Chapter 414

śrīnārāyaṇa uvāca |
śṛṇu lakṣmi kathaṃ kāryaṃ pātivratyaṃ parātmani |
nāradāya hareṇoktaṃ kṛṣṇena śaṃkarāya ca || 1 ||
[Analyze grammar]

brahmaṇe ca sanatkumārāyoktaṃ kathayāmi te |
mayoktaṃ mama bhaktaiśca proktaṃ paramparātmakam || 2 ||
[Analyze grammar]

tvayoktaṃ kambharādevyai punaḥ smṛtvā vadāmi te |
kṛṣṇasyā''tmārpaṇe buddhiḥ kartavyā sevya eva saḥ || 3 ||
[Analyze grammar]

ārādhayet svāmirūpaṃ bhagavantaṃ śriyā saha |
patireva hariḥ strīṇāṃ dāsībhāvena vartayet || 4 ||
[Analyze grammar]

dāsībhāvena yā nārī nārāyaṇaṃ prasevate |
tāritāni tayā naijakulāni tvekaviṃśatiḥ || 5 ||
[Analyze grammar]

sa eva divaso dhanyo dhanyā mātā'tha bāndhavāḥ |
pitā dhanyaḥ patirdhanyo dhanyaṃ sarvaṃ kuṭumbakam || 6 ||
[Analyze grammar]

yayā kṛṣṇaḥ patibuddhyā sevitaḥ parameśvaraḥ |
bahujanmakṛtaṃ pāpaṃ tasyā naśyati sarvathā || 7 ||
[Analyze grammar]

pāvanī jāyate lakṣmīsvarūpā parameśvarī |
śaṃbhuḥ prāha purā pātivratyaṃ satyai pareśvare || 8 ||
[Analyze grammar]

gaṃgādevyā tathoktaṃ ca śrotavyārhaṃ śṛṇu priye |
pātivratyaṃ paraḥsnehaḥ svāminyeva na cāpare || 9 ||
[Analyze grammar]

patyau snehaḥ striyāḥ kṛṣṇanārāyaṇātmake tathā |
sati tvayā yathā dhyātaḥ śaṃkaro'haṃ patistava || 10 ||
[Analyze grammar]

tathā mayā harirdhyātaḥ sarvāvasthāsu sundari |
sa eva rakṣakaḥ poṣṭā patireva śarīriṇām || 11 ||
[Analyze grammar]

satyaṃ patitvaṃ kṛṣṇe ca vartate dehadhāriṇām |
tṛṣāturo yathaivā'mbhastathā kṛṣṇaṃ smarāmyaham || 12 ||
[Analyze grammar]

himākulaḥ smaratyagniṃ tathā kṛṣṇaṃ smarāmyaham |
pativratā patiṃ yadvat tathā smarāmi mādhavam || 13 ||
[Analyze grammar]

dūrasthastu yathā gehaṃ cātako jaladaṃ yathā |
brahmavidyāṃ brahmavidastathā kṛṣṇaṃ smarāmyaham || 14 ||
[Analyze grammar]

haṃsā mānasamicchanti ṛṣayo mānase harim |
bhaktā bhaktiṃ yathecchanti tathā kṛṣṇaṃ smarāmyaham || 15 ||
[Analyze grammar]

vaiṣṇavāśca yathā śuddhiṃ paśavaśca yathā tṛṇam |
santaḥ kṣamāṃ yathecchanti tathā kṛṣṇaṃ smarāmyaham || 16 ||
[Analyze grammar]

vyasanī vyasane sakto dehe sakto hyanātmavit |
satṛṣṇaścāyuṣi saktastadvat smarāmi keśavam || 17 ||
[Analyze grammar]

ṣaṭpadāstu yathā puṣpaṃ cakravākāḥ prabhākaram |
ātmapriyā priyaṃ yadvat tathā vibhuṃ smarāmyaham || 18 ||
[Analyze grammar]

tamaḥsthā dīpamicchanti śramārtāḥ śāntimityapi |
nidrāṃ jāgaritā yadvat tathā kṛṣṇaṃ smarāmyaham || 19 ||
[Analyze grammar]

vidyāmālasyahīnāśca gajā āraṇyakīṃ sthalīm |
siṃhā mṛgādikaṃ yadvat tathā kṛṣṇaṃ smarāmyaham || 20 ||
[Analyze grammar]

sūryakānte raviyogāt kārpāse tvanalo yathā |
candrakānte candrayogād yathā vāri prajāyate || 21 ||
[Analyze grammar]

kumudvatī yathā somaṃ dṛṣṭvā puṣpairvikāśate |
evaṃ satīprasaṃgena tathā kṛṣṇaḥ prakāśate || 22 ||
[Analyze grammar]

yathā nālīgatā rātrau bhramarī rakṣakaṃ smaret |
yadvā nālīgatā prāṇāṃstyaktvā nirvāṇatāṃ vrajet || 23 ||
[Analyze grammar]

tathā sādhvīgatā dāsī kṛṣṇaṃ saṃrakṣakaṃ smaret |
gopībhirjārabuddhyaiva kṛṣṇaḥ smṛto hi sarvathā || 24 ||
[Analyze grammar]

tāśca sāyujyatāṃ prāptāstathā kṛṣṇaṃ smarāmyaham |
kā'pi vai duṣṭabhāvena chadmabhāvena kā'pi ca || 25 ||
[Analyze grammar]

kācillobhena vairāgyabhāvenāpi tathā'parā |
snehena bhaktyā dveṣeṇa kāntabhāvena cetarā || 26 ||
[Analyze grammar]

jñānena kācicchrīkṛṣṇaṃ cintayitvā janārdanam |
iha loke sukhaṃ bhuktvā golokaṃ prayayau satī || 27 ||
[Analyze grammar]

yadṛcchayā'pi smaraṇaṃ bhaktāyā muktidāyakam |
ekena pātivratyena samīpe dṛśyate kṣaṇāt || 28 ||
[Analyze grammar]

patisnehaṃ vinā patnī patnīsnehaṃ vinā patiḥ |
sānnidhye'pi sthito dūre netrayorañjanaṃ yathā || 29 ||
[Analyze grammar]

pātivratyamayī bhaktiḥ prāptā prāpto haristadā |
indrādyairamṛtaṃ prāptaṃ vinā bhaktiṃ tu duḥkhitāḥ || 30 ||
[Analyze grammar]

patibhaktyamṛtaṃ prāpya punarduḥkha na jāyate |
jalaṃ vihāya haṃsāśca dugdhaṃ pibanti netarat || 31 ||
[Analyze grammar]

māyāṃ vihāya satyaśca kṛṣṇaṃ pibanti cakṣuṣā |
vastrapoṭalikā śaktā na syājalasya bandhane || 32 ||
[Analyze grammar]

māyāpoṭalikā na syācchaktā kṛṣṇasya yojane |
patibhaktiṃ vinā nārī kṛṣṇaṃ kāntaṃ samīhate || 33 ||
[Analyze grammar]

kathaṃ cāyāsyati kṛṣṇaḥ pātivratyārpaṇaṃ vinā |
patibhaktiḥ kṛṣṇabhaktiḥ kāryā nāryā sadā svataḥ || 34 ||
[Analyze grammar]

bāhubhyāṃ sāgaraṃ yadvat tartuṃ mūḍhā'bhivāñcchati |
saṃsārasāgaraṃ tadvat kṛṣṇa patiṃ vinecchati || 35 ||
[Analyze grammar]

daridrasya yathā svarṇe spṛhā'sti me harau tathā |
kāmodbhede yathā nāryāṃ kṛṣṇe me'sti tathā spṛhā || 36 ||
[Analyze grammar]

vahniḥ svalpo'pyaraṇyāni dahati nityavardhitaḥ |
kṛṣṇe pātivratyabhāvo reṇumātramapi kṛtaḥ || 37 ||
[Analyze grammar]

janmāntarasahasrā'ghā'calān karoti bhasmasāt |
kṛṣṇaḥ patiḥ patiḥ kṛṣṇa iti smṛtvā patiṃ bhajet || 38 ||
[Analyze grammar]

strīśataiḥ śrūyate pātivratyaṃ satāṃ prasaṃgataḥ |
strīsahasrairbudhyate ca kadācinnahi pālyate || 39 ||
[Analyze grammar]

buddhiṃ parāsāṃ dāsyanti loke naikavidhāḥ striyaḥ |
svayamācarate sā tu nārī koṭiṣu dṛśyate || 40 ||
[Analyze grammar]

sāgare tu yathā potaḥ kūpe droṇopaveśanam |
tathā yādṛg bhavetpātraṃ tathā dharmaḥ prakāśate || 41 ||
[Analyze grammar]

mūle siktaṃ jalaṃ vṛkṣe patraśākhāsu gacchati |
puṣpaṃ phalaṃ tathā bījaṃ krameṇaiva bhavantyapi || 42 ||
[Analyze grammar]

tathā patyuḥ kṛtā sevā putrapautrādivardhinī |
svargadā mokṣadā cāpi bhavatyeva na saṃśayaḥ || 43 ||
[Analyze grammar]

pānīyahāriṇī yadvad ghaṭe kūpe pade kare |
cittaṃ dadāti svasyāṃ ca tathā patyau harāvapi || 44 ||
[Analyze grammar]

bālā guḍaṃ prabhuktvā ca mātaraṃ yācate punaḥ |
satī patiṃ prabhuktvā ca śrīkṛṣṇaṃ yācate tathā || 45 ||
[Analyze grammar]

nīre nīraṃ yathā miśraṃ dugdhe dugdhaṃ ghṛte ghṛtam |
patyau kṛṣṇastathā miśraḥ satyā draṣṭavya eva saḥ || 46 ||
[Analyze grammar]

sūryaḥ sarvagato yadvat prabhayā kiraṇena ca |
vahniḥ sarvagato yadvat pākena jāṭhareṇa ca || 47 ||
[Analyze grammar]

kṛṣṇanārāyaṇaḥ svāmī tathā patyātmako hariḥ |
sarva gatosti deveśi patibhaktiṃ tathā caret || 48 ||
[Analyze grammar]

grāvāṇo jalamadhyasthā lipyante na jalairmanāk |
pātivratyaparā nāryo lipyante nā'nyadehiṣu || 49 ||
[Analyze grammar]

somakāntirhi sukhadā patikāntastathā sukhaḥ |
phalaṃ pakvaṃ sadā miṣṭaṃ kṛṣṇastathā patiḥ striyāḥ || 50 ||
[Analyze grammar]

darduro vasati nīre ṣaṭpado hi vanāntare |
gandhaṃ vetti kumudvatyāḥ ṣaṭpado nahi darduraḥ || 51 ||
[Analyze grammar]

gaṃgātaṭe vasantyeke hyeke ca śatayojanam |
kaścid gaṃgāphalaṃ vetti tathā kṛṣṇapativratā || 52 ||
[Analyze grammar]

karpūrā'gurubhāraṃ ca hyuṣṭro vahati nityaśaḥ |
madhyagandhaṃ na jānāti nā''nandaṃ vetti tanmayam || 53 ||
[Analyze grammar]

tathā bhāravahā patnī pātivratyaṃ vinā kvacit |
patyuḥ kṛṣṇasya ca gandhaṃ hyānandaṃ vetti naiva ha || 54 ||
[Analyze grammar]

mṛgāḥ śālaṃ hi jighranti kastūrīgandhamicchavaḥ |
svanābhisthaṃ na jānanti pātivratyaṃ vinā striyaḥ || 55 ||
[Analyze grammar]

upadeśo hi mūrkhāṇāṃ viparītaguṇo bhavet |
bhāgyahīnastriyāstadvat patyādeśo viṣaṃ bhavet || 56 ||
[Analyze grammar]

ahipītaṃ payaḥ kṣveḍaṃ viṣayogena jāyate |
pātivratyavarjitāyāḥ patirviṣāyate tathā || 57 ||
[Analyze grammar]

pātivratyopadeśo'pi viṣāyate tatholbaṇaḥ |
cakṣurvinā yathā dīpaṃ yathā ca darpaṇaṃ ghaṭam || 58 ||
[Analyze grammar]

na paśyati tathā bhāvaṃ vinā kṛṣṇaṃ na paśyati |
pāvako dhūmatāmrābhaḥ ādarśaḥ śvāsasaṃhataḥ || 59 ||
[Analyze grammar]

tadvat premavihīnātmā nekṣate taṃ malairhataḥ |
yatholbenā''vṛto garbhastathā patyau hariḥ sthitaḥ || 60 ||
[Analyze grammar]

dugdhe sarpiḥ sthitaṃ yadvat tile tailaṃ sadā sthitam |
carācare sthitaḥ kṛṣṇaḥ patyau sthitaśca taṃ bhavet || 61 ||
[Analyze grammar]

ekasūtre maṇigaṇā dhāryante bahuvo yathā |
evaṃ narāstathā nāryaḥ saṃprotāḥ śrīnarāyaṇe || 62 ||
[Analyze grammar]

yathā kāṣṭhe sthito vahnistajjñātrā labhyate śramāt |
tathā patyau sthito viṣṇustajjñātryā labhyate'rcanāt || 63 ||
[Analyze grammar]

ādirmahān harirdīpastena dīpāḥ sṛjīśvarāḥ |
sūryādayastathā dīpā mūlaṃ dīpaṃ tamāśrayet || 64 ||
[Analyze grammar]

sarvardāpaḥ svāmidīpastatra kṛṣṇaṃ pradīpayet |
yathā sūryodaye jyotiḥ sarvatrā''viśate svataḥ || 65 ||
[Analyze grammar]

tathā kṛṣṇodaye patyau jyotiḥ svasyāḥ prakāśate |
pavanaḥ sarvadā gandhaṃ vahatyeva svabhāvataḥ || 66 ||
[Analyze grammar]

premagandhaṃ vahatyeva patikṛṣṇanarāyaṇaḥ |
śarkarāviṣamiśraṃ ca jalaṃ bhavati yādṛśam || 67 ||
[Analyze grammar]

bhāvanārasamiśraśca patirbhavati tādṛśaḥ |
urvī bījayutā nānāvṛkṣarūpā prajāyate || 68 ||
[Analyze grammar]

jalaṃ yathā ca bījena svarasāḍhyaṃ vidhīyate |
tathā bhāvarasopetaḥ patiḥ kṛṣṇaḥ prajāyate || 69 ||
[Analyze grammar]

evaṃ patyau tu yā lakṣmi śrīkṛṣṇaṃ māṃ prapaśyati |
tāmahaṃ lakṣmi kamalāṃ karomi nijabhāminīm || 70 ||
[Analyze grammar]

evaṃ māṃ vetti yā patyau sā bhaktā me pativratā |
eko'haṃ bahudhā cā'smi sarvāsāṃ patimūrtikaḥ || 71 ||
[Analyze grammar]

nāmarūpe mayā datte patirūpe sthitena vai |
bhānunā cedhate cakṣurna svargamātradarśanāt || 72 ||
[Analyze grammar]

tathā kṛṣṇena vijñānaṃ sadā snehaśca vardhate |
na ca kṛṣṇaṃ vinā sneho vardhate patinā priye || 73 ||
[Analyze grammar]

paramātmā tathā cā'haṃ pratidehaṃ striyāṃ nare |
ghaṭe ghaṭe'smi taṃ māṃ vai prapaśyet sā prativratā || 74 ||
[Analyze grammar]

yathā kāṣṭhādikaṃ sarvaṃ nārāyaṇena śaktimat |
tathā patyādikaṃ sarvaṃ mayā kṛṣṇena śaktimat || 75 ||
[Analyze grammar]

hemno rūpāṇi jāyante svarṇakārakṛteryathā |
patyuḥ rūpāṇi putrādyā jāyante kṛṣṇavāsataḥ || 76 ||
[Analyze grammar]

patyātmani yadā nā'haṃ tadā''nando viṣāyate |
meghaiḥ samāvṛtaṃ sūryaṃ mūḍhā manute niṣprabham || 77 ||
[Analyze grammar]

tathā bhāvaṃ vinā patnī patiṃ jānāti māṃ vinā |
sāttvikī mama saṃbhūtiryā sā nārī pativratā || 78 ||
[Analyze grammar]

sā māṃ patiṃ vijānāti patirūpaṃ haripriyā |
karmamūḍhā na jānāti kāmamātrā'valambanā || 79 ||
[Analyze grammar]

avidyayā tu yā mūḍhā kathaṃ māṃ kalpayed dhiyā |
karmajaḍā nāstivādā patiṃ paśyati svāmiva || 80 ||
[Analyze grammar]

patnyā bhāvyaṃ na vai hastidantavat kintu hastavat |
patinā vyomavannaiva bhāvyaṃ tu chatravat || 81 ||
[Analyze grammar]

dvābhyāṃ parasparaṃ bhāvyaṃ bhāvyaṃ jaladugdhādivat sadā |
tāpyamānayostāpena parasparasahāyakṛt || 82 ||
[Analyze grammar]

yadā sevāraso jñātastadā patyau hariḥ svayam |
prāpnotyasmin bhave lakṣmi sevayā sulabho hi saḥ || 83 ||
[Analyze grammar]

hṛdbhāvaiḥ prāpyate jñeyaṃ paraṃbrahma nijādiṣu |
sarveṣāmeva bhāvānāṃ bhāvaśuddhirviśiṣyate || 84 ||
[Analyze grammar]

spṛśyante bhaginīputrīmātṛbālānyayoṣitaḥ |
drāsīkāntāsevikādyā yathābhāvastathāphalam || 85 ||
[Analyze grammar]

spṛśyante bandhuputrā'rimitraputrasakhādayaḥ |
pativipraguruśreṣṭhā yathābhāvastathāphalam || 86 ||
[Analyze grammar]

kānto nārāyaṇamūrtiḥ kāntā ca pratimā ramā |
bhāvaśuddhyā tatra lakṣmīnārāyaṇo hyavāpyate || 87 ||
[Analyze grammar]

pāṣāṇapratimā yadvad bhāvaśuddhyā prapūjyate |
kāntamūrtau tathā kṛṣṇanārāyaṇaḥ prasevyate || 88 ||
[Analyze grammar]

āliṃgyate yathā kāntā yathā bhāvastathā phalam |
upānadyuktapādā hi vetti carmaṇvatīṃ mahīm || 89 ||
[Analyze grammar]

buddhiryathāvidhā yasyāstathā vyaktiḥ prabhāvyate |
prakṛtiṃ yānti vai buddhyā vikṛtiṃ yānti bhāvataḥ || 90 ||
[Analyze grammar]

dugdhena sikto nimbo vai kaṭubhāvaṃ na tu tyajet |
lavaṇena yadi siktastadā prāṇān parityajet || 91 ||
[Analyze grammar]

pākena tu phalaṃ tatra miṣṭabhāvaṃ yathā vrajet |
tathā māyāsvabhāvena patiḥ saṃsāramarpayet || 92 ||
[Analyze grammar]

vairāgyakṣārabhāvena saṃsāraṃ dūrayet sadā |
kṛṣṇatāpakṛtapākāt patiścāmṛtamarpayet || 93 ||
[Analyze grammar]

chitvā vai sahakāraṃ tu phale patraṃ kathaṃ labhet |
hitvā kṛṣṇaṃ svāmini sve satī phalaṃ kathaṃ labhet || 94 ||
[Analyze grammar]

arkabhūmikṛṣeḥ svarṇalāṅgalaṃ vai kathaṃ kriyāt |
chitvā karpūravaṃśādīn kodravān rakṣayet kutaḥ || 95 ||
[Analyze grammar]

kṛṣṇaṃ hitvā patiṃ tyaktvā mānuṣaṃ vyarthayet kutaḥ |
sthālyāṃ vaidūryamayyāṃ vai dahyate'jāgalaḥ kutaḥ || 96 ||
[Analyze grammar]

gṛhasthaṃ śevadhiṃ tyaktvā śuktisevāṃ kathaṃ caret |
patisthaṃ śrīhariṃ tyaktvā vṛthā'nyatra kathaṃ bhramet || 97 ||
[Analyze grammar]

gṛhe cintāmaṇiṃ tyaktvā kapardikāṃ kathaṃ śrayet |
patyau kṛṣṇasvarūpe vai bhāvyate kṣudratā kutaḥ || 98 ||
[Analyze grammar]

narasiṃhārcanaṃ tyaktvā śunaḥ sevāṃ kathaṃ caret |
tyaktvā kāntaṃ ramākāntaṃ hyantakānte kathaṃ ramet || 99 ||
[Analyze grammar]

svakare kaṃkaṇe prāye hyāpaṇe kiṃ prayojanam |
lakṣmīryasya gṛhe dāsī prabhutvaṃ kinnu varṇyate || 100 ||
[Analyze grammar]

sa śrīkṛṣṇaḥ svāmināthe sadā''ste'nyatra mā vrajet |
niḥśarīrasya kṛṣṇasya tatra dhyānaṃ kathaṃ caret || 101 ||
[Analyze grammar]

sākāraṃ kāntarūpaṃ taṃ dhyātvā paraṃ padaṃ vrajet |
iti patyau sadā kṛṣṇanārāyaṇaṃ satī smaret || 102 ||
[Analyze grammar]

kṛṣṇasmṛtipramodena romāñcitatanuryadā |
nayanānandasalilaṃ muktirdāsī bhavet tadā || 103 ||
[Analyze grammar]

vāṇyāḥ pāpaṃ kartanādvai mānasaṃ smaraṇāllayam |
karmaṇā'ghaṃ kṛṣṇapūjāsevanādyairvinaśyati || 104 ||
[Analyze grammar]

patidharmaṃ parityajya tapo ghoraṃ na vai caret |
patisevātmako dharmaḥ śreyān paravṛṣe bhayam || 105 ||
[Analyze grammar]

kṛṣṇakāntāśramaṃ tyaktvā yatyāśramaṃ kathaṃ caret |
patidravyeṇa saṃkrītvā kṛṣṇakāntaṃ pratoṣayet || 106 ||
[Analyze grammar]

śuklaṃ dravyaṃ bhāvarūpaṃ dadyād dāne dvije harau |
śraddhādravyaṃ snehapūrṇaṃ dadyātpatyau vivāhite || 107 ||
[Analyze grammar]

yaddānena mahatpuṇyaṃ yatsaṃkhyā na hi vidyate |
nānyadravyeṇa rantavyaṃ rantavyaṃ patiśārṅgiṇi || 108 ||
[Analyze grammar]

evamācāravatyā vai duḥkhaṃ naiva prajāyate |
yadi syānna ca tattāpaḥ kartavyaḥ prākkṛtaṃ hi tat || 109 ||
[Analyze grammar]

rajjubaddhā hi paśavaḥ karmabaddhāstathā prajāḥ |
patikṛṣṇaparā bhūtvā chindyāt tadbandhanaṃ mudā || 110 ||
[Analyze grammar]

śākhāmṛgo vane yāti satṛṣṇaśca drume drume |
śākhāmṛgī pure yāti satṛṣṇā ced gṛhe gṛhe || 111 ||
[Analyze grammar]

sā tṛṣṇā svapatiśrīmannārāyāge kṛtā yadi |
nityā'mṛtarasapānaṃ kṛtvā satī sukhaṃ labhet || 112 ||
[Analyze grammar]

krīḍārthaṃ kanduko yadvat tadvad deho'sti khelanam |
tena santoṣayet kṛṣṇaṃ patisvarūpiṇaṃ satī || 113 ||
[Analyze grammar]

pūrveṇa karmaṇā jīva nīyante bahuyoniṣu |
devāḥ karmavaśāḥ svarge baddhā ṛṣayaḥ satyake || 114 ||
[Analyze grammar]

śaṃbhudehasthitaścāpi sarpo viṣī hi karmaṇā |
sūryarathe'ruṇaḥ paṅguḥ karmayonirbalīyasī || 115 ||
[Analyze grammar]

karmādhīnaṃ jagatsarvaṃ viṣṇunā nirmitaṃ mayā |
mama nāmnā sevayā ca sarvaṃ karma vinaśyati || 116 ||
[Analyze grammar]

jalaṃ caikaṃ devadattaṃ kalaśasthaṃ tathā'param |
devā'rpitād bhavenmuktistathā mayyarpaṇāt priye || 117 ||
[Analyze grammar]

ahaṃ patnī patiścāyaṃ lakṣmīnārāyaṇāśritau |
iti matvā kriyāt sarvārpaṇaṃ śrīkeśavārpaṇam || 118 ||
[Analyze grammar]

ahaṃkāro harau kāryaḥ kartavyaṃ ca samarpaṇam |
pūrvakarma prabhoktavyaṃ kṛṣṇārpaṇaṃ na lipyate || 119 ||
[Analyze grammar]

praśaṃsanti grahān pretān piśācān mantramoṣadhim |
siddhiṃ parākramaṃ buddhimudyamaṃ sāhasaṃ balam || 120 ||
[Analyze grammar]

nītiṃ dhairyaṃ tathā rekhāṃ praśaṃsanti pare'pare |
patiṃ dharmaṃ hariṃ dharmaṃ praśaṃsati na mauḍhyataḥ || 121 ||
[Analyze grammar]

patnīvrataṃ vṛṣaṃ śīlaṃ bhaktiṃ śaṃsanti naiva ca |
nāśrayanti tathā mauḍhyād vañcitāste gṛhe śaṭhaiḥ || 122 ||
[Analyze grammar]

yadā kṛṣṇamayo jantuḥ pāpaṃ tadā na vidyate |
puṇyaṃ sukhaṃ bhaved yacca kṛṣṇe patyau samarpayet || 123 ||
[Analyze grammar]

samayogaṃ tadā dvandvaṃ tadā''nandapadaṃ labhet |
bāhye karoti karmāṇi manasā na spṛhā yadā || 124 ||
[Analyze grammar]

kṛṣṇārpaṇe spṛhā yadvā tyāgaḥ sa uttamaḥ priye |
krodhāt sarvaṃ tyajantyeke kecit kaṣṭāt tyajanti ca || 125 ||
[Analyze grammar]

alabdheśca tyajantyanye tyāgaḥ kṛṣṇe paro mataḥ |
karmaṇā cālitā nārī yadi kṛṣṇaparāyaṇā || 126 ||
[Analyze grammar]

patikarmaparā nityaṃ sā yāti sugatiṃ satī |
śucīnāṃ śrīmatāṃ gehe dhīmatāṃ yogināmapi || 127 ||
[Analyze grammar]

kṛṣṇasevāparā nārī jāyate kanyakā satī |
svalpenaiva patisevāphalena bhaktiyogataḥ || 128 ||
[Analyze grammar]

cidānandapadaṃ yāti mama bhaktyā prasādataḥ |
sarvasamarpaṇenaiva muktiṃ yāti na saṃśayaḥ || 129 ||
[Analyze grammar]

paṃkenaiva yathā paṃkaṃ rudhiraṃ rudhireṇa ca |
hiṃsātmakarmaṇā karma kathaṃ kṣālayituṃ kṣamam || 130 ||
[Analyze grammar]

patinā karmaṇā kṛṣṇaṃ vinā karmakṣayaṃ kutaḥ |
kṛṣṇayuktena patinā sarvakarmakṣayo bhavet || 131 ||
[Analyze grammar]

nityaṃ saukhyaṃ harau prāpyaṃ na svargādau na karmasu |
nityaṃ saukhyaṃ na teṣvasti vinā bhaktyā hareḥ kvacit || 132 ||
[Analyze grammar]

iti lakṣmi sadā kāryā nāryā patyau pativratā |
sukhadā mokṣadā cāpi sākṣyasmi tatra sarvathā || 133 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye patyātmakakṛṣṇe śaṃkaropadiṣṭadivyapātivratyanirūpaṇe caturdaśā'dhikacatuśśatatamo'dhyāyaḥ || 414 ||
[Analyze grammar]