Chapter 409

śrīnārāyaṇa uvāca |
śṛṇu lakṣmi pravakṣyāmi pātivratyaparāyaṇām |
kathāṃ tvāścaryaparamāṃ pūrvayugānusaṃbhavām || 1 ||
[Analyze grammar]

kanyā viśālarājasya vīrā dharmaparāyaṇā |
viśālena kṛte svayaṃvare rājanyaśobhite || re |
karandhamasya putro vai jigye'vīkṣit svayaṃvarām |
atharājanyavargaiḥ sa bahubhirekalo raṇe || 3 ||
[Analyze grammar]

parājitaḥ kumārī sā hutā rājakulaistadā |
śrutvā karandhamo yāyātsainyalakṣasamanvitaḥ || 4 ||
[Analyze grammar]

nṛpān hatvā sutaṃ snuṣāṃ nītvā gṛhaṃ yayau punaḥ |
avīkṣit pitaraṃ prāha kiṃ yaśo me'vaśiṣyate || 9 ||
[Analyze grammar]

nāhametāṃ gṛhīṣyāmi na cānyāṃ yoṣitaṃ pitaḥ |
parairyasyā nirīkṣantyāḥ saṃgrāmehaṃ parājitaḥ || 6 ||
[Analyze grammar]

paraiḥ parājito'haṃ yat kātareyaṃ yathā'balā |
kimatra mānuṣatvaṃ me pāratantrye sthitasya vai || 7 ||
[Analyze grammar]

nārīmiṣeṇa me yaśohānirjātā parairiha |
tasmānnārī na voḍhavyā pāratantryapradāyinī || 8 ||
[Analyze grammar]

ityuktavantaṃ kanyā sā'vīkṣitaṃ prāha sundarī |
bahupārśvasahāyaistu sarve yuddhyanti līlayā || 9 ||
[Analyze grammar]

ekena bahūnāṃ yuddhaṃ śauryavyañjakameva tat |
vikramaste mahān rājan bahubhiḥ saṃparīkṣitaḥ || 10 ||
[Analyze grammar]

ekena saha caikasya yuddhaṃ cet samajāyata |
ete yamamahīmānā vyajāyanteti dhāraye || 11 ||
[Analyze grammar]

ajeyo'yaṃ mahāvīro bahubhirmilitairjitaḥ |
atrārthastu sphuṭo bhāti yuddhe te'pyakhilā jitāḥ || 12 ||
[Analyze grammar]

śauryavikramasaṃyuktamimaṃ sarvamahīkṣitaḥ |
dharmayuddhamadharmeṇa jitavanto'tra kā trapā || 13 ||
[Analyze grammar]

tasmādayaṃ nirmito me nānyo me bhavitā patiḥ |
yadi rājanya cenmāṃ tve na gṛhṇāsi pativratām || 14 ||
[Analyze grammar]

kṛtvā tapaśceha divi tvāṃ sampatsye hi viddhi tat |
varaṃ vṛṇomyahaṃ nātha māṃ bhavānyadi necchati || 15 ||
[Analyze grammar]

tapaso'nyo na me bhartā janmanyasmin bhaviṣyati |
evamukte'pyavīkṣiti nirmanaske vyalokite || 16 ||
[Analyze grammar]

kanyā jagāma tapase vairāgyaṃ paramāsthitā |
nirāhārāstrimāsā vai gatāścāsyā tataḥ punaḥ || 17 ||
[Analyze grammar]

dehatyāgāya sannaddhā jñātvā devāstadantikam |
dūtaṃ saṃpreṣayāmāsurmātyājyo deha āha tām || 18 ||
[Analyze grammar]

tvaṃ bhaviṣyasi kalyāṇi jananī cakravartinaḥ |
putreṇā'rayo hantavyā mlecchā duṣṭāśca dasyavaḥ || 19 ||
[Analyze grammar]

pālanīyaṃ bhūtalaṃ ca dharme sthāpyāstataḥ prajāḥ |
yaṣṭavyaṃ vividhairyajñaiḥ ṣaṭsāhasraiśca saṃkhyayā || 20 ||
[Analyze grammar]

satyaṃ vinā patiṃ putraḥ kathaṃ me syāduvāca sā |
avīkṣitamṛte bhartā nānyo me cātra janmani || 21 ||
[Analyze grammar]

sa ca necchati māṃ vīro bodhito'pi virāgavān |
dūtaḥ prāha vane tiṣṭha dehaṃ poṣaya bhāmini || 22 ||
[Analyze grammar]

tapaḥprabhāvāt sarvaṃ te mano'bhīṣṭaṃ bhaviṣyati |
ityuktvā devadūtaḥ sa yayau dehaṃ pupoṣa sā || 23 ||
[Analyze grammar]

athā'vīkṣitprasūḥ prāha pitā te vṛddhatāṃ gataḥ |
ekastvaṃ tanayo'vīkṣit tyaktadāraparigrahaḥ || 24 ||
[Analyze grammar]

pitari svargate tyayyaputre ca pṛthivīmimām |
tavā'ripakṣaḥ putrātra vaṃśakṣaye prabhokṣyati || 25 ||
[Analyze grammar]

vaṃśakṣaye ca pitaraḥ śrāddhapiṇḍodakakṣayāḥ |
patiṣyanti niraye tat kuru pitrupakāritām || 26 ||
[Analyze grammar]

pautrasya darśaya sukhaṃ haṭhaṃ sarvaṃ parityaja |
naiṣṭhikatāṃ parityaja dāradharmaṃ samācara || 27 ||
[Analyze grammar]

kulanāśe samāpanne pāpāya brahmacāritā |
kuloddhārakaraṃ gṛhavrataṃ śreṣṭhaṃ vipadgṛhe || 28 ||
[Analyze grammar]

ityādimātṛvacanaṃ svīcakāra tathāstviti |
atha yāto vanaṃ tatra mṛgayāmacarad vane || 29 ||
[Analyze grammar]

śuśrāva sahasā śabdaṃ trāhi trāhīti yoṣitaḥ |
mā bhairmā bhairiti vadan rājaputraśca tāṃ yayau || 30 ||
[Analyze grammar]

sā covāca gṛhītā dānavena bhayavihvalā |
karandhamasutasyāhaṃ bhāryā sādhvī hyavīkṣitaḥ || 31 ||
[Analyze grammar]

hriyate rakṣasā paśya tāpasī vanavāsinī |
ityākarṇya tadā'vīkṣit śaravarṣairavākirat || 32 ||
[Analyze grammar]

daṇḍairvṛkṣaiśca pāṣāṇairbhallaiścānyāyudhaistadā |
yuddhaṃ tayorabhūdghoraṃ vīrā vīraṃ samāśritāḥ || 33 ||
[Analyze grammar]

tapobhāgaṃ dadātyasmai vijayārthaṃ jalena vai |
pātivratyaprabhāveṇa satyadārḍhyavṛṣeṇa ca || 34 ||
[Analyze grammar]

avīkṣito'vanaṃ sādhvī karoti samare tadā |
kumāro'pi balaṃ prāptaściccheda daityamastakam || 35 ||
[Analyze grammar]

sā tu hetikṣatadehaṃ siṣeve svāminaṃ satī |
vane prāha tapaḥ sarvaṃ tathā svapne'pi lokitam || 36 ||
[Analyze grammar]

parahyo'haṃ sunidrāyāṃ snātuṃ gaṃgāhradaṃ gatā |
vikṛṣṭā kenacit tatra jalāntarmagnatāṃ gatā || 37 ||
[Analyze grammar]

tato rasātalaṃ nītā tatra nāgāstadaṃganāḥ |
sahasraśastuṣṭuvurmāṃ yayācire surakṣaṇam || 38 ||
[Analyze grammar]

aparādhaṃ kariṣyanti sarpāstava sutasya vai |
kṣantavyaṃ tat nivāryaḥ saḥ prasādaṃ kriyatāmiti || 39 ||
[Analyze grammar]

tatheti ca mayā prokte pūjitā prāpitā vanam |
dṛṣṭo'tra rājaputro'vīvikṣit patiryo hi manmataḥ || 40 ||
[Analyze grammar]

tāvannidrā gatā dṛṣṭaṃ vanaṃ prātaḥ sumaṃgalam |
nīlakaṇṭhaḥ priyāyuktaḥ samāgatya madantike || 41 ||
[Analyze grammar]

prātarnṛtyaṃ cakārātra vāmāṃgaṃ me'sphurattadā |
vāmanitambaguhyādibhāgāścāpyasphuraṃstataḥ || 42 ||
[Analyze grammar]

śukaḥ śukīsametaścāmṛtapakvaphalaṃ tadā |
cañcvā gṛhītvā nyakṣipat madaṃke vyomato bruvan || 43 ||
[Analyze grammar]

gatahyaśca prage śvetahastī dṛṣṭo'tra kānane |
kareṇunā ca kalabhairyuktaḥ kamaladhṛk kare || 44 ||
[Analyze grammar]

mama pāṇiṃ gṛhāṇa tvaṃ tavāsmi nāparasya vai |
ityuktaḥ saḥ prāha bhadraṃ bhavatvevaṃ vidhikṛtam || 45 ||
[Analyze grammar]

tadā patiprāṇayā vai tayā saṃsmārito guruḥ |
tumburustatra cāyāto homaṃ cakre vidhānataḥ || 46 ||
[Analyze grammar]

tasyāḥ pāṇigrahaṃ cakre cāvīkṣit vanamadhyataḥ |
tadā tatra samāyātā devāḥ puṣpāṇi sasṛjuḥ || 47 ||
[Analyze grammar]

sasvanurdivyavādyāni nanṛtuścāpsarogaṇāḥ |
prajagurdevagandharvāḥ prasannā vanadevatāḥ || 48 ||
[Analyze grammar]

upajahrustayostatra munigandharvakinnarāḥ |
bhakṣyānulepanavastrasrakpānādikamuttamam || 49 ||
[Analyze grammar]

sa reme sahitastanvyā sā ca tena hyavīkṣitā |
yayau rājyagṛhe svasya pitrorabhavadutsavaḥ || 50 ||
[Analyze grammar]

dadau dānāni sarvāṇi pautrārthaṃ pitarau tadā |
atha vyomnā yayau bhāryāsahito meruparvatam || 51 ||
[Analyze grammar]

tayā ca ramatastasya bhāminyā saha śobhane |
gandharvaloke vīrasya putraṃ sā suṣuve satī || 52 ||
[Analyze grammar]

babhūva putre sañjāte gandharvāṇāṃ mahotsavaḥ |
jaguḥ kecittathaivānye mṛdaṃgapaṭahānakān || 53 ||
[Analyze grammar]

avādayanta vādyāṃśca veṇuvīṇāmayūrakān |
nanṛtuśca tadutsāhe bahavo'psarasā gaṇāḥ || 54 ||
[Analyze grammar]

puṣpavṛṣṭimuco meghā jagarjurmṛdunisvanāḥ |
dampatībhyāṃ smṛtastatrājagāma tumburuḥ svayam || 55 ||
[Analyze grammar]

atiprasanno manasā jātakarmākarottadā |
cakre svastyayanaṃ tasya bālasya stutipūrvakam || 56 ||
[Analyze grammar]

cakravartī mahāvīryo mahābāhurmahābalaḥ |
svastimān stāt aśeṣāyāḥ kṣiteḥ śāstā satīpatiḥ || 57 ||
[Analyze grammar]

ime śakrādayaḥ sarve lokapālāstatharṣayaḥ |
svasti kurvantu te vīra vīryaṃ cārivināśanam || 58 ||
[Analyze grammar]

maruttava śivāyā'stu vāti pūrvo na yo rajaḥ |
marut te vimalo'kṣīṇo'vaiṣamyāyā'stu dakṣiṇaḥ || 59 ||
[Analyze grammar]

paścimaste marud vīryamuttamaṃ te prayacchatu |
balaṃ yacchatu cotkṛṣṭaṃ marut te ca tathottaraḥ || 60 ||
[Analyze grammar]

iti svastyayane gururabravīt maruttaṃ hi tam |
marutto'yaṃ samabhavat khyātaḥ suto maharṣibhiḥ || 61 ||
[Analyze grammar]

maruttaṃ ca samādāya dampatī svagṛhaṃ gatau |
gandharvadevamunibhiḥ saha rājñaḥ samīpataḥ || 62 ||
[Analyze grammar]

bālaṃ nyasya pitustvaṃ ke natvā vṛttaṃ ca sarvathā |
nivedayāmāsatuśca rājāpi pautradarśanāt || 63 ||
[Analyze grammar]

sabhāgyo'smītyathā''tmānaṃ praśaśaṃsa punaḥ punaḥ |
rājñī cāpi putraputraṃ dṛṣṭvā mumoda harṣitā || 64 ||
[Analyze grammar]

tataḥ pure mahānāsīdānandaḥ pauraveśmasu |
rājāpi vasuratnāni go'laṃkārāndadau tadā || 65 ||
[Analyze grammar]

putraṃ rājye'bhiṣicyaiva sabhāryo vanamāviśat |
tatra varṣasahasraṃ sa tepe vai dāruṇaṃ tapaḥ || 66 ||
[Analyze grammar]

vihāya dehaṃ nṛpatiḥ śakrasyā''pa salokatām |
patnī varṣaśataṃ sthitvā tamevāpa patiṃ divi || 67 ||
[Analyze grammar]

athā'vīkṣit bahūn yajñān iyāja svāptadakṣiṇān |
tasyā'pratihataṃ cakramāsīd dvīpeṣu saptasu || 68 ||
[Analyze grammar]

putrastasya marutto'pi cakre yajñān śatāyutān |
sauvarṇau muñjavānnāma parvataścāhṛtastataḥ || 69 ||
[Analyze grammar]

suvarṇaṃ sarvathā dattaṃ tṛptyā tyaktaṃ ca bhūsuraiḥ |
prāsādādi samastaṃ ca sauvarṇaṃ tasya yatkratau || 70 ||
[Analyze grammar]

viprāṇāṃ pariveṣṭāro devā hyāsaṃśca tanmahe |
yajñabhūmau tadā hyāsan viśve devāḥ sabhāsadaḥ || 71 ||
[Analyze grammar]

sādhyā maruto vasavo rudrā ādityakāstathā |
nidhayaḥ ṛṣayaścāsya karmacārāstadā'bhavan || 72 ||
[Analyze grammar]

ṛtvik tasya tu saṃvarto babhūvāṃ'girasaḥ sutaḥ |
bhrātā vṛhaspatervipro devānāmagraṇīstadā || 73 ||
[Analyze grammar]

athaurvasya ṛṣerāśramottame nāgarāṭ tadā |
upadravaṃ cakārāsya nāśārthaṃ jagṛhe dhanuḥ || 74 ||
[Analyze grammar]

tathā kopānmahadastraṃ saṃvartakaṃ dadhāra ca |
marutto nāgarājānāṃ cakre tena ca mardanam || 75 ||
[Analyze grammar]

samāgacchatpunaḥ svasya rājyaṃ pṛthvyāṃ śaśāsa ca |
tasya mātā satī vīrā pitā'vīkṣit vanaṃ gatau || 76 ||
[Analyze grammar]

svargaṃ prāptau pātivratyapatnīvratasamuddhṛtau |
maruttabhāryā vidarbhatanayā ca prabhāvatī || 77 ||
[Analyze grammar]

suvīraputrī sauvīrī dvitīyā'bhūt subhāminī |
ketuvīryasutā keśī tṛtīyā'bhūt subhāminī || 78 ||
[Analyze grammar]

madrarājasutā cāsīt kekayī tu caturthikā |
sindhurājasutā bhāryāṃ saurandhrī pañcamī hyabhūt || 79 ||
[Analyze grammar]

cedirājasutā cābhūd bhāryā ṣaṣṭhī sulocanā |
tāsāṃ pativratānāṃ tu putrā aṣṭādaśā'bhavan || 80 ||
[Analyze grammar]

teṣāṃ pradhāno jyeṣṭhaśca nariṣyanto nṛpo'bhavat |
ete tu vaiṣṇavāḥ sarve rājñyaḥ satyo'bhavan śubhāḥ || 81 ||
[Analyze grammar]

mahābhāgavato vaṃśaḥ svasvadharmaparāyaṇaḥ |
abhajadbhagavantaṃ śrīkṛṣṇanārāyaṇaṃ harim || 82 ||
[Analyze grammar]

dhanadārā na vai bhuṃkte śrīkṛṣṇārpaṇamantarā |
sarvaṃ svātmārpaṇaṃ cakre śrīkṛṣṇe paramātmani || 83 ||
[Analyze grammar]

kṛṣṇanārāyaṇaṃ devyaḥ patirūpamupasthitam |
matvā sevāṃ prakurvanti patnīrlakṣmīśca te tathā || 84 ||
[Analyze grammar]

evaṃ viṣṇusamāste vai hyāsan pṛthvyāṃ mahīkṣitaḥ |
patnyo lakṣmīsamāṃścāsan vaiṣṇavyo rājayoṣitaḥ || 85 ||
[Analyze grammar]

ekadā'bhūnmahāviṣṇoḥ pūjāyāṃ samaruttakaḥ |
rudrastatra samāyāto dhyānamagne tu rājani || 8 ||
[Analyze grammar]

satyevaṃ na ca saṃprāptaḥ rudraḥ satkāramityataḥ |
cukopā'syātivegena hantuṃ śūlaṃ vicikṣipe || 87 ||
[Analyze grammar]

hṛdaye lagnamevaitad rājño'sūn hṛd vidārya tat |
vijahāra tadā sādhvī vaidarbhī tu prabhāvatī || 88 ||
[Analyze grammar]

haste jalaṃ samagrāhyovāca yadyahamaṃjasā |
ājīvanaṃ patisevākartrī cāsmi pativratā || 89 ||
[Analyze grammar]

tena satyena rudro'yaṃ mṛtiṃ yātu punaḥ punaḥ |
yadi devāḥ pūjitāścātithayaścāpi satkṛtāḥ || 90 ||
[Analyze grammar]

prasāditaḥ patirnityaṃ śūlaṃ dūraṃ śanairbhavet |
yadi śvaśrūśvaśurayoḥ kṛtā sevā suśraddhayā || 91 ||
[Analyze grammar]

prasāditaṃ bhartṛkulaṃ patihṛtsandhitaṃ bhavet |
gṛhadharmaparā nityaṃ patidevā bhavāmi cet || 92 ||
[Analyze grammar]

patnīvrataḥ patirme cet sajīvo bhavatu priyaḥ |
sapatnyaḥ svasṛvannityaṃ mānitāstoṣitā yadi || 93 ||
[Analyze grammar]

mātṛvatpūjitāścāpi duhitṛvatsurakṣitāḥ |
tena puṇyena me pāpaṃ rudranāśānna vai bhavet || 94 ||
[Analyze grammar]

ityuktavatī ca yathā tathā sarvaṃ vyavartata |
hāhākāro mahānāsīd rudranāśo'tiduḥsahaḥ || 95 ||
[Analyze grammar]

maruttena tadā sādhvī cānunītā'ti bhāminī |
rudrasyojjīvanārthaṃ vai tadā śāntā'vadatpatim || 96 ||
[Analyze grammar]

samujjīvaya deveśaṃ nātha rudraṃ tu vaiṣṇavam |
avaiṣṇavāśca ye rudrāste tu kalpe prakalpake || 97 ||
[Analyze grammar]

brahmamālāsamutpannā nāśameṣyanti vai dhruvam |
iti śāpo mama rudre kalpādau tu punaḥ punaḥ || 18 ||
[Analyze grammar]

krūrarudrasamutsarge tān sprakṣyati muhurmuhuḥ |
vaiṣṇavastu mahārudraḥ sthāsyatyeva na saṃśayaḥ || 99 ||
[Analyze grammar]

jalamāmantrya bhasmaiva kurvārdraṃ tata eva saḥ |
marutteśvara īśo'sau samujjīvo bhaviṣyati || 100 ||
[Analyze grammar]

ityukto marutaḥ patnyā gṛhītvā jalameva ca |
yadyahaṃ tvājīvanaṃ vai patnīvrataparāyaṇaḥ || 101 ||
[Analyze grammar]

prajādharmo rājadharmā'cyuto'smi vaiṣṇavaḥ sadā |
bahucchidrakṛto'dharmo yadi spṛṣṭo na māṃ kvacit || 102 ||
[Analyze grammar]

tena puṇyena rudro'yaṃ vaiṣṇavo jīvatāt khalu |
yadi patnī satī bhāryā prabhāvatī yathā mama || 103 ||
[Analyze grammar]

tathā patnyo'parāścāpi pūrṇāḥ pativratāḥ khalu |
ahaṃ tāsāṃ samavartī pakṣapātaṃ na cācaram || 104 ||
[Analyze grammar]

tena puṇyena rudro'yaṃ satriśūlaḥ prajīvatu |
ityuktvā pradadau vāri bhasmani yāvadeva tu || 105 ||
[Analyze grammar]

tāvat saumyo mahārudraḥ sajīvo'bhavadagrataḥ |
vanditaḥ pūjitaḥ so'tha kṣamāpito muhurmuhuḥ || 106 ||
[Analyze grammar]

rudreṇāpi satī sādhvī prabhāvatī prasāditā |
rājā prasāditaścāpi rājñā'rcitaḥ suvanditaḥ || 107 ||
[Analyze grammar]

marutteśvararūpeṇa tasthau tadbhavane haraḥ |
divyarūpeṇa ca yayau kailāsaṃ śaṃkarastadā || 108 ||
[Analyze grammar]

māhātmyaṃ pātivratyasya viveda pārvatīṃ jagau |
iti te kathitaṃ lakṣmi mahāpuṇyapradaṃ vratam || 109 ||
[Analyze grammar]

śravaṇātpaṭhanāccāsya sarvayajñaphalaṃ bhavet |
kathāyāḥ smaraṇāccāpi bhuktimuktiphalaṃ bhavet || 110 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye'vīkṣitnṛpapatnyā vīrāyā maruttasya ca patnyāḥ prabhāvatyāśca pātivratyacamatkāre rākṣasanāśo rudranāśasajīvanate cetyādinirūpaṇanāmā navā'dhikacatuśśatatamo'dhyāyaḥ || 409 ||
[Analyze grammar]