Chapter 520

śrīnārāyaṇa uvāca |
śṛṇu lakṣmi kacchapaḥ saḥ provāca prāgbhavaṃ svakam |
indradyumnamahārāja śṛṇu dṛṣṭaṃ mayā tu yat || 1 ||
[Analyze grammar]

ahaṃ vaikuṇṭhadhāmastho nārāyaṇasya pārṣadaḥ |
vasuhārītanāmā'saṃ caturbāhurmanoharaḥ || 2 ||
[Analyze grammar]

suvarṇavāṭikāyāṃ tu nityāyāṃ vai sarovare |
nityaṃ kamalapuṣpāṇi samāhartuṃ niyojitaḥ || 3 ||
[Analyze grammar]

lakṣmyā mālā kṛtā nityamarpyate śrīharergale |
mayā tvānīya puṣpāṇi dīyate nityadā śriyai || 4 ||
[Analyze grammar]

ekadā snānamagno'haṃ vicinvan kamalāni tu |
suciraṃ kṛtavāṃstatra sarasyevā''plavaṃ rataḥ || 5 ||
[Analyze grammar]

mālāyāḥ samayastatra vyatītaśca tataḥ param |
lakṣmīḥ svayaṃ samāgatya prāha māṃ kiṃ karoṣi re || 6 ||
[Analyze grammar]

cirāyate tu pūjāyāṃ jale magno'si durmate |
jale eva sadā tiṣṭha na me te'sti prayojanam || 7 ||
[Analyze grammar]

karoṣi taraṇaṃ kūrmasamaṃ kūrmaḥ sadā bhava |
ityuktaḥ kūrmatāṃ prāpto vaikuṇṭhasya sarovare || 8 ||
[Analyze grammar]

sṛṣṭau tu jāyamānāyāṃ gaṃgā satye samāgatā |
tasmādvai brahmasarasastenā'haṃ ca samāgataḥ || 9 ||
[Analyze grammar]

tato'nyapārṣadastatra kamalārthe ca yojitaḥ |
nāmnā tvanantaśīlaḥ saḥ kadācid jalamadhyagaḥ || 10 ||
[Analyze grammar]

prasarpan satyalokaṃ vai jalena saha cāgataḥ |
brahmaṇā sa viṣṇurūpau matvā saṃpūjito mudā || 11 ||
[Analyze grammar]

anantaśīlastatrā''ha prasanno'smi varaṃ vṛṇu |
brahmā prāha mayā yāvadbrahmāṇḍānāṃ tu koṭayaḥ || 12 ||
[Analyze grammar]

kriyante sarṣapatulyāstān sadā dhāraya prabho |
tathāstviti tadā prāha kintu me dehi vedikām || 13 ||
[Analyze grammar]

yatra sthitvā dhārayāmi sthiro brahmāṇḍamaṇḍalam |
satyaloke ca gaṃgāyāṃ tadā cāhaṃ hyupasthitaḥ || 14 ||
[Analyze grammar]

āsaṃ tatraiva gaṃgāyāṃ brahmā prāha ca māṃ tadā |
kacchapa tvaṃ vahā'nantaṃ hyabhīṣṭaṃ karavāṇi te || 15 ||
[Analyze grammar]

mayoktaṃ ca yathā lakṣmīnārāyaṇasya dāsatā |
bhavenme tu tathā brahman kuru tatpārṣado'smyaham || 16 ||
[Analyze grammar]

vedhāstathā'stviti prāha mayā śeṣaśca saṃdhṛtaḥ |
anantākhyo mama pṛṣṭhe'nantena ca phaṇopari || 17 ||
[Analyze grammar]

brahmāṇḍāni dhṛtānyeva jāyante viramanti ca |
brahmaṇā tu tapastaptaṃ mama lābhasya siddhaye || 18 ||
[Analyze grammar]

nārāyaṇasya dāsyasya prāptyarthaṃ śrīharistadā |
brahmāṇaṃ ca samāgatya varṣānte prāha sanmukhaḥ || 19 ||
[Analyze grammar]

varaṃ varaya bhadraṃ te kathaṃ smṛto'smi me vada |
brahmā prāha hare kṛṣṇanārāyaṇa jagatprabho || 20 ||
[Analyze grammar]

pārṣadaste mayā prāpto vasuhārītasaṃjñakaḥ |
lakṣmīśāpena kamaṭhasvarūpaṃ labdhavāṃstu yaḥ || 21 ||
[Analyze grammar]

mayā samprārthito'nantastava śreṣṭhaḥ supārṣadaḥ |
brahmāṇḍānāṃ dhāraṇārthaṃ tenā'rthitaṃ śubhāsanam || 22 ||
[Analyze grammar]

tadā sa kamaṭhaḥ samyagādhāro vai mayā'rpitaḥ |
anantāya ca kamaṭho vavre nārāyaṇāśrayam || 23 ||
[Analyze grammar]

dāsyaṃ yathā bhavet tasmād dehi dāsyaṃ ca bhaktayoḥ |
pārṣadayorubhayostvaṃ kṛpāṃ kuru tathā prabho || 24 ||
[Analyze grammar]

nārāyaṇastadā prāha tathā'stviti punaḥ punaḥ |
andhakādyasuravrātānnāśayitvā kṣaṇāntare || 25 ||
[Analyze grammar]

pariśramavināśārthaॆ kṣīrode sāgare tadā |
śeṣasya gendukaṃ kṛtvā kacchapasya tu pṛṣṭhake || 26 ||
[Analyze grammar]

śayiṣye tatra me dāsyaṃ kacchapā'nantayoḥ sadā |
dāsye ceti varaṃ datvā nārāyaṇastiro'bhavat || 27 ||
[Analyze grammar]

āgataḥ śrīharistatra lakṣmīṃ nītvā payodadhau |
yatrā''haṃ kacchapo nityaṃ pratiṣṭhāmi mahājale || 28 ||
[Analyze grammar]

śeṣo'nanto mama pṛṣṭhe paryaṃkagenduko'bhavat |
tatra śete jagannāthaḥ kṛṣṇanārāyaṇo hariḥ || 29 ||
[Analyze grammar]

dāsyaṃ dvābhyāṃ tatra labdhaṃ nityaṃ śrīharipādayoḥ |
brahmaṇāṃ tu śate naṣṭe tvekadā lomaśo muniḥ || 30 ||
[Analyze grammar]

kṣīrode śrīkṛṣṇanārāyaṇasya darśanāya vai |
samāgato mayā dṛṣṭaḥ pṛṣṭaśca kuśalaṃ prati || 21 ||
[Analyze grammar]

gṛhādikaṃ sukhaṃ cāste pratyuttaraṃ jagāda saḥ |
brahmaṇāṃ daśakaṃ naṣṭaṃ sannidhau mama kacchapa || 32 ||
[Analyze grammar]

brahmaṇāṃ tu śate naṣṭe mariṣyāmi kṣaṇāntare |
svalpāyuśca kathaṃ kuryād gṛhaṃ yannaśvaraṃ kṣaṇāt || 33 ||
[Analyze grammar]

tato'haṃ muninā sārdham ājñayā śrīharestathā |
rūpaṃ dvitīyaṃ dhṛtyaiva svalpaṃ vai śatayojanam || 34 ||
[Analyze grammar]

tīrthayātrākṛte'gacchaṃ brahmāṇḍāntaḥpravīkṣitum |
so'haṃ lomaśamuninā sārdhaṃ pātālabhūmitaḥ || 35 ||
[Analyze grammar]

uparyupari cā'gacchaṃ tathā tathaiva vāyunā |
deha me tu svabhāvena paraṃ saṃkocatāṃ gatam || 36 ||
[Analyze grammar]

pṛthvyāṃ kṛṣṇamaṇijanye saurāṣṭre tvaśvapaṭṭake |
vyāghrāraṇyāntare śreṣṭhe miṣṭode vai sarovare || 37 ||
[Analyze grammar]

pañcayojanakā''yāme lomaśasyā''śrame taṭe |
pūrvasmin raivatādbhāge viśrāntiṃ cā'labhaṃ kṣaṇam || 38 ||
[Analyze grammar]

tatra kuṃkumavāpyāṃ ca kambharākṛṣṇamandire |
patnīvrato brāhmaṇaśca kṛṣṇāṃśo vartate sadā || 39 ||
[Analyze grammar]

śrīḥ svayaṃ kambharālakṣmīḥ kṛṣṇo gopālakṛṣṇakaḥ |
kṛṣṇanārāyaṇo yatra mandire vartate sadā || 40 ||
[Analyze grammar]

ekādaśa tathā rudrā aṣṭau ca vasavastathā |
ādityā dvādaśa cāpi devavaidyau ca sarvadā || 41 ||
[Analyze grammar]

trayastriṃśacca te devāḥ kalpe kalpe navā navāḥ |
nityaṃ tiṣṭhanti yaddvāre tatra tīrthottame śubhe || 42 ||
[Analyze grammar]

patnīvrato mahāviṣṇusamāyurvīkṣito mayā |
lomaśenā'rcito vipro mayāpi tvarcitastadā || 43 ||
[Analyze grammar]

brahmaṇāṃ koṭayo yasya sannidhau līnatāṃ gatāḥ |
yasya vaṃśāścaturdaśalokeṣu brāhmaṇā matāḥ || 44 ||
[Analyze grammar]

sṛṣṭyantare'pi tasyaiva vaṃśāste brāhmaṇāḥ sadā |
tasyā'haṃ darśanaṃ kṛtvā nyavasaṃ lomaśāśramam || 45 ||
[Analyze grammar]

tadāsīnnṛpatirindradyumno'tra bhūtale mahān |
saptadvīpasamudrāṇāṃ pṛthvīnāṃ sārvabhaumakaḥ || 46 ||
[Analyze grammar]

rocakāyāṃ rājadhānyāṃ raivatācalasannidhau |
pūrvasyāṃ vai diśi vyāghrāraṇyabhūmau babhūva saḥ || 47 ||
[Analyze grammar]

dvitīyā rājadhānyasya mahākālavane'bhavat |
tṛtīyā''sīt tathā śrīmatpuruṣottamapūrgatā || 48 ||
[Analyze grammar]

vedhaso vartamānasya catvāriṃśatsamāsu ca |
gatāsu bhūtale hyāsīdindradyumno mahīpatiḥ || 49 ||
[Analyze grammar]

sa ca dṛṣṭvā svake tīrthe tvaśvapaṭṭasarovare |
kacchapaṃ māṃ mahākāyaṃ yojanā'rdhasuvartulam || 50 ||
[Analyze grammar]

lomaśasyā'dhīnakaṃ ca matvā jñātvā ṛtukṣamam |
vavre rājā lomaśānmāṃ yajñapīṭhārthamuttamam || 51 ||
[Analyze grammar]

lomaśena tathāstveva kṛtvā datto'hameva yat |
mama pṛṣṭho bhūbhṛtā 3 bahuvarṣāṇi santatam || 2 ||
[Analyze grammar]

anena tu kṛtā yajñā lomaśena prakāritāḥ |
tataḥ pṛṣṭhaṃ mama dagdhaṃ mayā saṃprārthito muniḥ || 53 ||
[Analyze grammar]

lomaśaḥ sudayālurmā prāha gacchatu mānasam |
saro himagireḥ prānte tato'haṃ tvatra cāgataḥ || 54 ||
[Analyze grammar]

atra vai brahmaṇo varṣapañcakaṃ me gataṃ bhavam |
kalpāstu brahmaṇo me'tra gatāni tāni vai śṛṇu || 55 ||
[Analyze grammar]

aṣṭādaśasahasrāṇi tathā ca pañcaviṃśatiḥ |
mānase'tra gatāḥ kalpāstān smarāmi yathātatham || 56 ||
[Analyze grammar]

dvitīyena svarūpeṇa cātra tiṣṭhāmi sarvadā |
pṛṣṭhaṃ me nirujaṃ samyag jātaṃ himādrisaṃśrayāt || 57 ||
[Analyze grammar]

lomaśarṣirgururme'sti gaccha tatrāśramaṃ śubham |
rājaṃstvaṃ prathamaṃ yāhi puruṣottamasatpurīm || 58 ||
[Analyze grammar]

yatra tvayā jagannāthaḥ svahastena purā''hitaḥ |
tato yāhi mahākālavanaṃ yatra tava gṛham || 59 ||
[Analyze grammar]

tato yāhi surāṣṭraṃ yatrā'śvapaṭṭasarovaram |
kuṃkumavāpikā yatra lomaśo vartate muniḥ || 60 ||
[Analyze grammar]

yatra vai śrīkṛṣṇanārāyaṇo lakṣmīpatiḥ svayam |
pārvatīmāṇikīrādhāprabhāsvāmī pumuttamaḥ || 61 ||
[Analyze grammar]

sāptabhaume mahāsaudhe divye saṃrājate hariḥ |
gaccha rājaṃstatra sevāṃ kṛtvā yāhi tataḥ param || 62 ||
[Analyze grammar]

satyalokaṃ kalpakālaṃ punardrakṣyasi māṃ tataḥ |
ebhirvai munibhiḥ sārdhaṃ yaśaste'vyāhataṃ bhuvi || 63 ||
[Analyze grammar]

śrutvā yāsyasi satyaṃ tatkalpaṃ prati dhruvam |
kacchapasya hitaṃ miṣṭaṃ vākyaṃ saṃgṛhya te tataḥ || 64 ||
[Analyze grammar]

nivṛttāśca tataḥ sthānāt svasvasthāni bhejire |
indradyumnaḥ samāyāto lomaśaṃ prati tatkramāt || 65 ||
[Analyze grammar]

yasya vai pārśvato dikṣu caturyojanabhūtale |
māyā nāsti na vai rāgadveṣau kutastu vāsanā || 66 ||
[Analyze grammar]

brahmarūpāśramaṃ prāpya rājā tṛpto'bhavattadā |
lomaśasya mukhāt sarvaṃ śrutvā kṛṣṇanarāyaṇam || 67 ||
[Analyze grammar]

sampūjya kambharālakṣmīṃ śrīmadgopālakṛṣṇakam |
trayastriṃśatsurāṃścāpyājñayovāsa sa vatsaram || 68 ||
[Analyze grammar]

śuśrāva satkathāstatra lomaśasya mukhāmbujāt |
lakṣmīnārāyaṇasaṃhitāyā nityaṃ navā navāḥ || 69 ||
[Analyze grammar]

tatra śuśrāva ca yajñān svakṛtān lomaśānanāt |
tathā śrīmajjagannāthapratiṣṭhāṃ svakṛtāṃ śubhām || 70 ||
[Analyze grammar]

tathā sarvatra satrāṇi tvannānāṃ bhojanāni ca |
dānāni gajagovājihiraṇyaratnayoṣitām || 71 ||
[Analyze grammar]

pṛthivyāṃ santi yāvanti vastūni tāvatāmapi |
dānāni japapūjādi śrutavāṃśca gurormukhāt || 72 ||
[Analyze grammar]

jñānaṃ cātmapradaṃ svargapradaṃ mokṣapradaṃ tathā |
lomaśasya mukhāt sarvaṃ labdhavāṃścātmadarśanam || 73 ||
[Analyze grammar]

lomaśena śrutaṃ yacchrīkṛṣṇanārāyaṇānanāt |
śṛṇu lakṣmi pravakṣyāmi te'haṃ bhaktaupayaugikam || 74 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne mānasasarovarasthena kacchapena svasya śeṣasya ca viṣṇoḥ pārṣadatvaṃ kathitaṃ tataḥ kuṃkumavāpīkṣetre lomaśāśrame'śvapaṭṭasarovare vāsaḥ āyuḥ indradyumnayajñāścetyādivṛttāntakathananāmā viṃśatyadhikapañcaśatatamo'dhyāyaḥ || 520 ||
[Analyze grammar]