Chapter 510

śrīnārāyaṇa uvāca |
śṛṇu lakṣmi yajataśca brāhmaṇo vai kratau tadā |
ṛṣīṇāṃ koṭirāyātā dakṣiṇāpathavāsinām || 1 ||
[Analyze grammar]

siṃhāraṇyasthitānāṃ ca naimiṣāraṇyavāsinām |
khaṇḍāntarasthitānāṃ ca koṭayaḥ saṃgatāstadā || 2 ||
[Analyze grammar]

śrutvā paitāmahaṃ yajñaṃ kautukena samanvitāḥ |
kīdṛśo bhavitā yajño dīkṣito yatra padmajaḥ || 3 ||
[Analyze grammar]

rūpatīrthe nāganadyāṃ snātvā divyasvarūpiṇaḥ |
ṛṣayaste yajñabhūmiṃ gatvā nemuḥ pitāmaham || 4 ||
[Analyze grammar]

upaviṣṭāḥ pariśrāntāḥ svāgatena prapūjitāḥ |
cakruste vai kathā divyā yajñakarmasamudbhavāḥ || 5 ||
[Analyze grammar]

somapānasya sambandhe vādaṃ cakruḥ parasparam |
udgātuśca tathā'dhvaryoḥ tattvavādo babhūva ca || 6 ||
[Analyze grammar]

bhuktavantastataḥ sarve ninyurniṃśāṃ sukhena te |
dvitīye divase prāpte dvādaśyāṃ makhakarmaṇi || 7 ||
[Analyze grammar]

ṛtvigbhiśca samārabdhe kautukaṃ śṛṇu padmaje |
baṭuḥ kaścinnarmakārī jalasarpaṃ sadaḥsthale || 8 ||
[Analyze grammar]

cikṣepa prahasan śīghraṃ vidhātuḥ sannidhau tataḥ |
ḍuṇḍubhaḥ sa bhramamāṇo hotuḥ pārśvamupāyayau || 9 ||
[Analyze grammar]

hotāraṃ veṣṭayāmāsa bhṛguṃ tathāpi vai bhṛguḥ |
na cacāla nijasthānāt prāyaścittabibhīṣayā || 10 ||
[Analyze grammar]

tadodvegaśca sarveṣāṃ kṣobho manāk babhūva ha |
muniścyavanaḥ pitaraṃ dadarśa sarpaveṣṭitam || 11 ||
[Analyze grammar]

sarpaprakṣepakaṃ bālaṃ śaśāpa kṣobhakārakam |
yasmāt pāpa tvayā sarpaḥ kṣiptaḥ sadasi durmate || 12 ||
[Analyze grammar]

tasmād bhava drutaṃ sarpaḥ śrutvā'thā''ha baṭustu tam |
hāsyena jalasarpo'yaṃ mayā mukto'tra līlayā || 13 ||
[Analyze grammar]

na hotāraṃ samuddiśya kasmācchāpaṃ dadāsi me |
iti pravadan sarpatvamāpannaḥ sa kṣaṇāntare || 14 ||
[Analyze grammar]

sanātanaṛṣeḥ putro baṭuḥ śuśoca vai muhuḥ |
ḍuṇḍubhaṃ svaṃ samādāya yayau bhṛguṃ jagāda ca || 15 ||
[Analyze grammar]

sanātanasutaścāsmi pautrastu parameṣṭhinaḥ |
śaptastava sutenā'smi cyavanena mahātmanā || 16 ||
[Analyze grammar]

śāpād rakṣa mune vipraṃ baṭuṃ māṃ śaraṇāgatam |
śrutvā bhṛguḥ kṛpāviṣṭaścyavanaṃ prāha re suta || 17 ||
[Analyze grammar]

ayuktaṃ vihitaṃ tvetad yacchapto'yaṃ baṭustvayā |
na tvāṃ dharṣayituṃ śakto viṣāḍhyo'pi bhujaṃgamaḥ || 18 ||
[Analyze grammar]

kimpunarjalasarpo'yaṃ nirviṣo rajjusannibhaḥ |
śāpamokṣaṃ kuruṣvā'sya viprabaṭuḥ sukhībhavet || 19 ||
[Analyze grammar]

cyavanaḥ prāha śāpo me mithyā naiva bhavet pitaḥ |
brahmā śrutvā tadā prāha jātaṃ sarvaṃ madicchayā || 20 ||
[Analyze grammar]

purā saṃsṛṣṭukāmo'haṃ nāgānāṃ navamaṃ kulam |
tadbhaviṣyati vai tvattastava vaṃśo dharātale || 21 ||
[Analyze grammar]

nāgaḥ karkoṭakaḥ putrīṃ nijāṃ dāsyati te priyām |
tava vaṃśaḥ savistāro martyaloke nivāsakṛt || 22 ||
[Analyze grammar]

śrāvaṇaśuklapañcamyāṃ janāstadvaṃśapūjanam |
kariṣyanti tava vāso nāgatīrthaṃ prathiṣyate || 23 ||
[Analyze grammar]

evaṃ pravadato'jasya yajñe nāgāḥ samāyayuḥ |
nimantritāśca vāsukistakṣakaśca kṛṣīharaḥ || 24 ||
[Analyze grammar]

puṇḍarīkaḥ kambalāśvatarau kālaparo balaḥ |
śeṣaścānye praṇamyocuryajñe devaṃ pitāmaham || 25 ||
[Analyze grammar]

sevākāryaṃ kratau brahman prayaccha naḥ sadocitam |
brahmā prāha bhavanto'tra kāmarūpadharāḥ śubhāḥ || 26 ||
[Analyze grammar]

nāgatīrthe nivasantu yajñe yeṣāṃ ca duṣṭatā |
vighnecchā ca bhavet tebhyo rakṣaṇīyaḥ kraturmama || 27 ||
[Analyze grammar]

etatkṛtyatamaṃ nāgā mama yajñasya rakṣaṇam |
bhādrakṛṣṇasya pañcamyāṃ janaiḥ pūjāmavāpsyatha || 28 ||
[Analyze grammar]

bāḍhamuktvā ca te sarve nāgatīrthamupāśritāḥ |
sanātanasutopetāḥ sanātanasya vaṃśakṛt || 29 ||
[Analyze grammar]

pariṇeme sutāṃ karkoṭakasya navayauvanām |
tadvaṃśaḥ sarvathā bhūmau vistṛtaścā'bhavattataḥ || 30 ||
[Analyze grammar]

yatphaṇāsu binduyuktaṃ tilakaṃ caturasrakam |
upari daṇḍaśūnyaṃ ca te sanātanavaṃśajāḥ || 31 ||
[Analyze grammar]

vaiṣṇavā bahurūpāśca śuklāḥ piṃgāśca pāṇḍurāḥ |
raktāḥ kṛṣṇā haritāśca babhūvuḥ kālabhedataḥ || 32 ||
[Analyze grammar]

karburāśca tato jātāḥ sāṃkaryānnirviṣāstathā |
jalasarpāḥ sthalasarpāḥ kāmarūpadharāstathā || 33 ||
[Analyze grammar]

atha bhojyādikaṃ cakruḥ sāyaṃ rātrau ca jāgaram |
tṛtīye ca dine trayodaśyāṃ ṛtvija eva te || 34 ||
[Analyze grammar]

prātaḥ savanamāsādya saṃlagnā yajñakarmasu |
yajñe pravartite śabdastatrā'bhūd viratiṃ vinā || 35 ||
[Analyze grammar]

dīyatāṃ dīyatāṃ tviṣṭaṃ bhujyatāṃ bhujyatāṃ bahu |
nīyatāṃ nīyatāṃ dānaṃ vāñcchitādvai caturguṇam || 36 ||
[Analyze grammar]

pakvānnānāṃ parvatāśca vittānāṃ rāśayastathā |
ghṛtakṣīravahā nadyo miṣṭapeyasarāṃsi ca || 37 ||
[Analyze grammar]

āsan sahasraguṇitāḥ koṭitṛptipradāstadā |
etasminnantare tatra kaścijjñānī samāgataḥ || 38 ||
[Analyze grammar]

trikālajño namaskṛtya brahmāṇaṃ niṣasāda ha |
kathayāmāsa sarvān sa naijaṃ paricayaṃ tataḥ || 39 ||
[Analyze grammar]

ṛtvijastaṃ papracchuḥ svabhūtakarmāṇi kautukāt |
sa tāni kathayāmāsa tenā''ścaryānvitāśca te || 40 ||
[Analyze grammar]

papracchurvada kasmātte jñānaṃ lokottaraṃ nanu |
ko guruste vada vidvan brahmā haro hariśca vā || 41 ||
[Analyze grammar]

jñānī prāha guravo me ṣaḍete piṃgalā tathā |
kuraraḥ sarpo bhramaraśceṣukāraḥ kumārikā || 42 ||
[Analyze grammar]

eteṣāṃ vartanājjñānaṃ labdhaṃ mayā śubhottamam |
saurāṣṭrādhipaterāsīnnārīṇāṃ śatakaṃ dvijāḥ || 43 ||
[Analyze grammar]

tasyā'pyantaḥpure cāsīt piṃgalā nāma nāyikā |
rātrau sukhaṃ svapityeva patihīnā nirīhiṇī || 44 ||
[Analyze grammar]

anyāstu śataśo bhāryā rajanyāṃ kāmavāñcchayā |
āharanti śubhān dhūpān lepāṃśca kusumāni ca || 45 ||
[Analyze grammar]

vilepanāni mukhyāni sūkṣmāṇi cāmbarāṇi ca |
manmathotsāhasaṃyuktāḥ pulakena samanvitāḥ || 46 ||
[Analyze grammar]

ekā jānāti māṃ śayyāṃ nūnamevā''hvayiṣyati |
anyā jānāti māṃ caiva tṛtīyā māṃ ca nā'parām || 47 ||
[Analyze grammar]

spardhayanti prapaśyanti pratīkṣanti nṛpaṃ tadā |
tāsāmekāmāhvayati dvitīyāṃ vā tṛtīyakām || 48 ||
[Analyze grammar]

caturthīṃ vā pañcamīṃ vā daśa vā tu kvacinniśi |
śeṣāḥ śokaṃ samāsādya niḥśvasya prasvapanti ca || 49 ||
[Analyze grammar]

āśāduḥkhagatā naiva labhanti nidrikālavam |
āśā hi paramaṃ duḥkhaṃ nairāśyaṃ paramaṃ sukham || 50 ||
[Analyze grammar]

āśāṃ nirāśāṃ kṛtvā ca sukhaṃ svapiti piṃgalā |
na karoti ca śṛṃgāraṃ na spardhāṃ ca kathaṃcana || 51 ||
[Analyze grammar]

na vyākulatvamāpede sukhaṃ svapiti piṃgalā |
antaḥpurasya sevāyāṃ niyuktena mayā sadā || 52 ||
[Analyze grammar]

vilokitaṃ tataścāhaṃ tyaktvā''śāṃ prasvapimyapi |
ye svapanti sukhaṃ rātrau teṣāṃ jāṭharajo'nalaḥ || 53 ||
[Analyze grammar]

idhyate bhojanaṃ pūrṇaṃ gṛhṇāti yāti puṣṭatām |
tadetat kāraṇaṃ jātaṃ puṣṭatā jñānavardhinī || 54 ||
[Analyze grammar]

śrūyatāṃ kurarāllabdhaṃ jñānaṃ yathā vadāmi tat |
mamā''sīd draviṇaṃ bhūri pitṛpaitāmahaṃ mahat || 55 ||
[Analyze grammar]

draviṇasya kṛte māṃ ca prabādhante divāniśam |
putrāḥ pautrāśca dāyādā bāndhavā jñātayastathā || 56 ||
[Analyze grammar]

yasyā'haṃ na prayacchāmi sa māṃ nityaṃ prabādhate |
ekastu yatate prāṇān hartuṃ nityaṃ mamāntike || 57 ||
[Analyze grammar]

aparo daṇḍayuktaśca bhayaṃ datvā prayācate |
tṛtīyo yācate sāmnā paraḥ praśaṃsayā tathā || 58 ||
[Analyze grammar]

anyo bhedena ca tathetaro jayapradānakaiḥ |
yācate draviṇaṃ cānte dīno bhūtvā'pi vai muhuḥ || 59 ||
[Analyze grammar]

evaṃ nāhaṃ kvacit saukhyaṃ teṣāṃ pārśvāllabhāmi vai |
divārātrau sukhaṃ nidrāṃ śāntiṃ labhāmi naiva ca || 60 ||
[Analyze grammar]

athaikasmin dine dṛṣṭaḥ kuraro māṃsasaṃyutaḥ |
hanyamāno vyomamārge māṃsārthaṃ paritaḥ khagaiḥ || 61 ||
[Analyze grammar]

māṃsaṃ cañcvā patitaṃ tadanupetuḥ khagāśca te |
kuraraśca sukhī jātaḥ pakṣibhistaiḥ samujjhitaḥ || 62 ||
[Analyze grammar]

āmiṣasya parityāgāt kuraraḥ sukhamedhate |
mayā putrādikān dravyaṃ vibhajyā'rpitameva ha || 63 ||
[Analyze grammar]

tataḥ prabhati tairmuktaḥ sukhaṃ tiṣṭhāmi puṣṭimān |
arthasampad vimohāya vimoho narakāya ca || 64 ||
[Analyze grammar]

tasmādarthamanarthaṃ tu mokṣārthī dūratastyajet |
yathā''miṣaṃ jale matsyairbhakṣyate śvāpadairbhuvi || 65 ||
[Analyze grammar]

ākāśe pakṣibhiścaiva tathā sarvatra vittavān |
doṣahīno'pi dhanavān bhūpālairdaṇḍyate muhuḥ || 66 ||
[Analyze grammar]

daridraḥ kṛtadoṣo'pi prāyaḥ santyajyate janaiḥ |
paraiḥ samāvṛtā nityaṃ yānti skhalanti vai pade || 67 ||
[Analyze grammar]

asambaddhāni jalpanti dhanino madyapā yathā |
bhakte dveṣo bahiḥ prītiḥ ruciraṃ guru laghvapi || 68 ||
[Analyze grammar]

mukhe tu kaṭukaṃ nityaṃ dhanināṃ jvariṇāmiva |
arthārthaṃ jīvaloko'yaṃ śmaśānamapi sevate || 69 ||
[Analyze grammar]

janitāramapi tyaktvā niḥsvaṃ yānti sutā api |
tāvat niṣṭhati maitrī vai yāvannārthaprayogitā || 70 ||
[Analyze grammar]

sambandhe'rthasya saṃjāte vairaṃ sampadyate svayam |
tato vittaṃ vihāyā'haṃ sukhaṃ kuraravat sthitaḥ || 71 ||
[Analyze grammar]

sarpāj jñānaṃ yathā labdhaṃ kathayāmi yathā purā |
sarpaḥ parakṛtaṃ veśma praviśya sukhamaśnute || 72 ||
[Analyze grammar]

uṣitvā tatra saukhyena tyaktvā yāti digantaram |
mamatvaṃ kurute naiva svayaṃ naiva karoti ca || 73 ||
[Analyze grammar]

gṛhāraṃbhastu duḥkhāya na sukhāya kadācana |
gṛhārambheṇa mamatā mṛtyukāle pratiṣṭhati || 74 ||
[Analyze grammar]

gṛhe kṛte kṛtā bhāryā tataḥ putrāśca kanyakāḥ |
kṛtyā'kṛtyaṃ tadarthaṃ ca punarbhogāya tiṣṭhati || 75 ||
[Analyze grammar]

kośakāramivā''tmānaṃ veṣṭitaṃ naiva buddhyate |
ahaṃtāmamatāyuktāḥ saktāḥ sīdanti jantavaḥ || 76 ||
[Analyze grammar]

snehapaṃkārṇave magnāḥ putrastrīpaśusampadām |
yathā mattagajā ajñāstathā naśyanti mānavāḥ || 77 ||
[Analyze grammar]

bhṛtyaḥ pāpāni kurute bhukte'rthāṃśca mahājanaḥ |
bhoktā muktaśca tatpāpāt kartā doṣeṇa lipyate || 78 ||
[Analyze grammar]

mokṣamārgārgalabhūtaṃ harmyaṃ tyaktaṃ mayā tataḥ |
gṛhiṇāṃ duḥkhadātrā na bhavitavyaṃ satā kvacit || 79 ||
[Analyze grammar]

yatra kvāpi vasennityaṃ sattāvarjyaṃ drumāśraye |
bādhāvarjyāṃ cared bhikṣāṃ mādhukarī vidhūmake || 80 ||
[Analyze grammar]

dhyāyennārāyaṇaṃ japet kṛṣṇanārāyaṇaṃ sadā |
rāgadveṣau na vai kāryau śatrutā mitratā na ca || 81 ||
[Analyze grammar]

loṣṭā'śmakāñcanānāṃ ca tulyatā'mānamānayoḥ |
deśo yasya svasya nāsti paro vā nāsti sarvadā || 82 ||
[Analyze grammar]

vasudhā'sti kuṭumbaṃ vā brahmakuṭumbameva vā |
caturviṃśatitattvāni gṛhaṃ kuṭumbamasthiram || 83 ||
[Analyze grammar]

sahaiva tūhyate nityaṃ nānyagṛhe tu vāsanā |
kulālacakravaccātra vegena bhramaṇaṃ yadā || 84 ||
[Analyze grammar]

śāntiṃ yāsyati tāvattu mokṣaghaṭaṃ samarjayet |
evaṃjñānaṃ mayā sarpāllabdhaṃ vai mokṣadāyakam || 85 ||
[Analyze grammar]

tatprabhāvānmahattejaḥ sukhaṃ me vartate sadā |
athāpi bhramarāllabdhaṃ jñānaṃ vadāmi sārajam || 86 ||
[Analyze grammar]

kasmiṃścittu drume dṛṣṭo bhramaro vai mayā purā |
śākhāgraṃ sa samāśritya kṛtapūrvaniketanaḥ || 87 ||
[Analyze grammar]

vasante drumapuṣpeṣu phaleṣvapi sugandhiṣu |
vanyeṣu bahuvṛkṣeṣu sthitaṃ śreṣṭhataraṃ rasam || 88 ||
[Analyze grammar]

samādāya nikete sve niyojayati nityadā |
anudvego madhuśreṣṭhaṃ puṭake bhṛtavān bahu || 89 ||
[Analyze grammar]

tena tṛptiṃ prayātāśca bahavo madhupāḥ pare |
mayā sāraṃ gṛhītaṃ ca śāstrāṇāṃ madhuvat śubham || 90 ||
[Analyze grammar]

racitāni suśāstrāṇi tāni gṛhṇa'nti mānavāḥ |
upajīvanti vai cānye yathā bhṛṃgāstathā janāḥ || 91 ||
[Analyze grammar]

tena puṇyena tejasvī cāsmi jñānena sarvadā |
ātmārāmāśca munayo bhogatṛṣṇāvivarjitāḥ || 92 ||
[Analyze grammar]

sāramādhvīkasantṛptāḥ prabhavanti sutejasaḥ |
lobhamohānvitā ye te jāyante vai vitejasaḥ || 93 ||
[Analyze grammar]

vedāḥ śāstrāṇi lokānāṃ hitārthāya mayā kṛtāḥ |
sāramādāya sarvebhyo dattavānasmi vai sukhī || 94 ||
[Analyze grammar]

iṣukārād yathā labdhaṃ jñānaṃ tat pravadāmi ca |
ātmā'valokanārthāya mayā pṛṣṭāḥ sahasraśaḥ || 95 ||
[Analyze grammar]

ātmadarśanaprakhyātāstadukta ca mayā kṛtam |
jñānena cāpi yogena cādhyātmapaṭhanena ca || 96 ||
[Analyze grammar]

abhyāsena ca divyena cakṣuṣā tanmayā kṛtam |
na vai dṛṣṭo mayā''tmā tu tato vairāgyavānaham || 97 ||
[Analyze grammar]

abhramad bhūtale tādṛggurvarthaṃ yaḥ pradarśayet |
ātmānaṃ kintu kutrāpi nā'labhaṃ tādṛśaṃ gurum || 98 ||
[Analyze grammar]

athā'haṃ rājamārgasya nirjane ca sthale sthitaḥ |
kaścidabhyāsakartā ca yatra vidhyati lakṣyakam || 99 ||
[Analyze grammar]

iṣuṇā ca muhurlakṣyaṃ tvekāgramanasā hi saḥ |
vidhyatyeva hi pārśvasthaṃ nā'nyajjānāti cāparam || 100 ||
[Analyze grammar]

tanmārgeṇa tu sainyena sahito nṛpatiryayau |
mayā dṛṣṭo'tha kenāpi samāgatya kṣaṇāntare || 101 ||
[Analyze grammar]

iṣumān lakṣyaveddhā'yamabhyāsadattamānasaḥ |
sampṛṣṭaḥ kiyatīrvelā gatā yātasya bhūpateḥ || 102 ||
[Analyze grammar]

iṣukāro na śuśrāva punaḥ papraccha taṃ tathā |
tayāpi naiva śuśrāva lakṣye tallīnatāṃ gataḥ || 103 ||
[Analyze grammar]

punaḥ spṛṣṭvā kampayitvā papraccha mānavo hi tam |
tadā prāheṣumānnaiva vīkṣitaḥ ka ito gataḥ || 104 ||
[Analyze grammar]

netaḥ sainyaṃ gataṃ dṛṣṭaṃ pṛcchā'nyaṃ ced gato bhavet |
śaralakṣyasamabhyāsamānaso na vyalokayam || 105 ||
[Analyze grammar]

tacchrutvā ca mayā tatra tvātmadarśanahetave |
cintitaṃ tvekacittatvaṃ svātmadarśanakārakam || 106 ||
[Analyze grammar]

ātmajñānaṃ brahmavidyā vinā cittanirodhanam |
naiva sañjāyate kvāpi vinā'bhyāsaṃ na darśanam || 107 ||
[Analyze grammar]

labdhaṃ ceti mayā jñānaṃ tatkaromi nirodhanam |
cintayāmi hariṃ nityaṃ hṛtpaṃkajanivāsinam || 108 ||
[Analyze grammar]

viśvarūpaṃ hariṃ kṛṣṇanārāyaṇaṃ bahirhṛdi |
surūpaṃ dhārayāmyeva dhyāyāmi ca punaḥ punaḥ || 109 ||
[Analyze grammar]

tato dikṣu diganteṣu gagane pṛthivītale |
nare bāle gavi vṛkṣe strīṣu vallīṣu parvate || 110 ||
[Analyze grammar]

agre pṛṣṭhe sarvatattve paśyāmyabhyāsato harim |
tamekaṃ caivaṃ paśyāmi nānyat kiṃcid vinā harim || 111 ||
[Analyze grammar]

ahaṃ tattejasā caivaṃ dīpto'smyadya sadā tathā |
evaṃ jñānaṃ tato labdhaṃ dhyānābhyāsasya sarvathā || 112 ||
[Analyze grammar]

atha kanyāsakāśācca labdhaṃ jñānaṃ bravīmyaham |
mama pṛṣṭhe purā mārge mama patnī vinirgatā || 113 ||
[Analyze grammar]

nārī putravatī kanyāvatī prāha patiṃ ca mām |
kuru yogaṃ gṛhe muktirbhaviṣyati na saṃśayaḥ || 114 ||
[Analyze grammar]

brahmacārī yatirbhūtvā saṃyatātmā bhava gṛhe |
yadi māṃ tvaṃ parityajya yāsyasyanyata eva cet || 115 ||
[Analyze grammar]

tadahaṃ tu mariṣyāmi bālaste'pi mariṣyati |
mariṣyati kumārī ca tato nātha dayāṃ kuru || 116 ||
[Analyze grammar]

mā vrajasva paraṃ tīrthaṃ gṛhatīrthaṃ vihāya vai |
hāṭakeśvarajaṃ tīrthaṃ smaraṇānmuktidaṃ yataḥ || 117 ||
[Analyze grammar]

itibhāryāvacasā'haṃ parṇakuṭiṃ vidhāya ca |
hāṭakeśvaraje kṣetre nātidūraṃ vasāmi vai || 118 ||
[Analyze grammar]

vānaprasthasya me kanyā krīḍati vai mamāśrame |
prakoṣṭhe valayairyuktā bahubhiḥ śabdakāribhiḥ || 119 ||
[Analyze grammar]

kāṣṭhadyānayane kārye kāṣṭhaghātena vai kvacit |
kvacidekaikavalayaṃ bhidyate khaṇḍaśaḥ kvacit || 120 ||
[Analyze grammar]

evaṃ yāte tu samaye'vaśiṣṭaṃ valayadvayam |
tataḥ śabdo'pi bhavati tataḥ kāle gate punaḥ || 121 ||
[Analyze grammar]

pratiprakoṣṭhaṃ tvekaṃ tu valayaṃ vidyate'dhunā |
na saṃgharṣo na śabdaśca hyekalasya prajāyate || 122 ||
[Analyze grammar]

tadvicintya mayā jñānaṃ prāptaṃ tyaktaḥ sa cā''śramaḥ |
bahubhiḥ kalaho nityaṃ dvābhyāṃ saṃgharṣaṇaṃ tathā || 123 ||
[Analyze grammar]

ekākī vicariṣyāmi kumārīvalayaṃ yathā |
tato dārā''sutaputrīḥ parityajya bhramāmyaham || 124 ||
[Analyze grammar]

yatrā'stamitaśāyī ca yallabdhakṛtabhojanaḥ |
smarāmi sarvadā kṛṣṇanārāyaṇaṃ vibandhanaḥ || 125 ||
[Analyze grammar]

evaṃ labdhaṃ mayā jñānaṃ tebhyastebhyo vicintanāt |
yasmād yasmād bhavejjñānaṃ sa syād gurustathā ca te || 126 ||
[Analyze grammar]

ebhirlokāntarajñānaṃ mayā''tmajñānameva ca |
labdhaṃ tacchrīkṛṣṇanārāyaṇānugrahato'dhikam || 127 ||
[Analyze grammar]

etasya śravaṇāccāpi labhate jñānamīdṛśam |
ityuktvā virarāmā'sau jñānī yajñā'tithistadā || 128 ||
[Analyze grammar]

aśvapaṭṭasaraḥstho vai kṛṣṇanārāyaṇaḥ svayam |
yajñe'tithiśca satkāryaḥ ityādeśārthamāgataḥ || 129 ||
[Analyze grammar]

vijñāya śrīkṛṣṇanārāyaṇaṃ dhyānena ṛtvijaiḥ |
satkṛtaḥ śrīharirvipraḥ ṛtvikṣu niṣasāda ha || 130 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne yajñe sanātanasutasya baṭurūpeṇa sarpakṣepaṇārthamāgamanam tataḥ śrīkṛṣṇanārāyaṇasyā'tithirūpeṇa svagurvādijñānapradānārthamāgamanam jñānanirūpaṇaṃ cetyādipradarśananāmā daśādhikapañcaśatatamo'dhyāyaḥ || 510 ||
[Analyze grammar]