Chapter 465

śrīnārāyaṇa uvāca |
śṛṇu lakṣmi mahāsādhvīṃ līlāvatīṃ patipriyām |
kāśīrājadivodāsagṛhiṇīṃ saṃśitavratām || 1 ||
[Analyze grammar]

divodāso'bhavat kṛṣṇapārṣado dhāmavāsakṛt |
bhaktipravartanāyā'tra bhuvi kṛṣṇanideśataḥ || 2 ||
[Analyze grammar]

mānuṣastvabhavadrājā mahābhāgavataḥ priye |
tasya bhaktiḥ sadā kṛṣṇanārāyaṇe tu nirmalā || 2 ||
[Analyze grammar]

āsīnniṣkāmarūpā vai kṛṣṇaprasannatāpradā |
līlāvatī hareḥ patnī dāsī golokavāsinī || 4 ||
[Analyze grammar]

sakhī lakṣmyāḥ sadā pārśvavartinī kṛṣṇakāminī |
kṛṣṇājñayā satī sādhvī surāṣṭreśasutā'bhavat || 5 ||
[Analyze grammar]

tasyā janmani devendrāḥ ṛṣayo munayaḥ striyaḥ |
devyo gandharvavidyādhrā īśāśca manavastathā || 6 ||
[Analyze grammar]

āyayustadgṛhe tvāśīrvādān daduḥ śubhāvahān |
puṣpavṛṣṭiṃ tadā cakrurdevā jaguśca yoṣitaḥ || 7 ||
[Analyze grammar]

nanṛtuścāpsarasastu mahotsavaḥ śubho'bhavat |
jātamātrā'tha sā kanyā caturbhujā kṣaṇaṃ śubhā || 8 ||
[Analyze grammar]

adṛśyata varārohā sundarī kamalā yathā |
kṣaṇāntare'bhavat kanyā jātā sūtakaśāyinī || 9 ||
[Analyze grammar]

atha yogye vayasyasyā vivāhaṃ tvakaronnṛpaḥ |
pṛthivījinmahārājastadā vai viṣṇupārṣadāḥ || 10 ||
[Analyze grammar]

kāśīsthāstu śaṃkarasya sarve koṭigaṇādayaḥ |
samājagmurvivāhe'syā līlāvatyā samantataḥ || 11 ||
[Analyze grammar]

āśīrvādān daduste ca devā devyo'tiharṣitāḥ |
kāśīṃ yayau vimānena divodāsayutā satī || 12 ||
[Analyze grammar]

tadā devaiḥ puṣpavṛṣṭiḥ kṛtā vimānamastake |
dampatī vardhayāmāsuḥ śaṃkarādyāśca vaiṣṇavāḥ || 13 ||
[Analyze grammar]

dampatyoścā'bhavatputraḥ samaraṃjayasaṃjñakaḥ |
tataḥ pañcaśataṃ tvāsītputrāṇāṃ dharmavartinām || 14 ||
[Analyze grammar]

divodāso'pi rājendraḥ kumāraṃ samaraṃjayam |
abhiṣicya mahābuddhiryayau digvijayāya saḥ || 15 ||
[Analyze grammar]

mahāsatīṃ rathe nītvā līlāvatīṃ pativratām |
dākṣiṇātyānnṛpān jigye līlāvatyāḥ prabhāvataḥ || 16 ||
[Analyze grammar]

prāgjyotiṣāṃ nṛpān jigye himaparvatabhūbhṛtaḥ |
uttarasthānpaścimasthān jitvā kāśīmagāddhi saḥ || 17 ||
[Analyze grammar]

prāsādaṃ kārayāmāsa svardhūnyāḥ paścime taṭe |
ripūn pramathya samare yāvatī śrīrupārjitā || 18 ||
[Analyze grammar]

tāvatyā saha bhūpālo devālayānakārayat |
bhūpālalakṣmīrakhilā yattatra viniyojitā || 19 ||
[Analyze grammar]

tanmadhye śrīkṛṣṇanārāyaṇārcā sthāpitā śubhā |
śaṃbhuśca sthāpitaḥ pārśve brahmā pārśvāntare'pi ca || 20 ||
[Analyze grammar]

anye devāḥ sthāpitāśca rājñā satīpratuṣṭaye |
līlāvatī mahālakṣmīmandiraṃ cāpyacīklṛpat || 21 ||
[Analyze grammar]

līlāvatyāścamatkāraṃ kathayāmi śṛṇu priye |
līlāvatī prage snātvā karoti devapūjanam || 22 ||
[Analyze grammar]

patyuśca pūjanaṃ nityaṃ karotyeva vidhānataḥ |
ekadā cintayāmāsa prathamaṃ kasya pūjanam || 23 ||
[Analyze grammar]

kartavyaṃ yoṣitā pativratayā prātareva tu |
itisaṃśayamāpannā sasmāra kamaleśvaram || 24 ||
[Analyze grammar]

lakṣmīpatiḥ saha lakṣmyā prāyayau prasamujjvalaḥ |
satkṛto vandito devyā pūjitaḥ pṛṣṭa ityapi || 25 ||
[Analyze grammar]

kasya vai pūjanaṃ pūrvaṃ mayā kāryaṃ kṛpānidhe |
bhagavān śrīpreritaśca prāha tūrṇaṃ pativratām || 26 ||
[Analyze grammar]

pātivratyaṃ paro dharmaḥ patyuḥ pūjā viśiṣyate |
patirdvedhā śarīrasya cātmanaśceti sundari || 27 ||
[Analyze grammar]

ubhayasya patiḥ śreṣṭhaḥ pūjyaḥ pūrvaṃ tvayā sati |
līlāvatī prasannā'bhūt parīkṣāmakarot tataḥ || 28 ||
[Analyze grammar]

śarīrasya patiḥ ko'sti cātmanaśca patirhi kaḥ |
ubhayasya patiḥ ko vai tadākarṇaya padmaje || 29 ||
[Analyze grammar]

patirdhātuḥ śarīrasya śarīraṃ pāti rakṣati |
dhātukṣaye kṣayastasya tadrakṣaṇaṃ pativratam || 30 ||
[Analyze grammar]

brahmacaryavrataṃ pativrataṃ narasya yoṣitāḥ |
anena brahmaśīlena pātivratyena padmaje || 31 ||
[Analyze grammar]

brahmalokātparaṃ lokaṃ yānti śīlavratāḥ prajāḥ |
saṃnyāsināṃ yatīnāṃ ca tyāgināṃ brahmacāriṇām || 32 ||
[Analyze grammar]

kanyakānāṃ ca bālānāṃ vṛddhānāṃ narayoṣitām |
yūnāṃ cāpi dhāturakṣā dampatīnāṃ vrataṃ tathā || 33 ||
[Analyze grammar]

niyamena yathā rakṣā yathā'patyajanirbhavet |
vyarthavyayo yathā naiva pātivratyaṃ tu tat sadā || 34 ||
[Analyze grammar]

mokṣadaṃ vaṃśadaṃ svargapradaṃ dehe'pi puṣṭikṛt |
pātivratyaṃ vrataṃ jñeyaṃ dvitīyaṃ cāpi tacchṛṇu || 35 ||
[Analyze grammar]

dehaṃ pāti sadā puṣṭyā yadannaṃ tatpatirbhavet |
annād bhūtāni jāyante jīvantyabhiviśanti tat || 36 ||
[Analyze grammar]

annaṃ brahma vijānīyādupāsyaṃ pañcayajñakaiḥ |
saṃvibhajya pradātavyaṃ cāttavyaṃ ca tataḥ param || 37 ||
[Analyze grammar]

yā nindyādannamevātra devāya prāk samarpayet |
ṛṣibhyaḥ pitṛbhyaścātha gobhyo bhṛtyebhya ityataḥ || 38 ||
[Analyze grammar]

pataye svāmine cāpi tṛptidaṃ brahma cārpayet |
annaṃ patirvrataṃ tasya pātivratyaṃ sadāvratam || 39 ||
[Analyze grammar]

pātivratyaṃ tvannasatraṃ svargo mokṣaśca tena vai |
anne'pi bhakṣate lakṣmi yadi prāṇo na tiṣṭhati || 40 ||
[Analyze grammar]

tadā śavo bhaved dehastasmāt prāṇastṛtīyakaḥ |
patirūpaḥ sadā proktaḥ prāṇavrataṃ samācaret || 41 ||
[Analyze grammar]

vṛddhānāṃ cāpi pūjyānāmāgame svagṛhe sati |
utthātavyaṃ samīpe ca gantavyaṃ tānnamettathā || 42 ||
[Analyze grammar]

anutthāne svayaṃ prāṇaḥ samuttiṣṭhanti vai valāt |
āyuḥkṣayastathā syācca tasmātprāṇān surakṣayet || 43 ||
[Analyze grammar]

vṛddhānāṃ yat sadā mānaṃ prāṇavrataṃ tu tatsmṛtam |
pātivratyaṃ hi patyarthe tatprāṇavratamācaret || 44 ||
[Analyze grammar]

śvaśrūśvaśurayoḥ pitroḥ svāminaśca tapasvinaḥ |
viduṣāṃ tyāgināṃ śreṣṭhajanānāṃ ca guroḥ striyāḥ || 45 ||
[Analyze grammar]

rājñāṃ devasya sādhvīnāṃ guṇināṃ nā'vamānanam |
prāṇavrataṃ hi tatproktaṃ pātivratyaṃ mahattaram || 46 ||
[Analyze grammar]

pālayet tat sadā sādhvī svargo mokṣaśca tatkare |
caturthaṃ tu śṛṇu lakṣmi mānasaṃ hṛdayaṃ sadā || 47 ||
[Analyze grammar]

vāsanākoṭi vikṣiptaṃ kāmakrodhādisaṃbhṛtam |
rāgadveṣabhṛtaṃ nityaṃ lobhamohādyadhiśritam || 48 ||
[Analyze grammar]

sāttvikaṃ cenmanastadvai pāti rakṣati dehinam |
sthāne syāścenmanastasya yaśaḥ sarvatra jāyate || 49 ||
[Analyze grammar]

vicittaṃ cenmanastasya pramattasya kṣayo bhavet |
mano vājī sumārgasthaḥ svargaṃ mokṣaṃ dadāti ca || 50 ||
[Analyze grammar]

sa eva rakṣaṇakartā patiḥ prokto'tra koṭare |
manastasmānnigṛhītaṃ patirūpaṃ prarakṣati || 51 ||
[Analyze grammar]

tadvrataṃ vai pātivratyaṃ rāgadveṣādivarjanam |
māyāyā vāsanāyāśca mithyākāmasya varjanam || 52 ||
[Analyze grammar]

pātivratyaṃ caturthaṃ tanmano brahmasamarcanam |
mano brahma vijānīyādupāsīta manovratam || 53 ||
[Analyze grammar]

pañcamaṃ tu śṛṇu lakṣmi jñānaṃ rakṣati dehinam |
dehasya rakṣaṇaṃ jñānaṃ vijñānaṃ dharmarakṣakam || 54 ||
[Analyze grammar]

arthakāmapradaṃ jñānaṃ vijñānaṃ cātmabodhakam |
vijñānaṃ rakṣakaṃ pāti rakṣatyeva śucaḥsthale || 55 ||
[Analyze grammar]

yāvaddehavatāṃ pātā vijñānaṃ patireva saḥ |
vijñāne naiva rakṣanti tvātmānaṃ prāṇinaḥ priye || 56 ||
[Analyze grammar]

tasmāt patiḥ suvijñānaṃ bālake'pi stanandhaye |
rakṣyaṃ jñānavrataṃ pātivratyaṃ kathāprasaṃgataḥ || 57 ||
[Analyze grammar]

kṛṣṇakathāmṛtāsvādagrahaṇaṃ tatpativratam |
patirdevaḥ patiḥ kṛṣṇaḥ patirjñānaṃ tu śārṅgiṇaḥ || 58 ||
[Analyze grammar]

ārādhanā sadā kāryā devopāstisamanvitā |
pātivratyaṃ vrataṃ taddhi svargamokṣapradaṃ param || 59 ||
[Analyze grammar]

śṛṇu lakṣmi tathā ṣaṣṭhaṃ vrataṃ tvānandasaṃjñakam |
sarve sadā mahāvijñāḥ svalpajñāśca tṛṇādayaḥ || 60 ||
[Analyze grammar]

abhilaṣanti cānandaṃ sukhaṃ snehaṃ pramodanam |
utsavaṃ ca samutsāhaṃ tena jīvanti jantavaḥ || 61 ||
[Analyze grammar]

ānandena tu bhūtāni prajāyante'pi tena te |
jīvantyapi tathā mṛtyuṃ yāntyānandārthameva ca || 62 ||
[Analyze grammar]

tasmātpāti sadā''nando jīvān rakṣati vai patiḥ |
ānandaḥ sa parabrahma vijānīyāt patiṃ param || 63 ||
[Analyze grammar]

ānande tu sadā muktāstiṣṭhanti yogino'pi ca |
ānandaṃ tatparabrahma patiḥ pativrataṃ tu tat || 64 ||
[Analyze grammar]

pātivratyaṃ mahālakṣmi jñātvā tvetat samācaret |
dehasyaite patayo vai kkacidātmani vai manāka || 65 ||
[Analyze grammar]

pañcabhūtātmake dehe kāntātmake ca te sadā |
tiṣṭhantyeva striyāścāpi pātivratyaṃ nijaṃ nijam || 66 ||
[Analyze grammar]

svāminastu tathā patnyāṃ tiṣṭhantyete nije'pi ca |
etad vijñāya vai dharmasvarūpaṃ vratamācaret || 67 ||
[Analyze grammar]

athātmanaḥ śṛṇu lakṣmi pātivratyaṃ vadāmi te |
śravaṇaṃ kīrtanaṃ kṛṣṇasmaraṇaṃ kṛṣṇasevanam || 68 ||
[Analyze grammar]

arcanaṃ vandanaṃ dāsyaṃ sakhyamātmanivedanam |
viśvāso varaṇaṃ nyāsaḥ kārpaṇyaṃ niścalapradhīḥ || 69 ||
[Analyze grammar]

ānukūlyaṃ sadā kṛṣṇe paramātmani mādhave |
sa eva rakṣitā pātā''nandayitā'vitā hariḥ || 70 ||
[Analyze grammar]

tadvrataṃ sarvathā tvātmārpaṇaṃ sarvārpaṇātmakam |
naitādṛśaṃ vrataṃ kiñcit svargadaṃ mokṣadaṃ ca vā || 71 ||
[Analyze grammar]

svargadaṃ sarvakṛccāpi yatra śeṣaṃ na vidyate |
yatra nāsti kṣatiḥ kācid yatra bandho na vidyate || 72 ||
[Analyze grammar]

yatra nāsti vyayaḥ kaścidalābho nāsti vai priye |
etatpativrataṃ kṛtvā'saṃkhyātmāno divaṃ gatāḥ || 73 ||
[Analyze grammar]

yānti yāsyanti vai tvanye narā nāryastathetarāḥ |
ātmā brahma patiḥ so'yaṃ parabrahmavratānvitaḥ || 74 ||
[Analyze grammar]

śāśvatavratavāṃścā'ya pātivratyaparāyaṇaḥ |
ityuktāni sati tubhyaṃ pātivratyāni sarvathā || 75 ||
[Analyze grammar]

līlāvatyai mayoktāni śrutvā sā''ścaryagarvitā |
kṣaṇaṃ dhyātvā viditvaiva kānte vivāhite nije || 76 ||
[Analyze grammar]

dvedhā cakre pātivratyaṃ divodāse satī sadā |
brahmacaryaṃ divodāse prathamaṃ sā pativratam || 77 ||
[Analyze grammar]

annārpaṇaṃ divodāse dvitīyāṃ sā pativratam |
prāṇārpaṇaṃ divodāse tṛtīyaṃ sā pativratam || 78 ||
[Analyze grammar]

mano'rpaṇaṃ divodāse caturthaṃ sā pativratam |
jñānamātraṃ divodāse pañcamaṃ sā pativratam || 79 ||
[Analyze grammar]

ānandaṃ ca divodāse ṣaṣṭhaṃ cāpi pativratam |
pālayitvā satī līlāvatī patimapūjayat || 80 ||
[Analyze grammar]

dehasya pātivratyaṃ vai divodāse tadātmani |
ātmasthe śrīharau svasyātmanaścāpi pativratam || 81 ||
[Analyze grammar]

pālayāmāsa sā sādhvī pūjayāmāsa taṃ patim |
svāmine sā'rpayāmāsopacārān ṣoḍaśāpi hi || 82 ||
[Analyze grammar]

ātmane cārpayāmāsa svātmānaṃ līnabhāvataḥ |
ātmātmani sthitāyāntaryāmiṇe sarvameva sā || 83 ||
[Analyze grammar]

arpayāmāsa bhāvena dadarśa tatra taṃ harim |
divodāse divyarūpaṃ śrīkṛṣṇaṃ parameśvaram || 84 ||
[Analyze grammar]

patyau patiṃ paraṃ dṛṣṭvā pramumoda satī tadā |
sākṣāt kṛṣṇasvarūpaṃ svasvāminyapaśyadañjasā || 85 ||
[Analyze grammar]

bhautikena tu netreṇa divodāsaṃ dadarśa sā |
divyenā''ntaranetreṇa śrīkṛṣṇaṃ taṃ dadarśa sā || 86 ||
[Analyze grammar]

evaṃ prāpya parāṃ divyāṃ dṛṣṭiṃ līlāvatī sadā |
pātivratyena dharmeṇa yogaṃ siddhiṃ ca śāśvatīm || 87 ||
[Analyze grammar]

yogināmapyalabhyāṃ saṃprāpat kṛṣṇaprasādataḥ |
ante'kṣaraṃ padaṃ lebhe tenaiva divyavarṣmaṇā || 88 ||
[Analyze grammar]

sārdhaṃ svasvāminā vaṃśenāpi satprajayā tathā |
iti te kathitaṃ lakṣmi divyaṃ pativrataṃ śubham || 89 ||
[Analyze grammar]

sarvā ātmanivedinyastathā kṛtvā'kṣaraṃ padam |
prāpnuvanti na sandehaḥ kṛṣṇanārāyaṇaṃ patim || 90 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne kāśīnṛpatidivodāsapatnyā līlāvatyā anekavidhadivyapātivratyacamatkāreṇa śrīkṛṣṇanārāyaṇapadadāsyaprāptyādinirūpaṇanāmā pañcaṣaṣṭyadhikacatuśśatatamo'dhyāyaḥ || 465 ||
[Analyze grammar]