Chapter 406

śrīlakṣmīruvāca |
veṃkaṭādrau mahāpuṇye śrīramākamalāpate |
kathaṃ prādurabhūḥ pūrvaṃ vada me sarvamadbhutam || 1 ||
[Analyze grammar]

śrīnārāyaṇa uvāca |
śṛṇu lakṣmi mahimānaṃ kathayāmi samāsataḥ |
sarveṣāmeva bhūtānāṃ kṛṣṇanārāyaṇo'smi bhūḥ || 2 ||
[Analyze grammar]

goloke'haṃ kṛṣṇanāmā vaikuṇṭhe'haṃ narāyaṇaḥ |
vāsudevo'mṛte dhāmni bhūmā'vyākṛtadhāmani || 3 ||
[Analyze grammar]

akṣare tu pare dhāmni bhavāmi puruṣottamaḥ |
hiraṇyagarbho vairājaḥ sadāśivo bhavāmi ca || 4 ||
[Analyze grammar]

sahasraśīrṣā bhagavān mahāviṣṇurbhavāmi ca |
ekaśīrṣā kṛṣṇanārāyaṇo bhūmau bhavāmyaham || 5 ||
[Analyze grammar]

mama bhāsā jagat sarvaṃ bhāsate bhāskaro'smyaham |
vidyayā mama sṛṣṭirvai vyāprīyate sa cāsmyaham || 6 ||
[Analyze grammar]

sarvahṛtsu sannihito'ntaryāmyahaṃ vasāmi vai |
hariḥ sadāśivo brahmā kāṃbhareyo janārdanaḥ || 7 ||
[Analyze grammar]

ahamevā'smi paryāyāḥ sahasrāṇi bhavanti me |
yadecchāmi śubhaṃ kartuṃ tadā''yāmi bhuvastalam || 8 ||
[Analyze grammar]

sṛjāmi rājasenaitat sattyenāpi vahāmi ca |
harāmi tāmasenaiva nidrayā svapimīti ca || 9 ||
[Analyze grammar]

gatāṃ jalatale bhūmimānetuṃ svecchayā mayā |
rūpaṃ vārāhasadṛśaṃ dhṛtaṃ vai līlayā purā || 10 ||
[Analyze grammar]

kardamabhāvamāpannā mayā daṃṣṭrāgrasiddhibhiḥ |
piṇḍīkṛtyā''hṛtā jalopari saṃsthānahetave || 11 ||
[Analyze grammar]

jalaṃ maryāditaṃ yathā pṛthvīṃ na nāśayettathā |
ādhārārthaṃ diggajāṃśca śeṣaṃ kūrmaṃ nyaveśayam || 12 ||
[Analyze grammar]

mamā''jñayā jagad brahmā yathāpūrvamakalpayat |
kalpe kalpe ca rakṣārthaṃ viharāmi mahītale || 13 ||
[Analyze grammar]

varāharūpadhṛk cāhaṃ prapede veṃkaṭācalam |
svāmipuṣkariṇītīrthe nyavasaṃ brahmaṇā tadā || 14 ||
[Analyze grammar]

prārthito mūlrarūpāya tadā'dṛśyo'bhavaṃ priye |
haihayavaṃśajo rājā śaṃkhanāmā babhūva ha || 15 ||
[Analyze grammar]

vaiṣṇavaḥ paramo bhakto navadhā bhajane'niśam |
lakṣmīnārāyaṇasaṃhitāṃ śṛṇoti sadā nṛpaḥ || 16 ||
[Analyze grammar]

tathā'pyasya na sākṣācchrīkṛṣṇanārāyaṇo'bhavat |
tenā'yaṃ cā'tṛptamanā vicāramakaronmuhuḥ || 17 ||
[Analyze grammar]

kathaṃ nu yāyād bhagavān viṣayaṃ mama netrayoḥ |
evaṃcintayatastasyovāca śrībhagavān hṛdi || 18 ||
[Analyze grammar]

gaccha śrīveṃkaṭādrau tvaṃ bhaja varṣasahasrakam |
adṛśyo dṛśyatāṃ yāsye tava cāgastyakasya ca || 19 ||
[Analyze grammar]

ārādhya māṃ taponiṣṭhau mama darśanamāpsyathaḥ |
śaṃkho vajre sute nyasya rājyaṃ śrīveṃkaṭaṃ yayau || 20 ||
[Analyze grammar]

agastyo'pyāsasādainaṃ śailaṃ muniśatāvṛtaḥ |
pradakṣiṇaṃ cakārainaṃ brahmādidevavāsitam || 21 ||
[Analyze grammar]

devāḥ sarve sanakādyā ṛṣayaśca tapodhanāḥ |
pratīkṣante hareḥ sākṣād darśanaṃ kuṃbhayonivat || 22 ||
[Analyze grammar]

militvā te samājagmuryatra śaṃkho'sti bhaktarāṭ |
suvarṇamukharītīre'paśyaṃste śaṃkhabhūpatim || 23 ||
[Analyze grammar]

āsīnāstatra te sarve saṃbhāvyā'nyonyamutsukāḥ |
govindakīrtanaparāḥ kṛṣṇanārāyaṇātmakāḥ || 24 ||
[Analyze grammar]

tṛtīyaniśithe cānte dadṛśuḥ svapnameva te |
śaṃkhacakragadāpāṇiḥ padminīsahitaḥ prabhuḥ || 25 ||
[Analyze grammar]

varadānāya samprāpta iti te dadṛśurharim |
prātaste puṣkariṇyāṃ vai snātvā tuṣṭuvuracyutam || 26 ||
[Analyze grammar]

jepuraṣṭākṣaraṃ mantraṃ oṃśrīkṛṣṇanarāyaṇaḥ |
teṣāmagre prādurabhūdekaṃ tejo mahādbhutam || 27 ||
[Analyze grammar]

tatra dṛṣṭvā kṛṣṇanārāyaṇaṃ tuṣṭuvurādarāt |
jaya viṣṇo jaya kṛṣṇa jaya śrīkṛṣṇa keśava || 28 ||
[Analyze grammar]

jaya bhūdhara govinda veṃkaṭādrīśa vai jaya |
kṛtārthā nu kṛtāḥ sarve divyadarśanadānataḥ || 29 ||
[Analyze grammar]

sadā'tra bhagavan vāsaṃ kuru bhaktakṛpākara |
suvarṇamukharīṃ cemāṃ kuru trilokapāvanīm || 30 ||
[Analyze grammar]

sadā'sminnāsthitaḥ śaile kāṃkṣitārthaprado bhava |
kṛṣṇanārāyaṇaḥ śrutvā prāha tathāstviti priyam || 31 ||
[Analyze grammar]

tena kṛṣṇena suvarṇamukharī svāśrayā kṛtā |
śailo vaikuṇṭhaśailaśca kṛto vāsena nityadā || 32 ||
[Analyze grammar]

dharmārthakāmamokṣāṇāṃ prado jāto hariḥ priye |
śaṃkhamāha hariḥ kṛṣṇaḥ prīto'smi tava bhaktitaḥ || 33 ||
[Analyze grammar]

ākalpamindralokastho hyapsarogaṇasevitaḥ |
bhuktvā bahuvidhān bhogāṃstato mallokameṣyasi || 34 ||
[Analyze grammar]

evaṃ datvā varaṃ devān nityavāsaṃ pradāya ca |
nārāyaṇaḥ kamaleśastatraivā'ntaradhīyata || 35 ||
[Analyze grammar]

evaṃ saumyavapurbhūtvā kṛṣṇo vasati veṃkaṭe |
nārāyaṇaṃ veṃkaṭādriṃ svāmipuṣkariṇīṃ tathā || 36 ||
[Analyze grammar]

kaṭāhādīni tīrthāni smṛtvā śuddhā bhavanti vai |
lakṣmīśrībhūpadminīśaṃ prāpnuyuḥ puruṣottamam || 37 ||
[Analyze grammar]

śṛṇu lakṣmi purā kācidaṃjanānāmataḥ satī |
putrahīnā tapaḥ kartuṃ samārabdhā'tivaiṣṇavī || 38 ||
[Analyze grammar]

mataṃgākhyo muniḥ kaścit tāmāha tapasi sthitām |
kimicchasi dāruṇena tapasā vada sundari || 39 ||
[Analyze grammar]

aṃjanā''ha pitā me kesarī jñātīyarākṣasaḥ |
tapaścakre śivaṃ smṛtvā putrārthaṃ dāruṇaṃ tapaḥ || 40 ||
[Analyze grammar]

śivāśivau vṛṣabhasthau samāyātau kṛpākarau |
śivaḥ prāha ca te nāsmin janmani putradāyakam || 41 ||
[Analyze grammar]

puṇyaṃ kintu dadāmi tvāṃ putrīṃ lokeṣu viśrutām |
tasyāḥ putreṇa putrītvaṃ manyethāḥ svaṃ sukhī bhava || 42 ||
[Analyze grammar]

iti tasmai varaṃ datvā tatraivāntardadhe haraḥ |
matpitā rākṣasastuṣṭo gṛhaṃ yātastataḥ param || 43 ||
[Analyze grammar]

jajñe'haṃ tasya patnyāṃ ca kāle vivāhitā'bhavam |
kesaryākhyena patinā kiṣkindhākhyamahāpure || 44 ||
[Analyze grammar]

vratāni māghamāsasya kārtikasya vratāni ca |
vaiśākhasya vratānyapi cāturmāsyavratāni ca || 75 ||
[Analyze grammar]

kṛtavatīṃ ca navadhāṃ bhaktiṃ nārāyaṇasya ca |
śālagrāmānnadānāni godānaṃ dīpadānakam || 46 ||
[Analyze grammar]

tiladānaṃ vastradānaṃ bhūdānaṃ vāridānakam |
phalapuṣpapradānaṃ ca satputraphalakāṃkṣayā || 47 ||
[Analyze grammar]

śrāvaṇasya ca yatpuṇyaṃ kṛtavatyapi sarvathā |
putraṃ tathā'pyalabdhvā'haṃ tadarthaṃ tapasi sthitā || 48 ||
[Analyze grammar]

atha tāṃ tāpasīṃ sādhvīṃ mataṃgaḥ prāha putradam |
ito vai dakṣiṇe ghanācalo nṛsiṃhavāsabhūḥ || 49 ||
[Analyze grammar]

daśayojanadūraṃ saḥ tatpūrve daśayojane |
nadī suvarṇamukharī tadudṅ vṛṣabhācalaḥ || 50 ||
[Analyze grammar]

tadagre'sti svāmipuṣkariṇī sarasī śobhanā |
gaccha snāhi vidhānena varāhaṃ paśya keśavam || 51 ||
[Analyze grammar]

veṃkaṭeśaṃ namaskṛtvā viyadgaṃgāṃ prayāhi ca |
vāyumuddiśya ca tapaḥ kuru tatra hi vaiṣṇavi || 52 ||
[Analyze grammar]

itiśrutvā yayau sā vai veṃkaṭādriṃ tapasvinī |
cakre tīrthāni vidhivat tapaścakre'tidāruṇam || 53 ||
[Analyze grammar]

viyadgaṃgātaṭe vāyuḥ prādurāsīttu tatpuraḥ |
uvāca varadānārthaṃ putraṃ dehīti sā'bravīt || 54 ||
[Analyze grammar]

putraste'haṃ bhaviṣyāmītyuktvā cāntardadhe'nilaḥ |
tadā śaṃkaradhātuṃ vai samādāya maharṣayaḥ || 55 ||
[Analyze grammar]

samājagmuśca taṃ vāyuḥ kesarīrūpadhṛk tadā |
jahārā'ñjanīkarṇe taṃ dadau putro'bhavattataḥ || 56 ||
[Analyze grammar]

jātamātro yuvā jātismaro vāyubalātigaḥ |
hanumān so'bhavattasyāstapasvinyāḥ suputrakaḥ || 57 ||
[Analyze grammar]

meṣasūrye caturdaśyāṃ citrānakṣatrayogake |
suvarṇamukharītīre prādurāsā'nilaḥ svayam || 58 ||
[Analyze grammar]

tadātra snānadānādi kṛtaṃ bhavati cā'kṣayam |
annadānaṃ vastradānaṃ svarṇadānaṃ sutārpaṇam || 59 ||
[Analyze grammar]

śālagrāmaśilādānaṃ godānaṃ bhūpradānakam |
prapādānaṃ tiladānaṃ dhānyadānaṃ gṛhārpaṇam || 60 ||
[Analyze grammar]

gandhacampakapuṣpādi chatravyajanacāmaram |
tāmcūlaghanasārādi gṛhopakaraṇāni ca || 61 ||
[Analyze grammar]

yo dadāti janastatra divyavastrasahasrakam |
bhuktvā bhogānanekāṃśca svargaloke'pi bhogavān || 62 ||
[Analyze grammar]

sārvabhaumastato vipro bhūtvā muktiṃ prayāti saḥ |
iti te kathitā lakṣmi veṃkaṭādricamatkṛtiḥ || 63 ||
[Analyze grammar]

śravaṇātpaṭhanāccāsya bhuktirmuktirbhaved dhruvam |
śruṇu tvanyāṃ kathāṃ divyāṃ kṛṣṇanārāyaṇāśritām || 64 ||
[Analyze grammar]

kathayāmi tava prītyā pātivratyaparāyaṇām |
ekadā śrīveṃkaṭādrirmeruṃ gantumacintayat || 65 ||
[Analyze grammar]

uḍḍīya svīyapakṣābhyāṃ yāvadutpatati kṣiteḥ |
tāvajjāto mahān kampo vināśo bahudehinām || 66 ||
[Analyze grammar]

cukruśuḥ prāṇinaḥ sarve varāhaṃ śaraṇaṃ yayuḥ |
mṛtāḥ smo bhagavannasyoḍḍayanena vinā''śrayam || 67 ||
[Analyze grammar]

kuru no rakṣaṇaṃ kṣmeśa yathāvat sthāpaya prabho |
ityarthito varāho vai svayaṃ nārāyaṇaḥ prabhuḥ || 68 ||
[Analyze grammar]

jīvānāśvāsayāmāsa sasmārendraṃ savajrakam |
tāvadupāgataścendro vajramudyamya pakṣahāḥ || 69 ||
[Analyze grammar]

indraṃ dṛṣṭvā veṃkaṭādristatrāsa kampito'bhavat |
jagāma śaraṇaṃ viṣṇorvarāharūpiṇastadā || 70 ||
[Analyze grammar]

tuṣṭāva maraṇād bhītastamāha bhagavān svayam |
yadi kadācinmā yāhi pakṣābhyāṃ vyomamārgataḥ || 71 ||
[Analyze grammar]

tadā rakṣāṃ kariṣyāmi sthiro bhavātra bhūdhara |
ityuktaḥ so'bhavannatvā niṣkampaḥ susthirastadā || 72 ||
[Analyze grammar]

adṛśyo'bhūd varāhaśca mahendraḥ svālayaṃ yayau |
varāhasyāśrayeṇāsya pakṣau nendreṇa kartitau || 73 ||
[Analyze grammar]

athaikadā sa śailastu kalpayāmāsa vai hṛdi |
āgato'haṃ hi golokād vasāmyatra ciraṃ samāḥ || 74 ||
[Analyze grammar]

golokadarśanārthaṃ vai gacchāmi kṛṣṇasannidhau |
iti vicārya sa kṛṣṇajanmāṣṭamyāṃ yaśa kṣitau || 75 ||
[Analyze grammar]

kuśasthalyāṃ hi gomatyāṃ snātuṃ tīrthāni saṃyayuḥ |
ṛṣayaśca gatāḥ sarve nadā nadyaśca devatāḥ || 76 ||
[Analyze grammar]

agastyādaya evaite yayurgomatīsaṃgame |
svaṃ nirjanaṃ tadā dṛṣṭvā gantuṃ mano dadhe tadā || 77 ||
[Analyze grammar]

cakampe pṛthivī tatra jīvā naṣṭāśca kampanāt |
tāvat tatrā'bhavadekā tāpasī nirdhanā satī || 78 ||
[Analyze grammar]

brāhmaṇī brāhmaṇasevāparā nityaṃ prativratā |
nāmnā suvarṇarekhā ca hiraṇyā tatsvasā tathā || 71 ||
[Analyze grammar]

hiraṇyā'bhūnmahāsādhvī kumārikā tapasvinī |
suvarṇarekhā sapatikā patirnāmnā narāyaṇaḥ || 80 ||
[Analyze grammar]

nārāyaṇaṃ dvijaṃ prāha pītvā jalaṃ tu pādayoḥ |
veṃkaṭādriḥ sapakṣo'sti prāguḍḍayane vāritaḥ || 81 ||
[Analyze grammar]

punaruḍḍīyate'smākaṃ mṛtyureva bhaviṣyati |
yadi patyājñayā cainaṃ jaḍīkaromi sarvathā || 82 ||
[Analyze grammar]

tadā śrīveṃkaṭeśādyāḥ kruddhā no duḥkhadāḥ khalu |
bhaviṣyanti tato nātha kartavyaṃ kiṃ vadātra me || 83 ||
[Analyze grammar]

ityuktaḥ saḥ priyāmāha yatheṣṭaṃ kuru bhāmini |
yadi te pātivratyaṃ vai dṛḍhaṃ cāsti janāviha || 84 ||
[Analyze grammar]

sarve parābhavamāptā bhaviṣyanti tadagrataḥ |
mā bhayaṃ kuru sādhvi tvaṃ śikṣāṃ kuru hi parvatam || 85 ||
[Analyze grammar]

iti priyasya vacanaṃ samāsādya satī tadā |
prāha yadyasmi maddharmasaṃsthitā vai pativratā || 86 ||
[Analyze grammar]

tadā parvatarājo'tra tava pakṣau bhuvo'ntare |
jaḍībhūtau sadā stāṃ vai pakṣaśaktiṃ vinākṛtau || 87 ||
[Analyze grammar]

pṛthivyā caikatāṃ prāptau yathā noḍḍayanaṃ punaḥ |
ityuktamātre tau pakṣī jaḍībhūtāvacaṃcalau || 88 ||
[Analyze grammar]

abhavatāṃ śaktihīnā bhuvo'ntaraṃ niveśitau |
veṃkaṭādrirnamratayā yayāce vai kṣamāṃ muhuḥ || 89 ||
[Analyze grammar]

satī prāha sadā cātra nārāyaṇasya me tathā |
vāso na niścitastasmād yāsyāmo raivatācalam || 90 ||
[Analyze grammar]

tvaṃ sadā tiṣṭha niṣkarmā mā bhūḥ caṃcalaparvata |
anyathā te punardevo dhruvaṃ nāśaṃ kariṣyati || 91 ||
[Analyze grammar]

sapakṣastvaṃ sarvadaivaṃ tiṣṭha noḍḍayanaṃ bhavet |
dadāmi pakṣayorjīvaṃ kṛpayā mā śucaḥ punaḥ || 92 ||
[Analyze grammar]

śalabhānāṃ śukānāṃ ca koṭayastava pakṣayoḥ |
bhaviṣyanti saśaktāstā uḍḍayiṣyanti cāmbare || 93 ||
[Analyze grammar]

śādvaleṣu vaneṣvatrā'raṇyeṣu śalabhāḥ śukāḥ |
oṣadhīn bhakṣayitvā te layameṣyanti pakṣayoḥ || 94 ||
[Analyze grammar]

evaṃ te pakṣayoḥ sajīvanatāṃ te dadāmi vai |
ityuktvā veṃkaṭaṃ sthirīkṛtvā nārāyaṇo dvijaḥ || 95 ||
[Analyze grammar]

pativratā svarṇarekhā yayatū raivatācalam |
svarṇarekhā nadīrūpā'bhavannityā pativratā || 96 ||
[Analyze grammar]

nārāyaṇo hradarūpo'bhavannityo'vasad girau |
evaṃ nārāyaṇaḥ svarṇarekhā ceti hi dampatī || 97 ||
[Analyze grammar]

nivāsaṃ cakratustīrtharūpau divyau hi raivate |
yatra dāmodareṇāpi patnīvratena viṣṇunā || 98 ||
[Analyze grammar]

śrāddhaṃ kṛtaṃ parāṃ tṛptiṃ dadatustau hi cetanān |
iti te kathitaṃ lakṣmi camatkāramayaṃ vṛttam || 99 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye veṃkaṭādrāvagastyaśaṃkhadvārā varāhaprādurbhāvaḥ tatra tapasāṃ'janyāṃ hanumatputralābhaḥ veṃkaṭādreḥ pakṣayorjaḍīkaraṇam tvārekhānārāyaṇahṛdayoḥ raivatācale āgamanaṃ cetyādinirūpaṇanāmā ṣaḍadhikacatuḥśatatamo'dhyāyaḥ || 406 ||
[Analyze grammar]