Chapter 472

śrīnārāyaṇa uvāca |
śṛṇu lakṣmi tathā tvanyāṃ kathāṃ pārāvatībhavām |
devālaye nivasantyāḥ pārāvatyāstu bhartari || 1 ||
[Analyze grammar]

pātivratyena dharmeṇa sevayā toṣaṇena ca |
devadevaprasādena bhuktirmuktirbabhūvatuḥ || 2 ||
[Analyze grammar]

nāmnā rathantare kalpe trilocanasya mandire |
pīṭhe vīrajake kṣetre ratnasātau suśobhite || 3 ||
[Analyze grammar]

dedīpyamānasauvarṇakalaśaiḥ saṃvirājite |
śṛṃge pārāvatadvandvaṃ vasati sma kṛtālayam || 4 ||
[Analyze grammar]

prātaḥ sāyaṃ ca madhyāhne kurvānnityaṃ pradakṣiṇām |
uḍḍīyamānaṃ paritaḥ pakṣavātairitastataḥ || 5 ||
[Analyze grammar]

rajaḥ prāsādasaṃlagnaṃ dūrīkaroti sarvadā |
trilocaneti satataṃ nāma kṛṣṇanarāyaṇam || 6 ||
[Analyze grammar]

bhaktairudāhṛtaṃ tābhyāṃ tayoḥ kaṇā'tithīkṛtam |
maṃgalārātrikaṃ tayorbhaktiṃ vardhayati dhruvam || 7 ||
[Analyze grammar]

divā bhaktajanākīrṇaṃ prāsādaṃ parito'nvaham |
taṇḍulādi carantau tau prakurvāte pradakṣiṇam || 8 ||
[Analyze grammar]

prāsādikajalaṃ tā ca pibataḥ sma nalāgatam |
tayoritthaṃ vicaratormahādevasamīpataḥ || 9 ||
[Analyze grammar]

agād bahutithiḥ kālo dvijayoḥ sādhuceṣṭayoḥ |
atha devālayaskandhe gavākṣāntargatau kvacit || 10 ||
[Analyze grammar]

śyeno dṛṣṭvā'patad vegāt pārāvātajighṛkṣukaḥ |
uḍḍīya tau gatāvantardevālayaṃ rirakṣayā || 11 ||
[Analyze grammar]

śyeno vilokayāmāsa tatra tayorvinirgamam |
kathaṃ yugapadetau me grāhyau syātāmacintayat || 12 ||
[Analyze grammar]

sāyaṃ śyeno yayau sthānāntaraṃ labdhau na tau yataḥ |
atha pārāvatī dakṣā patisevāparāyaṇā || 13 ||
[Analyze grammar]

kālaṃ pakṣiṇaṃ saṃlakṣya prāha pārāvataṃ patim |
priya pārāvata prājña śyenaḥ sa prabalo ripuḥ || 14 ||
[Analyze grammar]

bhakṣayiṣyati nau nātha yāvaḥ sthānāntaraṃ prabho |
vidhavātvaṃ vidhuratvaṃ yadvā dvayorvināśanam || 15 ||
[Analyze grammar]

śyenena cet kṛtaṃ syādvai mahāpattimayaṃ bhavet |
patnīvrataṃ tava svāmin mama svāmivrataṃ tathā || 16 ||
[Analyze grammar]

vilupyeta paro lokaḥ pratibadhyeta tena vai |
iti śrutvā kalaravyāḥ sādhvyā prāha patistu tām || 17 ||
[Analyze grammar]

durgātmamandire sādhvi nāsti cintā harāśraye |
vastavyaṃ tvadyadivasāt sunipūṇatayā priye || 18 ||
[Analyze grammar]

durgastho nābhibhūyetā'balo'pi kenacit kvacit |
mandiraṃ durgarūpaṃ vai vartate tatra kiṃ bhayam || 19 ||
[Analyze grammar]

naitādṛśaṃ vai lapsyeta svāśrayaṃ susthalāntaram |
iti pārāvatavākyaṃ śrutvā pārāvatī tadā || 20 ||
[Analyze grammar]

maunamālambya tatraiva patyuḥ pādārpitekṣaṇā |
hitavartmopadiśyā'pi priyapriyacikīrṣayā || 21 ||
[Analyze grammar]

sādhvyā joṣaṃ samāstheyaṃ kāryaṃ patyurvacaḥ sadā |
anyedyurapyathā'yātaḥ śyeno'paśyat sa dampatīm || 22 ||
[Analyze grammar]

aparicchinnayā dṛṣṭyā prāsādaṃ parito bhraman |
anādhṛṣyau śṛṃgamadhye sthitau matvā yayau hi saḥ || 23 ||
[Analyze grammar]

gate'tha nabhasi śyene punaḥ pārāvatī patim |
provāca preyasī nātha dṛṣṭo duṣṭo vighātakaḥ || 24 ||
[Analyze grammar]

avaśyaṃ sa kadācidvai nau vighnaṃ hi kariṣyati |
tasmāt sthānāntaraṃ nātha gantavyaṃ sukhadaṃ bhavet || 25 ||
[Analyze grammar]

tasyā vākyaṃ samākarṇya punaḥ kalaravo'bravīt |
kiṃ kariṣyatyasau mugdhe durge svargasamaṃ hi nau || 26 ||
[Analyze grammar]

yatra tasya praveśo na na jānāti praveśikām |
devasaudhāntare vāso yogakṣemakaraḥ priye || 27 ||
[Analyze grammar]

yadi daivādgagane'pi bhavedākasmiko'bhigaḥ |
tathāpi vedmi tā gatīryā na vetti mamā'hitaḥ || 28 ||
[Analyze grammar]

praḍīnoḍḍīnasaṇḍīnakāṇḍavyāḍakapāṭikāḥ |
sraṃsanīmaṇḍalavatī gatayo'ṣṭāvudāhṛtāḥ || 29 ||
[Analyze grammar]

bhramaṇaṃ recanaṃ syandamūrdhvayānaṃ ca vakratā |
patanaṃ mūrchanaṃ baddhaṃ gatayo'ṣṭau tathā'parāḥ || 30 ||
[Analyze grammar]

sarvā jānāmi me tatra kauśalyaṃ sarvathā priye |
yathā tathā'mbare nāsti pakṣiṇo'nyasya matsamam || 31 ||
[Analyze grammar]

sukhena tiṣṭha kā cintā mayi jīvati te priye |
itipatyurvacaḥ śrutvā sā sthitā mūkavat satī || 32 ||
[Analyze grammar]

aparedyurapi śyenastatra padmaśilopari |
kiyantaṃ kālamāsādyopaviṣṭo'tiprahṛṣṭahṛt || 33 ||
[Analyze grammar]

mārgaṃ tvantaḥpraveśasya bhramitvā samalokya ca |
punaryayau vyomamārgaṃ dṛṣṭvā tvantaḥsthitau tu tau || 34 ||
[Analyze grammar]

atha bhītā satī pārāvatī prāha punaḥ patim |
priya sthānamidaṃ tyājyaṃ śatrudṛṣṭividūṣitam || 35 ||
[Analyze grammar]

asau krūro'tivelaṃ vai samāyāti jighṛkṣayā |
śrutvā priyāvacaḥ prāha kiṃ kariṣyatyasau priye || 36 ||
[Analyze grammar]

yoṣitāṃ tu nisargo'yaṃ prāyaśo bhīruvṛttitā |
athetaredyurapi sa śyenaḥ prāpto jighṛkṣayā || 37 ||
[Analyze grammar]

yayorabhimukhastatra sthito yāmadvayāvadhim |
punarvilokya tau śīghraṃ yayau tataśca sā''ha tam || 38 ||
[Analyze grammar]

nātha sthānāntaraṃ yāvo mṛtyurnau nikaṭo'tra yat |
gatiste'bhihitā naikavidhā'tra kiṃ tavā''grahaḥ || 39 ||
[Analyze grammar]

yatra kvāpi nivatsyāvaḥ siddhirudyogasanmukhā |
sopasargaṃ nijaṃ deśaṃ yo na tyajati mānavaḥ || 40 ||
[Analyze grammar]

sa paṃgurnāśamāpnoti balyapi daivavarjitaḥ |
priyoditaṃ khago naiva mene bhāvidaśārditaḥ || 41 ||
[Analyze grammar]

prāha mā bhaiḥ khagāt sādhvi sthānaṃ naitādṛśaṃ param |
athā'parasminnahani sa śyenaḥ prātareva tu || 42 ||
[Analyze grammar]

tanmārgadeśamāsādya sāyaṃ yāvat sthito balaḥ |
sūryāste tu khage yāte prāha pārāvatī patim || 43 ||
[Analyze grammar]

nātha nirgamanasyā'yaṃ kālo'stīdaṃ gṛhaṃ tyaja |
tyaktvā māmapi niryāhi paścād yogyaṃ bhaviṣyati || 44 ||
[Analyze grammar]

tvayi jīvati duṣprāpyaṃ na kiñcijjagatītale |
punardārāḥ punarmitraṃ punarvasu punargṛham || 45 ||
[Analyze grammar]

ātmā ced rakṣitaḥ puṃsā dārairapi dhanairapi |
priyo bandhurayamātmā rakṣaṇīyo mahaddhanam || 46 ||
[Analyze grammar]

dharmārthakāmamokṣāṇāmayamātmā'rjakaḥ paraḥ |
yāvadātmani vai kṣemaṃ tāvat kṣemaṃ jagattraye || 47 ||
[Analyze grammar]

ataḥ kṣemakaraṃ vākyaṃ mamaśrutvā nayānvitam |
ito'nyatra vraja svāminnanyathā māṃ smariṣyasi || 48 ||
[Analyze grammar]

ityukto'pi sa vai patnyā patisevāsumedhayā |
na niryayau tataḥ sthānād bhavitryā prativāritaḥ || 49 ||
[Analyze grammar]

athoṣasi samāyātaḥ śyenaḥ prāha prasahya tam |
āgaccha sthānato bāhye tvadya bhakṣyo bhaviṣyasi || 50 ||
[Analyze grammar]

yadvā kṣudhitaścāhaṃ vai svārthī kaṣṭaṃ na paśyati |
āgacchāmi gṛhāntaste priye vā mārayāmi vā || 51 ||
[Analyze grammar]

ityuktvā'ntaḥpraviśyaiva śyenena caraṇena saḥ |
dhṛtaḥ khagastataścatrcvā balinā sā dhṛtā khagī || 52 ||
[Analyze grammar]

ākrośaṃ cakratustau vai na vai kenāpi rakṣitau |
śyenastaṃ bhakṣituṃ sthānaṃ nirvighnaṃ cintayanmuhuḥ || 53 ||
[Analyze grammar]

vyomni saṃbhramaṇaṃ cakre tāvat khagyā sumedhayā |
kathitaṃ nātha vacanaṃ tvantimaṃ me'nuvartaya || 54 ||
[Analyze grammar]

cañcvā tvātmavimuktyai tvamareḥ pādaṃ dṛḍhaṃ daśa |
ityādiṣṭaścakāraivaṃ śyenaḥ pīḍāṃ jagāma ha || 55 ||
[Analyze grammar]

atyatidaṃśitaḥ śyenaścitkārān kṛtavāṃstadā |
pārāvatī mukhāttasya niḥsṛtā kalayā balāt || 56 ||
[Analyze grammar]

sāpi pṛṣṭa muhuścañcvā padbhyāṃ jaghāna ghātakam |
tena pārāvataścāpi muktastvākulitena vai || 57 ||
[Analyze grammar]

ubhābhyāṃ mūrchitaḥ śyeno vipadyavi samudyamāt |
durbale'pyudyamavati phalaṃ bhāgyaṃ dadāti vai || 58 ||
[Analyze grammar]

praśaṃsantyudyamaṃ tasmāt sarvāvasthāsu rāgiṇaḥ |
atha tau kṣatamāpannāvapi bhāgyavaśāt khalu || 59 ||
[Analyze grammar]

jīvavantau sarayvāśca nadyāstaṭe manohare |
ciraṃ sāketanagare sthitvā mṛtyumupāgatau || 60 ||
[Analyze grammar]

pakṣī tatrā'bhavad vidyādharo mandāradāmajaḥ |
anekavidyānilayo nāmnā parimalālayaḥ || 61 ||
[Analyze grammar]

kaumāraṃ vaya āsādya śivabhaktiparo'bhavat |
niyamaṃ cātijagrāha brahmacaryaparāyaṇaḥ || 62 ||
[Analyze grammar]

ekapatnīvrataṃ śreṣṭhaṃ cariṣyāmi ṛtusthitam |
yāvajjīvaṃ mahādevamanarcyā'śnāmi nāṇvapi || 63 ||
[Analyze grammar]

evaṃ karoti nityaṃ sa niyamaṃ tvatha sā khagī |
ratnāvalīti nāmnā'bhūnnāgakanyā satīvṛṣā || 64 ||
[Analyze grammar]

kāmarūpadharā nityaṃ sāketāraṇyavāsinī |
tasyāḥ sakhīdvayaṃ tvāsīt prabhāvatī kalāvatī || 65 ||
[Analyze grammar]

surūpe yauvanaṃ prāpte kāmarūpadhare śubhe |
ratnāvalī yuvatyapi jagrāha niyamaṃ satī || 66 ||
[Analyze grammar]

śaṃbhuṃ prātaḥ saṭā dṛṣṭvā maunaṃ tyakṣyāmi nānyathā |
dine dine tu sā naikavarṇagandhasupuṣpakaiḥ || 67 ||
[Analyze grammar]

mālācandanadīpādyaiḥ pūjayitvā haraṃ tataḥ |
tisro'pi gītaṃ gāyanti lasadgāndhārasundaram || 68 ||
[Analyze grammar]

rāsamaṇḍalabhedaiśca lāsyaṃ tisro'pi kurvate |
vīṇāveṇumṛdaṃgāṃśca layatālavicakṣaṇāḥ || 69 ||
[Analyze grammar]

vādayanti mudā yuktāstisro nāgakumārikāḥ |
vicitragandhamālābhiḥ sammārjanavilepanaiḥ || 70 ||
[Analyze grammar]

sevayanti haraṃ nityaṃ nṛtyagītasubhojanaiḥ |
vaiśākhe tvekadā tisrastṛtīyāyāmupoṣitāḥ || 71 ||
[Analyze grammar]

cakrurjāgaraṇaṃ rātrau prātaḥ pūjāṃ pracakrire |
sādhūn saṃbhojayāmāsustato madhyāhnake kṣaṇe || 72 ||
[Analyze grammar]

naivedyaṃ tā dadurmiṃṣṭaṃ jalaṃ ca śaṃkarāya vai |
ārārtrikaṃ pracakruśca puṣpāñjalīn daduryadā || 73 ||
[Analyze grammar]

tāvacchrīśaṃkarastuṣṭaḥ sākṣāt tāsāṃ babhūva ha |
śuddhakarpūragaurāṃgo jaṭāmukuṭamaṇḍalaḥ || 74 ||
[Analyze grammar]

satyadhiśritavāmorurnāgayajñopavītikaḥ |
prasannavadano devaḥ kāmārirmokṣadāyakaḥ || 75 ||
[Analyze grammar]

taṃ vilokya tu tāḥ kanyā babhūvuḥ pulakāṃkitāḥ |
vavandire tuṣṭuvuśca sannakaṇṭhyo'tigadgadam || 76 ||
[Analyze grammar]

jaya śaṃbho jaya bhaktavatsala prajaya prabho |
jaya sādhvīpate paśupate viśvapate jaya || 77 ||
[Analyze grammar]

jaya mokṣapate bhaktapate pāvana śaṃkara |
jayaste'stu namaste'stu namastubhyaṃ namo namaḥ || 78 ||
[Analyze grammar]

ityuktvā daṇḍavat bhūmau praṇipetuḥ kumārikāḥ |
tāḥ samāśliṣya bhagavān samuvāca kṛpānidhiḥ || 79 ||
[Analyze grammar]

suto mandāranāmno yo nāmnā parimalālayaḥ |
patirvidyādharavaro bhavatīnāṃ bhaviṣyati || 80 ||
[Analyze grammar]

ciraṃ vidyādhare loke bhogān bhuktvā samantataḥ |
tato nirvedamāpannā mokṣasiddhimavāpsyatha || 81 ||
[Analyze grammar]

yūyaṃ tisro'pi me bhaktāḥ sa ca vidyādharo mama |
catvaro'pyeta evātra prānte mokṣamavāpsyatha || 82 ||
[Analyze grammar]

janmāntare purā sevā yuṣmābhirvihitā mama |
tenāpi vihitaṃ dāsyaṃ vrataṃ brahmavrataṃ tathā || 83 ||
[Analyze grammar]

tena puṇyena bhagavān kṛṣṇanārāyaṇaḥ svayam |
gururme bhavatīnāṃ ca mokṣadātā bhaviṣyati || 84 ||
[Analyze grammar]

bhavantu ca mahābhāgyavatyaḥ kṛṣṇapativratāḥ |
ahaṃ japāmi sarveśaṃ kṛṣṇanārāyaṇaṃ patim || 85 ||
[Analyze grammar]

bhavatyo'pi bhajantyenaṃ gṛhṇantvasya manuṃ param |
prasādaṃ ca jalaṃ tvetad gṛhṇantvacyutasevitam || 86 ||
[Analyze grammar]

iti kṛtvā harastābhyo dadau manuṃ sumokṣadam |
oṃ namaḥ śrīkṛṣṇanārāyaṇa svāmine namaḥ || 87 ||
[Analyze grammar]

trivāraṃ sampradāyaiva dadau tulasikādalam |
tulasīmālikāṃ cāpi kaṇṭhe kare ca sandadau || 88 ||
[Analyze grammar]

binduṃ dadau lalāṭe'tha candanasya haraḥ svayam |
evaṃ datvātu vidhinā pratimāṃ maṇinirmitām || 89 ||
[Analyze grammar]

prāha svasti sadā cāstvakhaṇḍasaubhāgyamacyute |
vaiṣṇavītvaṃ sadā kṛṣṇe dāsyaṃ pativrataṃ tathā || 90 ||
[Analyze grammar]

ārādhanaṃ tathā kṛṣṇanārāyaṇe'stu sarvadā |
patisevā kṛṣṇasevā vinā bhedaṃ sadā'stu vaḥ || 91 ||
[Analyze grammar]

ityuktvā śirasi datvā karaṃ tvadṛśyatāṃ gataḥ |
tāstu prahṛṣṭahṛdayā gatvā gṛhaṃ jagurmudā || 92 ||
[Analyze grammar]

divyabhāvaṃ samāpannā bhittyādyāvaraṇādibhiḥ |
aniruddhā vyomamārgagatayaḥ kamalā yathā || 93 ||
[Analyze grammar]

pūrvajātismarāḥ satyo brahmacaryaparāyaṇāḥ |
kṛṣṇabhaktiparāḥ śaṃbhorādeśāt sāttvatīmukhāḥ || 94 ||
[Analyze grammar]

jīvanmuktāḥ prasañjātāḥ svatantragatikā iha |
lakṣmi pārāvataḥ pūrve dvijo nārāyaṇāhvayaḥ || 95 ||
[Analyze grammar]

āmuṣyāyaṇaputro'bhūt pitṛśuśrūṣaṇavrataḥ |
sarpadaṃṣṭo mṛtaścātha so'yaṃ pārāvato'bhavat || 96 ||
[Analyze grammar]

cārāyaṇasya putryau dve bhavānī gautamī tathā |
āmuṣyāyanaputrasya patnī nārāyaṇasya te || 97 ||
[Analyze grammar]

vaidhavyaduḥkhamāpanne dainyagraste babhūvatuḥ |
atharṣeḥ kasyacid daivādāśrame paramādbhute || 98 ||
[Analyze grammar]

raṃbhāphalāni saṃgṛhya khādataḥ sma tadā muneḥ |
śāpātte kanyake naṣṭe vānaryau te babhūvatuḥ || 99 ||
[Analyze grammar]

jale patitvā tatyajatuḥ prāṇāṃstīrthottame tataḥ |
te jāte nāgakanye vai devālayāśramāśrayāt || 100 ||
[Analyze grammar]

kṛṣṇadharmapare sādhvyau prabhāvatī kalāvatī |
parimalālayavidyādharapatnyāḥ sakhīdvayam || 101 ||
[Analyze grammar]

pitṛbhyāṃ te premavatyau jñātvā vidyādhare śubhe |
parimalālaye paścāttasmai datte vivāhite || 102 ||
[Analyze grammar]

evaṃ patnītrayaṃ ratnāvalī prabhā kalāvatī |
kṛṣṇanārāyaṇe raktā pātivratyaparāyaṇā || 103 ||
[Analyze grammar]

kṛṣṇanārāyaṇaṃ nityaṃ bhajante sma sukhānvitāḥ |
pūjāṃ japaṃ ca naivedyaṃ stutiṃ nīrājanaṃ kṣamām || 104 ||
[Analyze grammar]

puṣpāṃjaliṃ prakurvanti nityaṃ naimittikotsavān |
kārtike kṛṣṇapakṣe tā aṣṭamyāṃ kṛṣṇapūjanam || 105 ||
[Analyze grammar]

jayantīṃ tā abhipretya kṛṣṇavrataṃ pracakrire |
golokāttu svayaṃ kṛṣṇo rādhāramāprabhāpatiḥ || 106 ||
[Analyze grammar]

ājagāma vimānena netuṃ tāḥ patisaṃyutāḥ |
divyaṃ svaṃ darśanaṃ datvā nītvā vimānakottame || 107 ||
[Analyze grammar]

yayau golokamevāsau muktiṃ dāsyātmikāṃ dadau |
vad lakṣmi na kṛṣṇā'gre bhaktānāṃ bhinnabhāvanā || 108 ||
[Analyze grammar]

yatra kvāpi prasūto'pi bhakto haripadaṃ labhet |
sarve vai bālakāstasya kṛṣṇānārāyaṇasya vai || 109 ||
[Analyze grammar]

taṃ bhajitvā prayāntyeva paramaṃ dhāma śāśvatam |
śrīkṛṣṇasya kathāmetāṃ śrutvā pāpād vimucyate || 110 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pārāvatadampatyau śivamandirāśrayeṇa vidyādharajanma lalabhatuḥ parimalālayavidyādharasya ratnāvalīprabhāvatīkalāvatīpatnītrayam kārtikakṛṣṇāṣṭamīvratena kṛṣṇapātivratyena catvāro'pi te muktiṃ jagmuritinirūpaṇanāmādvāsaptatyadhikacatuśśatatamo'dhyāyaḥ || 472 ||
[Analyze grammar]