Chapter 488

śrīlakṣmīruvāca |
bhagavan śrotumicchāmi śāradaṃ rāsamaṇḍalam |
kṛṣṇanārāyaṇagopīlīlāmayaṃ niśāmaya || 1 ||
[Analyze grammar]

śrīnārāyaṇa uvāca |
śṛṇu tatte pravakṣyāmi rāsaramaṇamuttamam |
gopībhirnavalakṣābhirnavalakṣaiśca mādhavaiḥ || 2 ||
[Analyze grammar]

śaraccandrapūrṇimāyāṃ kiśoraḥ sa yuvā'bhavat |
yuvatībhiryuvānaśca śrīkṛṣṇā remire priye || 3 ||
[Analyze grammar]

vicārya śrīharirnaktaṃ vanaṃ vṛndāvanaṃ yayau |
śubho candrodaye sarvagopīsaṃkalpapūrtaye || 4 ||
[Analyze grammar]

cakāra tatra kutukād vinodamuralīravam |
tacchrutvā rādhikā viniḥsasāra ca drutaṃ gṛhāt || 5 ||
[Analyze grammar]

trayastriṃśadvayasyāśca suśīlādyā yayurmudā |
samā veṣeṇa vayasā rūpeṇa ca guṇena ca || 6 ||
[Analyze grammar]

yayustvanyā navalakṣagopyastyaktvā gṛhādikam |
sarvā babhūvurekatra mālāhastāstu kāścana || 7 ||
[Analyze grammar]

cārucandanahastāśca śvetacāmarahastakāḥ |
kāścit kastūrikākarāḥ kāścit kuṃkumavāhikāḥ || 8 ||
[Analyze grammar]

kāścit tāmbūlapātrāśca kāścit kāṃcanabhāmbarāḥ |
kṛṣṇakṛṣṇavadantyaśca dadṛśū rāsamaṇḍalam || 9 ||
[Analyze grammar]

sunirjanaṃ kusumitaṃ vāsitaṃ puṣpavāyubhiḥ |
śuśruvustā dvirephāṇāṃ kokilānāṃ madhudhvanim || 10 ||
[Analyze grammar]

rādhā gopyaḥ praviviśuḥ śobhitaṃ rāsamaṇḍalam |
rādhāṃ gopīśca saṃvīkṣya hasan kṛṣṇo'pyadṛśyata || 11 ||
[Analyze grammar]

navayauvanasampanno ratnābharaṇabhūṣitaḥ |
kandarpakoṭilāvaṇyarūpojjvalo manoharaḥ || 12 ||
[Analyze grammar]

vakralocanakoṇena dadarśa gopikā muhuḥ |
gopīnāṃ navalakṣāṇi kṛṣṇānāṃ ca tathaiva hi || 13 ||
[Analyze grammar]

lekṣāṇyaṣṭādaśa yugalāni vai rāsamaṇḍale |
rāsaṃ reme kīrtanaiḥ sattālaiśca kūrdanairmuhuḥ || 14 ||
[Analyze grammar]

hastānāṃ melanaistālīdānairvakravibhaṅgibhiḥ |
daṇḍaiśca skandhasaṃyogaiścumbanaiḥ karapīḍanaiḥ || 15 ||
[Analyze grammar]

evaṃ vai rāsamākrīḍya śrāntā niṣedurunmukhāḥ |
pupūjustāḥ priyaṃ kāntaṃ dadustāmbūlamuttamam || 16 ||
[Analyze grammar]

jagṛhurmukhatāmbūlaṃ parasparaṃ smarānvitāḥ |
kāmarūpaḥ svayaṃ kṛṣṇo jñātvā tanmānasāni vai || 17 ||
[Analyze grammar]

kāmabhāvena tāḥ sarvā jagrāha ca cucumba ca |
śṛṃgārā'ṣṭaprakāraṃ ca saṃyogaṃ tvaṃgayostathā || 18 ||
[Analyze grammar]

nakhadantakarāṇāṃ ca prahāraṃ vai yathocitam |
cumbanāṣṭavidhaṃ cāpi cakāra rasikeśvaraḥ || 19 ||
[Analyze grammar]

aṃgairaṃgāni pratyaṃgaiḥ pratyaṃgāni yuyoja ca |
cakārāśleṣaṇaṃ tāsāṃ kāmukīnāṃ sukhāvaham || 20 ||
[Analyze grammar]

navalakṣasthale kṛṣṇaḥ kāntāsakto virājate |
tāsāṃ datvā ratitṛptiṃ tūrdhvaretāḥ svayaṃprabhuḥ || 21 ||
[Analyze grammar]

sthalakrīḍāṃ tathā kṛtvā jalakrīḍārthamāyayau |
navalakṣayugalāni remire yamunājale || 22 ||
[Analyze grammar]

savastrāśca vivastrāśca ramante kāmatṛptaye |
cucumbuḥ svāminaṃ mūrchāṃ prāpurānandavāridhau || 23 ||
[Analyze grammar]

samāśliṣurdṛḍhaṃ kāntaṃ kṛtvā vakṣasi varṣmaṇi |
evaṃ tṛptiṃ dadau kṛṣṇo jale'pi suciraṃ prabhuḥ || 24 ||
[Analyze grammar]

atha nirgatya vastrāṇi dhārayāmāsurutsukāḥ |
tataśca khelanaṃ cakre bhinnaṃ bhinnaṃ surañjanam || 22 ||
[Analyze grammar]

śṛṃgāraṃ ca vividhaṃ tāścakre kṛṣṇasya garvitāḥ |
kṛṣṇastāsāṃ kabaryādiśṛgāraṃ tvasṛjannavam || 26 ||
[Analyze grammar]

kācit kāntaṃ puraḥ kṛtvā cakāra keśasādhanam |
kācid dadau tu cūḍāyāṃ mayūrapicchamuttamam || 27 ||
[Analyze grammar]

kācid dadau cakṣuṣostu kajjalaṃ bhālakuṃkumam |
guñjāmālyaṃ ca cūḍāyāṃ veṣṭayāmāsa kācana || 28 ||
[Analyze grammar]

kācid vastraṃ dadau sūkṣmaṃ svāmine cottarīyakam |
kācid dadau kusumānāṃ mālāṃ kaṇṭhe manoharām || 29 ||
[Analyze grammar]

kāciccakāra tilakaṃ candrakaṃ kācidādadhat |
kācidalaktakaṃ hastapādatalanakheṣvadāt || 30 ||
[Analyze grammar]

kācid vaṃśī dadau haste kācittāmbūlakaṃ dadau |
anyā sudarpaṇe ramyaṃ darśayāmāsa cānanam || 31 ||
[Analyze grammar]

parā cakāra kṛṣṇasya pādasaṃvāhanaṃ mudā |
anyā jalaṃ dadau kācid dadau satpavanaṃ śanaiḥ || 32 ||
[Analyze grammar]

kāciccandanalepaṃ ca cakāra kṛṣṇavarṣmaṇi |
aparā hastamādāya granthisphoṭaṃ cakāra ha || 33 ||
[Analyze grammar]

itarā jaṃghayoḥ sakthnormardanaṃ pracakāra vai |
nanṛtuśca jaguḥ kāścit kāściccucumburutsukāḥ || 34 ||
[Analyze grammar]

kācit kṛṣṇaṃ samādāya nikuṃje prajagāma ha |
anyā taṃ śayane kṛtvā''dade ratisukhaṃ mudā || 35 ||
[Analyze grammar]

nartanaṃ kārayāmāsa taṃ tu kācid balena vai |
so'pi kasyāścitkabaryāḥ sunirmāṇaṃ cakāra ha || 36 ||
[Analyze grammar]

sindūraṃ pradadau bhāle kastūrīṃ bindubhiḥ saha |
atisūkṣmaṃ candanenduṃ kautukāt tadadho dadau || 37 ||
[Analyze grammar]

patrāvalīṃ sulalitāṃ sukapole cakāra ha |
pādayormañjire datvā'laktakaṃ sundaraṃ dadau || 38 ||
[Analyze grammar]

bhūṣaṇairbhūṣayāmāsa lopayāmāsa candanam |
pradade nāsikāmadhye durlabhaṃ gajamauktikam || 39 ||
[Analyze grammar]

evaṃ kṛṣṇā navalakṣaṃ navalakṣaṃ ca gopikāḥ |
anyonyaṃ bhūṣayāmāsuḥ rame kāmāticeṣṭitāḥ || 40 ||
[Analyze grammar]

bahumūrtīḥ saṃvidhāya yogināṃ paramo guruḥ |
punaścakāra śṛṃgāraṃ gopīnāṃ kāmasaukhyadam || 41 ||
[Analyze grammar]

mūrchāmavāpuḥ satataṃ kāmānandapariplutāḥ |
evaṃ rāmā ramayitvā kṛtvā ṣāṇmāsikīṃ niśām || 42 ||
[Analyze grammar]

nidrāṃ dīrghāṃ bhuvi kṛtvā kṛtvā'rkasya sthirāṃ gatim |
kāmatṛptiṃ parāṃ datvā'pyūrdhvaretāḥ pareśvaraḥ || 43 ||
[Analyze grammar]

apraskhalitaḥ śrīkṛṣṇo babhūva kāmagarvahṛt |
punarjagāma rāsasya maṇḍape rāsakhelanam || 44 ||
[Analyze grammar]

cakāra bahubhramaṇairvividhaiḥ kīrtanaistadā |
sarve devādayo vyomni sthitāḥ patnīprajāyutāḥ || 45 ||
[Analyze grammar]

cikṣipuḥ puṣpavṛṣṭiṃ ca dadṛśū rāsamaṇḍalam |
kastūrīcandanādīnāṃ vṛṣṭiṃ cakrurmunīśvarāḥ || 46 ||
[Analyze grammar]

jayakāraṃ stutiṃ kṛtvā yayuste yamunātaṭe |
śrīkṛṣṇo ramayāmāsa viśramya tu punaśca tāḥ || 47 ||
[Analyze grammar]

vijahārā'pi sarvatra nirjaneṣu yatheṣṭakam |
puṣpodyāneṣu ramyeṣu sarasāṃ sutaṭeṣvapi || 48 ||
[Analyze grammar]

kandare kandare ramye nadeṣu ca nadīṣvapi |
vāñcchiteṣu pramadānāṃ trayastriṃśadvaneṣvapi || 49 ||
[Analyze grammar]

bhāṇḍīre śrīvane ramye kadambakānane tathā |
tulasīkānane kundavane campakakānane || 50 ||
[Analyze grammar]

nimbāraṇye madhuvane jambīrakānane tathā |
nālikeravane pūgavane ca kadalīvane || 51 ||
[Analyze grammar]

badarīkānane bilvavane nāriṃgakānane |
aśvatthakānane vaṃśavane dāḍimakānane || 52 ||
[Analyze grammar]

mandārakānane tālavane cāmravane tathā |
ketakīkānane'śokavane kharjūrakānane || 53 ||
[Analyze grammar]

āmrātakavane jambūvane śālasukānane |
kaṭādikānane padmavane jātivane tathā || 54 ||
[Analyze grammar]

nyagrodhagahane ramye tathā śrīkhaṇḍakānane |
prakṛṣṭakesaravane reme ṣāṇmāsikīṃ niśām || 55 ||
[Analyze grammar]

kāminīnāṃ yathā kāmaḥ śṛṃgāreṇa vivardhate |
tathā tathā harī reme tāsāmānandadāyakaḥ || 56 ||
[Analyze grammar]

tathāpi mānasaṃ pūrṇaṃ kāminīnāṃ babhūva na |
āprātarevaṃ rāseṣu dadau kāmasukhaṃ hariḥ || 57 ||
[Analyze grammar]

sarvāsāṃ ca yadā kāmatṛptirjātā mumoca tāḥ |
tato yamyāṃ gatā vārṣu krīḍanārthaṃ tataḥ param || 58 ||
[Analyze grammar]

kṛṣṇastvadṛśyatāṃ yāto gopyo yayurnijālayān |
etā gopāṃganāḥ sarvā neśvaraṃ menire patim || 59 ||
[Analyze grammar]

kāmukyaḥ kāmabhāvena ratiśūraṃ hi manvate |
tathāpi tanmanaskāstāḥ prāpurdivyagatiṃ priyāḥ || 60 ||
[Analyze grammar]

divyayogājjaḍaṃ cāpi divyabhāvaṃ vrajatyapi |
kṛṣṇaṃ loṣṭaṃ vahniyogād vahnibhāvaṃ hi ṛcchati || 61 ||
[Analyze grammar]

atha rāsasya vai śreṣṭhānmaṇḍapān kṛtrimān śubhān |
viśvakarmakṛtān divyān śatayojanavistṛtān || 62 ||
[Analyze grammar]

navalakṣāsanān ramyānparyaṃkānnavalakṣakān |
viśvakarmā tirohitāṃścakāra kṣaṇamātrataḥ || 63 ||
[Analyze grammar]

athaikalaḥ kiśoro'yaṃ śrīkṛṣṇaḥ svagṛhaṃ prati |
yāvadgacchati mārge taṃ dadarśa munipuṃgavaḥ || 64 ||
[Analyze grammar]

aṣṭāvakraḥ kṛṣṇavarṇo digambaro jaṭānvitaḥ |
nakhaśmaśrusudīrghaśca śāntaḥ praṇatakandharaḥ || 65 ||
[Analyze grammar]

sa vai praṇamya govindaṃ tuṣṭāva munipuṃgavaḥ |
prāṇāṃstatyāja yogena nipatya caraṇāmbuje || 66 ||
[Analyze grammar]

tattejastu samuttasthau saptatālapramāṇakam |
sudivyaḥ puruṣo bhūtvā tasthau kṛṣṇasamīpataḥ || 67 ||
[Analyze grammar]

dṛṣṭvā mṛtaṃ muniṃ kṛṣṇaḥ saṃskāraṃ kartumudyataḥ |
ṣaṣṭivarṣasahasrāṇi nirāhāro'bhavanmuniḥ || 68 ||
[Analyze grammar]

raktamāṃsā'sthihīnaṃ tadvarṣma bhasmabhṛtaṃ hyabhūt |
taduddhṛtya dadau kṛṣṇaścitāyāṃ bhasma miśritam || 69 ||
[Analyze grammar]

etasminnantare vyomnaḥ syandanaḥ prasamāyayau |
pārṣadapravarairyuktaḥ śrīkṛṣṇasadṛśairvaraiḥ || 70 ||
[Analyze grammar]

pārṣadāḥ śrīhariṃ natvā nītvā taṃ divyapūruṣam |
aṣṭāvakraṃ muktadehaṃ jagmurgolokamuttamam || 71 ||
[Analyze grammar]

śṛṇu lakṣmi brahmaṇastu pracetāstasya cā'sitaḥ |
sutaḥ saputravihīnastapastepe sahasrakam || 72 ||
[Analyze grammar]

abdānāṃ sakalatro'pi na lebhe ca yadā sutam |
tadā prāṇān vihātuṃ so'bhavadudyamito'tha vai || 73 ||
[Analyze grammar]

taṃ samboddhuṃ babhūvā'tha satyā vāgaśarīriṇī |
kathaṃ tyajasi prāṇāṃstvaṃ gaccha śaṃkarasannidhim || 74 ||
[Analyze grammar]

siddhaṃ kuru gṛhītvā tu mantraṃ śaṃkaravaktrataḥ |
vareṇā'bhīṣṭadevyāśca putraste bhavitā dhruvam || 75 ||
[Analyze grammar]

śrutvā yayau sa kailāsaṃ sakalatra uvāca tam |
mahādeva kṛpāsindho dehi putraṃ namāmyaham || 76 ||
[Analyze grammar]

haraḥ prāha bhavitā te putro madaṃśamatsamaḥ |
japa mantraṃ rādhikāyai śrīkṛṣṇāya namo'stu te || 77 ||
[Analyze grammar]

rādhā mantreṇa pratyakṣā śatavarṣottaraṃ hyabhūt |
putravān bhava cetyuktvā'dṛśyā babhūva rādhikā || 78 ||
[Analyze grammar]

asitasya tataḥ putro devalākhyo babhūva ha |
suyajñanṛpateḥ kanyāṃ ratnamālāvatībruvām || 79 ||
[Analyze grammar]

jagṛhe sa vivāhena śatavarṣottaraṃ sa ca |
viraktaḥ śayane tyaktvā tāṃ svayaṃ tu vanaṃ yayau || 80 ||
[Analyze grammar]

tapase parvate gandhamādane'bdasahasrakam |
tapaścacāra divyo'bhūd dehena sūryavad dvijaḥ || 81 ||
[Analyze grammar]

raṃbhā taṃ devalaṃ dṛṣṭvā tvekadā kāmamohitā |
tapobhaṃgārthamāgacchajjagrāha devalo na tām || 82 ||
[Analyze grammar]

ruṣṭā śāpaṃ dadau kopādantarduḥkhānvitā satī |
kāmaduḥkhena duḥkhārtā yato māṃ svīkaroṣi na || 83 ||
[Analyze grammar]

bhava kubjaścāṣṭavakro jarjaro nīlavikṛtaḥ |
tapohīnaḥ kurūpaśca kāminījanagarhitaḥ || 84 ||
[Analyze grammar]

rambhā śaptvā yayau svargamṛṣirnāmnā'ṣṭavakrakaḥ |
devalaḥ sa prasiddho'bhūt prayayau malayācalam || 85 ||
[Analyze grammar]

ṣaṣṭivarṣasahasrāṇi tapaḥ punaścakāra saḥ |
so'yaṃ jñātvā rāsakhelaṃ darśanāya samāgataḥ || 86 ||
[Analyze grammar]

dhyānamagno dīrghasūtrī na prāpto rāsadarśanam |
kṛṣṇayogād yayau dhāma golokaṃ bhaktimān muniḥ || 87 ||
[Analyze grammar]

kṛṣṇanārāyaṇo viṣṇuryayau nandagṛhaṃ tataḥ |
prātaḥ smaranti sarvāstā vikṛtāḥ kṛṣṇatanmayāḥ || 88 ||
[Analyze grammar]

iti lakṣmi kathitaṃ te rāsamaṇḍalamuttamam |
paṭhanācchravaṇāttvasya kṛṣṇaprāptirbhaveddhruvam || 89 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne rāsamaṇḍale gopībhiḥ kāmabhāvena kṛṣṇasya caritram devalasya raṃbhāyāḥ śāpenā'ṣṭāvakratvaṃ tasya mokṣaṇaṃ cetinirūpaṇanāmā'ṣṭāśītyadhikacatuśśatatamo'dhyāyaḥ || 488 ||
[Analyze grammar]