Chapter 491

śrīnārāyaṇa uvāca |
śṛṇu lakṣmi camatkārapure nāganadītaṭe |
muṇḍīre tu vare tīrthe camatkāraṃ vadāmi te || 1 ||
[Analyze grammar]

samudrakhāḍikāprānte viṭaṃkākhye pure śubhe |
kuṣṭhavyādhiyuto vipraḥ śarākhyo yauvane'bhavat || 2 ||
[Analyze grammar]

śarabhāryā'bhavat sādhvī sudhāmnī śīlaśālinī |
svāmisevāparā nityamindriyairnahi cañcalā || 3 ||
[Analyze grammar]

kuṣṭhitaṃ svāminaṃ cāpi paśyatyeva yathāsmaram |
sevate dāsikārītyā patnīrītyā mudā mudā || 4 ||
[Analyze grammar]

auṣadhāni vicitrāṇi mahārghyāṇyapi cādade |
tadarthamupalepāṃśca pathyāni vividhāni ca || 5 ||
[Analyze grammar]

tathā bhiṣagvarānnityamānayitvā ca sādaram |
tadarthena guṇastasya yathā syāt sā hyakārayat || 6 ||
[Analyze grammar]

yathā yathā sa gṛhṇāti bheṣajāni tathā tathā |
pūrvakarmavipākena rogo vyāpnoti varṣmaṇi || 7 ||
[Analyze grammar]

ekadā tasya cāyāto'tithirvipro'timārgagaḥ |
taṃ śrāntaṃ ca gṛhaprāptaṃ dṛṣṭvā tasya priyā satī || 8 ||
[Analyze grammar]

ajñātaṃ taṃ gṛhibhaktyā bhojanādyairatoṣayat |
kṛtāhāraṃ suviśrāntaṃ taṃ papraccha śaro dvijaḥ || 9 ||
[Analyze grammar]

kuta āgamyate vipra kutra yāsi sthalāntare |
pānthaḥ prāha camatkārapurādāyāmi sāmpratam || 10 ||
[Analyze grammar]

yāmi kāntīpurīṃ yatra nivāso me sadā dvija |
tatrā'hamabhavaṃ kuṣṭhī pūrvakarmavipākataḥ || 11 ||
[Analyze grammar]

auṣadhāni vividhāni sevitānyapi sarvadā |
kuṣṭho na naśyati kiṃcid vardhate tu dine dine || 12 ||
[Analyze grammar]

śrutaṃ cāpi mayā vaidyāccamatkārapure śubhe |
sūryātīrthaṃ śubhaṃ tvāste kuṣṭhavyādhivināśakam || 13 ||
[Analyze grammar]

muṇḍīrasvāminaḥ sthāne sūryadevasya mandiram |
tatra gacched vrataṃ kṛtvā snāyāt sūryaṃ prapūjayet || 14 ||
[Analyze grammar]

tena kuṣṭho bhavellīnaścamatkāro'sti daivikaḥ |
athā'ha dravyamādāyā'gacchaṃ tīrthaṃ ravisthalam || 15 ||
[Analyze grammar]

nityaṃ prātaḥ samutthāya snātvā paśyāmi bhāskaram |
pūjayāmi yathāśakti praṇamāmi smarāmi ca || 16 ||
[Analyze grammar]

sūryavāre viśeṣeṇa nirāhāro bhavāmi ca |
karomi jāgaraṃ rātrau gītavāditrakīrtanaiḥ || 17 ||
[Analyze grammar]

evaṃ pūjāṃ vrataṃ kurvan yāvatsamvatsaraṃ sthitaḥ |
tataḥ samvatsarasyā'nte svapne mā bhāskaro'bravīt || 18 ||
[Analyze grammar]

prasanno'smi tava bhaktyā tataḥ kuṣṭhaṃ prayātu te |
pūrvajanmani devasya yataḥ svarṇaṃ hṛtaṃ tvayā || 19 ||
[Analyze grammar]

kuṣṭhī tvamatra saṃjātaḥ pāpaṃ līnaṃ ca tat tava |
oṃ hrāṃ hrīṃ hrauṃ saḥ sūryāya namo rogavināśine |
evamuktvā ravistatra jalenā'snāpayacca mām || 20 ||
[Analyze grammar]

tāvannidrā mama naṣṭā'paśyaṃ dehaṃ nirogakam |
ahaṃ vai vismayaṃ prāpto dṛṣṭvā māṃ vyādhivarjitam || 21 ||
[Analyze grammar]

tasmāt tvaṃ yāhi viprendra camatkārapuraṃ śubham |
sūryatīrthaṃ samāśritya vatsaraṃ sūryamarcaya |
mantraṃ proktaṃ japa mālāvartanena divāniśam || 22 ||
[Analyze grammar]

sarvavyādhipraṇāśaste sūryasevākṛto bhavet |
svasti te'stu gamiṣyāmi svagṛhaṃ tvatra toṣitaḥ || 23 ||
[Analyze grammar]

ityuktvā sa yayau vipraścā'tha dvijaḥ sa kuṣṭhabhāg |
vīkṣāṃcakre nijapatnyā vaktre dīno jano yathā || 24 ||
[Analyze grammar]

patnī pativratā sādhvī pānthoktaṃ cānvamanyata |
gantavyaṃ nātha tattīrthaṃ yatra sūryo'sti kuṣṭhahā || 25 ||
[Analyze grammar]

ahaṃ tvayā samaṃ tatra śuśrūṣāniratā sadā |
sthāsyāmi kaḥ paro lābhaḥ svāminaḥ sevanaṃ vinā || 26 ||
[Analyze grammar]

evamuktaḥ patirvipraḥ sādhvyā vittena saṃyutaḥ |
hāṭakaśvaraje kṣetre samprāptaḥ sūryamandiram || 27 ||
[Analyze grammar]

dṛṣṭvā sūryagrahakṣetraṃ viśālaṃ tāpasā'nvitam |
tapomanaścakārā'yaṃ vairāgyaṃ puṇyato yayau || 288 ||
[Analyze grammar]

sudhāmnīṃ sa tataḥ prāha dhanyo'haṃ tvaṃ tathā priye |
tīrthakṣetraṃ tāpasāśca ravirdṛṣṭāḥ supuṇyataḥ || 29 ||
[Analyze grammar]

muktirjātā priye'smākaṃ puṇyakṣetrāgamāt khalu |
māyāmohād viniṣkrāntā bhajiṣyāmo hariṃ sadā || 30 ||
[Analyze grammar]

bhikṣāvṛttiṃ kariṣyāmo jīviṣyāmo yathātatham |
rogo yātu ca mā yātu janmarogo bhaviṣyati || 31 ||
[Analyze grammar]

bhaja śāntiṃ hariṃ sādhvi śāntirme vartate'dhunā |
tavāpi sarvadā śāntirastu mā khinnatā vraja || 32 ||
[Analyze grammar]

ahaṃ nirvedamāpannaḥ puṇyakṣetrāgamāt priye |
tvaṃ yadi cecchasi kānte gṛhaṃ gantuṃ vrajā'dhunā || 33 ||
[Analyze grammar]

ahaṃ tīrthe svakaṃ dehaṃ tyaktvā yāsyāmi mokṣaṇam |
ityuktvā śrīkṛṣṇanārāyaṇa rakṣeti vai gṛṇan || 34 ||
[Analyze grammar]

vipraścakāra bhajanaṃ patnī prāha ca taṃ tadā |
abhukte tvayi no bhuktaṃ kadācit kānta vai mayā || 35 ||
[Analyze grammar]

ekānte'pi mahābhāga na suptaṃ jāgrati tvayi |
vinā kāntasya caraṇaṃ nāsti tvanyatra mānasam || 36 ||
[Analyze grammar]

sukhaṃ sarvaṃ kāntasevāṃ vinā nānyattu me hṛdi |
kāntena sahitā kāntā sadā bhāgyavatī tviyam || 37 ||
[Analyze grammar]

kāntapuṇyena puṇyā'haṃ kathaṃ tyaktvā vrajāmyaham |
paralokāya sārthaṃ tvāṃ tyaktvā yāmi kathaṃ gṛham || 38 ||
[Analyze grammar]

na gṛhaṃ vai śilājanyaṃ kintu vivāhamālayā |
prāptaṃ vai paralokāya cetanaṃ tvaṃ gṛha mama || 39 ||
[Analyze grammar]

bhoktuṃ viśramituṃ rantuṃ tāpaṃ śamayituṃ tathā |
gṛhaṃ sat kāntarūpaṃ vai satyā nāryāḥ sadā'sti yat || 40 ||
[Analyze grammar]

ātmano manasastanvāścendriyāṇāṃ sukhāptaye |
gṛhaṃ krītaṃ prāṇadravyārpaṇena svāmināmakam || 41 ||
[Analyze grammar]

tatra gatā'smi nityaṃ vai gantavyaṃ nā'vaśiṣyate |
agṛhiṇī kathaṃ yāmi tvayā hīnā gṛhāntaram || 42 ||
[Analyze grammar]

tasmāt tvayā samaṃ nātha kariṣye tīrthasevanam |
dehayātrāṃ yathālabdhaiḥ kariṣye tava sevane || 43 ||
[Analyze grammar]

dharmapāśavinirbaddhāḥ satyenātmānamālabhe |
sahadharmavṛtā patnī sahaiva tu gamiṣyati || 44 ||
[Analyze grammar]

evaṃ tasyā viditvā sa brāhmaṇo niścayaṃ dṛḍham |
atīva tuṣṭo dhanyo'haṃ yasyedṛśī satī priyā || 45 ||
[Analyze grammar]

athaivaṃ vartamānau tau dampatī haritatparau |
śrāvaṇe nāganadyāstu taṭe tatra mahotsave || 46 ||
[Analyze grammar]

lakṣādhikamanuṣyāṇāṃ samāje sūryadarśanam |
kartuṃ yayatuḥ pūjāṃ ca śubhāṃ viśeṣavastubhiḥ || 47 ||
[Analyze grammar]

janānāṃ bahusammardaṃ vipro'bhūddhārṣatastadā |
patito janasammarde'pyaśakto notthitaḥ punaḥ || 48 ||
[Analyze grammar]

aśaktā tvabalā netumūrdhvaṃ sammardakarṣitā |
oṃ namaḥ śrīkṛṣṇanārāyaṇāya svāmine namaḥ || 49 ||
[Analyze grammar]

iti jāpaṃ kṛtavatī satī sādhvī pativratā |
oṃ savitre namaḥ sākṣirūpiṇe paramātmane || 50 ||
[Analyze grammar]

itijāpaṃ kṛtavān sa bhakto vipro virāgavān |
tāvat tayoḥ prarakṣārthe kṛṣṇanārāyaṇo raviḥ || 51 ||
[Analyze grammar]

samāyātāvekakāle hastenādāya tāvubhau |
ambare divyahastena kṛtvā sammārjya tāvubhau || 52 ||
[Analyze grammar]

kuṣṭhahīnaṃ dvijaṃ kṛtvā satīṃ ca divyarūpiṇīm |
kṛtvā cobhau śubhaṃ bhūyāt paśyatāṃ tīrthavāsinām || 53 ||
[Analyze grammar]

ityāśīrbhirvardhayitvā dadaturvaradānakam |
sukhinau tu sadā bhūtvā ciraṃ sthitvā bhuvastale || 54 ||
[Analyze grammar]

ante dhāma tu vaikuṇṭhaṃ dampatī saṃprayāsyathaḥ |
ityuktvā vai śubhāṃ pūjāṃ tābhyāṃ samarpitā tadā || 55 ||
[Analyze grammar]

gṛhītvā divyayānābhyāṃ tato nārāyaṇāvubhau |
yayaturnijalokaṃ tau brāhmaṇaśca priyāyutaḥ || 56 ||
[Analyze grammar]

navayauvanarūpāḍhyaścābhavad devavattadā |
jagmurāścaryamatyarthaṃ lokā nagaravāsinaḥ || 57 ||
[Analyze grammar]

lakṣaśo mānavāstatra dampatyoḥ pūjanādikam |
cakruḥ pūtāḥ samabhavan tīrthaphalamavāpya ca || 58 ||
[Analyze grammar]

viprayogena sūryasya kṛṣṇanārāyaṇasya ca |
labdhvā tu darśanaṃ divyaṃ camatkārapure śubhe || 59 ||
[Analyze grammar]

sūryakṣetre sūryagṛhe kṛtakṛtyā vipāpmakāḥ |
saṃbabhūburharerbhaktā bhejire śrīhariṃ sadā || 60 ||
[Analyze grammar]

evaṃ pativratā sādhvī kuṣṭhipatiṃ prasevya ca |
yātā tvante harerdhāma camatkārapure purā || 61 ||
[Analyze grammar]

etasya paṭhanāccātha śravaṇāt kīrtanādapi |
bhuktiḥ śuddhiśca muktiśca bhavantyeva na saṃśayaḥ || 62 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne saurāṣṭrīyasya viṭaṃkapurasya kuṣṭhiśarākhyaviprasya devadravyacaurasya camatkārapure nāgamatīnadyāṃ sūryagṛhatīrthakaraṇāt sūryasya nārāyaṇasya ca darśanāt pativratāsudhāmnīpatnyā saha mokṣaṃ ityādinirūpaṇanāmaikanavatyadhikacatuśśatatamo'dhyāyaḥ || 491 ||
[Analyze grammar]