Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 473 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
śṛṇu lakṣmi dharmapīṭhe kṣetre tvānandakānane |
camatkāro'bhavad dharmatapasyāyā vadāmi tam || 1 ||
[Analyze grammar]

dharmapīṭhaṃ taduktaṃ vai kṣetre tvānandakānane |
tatpīṭhadarśanādeva janaḥ pāpaiḥ pramucyate || 2 ||
[Analyze grammar]

purā vivasvataḥ putro yamī dharmabhṛtāṃ varaḥ |
tapastatāpa tatkṣetre lokā'nugrahakāraṇāt || 3 ||
[Analyze grammar]

śiśire jalamadhyastho varṣāsvabhrāvakāśakaḥ |
tapatau pañcavahnisthaḥ kadācittvativātagaḥ || 4 ||
[Analyze grammar]

pādā'grā'ṅguṣṭhabhūsparśī bahukālaṃ sa tasthivān |
ekapādasthitaḥ so'pi bahukālaṃ tataḥ punaḥ || 9 ||
[Analyze grammar]

samīrā'bhyavahartā''sīt tataḥ papau jalaṃ manāk |
kuśāgramātreṇa tadbindūn tataścāhāravarjitaḥ || 6 ||
[Analyze grammar]

divyāṃ caturyugīmitthaṃ sa nināya tapaścaran |
caturguṇaṃ didṛkṣuḥ śrīśaṃkaraṃ vai samādhinā || 7 ||
[Analyze grammar]

śaṃkarastasya tapasā santuṣṭaḥ sthiracetasaḥ |
yayau tasmai varān dātu dharmarūpāya sākṣiṇe || 8 ||
[Analyze grammar]

pratyavocattu taṃ dharma varaṃ vṛṇu yathepsitam |
dṛṣṭvā sa māṃ praṇanāma cakāra stavanaṃ tathā || 9 ||
[Analyze grammar]

vavre saṃhārakṛdrūpaṃ mama draṣṭuṃ tadā'naghaḥ |
mayā pradarśitaṃ tasmai bhayānakaṃ mamaiva tat || 10 ||
[Analyze grammar]

mahārudrasvarūpaṃ yat saṃkarṣaṇasvarūpakam |
atha tvaṃ matsvarūpo'si dharmarājo bhaveti vai || 11 ||
[Analyze grammar]

samastadehināṃ dharmādhikāre śāsanaṃ kuru |
karmasākṣī ca jantūnāṃ bhava sarvajña ityapi || 12 ||
[Analyze grammar]

dharmakṣetramidaṃ sarvavāñchāprapūrakaṃ tathā |
mokṣadaṃ bhavatu prāṇipāpaprajvālanakṣamam || 13 ||
[Analyze grammar]

dharmeśvaraṃ mama rūpaṃ tava nāmnā bhavatvapi |
gṛhāṇa tvaṃ kṛṣṇamantraṃ vaiṣṇavaḥ paramo bhava || 14 ||
[Analyze grammar]

ityuktvā dharmarājāya dadau mantraṃ maheśvaraḥ |
oṃ namaḥ śrīkṛṣṇanārāyaṇāya brahmaṇe namaḥ || 15 ||
[Analyze grammar]

mālāṃ kaṇṭhe ca vṛndāyā dadau kare japārthikām |
lalāṭe candrakaṃ cakre tvāśīrvādān dadau bahūn || 16 ||
[Analyze grammar]

nyāyopadeśaṃ bahudhā dadau śrīśaṃkaraḥ svayam |
sukhaṃ dharmaphalaṃ proktaṃ svecchāviṣayameva tat || 17 ||
[Analyze grammar]

duḥkhaṃ tvicchāvighātau vai duṣkarmaṇāṃ tu tatphalam |
svargaṃ sukhaṃ tu devānāmārādhanena jāyate || 18 ||
[Analyze grammar]

sādhanānāṃ sukhaṃ pūrṇaṃ dānenaiva prajāyate |
anyātmanāṃ pratuṣṭyaivā''nandārthi jīvanaṃ bhavet || 19 ||
[Analyze grammar]

parapīḍākaraṃ sarvaṃ svasyāpi duḥkhadaṃ bhavet |
paropakāraḥ kartavyaḥ kartavyaṃ tvātmadarśanam || 20 ||
[Analyze grammar]

kṛṣṇārādhanabhaktyādi kartavyaṃ mokṣaṇāya ca |
loke vai sampadaḥ puṃsāṃ prāgdānena bhavanti hi || 21 ||
[Analyze grammar]

yanna dattaṃ tanna labhyaṃ tasmād dharmaṃ samācaret |
kṛtasya phaladānaṃ vai sarvatra niyamaḥ kṛtaḥ || 22 ||
[Analyze grammar]

śubhasya cā'śubhasyāpi tvayā kāryo vinirṇayaḥ |
tatra tatra phalaṃ tebhyo dāsyatyeva janārdanaḥ || 23 ||
[Analyze grammar]

indriyāṇāṃ svabhāvena bhogaḥ pāpaṃ na tanmatam |
anyāyena kṛto bhogaḥ pāpaṃ prasahya jāyate || 24 ||
[Analyze grammar]

prasannabhāvanājanyaṃ karma santoṣakārakam |
adrohaṃ naiva pāpāya puṇyaṃ santoṣadaṃ tu tat || 25 ||
[Analyze grammar]

kṛṣṇe samarpaṇaṃ sarvaṃ niṣkāmaṃ mokṣadaṃ tu tat |
tasmād dharmaḥ sadā kāryaḥ kāryaṃ mokṣapradaṃ vratam || 26 ||
[Analyze grammar]

parātmahiṃsanaṃ tvanyadrohastathā'nyanindanam |
anyāpaharaṇaṃ tadvadudvejanaṃ parātmanām || 27 ||
[Analyze grammar]

etatpāpapradaṃ proktaṃ tadanyatpuṇyakṛtparam |
teṣāṃ phalaṃ yathāyogyaṃ dehi dharmabhṛtāṃ vara || 28 ||
[Analyze grammar]

yāhītyukvā ca pāṇibhyāṃ mṛḍaḥ pasparśa taṃ vṛṣam |
sūryaputraḥ punaḥ prāha he nātha prārthayāmyaham || 29 ||
[Analyze grammar]

he śaṃbho kīraḍimbhānāṃ matpuraḥprāptajanmanām |
amīṣāṃ pitṛhīnānāṃ śukī mātā mṛtiṃ gatā || 30 ||
[Analyze grammar]

śukaḥ śyenena sahasā bhakṣitaśca tato mayā |
rakṣitānāmanāthānāmitihāsakathāvidām || 31 ||
[Analyze grammar]

varado bhava deveśetyuktvā maunaparo'bhavat |
atha śaṃbhuḥ śukānāha ko varo bhavatāṃ kṛte || 32 ||
[Analyze grammar]

deyo mayeti saṃśrutvā śukaśāvā jagustu tam |
pakṣiṇāmapi deveśa darśanaṃ te mahaddhanam || 33 ||
[Analyze grammar]

etattapasviyogena janmāntarasahasrajām |
kathāṃ vidmo vayaṃ nātha smarāmo devakoṭiṣu || 34 ||
[Analyze grammar]

daityeṣu bhogiṣu niśācareṣu kinnareṣu ca |
vidyādhreṣu gandharveṣu manuṣyeṣu jaleṣu ca || 35 ||
[Analyze grammar]

sthaleṣvapi vaneṣvapi vivareṣu bhuvo'ntare |
yācitṛṣu ca dātṛṣu rakṣakeṣu ca ghātiṣu || 36 ||
[Analyze grammar]

sukhiteṣu duḥkhiteṣu mūrkheṣu paṇḍiteṣu ca |
svāmiṣu sevakeṣvanyabhūtātmakeṣu śākhiṣu || 37 ||
[Analyze grammar]

janmāni tatprakāryāṇi smarāmo'sya prabhāvataḥ |
ito yonestato yonau tato yonestato'nyataḥ || 38 ||
[Analyze grammar]

pinākin kvāpi na prāpi sukhaleśo manāgapi |
idānīṃ tvāṃ samīkṣyaiva kṛtakṛtyā babhūvima || 39 ||
[Analyze grammar]

athāpi cedbhaved deyaṃ varadānaṃ kṛpā tava |
dehi jñānaṃ yena muktā bhavāmo bhavabandhanāt || 40 ||
[Analyze grammar]

karāmalakavat sarvaṃ brahmāṇḍagolakādikam |
asmadvāggocare'styeva dharmasānnidhyasevanāt || 41 ||
[Analyze grammar]

dharmarājasya tapasā jātāḥ smo jñānabhājanam |
śrutveti kīrabālānāṃ tānuvāca śivāpatiḥ || 42 ||
[Analyze grammar]

kāśyāmānandavanake dharmapīṭhe mama gṛham |
mokṣalakṣmīvilāsākhyaṃ maṇiratnādinirmitam || 43 ||
[Analyze grammar]

patattriṇo'pi mucyante yatkurvāṇāḥ pradakṣiṇam |
bindumādhavarūpeṇa dharmanade vasāmyaham || 44 ||
[Analyze grammar]

naye pañcanadasnātān tadviṣṇoḥ paramaṃ padam |
dharmapīṭhe bālakīrā yūyaṃ vai jñānabhājanam || 45 ||
[Analyze grammar]

jātāḥ stha tat pragṛhṇīdhvaṃ manuṃ vai vaiṣṇavaṃ param |
oṃ namaḥ śrīkṛṣṇanārāyaṇāya pataye namaḥ || 46 ||
[Analyze grammar]

gṛhṇīdhvaṃ tulasīmālāṃ japatā'nvahamacyutam |
dehānte divyayānena gantāstho'cyutadhāma yat || 47 ||
[Analyze grammar]

ityuktvā ca kīrān kṛtvā vaiṣṇavān bhagavān haraḥ |
antardhānaṃ jagāmā'tha dharmakṣetre ca te kīrāḥ || 48 ||
[Analyze grammar]

bhajante śrīkṛṣṇanārāyaṇaṃ rādhāpatiṃ prabhum |
lakṣmīnārāyaṇasaṃhitākathāṃ vācayanti ca || 49 ||
[Analyze grammar]

nityaṃ kalpāntarakathāḥ śrāvayanti janān śukāḥ |
kāmarūpadharā vijñā vidvāṃso vai dvijottamāḥ || 50 ||
[Analyze grammar]

evaṃ kṛṣṇapātivratyaparāste hyabhavan sadā |
kṛṣṇapūjāṃ kṛṣṇakathāṃ cakrurnityaṃ vihaṃgamāḥ || 51 ||
[Analyze grammar]

tatraikadā samāyātā paulomī vratakāminī |
manorathavrataṃ cakre tatāpa paramaṃ tapaḥ || 52 ||
[Analyze grammar]

nityaṃ tāṃ śrāvayantyete kathāṃ pāpapraṇāśinīm |
lakṣmīnārāyaṇasaṃhitātmikāṃ mokṣadāyinīm || 53 ||
[Analyze grammar]

kathāṃ śrutvā śacī bhaktyā''rcayat kṛṣṇanarāyaṇam |
upacāraiḥ ṣoḍaśabhirdharmakṣetre nadītaṭe || 54 ||
[Analyze grammar]

pañcanade pūjayitvā śivaṃ viśveśvaraṃ vibhum |
śacī nityaṃ pūjayati karoti nartanaṃ tathā || 55 ||
[Analyze grammar]

gītena sarahasyena kalakaṇṭhīkalena ca |
tadgānenātisantuṣṭo haraḥ sākṣād babhūva ha || 56 ||
[Analyze grammar]

uvāca tvaṃ varaṃ brūhi prasanno'smi pulomaje |
śacī prāha prasannaścenmanorathaṃ prapūraya || 57 ||
[Analyze grammar]

sarvadeveṣu yo mānyaḥ sarvadeveṣu sundaraḥ |
yāyajūkeṣu sarveṣu yaḥ śreṣṭhaḥ so'stu me patiḥ || 58 ||
[Analyze grammar]

yathābhilaṣitaṃ rūpaṃ yathābhilaṣitaṃ sukham |
yathābhilaṣitaṃ cāyuḥ prasanno dehi me bhava || 59 ||
[Analyze grammar]

yadā yadā tu patyā me saṅgaḥ syāt sukhavāñcchayā |
tadā tadā tu taddehaṃ tyaktvā'nyadehamāpnuyām || 60 ||
[Analyze grammar]

bharturvyaye'pi vaidhavyaṃ kṣaṇamātraṃ na me bhavet |
pātivratyaṃ śāśvataṃ me patināśe'pi cā'stu vai || 61 ||
[Analyze grammar]

itivṛṇomi bhagavannakhaṇḍitasubhāgyatām |
etacchrutvā mahādevo jahāsa samuvāca tām || 62 ||
[Analyze grammar]

kuru vrataṃ manorathatṛtīyāyāḥ śubhe śuci |
tena vratena cīrṇena mahāsaubhāgyadena tu || 63 ||
[Analyze grammar]

avaśyaṃ bhavitā ceṣṭastava caivaṃ manorathaḥ |
pūjyā viśvabhujā gaurī bhujaviṃśatiśālinī || 64 ||
[Analyze grammar]

varado'bhavahastaśca sākṣasūtraḥ samodakaḥ |
devyāḥ purastād vratinyā pūjya āśāvināyakaḥ || 65 ||
[Analyze grammar]

caitraśukladvitīyāyāṃ gṛhṇīyānniyamaṃ śubham |
brahmacaryaṃ bhūśayanaṃ prātarutthāya vai śuci || 66 ||
[Analyze grammar]

aśokavṛkṣasya śubhaṃ kuryādvai dantadhāvanam |
anyat sarvaṃ nityakarma vidhāya snānamācaret || 67 ||
[Analyze grammar]

kṛṣṇanārāyaṇāṃśaṃ taṃ gaṇeśaṃ samapūjya ca |
ghṛtapūrān vinivedya gaurīpūjāṃ samācaret || 68 ||
[Analyze grammar]

aśokakusumaiḥ śreṣṭhairaśokavartidhūpanaiḥ |
dīpairnaivedyakairnānāvidhaiḥ saṃbhojayet satīm || 69 ||
[Analyze grammar]

evaṃ kuṃkumaśobhāḍhyā hyekabhuktaṃ vrataṃ caret |
evaṃ caitratṛtīyāyāmārabhya phālgunāvadhim || 70 ||
[Analyze grammar]

dvādaśatṛtīyānāṃ vai vrataṃ manorathapradam |
yathālabdhopacārairvai pavitraiḥ pracared vratam || 71 ||
[Analyze grammar]

vratasampūrtaye kuryāt sthaṇḍile'gnisamarcanam |
śatamaṣṭādhikaṃ homaṃ tilā'jyādibhirācaret || 72 ||
[Analyze grammar]

sadaiva nakte pūjoktā sadā nakte tu bhojanam |
nakta eva hi homo'yaṃ nakta eva kṣamāpanam || 73 ||
[Analyze grammar]

namo'stu te viśvabhuje pūrayā''śu manorathān |
nama āśāgaṇeśāya mama dehi manoratham || 74 ||
[Analyze grammar]

ācāryaṃ pūjayed dānaṃ dadyāt yathābalaṃ vratī |
dadyāt payasvinīṃ gāṃ ca vratasya paripūrtaye || 75 ||
[Analyze grammar]

prātaścaturthyāṃ caturo bhojayitvā kumārakān |
yadvā dvādaśa saṃpūjya satībuddhyā kumārikāḥ || 76 ||
[Analyze grammar]

dadyād dānāni vidhinā vratametat sunirmalam |
patnīṃ manoramāṃ kulyāṃ manovṛttyanusāriṇīm || 77 ||
[Analyze grammar]

tāriṇīṃ duḥkhasaṃsārasāgarasya pativratām |
kurvannetadvrataṃ varṣaṃ kumāraṃ prāpnuyāt sphuṭam || 78 ||
[Analyze grammar]

kumārī patimāpnoti svāḍhyaṃ sarvaguṇādhikam |
suvāsinī labhetputrān patyuḥ saukhyamakhaṇḍitam || 79 ||
[Analyze grammar]

durbhagā subhagā syācca daridrā syāddhanānvitā |
vidhavāpi na vaidhavyaṃ punarāpnoti kutracit || 80 ||
[Analyze grammar]

gurviṇī tu śubhaṃ putraṃ labhate sucirāyuṣam |
yo yo manoratho yasya taṃ taṃ dhruvaṃ sa vindati || 81 ||
[Analyze grammar]

vrataṃ kṛṣṇaṃ vinā caindri naiva siddhyati sarvathā |
tasmād gṛhāṇa mantraṃ śrīkṛṣṇanārāyaṇasya vai || 82 ||
[Analyze grammar]

vaiṣṇavī bhava cendrāṇi tataḥ siddhimavāpsyasi |
avaiṣṇavakṛtaṃ vyarthaṃ vrataṃ dānaṃ japastapaḥ || 83 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
japaṃ kuru sadā tanvi gṛhāṇa tulasīsrajam || 84 ||
[Analyze grammar]

kaṇṭhe dhāraya vṛndāyā mālāṃ binduṃ lalāṭake |
hṛdaye śrīkṛṣṇanārāyaṇaṃ svasvāminaṃ patim || 85 ||
[Analyze grammar]

evaṃ kṛtvā vraja gehaṃ kuru vrataṃ phalaṃ bhavet |
arundhatyā vasiṣṭho'pi labdho'triranasūyayā || 86 ||
[Analyze grammar]

sunītyottānapādācca dhruvaḥ prāpto'ṅgajottamaḥ |
sunīterdurbhagatvaṃ tu punarasmād vratād gatam || 87 ||
[Analyze grammar]

caturbhujaḥ patiḥ prāptaḥ kṣīrābdhikanyayā tathā |
tasmād vrataṃ prakartavyaṃ vaiṣṇavyā tattathā kuru || 88 ||
[Analyze grammar]

ityuktā sā śacī jātā vaiṣṇavī prayayau gṛham |
vrataṃ kṛtavatī sādhvī kṛṣṇapativratānvitā || 89 ||
[Analyze grammar]

brahmacaryaparā tvekabhuktavatī hi vatsaram |
bhūśayānā saniyamā vratānte cendrakāmyayā || 90 ||
[Analyze grammar]

udvāhitā surendreṇa kṛtā kalpāyuṣī satī |
yathā yathā'bhilaṣitaṃ tathā tasyā hyabhūt phalam || 91 ||
[Analyze grammar]

iti te kathitaṃ lakṣmi vratasya phalanaṃ śubham |
kīrabālāḥ śacī ceti vaiṣṇavāḥ kalpanāśane || 92 ||
[Analyze grammar]

yayurgolokadhāmābhidhyeya kṛṣṇapadāmbujam |
paṭhanācchravaṇāccāsya bhuktirmuktiḥ subhāgyatā || 92 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne sūryaputrasya tapasā dharmarājatvaṃ kīrabālānāṃ sārvajñyaṃ paulomyā indrapatnītvaṃ teṣāṃ vaiṣṇavatvaṃ tato muktiḥ manorathavrataṃ cetyādinirūpaṇanāmā trisaptatyadhikacatuśśatatamo'dhyāyaḥ || 473 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 473

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: