Chapter 398

śrīnārāyaṇa uvāca |
purā devayuge lakṣmi nārado munisattamaḥ |
sumeruśikhare gatvā dadarśa vedhaso gṛham || 1 ||
[Analyze grammar]

tasyottare pippaladruṃ yadadho divyamaṇḍapam |
padmarāgamaṇistaṃbhasahasrairupaśobhitam || 2 ||
[Analyze grammar]

kṛtasvastikamāṃgalyaṃ divyatoraṇaśobhitam |
puṣparāgamahādvāraṃ saptabhūmikagopuram || 3 ||
[Analyze grammar]

praviśyā'sau dadarśā'ntardivyabhauktikamaṇḍapam |
tanmadhye vedikā tatra tuṃgāṣṭapādarājitam || 4 ||
[Analyze grammar]

siṃhāsanaṃ ca yanmadhye padmaṃ sahasrapatrakam |
tatrasamabhyāsīnaṃ ca sundaraṃ puruṣākṛtim || 5 ||
[Analyze grammar]

caturbāhuṃ śvetavarṇaṃ varāhāsyaṃ dadarśa saḥ |
śaṃkhacakrā'bhayavarān bibhrāṇaṃ puruṣottamam || 6 ||
[Analyze grammar]

pītāmbaradharaṃ devaṃ puṇḍarīkāyatekṣaṇam |
pūrṇendusaumyavadanaṃ kirīṭojjvalakāntikam || 7 ||
[Analyze grammar]

sāmadhvaniṃ yajñamūrtiṃ sruktuṇḍaṃ sruvanāsikam |
śrīvatsavakṣaḥsaṃśubhrayajñasūtravirājitam || 8 ||
[Analyze grammar]

kaustubhaśrīsamudyotaṃ svarṇabhūṣāvibhūṣitam |
kaṭakāṃgadakeyūrakuṇḍalojjvalitaṃ harim || 9 ||
[Analyze grammar]

nāradastamabhiṣṭūya sthito devasya sannidhau |
etasminnantare lakṣmi dharaṇī tatra cāgatā || 10 ||
[Analyze grammar]

ilāyā vai piṃgalayā sakhībhyāṃ hi samanvitā |
sarvābharaṇaśobhāḍhyā yuvatī tu sakhīyutā || 11 ||
[Analyze grammar]

nanāma pādamūle śrīharervikīrya mastake |
puṣpāṇi naikagandhāni kṛtāñjalipuṭā sthitā || 12 ||
[Analyze grammar]

tāṃ devīṃ śrīvarāho'pi hyāliṃgyāṃ'ke nidhāya ca |
papraccha kuśalaṃ tasyāstathā''gamanakāraṇam || 13 ||
[Analyze grammar]

pṛthvī prāha bhagavaṃste kṛpayā kuśalaṃ mama |
śrutaṃ mayā śeṣaśāyinārāyaṇamukhāt khalu || 14 ||
[Analyze grammar]

lakṣmīcchayā bhuvi jale pūrvaṃ vedavatī tu yā |
tatsthānaṃ tanmahattīrthaṃ draṣṭumicchāmi mādhava || 15 ||
[Analyze grammar]

tacchrutvā nāradaḥ prāha satyaṃ tadvai vasundhare |
tadetadahamaśrauṣaṃ satye vai munisaṃsadi || 16 ||
[Analyze grammar]

evamuktvā hariṃ natvā nārado badarīṃ yayau |
dharaṇī prāha bhagavaṃstasya sthānasya darśanam || 17 ||
[Analyze grammar]

padminyā darśanaṃ kartumicchāmi te kṛpā yadi |
tathāstviti varāhastāmuktvā sasmāra pakṣiṇam || 18 ||
[Analyze grammar]

vainateyaḥ samāyāto divyadehena tatpuraḥ |
dharaṇīṃ saha nītvaiva vārāho bhagavān svayam || 19 ||
[Analyze grammar]

samāruroha garuḍaṃ prājagāma janisthalam |
vilokya padminīṃ chāyāṃ viyadrājasya kanyakām || 20 ||
[Analyze grammar]

nārāyaṇapuraṃ dṛṣṭvā yayau nārāyaṇācalam |
yatra śeṣācalaścādriḥ sarvātiśayapāvanaḥ || 21 ||
[Analyze grammar]

aruṇādrirhastiśailaḥ suvarṇamukharī nadī |
tasyāśca hyuttare tīre kamalākhyaṃ sarovaram || 22 ||
[Analyze grammar]

tattīre bhagavānāste śukasya varado hariḥ |
sarasaścottare pārśve haricandanaśobhitaḥ || 23 ||
[Analyze grammar]

śrīveṃkaṭācalo nāma vāsudevālayo giriḥ |
yojanadvayavistīrṇaḥ śailo'rdhayojanocchritaḥ || 24 ||
[Analyze grammar]

indrādyā devatāvrātā vaśiṣṭhādyā munīśvarāḥ |
siddhāḥ sādhyāśca maruto vaiṣṇavā bhagavatpriyāḥ || 25 ||
[Analyze grammar]

rambhādyā apsaraḥsaṃghā vasanti niyatāḥ sadā |
tapaścaranti nāgāśca garuḍāḥ kinnarādayaḥ || 26 ||
[Analyze grammar]

nārāyaṇagirau lakṣmi svāmipuṣkariṇī śubhā |
asyāstu paścime tīre vārāho dharaṇīyutaḥ || 27 ||
[Analyze grammar]

garuḍādavatīryaiva nivāsamakaroddhariḥ |
āste'syā dakṣiṇe tīre śrīnivāso jagatpatiḥ || 28 ||
[Analyze grammar]

śrībhūmisahitaścāhaṃ tatra vasāmi padmaje |
kṛteṃ'janādriṃ tretāyāṃ nārāyaṇagiriṃ jaguḥ || 29 ||
[Analyze grammar]

dvāpare sihaśailaṃ ca kalau śrīveṃkaṭācalam |
pravadanti surāstaṃ ca paramātmālayaṃ girim || 30 ||
[Analyze grammar]

svāmipuṣkariṇī tīre paścime lokapūjite |
āste varāhavadano śeṣādrau vṛṣabhācale || 21 ||
[Analyze grammar]

tatra viśrāntimāsādya nārāyaṇagirau kṣitiḥ |
varāharūpiṇaṃ devaṃ sakhībhiḥ saṃyutā dharā || 22 ||
[Analyze grammar]

papraccha parayā prītyā lakṣmīchāyāṃ vilokya sā |
veṃkaṭākhye mahāśaile śrīnivāso jagatpatiḥ || 23 ||
[Analyze grammar]

kadā cakṣuṣpathe yāti śrībhūmisahitaḥ prabhuḥ |
śrīvarāho dharāmāha purāvṛttaṃ śṛṇu priye || 24 ||
[Analyze grammar]

pūrve kṛtayuge tvatra vāyordṛṣṭvā mahattapaḥ |
āgacchacchrīnivāso hi śrībhūmisahitaḥ prabhuḥ || 35 ||
[Analyze grammar]

dakṣiṇe'smin puṇyatame svāmipuṣkariṇītaṭe |
harirvāyoḥ priyakaro hyānandākhyavimānake || 36 ||
[Analyze grammar]

ākalpāntamadṛśyo'smin vimāne vartate hariḥ |
yo'sti vaikuṇṭhadhāmā śrīkṛṣṇanārāyaṇaḥ prabhuḥ || 37 ||
[Analyze grammar]

dharaṇyāha kadā kṛṣṇaḥ kathaṃ dṛśyo bhavediti |
agastyaṛṣirāṭ taṃ ca yāceta yadi bhāvataḥ || 38 ||
[Analyze grammar]

tadā sarvasya viṣayaścakṣuṣoḥ syāt śriyaḥ patiḥ |
itiśrutvā dharā'gastyaṃ sasmāra so'pi cāyayau || 39 ||
[Analyze grammar]

ārādhya paramātmānaṃ prīṇayitvā punaḥ punaḥ |
yayāce lokalābhārthaṃ bhavān dṛśyo bhavatviti || 40 ||
[Analyze grammar]

evamukto hṛṣīkeśaḥ śrībhūmisahitaḥ prabhuḥ |
sarveṣāṃ netraviṣayo hyabhavat sa kṛpālayaḥ || 41 ||
[Analyze grammar]

munistaddarśanaṃ kṛtvā prītaḥ prāyāt svamāśramam |
vimānaṃ vidyamānaṃ ca na tu dṛśyaṃ kadācana || 42 ||
[Analyze grammar]

tataścaturbhujo devaḥ sadā dṛśyo hi vartate |
pṛthvī taddarśanaṃ kṛtvā kṛtakṛtyā vyajāyata || 43 ||
[Analyze grammar]

atha somakulotpanno mitravarmā mahārathaḥ |
tuṇḍīramaṇḍale rājā nārāyaṇapure'bhavat || 44 ||
[Analyze grammar]

tasmin śāsati bhūlokaṃ dharmeṇa mitravarmaṇi |
akṛṣṭapacyā pṛthivī sarvasasyānvitā'bhavat || 45 ||
[Analyze grammar]

nirītiko'bhavatsarvo jano bhaktisamanvitaḥ |
tasya patnī samabhavat pāṇḍyakanyā manoramā || 46 ||
[Analyze grammar]

tasya jajñe kulottaṃso viyannāmā sutaḥ śubhaḥ |
tasya patnī ca dharaṇī nāmnā''sīcchuddhavaṃśajā || 47 ||
[Analyze grammar]

viyati rājyamādhāya mitravarmā tu vaiṣṇavaḥ |
yayau tapovanaṃ puṇyaṃ veṃkaṭādreḥ samīpataḥ || 48 ||
[Analyze grammar]

viyannāmā sārvabhaumaścaikapatnīvrato'bhavat |
dharaṇīlagnacetāḥ sa śodhayāmāsa bhūtalam || 49 ||
[Analyze grammar]

yajñārthaṃ ca kāñcanena halena suviśālakam |
bhūtale kṛṣyamāṇe tu viyatā bhūbhṛtā svayam || 50 ||
[Analyze grammar]

bījamuṣṭiṃ vikiratā dṛṣṭā kanyā dharodgatā |
gahvaraṃ vivaraṃ channaṃ tatrā''sīd bhavanātmakam || 51 ||
[Analyze grammar]

āpyāyanā'nilajuṣṭaṃ sugandhiprasaracchubham |
dvāroparyupalāyuktaṃ tadadhaḥ kanyakāśritam || 52 ||
[Analyze grammar]

sarvasmṛddhimayaṃ sthānaṃ yadabhūt surapūjitam |
kṛṣyamāṇe hale tatra sītā lagnā halasya vai || 53 ||
[Analyze grammar]

upalā cotthitā cāntastejo dṛṣṭaṃ supāṇḍuram |
padmaśayyopakaraṇānyapi dṛṣṭāni bhūbhṛtā || 54 ||
[Analyze grammar]

śayyāyāṃ rājatī putrī suvarṇanirmitā yathā |
ākāśarājñā saṃdṛṣṭā vismayotphullacakṣuṣā || 55 ||
[Analyze grammar]

ādāya tanayāṃ rājā mamaiveyaṃ punaḥ punaḥ |
jaharṣa taṃ tadā prāha viyadvāṇī vihāyasi || 56 ||
[Analyze grammar]

satyaṃ tavaiva tanayā vardhayasva svaputrikām |
tataḥ prītamanā rājā tāṃ rathe cāvarohayat || 57 ||
[Analyze grammar]

abhavat kausumirvṛṣṭirdevoktavijayadhvaniḥ |
dundubhidhvānasannāditāśāścakruḥ pratidhvanīn || 58 ||
[Analyze grammar]

vāṭikābhūmikāṃ tyaktvā viveśa svapuraṃ nṛpaḥ |
āhūya dharaṇīṃ patnīmidamāha mahīśvaraḥ || 59 ||
[Analyze grammar]

devadattāmimāṃ paśya bhūtalādutthitāṃ mama |
āvayostadaputrayoḥ putrīyaṃ bhavitā dhruvam || 60 ||
[Analyze grammar]

ityuktvā pradadau patnyā haste prītyā viyannṛpaḥ |
sādhvī rājñī vilokyaiva bālāṃ tarkaṃ karoti vai || 61 ||
[Analyze grammar]

kimiyaṃ devamātā vā vedamātā ca vā satī |
śrīrvā lakṣmīḥ śāradā vā'rundhatī pārvatī ca vā || 62 ||
[Analyze grammar]

prabhā vā māṇikī gaṃgā śacī vā kiṃ sarasvatī |
rādhā vā lalitā sītā jayā vā vijayā kimu || 63 ||
[Analyze grammar]

ekādaśī jayantī dyauḥ kimvahalyā pativratā |
kimu brāhmī mahālakṣmīrmadarthaṃ kiṃ samāgatā || 64 ||
[Analyze grammar]

evaṃ kṛtavatī tarkān tāvattayā tanau svakam |
prāviṣkṛtaṃ mahattejo mahāvaikuṇṭhasadṛśam || 65 ||
[Analyze grammar]

tatra siṃhāsanaṃ ramyaṃ yatra nārāyaṇo hariḥ |
caturbhujo yuvā śyāmo rājate tvatisundaraḥ || 66 ||
[Analyze grammar]

tasya vāme sthitāṃ pārśve putrīṃ dadarśa tāṃ satīm |
mahālakṣmīsamarūpāṃ caturbhujāṃ tu vaiṣṇavīm || 67 ||
[Analyze grammar]

svakarasthāṃ viṣṇupatnīṃ bālāṃ dṛṣṭvā kṣitiḥ svayam |
mumoda tāṃ nicikṣepa pādayormādhavasya vai || 68 ||
[Analyze grammar]

kṛṣṇanārāyaṇastāṃ tu gṛhītvā yuvatīmayīm |
punardadau dharaṇyai ca jagād bhagavāna svayam || 69 ||
[Analyze grammar]

rakṣayaināmahaṃ tatrāgatya śrīveṃkaṭācalāt |
udvahiṣye vidhipūrvaṃ tāvatsevāṃ karotu vai || 70 ||
[Analyze grammar]

ityuktā sā dharaṇī tāṃ kare kṛtvā pratiṣṭhati |
tāvattejaśca vaikuṇṭhaṃ sarvaṃ tirobabhūva ha || 71 ||
[Analyze grammar]

dharaṇistvabhavattuṣṭā jagāda viyate tadā |
viyadrājā'pi divyāṃ śrīchāyāṃ jñātvā tutoṣa ha || 72 ||
[Analyze grammar]

mātā putrīṃ śriyaṃ matvā nityaṃ sevāṃ karoti hi |
devatāścāpi muktāścā''yānti draṣṭuṃ divāniśam || 73 ||
[Analyze grammar]

pūjayanti tathā tāṃ ca natvā natvā prayānti vai |
dharaṇyāśca gṛhaṃ svargādadhikaṃ viśrutaṃ babhau || 74 ||
[Analyze grammar]

kanyālābhe samakāle yajñasaṃkalpapuṇyataḥ |
ākāśarājabhāryā sā dharaṇī garbhamādadhe || 75 ||
[Analyze grammar]

viyannṛpaśca suprīto vīkṣya dauhṛdalakṣaṇām |
uvāca phalitā subhru latā sāntānikī ca me || 76 ||
[Analyze grammar]

atha kāle gate patnī dharaṇī suṣuve sutam |
supraśaste muhūrte ca meṣasthe ca divākare || 77 ||
[Analyze grammar]

sutejaskaṃ svarṇavarṇaṃ devatulyaṃ tu bālakam |
dṛṣṭvā tu dharaṇī rājā mumudāte'ti tāvubhau || 78 ||
[Analyze grammar]

dadaturbahudānāni ratnahastigavādikam |
devadundubhayo neduḥ puṣpavṛṣṭirgṛhe'patat || 79 ||
[Analyze grammar]

vavau vāyuḥ sukhasparśastatra putrajanerdine |
putrasūtipravaktṝṇāṃ dāridryaṃ tena nāśitam || 80 ||
[Analyze grammar]

kapilākoṭidānaṃ ca vṛṣabhāṇāṃ śatā'dhikam |
suvarṇānāmayutaṃ ca dadāvādye ca ṣaṣṭhake || 81 ||
[Analyze grammar]

tathaikādaśake prāpte dine nāma cakāra saḥ |
vasudāna itiramyaṃ saṃskārāṃścā'pyakārayat || 82 ||
[Analyze grammar]

vasudāno vavṛdhe vai śuklapakṣa ivoḍurāṭ |
upanīto vinīto'sau gurubhiḥ śikṣitastathā || 83 ||
[Analyze grammar]

catuṣpādaṃ dhanurvedaṃ sāṃgopāṃgamadhītavān |
piturastrāṇi sarvāṇi samantrāṇyapyaśikṣata || 84 ||
[Analyze grammar]

apradhṛṣyo'jayya āsīd duḥsaho durnirīkṣyakaḥ |
taṃ tu putraṃ mahābhāgyaṃ dṛṣṭvā rājā tu vaiṣṇavīm || 85 ||
[Analyze grammar]

samantrāṃ kṛṣṇanāmnā vai dīkṣāṃ dadau bhavāpahām |
atha putrīṃ padmatulyāṃ padmāmivā'parāṃ śubhām || 86 ||
[Analyze grammar]

lakṣmītulyāṃ viditvaiva nāmnā cakāra padminīm |
tāṃ tu yauvanasampannāṃ sakhībhiḥ parivāritām || 87 ||
[Analyze grammar]

ārāme viharantīṃ ca kīrakokilanādite |
yadṛcchayā''gatastatra nārado sarvavittamaḥ || 88 ||
[Analyze grammar]

vanalakṣmīmivā''lokya lakṣmīchāyāṃ suniścitām |
nanāma devīṃ papraccha kā'si kasyā'si vai sutā || 89 ||
[Analyze grammar]

bhāgyaṃ te bahusampannaṃ manye hastaṃ pradarśaya |
ityuktā sā sucārvaṃgī svakaṃ paricayaṃ dadau || 90 ||
[Analyze grammar]

viyadrājasya kanyā'haṃ dharaṇīpoṣitā'smi ca |
vardhitā rājabhavane samutpannā kṣitau mune || 91 ||
[Analyze grammar]

kiṃ kiṃ jānāsi sarvajña bhāgyaṃ kīdṛg vadasva me |
ityukto nāradastasyāḥ śārīraṃ cihnalakṣaṇam || 92 ||
[Analyze grammar]

pratyekaṃ saṃvilokyaiva prahṛṣṭo hyavadattadā |
pādāṅgulinakhā madhyaraktāśconnatiśālinaḥ || 93 ||
[Analyze grammar]

pādau pratiṣṭhitau śubhro raktapadmasucihnitau |
sthalapadmadalaraṃgau mṛdubhāvānvitau śubhau || 94 ||
[Analyze grammar]

talayoḥ santi valyādicihnāni susphuṭāni te |
gulphau gūḍhau samo cāpyujjvalau vartulasūnnatau || 95 ||
[Analyze grammar]

jaṃghe cā'romaśe ramye kramapuṣṭe'tiśobhane |
jānunī samasusnigdhe samābūrū kramapṛthū || 96 ||
[Analyze grammar]

samau hastikarābhyāṃ vai komalau candraśītalau |
sarvātiśayarūpāḍhyau komalau cikkaṇau tathā || 97 ||
[Analyze grammar]

nitambau pṛthulau pīnau samaghaṭṭanakau yataḥ |
sakthimūle komale ca rūparūpātiśālinī || 98 ||
[Analyze grammar]

jaghanaṃ liṃgarekhāḍhyaṃ madhyaṃ svarṇasamojjvalam |
nābhiḥ samaṇḍalā nimnā trivalīrekhayānvitā || 99 ||
[Analyze grammar]

pārśvau śubhrau medurau ca sthalapadmadalopamau |
udaraṃ trivalīramyaṃ romarājisuśobhitam || 100 ||
[Analyze grammar]

stanau pīnau ghanau snigdhāvunnatau magnacūcukau |
karau te raktapadmābhau padmarekhāsamanvitau || 101 ||
[Analyze grammar]

susūkṣmau raktasatparvanirantarasamāṃgulī |
candratulyasuśuklābhau madhyaraktasusaṃbhṛtau || 102 ||
[Analyze grammar]

dīrghau ca komalau kanye bhujau te puṣpadaṇḍabhau |
pṛṣṭhaṃ te vedivad bhāti vilagnamṛjumadhyamam || 103 ||
[Analyze grammar]

kaṇṭhaḥ rakto madhuraśca yogyadīrgho'tiśobhanaḥ |
skandhau cāvanatau te staḥ sihaskandhopamau tathā || 104 ||
[Analyze grammar]

mukhaṃ prasannaṃ satataṃ vartulaṃ śubhrakāntimat |
tejaḥparidhisaṃrājadramyaṃ dṛṣṭiharaṃ śubham || 105 ||
[Analyze grammar]

kapolau kanakādarśasadṛśau kuṇḍalojjvalau |
tilapuṣpasamākārā nāsikā te'sti padmini || 106 ||
[Analyze grammar]

viśālaṃ dhavalaṃ cāru sūjjvalaṃ te lalāṭakam |
akalaṃkā'ṣṭamīcandranibhaṃ rekhānvitaṃ śubham || 107 ||
[Analyze grammar]

nīlālakapramūlaiśca vyañjitarūpabhāsuram |
samaṃ kammānikollekhyaṃ sarvabhāgyavirājitam || 108 ||
[Analyze grammar]

mūrdhā te samavṛttaśca snigdhāyatakacānvitaḥ |
smitasaṃśobhidaśanaṃ bimbādharasamanvitam || 109 ||
[Analyze grammar]

kundakalikāsaṃśobhaddantarājivirājitam |
mukhaṃ nārāyaṇayogyaṃ tavā'sti tathyameva yat || 110 ||
[Analyze grammar]

nābhiste dakṣiṇāvarttā hṛdayaṃ viṣṇuhastavat |
rekhāsuśobhitaṃ cāsti lakṣmīrūpā hi dṛśyase || 111 ||
[Analyze grammar]

madhye tu stanayoste'sti hṛdi nārāyaṇasya vai |
caraṇordhvatilakākhyapuṇḍrarekhāpi vidyate || 112 ||
[Analyze grammar]

nābhyadho jaghane bhāge te'sti suvarṇapiṃgalā |
bāṇākṛtisamā rekhā lalāṭe mukuṭākṛtiḥ || 113 ||
[Analyze grammar]

gaṇḍe tu dakṣiṇe cātha lalāṭe madhyadeśake |
śoṇabinduśca te sudarśanatulyo'sti śobhanaḥ || 114 ||
[Analyze grammar]

urasi te caturhastaviṣṇurekhā'sti sūkṣmikā |
vāme bhuje gadācihnaṃ vāmasakthni tu pādukā || 115 ||
[Analyze grammar]

hṛdaye vaijayantyāśca rekhāsti pauraṭī śubhā |
kamalaṃ ca kare dhṛtvā hastiste'sti kare śubhe || 116 ||
[Analyze grammar]

dakṣiṇe te pade'ṅguṣṭhamūlā'dhaḥpheṇake varam |
śaṃkhacihnaṃ vartate vai lakṣmīrūpaprabodhakam || 117 ||
[Analyze grammar]

aṃgulīnāṃ tathā mūle phaṇake suvimānakam |
kaniṣṭhāmūlasānnidhye nāvaścihnaṃ hi vidyate || 118 ||
[Analyze grammar]

gadācihnaṃ mīnacihnaṃ śikharacihnamasti ca |
te ca pārṣṇau matsyarekhā tathā tāmbūlavallikā || 119 ||
[Analyze grammar]

vāmāṃguṣṭhasya mūle te yavacihnaṃ manoharam |
tathā tatra suprāsādo rekhayā vartate śubhaḥ || 120 ||
[Analyze grammar]

chatracihnamūrdhvarekhā kamalaṃ phaṇake tathā |
dhvajoṃ'kuśaṃ kumudaṃ ca śrīphalaṃ kalaśastathā || 121 ||
[Analyze grammar]

tathā vai sthalakamalaṃ dvitīyācandracihnakam |
daśacakrāṇi te santi svarṇarekhā phaṇopari || 122 ||
[Analyze grammar]

aṃkānyetāni te kanye dṛśyante'to hareḥ priyā |
bhāvinīti tu manye'haṃ hṛtsthaṃ patiṃ kuru dhruvam || 123 ||
[Analyze grammar]

yasyā yonermukhe madhye garbhe cāntardarīsthale |
bandhakaṃ valayaṃ kuṇḍalinīrūpaṃ dṛḍhaṃ kramāt || 124 ||
[Analyze grammar]

liṃgasya peṣakaṃ susaṃkocavikasiśāli ca |
bhavet sa padminī nārī viṣṇuyogyā'sti sarvadā || 125 ||
[Analyze grammar]

kasyāścid vidyate tvetad garbhagaṃ valayaṃ dṛḍham |
patyuḥ svasyāśca saukhyāya sarvāsāṃ nahi tadbhavet || 126 ||
[Analyze grammar]

ityuktvā pūjitaḥ sādhvyā nāraḍho'ntardadhe tadā |
etacchrutvā'tha tatsakhyastamūcuḥ padminīṃ satīm || 127 ||
[Analyze grammar]

puṣpārthaṃ phalapatrārthaṃ vanaṃ gacchāma īśvari |
puṣpāvacayanaṃ kurmo vasantaḥ samupāgataḥ || 128 ||
[Analyze grammar]

ityatastā vanaṃ jagmurākāśatanayāyutāḥ |
kaṃcid gajendraṃ dadṛśuḥ śubhradantacatuṣṭayam || 129 ||
[Analyze grammar]

madaṃ varṣantaṃ gaṇḍābhyāṃ dhavalaṃ kariṇīyutam |
citkāramugraṃ kurvantaṃ dṛṣṭvā tā vṛkṣamāśritāḥ || 130 ||
[Analyze grammar]

nililyurdrumasaṃghāte tāvadaśvaṃ ca dadṛśuḥ |
śvetaṃ suvarṇabhūṣāḍhyaṃ śaranmeghamivonnatam || 131 ||
[Analyze grammar]

tatpṛṣṭhe puruṣaṃ kṛṣṇavarṇaṃ kāmadhanā''bhṛtam |
padmapatrāyatanetraṃ sūkṣmakauśeyakāmbaram || 132 ||
[Analyze grammar]

sadratnamaṇisannaddhahārakeyūrakuṇḍalam |
divyaśārṅgadharaṃ svarṇaśarayuktaṃ kareṇa vai || 133 ||
[Analyze grammar]

pītavastrapraveṣṭitakaṭibhāgaṃ sumadhyamam |
ratnakaṃkaṇanūpuraraśanāsūtrarājitam || 134 ||
[Analyze grammar]

viśālavakṣaḥsaṃśobhidakṣiṇāvartasaṃyutam |
svarṇayajñopavītena sphuratskandhaṃ manoharam || 135 ||
[Analyze grammar]

taṃ dṛṣṭvā vismitāḥ sarvāḥ sasmitāstasthurādarāt |
gajo yayau tadā dūraṃ hayārūḍho janastadā || 136 ||
[Analyze grammar]

kanyā drumāśritā dṛṣṭvā cāyayau tatsamīpataḥ |
prāha kanyā bhavatībhirdṛṣṭaḥ kaścinmṛgo'tra vai || 137 ||
[Analyze grammar]

pratyūcustāstu taṃ sarvā dṛṣṭo'smābhirna kaścana |
kimarthamāgato'smākaṃ vanaṃ gaccha vanādbahiḥ || 138 ||
[Analyze grammar]

atrā'vadhyā mṛgāḥ sarve tvākāśarājarakṣitāḥ |
evaṃ śrutvā vacastāsāṃ hayādavaruroha saḥ || 139 ||
[Analyze grammar]

papraccha kā bhavatyo'tra keyaṃ kanyā ca padminī |
brūta me'haṃ gamiṣyāmi śrutvā nārāyaṇācalam || 140 ||
[Analyze grammar]

vasāmyahaṃ sadā nityaṃ vane bhramāmi yāmi ca |
tadā taṃ dharaṇīputryā preritā prāha śāradā || 141 ||
[Analyze grammar]

ākāśarājatanayāṃ vasudhāgarbhasaṃbhavām |
asmākaṃ śikṣikāṃ nāmnā padminīṃ viddhi bālikām || 142 ||
[Analyze grammar]

dehi tvaṃ svīyanāmādi kiṃjātiko'tra vartase |
iti pṛṣṭaḥ sa tā āha sūryavaṃśī jano'smyaham || 143 ||
[Analyze grammar]

nāmnāṃ na me prasaṃkhyānaṃ pāvanānāṃ tu kanyakāḥ |
varṇato nāmataścāpi kṛṣṇonārāyaṇo'smyaham || 144 ||
[Analyze grammar]

cakraṃ bhayāvahaṃ yasya dharmadviṣāṃ tu dehinām |
śaṃkhadhvaniryatkṛto dārayatyarisamūhakān || 145 ||
[Analyze grammar]

yasya śārṅgaṃ dhanurnityaṃ sṛṣṭau daityavimohanam |
padmaṃ hastagataṃ dātṛśriyo lakṣmyāśca vardhakam || 146 ||
[Analyze grammar]

so'haṃ veṃkaṭaśailastho mṛgayārthamupāgataḥ |
mayā'pyanudrutaḥ śveto gajātmā mṛgayūthapaḥ || 147 ||
[Analyze grammar]

ito dhāvan vāyuvego yayāvadṛśyatāmitaḥ |
samāgacchaṃ samapaśyaṃ subhagāṃ padminīmimām || 148 ||
[Analyze grammar]

mṛgaṃ tyaktvā mṛgīṃ prāpto mayā kiṃ labhyate nviyam |
iti kṛṣṇavacaḥ śrutvā kruddhāstāḥ prāhuraśvinam || 149 ||
[Analyze grammar]

gaccha śīghraṃ vanādasmānmā vadaivaṃ kadācana |
ākāśarājaḥ śrutvā tvāṃ nigaḍe bandhayiṣyati || 150 ||
[Analyze grammar]

yathānāmaguṇo bhāsi kṛṣṇaścāntarbahiḥ khalu |
yāhi divyāṃ parakanyāṃ yācase kiṃ na lajjase || 151 ||
[Analyze grammar]

sarvā militvā cātraiva bandhayiṣyāma eva hi |
tāḍayiṣyāma evātra yenā'vocaḥ punarna tat || 152 ||
[Analyze grammar]

tarjitastābhirevaṃ śrīkṛṣṇanārāyaṇaḥ prabhuḥ |
hayamāruhya sandṛṣṭvā kaṭākṣeṇa yayau girim || 153 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye merau bhūnāradābhyāṃ varāhāvatāradarśanaṃ kṛtam lakṣmīchāyāyā janmasthalaṃ nārāyaṇapuraṃ garuḍenāgatya dṛṣṭaṃ pṛthivīgarbhātpadminyā utpattiḥ viyannāmarājñā sā vardhitā vasudānaḥ sutaśca jajñe nāradena cihnairlakṣmīsamā'sītyuktaṃ |
udyāne'śvārūḍho nārāyaṇa āgatya paricayaṃ datvā veṃkaṭādriṃ yayau cetyādinirūpaṇanāmā'ṣṭanavatyadhikatriśatatamo'dhyāyaḥ || 398 ||
[Analyze grammar]