Chapter 403

śrīnārāyaṇa uvāca |
śrīryatrāṃśasvarūpeṇa sītāchāyāsvarūpiṇī |
vedavatī svayaṃ lakṣmīsvarūpā''virbabhūva yā || 1 ||
[Analyze grammar]

tatkṣetrasya sumāhātmyaṃ kena vaktuṃ hi śakyate |
veṃkaṭādrirbrahmadhāmasvarūpo'sti yadāśrayāt || 2 ||
[Analyze grammar]

yatra nārāyaṇaḥ kṛṣṇo rājate vai svayaṃprabhuḥ |
yatra varāhabhagavān sākṣād bhavati vai muhuḥ || 3 ||
[Analyze grammar]

yatra bhaktāśca jāyante vaiṣṇavā lokatārakāḥ |
yadbhūmeḥ kaṃkarakaṇo'pyasya lokasya tārakaḥ || 4 ||
[Analyze grammar]

yadbhūmisthalavāryādya mahāpātakanāśakam |
brahmadhāmapradaṃ sākṣāt kṛṣṇasvāmipradaṃ śubham || 5 ||
[Analyze grammar]

yatra pativratā nāryo vartante muktatāṃ gatāḥ |
vaiṣṇavyaśca mahāsādhvyaḥ svāmisevāparāyaṇāḥ || 6 ||
[Analyze grammar]

patyurbhaktāḥ kṛṣṇanārāyaṇapatnyo hi tā matāḥ |
rādhālakṣmīsamāḥ sarvāḥ pārvatīmāṇikīsamāḥ || 7 ||
[Analyze grammar]

prabhāramāsamā jayāvijayādisamā hi tāḥ |
yaiḥ pūjito ramādyābhiryutaḥ kṛṣṇanārāyaṇaḥ || 8 ||
[Analyze grammar]

taiḥ svargaṃ śāśvataṃ mokṣasthānamāvṛttivarjitam |
prāptameva na sandeho mamānugrahaṇāt priye || 9 ||
[Analyze grammar]

pṛthivyāṃ yāni tīrthāni brahmāṇḍāntargatāni ca |
veṃkaṭādrau vasantyeva tāni kṛṣṇapadāmbuje || 10 ||
[Analyze grammar]

tasya devasya sevārthaṃ munayaśceśvarāstathā |
devāśca ṛṣayaḥ siddhā yogino yatayastathā || 11 ||
[Analyze grammar]

sādhvyaśca sādhavo dhīrā vijñā deveśvarādayaḥ |
sakuṭumbā hi sevārthamāyānti prativāsaram || 12 ||
[Analyze grammar]

brahmaṇā kārtike veṃkaṭeśadhvajamahotsavaḥ |
kṛtastadā satyalokeśvarāścāyānti vatsare || 13 ||
[Analyze grammar]

svāmisarovare tasya dakṣiṇe vaikaṭeśvare |
tadā puṇyaṃ tīrthakṛtaścāsaṃkhyaṃ jāyate priye || 14 ||
[Analyze grammar]

daśavarṣaistu yatpuṇyaṃ kriyate tu kṛte yuge |
tretāyāmekavarṣeṇa tatpuṇyaṃ sādhyate janaiḥ || 15 ||
[Analyze grammar]

dvāpare pañcamāsena kalau tu dinamātrataḥ |
tatphalaṃ koṭiguṇakaṃ śrīnivāsasya darśane || 16 ||
[Analyze grammar]

nimiṣe nimiṣe lakṣmi jāyate nātra saṃśayaḥ |
rajaḥkaṇena ca muktirjāyate kṛṣṇasannidhau || 17 ||
[Analyze grammar]

śrīnivāsaṃ mahādevaṃ veṃkaṭeśaṃ narāyaṇam |
kīrtayanti hṛdā ye te mucyante bhavapaṃjarāt || 18 ||
[Analyze grammar]

kiṃ dānaiḥ kiṃ vratairanyatīrthaistapasā cā'dhvaraiḥ |
kiṃ kāśyā kiṃ ca gayayā prayāgenāpi kiṃ phalam || 19 ||
[Analyze grammar]

kiṃ śaṃbhunā viśvasṛjā kiṃ śakreṇā'marādibhiḥ |
yena nārāyaṇo veṃkaṭeśo dṛṣṭo'tibhaktitaḥ || 20 ||
[Analyze grammar]

veṃkaṭeśvaradevasya bhaktimaṣṭavidhāṃ caret |
tadbhaktajanasatkārapūjādiparitoṣaṇam || 21 ||
[Analyze grammar]

devapūjanasantoṣastadarthaṃ dehaceṣṭitam |
tanmāhātmyakathāśrutiścaritraśravaṇaṃ tathā || 22 ||
[Analyze grammar]

nṛtyapremāñcitabhāvo veṃkaṭadhyānamityapi |
veṃkaṭādrinivāsopajīvanaṃ ceti muktidāḥ || 23 ||
[Analyze grammar]

bhaktirevaṃvidhā bodhyā vedāntaśravaṇaṃ vinā |
veṃkaṭo veṃkaṭeśaśca nārāyaṇasvarūpiṇau || 24 ||
[Analyze grammar]

veṃkaṭaṃ prārthayetpuṇyanārāyaṇapadapradam |
tvāṃ bhavantamahaṃ padbhyāmākrameyaṃ nagottama || 25 ||
[Analyze grammar]

tvanmūrdhani kṛtāvāsaṃ śrīkṛṣṇaṃ darśayasva me |
svāmipuṣkariṇītīrthe snātvā'gre pāpanāśane || 26 ||
[Analyze grammar]

tīrthe tvācamanaṃ kṛtvā snāyāt pāpavināśane |
āsīcchūdrasamācāro brāhmaṇaḥ sumatiḥ purā || 27 ||
[Analyze grammar]

mālinyadoṣabhāvena gṛhīto brahmarakṣasā |
rudan bhraman skhalanmūḍhaḥ pralapanprahasannasau || 28 ||
[Analyze grammar]

śaśvaddhāheti ca vadan medhāṃ puṇyāṃ samatyajat |
tatpitā taṃ veṃkaṭādrau nītvā snānamakārayat || 29 ||
[Analyze grammar]

dinatrayaṃ jalapānaṃ tīrthe pāpavināśane |
tena tasya sutastatra vimukto brahmarakṣasā || 30 ||
[Analyze grammar]

bahukālaṃ sukhī bhūtvā dehānte muktimāptavān |
jalapānaprasaṃgena tīrthena brahmarākṣasaḥ || 31 ||
[Analyze grammar]

api muktiṃ yayau lakṣmi mama yogena tatsthale |
evaṃ cānyo'pi dāridryayukto bhadramatirdvijaḥ || 32 ||
[Analyze grammar]

śāstrajño dhārmikaścāsīt ṣaṭpatnīsevitaḥ khalu |
tatputravaṃśīyāścābhavan kṣudhayā'rditāḥ || 33 ||
[Analyze grammar]

tānpaśyan sa bhadramatirvilalāpā''kulendriyaḥ |
dhigjanma bhāgyarahitaṃ dhanakīrtivivarjitam || 34 ||
[Analyze grammar]

ātithyavarjitaṃ janma dhig jñānācāravarjitam |
yatnasaukhyayaśobandhukhyātyādirahitaṃ ca dhik || 35 ||
[Analyze grammar]

aiśvaryavarjitaṃ bahvapatyavajjanma dhik tathā |
aho guṇāḥ saumyatā ca vidvattā satkulādikam || 36 ||
[Analyze grammar]

dhanahīnasya sarvaitacchreṣṭhamapi na śobhate |
sutā dārāḥ putraputrā bāndhavā bhrātarastathā || 37 ||
[Analyze grammar]

śiṣyā bhṛtyā mātaraśca tyajanti dhanavarjitam |
cāṇḍālo vā yatirvāpi sadhanaḥ pūjyate bhuvi || 38 ||
[Analyze grammar]

kuṇapo gaṇyate riktaḥ saṃbhṛto gaṇyate dhanī |
aguṇo guṇavān mūrkho paṇḍitatvena gaṇyate || 39 ||
[Analyze grammar]

dharmaśūnyaḥ sadharmaśca gaṇyate dhanavān janaiḥ |
tasmād daridratā cāśā duḥkhā duḥkhatarā matāḥ || 40 ||
[Analyze grammar]

āśādāsāḥ sadā kliṣṭā dāsyāśaḥ sukhamedhate |
ākiṃcanyamahāgrāhagrasto mṛtyumukhāntikaḥ || 41 ||
[Analyze grammar]

aho duḥkhaṃ kathaṃ cedṃ tarttavyaṃ mādṛśena vai |
iti cintayatastasya bhāryā kañcanasaṃjñikā || 42 ||
[Analyze grammar]

pativratā mahābhāgyā sarvadā patidevatā |
sarvasādhuguṇairyuktā patiṃ taṃ pratyabhāṣata || 43 ||
[Analyze grammar]

bhagavan sarvadharmajña sarvārtha jñānaśevadhe |
mama kānta sadā pūjya śṛṇu vadāmi tatkuru || 44 ||
[Analyze grammar]

suvarṇamukharītīre pāvano veṃkaṭācalaḥ |
tatra ca paramaṃ tīrthaṃ nāmnā pāpavināśanam || 45 ||
[Analyze grammar]

snānamātreṇa pāpānāṃ dāhakaṃ dhanapuṇyadam |
sarvaduḥkhapraśamanaṃ sarvasampatpradāyakam || 46 ||
[Analyze grammar]

dharmaiśvaryapradaṃ caitannāradaścā'bravītpurā |
bhūmidānaṃ caret tatra sarvakāmaphalapradam || 47 ||
[Analyze grammar]

bhūmidānātparaṃ dānaṃ na bhūtaṃ na bhaviṣyati |
paraṃ nirvāṇamāpnoti bhūmido nātra saṃśayaḥ || 48 ||
[Analyze grammar]

svalpāmapi mahīṃ datvā śrīkṛṣṇāya dvijāya ca |
sādhave cāgnihotrārthaṃ brahmaloke mahīyate || 49 ||
[Analyze grammar]

bhūmidaḥ sarvadaḥ prokto mokṣaṇaṃ tena vai bhavet |
daśahastāṃ mahīṃ datvā sarvapāpaiḥ pramucyate || 50 ||
[Analyze grammar]

satpātre bhūpradātā vai sarvadānaphalaṃ labhet |
ikṣugodhūmakedārapūgakharjūraśobhitā || 91 ||
[Analyze grammar]

mahī pradīyate yena sa bhaved vaiṣṇavo'kṣare |
devārthaṃ bhūpradātā tu mukto bhavati śāśvataḥ || 52 ||
[Analyze grammar]

gaṃgātīre'śvamedhānāṃ phalabhāg droṇabhūpradaḥ |
aśvamedhasahasrāṇāṃ vājapeyaśatātmanām || 53 ||
[Analyze grammar]

gaṃgātīrakṛtānāṃ vai phalabhāg bhārabhūpradaḥ |
iti bhāryāvacaḥ śrutvā tadā bhadramatiryayau || 54 ||
[Analyze grammar]

suśālīnagarīṃ yatra sughoṣaṃ brāhmaṇottamam |
yayāce pṛthivīṃ pañcahastāṃ so'pi dadau mudā || 55 ||
[Analyze grammar]

uvācā'pi kṛtārtho'haṃ saphalaṃ mama janma ca |
matkulaṃ puṇyavajjātaṃ vipro'si yasya yācakaḥ || 56 ||
[Analyze grammar]

pṛthivī vaiṣṇavī puṇyā pṛthivī viṣṇupālitā |
dīyate śubhapātrāya prīyatāṃ me janārdanaḥ || 57 ||
[Analyze grammar]

so'pi bhakto harestāṃ ca gṛhītvā hi vasundharām |
tato yayau veṃkaṭādrau yatra svāmisarovaram || 58 ||
[Analyze grammar]

tatra snātvā tataḥ śvetavārāhaṃ vasudhādharam |
natvā yayau veṃkaṭeśaṃ śrīnivāsaṃ pareśvaram || 59 ||
[Analyze grammar]

tato yayau paraṃ tīrthaṃ pāpanāśananāmakam |
snātvā dadau śrotriyāya bhūdānaṃ vaiṣṇavāya saḥ || 60 ||
[Analyze grammar]

tatkālaṃ bhagavāṃstatra sākṣādāvirbabhūva ha |
bhadramatiḥstavaṃ cakre namo nārāyaṇāya te || 61 ||
[Analyze grammar]

kāraṇāya prapālāyā'ntakāya nāyakāya ca |
pāvakāya prasannāya smṛddhidāya ca te namaḥ || 62 ||
[Analyze grammar]

śrīśāya śrīkṛṣṇanārāyaṇāya bhūdharāya ca |
lakṣmīśāya prabheśāya māṇikīśāya te namaḥ || 63 ||
[Analyze grammar]

pārvatīśāya gopālabālakāya ca te namaḥ |
kaṃbharāṃkaprajātāya sarvajñāya ca te namaḥ || 64 ||
[Analyze grammar]

cakrapadmādicihnāya pumuttamāya te namaḥ |
kṣīrasāgaravāsāya śrīlakṣmīsevitāya ca || 65 ||
[Analyze grammar]

abhīṣṭasukhadātre te yajñavārāharūpiṇe |
namaste kamalākāntapadmākāntāya te namaḥ || 66 ||
[Analyze grammar]

padminīpataye bhaktadāridryanāśakāya te |
sādhurūpāya te kṛṣṇa bhūyo bhūyo namo namaḥ || 67 ||
[Analyze grammar]

iti śrutvā hariḥ prāha tuṣṭo'smi brāhmaṇottama |
sarvabhogasamāyukto dehānte muktimāpnuhi || 68 ||
[Analyze grammar]

evaṃ varaṃ pradāyaiva tatraivāntaradhīyata |
pāpanāśanatīrthe sa dvijaḥ snātvā gṛhaṃ yayau || 69 ||
[Analyze grammar]

śreṣṭhī svarṇadhanadhānyasmṛddhimānabhavat tataḥ |
pṛthvīdānapratāpena mahendra iva cāparaḥ || 70 ||
[Analyze grammar]

athā'paraṃ mahattīrthaṃ vartate mokṣadaṃ nṛṇām |
ākāśagaṃgāvikhyātaṃ tanmāhātmyaṃ vadāmi te || 71 ||
[Analyze grammar]

rāmānujo dvijaḥ kaścid viṣṇudhyānaparāyaṇaḥ |
tapastepe sa paṃcāgnimadhyastho'ṣṭākṣaraṃ japan || 72 ||
[Analyze grammar]

vṛṣṭau jale sthitaścāpi dvandvasparśavivarjitaḥ |
jīrṇaparṇāśano jalāhāro vāyvadanaściram || 73 ||
[Analyze grammar]

tasthau tapasi śraddhālustuṣṭo'sya bhaktavatsalaḥ |
prakṣyatāmagāttatra kṛṣṇanārāyaṇaḥ svayam || 74 ||
[Analyze grammar]

svarṇabhūṣāñcitadeho ramārādhādisevitaḥ |
viśvaksenasunandādyaiḥ sahitaḥ śrīrameśvaraḥ || 75 ||
[Analyze grammar]

nāradādiyutaścāpi pītāmbaradharaḥ prabhuḥ |
sanakādimahāyogisevitadvayapārśvakaḥ || 76 ||
[Analyze grammar]

veṃkaṭeśaṃ dayāluṃ taṃ tuṣṭāva tāpaso dvijaḥ |
namo rāmāya cakrādidhāriṇe mahate namaḥ || 77 ||
[Analyze grammar]

nityaśuddhasvarūpāya namo bhaktārtihāriṇe |
paravyūhavibhavāyā'rcādirūpāya te namaḥ || 78 ||
[Analyze grammar]

antaryāmisvarūpātmavyāpine te namo namaḥ |
śrīkṛṣṇāya mahābhūmne nārāyaṇāya te namaḥ || 79 ||
[Analyze grammar]

namo hiraṇyagarbhāya vairājāya ca vedhase |
sadāśivāya kāntāya viṣṇave brahmaṇe namaḥ || 80 ||
[Analyze grammar]

īśvareśāyeśvarāya puṣpavannetriṇe namaḥ |
nāmajātyādipārāya nāmajātyādirūpiṇe || 81 ||
[Analyze grammar]

kāṃbhareyāya kṛṣṇāya gopīmaṇḍalarāsine |
gopālajāya gosevāsnigdhāya te namo namaḥ || 82 ||
[Analyze grammar]

vedāntanyāyavedyāya bhāṣyāya bhāṣyakāriṇe |
āgamāntaḥsugataye lokarakṣāya te namaḥ || 83 ||
[Analyze grammar]

saurāṣṭrā''viḥsvarūpāya raivatācalavāsine |
aśvapaṭṭakṣitīśāya puṣkarāraṇyaśāline || 84 ||
[Analyze grammar]

kāśeśvarāya raṃgādipūjitāya ca te namaḥ |
iti stutvā śrīnivāsaṃ rāmānuja iyāya śam || 85 ||
[Analyze grammar]

veṃkaṭeśaḥ samāliṃgya rāmānujamuvāca ha |
stotreṇa tapasā tuṣṭo varaṃ vṛṇotu satvaram || 86 ||
[Analyze grammar]

rāmānujastadā prāha śrīnivāsa hare prabho |
tvaddarśanāt kṛtārtho'smi kiṃ me'dya darśanāt param || 87 ||
[Analyze grammar]

devāḥ pitaro munayo naiṣṭhikāḥ karmaṭhāśca yam |
yogino jñānakuśalāḥ na paśyanti vidanti na || 88 ||
[Analyze grammar]

vedmi paśyāmi taṃ cādya kimasmādadhikaṃ nu me |
etena tu kṛtārtho'smi muktibījena sarvathā || 89 ||
[Analyze grammar]

tvatpādapadmayugale niścalā bhaktirastu me |
ityāśrutya hariḥ prāha mayi bhaktirdṛḍhā'stu te || 90 ||
[Analyze grammar]

atra te tapasaḥ sthāne samāgatya tu ye janāḥ |
snāsyantyākāśagaṃgāyāṃ yāsyanti dhāma me param || 91 ||
[Analyze grammar]

tvaṃ ca prārabdhadehānte matsvarūpamavāpsyasi |
viyadgaṃgāsnātakāstu sarve bhāgavatottamāḥ || 92 ||
[Analyze grammar]

lakṣma bhāgavatānāṃ tvaṃ śṛṇu bhāgavatottama |
bhagavanmayacaryā ye karmaṇā manasā girā || 93 ||
[Analyze grammar]

sarvakāryāṇi kṛṣṇārthe kurvantaḥ kṛṣṇacintakāḥ |
jñānino niḥspṛhāḥ śāntāste vai bhāgavatottamāḥ || 94 ||
[Analyze grammar]

sarveṣu kṛṣṇadraṣṭāraḥ kṛṣṇasya satkathādarāḥ |
kṛṣṇapādāmbujabhaktā ye te bhāgavatottamāḥ || 95 ||
[Analyze grammar]

mātāpitroḥ kṛṣṇatanvoḥ śuśrūṣādiparāyaṇāḥ |
devārcanaprapūjādiparāmodabharāśca ye || 96 ||
[Analyze grammar]

sādhusevāparāścāpi sādhvīmānapradāśca ye |
pareśavṛttayo ye te mahābhāgavatottamāḥ || 97 ||
[Analyze grammar]

ātmavatsarvabhūtānāṃ dṛgvadbhāgavatottamāḥ |
śāstrajñā dharmadhartāraḥ satyavācaḥ saduttamāḥ || 98 ||
[Analyze grammar]

kṛṣṇakathāratāḥ kathāvaktari snehabhāvanāḥ |
tīrthapriyāḥ kāmadhenusevakā vai saduttamāḥ || 99 ||
[Analyze grammar]

anyodaye prasannāśca kṛṣṇanāmaparāyaṇāḥ |
kṛṣṇārthaṃ jalakhātāro ye te bhāgavatottamāḥ || 100 ||
[Analyze grammar]

devālayaprakartāro devagāyatrikājapāḥ |
bhaktiharṣā harau magnā ye te bhāgavatottamāḥ || 101 ||
[Analyze grammar]

tulasīpūjakā vṛndāṃ namanti tulasīkarāḥ |
tulasīmālikādhrāśca tulasīcandanāñcitāḥ || 102 ||
[Analyze grammar]

tulasīmṛttikādehāste vai bhāgavatottamāḥ |
vedādiṣu hareḥ kṛṣṇanārāyaṇasya darśakāḥ || 103 ||
[Analyze grammar]

ātithyādau kṛṣṇanārāyaṇasyaiva sucintakāḥ |
jñātatattveṣu vai brahmabodhakāḥ sādhuvṛttayaḥ || 104 ||
[Analyze grammar]

sarvaguṇādisadgrāhāste vai bhāgavatottamāḥ |
ekādaśyādivratinaḥ kṛṣṇārthakarmakāriṇaḥ || 105 ||
[Analyze grammar]

rādhāṃ lakṣmīṃ ramāṃ śrīṃ pārvatīṃ prabhāṃ ca māṇikīm |
mamāṃśāṃ yoṣitaṃ dṛṣṭvā namanti vaiṣṇavīṃ tu ye || 106 ||
[Analyze grammar]

matsvarūpāṃ mayā'dhiṣṭhitāṃ paśyanti hṛdā sadā |
bāle ca bālikāyāṃ ca te vai bhāgavatottamāḥ || 107 ||
[Analyze grammar]

tathā nṛṣu prapaśyanti yāḥ kṛṣṇaṃ māṃ narāyaṇam |
tā vai satyo mahābhāgavatyaḥ proktā mayā'nagha || 108 ||
[Analyze grammar]

narāḥ sarve kṛṣṇarūpā nāryo rādhāramātmikāḥ |
iti bhāgavatajñānā ye te bhāgavatottamāḥ || 109 ||
[Analyze grammar]

saṃkṣepāttu kathayāmi madarthaṃ sarvathā sthitāḥ |
narā nāryaḥ paśavo'pi sarve bhāgavatottamāḥ || 110 ||
[Analyze grammar]

rāmānuja tvamevāsi tathā bhāgavatottamaḥ |
prasanno'smi tvayi dhrauvyabhaktisthiteḥ sadā priya || 111 ||
[Analyze grammar]

tīrthamākāśagaṃgākhyaṃ tārakaṃ bhavapārakṛt |
snātṝṇāṃ mokṣadaṃ cāsti bhuktimuktiphalapradam || 112 ||
[Analyze grammar]

ityuktvā'ntardadhe kṛṣṇanārāyaṇaḥ prabhustadā |
paṭhanācchravaṇāccāsya bhaktimokṣaśca hastagaḥ || 113 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye bhagavatpātivratyapālakānāṃ sumatibhadramatirāmānujānāṃ tīrthottame mokṣaṇamityādinirūpaṇanāmā |
tryadhikacatuḥśatatamo'dhyāyaḥ || 403 ||
[Analyze grammar]