Chapter 474

śrīnārāyaṇa uvāca |
śṛṇu lakṣmi kathāṃ ramyāmamitrajinnṛpasya vai |
mayi nārāyaṇe pātivratyayuktāṃ kuṭumbinaḥ || 1 ||
[Analyze grammar]

amitrajinmahārājaḥ paramo vaiṣṇavo'bhavat |
sarvarājanyaguṇadhīḥ sarvadūṣaṇavarjitaḥ || 2 ||
[Analyze grammar]

kṛṣṇanārāyaṇe deve cetovṛttiṃ nidhāya saḥ |
cakāra rājyaṃ nirdvandvaṃ viṣṇubhaktiparāyaṇaḥ || 3 ||
[Analyze grammar]

abhunak pracurān bhogān samastān viṣṇusātkṛtān |
harerāyatanānyuccaiḥ pratisaudhaṃ pade pade || 4 ||
[Analyze grammar]

tasya rājye samabhavan gṛhāṇi mandirāṇi ca |
govinda gopa gopāla gopagopīśvareśvara || 5 ||
[Analyze grammar]

guṇātīta garuḍastha kṛpālo kamalāpate |
kṛṣṇa keśava kaṃjākṣa kīnāśabhayanāśaka || 6 ||
[Analyze grammar]

puruṣottama padmeśa puṇḍarīkavilocana |
pītāmbara prabhānātha pārvatīśa pareśvara || 7 ||
[Analyze grammar]

janārdana jayāsvāmin janmamṛtyujarāhara |
śrīvatsavakṣaḥ śrīkānta śrīprada śreyasāṃprada || 8 ||
[Analyze grammar]

dāmodara dayāsindho māṇikīśvara cakradhṛk |
viṣṇo nārāyaṇa kṛṣṇanārāyaṇa narottama || 9 ||
[Analyze grammar]

akṣareśa ca rādheśa kambhareśa hṛdisthita |
ityādīni pavitrāṇi nāmāni pratimandiram || 10 ||
[Analyze grammar]

strībālavṛddhagopālavadanodīritāni tu |
śrūyante cāpi dṛśyante ramyāṇi mokṣadāni vai || 11 ||
[Analyze grammar]

tulasīkānanānyeva vilokyante gṛhe gṛhe |
caritrāṇi sugīyante pavitrāṇi harerjanaiḥ || 12 ||
[Analyze grammar]

saudhabhittiṣu dṛśyante pratimā līlayā'nvitā |
ṛte hareḥ kathāyāśca nānyā vārtā niśamyate || 13 ||
[Analyze grammar]

yadrājye naiva hiṃsā'sti dveṣo nāsti parasparam |
hanyante naiva cā'hitāḥ kṛṣṇabhaktiparāyaṇāḥ || 14 ||
[Analyze grammar]

api bālāstathā vṛddhāstasya rāṣṭre striyo'pi ca |
payaḥpānaṃ na kurvanti samprāpya harivāsaram || 16 ||
[Analyze grammar]

paśavo'pi tṛṇāhāraṃ tyajanti harivāsare |
mahāmahotsavaḥ sarvaiḥ puraukobhirvitanyate || 16 ||
[Analyze grammar]

sa eva daṇḍyo yo bhuṃkte samprāpte harivāsare |
antyajā api tadrāṣṭre śaṃkhacakrāṃkadhāriṇaḥ || 17 ||
[Analyze grammar]

kṛṣṇa eva paro devaḥ kṛṣṇa eva parā gatiḥ |
kṛṣṇa eva paro bandhustasyā''sīdavanīśituḥ || 18 ||
[Analyze grammar]

etad draṣṭuṃ nāradarṣiḥ samāyayau tadā kvacit |
rājñā samarcitaḥ prāha rājānaṃ nārado muniḥ || 19 ||
[Analyze grammar]

dhanyo'si kṛtakṛtyo'si mānyo'pyasi divaukasām |
sarvabhūteṣu govindaṃ yastvaṃ paśyasi bhaktarāṭ || 20 ||
[Analyze grammar]

etādṛśaṃ vilokya tvāṃ śucitvamagamaṃ tvaham |
eka eva hi sāro'tra bhaktibhāvaḥ pareśvare || 21 ||
[Analyze grammar]

kṛṣṇaṃ bhajantaṃ bhajante padārthāḥ sarva eva tu |
kṛṣṇe sthiratvamāptasya yogaḥ siddho vimuktidaḥ || 22 ||
[Analyze grammar]

yauvanaṃ dhanamāyuṣyaṃ jñātvā padme tu vārivat |
śāśvataṃ kṛṣṇacaraṇaṃ mokṣadaṃ prasamāśrayet || 23 ||
[Analyze grammar]

hṛdi netre ca jihvāyāṃ rakṣaṇīyo janārdanaḥ |
so'pi janārdano bodhyo janārdanasamāśrayāt || 24 ||
[Analyze grammar]

niṣkāmasevayā śrīśaṃ pūjayitvā ramāpatim |
puruṣottamatāṃ śreṣṭhāṃ prāpnuyānmānave bhave || 25 ||
[Analyze grammar]

rājaṃste śrīkṛṣṇabhaktyā prasanno bhagavān hariḥ |
preṣayāmāsa māmatra bhaktakāryakaraḥ svayam || 26 ||
[Analyze grammar]

śṛṇu vidyādharaputrī kṛṣṇabhaktā'tisundarī |
kṛṣṇapātivratyaparā nāmnā malayagandhinī || 27 ||
[Analyze grammar]

krīḍantī piturākroḍe hṛtā kaṃkālaketunā |
dānavaścampakāvatyāṃ nagaryāmadya vartate || 28 ||
[Analyze grammar]

sa svatriśūlaghātena mariṣyanti tvayā nṛpa |
adya nidrāti paryaṃke pārśve kṛtvā triśūlakam || 29 ||
[Analyze grammar]

kanyā sā dāsyati tubhyaṃ vañcayitvā triśūlakam |
gaccha śīghraṃ kṛṣṇabhaktāṃ rakṣa hastaṃ gṛhāṇa ca || 30 ||
[Analyze grammar]

ityuktaḥ sa yayau diṣṭamārgeṇa nṛpatirgṛṇan |
kṛṣṇa kṛṣṇeti kṛṣṇeti kṛṣṇanārāyaṇeti ca || 31 ||
[Analyze grammar]

nagaryāṃ sa praviṣṭaśca yatra saudhe'sti kanyakā |
praviveśa tu taṃ saudhaṃ kanyāṃ jagāda caikalām || 32 ||
[Analyze grammar]

nāradasyopadeśena tava rakṣārthamatra vai |
samāgato'smi daityaṃ ca hantuṃ triśūlakena vai || 33 ||
[Analyze grammar]

sā vilokya samākarṇya viśvastā'bhūt sukanyakā |
darśayāmāsa taṃ śūlaṃ rājā śūlena dānavam || 34 ||
[Analyze grammar]

jaghāna śrīhariṃ gṛṇan mṛto'sau dānavo balī |
surūpaṃ rakṣakaṃ bhūpaṃ provāca madhuraṃ satī || 25 ||
[Analyze grammar]

athodāramate vīra nijaprāṇaiḥ paṇīkṛtām |
gṛhāṇa māṃ varārohāṃ kulakanyāmadūṣitām || 36 ||
[Analyze grammar]

iti bruvatyāṃ kanyāyāṃ nārado'tarkito muniḥ |
āyayau tau tutuṣaturdṛṣṭvā taṃ munisattamam || 37 ||
[Analyze grammar]

pāṇigraheṇa vidhinā'bhiṣiktau nāradena tau |
jagmaturnāradā''diṣṭavartmanā kṛtamaṃgalau || 38 ||
[Analyze grammar]

kāśīṃ tvāyayatustau ca manyamānau kṛtārthatām |
saikadā taṃ patiṃ rājñī patibhaktā sutārthinī || 39 ||
[Analyze grammar]

raho vijñāpayāñcakre kartuṃ putrapradaṃ vratam |
mārgaśuklatṛtīyāyāmabhīṣṭatṛtīyāvratam || 40 ||
[Analyze grammar]

rājñā''diṣṭā bhaktanārī cacāra tadvrataṃ śubham |
pativratā bhāgavatī kṛṣṇanārāyaṇe ratā || 41 ||
[Analyze grammar]

kṛṣṇapativratā sādhvī tvābālyād vaiṣṇavī satī |
purā kuberapatnyā vai ṛddhyākhyayā kṛtaṃ vratam || 42 ||
[Analyze grammar]

sāpi prāptavatī putraṃ samarthaṃ nalakūbaram |
pūjyā'tra pārvatī devī stanandhayayutāsatī || 43 ||
[Analyze grammar]

mārge śukle tṛtīyāyāṃ suvarṇakalaśopari |
tāmrapātraṃ nidhāyaikaṃ taṇḍulaiḥ paripūritam || 44 ||
[Analyze grammar]

nūtnaṃ saraṃgaṃ vastraṃ ca nidhāya tatra sūkṣmakam |
tatra satkamalaṃ nyasya yadvā svarṇavinirmitam || 45 ||
[Analyze grammar]

brahmāṇīṃ pūjayet tatra ratnapaṭṭāmbarādibhiḥ |
puṣpaiḥ phalaiśca nāraṃgaiḥ sugandhaiścandanādibhiḥ || 46 ||
[Analyze grammar]

paramānnādinaivedyaiḥ pakvānnaiśca jalādibhiḥ |
dhūpairdīpaiḥ stavanaiśca nīrājanādibhistathā || 47 ||
[Analyze grammar]

rātrau jāgaraṇaṃ kuryāt sotsavaṃ harikīrtanaiḥ |
hastamātramite kuṇḍe jātavedasaityṛcā || 48 ||
[Analyze grammar]

ghṛtena madhunā''plāvya juhuyān mantraviddvijaḥ |
sahasrakamalānāṃ tu homaṃ kuryād vratī mudā || 49 ||
[Analyze grammar]

navaprasūtāṃ kapilāṃ dhenuṃ dadyād dvijātaye |
upoṣya dampatī bhaktyā caturthyāṃ tu dvijātaye || 50 ||
[Analyze grammar]

datvā sadbhojanaṃ dānaṃ vastrāṇi bhūṣaṇāni ca |
ācāryāya dhanaṃ mūrtiṃ dadyātāṃ gāṃ ca dakṣiṇām || 51 ||
[Analyze grammar]

bhojayitvā'tha taṃ paścāt stuvīyātāṃ puṭāñjalī |
sutaṃ vaṃśakaraṃ dehi tuṣṭā śivā ramā hyajā || 52 ||
[Analyze grammar]

bhuktaśeṣeṇa cānnena kuryātāṃ pāraṇaṃ tataḥ |
evaṃ kṛtaṃ vrataṃ tābhyāṃ dampatībhyāṃ sutapradam || 53 ||
[Analyze grammar]

pūjanānte śivā lakṣmīḥ sāvitrī tvāgatāḥ puraḥ |
smerānanāḥ śubhāśiṣo datvā'ntardhānamāgatāḥ || 54 ||
[Analyze grammar]

tataḥ sā kāntasevābhirantarvatnī babhūva ha |
tayā tu prārthito divyaḥ putro viṣṇvaṃśasaṃbhavaḥ || 95 ||
[Analyze grammar]

jātamātro vrajet svargaṃ punarāyād gṛhaṃ prati |
bhaktaḥ sadā trideveṣu prasiddho bhuvanatraye || 56 ||
[Analyze grammar]

vinaiva stanyapānena ṣoḍaśābdākṛtiḥ kṣaṇāt |
sarvasāmarthyasampanno vaiṣṇavānāṃ sadāgraṇīḥ || 57 ||
[Analyze grammar]

atha kālena tanayaṃ mūlarkṣe sā'pyajījanat |
atha ṛkṣābhividbhiḥ sā vijñaptā'riṣṭasaṃsthitā || 58 ||
[Analyze grammar]

devī rājārthinī cet tvaṃ tyaja duṣṭarkṣajaṃ sutam |
sā tu śrutvā mahābhaktā sarvathā patidevatā || 59 ||
[Analyze grammar]

atyākṣīt taṃ tathā prāptaṃ tanayaṃ nayakovidā |
vikaṭāyā mahāgauryāḥ puro nyasya gṛhaṃ gatā || 60 ||
[Analyze grammar]

gauryā'rpitaḥ sa yoginyai yoginī vyomamārgataḥ |
yayau yatra vasantyeva rakṣikā navamātaraḥ || 61 ||
[Analyze grammar]

brahmāṇī vaiṣṇavī raudrī vārāhī nārasiṃhikā |
kaumārī cāpi māhendrī cāmuṇḍā cāpi caṇḍikā || 62 ||
[Analyze grammar]

dṛṣṭvā taṃ vālakaṃ prāptaṃ tā ūcuḥ sundaraṃ sutam |
rājyayogyo bhavatveṣa mahālakṣaṇalakṣitaḥ || 63 ||
[Analyze grammar]

punastatraiva netavyo yatrā'sya janma vidyate |
ṣoḍaśābdo jātamātro bhaviṣyati mahābalaḥ || 64 ||
[Analyze grammar]

evaṃ mātṛgaṇāśīrbhiḥ prāpito janmanaḥ sthale |
ānandakānane divyaṃ tatāpa sa paraṃ tapaḥ || 65 ||
[Analyze grammar]

tapasā tu prasanno'bhūcchivastvāvirbabhūva ha |
provāca taṃ varaṃ brūhi dadāmyatra tavepsitam || 66 ||
[Analyze grammar]

sa tu praṇamya śaṃbhuṃ vai parituṣṭāva bhāvataḥ |
varaṃ ca prārthayāñcakre yadi deyo varo mama || 67 ||
[Analyze grammar]

mama nāmnā bhavet tīrthaṃ vīravīreśvarāhvayam |
tathāstviti haraḥ prāha tato'yaṃ bālakaḥ punaḥ || 68 ||
[Analyze grammar]

varaṃ vavre mama muktirbhaved golokadhāmani |
haraḥ prāha vinā kṛṣṇaṃ sā muktirnahi labhyate || 69 ||
[Analyze grammar]

gṛhāṇa kṛṣṇamantraṃ tvaṃ bhava bhakto viśeṣataḥ |
oṃ namaḥ śrīkṛṣṇanārāyaṇāyeti muhurjapa || 70 ||
[Analyze grammar]

tulasīmālikāṃ kaṇṭhe kare cāpi gṛhāṇa vai |
ityuktvā pradadau mantraṃ kṛtaḥ sa vaiṣṇavo mahān || 71 ||
[Analyze grammar]

āha taṃ śaṃkaraḥ paścājjaneturvaiṣṇavottamāt |
viṣṇoraṃśaḥ samutpanno bhavān bhakto mamāpi ca || 72 ||
[Analyze grammar]

tvaṃ tu rājyaṃ paraṃ prāpya sarvabhūpāladurlabham |
bhuktvā bhogāṃśca vipulānante muktimavāpsyasi || 73 ||
[Analyze grammar]

patnīṃ pativratāṃ prāpya labdhvā putrāṃśca tatsutān |
śrīviṣṇordivyayānena golokaṃ yāsyasi dhruvam || 74 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
oṃ namaḥ śrīkṛṣṇanārāyaṇāya pataye namaḥ || 75 ||
[Analyze grammar]

kurutaṃ saṃjapaṃ nityaṃ tvaṃ tathā bhāvinī satī |
pativratā'pi te kāntā mokṣamāpsyatha taṃ param || 76 ||
[Analyze grammar]

ityuktvā śaṃkarastvantardhānaṃ jagāma tatparam |
vīravīro mahābāhurjajāpa taṃ manuṃ muhuḥ || 77 ||
[Analyze grammar]

bhāryā kailāsarājasya nṛpateḥ putrikāṃ satīm |
nāmnā vasumatīṃ prāpya samutpādya śataṃ sutān || 78 ||
[Analyze grammar]

yayau golokamokṣaṃ sa bhāryayā saha bhaktarāṭ |
divyayānena vai bhaktaprajābhiḥ saha pārthivaḥ || 79 ||
[Analyze grammar]

iti te kathitaṃ lakṣmi kṛṣṇabhaktiparāyaṇam |
dampatyoḥ pāvanaṃ vṛttaṃ śrotṝn vaktṝṃśca pāvayet || 80 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne amitrajinnṛpaternāradasya kṛpayā pativratāstrīprāptiḥ tathā malayagandhinyā bhāryayā kāśyāmabhīṣṭatṛtīyāvratena vīravīro mahāvaiṣṇavaḥ sutaḥ prāptaḥ pativratayā sahitasya rājño goloke muktirityādinirūpaṇanāmā catuḥsaptatyadhika |
catuśśatatamo'dhyāyaḥ || 474 ||
[Analyze grammar]