Chapter 400

śrīnārāyaṇa uvāca |
śṛṇu lakṣmi śrīnivāso veṃkaṭādrau nijāṃ priyām |
śriyaṃ lakṣmīṃ tathā'nyāśca sakhīrāhūya cā'vadat || 1 ||
[Analyze grammar]

kiṃ kāryaṃ vada me lakṣmi śri sakhījana ityapi |
ājñāpayasva sarvāśca vivāhārthaṃ tu yadbhavet || 2 ||
[Analyze grammar]

kurvantu militāḥ sarvāḥ samutsāhādiśobhanam |
lakṣmīḥ kṛṣṇavacaḥ śrutvā sakhīḥ sarvāḥ svanodayat || 3 ||
[Analyze grammar]

prītiḥ sakhī śriyā''jñaptā sugandhaṃ tailamādadau |
śrutiḥ sakhī samādāya kṣaumāmbarāṇi cāgatā || 4 ||
[Analyze grammar]

smṛtiḥ sakhī vibhūṣāśca samādāya sthitā puraḥ |
dhṛtiḥ sakhī samādadhre divyādarśaṃ samujjvalam || 5 ||
[Analyze grammar]

dadhre śāntiḥ sakhī śreṣṭhaṃ sugandhyaiṇamadṃ tadā |
hrīḥ sakhī saṃsthitā cāgre gṛhītvā yakṣakardamam || 6 ||
[Analyze grammar]

kīrtiḥ sakhī svarṇapaṭṭaṃ saratnaṃ mukuṭaṃ dadhe |
indrāṇī tu dadhe chatraṃ sarasvatī tu cāmaram || 7 ||
[Analyze grammar]

gaurī dadhre cāmaraṃ ca vyajane vijayā jayā |
śriyā saṃsnāpito devastataḥ śrīparameśvaram || 8 ||
[Analyze grammar]

sugandhaṃ tailamādāya devamabhyajya kanyakāḥ |
udvartitaṃ gandhacūrṇairdevāṃgaṃ parimṛjya ca || 9 ||
[Analyze grammar]

ānītān karibhistoyakalaśān kāṃcanān śatam |
pratyekaṃ taṃ samādāya tvabhyaṣiñcan ramādayaḥ || 10 ||
[Analyze grammar]

keśān saṃdhūpya dhūpena saṃsādhya dntakena ca |
vakrān caṃcatprāntabhāgān babandha śrīḥ suśobhitān || 11 ||
[Analyze grammar]

sugandhenā'nulipyā'ṅgaṃ pītavarṇena piṣṭikām |
saṃpramṛdya pītavastraṃ dadau kaṭyāṃ sukāñcikām || 12 ||
[Analyze grammar]

bhūṣayāmāsa bhūṣābhiḥ puṣpahāraistathendirā |
dhṛtiśca darśayāmāsā''darśaṃ vai maṃgalāyanam || 13 ||
[Analyze grammar]

kṛṣṇanārāyaṇo devaścordhvapuṇḍraṃ svayaṃ dadhe |
evaṃ bhūṣāśobhamāno rājate bhagavān svayam || 14 ||
[Analyze grammar]

atha kṛṣṇagṛhe prāghūrṇikā āyayurīśvarāḥ |
śrīkṛṣṇaḥ śrīnārāyaṇo virāṭ sadāśivaḥ prabhuḥ || 12 ||
[Analyze grammar]

bhūmā hiraṇyagarbhaśca vāsudevādayastathā |
brahmā viṣṇurmaheśaśca lokapālādayastathā || 16 ||
[Analyze grammar]

pitaro munayo devāḥ ṛṣayo dikprapālakāḥ |
sūryādayo grahāścāpi vasavo nidhayastathā || 16 ||
[Analyze grammar]

diśā rudrāstathā''dityā manavo vāsavādayaḥ |
nakṣatrāṇi ca tattvāni guṇāśca marutastathā || 18 ||
[Analyze grammar]

vālakhilyāḥ kalā nadyo nadāstīrthāni parvatāḥ |
samudrāśca tathā'khātāścaityā bhvādyā drumādayaḥ || 19 ||
[Analyze grammar]

pātālā'nalavāyvasthā meghā rātryo dinādayaḥ |
jaḍāśca cetanā vyāptā nārāyaṇasya lagnake || 20 ||
[Analyze grammar]

veṃkaṭādrau mahīmānāḥ koṭyarbudāḥ samāyayuḥ |
satyo detyaśca muktānya īśānyaḥ surapatnikāḥ || 21 ||
[Analyze grammar]

mānuṣyaḥ kaśyapājjātā nāryastrilokamātaraḥ |
āgatāḥ śrīnivāsādrau vimānahastihaṃsakaiḥ || 22 ||
[Analyze grammar]

aśvaiḥ siṃhaistathā pakṣivaryaiśca yogakuṃbhakaiḥ |
santaśca sādhavo dhīrā vaiṣṇavā vītarāgiṇaḥ || 23 ||
[Analyze grammar]

sannyāsino brahmacārivaryāstyāgina āyayuḥ |
evaṃ viyadgṛhe cāpi caturviṃśatisaṃkhyakāḥ || 24 ||
[Analyze grammar]

tattvātmakāstu puruṣāḥ pṛthvyādyā devikāstathā |
vallyo nadyo mahāsthalyo bhūmayo dyauḥ sumūrtayaḥ || 25 ||
[Analyze grammar]

devā devyaḥ samāyātāḥ sotsukā darśanāturāḥ |
teṣāṃ bhojanasammānaṃ vāsapānasukhāsanam || 26 ||
[Analyze grammar]

apekṣitārhaṇadānaṃ cakruścobhayapakṣiṇaḥ |
maṃgalānyabhavaṃstatra veṃkaṭādrau viyadgṛhe || 27 ||
[Analyze grammar]

āgachanti vivāhe śrīpadminīśrīnivāsayoḥ |
āruhya garuḍaṃ kṛṣṇaḥ śrīlakṣmīsahito hariḥ || 28 ||
[Analyze grammar]

brahmeśavajrivaruṇayamayakṣeśasevitaḥ |
vaśiṣṭhādimunīndraiśca sanakādyaiśca yogibhiḥ || 29 ||
[Analyze grammar]

bhaktairbhāgavataiḥ sadbhirnāradasanakādibhiḥ |
kṛṣṇanārāyaṇabhūmahiraṇyagarbhavardhitaḥ || 30 ||
[Analyze grammar]

īśvaraiḥ śobhito viṣṇurnārāyaṇapurīṃ yayau |
gandharvāśca jaguḥ kīrtiṃ nanṛtuścāpsarogaṇāḥ || 31 ||
[Analyze grammar]

devadundubhayo neduścakrugītiṃ surāṃganāḥ |
āpuścamatkṛtiṃ nāryo dadṛśurvanadevatāḥ || 32 ||
[Analyze grammar]

vanānyavākiran puṣpaiḥ pakṣiṇo vijayaṃ jaguḥ |
japantaḥ svastisūktāni munayaste samanvaguḥ || 33 ||
[Analyze grammar]

devo devagaṇaiḥ śiṣyairviśvaksenādipārṣadaiḥ |
sakhībhiḥ syandanahastiyānasthābhiḥ samanvitaḥ || 34 ||
[Analyze grammar]

mahīmānaiḥ samastaiśca koṭyādisaṃkhyakairvaraḥ |
viyadrājasya nagaraṃ tvāsasād svalaṃkṛtam || 35 ||
[Analyze grammar]

pattanasya bahirvāṭyāṃ bahuyojanavistarām |
vyomamārgābhisaṃvyāptāṃ tasthau śrībhagavān kṣaṇam || 36 ||
[Analyze grammar]

tāvatā lokarītyaiva puryāḥ pradakṣiṇāya sā |
padminī hastisaṃrūḍhā gatvā cāgatya gopuram || 37 ||
[Analyze grammar]

ābhimukhyena devasya pratīkṣāyuksthitā'bhavat |
atha vāṭyodyānataḥ śrīnivāso gopuraṃ yayau || 38 ||
[Analyze grammar]

kare mālāṃ samāgṛhṇan garuḍārūḍha īśvaraḥ |
gajasthā padminī haste mālāṃ kṛtvā'bhyasaṃcarat || 39 ||
[Analyze grammar]

mukhonmukhaṃ militvā tau mālādvayaṃ sumūlyakam |
parasparaṃ dadatuśca kaṇṭhayostau vadhūvarau || 40 ||
[Analyze grammar]

ālokyā''kāśarājo'pi jaharṣa saha bandhubhiḥ |
viṣṇurmālāṃ svakaṇṭhasthāṃ mumoca padminīgale || 41 ||
[Analyze grammar]

padminīmallikāmālāṃ viṣṇoḥ kaṇṭhe samārpayat |
evaṃ trivāraṃ tau kṛtvā yayaturmaṇḍapagṛham || 42 ||
[Analyze grammar]

sthitvā pīṭhe kṣaṇaṃ paścād gṛhaṃ viviśatuḥ śubham |
viśrāntiṃ jalapānaṃ ca laukikācāramityatha || 43 ||
[Analyze grammar]

satkāraṃ pūjanaṃ sākṣatacandrakavibhūṣaṇam |
varārthe kārayitvā ca maṇḍape vedikāntikam || 44 ||
[Analyze grammar]

varaṃ rājā''nayāmāsa pūjanaṃ pracakāra saḥ |
brahmā tatrā'bhavanmukhyo vivāhavidhikārakaḥ || 45 ||
[Analyze grammar]

māṃgalyasūtrabandhādisāṃkurā'rpaṇamityapi |
prakoṣṭhe ca kāmaphalabandhanaṃ pracakāra saḥ || 46 ||
[Analyze grammar]

vahniṃ prajvālayāmāsā''havanīyaṃ tu padmajaḥ |
svastivācanamāṃgalyaślokā gīyanta eva ca || 47 ||
[Analyze grammar]

padminīṃ varato labdhairvastrābhūṣaṇahārakaiḥ |
śṛṃgārayitvā tvanayanmaṇḍapaṃ varasannidhau || 48 ||
[Analyze grammar]

varaṃ natvā niṣasāda mālāṃ gale samarpya sā |
vāme sthitvā saha patyā pūjāhomau cakāra ca || 49 ||
[Analyze grammar]

varamālā guruṇā sā dvayoḥ kaṇṭhe tadā kṛtā |
catuḥpradakṣiṇīkṛtya vahniṃ homaṃ pracakratuḥ || 50 ||
[Analyze grammar]

parasparaṃ kṛtavantau kavalaprāśanaṃ tadā |
raṃgajale suvarṇasyormikāyāḥ khelanaṃ tathā || 51 ||
[Analyze grammar]

puṣpagulālayoścāpi kṣepaṇaṃ ca parasparam |
pracakratustato mantrāḥ sahadāmpatyabodhakāḥ || 52 ||
[Analyze grammar]

brāhmaṇairāvṛtāstatra sadrāgairvaidikaiḥ śubhāḥ |
viṣṇoḥ kare karaṃ datvā kanyādānaṃ nṛpo'karot || 53 ||
[Analyze grammar]

viṣṇuḥ priyāṃ navāṃ prāpya pulakāñcitaromavān |
sadyojātastadā kanyāprakoṣṭhaḥ svedavānabhūt || 54 ||
[Analyze grammar]

yautakaṃ tu tadā kanyāpakṣaḥ kanyākare dadau |
varapakṣo varahaste dadau svarṇaṃ dhanaṃ bahu || 55 ||
[Analyze grammar]

ratnāni ca maṇīn hārān mauktikān bhūṣaṇāni ca |
anyānyapi sukauśeyānyambarāṇi rasānapi || 56 ||
[Analyze grammar]

daduścānye yathāśaktirdevarṣimānavādayaḥ |
svasvapradeśaratnāni yānavāhanapātrakam || 57 ||
[Analyze grammar]

divyavastu sugandhādi brahmavallyādikā daduḥ |
evaṃ brahmā sabṛhaspatikastatrāśiṣo dadau || 58 ||
[Analyze grammar]

vaivāhikaṃ kārayitvā lājāhomāntamityatha |
vratādeśaṃ samājñāya śayāte padminīharī || 59 ||
[Analyze grammar]

caturthe divase'samāpayat sarvaṃ caturmukhaḥ |
viyadrājā navaṃ nityaṃ navaṃ pakvānnabhojanam || 60 ||
[Analyze grammar]

kārayāmāsa sadbhaktyā vaiṣṇavānprāṇato'dhikān |
yeṣāṃ yeṣāṃ śarīrāṇāṃ yadyad bhojyaṃ nisargajam || 61 ||
[Analyze grammar]

tebhyastebhyastathā datvā parāṃ tṛtimakārayat |
vividhāni ca peyāni madhurā'mblāni saṃdadau || 62 ||
[Analyze grammar]

tāmbūlādimukhaśuddhisādhanāni dadau tathā |
evaṃ sevāprakāraiśca rājñā tu viyatā hariḥ || 63 ||
[Analyze grammar]

harayaḥ koṭisaṃkhyāśca surarṣimunimānavāḥ |
devā devyo rañjitāśca dāsadāsīprasevakaiḥ || 64 ||
[Analyze grammar]

atha brahmā viyadrājamanujñāpya tathā dharām |
śrīlakṣmīpadminīyuktamāropya garuḍe harim || 65 ||
[Analyze grammar]

gantuṃ pracakrame yāvanmahīmānairyutastadā |
viyadrājā dharaṇī ca vasudānaśca netrayoḥ || 66 ||
[Analyze grammar]

kanyāviyogajavāriyuktā jātāḥ kṣaṇaṃ tathā |
padminī jananīpādau spṛṣṭvā kiñcid ruroda ha || 67 ||
[Analyze grammar]

āgantavyamiti procya samāśliṣya ca vakṣasi |
yayau punargaruḍe sā tadā'bhūttu jayadhvaniḥ || 68 ||
[Analyze grammar]

vādyaśabdo mahānāsīt sūtamāgadhabandinaḥ |
jayaśabdān pracakruśca nedurdundubhayo'mbare || 69 ||
[Analyze grammar]

evaṃ varātikā viṣṇoryayau śrīveṃkaṭācalam |
gṛhe viśaśramuḥ sarve tarpitā jalabhojanaiḥ || 70 ||
[Analyze grammar]

atha gantumanasaste tuṣṭuvuḥ puruṣottamam |
śukādayo munivṛndā brahmādyā devatāgaṇāḥ || 71 ||
[Analyze grammar]

viyadrājñā preṣitaṃ ca svarṇasihāsanaṃ varam |
putrīviṣṇvoḥ priyārthaṃ ca svarṇakusūlataṇḍulāḥ || 72 ||
[Analyze grammar]

mudgapātrāṇyanekāni ghṛtakuṃbhā'yutāni ca |
divyāni cūtakadalīnālikeraphalāni ca || 73 ||
[Analyze grammar]

dhātrīphalāni kūṣmāṇḍarājarambhāphalāni ca |
śarkarāpeṭikā maṇimuktā gāḥ koṭiśastathā || 74 ||
[Analyze grammar]

haṃsenduśuklavājinaścaturdantagajādayaḥ |
antaḥpuracarā nāryaḥ sevikāścāpyanekaśaḥ || 75 ||
[Analyze grammar]

idṃ sarvaṃ maṇḍape yatkanyādānottaraṃ hṛdā |
saṃkalpitaṃ ca tatsarvaṃ preṣitaṃ tena tatkṣaṇam || 76 ||
[Analyze grammar]

hṛdā sa varayāmāsa prasannatāṃ hareḥ sadā |
sevāṃ caraṇayorbhaktiṃ nānyallokasukhādikam || 77 ||
[Analyze grammar]

kanyāpakṣāśca ye prāghūrṇikāste bhojitārcitāḥ |
viyadrājño'numatyā ca yayurlokān svakān punaḥ || 78 ||
[Analyze grammar]

atha śrīveṃkaṭanāthaḥ surādikān samarcya vai |
pūjayitvā kṛṣṇanārāyaṇabhūmnaḥ pareśvarān || 79 ||
[Analyze grammar]

virāḍādyānṛṣīnpitṝnmānavān jaḍacetanān |
svalokagamanāyaivamanumene tataśca te || 80 ||
[Analyze grammar]

jagmurnatvā hariṃ dāsā dāsyaḥ sarvā hi sṛṣṭayaḥ |
yaśo jagurbhagavataḥ padminībhāgyameva ca || 81 ||
[Analyze grammar]

vedavatī tu yā chāyā sītāṃ prasevya sā khalu |
apadmā'pyabhavatpadmā kṛṣṇanārāyaṇapriyā || 82 ||
[Analyze grammar]

yā ye bhaktiṃ prakurvanti prāṇān samarpya sā yathā |
tāste padmeva jāyante kṛṣṇabhaktā hi śāśvatāḥ || 83 ||
[Analyze grammar]

gateṣu teṣu sarveṣu padminyā ca śriyā yutaḥ |
lakṣmyā ca ramayā yukto reme śrībhagavān sadā || 84 ||
[Analyze grammar]

āste ca sarvadā kṛṣṇaḥ svāmipuṣkariṇītaṭe |
veṃkaṭādrau kvacit sākṣād divyālaye bhavatyapi || 85 ||
[Analyze grammar]

padminīsahito nāthaḥ kvacicchriyānvitaḥ prabhuḥ |
kvacillakṣmyā ca sahito ramayā sahitaḥ kvacit || 86 ||
[Analyze grammar]

bakulamālikādyābhiḥ kvacid veṃkaṭaparvate |
viharatyeva bhagavān svāminārāyaṇo hariḥ || 87 ||
[Analyze grammar]

pativratāśca tāḥ sarvā bhagavatyarpitāḥ sadā |
patnyaḥ kṛṣṇaṃ prasevante hṛdā dehena karmabhiḥ || 88 ||
[Analyze grammar]

padminī padmavāsinyāḥ patiṃ tvāsādya sevate |
prātaḥ kṛṣṇaṃ sadā pūrvaṃ samutthāya prasevate || 89 ||
[Analyze grammar]

pādasaṃvāhanaṃ cāṃgamardanaṃ prakaroti ca |
śayane śrīnivāsaṃ ca toṣayatyeva sevayā || 90 ||
[Analyze grammar]

āśleṣaṃ cūmbanaṃ kāmaṃ dadātyeva patīṣṭadam |
athotthāya śayanāt saḥ prakṣālya karamānanam || 91 ||
[Analyze grammar]

jalamuṣṇaṃ karotyeva bhagavatsnānaśuddhaye |
snātvā dadāti śuddhāpaḥ karānanaviśuddhaye || 92 ||
[Analyze grammar]

dantadhāvanamārdraṃ ca sarasaṃ pāyasaṃ dravam |
datvā sugandhacūrṇaṃ ca dadāti sajalaṃ ghaṭam || 93 ||
[Analyze grammar]

hariḥ śaucādikaṃ kṛtvā prakṣālya ca mṛdā karau |
gaṇḍūṣān sa vinirvartya snāti suvarṇapaṭṭake || 94 ||
[Analyze grammar]

padminī śrīhareraṃgeṣvāmṛdya gandhacūrṇakam |
tilapiṣṭaṃ puṣpasāraṃ sugandhitailaprabhṛti || 95 ||
[Analyze grammar]

datvā'mṛtairjalairdevaṃ patiṃ snāpayati priyā |
mārjayati jalaṃ vastrairdhautraṃ dadāti sundaram || 96 ||
[Analyze grammar]

uttarīyaṃ dadātyeva yajñapaṭṭaṃ ca sūtrakam |
āsanaṃ tvācamanārthaṃ jalaṃ dadāti śārṅgiṇe || 97 ||
[Analyze grammar]

dadāti kajjalaṃ netre bhāle puṣṭaṃ sacandrakam |
karṇayoḥ kuṇḍale binduṃ dadāti daṇḍake tathā || 98 ||
[Analyze grammar]

keśānprasādhya taile ca datvā kṛtvā sucandanam |
mukuṭaṃ pradadātyeva hārān suvarṇaratnajān || 99 ||
[Analyze grammar]

kaṇṭhe dadāti kṛṣṇasya bāhvoḥ prakoṣṭhayostathā |
karayoḥ kaṭakau hārau śṛṃkhale valayau tathā || 100 ||
[Analyze grammar]

pradadātyūrmikā aṃguliṣu kaṭyāṃ suśṛṃkhalām |
pādayornūpure ramye kiṃkiṇīśabdagarjite || 101 ||
[Analyze grammar]

vastropānadvarau caraṇayordadāti padminī |
naktakaṃ ca kare yaṣṭiṃ kānakīṃ mālikāṃ śubhām || 102 ||
[Analyze grammar]

chatraṃ ca cāmaraṃ caiva tathā śṛṃgāravastukam |
dadāti vyajanaṃ cādarśakaṃ siṃhāsanaṃ tathā || 103 ||
[Analyze grammar]

dhūpaṃ dīpaṃ tvabīraṃ cākṣatān puṣpāṇi patrakam |
dalaṃ jalaṃ phalaṃ bhojyaṃ naivedyaṃ madhuraṃ bahu || 104 ||
[Analyze grammar]

yathāruci payo miṣṭaṃ dadhiṃ madhuṃ ca śarkarām |
tāmbūlaṃ peyamevādibhakṣyaṃ cūrṇādikaṃ śubham || 105 ||
[Analyze grammar]

polikāḥ pūrikāścāpi saṃyāvaṃ ghṛtapūrakān |
parpikān granthakāṃścāpi pūpānapūpakāṃstathā || 106 ||
[Analyze grammar]

bharjakān laḍḍukāṃścāpi sukhadāṃ saktukaṃ tathā |
odanaṃ caṇakāṃścāpi mudgān sūpaṃ ghṛtādikam || 107 ||
[Analyze grammar]

āranālāṃstakradugdhadadhiphalarasāṃstathā |
dadāti bhojanārthaṃ sā śrīnivāsāya nityadā || 108 ||
[Analyze grammar]

jalaṃ pānārthamanyacca bhakṣyaṃ kandaphalādikam |
dadāti vastraśuddhyādi karoti kṣālanādikam || 109 ||
[Analyze grammar]

ārārtrikaṃ pradakṣiṇaṃ daṇḍavat stavanādikam |
namaskārān karotyeva madhyāhne'pi tathā niśi || 110 ||
[Analyze grammar]

evaṃ sadā'nuvṛttyā sā sevate śrīḥ ramā yathā |
yathā lakṣmīḥ sevate ca tathā sevāparāyaṇā || 111 ||
[Analyze grammar]

nārāyaṇaṃ hariṃ kṛṣṇaṃ kāṃbhareyaṃ pumuttamam |
śrīnivāsaṃ veṃkaṭeśaṃ padminīsvāminaṃ prabhum || 112 ||
[Analyze grammar]

svayaṃ prasevate dāsīśateṣu satsvapi priyā |
evaṃ sā janmasāphalyaṃ lebhe padmeva padminī || 113 ||
[Analyze grammar]

atha kṛṣṇo bakulāyai varadānamadāt khalu |
padminīvat variṣye tvāṃ tathā śrīveṃkaṭācale || 114 ||
[Analyze grammar]

sakhīmadhye kārayitvā vedīṃ sthitvā ca mādhavaḥ |
agnau homaṃ svayaṃ kṛtvā bakulākaramādade || 115 ||
[Analyze grammar]

padminīprāptisatkāryapratilābhaphalaṃ dadau |
patnīṃ cakāra bhagavān sakhīṃ bakulamālikām || 116 ||
[Analyze grammar]

sāpi pativratā nityaṃ dāsī ca kiṃkarī priyā |
sevate śrīhariṃ nityānandabhoktrī babhūva ha || 117 ||
[Analyze grammar]

iti te kathitaṃ lakṣmi vedavatyāḥ kathānakam |
pātivratyaparaṃ yā vai padminī dharaṇīsutā || 118 ||
[Analyze grammar]

bhūtvā tvavāpa deveśaṃ kṛṣṇaṃ gopālabālakam |
etadākhyānakaṃ śrutvā śrīkṛṣṇaṃ satpatiṃ labhet || 119 ||
[Analyze grammar]

sampatputrapatiprāptirdhanadhānyāmbarārjanam |
yaśaḥsattāpratiṣṭhādi śrutvedaṃ prāpyate dhruvam || 120 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye śrīnivāsabhagavatkṛtaḥ padminyā saha vivāhaḥ vidhiḥ yautakaṃ pātivratyādi ceti nirūpaṇanāmā catuḥśatatamo'dhyāyaḥ || 400 ||
[Analyze grammar]