṃ karmabandhanajaṃ tvidam |
sukha duḥkhaṃ bhayaṃ śokaṃ dehayoge pragacchati || 9 ||
[Analyze grammar]

mānuṣe ca paśau deve druṣu kīṭeṣu jantuṣu |
pakṣiṣvapi tṛṇe cāpi janma yāti svakarmabhiḥ || 10 ||
[Analyze grammar]

punaḥ punarbhramatyeva yāvatkarmalayo na vai |
satyaṃ tretā dvāparaśca kaliśceti caturyugam || 11 ||
[Analyze grammar]

nimeṣasya caturbhāgastruṭiḥ syāt taddvayaṃ lavaḥ |
lavadvayaṃ yavaḥ proktaḥ kāṣṭhā taddaśapaṃcabhiḥ || 12 ||
[Analyze grammar]

triṃśatkāṣṭhāḥ kalāḥ proktā kṣaṇastriṃśatkalo mataḥ |
kṣaṇaiḥ ṣaṣṭyā palaṃ proktaṃ ṣaṣṭyā teṣāṃ ca nāḍikā || 13 ||
[Analyze grammar]

nāḍīdvayaṃ muhūrtaṃ triṃśanmuhūrtaṃ divāniśam |
māsastriṃśadahorātrairdvau māsau tu ṛturmataḥ || 14 ||
[Analyze grammar]

ṛtutrayaṃ syādayanamayane dve tu vatsaram |
anenaiva tu mānena mānavānāṃ kṛte'tra vai || 15 ||
[Analyze grammar]

lakṣaiḥ saptadaśākhyaiśca saurābdaiśca tathā paraiḥ |
aṣṭāviṃśatisāhasrairniścitaṃ vai kṛtaṃ yugam || 16 ||
[Analyze grammar]

aṣṭaśatādhikyayuktacatuḥsāhasrasaṃkhyakāḥ |
ṣaṣṭyadhikatriśatakairguṇitāste kṛte matāḥ || 17 ||
[Analyze grammar]

tatra vai jāyate śuklavarṇo hi bhagavān svayam |
lokāḥ pāpavinirmuktāḥ kṣāntā dāntā jitendriyāḥ || 18 ||
[Analyze grammar]

dīrghāyuṣastapomagnaḥ kāmakrodhādivarjitāḥ |
na putrasaṃbhavo mṛtyurvīkṣyate janakaiḥ kvacit || 19 ||
[Analyze grammar]

tatastretāyugaṃ syācca lakṣairdvādaśabhistathā |
ṣaṇṇavatisāhasraiḥ saurābdairniścitaṃ suraiḥ || 20 ||
[Analyze grammar]

ṣaṭśatādhikyayuktatrisāhasrasaṃkhyakāḥ khalu |
ṣaṣṭyadhikatriśatakairguṇitāste trike yuge || 21 ||
[Analyze grammar]

pāpenaikena pādena raudraṃ dharmaṃ tadā viśet |
tato raktatvamabhyeti śrīmatkṛṣṇanarāyaṇaḥ || 22 ||
[Analyze grammar]

pāpāṃśena mitho lokaḥ saṃsparddhī jāyate tadā |
svargārthaṃ dānayajñāśca kurvanti yāni vai divam || 23 ||
[Analyze grammar]

kecitsvalpāyuṣastatra jāyante spardhayā'pi ca |
janake vidyamāne tu putrāṇāṃ maraṇaṃ na vai || 24 ||
[Analyze grammar]

kāmakrodhādayastatra bhavanti na bhavanti ca |
ekavāraṃ tadā kṛṣyā vāpitaṃ kṣetramuttamam || 25 ||
[Analyze grammar]

saptavārān pragṛhṇanti vaiśyāḥ kṛṣṇaparāyaṇāḥ |
sarvā ghaṭastavā gāvo mahiṣyaśca caturguṇāḥ || 26 ||
[Analyze grammar]

śāpānugrahakṛtyeṣu samarthā mānavāstadā |
na cauro jo rū śca sarve dharmaratā janāḥ || 27 ||
[Analyze grammar]

tatastṛtīyayugako dvāparo vidyate kramāt |
dvau pādau tatra pāpasya dvau ca dharmasya saṃsthitau || 28 ||
[Analyze grammar]

taccā'ṣṭalakṣamānena saurābdānāṃ prakīrtitam |
catuḥṣaṣṭibhiranyaiśca sahasraiśca yugaṃ tadā || 29 ||
[Analyze grammar]

catuḥśatā''dhikadvisāhasraprasaṃkhyakāḥ khalu |
ṣaṣṭyadhikatriśatakairguṇitāste dvike yuge || 30 ||
[Analyze grammar]

kāmaḥ krodho mado lobho dambho matsara eva ca |
ṣaḍete tatra jāyante īrṣyā cāpi tu saptamī || 31 ||
[Analyze grammar]

atha tairanvitāḥ sarve viruddhā vai parasparam |
ke'pi śāntāśca dāntāśca jitendriyā bhavanti hi || 32 ||
[Analyze grammar]

tataḥ kaliyugaṃ proktaṃ sarvadoṣāśrayaṃ tadā |
ekapādo vṛṣo yatra pāpaṃ pādaistribhiḥ sthitam || 33 ||
[Analyze grammar]

śvetaḥ satye raktavarṇaṃstretāyāṃ bhagavānapi |
nīlaśca dvāpare kṛṣṇo'livad vai jāyate kalau || 34 ||
[Analyze grammar]

pramāṇaṃ tu kalerdiṣṭaṃ lakṣāścatvāra eva ca |
dvātriṃśacca sahasrāṇi saurābdāni bhavanti hi || 35 ||
[Analyze grammar]

dviśatādhikaikasāhasrātmaprasaṃkhyakāḥ khalu |
ṣaṣṭyadhikatriśatakairguṇitāste kalau matāḥ || 36 ||
[Analyze grammar]

ekadvitrīṇi catvāri sahasrāṇi daśa kramāt |
kalidvītatrītasatyayugā'bdāni bhavanti hi || 37 ||
[Analyze grammar]

mānavāni dvicatuḥṣaḍaṣṭaśatānyanukramāt |
bhavantyabdāni sāhasre dve militvā tu tānyatha || 38 ||
[Analyze grammar]

dvādaśābdasahasrāṇi mānavānāṃ caturyugam |
bodhyaṃ saurāṇi tricatvāriṃśallakṣāṇi cāpyatha || 39 ||
[Analyze grammar]

viṃśatisāhasrasaṃkhyādhikānyeva caturyugam |
yugakṣayakṛtaścāyuḥkṣayaḥ sṛṣṭau mato'pi hi || 40 ||
[Analyze grammar]

yasya cāsti gṛhe vittaṃ tathā nāryo manoramāḥ |
tairnaraistu samaṃ maitrīṃ kalau kurvanti mānavāḥ || 41 ||
[Analyze grammar]

svārthamātraparāḥ putrā bhūṣāsvārthaparāḥ priyāḥ |
snuṣā vetti ca vittena yadi śvaśrūḥ kṣayaṃ vrajet || 42 ||
[Analyze grammar]

mama syād gṛhamaiśvarye sarve vāñchanti tattathā |
alpodakāstadā meghā alpasasyā ca medinī || 43 ||
[Analyze grammar]

dhūrtā viḍambakāḥ santo guravaśca kalau yuge |
alpakṣīrāstadā gāvaḥ kṣīre sarpirna vidyate || 44 ||
[Analyze grammar]

sarvabhakṣāstadā viprā nṛpā niṣkaruṇāstadā |
cauryakāryaparāḥ sarve pṛthivī gatayauvanā || 45 ||
[Analyze grammar]

atikrāntaśubhāḥ kālāḥ paryupasthitadāruṇāḥ |
varṣe catuṣṭaye kanyā garbhavatī bhaviṣyati || 46 ||
[Analyze grammar]

pañcadaśanyūnavarṣe mṛtyureva bhaviṣyati |
bhaviṣyanti kalau cānte janā vitastimātrakāḥ || 47 ||
[Analyze grammar]

daśavarṣāyuṣaścānte gṛhaṃ bilaṃ bhuvo'ntare |
prāvaraṇaṃ tadā vai syād guptavastraṃ hi kevalam || 48 ||
[Analyze grammar]

ekavarṇā bhaviṣyanti varṇāḥ sarve mitho'nvitāḥ |
mlecchībhūtā durācārā dharmakarmavivarjitāḥ || 49 ||
[Analyze grammar]

caturyugānāṃ saptatiṃ tvekādhikāṃ manustathā |
mahendraśca prabhuṃkte vai dīrghamāyuḥ punaḥ punaḥ || 50 ||
[Analyze grammar]

manoḥ samaṃ mahendreṇa paramāyuḥ prakīrtitam |
caturdaśendravicchittau brahmaṇo dinamucyate || 51 ||
[Analyze grammar]

evaṃ parimitā rātrirdivārātraṃ hi kalpakaḥ |
brahmaṇastu varṣaśataṃ paramāyurvinirmitam || 52 ||
[Analyze grammar]

saurasāvanacandrarkṣairmānairebhiścaturvidhaiḥ |
kālo niryāti sarveṣāṃ bhūtānāṃ kṣitimaṇḍale || 53 ||
[Analyze grammar]

pañcaṣaṣṭyadhikaiścāpi dinānāṃ ca śataistribhiḥ |
bhavenmānavavarṣaṃ tat pañconaistaiśca sāvanam || 54 ||
[Analyze grammar]

cāndramekādaśonaṃ tu triṃśaddhīnaṃ tu ṛkṣajam |
śītātapau tathā vṛṣṭirmānavābdena jāyate || 55 ||
[Analyze grammar]

agniṣṭomādayo yajñā vivāhā utsavādayaḥ |
sāvanena bhavantyeva sarvavarṇeṣu vai kṣitau || 56 ||
[Analyze grammar]

kusīdādyā vyavahārā utpannāni ca yānyapi |
adhimāsaprayuktena cāndreṇaiva bhavanti hi || 57 ||
[Analyze grammar]

nakṣatreṇa tu mānena bhidyante cābhitārakāḥ |
evaṃ devā mānavāśca daityāstvanye sadā kṣitau || 58 ||
[Analyze grammar]

pravartante ca jāyante mriyante cedṛśaṃ jagat |
tatra māyābandhanenāvṛtaḥ pāraṃ na yāti vai || 59 ||
[Analyze grammar]

tasmānmayā sadā kṛṣṇanārāyaṇaḥ pumuttamaḥ |
bhajanīyaḥ pūjanīyo dhyātavyaśca nirantaram || 60 ||
[Analyze grammar]

kālo bhakṣayati sarvān kṣaṇe varṣe yuge tathā |
māṃ śikhāyāṃ dattahastaḥ kālo grasitumicchati || 61 ||
[Analyze grammar]

ityevaṃ bodhayuktaḥ sa rājā bhaktiparāyaṇaḥ |
vasurdharmānumatyā ca svarājyaṃ pratyapālayat || 62 ||
[Analyze grammar]

ayajad bahubhiryajñairmahadbhirbhūridakṣiṇaiḥ |
karmārpaṇena deveśaṃ kṛṣṇanārāyaṇaṃ harim || 63 ||
[Analyze grammar]

toṣayāmāsa bahubhirdāsyabhāvaiśca vartayan |
tataḥ kālena mahatā vasurvairāgyayogataḥ || 64 ||
[Analyze grammar]

nivṛttarājyabhogecchādvandvasyā'ntamupeyivān |
nijaputraṃ vivasvantaṃ śreṣṭhaṃ bhrātṛśatasya ca || 65 ||
[Analyze grammar]

abhiṣicya nije rājye puṣkaraṃ samupāyayau |
yatra śrīpuṇḍarīkākṣannārāyaṇaḥ saṃvirājate || 66 ||
[Analyze grammar]

vasuḥ kāśmīrabhūpaḥ sa tapobhirugrasādhitaiḥ |
bhaktyā smaran hariṃ tatra divyadehaṃ dadarśa tam || 67 ||
[Analyze grammar]

kṛṣṇanārāyaṇaṃ devaṃ sarvāntaryāmiṇaṃ prabhum |
tuṣṭāva taṃ namaste'stu puṇḍarīkākṣa te namaḥ || 68 ||
[Analyze grammar]

viśvamūrte sarvatejonivāsa kṛṣṇa te namaḥ |
śaraṇyaṃ rakṣakaṃ viṣṇuṃ jiṣṇuṃ vyomanivāsinam || 69 ||
[Analyze grammar]

gopālakṛṣṇabālaṃ tvāṃ namasye cakrapāṇinam |
nānyat kiñcitprapaśyāmi vyatiriktaṃ tvayā'cyuta || 70 ||
[Analyze grammar]

evaṃ tu vadatastasya mūrtimān puruṣaḥ kila |
nirgatya dehānnīlābho ghanacaṇḍo bhayaṃkaraḥ || 71 ||
[Analyze grammar]

raktākṣo hrasvakāyaścovāca rājan karomi kim |
vasuḥ papraccha taṃ pāparūpaṃ ko'si vadā'tra me || 72 ||
[Analyze grammar]

pāparūpaḥ sa vai prāha tava pāpaṃ bhavāmyaham |
na cāsmi kevalaṃ pāpaṃ pāpapreto'smi te'nagha || 73 ||
[Analyze grammar]

śṛṇu pūrvaṃ kalau rājaṃstvaṃ rājā dakṣiṇāpathe |
janasthāne kadācittvaṃ mṛgayārthamupāgataḥ || 74 ||
[Analyze grammar]

tatra tvayā tu daṇḍena mṛgaveṣadharo muniḥ |
prasravaṇe girau santāḍito mṛtaḥ sa satvaram || 75 ||
[Analyze grammar]

hariṇaṃ taṃ hataṃ matvā yāvad grahītumicchasi |
tāvanmṛgavapurvipro vīkṣito hi narastvayā || 76 ||
[Analyze grammar]

tvaṃ cātibhayamāpanno hatyayā mānavasya vai |
hatyā'haṃ tu mahāghorā pretabrāhmaṇanāśajā || 77 ||
[Analyze grammar]

ahaṃ brahmagraho rājan śarīre nyavasaṃ tava |
adyā'vadhiṃ pīḍayituṃ khādituṃ tava varṣma ca || 78 ||
[Analyze grammar]

rājyabhogā mayā dṛṣṭā bhuktā dehe ca te nṛpa |
raktaṃ pītaṃ khāditaṃ ca māṃsaṃ te nūtanaṃ sadā || 79 ||
[Analyze grammar]

tvaṃ ca rājyaprabhāveṇa kṛśo naiva vilokyase |
bahubhojanapānādismṛddhimattvānnṛpottama || 80 ||
[Analyze grammar]

atha tvayā tatpāpasya prāyaścittaṃ vicintitam |
śrīharerdvādaśī śuddhā tvayā rājannupoṣitā || 81 ||
[Analyze grammar]

vratānyanyāni ca nārāyaṇo me prīyatāmiti |
kṛtāni ca tathā dānaṃ gavāṃ dattaṃ punaḥ punaḥ || 82 ||
[Analyze grammar]

tatastvaṃ dakṣiṇāpathe svagṛhe kukṣiśūlataḥ |
rugṇo mṛtastava patnī nāmnā nārāyaṇī satī || 83 ||
[Analyze grammar]

dadau jalaṃ tavā''sye ca śrīviṣṇoścaraṇāmṛtam |
kintu tvayā tadā patnī smṛtā dhyātā mṛtikṣaṇe || 84 ||
[Analyze grammar]

tena tvaṃ kalpamekaṃ ca jāto viṣṇupure punaḥ |
kumāro vāsanāyukto mokṣādvai vañcito yataḥ || 841 ||
[Analyze grammar]

ahaṃ tatra tvayā sārdhaṃ tava dehastha eva tu |
saṃsthitaḥ kalpaparyantaṃ sadbhogān bubhuje tvayi || 86 ||
[Analyze grammar]

tatra kalpe tvayā svargaṃ bahudhā bhuktameva ca |
svargasya ca tvayi rājan sthito'haṃ svena tejasā || 87 ||
[Analyze grammar]

punā rājasvarūpe ca sthito'haṃ bahuvatsarān |
tato'haḥkalpanivṛttau rātrikalpe gate'pi ca || 88 ||
[Analyze grammar]

idānīmādisṛṣṭau ca satye yuge narādhipa |
saṃbhūtastvaṃ mahārāja rājñaḥ sumanaso gṛhe || 89 ||
[Analyze grammar]

kāśmīradeśādhipaterahaṃ tvaṅgaruheṣu te |
nivāsāmyadyaparyantaṃ bhuñjāno nūtanaṃ navam || 90 ||
[Analyze grammar]

yajñairiṣṭa tveyā'nekairbahubhiścāptadakṣiṇaiḥ |
na cā'haṃ tairapahato viṣṇusmaraṇavarjitaiḥ || 91 ||
[Analyze grammar]

idānīṃ ca viśālāyāṃ tvayā bhaktiḥ kṛtā hareḥ |
stotraṃ prahvaṇabhāvena kṛtaṃ sarvātmanā'tra ca || 92 ||
[Analyze grammar]

bhaktestava prabhāveṇa puṇḍarīkākṣaśārṅgiṇaḥ |
sarvātmanā'rpaṇenāpi prasādito hariḥ svayam || 93 ||
[Analyze grammar]

kiṃkarān preṣayāmāsa viṣṇurnārāyaṇaḥ prabhuḥ |
paśya tvetān mahāvyomni vimāneṣvabhyavasthitān || 94 ||
[Analyze grammar]

tadetairviṣṇupuruṣairmūśalaiḥ prahato'smyaham |
kṣayaṃ yātaścyutaścāsmi romakūpebhya eva te || 95 ||
[Analyze grammar]

tava bhaktiprabhāveṇa vihāyā'ṅgaruhāṇyaham |
ekībhūtaḥ punarjāto vyādharūpī tavāntike || 96 ||
[Analyze grammar]

ahaṃ bhagavataḥ stotraṃ śrutvā bhaktyā ca te nṛpa |
viṣṇupārṣadadaṇḍasya sparśenā'pi mahā'ghataḥ || 97 ||
[Analyze grammar]

mukto'smi pretabhāvācca dharmabuddhiśca me'sti ca |
tato rājannijamitraṃ tvadāśritaṃ nirāśrayam || 98 ||
[Analyze grammar]

bhaktaṃ māṃ dehi sukhadaṃ varadānaṃ kṛpāṃ kuru |
evaṃ śrutvā vasurvyādhāyāpi dadau varaṃ śubham || 99 ||
[Analyze grammar]

śṛṇu vyādha tvayā smārito'smi janmāntaraṃ mama |
tatastvaṃ madvareṇāto dharmavyādho bhaviṣyasi || 100 ||
[Analyze grammar]

evamuktvā tu bhūpaḥ sa vimānavaramāsthitaḥ |
pareṇa śrīkṛṣṇanārāyaṇenā'kṣaradhāma vai || 101 ||
[Analyze grammar]

yayau pārṣadayuktaḥ sa pārṣado'bhūddharestataḥ |
athā'yaṃ dharmakarmā ca dharmavyādho babhūva ha || 102 ||
[Analyze grammar]

ityetat kathitaṃ lakṣmi vasoścaritamuttamam |
yaḥ paṭhecchṛṇuyāccāsya tīrthasnānaphalaṃ bhavet || 103 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne kāśmīranṛpasya vasoḥ prāgjanma mṛgarūpa brahmahatyāyā bhaktibalena niḥsṛtāyā dharmavyādhajanmatā vasostato muktiścetyādinirūpaṇanāmā ṣaḍviśatyadhikapañcaśatatamo'dhyāyaḥ || 526 ||
[Analyze grammar]