Chapter 486

śrīnārāyaṇa uvāca |
ānartadeśe saurāṣṭre camatkārapurāntike |
nadī nāgamatīnāmnā vartate pūrvataḥ śubhā || 1 ||
[Analyze grammar]

yasyāṃ snānād vimucyante muktā bhavanti mānavāḥ |
tatra lakṣmi mṛgī kācit vyādhabāṇaprapīḍitā || 2 ||
[Analyze grammar]

avātatāra salile prāṇāṃstatyāja vāriṣu |
caitraśuklatṛtīyāyāṃ madhyāhne'ryamadaivate || 3 ||
[Analyze grammar]

sūryavāre ca tatpuṇyānmenakā nāma sā'bhavat |
apsarāstridaśendrasya surūpā patidharmiṇī || 4 ||
[Analyze grammar]

ekadā tatra munirāḍ viśvāmitraḥ samāyayau |
tīrthārthaṃ nāganadyāṃ sa sasnau nagarapūrvataḥ || 5 ||
[Analyze grammar]

yatra sā menakā nityamāyāti snānakāmukī |
snāntaṃ surūpaṃ divyaṃ ca puṣṭaṃ muniṃ vilokya sā || 6 ||
[Analyze grammar]

yauvanasthaṃ patiṃ kartumīyeṣa kāmapīḍitā |
sānandā suratārthāya samīpaṃ samupāgamat || 7 ||
[Analyze grammar]

nanāma caraṇe vākyaistuṣṭāva sumanoharaiḥ |
sadhairyaḥ sa munistāṃ vai mene nāgarikīṃ striyam || 8 ||
[Analyze grammar]

āśīrvādān pradāyaiva prahṛṣṭenā'ntarātmanā |
uvāca devīṃ tāṃ pṛcchan strīdharmāṃśca viśeṣataḥ || 9 ||
[Analyze grammar]

śubhalābho'stu te kaccinmanasā karmaṇā girā |
bhaktiḥ saṃvartate kṛṣṇanārāyaṇe ca śāśvatī || 10 ||
[Analyze grammar]

kaccittvaṃ vartase bāle patiṃpādaparāyaṇā |
cāritravinayopetā sadā madhurabhāṣiṇī || 11 ||
[Analyze grammar]

kaccittvaṃ sarvadā'bhīṣṭā patyurdānaistathā'rcasi |
bandhūn svamitravargaṃ ca tatpuraḥ pṛṣṭhato'pi vā || 12 ||
[Analyze grammar]

kaccid bhartari saṃsupte tvaṃ nidrāvaśameṣyasi |
utthānamaprabuddhena karoṣi brāhmakālike || 13 ||
[Analyze grammar]

kaccit prātaḥ samutthāya karoṣi patisevanam |
tato gṛhaṃ mārjayitvā karoṣi maṇḍanādikam || 14 ||
[Analyze grammar]

kaccit snātvā snāpayitvā patiṃ saṃpūjya bhāvataḥ |
bālāpatyāni saṃbhālya vartase bhaktiyoginī || 15 ||
[Analyze grammar]

kacciddevānnamaskṛtya guruṃ gāṃ ca patiṃ tathā |
karoṣi tvaṃ prāṇayātrāṃ dattvā'nnaṃ śaktito jalam || 16 ||
[Analyze grammar]

kaccinmadhyāhnavelāyāmatithīn sevase'nnakaiḥ |
kaccid gṛhāgatanirāśritāyānnaṃ dadāsi vai || 17 ||
[Analyze grammar]

kaccidastaṃ gate sūrye nā'nnamaśnāsi bhāmini |
adattvā nijabhṛtyebhyaḥ sādhubhyaśca viśeṣataḥ || 18 ||
[Analyze grammar]

kaccit pibasi pānīyaṃ vastrapūtaṃ surā'rpitam |
kaccid dayāvatī bhūtvā gātrakleśakarānapi || 19 ||
[Analyze grammar]

yūkāmatkuṇadaṃśādīn putravatparirakṣasi |
kaccit sādhujanānnityaṃ kṛṣṇadharmaṃ subhaktitaḥ || 20 ||
[Analyze grammar]

śṛṇoṣi bhaktito bhadre bhaktiṃ karoṣi sādarām |
kaccichrutvā dinaṃ puṇyaṃ prakaroṣi vratādikam || 21 ||
[Analyze grammar]

gurumācāryamīśaṃ vā''gataṃ karoṣi pūjitam |
śāstrasya vācakasyāpi vyākhyātuśca viśeṣata || 22 ||
[Analyze grammar]

kañcicchāstrāṇi ramyāṇi sādhubhyaḥ saṃprayacchasi |
śrutvā kathāṃ niṣkrayaṃ ca vācakāya prayacchasi || 23 ||
[Analyze grammar]

kaccit kṛṣṇālaye nṛtyaṃ gītaṃ vādyaṃ sukīrtanam |
balipūjopahārāṃśca tva karoṣi svaśaktitaḥ || 24 ||
[Analyze grammar]

kaccitprāvaraṇaṃ vastraṃ sādhubhyaḥ samprayacchasi |
vṛthā paryaṭanaṃ nānyagṛhe karoṣi bhāmini || 25 ||
[Analyze grammar]

kaccinnā'śnāsi pūrvaṃ tvaṃ svabhartaribubhukṣite |
ājñābhaṃgaṃ kadācicca bhartuḥ karoṣi naiva tu || 26 ||
[Analyze grammar]

kaccit prakupite kānte kopaṃ na yāsi sadvrate |
kaccit tvaṃ kupitā bhartre nottarāṇi prayacchasi || 27 ||
[Analyze grammar]

athā'parādhaśāntyarthaṃ priyaṃ hṛdyaṃ prajalpasi |
kaccittvaṃ proṣite kānte malināmbaradhāriṇī || 28 ||
[Analyze grammar]

dīnā vivarṇavadanā kaccid bhavasi vā kṛśā |
kaccinmandiramālinyaṃ dūrīkaroṣi sevayā || 29 ||
[Analyze grammar]

kaccidbhinnaṃ tathocchiṣṭaṃ pātraṃ dhatse na vai gṛhe |
kaccid vrajasi rātryādau notsaveṣu sthalāntare || 30 ||
[Analyze grammar]

kaccinna kuruṣe maitrīṃ puṃścalībhiḥ kadācana |
kaccid dadhāsi saubhāgyacihnāni patiraṃjanī || 31 ||
[Analyze grammar]

kaccitte pātivratye vai vighno nāyāti kaścana |
patiputravatī sādhvī kaccid bhavasi bhāmini || 32 ||
[Analyze grammar]

ityuktā sā ṛṣiṃ prāha pātivratyopadeśakam |
anyāstā yoṣito vipra yāsāṃ dharmāstvayoditāḥ || 33 ||
[Analyze grammar]

vayaṃ svargasyā'psarasaḥ svecchācāriṇya eva vai |
apatikāḥ svatantrāśca munimānasamohikāḥ || 34 ||
[Analyze grammar]

akṣatāḥ sarvadā śuddhāḥ premasevāparāyaṇāḥ |
navarūpadharāḥ kanyāḥ sevārasaparāyaṇāḥ || 346 ||
[Analyze grammar]

kāmadharmeṇa satsevāṃ kurmo yatitapasvinām |
sādhūnāṃ vā gṛhasthānāmasmatsatkāravedinām || 36 ||
[Analyze grammar]

rañjayitvā subahudhā tadāśīrvādamāpnumaḥ |
tena puṇyena vai svargaṃ nityamasmatkṛte'sti hi || 37 ||
[Analyze grammar]

kāmasevāsamaṃ puṇyaṃ nānyanmanyāmahe vayam |
kāmabhaṃgasamaṃ pāpaṃ nānyacchāpapradaṃ bhuvi || 38 ||
[Analyze grammar]

sukhabhaṃgo mahatpāpaṃ sarvasvadāhakaṃ ṛṣe |
sukhadānaṃ mahādānaṃ bhojanasevanāmbaraiḥ || 39 ||
[Analyze grammar]

aṃgānāṃ mardanaiḥ pādasaṃvāhanādibhiḥ sadā |
nartanaiḥ kīrtanaiḥ praśaṃsanaiḥ puṇyamavāpyate || 40 ||
[Analyze grammar]

yaiḥ pare rañjitāsteṣāṃ pare lokāḥ sukhapradāḥ |
yaiḥ pare duḥkhitāsteṣāṃ pare lokāstu duḥkhadāḥ || 41 ||
[Analyze grammar]

paralokasya saukhyārthaṃ sevayāmo vayaṃ janān |
paropakāraṃ kurmo vai yatheṣṭasarvadānakaiḥ || 42 ||
[Analyze grammar]

dhanaṃ vastraṃ bhūṣaṇaṃ ca bhojanaṃ dehamityapi |
sarvaṃ dadmaḥ prasaukhyārthaṃ yatphalaṃ punarāpnumaḥ || 43 ||
[Analyze grammar]

bhojanaṃ jihvayā tvātmatṛptyarthaṃ dīyate janaiḥ |
sparśanaṃ tu tvacā tvātmatṛptyarthaṃ dīyate tathā || 44 ||
[Analyze grammar]

śravaṇaṃ gītikānāṃ tu dīyate karṇatṛptikṛt |
darśanaṃ rūpaśṛṃgārādīnāṃ cakṣusukhapradam || 45 ||
[Analyze grammar]

evamanyendriyaiścāpi tvātmatṛptyarthamuttamam |
dānaṃ sandīyate'smābhiḥ puṇyārthaṃ haritoṣaṇam || 46 ||
[Analyze grammar]

ātmatoṣe harestoṣastena cātmaniveditā |
pālyate sarvadā'smābhiḥ phalaṃ kṛṣṇārpitaṃ mahat || 47 ||
[Analyze grammar]

vidhātrā trividhāḥ sṛṣṭā nāryaḥ saṃsārasevikāḥ |
vivāhitāśca sāmānyā brahmacaryaparāstathā || 48 ||
[Analyze grammar]

vivāhitānāṃ dharmāstu patisevāparāyaṇāḥ |
ye tvayoktāstu satpraśnamiṣeṇa yugmavāhakāḥ || 49 ||
[Analyze grammar]

dvitīyā yāstu sāmānyā apsarasaśca tā vayam |
asmaddharmāstato bhinnāḥ sarvasevāparāyaṇāḥ || 50 ||
[Analyze grammar]

tṛtīyāstu brahmacaryaparāḥ sādhvyo bhavanti tāḥ |
kāmadharmaparityaktāḥ sādhuśīlaparāyaṇāḥ || 51 ||
[Analyze grammar]

svadharmasthā divaṃ yānti paradharmā bhayāvahāḥ |
vayaṃ sevāparā bhṛtyāḥ kiṃkaryaḥ sarvadā smṛtāḥ || 52 ||
[Analyze grammar]

dāsyo vā hyupapatnyaśca devyo divyā yato vayam |
tvādṛśāsāmṛṣīṇāṃ sevayā kṛtārthabhāvanāḥ || 53 ||
[Analyze grammar]

vada tvaṃ kṣatriyavarastāpaso hṛdayaṃgamaḥ |
mama mānasatoṣārthaṃ tava dharmo'sti cenmune || 54 ||
[Analyze grammar]

bhajasva māṃ samāyātāṃ nārāyaṇaparāyaṇām |
tvāṃ tu nārāyaṇaṃ matvā sevayiṣye na dūṣaṇam || 55 ||
[Analyze grammar]

viśvāmitrastadā prāha hitaṃ tāpasadhārmikam |
ahaṃ vratadharaḥ subhru brahmacaryaparāyaṇaḥ || 56 ||
[Analyze grammar]

sarveṣāṃ vratināṃ mūlaṃ brahmacaryamudāhṛtam |
āstāṃ dūraṃ tava saṃgaḥ saṃsparśo bhāṣaṇaṃ tathā || 57 ||
[Analyze grammar]

gaccha dūraṃ svargadevi na me tvayā prayojanam |
vratināṃ pramadāgrāhaḥ pāpadaḥ puṇyanāśakaḥ || 58 ||
[Analyze grammar]

saṃsārabhramaṇaṃ nārī vivāhamaṇḍape gatāḥ |
vahnerbhramaṇavyājena patiṃ darśayati dhruvam || 59 ||
[Analyze grammar]

tasmāt strībhiḥ same saṃgaṃ sparśaṃ yogaṃ ca varjayet |
aṃgārasadṛśī nārī ghṛtakuṃbhasamaḥ pumān || 60 ||
[Analyze grammar]

asparśād dṛḍhatāmeti tatsaṃparkād vilīyate |
striyo mūlamanarthānāṃ nirodhaḥ svargagāminām || 61 ||
[Analyze grammar]

kulīnā vīravatyaśca nāthavatyo'pi yoṣitaḥ |
ekasminneva bhartari santuṣṭāḥ svargagāstu tāḥ || 62 ||
[Analyze grammar]

strīṇāṃ saṃgaṃ samāsādya saṃsāre bhramate naraḥ |
nṛṇāṃ saṃgaṃ samāsādya saṃsāre bhramate'balā || 63 ||
[Analyze grammar]

mayā tyaktau hi saṃsārastadbījaṃ tvamupasthitam |
mamāpi yamalokānāṃ duḥkhaṃ te'pi tvayā bhavet || 64 ||
[Analyze grammar]

tasmānmayā na vai grāhyā gacchā'nyatra priyā bhava |
ityuktā menakā prāha viśvāmitravacaḥ śṛṇu || 65 ||
[Analyze grammar]

himācale pratapato naranārāyaṇasya vai |
tapaścograṃ paraṃ jñātvā mahendrastvapsarogaṇaiḥ || 66 ||
[Analyze grammar]

kāmavasantabāṇaiśca sahitaḥ saṃyayau drutam |
tapobhaṃgavidhānāya prāraṃbhannṛtyagītikām || 67 ||
[Analyze grammar]

nārāyaṇo naraṃ prāha cūtapuṣpāṇi cānaya |
sakthni saṃmardaya samutpādaya tvapsarovarām || 68 ||
[Analyze grammar]

naraḥ sammṛdya puṣpāṇyutpādayāmāsa corvaśīm |
atirūpavatīṃ yasyā agre sarvāstamastvacaḥ || 69 ||
[Analyze grammar]

adṛśyantā'tsarasastā mahendrasya tadendrakaḥ |
sāścaryaṃ samuvācedaṃ śṛṇvatāṃ tu divaukasām || 70 ||
[Analyze grammar]

śataśo me'psarasaśca mayā kāntyā'ndhakī kṛtāḥ |
tasyāḥ prabhuṃ kathaṃ śaktaḥ pātayituṃ bhavāmyaham || 71 ||
[Analyze grammar]

iti garvaṃ vihāyaiva patitaḥ pādayorhareḥ |
yayāce tūrvaśīṃ nārāyaṇānnārāyaṇo dadau || 72 ||
[Analyze grammar]

tadā narasya putrī sā prārthayāmāsa mādhavam |
bhagavan kanyakā cāhaṃ naranārāyaṇasya vai || 73 ||
[Analyze grammar]

ayonijā satī sādhvī brahmacaryaparāyaṇā |
tāpasī bhagavatputrī kathaṃ yāmi divaṃ prabho || 74 ||
[Analyze grammar]

sāmānyā'haṃ kathaṃ bhūtvā vartiṣye tānsurānprati |
apsarasāṃ tu ke dharmāstānme śrāvaya tattvataḥ || 75 ||
[Analyze grammar]

ityuktaḥ śrīharistasyai śrāvayāmāsa tadvṛṣān |
dāsīvat sarvadā stheyaṃ surānprati divisthitān || 76 ||
[Analyze grammar]

nṛtyaṃ gītaṃ sevanaṃ ca kartavyaṃ devayoṣitā |
sarve devāḥ samāḥ sevyāḥ patirūpeṇa vai divi || 77 ||
[Analyze grammar]

mānavā vā munayo'pi tāpasāḥ patirūpiṇaḥ |
sevanīyā bhaviṣyanti gaccha tiṣṭha yathāsukham || 78 ||
[Analyze grammar]

ūrvaśī prasamākarṇya pitaraṃ prāha sadvratā |
parapuṃsāṃ prasaṃgena narakaṃ yātanāmayam || 79 ||
[Analyze grammar]

prabhoktavyaṃ bhavet tasmānmayā svargaṃ na ceṣyate |
nārāyaṇastadā prāha svargasyā'psarasāṃ kṛte || 80 ||
[Analyze grammar]

tava kṛte tathā putri nāsti vai yamayātanāḥ |
apsaraso devapuṇyāt sasṛje viśvasṛṭ svayam || 81 ||
[Analyze grammar]

tāsāṃ pāpaṃ na caivāstītyāha brahmā tathā purā |
tavāpi putri devānāmasaṃkhyānāṃ prasevayā || 82 ||
[Analyze grammar]

kāmadharmeṇa yuktāyā api pāpaṃ na vai bhavet |
ityapāpaṃ purā prāha brahmā nārāyaṇastathā || 83 ||
[Analyze grammar]

asmākaṃ sarvathā devakiṃkarīṇāṃ hi yoṣitām |
tasmād bhajasva māṃ viśvāmitra haṭhaṃ parityaja || 84 ||
[Analyze grammar]

paṇyastriyo vayaṃ yāvad vācāṃ bandhanamasti vai |
tāvatpativratāḥ smaśca patirbhava sadā mama || 85 ||
[Analyze grammar]

ityuktvā saṃsthitā tatra nikaṭe sanmukhe haṭhāt |
viśvāmitraḥ sthalaṃ tyaktvā'nyatra yayau tadā tu sā || 86 ||
[Analyze grammar]

śaśāpa taṃ muniśreṣṭhaṃ kāmakhaṇḍanapīḍitā |
adyaiva bhava durbuddhe valīpalitajarjaraḥ || 87 ||
[Analyze grammar]

evamukto'bhavat tādṛk śāpane jarayā yutaḥ |
muniḥ prāha na te pāpaṃ mama pāpaṃ tu saṃbhavet || 88 ||
[Analyze grammar]

tasmād vihāya cānyatra prayāmi tena rocate |
tasmād bhava tvamapyāśu jarājarjaritāṃgakā || 89 ||
[Analyze grammar]

sāpi tadvacanāt sadyastādṛgrū'pā vyajāyata |
tataḥ krodhasya śāntyarthaṃ nāgavatyāṃ tu sā satī || 90 ||
[Analyze grammar]

sasnau tāvatpūrvarūpā yathāvad yuvatī priyā |
samabhavat tato viśvāmitraḥ sasnau nadījale || 91 ||
[Analyze grammar]

so'pi pūrvarūpo'bhūt śāpau naṣṭau parasparam |
etādṛśaṃ mahattīrthaṃ nāganadyāṃ pravartate || 92 ||
[Analyze grammar]

yatra snātvā narā nāryo bhavanti yauvanānvitāḥ |
svargadevīsamā nāryo narāḥ svargasurā iva || 93 ||
[Analyze grammar]

tataḥ sā menakā muniṃ natvā svargaṃ yayau svataḥ |
ṛṣistapaḥ paraṃ cakre nārāyaṇaparāyaṇaḥ || 94 ||
[Analyze grammar]

iti te kathitaṃ lakṣmi gūḍhadharmapravartanam |
yadvijñānena vratino labhante svargamokṣaṇe || 95 ||
[Analyze grammar]

śṛṇu lakṣmi pravakṣyāmi mahendragarvabhaṃjanam |
camatkārapure jātaṃ niśāmaya matipradam || 96 ||
[Analyze grammar]

purā śatamakho darpāt kṛtvā śatamakhān mudā |
babhūva sarvadevānāmadhyakṣaḥ sampadā yutaḥ || 97 ||
[Analyze grammar]

dine dine tadaiśvaryaṃ vardhate tapasāṃ phalāt |
dadau mantraṃ siddhidaṃ vai bṛhaspatistu puṣkare || 98 ||
[Analyze grammar]

sa jajāpa namo rādheśvarāya oṃ namo namaḥ |
śatasavatsaraṃ japtvā jātaḥ pūrṇamanorathaḥ || 99 ||
[Analyze grammar]

brahmasvarūpāṃ prakṛtiṃ sampanmūḍho na manyate |
prakṛtirjaḍadivyā ca taṃ śaśāpa tataḥ param || 100 ||
[Analyze grammar]

guruṃ dṛṣṭvā samutthāya na nanāma mudānvitaḥ |
guruḥ śaśāpa taṃ kopād yātu sampaddhareriti || 101 ||
[Analyze grammar]

evaṃ bhraṣṭamatirindrastvahalyāṃ paripaśya ca |
cakame gautamarūpaṃ dhṛtvā reme tayā saha || 102 ||
[Analyze grammar]

dadarśa gautamastaṃ ca dhikkṛtya taṃ śaśāpa ha |
yonīnāṃ tu sahasraṃ vai tava gātre bhavatviha || 103 ||
[Analyze grammar]

pūrṇavarṣaṃ ca satataṃ yonigandhaṃ tvamāpnuhi |
tataḥ sūryaṃ samārādhya sahasrākṣo bhaviṣyasi || 104 ||
[Analyze grammar]

mama śāpād guroḥ śāpad bhraṣṭaśrīrbhava sāmpratam |
athendraḥ prayayau tīrthaṃ puṣkaraṃ tapase tataḥ || 105 ||
[Analyze grammar]

niṣkṛtiṃ saṃvidhāyā'tha gṛhaṃ yayau tataḥ punaḥ |
indrastyaktagururdaivādbrahmāṇaṃ śaraṇaṃ yayau || 106 ||
[Analyze grammar]

tadājñayā viśvarūpaṃ pracakāra purohitam |
daityadauhitramevainaṃ jñātvā daityābhipakṣiṇam || 107 ||
[Analyze grammar]

yajñe daityebhya evainaṃ dadataṃ havyamuttamam |
praciccheda śirastasya tīkṣṇabāṇena vai tataḥ || 108 ||
[Analyze grammar]

viśvarūpapitā tvaṣṭā śrutvā sadyaścukopa ha |
indraśatro vivardhasvetyuktvā cakre kratuṃ param || 109 ||
[Analyze grammar]

yajñakuṇḍāt samuttasthau vṛtro nāma mahāsuraḥ |
indro jaghāna vajreṇa vṛtraṃ vai devakaṇṭakam || 110 ||
[Analyze grammar]

brahmahatyā raktavastrā saptanālocchrayā tathā |
īṣāpramāṇadaśanā khaḍgahastā babhūva ha || 111 ||
[Analyze grammar]

dhāvantaṃ dhāvamānā sā mahendraṃ taṃ jagāma ha |
dudrāvendraḥ saṃviveśa mānasākhyasarovare || 112 ||
[Analyze grammar]

mṛṇālasūkṣmasūtre vai sāpi vaṭe taṭe sthitā |
nahuṣastvabhavattvindro yayāce kāmataḥ śacīm || 113 ||
[Analyze grammar]

śacī gurorhi śaraṇaṃ yātā rarakṣa tāṃ guruḥ |
bṛhaspatistato yāto mānasākhyasaraḥ svayam || 114 ||
[Analyze grammar]

rakṣaṇāya svaśiṣyasya cājuhāva śacīpatim |
svaraṃ vṛhaspaterjñātvā bahiḥ samāyayau gurum || 1151 ||
[Analyze grammar]

natvā tuṣṭāva ca guruṃ pādayoḥ patitastadā |
kṣamasva bhagavan doṣaṃ kṛpāṃ kuru kṛpānidhe || 116 ||
[Analyze grammar]

bhṛtyāparādhaṃ satataṃ na gṛhṇāti sadīśvaraḥ |
svabhāryāsu svaśiṣyeṣu svabhṛtyeṣu suteṣu ca || 117 ||
[Analyze grammar]

iti śrutvā guruḥ prāha gaccha rājyaṃ divaḥ kuru |
hataśatrurmatprasādād gatvā paśya satīṃ śacīm || 118 ||
[Analyze grammar]

saṃsāravijayaṃ varma gṛhāṇedaṃ tataḥ param |
brahmahatyāṃ bhasmasācca kuru gaccha mayā saha || 119 ||
[Analyze grammar]

evaṃ kṛtvā mahendrastu yayau svargaṃ tadā punaḥ |
daityairvināśitāṃ svasya rājadhānīṃ punarnavām || 120 ||
[Analyze grammar]

kārayāmāsa racitāṃ nāmnā'marāvatīpurīm |
viśvakarmakṛtāṃ vīkṣya na tutoṣa sureśvaraḥ || 121 ||
[Analyze grammar]

viśvakarmā gṛhaṃ gantuṃ na śaśāka vinā''jñayā |
viśvakarmā hariṃ kṛṣṇaṃ sasmāra kamalāpatim || 122 ||
[Analyze grammar]

nārāyaṇo viprarūpaṃ dhṛtvā''jagāma tāṃ purīm |
atikharvo vaiṣṇavaśca yuyuje śakramāśiṣam || 123 ||
[Analyze grammar]

madhuparkādikaṃ datvā śakraḥ satkāramācarat |
papracchā''gamanaṃ kasmād vadeti viprabālakam || 124 ||
[Analyze grammar]

viprabaṭustu taṃ prāha nūtanāṃ nagarīṃ tava |
samādraṣṭumāgato'smi praṣṭuṃ vacanamīpsitam || 125 ||
[Analyze grammar]

citraṃ nagaranirmāṇaṃ samākarṇyā'dbhutaṃ tava |
kativarṣāṇi nirmāṇe bhavān saṃkalpito yathā || 126 ||
[Analyze grammar]

katicit tāṃ viśvakarmā nirmāṇaṃ vā kariṣyati |
evaṃbhūtaṃ vinirmāṇaṃ na kenendreṇa nirmitam || 127 ||
[Analyze grammar]

naivaṃvidhaṃ sunirmāṇe viśvakarmā paraḥ kṣamaḥ |
bālakasya vacaḥ śrutvā jahāsa sa surendrakaḥ || 128 ||
[Analyze grammar]

sampanmadātimattaśca punaḥ papraccha bālakam |
katīndrāṇāṃ samūhaśca tvayā dṛṣṭaḥ śruto'thavā || 129 ||
[Analyze grammar]

viśvakarmā katividhastaṃ ye brūhi śiśo'dhunā |
śakrasya vacanaṃ śrutvā viprabaṭuruvāca tam || 130 ||
[Analyze grammar]

jānāmi kaśyapaṃ tava tāta prajāpatiṃ tathā |
muniṃ marīciṃ jānāmi tattātaṃ vedhasaṃ tathā || 131 ||
[Analyze grammar]

kalpaṃ ca pralayaṃ katividhaṃ jānāmi sarvathā |
brahmajanakaṃ vairājaṃ tatpitaraṃ hiraṇmayam || 132 ||
[Analyze grammar]

jānāmyaṇḍaṃ katividhaṃ brahmaviṣṇumaheśvarān |
brahmāṇḍeṣu katividhānidrān jānāmi sarvaśaḥ || 133 ||
[Analyze grammar]

yadi saṃkhyā'sti reṇūnāṃ dharāyāṃ tu sureśvara |
tathāpi saṃkhyā śakrāṇāṃ nāstyeva kiṃ vadāmi te || 134 ||
[Analyze grammar]

śakrasyā''yuścādhikāro yugānāmekasaptatiḥ |
aṣṭāviṃśatiśakrāṇāṃ patane'harniśaṃ vidheḥ || 135 ||
[Analyze grammar]

vidheraṣṭottaraśatamāyureva pramāṇataḥ |
surendrāṇāṃ tu kā saṃkhyā nāsti saṃkhyā vidherapi || 136 ||
[Analyze grammar]

mahāviṣṇorlomakūpe vairājāḥ santyanekaśaḥ |
vairājasya romakūpe brahmādyāḥ santyanekaśaḥ || 137 ||
[Analyze grammar]

evaṃ lomnaḥ pramāṇena brahmāṇḍāḥ santyasaṃkhyakāḥ |
brahmāṇḍe ca katividhāḥ surāḥ santyeva tvatsamāḥ || 138 ||
[Analyze grammar]

viprabaṭau vadatyevaṃ pārśvato nirgataṃ tadā |
pipīlikāsamūhaṃ ca vyāyataṃ dhanuṣāṃ śatam || 139 ||
[Analyze grammar]

kramaśastān sannirīkṣya jahāsoccairdvijārbhakaḥ |
novāca kiñcinmaunī ca gaṃbhīraḥ sagaṇo yathā || 140 ||
[Analyze grammar]

indraḥ prāha kathaṃ vipravaṭo hasasi me vada |
viprabaṭuruvācendraṃ dṛṣṭāḥ pipīlikāstvayā || 141 ||
[Analyze grammar]

sṛṣṭaḥ pipīlikāsaṃgha ekaikaḥ kramaśo mayā |
sarve te kramaśastvāsannindrāḥ pūrvātprapūrvajāḥ || 142 ||
[Analyze grammar]

idānīṃ te tu samprāptā bhūtajātiṃ pipīlikām |
karmaṇā kramaśo yānti jīvāḥ kīṭanṛdevatāḥ || 143 ||
[Analyze grammar]

karmaṇā drumatāṃ yānti yakṣatāṃ nāgatāṃ tathā |
pakṣitvaṃ ca paśutvaṃ ca nārītvaṃ naratāṃ tathā || 144 ||
[Analyze grammar]

pretatvaṃ ca suratvaṃ ca ṛṣitvaṃ karmaṇā tathā |
brahmatvaṃ surarājatvaṃ karmaṇā prāpyate'pi tu || 145 ||
[Analyze grammar]

mṛtyustu mastakasthāyī sarveṣāṃ vidyate sadā |
jalabudvudavatsarvaṃ śakra naśyati nityaśaḥ || 146 ||
[Analyze grammar]

mūḍhā muhyanti loke'tra muhyanti naiva paṇḍitāḥ |
ityuktvā sa viprabaṭustatatra tasthau ca sasmitaḥ || 147 ||
[Analyze grammar]

vismitastridaśādhyakṣo garvahīno babhūva ha |
etasminnantare tatrā''jagāma tāpaso janaḥ || 148 ||
[Analyze grammar]

ativṛddho mahāyogī jaṭādhārī mṛgājinī |
sarvaṃ vakṣaḥsthalaṃ tasya romacakrābhisaṃbhṛtam || 149 ||
[Analyze grammar]

madhye kiñcidromahīnaṃ samutpāṭitalomakam |
mastake ca vartulaṃ saṃdadhan kaṭaṃ samāyatam || 150 ||
[Analyze grammar]

āgatya madhye tasthau sa vipraputramahendrayoḥ |
mahendro vṛddharūpaṃ taṃ madhuparkādikaṃ dadau || 151 ||
[Analyze grammar]

praṇanāmā'tha papraccha kuta āgamyate tvayā |
kinnāmā tvaṃ gṛhaṃ kutra kathamāgamanaṃ tava || 152 ||
[Analyze grammar]

karaṃ kathaṃ mastake te lomacakraṃ ca vakṣasi |
madhyadeśe riktabhāgo lomotpāṭanajaḥ katham || 153 ||
[Analyze grammar]

vṛddhaḥ prāha ca vaikuṇṭhādadya tvāgamyate mayā |
lomaśo'haṃ ṛṣirnāmnā tīrthārthaṃ gamanaṃ mama || 154 ||
[Analyze grammar]

alpāyuṣā mayā cendra kutrāpi na kṛtaṃ gṛham |
na vivāhaścopajīvyaṃ bhikṣopajīvinā'dhunā || 155 ||
[Analyze grammar]

varṣaṇā''tapaśāntyarthaṃ mastakasthaṃ kaṭaṃ mama |
vakṣoromāṇi yāvanti tāvatkalpāyurasmyaham || 156 ||
[Analyze grammar]

kalpaike'pagate cendra lomaikotpāṭanaṃ mama |
utpāṭitaromasaṃkhyāḥ kalpā naṣṭā mamāgrataḥ || 157 ||
[Analyze grammar]

jātaṃ tvaṃgulamātraṃ tad vartulaṃ romahīnakam |
vakṣolomāni yāvanti pratikalpaikaromakam || 158 ||
[Analyze grammar]

bhaviṣyantyutpāṭitāni tadā me maraṇaṃ bhavet |
daśādhikaśate yāte brahmā'bdānāṃ mṛtirmama || 159 ||
[Analyze grammar]

asaṃkhyavidhayaḥ sṛṣṭau mariṣyanti mṛtā api |
kalatreṇa ca putreṇa gṛheṇa kiṃ prayojanam || 160 ||
[Analyze grammar]

vairājapatane cakṣurnimeṣastu harerbhavet |
śrīhareścaraṇaṃ nityaṃ cintayāmi sthale sthale || 161 ||
[Analyze grammar]

durlabhaṃ śrīharerdāsyaṃ bhaktirmuktergarīyasī |
svapnavat sarvamaiśvaryaṃ tadbhaktivyavadhāyakam || 162 ||
[Analyze grammar]

evamuktvā vṛddhavipraścāntardhānaṃ jagāma ha |
śiśuviprastataścendraṃ kṛtvā garvavihīnakam || 163 ||
[Analyze grammar]

adṛśyatāṃ gatastūrṇamindro vairāgyamāptavān |
sarvaṃ vinyasya putre tu tyaktvā rājyaśriyaṃ śacīm || 164 ||
[Analyze grammar]

utsuko'bhūdaraṇyaṃ vai harerbhaktyarthamādarāt |
bṛhaspatiḥ svakaṃ śiṣyaṃ bodhayāmāsa vai tadā || 165 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
iti nityaṃ japaṃ dhyānasahitaṃ kuru śārṅgiṇaḥ || 166 ||
[Analyze grammar]

tena muktiśca te bhāvyā mā yāhi vanamanyathā |
ityukto bhajamānaḥ sa bhūtvā ca vaiṣṇavo mahān || 167 ||
[Analyze grammar]

cakāra rājyaṃ dharmiṣṭhaścānte muktiṃ jagāma ha |
paṭhanācchravaṇāccāsya jñānavān jāyate janaḥ || 168 ||
[Analyze grammar]

śraddhā suvardhate bhakto bhaktau garvo naśyati sarvathā |
vṛthā mānaṃ yāti dūraṃ yāti tvante hareḥ padam || 169 ||
[Analyze grammar]

iti te kathitaṃ lakṣmi bhuktimuktipradaṃ śubham |
vijñānaṃ garvanāśārthaṃ bhaktervṛddhyarthameva ca || 170 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne menakāṃ prati viśvāmitrapṛṣṭapātivratyapraśre'psarasāmanyadharmaparatve parasparaśāpena jarā nāgamatīnadyāṃ snānena śāpanivāraṇaṃ cetyādi |
tathā indrasya garvanāśārthaṃ prakṛteḥ śāpaḥ guroḥ śāpaḥ gautamaśāpaśca gurorapamānācchāpena sampannāśaḥ vṛtranāśaḥ brahmahatyā guroḥ kṛpayā brahmahatyānāśaḥ navīnaprāsādanirmāṇaṃ viśvakarmanirodhaḥ nārāyaṇasya viprabaṭurūpeṇā''gamanaṃ pipīlikāsamūhadarśanaṃ lomaśasyāgamanaṃ tadāyurlomakṣaraṇe niścityendrasya vairāgyaṃ viśvakarmaṇo nirbandhatendragarvanāśaścetinirūpaṇanāmā ṣaḍaśītyadhikacatuśśatatamo'dhyāyaḥ || 486 ||
[Analyze grammar]