Chapter 516

śrīnārāyaṇa uvāca |
śṛṇu lakṣmi kathāṃ ramyāṃ vṛkāsurakṛtāṃ śubhām |
purā babhūva ca vṛko daityastepe paraṃ tapaḥ || 1 ||
[Analyze grammar]

śatavarṣaṃ tu kedāre kṣetre tuṣṭo harastu tam |
varaṃ dātuṃ yayau nityaṃ na jagrāhā'suro varam || 2 ||
[Analyze grammar]

sarvaiśvaryaṃ sarvasiddhiṃ bhuktiṃ muktiṃ hareḥ padam |
daityaḥ kiñcinna gṛhṇāti paritaḥ śūlapāṇinaḥ || 3 ||
[Analyze grammar]

śaṃbhuḥ ruroda taṃ dṛṣṭvā premapāśena veṣṭitaḥ |
rodanaśravaṇenā'sya dhyānabhaṃgo babhūva ha || 4 ||
[Analyze grammar]

dadarśa purataḥ śaṃbhuṃ dātāraṃ sarvasampadām |
varaṃ vavre vṛkastasmānnatvā ca bhaktipūrvakam || 5 ||
[Analyze grammar]

hastaṃ dadhe ca yanmūrdhni sa bhasma bhaviteti ca |
omityuktvā prayāntaṃ taṃ dudrāva daityapuṃgavaḥ || 6 ||
[Analyze grammar]

papāta ḍamaruḥ śaṃbhorvyāghracarma ca bhūtale |
daityaṃ pṛṣṭhe ca dhāvantaṃ kṛpayā na ca hanti saḥ || 7 ||
[Analyze grammar]

duṣṭānusāraṃ sādhuśca na karoti kadācana |
sādhavo ghnanti ghnantaṃ ca bhṛtyaṃ putraṃ priyāṃ vinā || 8 ||
[Analyze grammar]

śivo māṃ mama śaraṇaṃ tvāyayau nirahaṃkṛtaḥ |
he hare rakṣa rakṣeti japantaṃ bhayavihvalam || 9 ||
[Analyze grammar]

tadā mayā dhṛtaṃ rūpaṃ nāryā daityaśca mohitaḥ |
dāpayitvā nijamūrdhni hastaṃ taṃ daityapuṃgavam || 10 ||
[Analyze grammar]

bhasmībhūtaṃ kṛtavāṃśca śaṃkaro vijvaro'bhavat |
tathāpi śaṃkaro bhakto mama garvānvito'bhavat || 11 ||
[Analyze grammar]

sadā viṣṇurmama kāryaṃ karotyeva mahāpadi |
saṃhartā'hamiti matvā tripuraṃ hantumudyataḥ || 12 ||
[Analyze grammar]

ko'yaṃ pataṃgavaddaitya iti matvā raṇaṃ yayau |
vihāya śūlaṃ maddattaṃ madīyakavacaṃ tathā || 13 ||
[Analyze grammar]

ciraṃ babhūva samaro varṣamekaṃ divāniśam |
śaṃbhoḥ rathaṃ babhaṃjāpi jahārā'strāṇi śaṃkarāt || 14 ||
[Analyze grammar]

śivaṃ śayānamuttolya pātayāmāsa bhūtale |
tadā'haṃ kalayā śīghraṃ vṛṣarūpaṃ vidhāya ca || 15 ||
[Analyze grammar]

śayānaṃ śaṃkara dhṛtvā viṣāṇābhyāmurukramam |
sa maddattena śūlena jaghāna tripuraṃ haraḥ || 16 ||
[Analyze grammar]

sadyaḥ papāta daityendraścūrṇībhūto hi bhūtale |
tuṣṭuvurdevatāḥ śaṃbhuṃ darpaṃ tatyāja śaṃkaraḥ || 17 ||
[Analyze grammar]

tato'haṃ vṛṣarūpeṇa vahāmi bhaktaśaṃkaram |
mama priyatamo nāsti trailokyeṣu śivātparaḥ || 18 ||
[Analyze grammar]

śṛṇu lakṣmi harasyā'tra kathāṃ ramyāṃ purābhavām |
yugaṣaṣṭisahasrāṇi tapaḥ kṛtvā maheśvaraḥ || 19 ||
[Analyze grammar]

virarāma tataścāgre māṃ dadarśa narāyaṇam |
atīva kamanīyāṃgaṃ kiśoraṃ śyāmasundaram || 20 ||
[Analyze grammar]

na babhūva vitṛṣṇaśca locanābhyāṃ trilocanaḥ |
paśyannimeṣarahito ruroda premavihvalaḥ || 21 ||
[Analyze grammar]

ekenā'syena vai kathaṃ staumi śrīpuruṣottamam |
evaṃ caturdhā manasi kalpayāmāsa mastakam || 22 ||
[Analyze grammar]

pratikalpanaṃ ca śiro nūtanaṃ nūtanaṃ tadā |
babhūva taccaturvaktraṃ pūrveṇa saha pañcamam || 23 ||
[Analyze grammar]

ekaikavaktraṃ śuśubhe locanaiśca tribhistribhiḥ |
babhūva tena śobhāḍhyaḥ pañcavaktrastrilocanaḥ || 24 ||
[Analyze grammar]

stavanādadhikā prītiḥ śivasya mama darśane |
tenādhikāni tasyaivaṃ babhūvurlocanāni vai || 25 ||
[Analyze grammar]

triguṇāni tu netrāṇi saṃhārakaṃ tṛtīyakam |
vibhūtigātraḥ sa vibhuḥ satīsaṃskārabhasmanā || 26 ||
[Analyze grammar]

dhatte tasyāstvasthimālāṃ premabhāvena bhasma ca |
anyeṣāṃ muṇḍamālāṃ ca dhatte saṃhṛtadehinām || 27 ||
[Analyze grammar]

jaṭāṃ tapasyākālīnāṃ dho'dyāpi vivekataḥ |
na cecchā keśasaṃskāre svāṃgaveṣeṇa yoginaḥ || 28 ||
[Analyze grammar]

samatā candane paṃke loṣṭe ratne maṇau dhane |
garuḍadveṣiṇo nāgāḥ śaṃkaraṃ śaraṇaṃ yayuḥ || 29 ||
[Analyze grammar]

bibharti kṛpayā svāṃge tāneva śaraṇāgatān |
vāhanaṃ vṛṣarūpo'hamanyastaṃ voḍhumakṣamaḥ || 30 ||
[Analyze grammar]

pārijātādikaṃ puṣpaṃ sugandhi candanādikam |
mayi sannyasya teṣvevaṃ prītirnāsti kadācana || 31 ||
[Analyze grammar]

dhattūre tatsadā prītirbilvapatrānulepane |
gandhahīne sugandhe ca yogoṣṭhe vyāghracarmaṇi || 32 ||
[Analyze grammar]

divyaloke divyatalpe janatāyāṃ na tanmanaḥ |
śmaśāne'tīva rahasi dhyāyate māmaharniśam || 33 ||
[Analyze grammar]

jñānaṃ mṛtyuñjayaṃ śūlaṃ dhatte mattejasā'nvitam |
jalaṃ viṣapraśāntyarthaṃ dhatte śītaṃ divāniśam || 34 ||
[Analyze grammar]

pārvatīṃ ca mayā dattāṃ yoginīṃ kāryasiddhaye |
lokaśikṣaṇadānārthaṃ dhatte patnīṃ pativratām || 35 ||
[Analyze grammar]

śaṃkaraḥ paramātmā me prāṇebhyo'pi paraḥ śivaḥ |
tryambake manmanaḥ śaśvanna priyo me bhavātparaḥ || 36 ||
[Analyze grammar]

na saṃvasāmi goloke vaikuṇṭhe tava vakṣasi |
sadā śivasya hṛdaye nibaddhaḥ premapāśataḥ || 37 ||
[Analyze grammar]

svarasiddhaṃ sutānena pañcavaktraiśca śaṃkaraḥ |
śaśvad gāyati madgāthāṃ tenā'haṃ tatsamīpataḥ || 38 ||
[Analyze grammar]

mama bhaktiṃ ca dāsyaṃ ca muktiṃ ca sarvasampadaḥ |
sarvasiddhīrdātumīśo na dātā śaṃkarāt paraḥ || 39 ||
[Analyze grammar]

pañcavaktraiḥ sa me nāma premṇā gāyatyaharniśam |
madrūpaṃ dhyāyati śaśvanna bhaktaḥ śaṃkarātparaḥ || 40 ||
[Analyze grammar]

bhaktatvāt svapratāpādvā pātrabhedāt kṣaṇāntarāt |
bhinnarūpakriyāceṣṭā dhatte manvantarāddharaḥ || 41 ||
[Analyze grammar]

ahaṃ sudarśanaṃ śaṃbhustejasā ca vayaṃ samāḥ |
brahmā sraṣṭā tu yogena nā'smābhistejasā samaḥ || 42 ||
[Analyze grammar]

sanatkumāro vaikuṇṭhamekadā prajagāma ha |
dadarśa bhuktavantaṃ ca nāthaṃ nārāyaṇaṃ hi mām || 43 ||
[Analyze grammar]

mayā dattaṃ cāvaśeṣaṃ tasmai tuṣṭena cetasā |
prāptamātreṇa tatraiva bhuktaṃ tenaiva kiñcana || 44 ||
[Analyze grammar]

kiṃcid rarakṣa bandhūnāṃ bhakṣaṇārthaṃ ca durlabham |
kiṃcid dattaṃ śaṃkarāya bhuktaṃ sarvaṃ tu śaṃbhunā || 45 ||
[Analyze grammar]

bhaktyudrekāt prāptamātraṃ bhuktvā bhaktyā nanarta saḥ |
pulakāṃkitasarvāṃgaḥ sāśrunetro mudānvitaḥ || 46 ||
[Analyze grammar]

gāyan mama guṇān bhaktyā sukaṇṭhaḥ paṃcavaktrataḥ |
rāgabhedaikatānena tālamānena sundaram || 47 ||
[Analyze grammar]

papāta ḍamarurhastācchṛṅgaṃ ca vyāghracarma ca |
svayaṃ nipatya paścācca rudan mūrchāmavāpa ha || 48 ||
[Analyze grammar]

atīva kamanīyaṃ tadrūpaṃ dhyātvaikamānasaḥ |
sahasradalamadhyasthaṃ māṃ paśyan hṛtsaroruhe || 49 ||
[Analyze grammar]

etasminnantare devī pārvatī parameśvarī |
mudā''jagāma śīghraṃ taṃ prasannavadanekṣaṇā || 50 ||
[Analyze grammar]

rudantaṃ mūrchitaṃ dṛṣṭvā nipatitaṃ ca bhaktitaḥ |
prahasya vārtāṃ papraccha pārśvasthaṃ sarpameva sā || 51 ||
[Analyze grammar]

kāmarūpadharaṃ bhaktaṃ vaiṣṇavaṃ skandhavāsitam |
sarvaṃ tāṃ kathayāmāsa nāgarāṭ saṃpuṭāñjaliḥ || 52 ||
[Analyze grammar]

nārāyaṇaprasādasyā'danena premavihvalaḥ |
īdṛśīṃ susamādheścā'vasthāṃ prāpto'sti śaṃkaraḥ || 53 ||
[Analyze grammar]

śrutvā cukopa sā mahyaṃ prasādo nārpitaḥ katham |
śaptaṃ cakre taducchiṣṭamabhakṣyaṃ viduṣāmapi || 54 ||
[Analyze grammar]

uvāca śaṃbhuṃ tvaṃ poṣṭā karoṣi durnayaṃ katham |
sadā te paripālyā'haṃ poṣyā bhaktyā ca kiṃkarī || 55 ||
[Analyze grammar]

vañcitā'haṃ tvayā nātha hareḥ prasādabhakṣaṇe |
pātraṃ hareḥ prasādasya tvaṃ bhaktaḥ prathamaṃ hareḥ || 56 ||
[Analyze grammar]

pātraṃ tava prasādasya pārvatyahaṃ tava priyā |
pātraṃ harerharasyāpi prasādasyā'hamīśvarī || 57 ||
[Analyze grammar]

adattvā vañcitā tvadya haranirmālyabhakṣaṇe |
adatvā vañcitā cādya hareḥ prasādabhakṣaṇe || 58 ||
[Analyze grammar]

ato matto gṛhāṇedaṃ phalaṃ vañcanajaṃ śiva |
adya prabhṛti ye lokā naivaidyaṃ bhuñjate tava || 59 ||
[Analyze grammar]

te janmaikaṃ sārameyā bhaviṣyantyeva sarvathā |
ityuktvā pārvatī tatra ruroda purataḥ kṣaṇam || 60 ||
[Analyze grammar]

śivaḥ kareṇa tannetrajalamārjanamācarat |
kṛtvā vakṣasi sadvākyairbādhayāmāsa sāntvanaiḥ || 61 ||
[Analyze grammar]

parituṣṭā tu sā devī bhartāraṃ samuvāca ha |
kalevaraṃ saṃtyakṣyāmi naivedyena vinā hareḥ || 62 ||
[Analyze grammar]

bibharmi dehaṃ satataṃ tava saubhāgyavardhanam |
kathaṃ vahāmi saubhāgyarahitaṃ nu kalevaram || 63 ||
[Analyze grammar]

apūrvaṃ tava naivedyaṃ janmamṛtyujarāharam |
śaptaṃ mayā kṛtaṃ duṣṭaṃ sārameyajanupradam || 64 ||
[Analyze grammar]

yadi bhakṣyāmyahaṃ cāpi sārameyī bhavāmi ca |
na bhakṣyāmi tadā patyuḥ prasādena tu vañcitā || 65 ||
[Analyze grammar]

pātivratyena dharmeṇa hīnā jīvāmi vai katham |
tasmād dehaṃ parityajya yāmi golokameva ca || 66 ||
[Analyze grammar]

pārvatīṃ cetyuktavatīṃ dadau dhairyaṃ haraḥ svayam |
śṛṇu devi kuru pākaṃ naivedyaṃ dehi viṣṇave || 67 ||
[Analyze grammar]

tatprasādamahaṃ bhuktvā tubhyaṃ dāsye sthirā bhava |
liṃgaprasādastvagrāhya iti te'stu vacaḥphalam || 68 ||
[Analyze grammar]

pratimāyāḥ prasādastu grāhyaḥ sarvo bhaviṣyati |
pratimāliṃgamiśro'pi sarvagrāhyo bhaviṣyati || 69 ||
[Analyze grammar]

evaṃ gṛhāṇa me śiṣṭaṃ pātivratye sthitā sadā |
sārameyajanirnaiva tathā kṛte bhaviṣyati || 70 ||
[Analyze grammar]

liṃgamātraprasādādhikāre caṇḍapracaṇḍakau |
niyuktau tau mayā bhaktau gaṇau mama nirantaram || 71 ||
[Analyze grammar]

ityuktā pārvatī kṛtvā pākaṃ śrīharaye dadau |
śaṃkarāya dadau taṃ ca śiṣṭaṃ sā bubhuje satī || 72 ||
[Analyze grammar]

ityevaṃ liṃgaśiṣṭasyā'grāhyatvaṃ kathitaṃ rame |
atha devī mahādevaṃ miṣṭānnaṃ vividhaṃ sadā || 73 ||
[Analyze grammar]

mama prasādaṃ nirvartya bhaktyā bhojayati satī |
ṣaṭpaṃcāśatprasaṃkhyāni pakvānnavyañjanāni ca || 74 ||
[Analyze grammar]

nityaṃ mama prasādaṃ taṃ bhojayāmāsa sādaram |
kṛṣṇajanmadine kṛtvā matprasādaṃ vidhāya ca || 75 ||
[Analyze grammar]

bhojayituṃ yadā''rabdhā vaiṣṇavaḥ śaṃkarastadā |
devīṃ prāha śṛṇu tvadya dharmasaṃkaṭamāgatam || 76 ||
[Analyze grammar]

vratasyeṣṭasya divase bhojanaṃ grāhyameva na |
kṛṣṇaprasādastyājyo na tyāge pāpaṃ śatādhikam || 77 ||
[Analyze grammar]

vadātra kiṃ prakartavyaṃ karomi cenna dūṣaṇam |
pārvatī kṣaṇamātraṃ svahṛdaye'ntarviveśa ha || 78 ||
[Analyze grammar]

kṛṣṇanārāyaṇaṃ tatra prasasmāra hariḥ svayam |
samāgatyāha deveśī paśya māṃ prati pārvati || 79 ||
[Analyze grammar]

śaṃkaro matsvarūpo'sti nātra bhedo hi vidyate |
matsvarūpeṇa bhuñjīta nātra doṣo bhavettadā || 80 ||
[Analyze grammar]

bhaktarūpeṇa naivātra vrate bhoktavyameva ha |
matsvarūpeṇa bhoktavyaṃ tatra doṣo na vidyate || 81 ||
[Analyze grammar]

vada tvaṃ śaṃkaraṃ devi bhaktaṃ rūpaṃ vihāya ca |
bhagavadrūpamāsthāya karotu bhojanaṃ haraḥ || 82 ||
[Analyze grammar]

ityuktā sā satī tūrṇaṃ natvā kṛṣṇanarāyaṇam |
bahirāgatya kāntaṃ svaṃ yathoktaṃ prāha bhāvataḥ || 83 ||
[Analyze grammar]

bhaktarūpaṃ vihāyātra bhagavadrūpamāpnuhi |
tato bhojanamādhatsva kṛṣṇe vibhau parātmani || 84 ||
[Analyze grammar]

śaṃbhuḥ prāha kathaṃ devi bhaktatvaṃ śāśvataṃ mama |
tyājyaṃ bhaved vadātrārthe tattyāge dūṣaṇaṃ mahat || 85 ||
[Analyze grammar]

abhaktasya jalaṃ cānnaṃ grāhyaṃ paścānna vai bhavet |
abhaktaḥ sarvathā varjyo vaiṣṇavaiśca surādibhiḥ || 86 ||
[Analyze grammar]

pārvatī prāha devā'haṃ tvabalā buddhivarjitā |
tathāpi cātra vādārthe kathayāmi tathā kuru || 87 ||
[Analyze grammar]

yadi cāsmi tava bhaktā nānyabhaktā kadācana |
siddhānnasya susārthakyaṃ bhavedevaṃkṛte kuru || 88 ||
[Analyze grammar]

kṛṣṇaḥ śaṃbhuśca sannyāsītyevaṃ trirūpavān bhava |
kṛṣṇarūpeṇa vai sarvaṃ bhuṃkṣva siddhānnamatra me || 89 ||
[Analyze grammar]

tatprasādasvarūpaṃ tvaṃ bhuṃkṣva sannyāsirūpataḥ |
sādhoḥ sannyāsinaścāpi prasādo me'rthakṛd bhavet || 90 ||
[Analyze grammar]

tavā''jñayā grahīṣyāmi na cennaiva spṛśāmyapi |
jalaṃ phalaṃ kusumaṃ cauṣadhaṃ dugdhādiko rasaḥ || 91 ||
[Analyze grammar]

gurorvākyaṃ svāmivākyaṃ na vrataghna kadācana |
ityuktaḥ śaṃkarastatra dadhāra pratimātrayam || 92 ||
[Analyze grammar]

kṛṣṇarūpo'nnasarvasvaṃ bubhuje pārvatīkṛtam |
sārūpyena svarūpeṇa bhaktā bhuñjanti dhāmani || 93 ||
[Analyze grammar]

atha sannyāsanaiṣkarmye bhojane'pi na dūṣaṇam |
iti kṛtvā ca bubhuje sannyāsī śaṃkaraḥ svayam || 94 ||
[Analyze grammar]

tatprasādaṃ satī devī sannyāsinīsvarūpiṇī |
śaṃkarasyā''jñayā bhūtvā bubhuje haribhojanam || 95 ||
[Analyze grammar]

bhaktā pātramārjanādi cakre satīsvarūpiṇī |
tāni rūpāṇi saṃhṛtya pārvatīparameśvarau || 96 ||
[Analyze grammar]

babhuvaturyathāpūrvarūpiṇau bhaktikāriṇau |
ityevaṃ mama bhaktānāṃ lakṣmi bhaktirhi vidyate || 97 ||
[Analyze grammar]

sūkṣmaṃ vai dharmasarvasvaṃ ko nu jānāti taṃ vinā |
śaṃkaraḥ sa tu sannyāsī triloke vyacaranmudā || 98 ||
[Analyze grammar]

mama bhaktiṃ cakārogrāmakārayacca vaiṣṇavān |
kāle kāle tathā bhūtvā bhaktiṃ karoti me śivaḥ || 99 ||
[Analyze grammar]

śivā'pi yatinī bhūtvā bhaktiṃ karoti me tathā |
mama jñānāśrayaḥ śaṃbhurācāryaḥ śāstrakṛt tathā || 100 ||
[Analyze grammar]

tārako baddhajīvānāṃ jñānabhaktipradāyakaḥ |
na hyammayāni tīrthāni na devā mṛcchilāmayāḥ || 101 ||
[Analyze grammar]

yajñarūpāṇi puṇyāni vratānyanaśanāni ca |
tapāṃsi nānādānāni vipradevārcanāni ca || 102 ||
[Analyze grammar]

ciraṃ punanti sarvāṇi darśanādeva sādhavaḥ |
susatāṃ viṣṇubhaktānāṃ rajasāṃ sparśamātrataḥ || 103 ||
[Analyze grammar]

pūtānāṃ pādapadmānāṃ sadyaḥ pūtā vasundharā |
tīrthāni ca pavitrāṇi samudrāḥ parvatāstathā || 104 ||
[Analyze grammar]

surā darśanamicchanti satāṃ pātakanāśinām |
so'jñānī naiva bubudhe santaṃ manuṣyajanmanā || 105 ||
[Analyze grammar]

paramaṃ svādu dugdhaṃ vai na jānāti tathā dadhi |
tathā sadbhyo jāyamānaṃ na jānāti sato janān || 106 ||
[Analyze grammar]

svagṛhaṃ naiva jānāti parajñānena vai vṛthā |
sa eva paramo lābho vaiṣṇavānāṃ satāṃ kṛpā || 107 ||
[Analyze grammar]

bhavābdhitaraṇe taryyāṃ tatra santo hi nāvikāḥ |
viprā guravo lokasya santo vipragurūttamāḥ || 108 ||
[Analyze grammar]

sanakādyā mahāsantaḥ sannyāsino'tipāvanāḥ |
śodhayanti bhuvanāni vāsanā dīrghakālajāḥ || 109 ||
[Analyze grammar]

evaṃ sa śaṃkaro bhakto bhaktā śivā tathā mama |
sādhusādhvīrūpayuktau prasādārthaṃ babhūvatuḥ || 110 ||
[Analyze grammar]

padmaje mama bhaktānāṃ madarthaṃ kimasādhyakam |
mama lābhārthamevaite sarvaṃ tyajanti rodhakam || 111 ||
[Analyze grammar]

iti te kathitaṃ pūrvaṃ punaśca smāritaṃ śubham |
mama dāsyaṃ hare devyāṃ tvayi cāpi parātparam || 112 ||
[Analyze grammar]

etasya śravaṇātpāṭhānmananādvartanāttathā |
bhuktirmuktirmama dāsyaṃ sarvaṃ syānnātra saṃśayaḥ || 113 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne śaṃkarasya garvaharaṇaṃ bhaktyudrekatā paramabhāgavatasarvasvārpaṇadharmavattvaṃ sannyāsarūpadhāritvaṃ bhagavatprasādāśitvaṃ cetyādinirūpaṇanāmā ṣoḍaśādhikapañcaśatatamo'dhyāyaḥ || 516 ||
[Analyze grammar]