Chapter 401

śrīlakṣmīruvāca |
bhagavan śrāvitaṃ mahyaṃ samākhyānaṃ sukhapradam |
vinā tvāṃ kaḥ samartho'sti bhaktecchāpūraṇāya vai || 1 ||
[Analyze grammar]

pūrvaṃ kena kṛtaṃ te'tra darśanaṃ bhaktibhāvinā |
kena vā dṛśyate kṛṣṇanārāyaṇo dayālayaḥ || 2 ||
[Analyze grammar]

vimānaṃ cāpi devārthaṃ kaḥ kariṣyati bhāvini |
tānme sarvāṃścamatkārān śrīśasya vaktumarhasi || 3 ||
[Analyze grammar]

śrīnārāyaṇa uvāca |
śṛṇu lakṣmi kathayāmi camatkārān purāgatān |
yacchrutvā ca bhaved bhaktirmayi raṃkasya cāpi vai || 4 ||
[Analyze grammar]

rājā dīnaḥ paśuḥ pakṣī naro nārī satī sutā |
yā me bhaktā mahābhāgavatīṃ tāṃ vidadhāmyaham || 5 ||
[Analyze grammar]

avaśyaṃ tu bhavitavyaṃ tena madīyakena vai |
matto yenecchanīyaṃ tu sukhaṃ śāśvatikaṃ priye || 6 ||
[Analyze grammar]

bhaviṣyantaṃ suvṛttāntaṃ pravadāmi nibodha me |
veṃkaṭādrau vasunāmā niṣādo bhaktimānmama || 7 ||
[Analyze grammar]

śyāmākakṣetrapālo'sau śyāmākajīvano'bhavat |
śyāmākataṇḍulān paktvā kṛtvā śarkarayā'nvitān || 8 ||
[Analyze grammar]

nivedya śrīnivāsāya śrībhūmisahitāya saḥ |
bhuṃkte bhāryāsahayutastataḥ kārye pravartate || 9 ||
[Analyze grammar]

evaṃ prasādabhakṣyeṇa pavitraḥ sarvadā śuciḥ |
vaiṣṇavaḥ paramo jāto bhāryā'pi vaiṣṇavī hyabhūt || 10 ||
[Analyze grammar]

nāmnā citravatī sādhvī pātivratyaparāyaṇā |
devaṃ yadvat patiṃ tadvat sevate tadvaśā sadā || 11 ||
[Analyze grammar]

snāti pūjāṃ prakaroti japaṃ karoti śārṅgiṇaḥ |
kṛṣṇaṃ dhyāyati smarati mūrtīḥ śṛṇoti satkathām || 12 ||
[Analyze grammar]

patiṃ devaṃ samaṃ kṛtvā mānayitvā samaṃ sadā |
ubhayoḥ kiṃkarībhūtvā dāsyaṃ karoti sarvathā || 13 ||
[Analyze grammar]

madhyāhne ca niśi sāyaṃ prātarbhojanamīśvare |
samarpitaṃ jalaṃ puṣpaṃ sarvaṃ gṛhṇāti sā satī || 14 ||
[Analyze grammar]

dhanyā niṣādajātīyā brāhmī divyā hi vartate |
viprāṇīva sudharmiṣṭhā kulatrayasya tāriṇī || 15 ||
[Analyze grammar]

prāpte kāle putravatī babhūva bhāminī tataḥ |
vīrarudraitināma cakāra tasya vai pitā || 16 ||
[Analyze grammar]

vasuḥ putreṇa sahito bhāryayā bhaktibhaktayā |
modate svasya bhojyādau santuṣṭo devasevayā || 17 ||
[Analyze grammar]

athaikadā svakaṃ putraṃ śyāmākaṃ pālayeti ca |
visṛjya kṣetrarakṣārthaṃ patnīyukto vanaṃ yayau || 18 ||
[Analyze grammar]

madhumārgaṇakāryau tāvubhau bhramata ecchikam |
madhyāhne prāptavantau tau madhu puṣkalameva yat || 19 ||
[Analyze grammar]

madhyāhne bālakaḥ pakvaśyāmākaphālikāḥ śubhāḥ |
gṛhītvā'gnau nidhāyaiva piṣṭvā vṛkṣatale mudā || 20 ||
[Analyze grammar]

parṇe nivedayāmāsa haraye bhojanaṃ jalam |
naivedyaṃ tatprasādaṃ ca bhojayitvā''sa śāntitaḥ || 21 ||
[Analyze grammar]

tāvat tatpitarau miṣṭaṃ madhvādāya samāgatau |
śyāmākān bhakṣitān dṛṣṭvā santarjya sutameva tam || 22 ||
[Analyze grammar]

vasurdaṇḍaṃ samudyamya hantuṃ taṃ hastamuddadhe |
vīrarudrasya hṛdye sthito vai bhagavān svayam || 23 ||
[Analyze grammar]

daṇḍaṃ jagrāha hastena cāvirbhūya vasoḥ puraḥ |
daṇḍo gṛhītaḥ keneti vasuḥ kṛṣṇaṃ dadarśa ha || 24 ||
[Analyze grammar]

śaṃkhacakragadāpāṇiṃ divyatejomayaṃ vibhum |
vasurdaṇḍaṃ parityajya praṇamyovāca taṃ harim || 25 ||
[Analyze grammar]

kimidaṃ bhagavan putrarakṣārthaṃ tvaṃ samāgataḥ |
anena nāśitāḥ paśya pakvaśyāmākaphālikāḥ || 26 ||
[Analyze grammar]

daṇḍapātraṃ bhavatyeva punaḥ kuryānna tattathā |
itiśrutvā hariḥ prāha putraste bhaktimān mayi || 27 ||
[Analyze grammar]

tvatto'pi me priyatamastasmād rakṣārthamāgataḥ |
śyāmākā bharjitāścūrṇīkṛtāḥ piṣṭāstataḥ param || 28 ||
[Analyze grammar]

naivedyaṃ me'rpayitvā sa bhuktavān bhaktarāṭ mama |
śyāmākānāṃ bījabhāvaṃ gatānāmātmanāṃ mayā || 29 ||
[Analyze grammar]

kṛtā muktistathā te'pi puṇyaṃ dattaṃ hi śāśvatam |
yadarpaṇaṃ kṛtaṃ mahyaṃ tvatkṛṣīyakaṇādikam || 30 ||
[Analyze grammar]

atra sarvatra tiṣṭhāmi mama bhaktasya sannidhau |
rakṣāṃ karomi bhaktasya jāgratau ca suṣuptike || 31 ||
[Analyze grammar]

divāniśaṃ bhaktarakṣākaro'smyeva vaso sadā |
svāmipuṣkariṇītīre ramye vasāmi sarvathā || 32 ||
[Analyze grammar]

ityuktvā bhagavān vasudattaṃ madhu sumiṣṭakam |
citravatyā'rpitaṃ bṛsyāsanaṃ phalajalādikam || 33 ||
[Analyze grammar]

gṛhītvā śrīnivāsaḥ śrīkṛṣṇanārāyaṇaḥ svayam |
prahasan vai tirobhūt te trayo vṛkṣatalaṃ śritāḥ || 34 ||
[Analyze grammar]

ityeva śrībhagavatā bhaktavaśyena padmaje |
sākṣāt svadarśanaṃ dattaṃ niṣādāya mahātmane || 35 ||
[Analyze grammar]

śṛṇu tvanyāṃ kathāṃ tatra yā jātā samaye tadā |
tāvat tatra samāyāto yātrikaḥ śūdravarṇakaḥ || 36 ||
[Analyze grammar]

mārgeṇa nirgato viṣṇubhaktaḥ pāṇḍyapradeśajaḥ |
dvādaśavarṣako bālaḥ papraccha vīrarudrakam || 37 ||
[Analyze grammar]

mārgo'yaṃ śrīnivāsasya tīrthaṃ gacchati kiṃ na vā |
mayā tīrthavidhānārthaṃ gantavyaṃ tatra vidyate || 38 ||
[Analyze grammar]

iti pṛṣṭvā śrīnivāsasthānasya vartmanā tu saḥ |
vīrapradarśitenā'sau gatavān bhāvasaṃbhṛtaḥ || 39 ||
[Analyze grammar]

nārāyaṇapurīṃ prāpya śrīvarāhaṃ praṇamya ca |
hṛdi smṛtvā śrīnivāsaṃ veṃkaṭādrinivāsinam || 40 ||
[Analyze grammar]

suvarṇamukharīṃ prāpya snātvā cottīrya tāṃ tataḥ |
kamale sarasi snātvā tattīrasthaṃ hariṃ balam || 41 ||
[Analyze grammar]

namaskṛtya vanaṃ prāpya śeṣādriṃ tu yayau hi saḥ |
jalanirjharaṇaṃ dṛṣṭvā kapilāpūjitaṃ śivam || 42 ||
[Analyze grammar]

pūjayitvā cakratīrthe snātvā śrīveṃkaṭācalam |
śanaiḥ śanairyayau bālaḥ samāruroha parvatam || 43 ||
[Analyze grammar]

svāmipuṣkariṇīṃ snātvā taṭe ciñcātaroradhaḥ |
vaikhānasena muninā gopīnāthena pūjitam || 44 ||
[Analyze grammar]

ākāśasthaṃ pītanīlākṛtiṃ śrībhūmisevitam |
śaṃkhacakragadākhaḍgapadmādihetiśobhitam || 45 ||
[Analyze grammar]

sagaruḍaṃ svapakṣābhyāṃ dhṛtavantaṃ vitānakam |
dadarśa bālaḥ saṃhṛṣṭo babhūvā'tha kṛtārthatām || 46 ||
[Analyze grammar]

mene tatreva vasituṃ janmasārthakyamityapi |
evaṃ datvā darśanaṃ śrīnivāso'dṛśyatāṃ gataḥ || 47 ||
[Analyze grammar]

divyavāṇyā vadan putra mandiraṃ racayātra me |
śrutvā bālo raṃgadāsastarormūle'vasat sudhīḥ || 48 ||
[Analyze grammar]

vaikhānasena naivedyaṃ bhikṣāṃ saṃgṛhya viṣṇave |
samarpyā'tti phalādyaṃ ca naivedye'pyārpayapyatha || 49 ||
[Analyze grammar]

nityaṃ vṛkṣān śanaiśchittvā ciñcābhūruhamantarā |
ramāyāścampakataruṃ vihāya pārśvagān sthalīm || 50 ||
[Analyze grammar]

nirvṛkṣāṃ pracakārā'sau raṃgadāso'tiśobhitām |
nirmūlāṃ saṃskṛtāṃ kṛtvā bahuvistāramaṇḍalam || 51 ||
[Analyze grammar]

śilābhittimayadurgarakṣitaṃ pracakāra saḥ |
tatrā'bhitaḥ samudyānaṃ puṣpaphaladrumāśritam || 52 ||
[Analyze grammar]

cakāra karṇikāmallikābjamandāramālatī |
kundacampakatulasīḥ kadalīnavaraṃgakāna || 53 ||
[Analyze grammar]

āmrapanasadrākṣādīn śrīphalādīnavardhayat |
khanitvā'tisalilaṃ ca kūpaṃ vṛkṣānatarpayat || 54 ||
[Analyze grammar]

ārāmapuṣpamālābhiḥ śrīnivāsamapūjayat |
evaṃ sevāṃ prakurvan sa tasthau tatraiva taṃ bhajan || 55 ||
[Analyze grammar]

ekadā tatra sarasi snātuṃ gandharva āyayau |
kanyābhiḥ sundarībhiḥ suyuvatībhiḥ samaṃ tadā || 56 ||
[Analyze grammar]

jalakrīḍāṃ karoti sma divi nyasya vimānakam |
paśyan śrīraṃgadāso'pi mumoha kanyakāsu saḥ || 57 ||
[Analyze grammar]

mugdhavad darśanaṃ tāsāṃ kṛtvā stabdho'bhavad yataḥ |
vyasmaranmālyamālādi granthituṃ jaḍavattadā || 58 ||
[Analyze grammar]

āmadhyāhnaṃ tathā tasthau mālāṃ puṣpāṇi nā'smarat |
gandharvo'pi khelayitvā kāntābhiḥ saha tadbahiḥ || 59 ||
[Analyze grammar]

vinirgatya vimānena yayau sa dhanadālayam |
raṃgadāso'pi saṃsnātvā svastho bhūtvā ca mālikāḥ || 60 ||
[Analyze grammar]

grathitvā''dāya puṣpāṇi śrīnivāsālayaṃ yayau |
tatratthapūjakenoktaṃ kimadya cirakāryasi || 61 ||
[Analyze grammar]

na vaddhā mālikā mitra pūjākālo'pi nirgataḥ |
evamukto'pi nā'vocadraṃgadāso hi lajjayā || 62 ||
[Analyze grammar]

tadā taṃ śrīnivāso vai svayaṃ provāca lajjitam |
raṃgadāsa hṛdye te smaryante tāstu kanyakāḥ || 63 ||
[Analyze grammar]

mama māyāvimohena mā lajjāṃ vaha bhaktarāṭ |
gandharvarājavad rājā bhavitā'si mahītale || 64 ||
[Analyze grammar]

bhuṃkṣva bhogān bahumatān divyāṃstṛptipradāṃstataḥ |
prākāraṃ ca vimānaṃ me mandiraṃ kārayiṣyasi || 65 ||
[Analyze grammar]

tato muktiṃ pradāsyāmi bhaktāya sevakāya te |
atraiva kuru sevāṃ tvamāśarīravimokṣaṇāt || 66 ||
[Analyze grammar]

ityuktvā śrīnivāsaśca viṣṇurjagrāha mālikām |
raṃgadāsaḥ pūjayitvā''rāmaṃ punaḥ samāyayau || 67 ||
[Analyze grammar]

sāgraṃ śatābdaṃ saṃjīvya sevitvā śrīnivāsakam |
śarīraṃ tadvihāyaiva jātaḥ somakule nṛpaḥ || 68 ||
[Analyze grammar]

jātismaro divyadṛṣṭistoṇḍamāniti nāmataḥ |
sauvīrākhyanṛpaputro nandinījananībhavaḥ || 69 ||
[Analyze grammar]

saḥ pañcavarṣakaścāsīd bhagavadbhaktisaṃbhṛtaḥ |
sarvabhaktipuṣṭidātṛsadguṇādisumaṇḍitaḥ || 70 ||
[Analyze grammar]

pāṃḍyasya tanayāṃ cārupadmākhyāṃ sumanoharām |
upayeme tathā'nyāśca kanyāḥ kāmasvarūpiṇīḥ || 71 ||
[Analyze grammar]

reme nārāyaṇapattanādhipastoṇḍamānnṛpaḥ |
athaikadā yayau śrīveṃkaṭādrau mṛgayāmanu || 72 ||
[Analyze grammar]

dadarśa gajayūtheśaṃ grahītuṃ tamanudrutaḥ |
suvarṇamukharīṃ tīrtvā śukaṃ natvā ca reṇukām || 73 ||
[Analyze grammar]

valmīkākāradevīṃ ca natvā sa paścimāṃ yayau |
kaṃcicchukaṃ pañcavarṇaṃ jighṛkṣustamanudrataḥ || 74 ||
[Analyze grammar]

śuko vadan śrīnivāsa iti drāk parvataṃ yayau |
rājā'pyanudravan kīraṃ vekaṭādriṃ samāruhat || 75 ||
[Analyze grammar]

agre gacchan haritaṃ sa śyāmākakṣetrameyīvān |
kṣetrapālastoṇḍamānaṃ jñātvā satkṛtimācarat || 76 ||
[Analyze grammar]

toṇḍamāno'pi papraccha kṣetrapaṃ kaḥ śuko'sti saḥ |
kṣetrapaḥ prāha rājendra śrīnivāsapriyaḥ sadā || 77 ||
[Analyze grammar]

pārśvavartī sadā tasya śrībhūmibhyāṃ vivardhitaḥ |
svāmipuṣkariṇītīre sadā''ste harisannidhau || 78 ||
[Analyze grammar]

divā vihṛtyā'drivane sāyaṃ gacchati mandiram |
grahītuṃ śakyate naiva kenāpi sa śuko nṛpa || 79 ||
[Analyze grammar]

ityuktvā bhūbhṛtā sākaṃ kṣetrapo mandiraṃ yayau |
snātvā svāmipuṣkariṇyāṃ bilvamūlasthitaṃ prabhum || 80 ||
[Analyze grammar]

suśṛṃgārisanmūrtiṃ śrībhūyuktaṃ dadarśa ha |
valmīkagūḍhapādābjamājānupuruṣottamam || 81 ||
[Analyze grammar]

kṣetrapo bhūpatiścobhau vavandatuḥ praṇematuḥ |
kṣetrapaḥ śyāmākapākaṃ nivedya haraye'rghakam || 82 ||
[Analyze grammar]

dadau rājñe ca śiṣṭārdhaṃ tataḥ kṣetraṃ punaryayau |
toṇḍamāno'pyekarātrimuṣitvā reṇukāvanam || 83 ||
[Analyze grammar]

caitraśuklanavamyāmānarca gatvā sa reṇukām |
haviṣyānnaṃ paramānnaṃ sopaskaraṃ dadau nṛpaḥ || 84 ||
[Analyze grammar]

devī tuṣṭā varaṃ rājñe dadau rājyamakaṇṭakam |
bhavitā tava nāmnā ca rājadhānī mamā'ntike || 85 ||
[Analyze grammar]

śrīnivāsaprasādasya pātraṃ ciraṃ bhaviṣyasi |
atha toṇḍī śukaṃ gatvā natvā tasya mukhāttathā || 86 ||
[Analyze grammar]

māhātmyaṃ padmasarasaḥ śrutavān pāpanāśakam |
purātra padmayā sākaṃ viṣṇuścakre tapaḥ param || 87 ||
[Analyze grammar]

devaiḥ stuto mahāviṣṇurnāma padmāsaro'karot |
itiśrutvā yayau toṇḍī rājadhānīṃ pituḥ purīm || 88 ||
[Analyze grammar]

pitrā'bhiṣikto rājye sve vasunā'tha vasustataḥ |
vārāhavalmīkayātrākaraṇārthaṃ yayau mudā || 89 ||
[Analyze grammar]

tatra vārāhabhagavān rātrau nirgatya tatsthalāt |
śyāmākānatti cā'dṛśyo divā viśati tatsthale || 90 ||
[Analyze grammar]

kṣetrapaḥ khanayāmāsa valmīkaṃ valmīkaṃ vīkṣya tattathā |
valmīkād vārāharūpo bhagavānutthito'bhavat || 91 ||
[Analyze grammar]

kṣetrapasannidhau prāha rājānaṃ mama mandiram |
kārayātra tava putradvārā'tra nivasāmyaham || 92 ||
[Analyze grammar]

valmīkaṃ kṛṣṇagokṣīraiḥ kṣālayitvā tadutthite |
śilātale tu vārāhaṃ cotkṛtya tatra mandire || 93 ||
[Analyze grammar]

pratiṣṭhāpya ca manmūrtiṃ prapūjaya sadā nṛpa |
ityuktvā śrīvarāhastu tiro'bhūt sa vasustataḥ || 94 ||
[Analyze grammar]

gatvā gṛhaṃ toṇḍamānābhidhaṃ prāha sutaṃ kuru |
mandiraṃ śrīvarāhasya mūrtiṃ sthāpaya tatra ca || 95 ||
[Analyze grammar]

toṇḍamāno'pi rātrau vai svapne sarvaṃ dadarśa tat |
prātarutthāya gā nītvā yayau valmīkasannidhau || 96 ||
[Analyze grammar]

kṣālayāmāsa dugdhaiśca śilāyāṃ ca varāhakam |
kārayitvā sthāpayitvā mandire taṃ paraṃ prabhum || 97 ||
[Analyze grammar]

pūjāṃ vai kārayāmāsa rājadhānīṃ cakāra saḥ |
svapne dṛṣṭaṃ bilaṃ tena valmīkasannidhau tu yat || 98 ||
[Analyze grammar]

bilamantaḥpure kutvā prākāraṃ samakārayat |
āśīrvaco'nusāreṇa nirmame tatra pattanam || 99 ||
[Analyze grammar]

ciñcāṃ ca campakaṃ cāyaṃ rarakṣa durgamadhyataḥ |
nityaṃ bilena cāgatya devaṃ natvā sa toṇḍamān || 100 ||
[Analyze grammar]

rājyaṃ cakāra dharmeṇa pṛthvīṃ jigāya tatsthitaḥ |
toṇḍamadvaṃśajo rājā nāmnā nārāyaṇaḥ śubhaḥ || 101 ||
[Analyze grammar]

vimānaṃ divyamevātra prākāre'kārayacchubham |
divyamadṛśyamevaitad bhaktamātrā'valokitam || 102 ||
[Analyze grammar]

abhajacchrīhariṃ tatra vārāhaṃ divyarūpiṇam |
gopālabālakaṃ kṛṣṇaṃ kāṃbhareyaṃ śriyaḥ patim || 103 ||
[Analyze grammar]

śrīraṃgaṃ śrīveṃkaṭeśaṃ cā'bhajannityameva saḥ |
ityuktaṃ te mahālakṣmi pūrvākhyānamanuttamam || 104 ||
[Analyze grammar]

śrīraṃgā'parajanmasthatoṇḍamatkāritaṃ mahat |
mandiraṃ yatra bhagavān vārāhaḥ śrīdharāyutaḥ || 105 ||
[Analyze grammar]

vartate darśanaṃ cāpi dadāti sāttvatāya saḥ |
athā'nyadapi sāmarthyaṃ śṛṇu te kathayāmi ca || 106 ||
[Analyze grammar]

dākṣiṇātyo dvijaḥ patnīsahitastīrthavāñcchayā |
samāyāto garbhavatīṃ patnīṃ gantuṃ tadā'kṣamām || 107 ||
[Analyze grammar]

vilokya vīraśarmā saḥ rājānaṃ samupāgamat |
akathayacca tatsarvaṃ tīrthe vighnatamaṃ yathā || 108 ||
[Analyze grammar]

śṛṇu rājan mama patnī gurviṇī bhajanonmukhī |
saṃsthāpyaināṃ gṛhe te ca tīrthaṃ nirvartayāmyaham || 109 ||
[Analyze grammar]

tāvattvaṃ rakṣaya svāmivratāṃ lakṣmyabhidhā priyām |
kāśīprabhṛtitīrthāni kṛtvā yāvannivartaye || 110 ||
[Analyze grammar]

ityuktvā tāṃ visṛjyaiva brāhmaṇo niryayau tataḥ |
rājñā'nnādi pradāpyaiva vāṭikāyāṃ nivāsitā || 111 ||
[Analyze grammar]

viprasyāgamapūrvaṃ sā mṛtā jvareṇa pīḍitā |
brāhmaṇo'pyakarot padbhyāṃ dīrghakālikayātrikām || 112 ||
[Analyze grammar]

navamāsā vyatītā vai yatra yatra gato yathā |
gaṃgāṃ kāśīṃ prayāgaṃ ca gayāṃ sāketapattanam || 113 ||
[Analyze grammar]

badarikāśramaṃ śālagrāmaṃ ca puṣkaraṃ tathā |
sarasvatīṃ kuśasthalīṃ raivataṃ somanāthakam || 114 ||
[Analyze grammar]

aśvapaṭṭasaraścāpi tapatīṃ narmadāṃ tathā |
kukumavāpikāṃ siṃhāraṇyaṃ gokarṇatīrthakam || 115 ||
[Analyze grammar]

gomatīṃ ceti tīrthāni kṛtvā tu caitrake hi saḥ |
māse śuklaikādaśyāṃ sa rājānaṃ prati cāyayau || 116 ||
[Analyze grammar]

brāhmaṇī kuśalā cāstītyuvāca nṛpatiṃ tadā |
rājā tatra yayau yatra rakṣitā brāhmaṇī mṛtā || 117 ||
[Analyze grammar]

dṛṣṭā rājñā mṛtā sā tu śīghraṃ bilena mandiram |
śrīveṃkaṭeśaṃ gatavān rājā prāha tadā harim || 118 ||
[Analyze grammar]

bhagavan brāhmaṇī vipranyāsarūpā mṛtāsti sā |
saṃśapsyati sa vipro māṃ kṛpāṃ kuru mamopari || 119 ||
[Analyze grammar]

śrīnivāsena saṃproktaṃ dattaṃ jalaṃ prasādajam |
dvādaśyāmasthisarasi snāpayaināṃ tataḥ khalu || 120 ||
[Analyze grammar]

prāptajīvā yathāpūrvā bhaviṣyati na saṃśayaḥ |
śavaṃ nītvā nṛpastatrā''yayau yatrā'sthipalvalam || 121 ||
[Analyze grammar]

jalenāplāvya kuṇapaṃ rājā sasmāra tāṃ satīm |
tāvat divyaśarīrā sā nṛparājñyaparā yathā || 122 ||
[Analyze grammar]

samutthitā sagarbhā sā prasannā tadavasthikā |
ānīya śīghraṃ viprāya dadau vismayamāpa saḥ || 123 ||
[Analyze grammar]

na garbho galitaḥ so'yaṃ pratāpo'sti hareḥ khalu |
tato'pare dine tasyāḥ prasūtiḥ samajāyata || 124 ||
[Analyze grammar]

putro devasamo jāto nītvā māsottaraṃ dvijaḥ |
rājñā pradattadānādi gṛhītvā svagṛha yayau || 125 ||
[Analyze grammar]

ityuktaste camatkāro bhagavadbhaktikāriṇaḥ |
atha kṛṣṇaḥ śrīnivāso rājānaṃ punarabravīt || 126 ||
[Analyze grammar]

naivedyānte pratyahaṃ me'rcanaṃ suvarṇapadmakaiḥ |
kuru rājan yadyadiṣṭaṃ sarvaṃ te vai bhaviṣyati || 127 ||
[Analyze grammar]

rājā toṇḍī cakāraivaṃ nityaṃ kamalapūjanam |
ekadā tulasīpuṣpaṃ tvapaśyatsa tu mṛnmayam || 128 ||
[Analyze grammar]

vismitaḥ śrīhariṃ rājā papraccha ko'nuyāti hi |
hariḥ prāha kulālo me bhakto'rcayati māṃ tathā || 129 ||
[Analyze grammar]

svagṛhe'rcayati kṣmeśa tadaṅgīkriyate mayā |
itiśrutvā yayau kurvatpuraṃ draṣṭuṃ kulālakam || 130 ||
[Analyze grammar]

bhīmākhyaṃ taṃ tathābhūtaṃ pūjayantaṃ vilokya ca |
rājā tu vismayaṃ prāpa kulālastu svabhāryayā || 131 ||
[Analyze grammar]

divyarūpo vimānena patnyā viṣṇupadaṃ yayau |
yadā pūjāprasiddhatvaṃ rājñastvadbhuvanāgamaḥ || 132 ||
[Analyze grammar]

tadā muktiriti pūrvaṃ śrīnivāsena bhāṣitam |
tattathaiva tu saṃjātaṃ varṇayituṃ na śakyate || 133 ||
[Analyze grammar]

śrīnivāsacamatkārān bhaktecchāpūrakān priye |
paṭhanācchravaṇād baddho mukto bhavati padmaje || 134 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye toṇḍamānanṛpakṛtaṃ śrīvārāhabhūmikāyāṃ saprākārapattanam mṛtāyā brāhmaṇyāḥ sajīvanatā bhīmakulālakṛtamṛttikāpuṣpasvīkārastato bhāryāyuktakulālasya mokṣaścetyādinirūpaṇanāmaikā'dhikacatuśśatatamo'dhyāyaḥ || 401 ||
[Analyze grammar]