Chapter 385

śrīnārāyaṇa uvāca |
mannāmnāṃ tvaṃ kīdṛgarthān sujānāsi pativrate |
vada māṃ yena tuṣyāmi jñātvā te jñānamuttamam || 1 ||
[Analyze grammar]

ityuktā bhārgavī sā tvaṃ vyutpattiṃ pracakartha ha |
kṛṣirbhūvācakaḥ śabdaḥ ṇaśca nirvṛttivācakaḥ || 2 ||
[Analyze grammar]

tayoraikyaṃ paraṃ brahma kṛṣṇa ityabhidhīyate |
duḥkhānāṃ karṣaṇād dhāmni nayanāt kṛṣṇa ucyate || 3 ||
[Analyze grammar]

rāśabdaḥ saṃpadāṃ nāma mo māne procyate sadā |
sampatpramāṇadaḥ kṛṣṇo rāmanāmā samucyate || 4 ||
[Analyze grammar]

ramate ramayā sārdhaṃ tena rāmaḥ samucyate |
ramāyā ramaṇasthānaṃ rāmaḥ kṛṣṇaḥ sa ucyate || 5 ||
[Analyze grammar]

narātmanāṃ samudāye'yanaṃ saṃvāsameva yaḥ |
karotyayaṃ prabhurnārāyaṇaḥ kṛṣṇaḥ sa ucyate || 6 ||
[Analyze grammar]

nārā pāpāni vai teṣāṃ cā'yaṃ nāśo yato bhavet |
nārāyaṇaḥ sa evā'sti kṛṣṇanārāyaṇaḥ prabhuḥ || 7 ||
[Analyze grammar]

nārā jalāni tatrā''ste tena nārāyaṇaḥ sa hi |
nārā tu bhārgavī lakṣmīstayā'yanaṃ karoti yaḥ || 8 ||
[Analyze grammar]

kṛṣiśca prema tannetā kṛṣṇanārāyaṇaḥ sa vai |
bhavān mama patiḥ śrīśrīkṛṣṇanārāyaṇo hariḥ || 9 ||
[Analyze grammar]

harasi bhaktaduḥkhāni haristvaṃ bhagavān svayam |
ṣaḍaiśvaryasametastvaṃ bhagavān procyate sadā || 10 ||
[Analyze grammar]

bhagaṃ bhaktastadesyāsti bhagavāṃstvaṃ tato mataḥ |
aṃkuro bhaktivṛkṣasya bhaktasaṃgena vardhate || 11 ||
[Analyze grammar]

tathā harikathālāpapīyūṣasecanena ca |
abhaktālāpadīpāgnijvālāyāḥ kalayā'pi tu || 12 ||
[Analyze grammar]

aṃkuraḥ śuṣkatāṃ yāti bhaktasektena vardhate |
tasmādabhaktasaṃghaṃ vai sāvadhānā tyajāmi vai || 13 ||
[Analyze grammar]

kṛṣisatkṛṣṭavacano ṇaśca sadbhaktibodhakaḥ |
aścāpi dātṛvacanaḥ kṛṣṇastvaṃ procyase'pi ca || 14 ||
[Analyze grammar]

kṛṣiśca paramānande ṇaśca taddāsyakarmaṇi |
tayordātā bhavān kṛṣṇaḥ kṛṣṇadāsī ca bhārgavī || 15 ||
[Analyze grammar]

kṛṣiḥ kleśastasya nāśāt kṛṣṇastvayi pravartate |
jalaṃ bhittvā yathā padmaṃ tathā bhaktastvadāśrayāt || 16 ||
[Analyze grammar]

uddharati kṛṣṇanārāyaṇanāmnā bhavārṇavāt |
śriyā tvaṃ śrīkṛṣṇanārāyaṇo yukto'si vai mayā || 17 ||
[Analyze grammar]

mama bhāgyaṃ mahanmanye tava yogātpareśvara |
dhanyā sā kaṃbharālakṣmīrdhanyo gopālakṛṣṇakaḥ || 18 ||
[Analyze grammar]

yadgṛhe śrīkṛṣṇanārāyaṇastvaṃ vartase sadā |
yadvāci śrīkṛṣṇanārāyaṇanāma pravartate || 19 ||
[Analyze grammar]

bhasmībhavanti vai tasya mahāpātakakoṭayaḥ |
divyo bhūtvā mahāmukto jāyate na punarbhavaḥ || 20 ||
[Analyze grammar]

sarveṣāmapi yajñānāṃ lakṣāṇi ca vratāni ca |
tīrthasnānāni sarvāṇi tapāṃsyanaśanāni ca || 21 ||
[Analyze grammar]

vedapāṭhasahasrāṇi prādakṣiṇyaṃ bhuvaḥ śatam |
kṛṣṇanārāyaṇanāmnaḥ kalāṃ nārhanti ṣoḍaśīm || 22 ||
[Analyze grammar]

mā ca brāhmī vaiṣṇavī śrīrnārāyaṇī sanātanī |
mahālakṣmīrbhārgavī ca tāsāṃ svāmī ca mādhavaḥ || 23 ||
[Analyze grammar]

tvayi sarveśvare bhaktistvaddāsyaṃ me sadā'stu vai |
tava nāmnāṃ bhajanaṃ ca sarvadā'stu ca me hṛdi || 24 ||
[Analyze grammar]

dehena manasā vācā kriyayā sarvakarmabhiḥ |
tavaiva sevanaṃ nātha vāñchitaṃ me sadā'stu tat || 25 ||
[Analyze grammar]

tapastaptaṃ tadarthaṃ vai seviṣye matpriyaṃ patim |
ānandaṃ ca tvayā dattaṃ bhokṣye śāśvatameva ca || 26 ||
[Analyze grammar]

ityuktvā bhārgavī lakṣmi virarāma hareḥ puraḥ |
tāvatsakhyaḥ samāyātā bhūṣayituṃ tu bhārgavīm || 27 ||
[Analyze grammar]

kṛṣṇanārāyaṇo jñātvā'vasaraṃ cotthitastadā |
narmadāyāstaṭe yāto vihārārthaṃ vayasyakaiḥ || 28 ||
[Analyze grammar]

tāvattatra divyarūpāḥ sarvā nārāyaṇapriyāḥ |
ratnasiṃhāsane ramye vāsayāmāsurīśvarīm || 29 ||
[Analyze grammar]

kṛṣṇapatnī prabhādevī ratnamālāṃ gale dadau |
pārvatī dakṣiṇe haste krīḍāpadma dadau śubham || 30 ||
[Analyze grammar]

padmā tasyā dadau pādapadmayugme'pyalaktakam |
pradadau māṇikī patnī sindūraṃ sundaraṃ varam || 31 ||
[Analyze grammar]

candanena samāyuktaṃ sīmantā'dhastalojjvalam |
sucārukabarī ramyāṃ cakāra maṃgalā priyā || 32 ||
[Analyze grammar]

manoharāṃ munīnāṃ ca mālatīmālyabhūṣitām |
sthalapadmadalapuṣpagrathitaṃ dhammilaṃ vyadhāt || 33 ||
[Analyze grammar]

kastūrīkuṃkumāktaṃ ca cārucaṃdanapatrakam |
stanayugme sukaṭhine cakāra lalitā priyā || 34 ||
[Analyze grammar]

cārucampakapuṣpāṇāṃ mālāṃ gandhamanoharām |
sudhāsakhī dadau tasyai praphullā navamallikām || 35 ||
[Analyze grammar]

jayā ratyāṃ surasikā ratnabhūṣaṇabhūṣitām |
tāṃ cakārā'tirasikāṃ varāṃ ratirasotsukām || 36 ||
[Analyze grammar]

śaratpadmadalābhaṃ ca locanaṃ kajjalojjvalam |
kṛtvā dadau sulalitaṃ pāñcālī cāmbaraṃ navam || 37 ||
[Analyze grammar]

vijayā pārijātānāṃ kusumāni kare dadau |
amṛtā ca sakhī tailaṃ sugandhaṃ pradadau tanau || 38 ||
[Analyze grammar]

ratiḥ śṛṃgāraviṣayaṃ smārayāmāsa rājasam |
sudhopamaṃ sumadhuraṃ vacanādi prarañjakam || 39 ||
[Analyze grammar]

kamalānāṃ campakānāṃ dale candanacarcite |
cakāra ratitalpaṃ ca kamalā cāśu komalam || 40 ||
[Analyze grammar]

cāru campakapuṣpāṇi sthalābjānāṃ dalāni ca |
cakāra candanāktāni kṛṣṇārthaṃ śāradā priyā || 41 ||
[Analyze grammar]

kelikadambapuṣpāṇāṃ stabakaṃ ca manoharam |
tathā mālā kadambānāṃ śrīḥ kṛṣṇārthaṃ cakāra ha || 42 ||
[Analyze grammar]

tāmbūlaṃ ca varaṃ ramyaṃ karpūrādisuvāsitam |
kṛṣṇā cakāra kṛṣṇārthaṃ dadau tasyai tathā'param || 42 ||
[Analyze grammar]

karṇayorbhūṣaṇe menā dhanyā lalāṭabhūṣaṇam |
kalāvatī tu bhārgavyai dadau nāsāvibhūṣaṇam || 44 ||
[Analyze grammar]

siddhistvasyai dadau gandhasāraṃ coṣṭhapraraṃjanam |
bruddhirdadau tu bhārgavyai gaṇḍabindu manoharam || 45 ||
[Analyze grammar]

harervasumatī patnī ratnahārān gale dadau |
mūrtiścāsyai dadau ramyāṃ kaṃcukīṃ kāṃcanaprabhām || 46 ||
[Analyze grammar]

sāvitrī ca dadau yajñopavītaṃ kāṃcanaṃ varam |
preyasī ca dadau tvasyāstanayoścandanaṃ śubham || 47 ||
[Analyze grammar]

śreyasī ca dadau kaṭyāṃ raśanāṃ svarṇanirmitām |
ṛtambharā dadau tvasyai prakoṣṭhaśṛṃkhalā śubhām || 48 ||
[Analyze grammar]

bhūriśṛṅgā dadāvasyai bhujayoḥ kaṭake vare |
rādhyāsā pradadau tantīṃ lalāṭaphalake tadā || 49 ||
[Analyze grammar]

saṃjñā kaṇṭhīṃ suvarṇasya mudgamālātmikāṃ dadau |
yatinī pradadau cāsyai yavamālāṃ suśobhitām || 50 ||
[Analyze grammar]

aruṇā pradadau śāṭīṃ sūryavarṇāṃ suvarṇajām |
arundhatī dadau tasyai svarṇormikādaśadvayam || 51 ||
[Analyze grammar]

miṣṭādevī yogapaṭṭaṃ dadau suvarṇanirmitam |
kaṃbharā pradadau ramyaṃ darpaṇaṃ vyajanaṃ śubham || 52 ||
[Analyze grammar]

dyuvarṇā pradadau tvasyai svarṇaghargharikāṃ śubhām |
vikuṇṭhā pradadau tasyai nūpure kānake tadā || 53 ||
[Analyze grammar]

nakharaṃgaṃ dadau vamrī jyoṣṭrī netraprakajjalam |
vārkṣī dhūpaṃ sugandhaṃ ca puṣpā gandhajalaṃ dadau || 54 ||
[Analyze grammar]

sudughā ca dadau dugdhavaṭikāṃ puṣṭidāyinīm |
tulasī staṃbhanarasamapāyayattu bhārgavīm || 55 ||
[Analyze grammar]

sarasvatī dadau tasyāḥ pādayoḥ samalaktakam |
campā ca mañjulā rāmā dayā śāntā jayā'nilā || 56 ||
[Analyze grammar]

śāntirhaimī ca ratnā ca muktā devī ca pānikā |
mauktikā''modikā kāntiḥ śivā maṇiśca vai damī || 57 ||
[Analyze grammar]

ityādyā bhagavatpatnyo vidadhustāmalaṃkṛtām |
evaṃ śṛṃgārasampannāṃ kṛtvā sakhyo'pyaraṃjayan || 58 ||
[Analyze grammar]

parasparaṃ ca vidhinā bhagavattoṣahetave |
pratīkṣante tvāgamanaṃ kṛṣṇanārāyaṇasya tāḥ || 59 ||
[Analyze grammar]

antaryāmī harirjñātvā vihāya narmadātaṭam |
samāyayau bhavanāgre kadambadrumasannidhau || 60 ||
[Analyze grammar]

dauvārikakṛtaṃ śabdaṃ jayaṃ śrutvā sakhījanaḥ |
satkārārthaṃ bhagavato drāgeva bahirāyayau || 61 ||
[Analyze grammar]

pādyaṃ cārghyaṃ jalaṃ datvā peyaṃ datvā sumiṣṭakam |
nināya śrīkṛṣṇanārāyaṇa vai bhārgavīśayam || 62 ||
[Analyze grammar]

tāśca sarvā vimucyaiva natvā kṛṣṇanarāyaṇam |
yayurgṛhāntarāṇyeva raho datvā vadhūṃ varam || 63 ||
[Analyze grammar]

pātivratyena dharmeṇa siṣeve bhārgavī mudā |
kṛṣṇanārāyaṇaḥ patnīṃ dadarśa sthiracakṣuṣā || 64 ||
[Analyze grammar]

śvetacampakavarṇābhāmatulāṃ sumanoharām |
śṛṃgāritāṃ sakhībhirvai svasyārthaṃ mohinīṃ kṛtām || 65 ||
[Analyze grammar]

sukeśīṃ sundarīṃ śyāmāṃ stanayugmonnatānanām |
nitambakaṭhinaśroṇīṃ sasmitāṃ sudatīṃ satīm || 66 ||
[Analyze grammar]

koṭīndūjjvalakāntyāsyāṃ śaratkamalalocanām |
kajjalojjvalanetrāṃ ca svarṇabhūṣāvibhūṣitām || 67 ||
[Analyze grammar]

citrālitanusadrūpāṃ kāmapūrṇasuvigrahām |
rasikāṃ sotsukāṃ kṛṣṇanārāyaṇāṅkamānasām || 68 ||
[Analyze grammar]

vahniśuddhāṃśukādhānāṃ rativegabharāntarām |
cārukuṇḍalayugmena śrutigaṇḍasthalojjvalām || 69 ||
[Analyze grammar]

sunāsāsvarṇavālāṃ ca gajamuktāsumālikām |
kuṃkumālaktakastūrīsnigdhacandanacarcitām || 70 ||
[Analyze grammar]

khagendracañcusannāsāṃ komalāṃgīṃ sukāmukīm |
dadhānāṃ sukapolau ca kamanīyā kareṇugām || 71 ||
[Analyze grammar]

kāmakāmyālayāṃ tanvīṃ kaṭākṣānaṃgadrśinīm |
pārijātaprasūnāni dadhānāṃ krīḍanāya vai || 72 ||
[Analyze grammar]

karmaṇā manasā vācā svapne jāgaraṇe tathā |
kṛṣṇanārāyaṇaprītismṛtyāḍhyāṃ premasaṃbhṛtām || 73 ||
[Analyze grammar]

bhāvānubhāvanāsaktāṃ śuddhabhaktāṃ pativratām |
gauravarṇāṃ raktapūrṇāṃ śaśvadvakṣaḥsthalasthitām || 74 ||
[Analyze grammar]

priyāsu priyabhakteṣu bhaktāsu priyavādinīm |
dṛṣṭvā tu bhārgavīṃ kṛṣṇanārāyaṇo mumoha vai || 75 ||
[Analyze grammar]

bhārgavī śayane dṛṣṭvā svāminaṃ prāṇavallabhā |
kāmapūrṇaṃ śubhaveṣaṃ sundareśaṃ ca sasmitam || 76 ||
[Analyze grammar]

navīnajaladaśyāmaṃ pītakauśeyavāsasam |
candanokṣitasarvāgaṃ ratnabhūṣaṇabhūṣitam || 77 ||
[Analyze grammar]

svarṇasatkalgimukuṭaṃ mālatīmālyaśobhitam |
īṣaddhāsyaprasannā''syaṃ bhaktānugrahavigraham || 78 ||
[Analyze grammar]

rantukāmaṃ manaḥkāntaṃ kāmakāntaṃ patiṃ priyam |
javena vakṣasi kṛtvā provāca parameśvaram || 79 ||
[Analyze grammar]

jātaṃ me saphalaṃ janma yasyā me īdṛśaḥ patiḥ |
sujīvitaṃ jīvitaṃ me yasyāḥ kānto narāyaṇaḥ || 80 ||
[Analyze grammar]

dṛṣṭvā te mukhacandraṃ me susnigdhaṃ locanaṃ manaḥ |
pañcaprāṇā dravitāśca harṣo māti na me tanau || 81 ||
[Analyze grammar]

tvaddṛṣṭyā'mṛtavṛṣṭyā ca susiktā''nandasammukhī |
virahaḥ svāmino nātha dāvānalaḥ sudāruṇaḥ || 82 ||
[Analyze grammar]

ityuktvā bhārgavī lakṣmīḥ kṛṣṇanārāyaṇaṃ patim |
svāsane svāpayāmāsa cakre pādādimardanam || 83 ||
[Analyze grammar]

sugandhaṃ jalasāraṃ ca tailasāraṃ ca darpaṇam |
jāmbūlaṃ jalapānaṃ ca puṣpahārān sucandanam || 84 ||
[Analyze grammar]

madhu bhojya phalaṃ miṣṭaṃ cānaṃgabalagūṭikām |
sudhāṃ dadau kṛṣṇanārāyaṇāya svāṃ dadau tataḥ || 85 ||
[Analyze grammar]

saphalīkṛtavān svāmī puṣpaśayyāṃ manoharām |
bhārgavīṃ saphalīcakre navoḍhāṃ ratimandirām || 86 ||
[Analyze grammar]

sasmitā sasmitaṃ kāntaṃ śāntaṃ kāntamanoharā |
talpe sarvātmanā lakṣmīḥ siṣeve sukhamūrchitā || 87 ||
[Analyze grammar]

santuṣṭā bhārgavī kāntaṃ santuṣṭaṃ prāha dharmataḥ |
sā strī bhāvānuraktā yā yaḥ pāti strīṃ patiśca saḥ || 88 ||
[Analyze grammar]

premasaukhyaṃ patipatnyordharmataḥ khalu durlabham |
pativratā vijānāti rasikā guṇavatpatim || 85 ||
[Analyze grammar]

dūrāddhāvati padmārthaṃ madhulobhānmadhuvrataḥ |
bhekastannahi jānāti tanmūrdhni pādamutsṛjet || 90 ||
[Analyze grammar]

yantrī jānāti saṃgītarasaṃ yantraṃ tu naiva hi |
dugdhasvādaṃ kṣudhitaśca na darvī naiva bhājanam || 91 ||
[Analyze grammar]

paripakvaphalā''svādaṃ sukhaṃ jānanti bhoginaḥ |
ekatrā'vasthitāḥ śaśvanna kiṃcit phalino yathā || 92 ||
[Analyze grammar]

suśītalajalā''svādaṃ vijānanti kṛṣīvalāḥ |
na vāpī na ca kalaśaścaikatrā'vasthito yathā || 93 ||
[Analyze grammar]

bhogino hi vijānanti śālisvādurasaṃ param |
ekatrā'vasthitaṃ cāpi na kṣetraṃ bhājanaṃ na vā || 94 ||
[Analyze grammar]

bubudhe candanā''ghrāṇaṃ candanārthī na gardabhaḥ |
saubhāgyaṃ gauravaṃ prema durlabhaṃ nityanūtanam || 95 ||
[Analyze grammar]

pativratā vijānāti sulabhaṃ patisevanāt |
patnīvrataḥ patiścāpi prāpnoti sulabhaṃ hi tat || 96 ||
[Analyze grammar]

tava sevāpradaṃ me'stu pātivratyaṃ tvayi prabho |
patnīvrate kṛṣṇanārāyaṇe nāthe vṛṇomyaham || 97 ||
[Analyze grammar]

tathā'stviti hariḥ prāha bhārgavīṃ patisevikām |
darśayāmāsa rūpāṇi yāni lakṣmyā bhavanti vai || 98 ||
[Analyze grammar]

paśya tvaṃ bhārgavi te tu dhṛtāni yatra yāni vai |
rūpāṇi tu mayā sākaṃ pātivratyena tiṣṭhasi || 99 ||
[Analyze grammar]

akṣare brahmaṇi cāhaṃ vartāmi puruṣottamaḥ |
tatrā'si tvaṃ cidānandā'kṣararūpeṇa vartase || 100 ||
[Analyze grammar]

goloke gokule vṛndāvane tvaṃ rādhikā'si me |
dvibhujo gopaveṣo'haṃ kṛṣṇo'smi rādhikāpatiḥ || 101 ||
[Analyze grammar]

caturbhujo'haṃ vaikuṇṭhe dvedhā nārāyaṇaḥ sadā |
lakṣmīḥ sarasvatī tvaṃ ca mayā kāntena vartase || 102 ||
[Analyze grammar]

sindhukanyā tvaṃ tu lakṣmīrmartyo lakṣmīpatistadā |
śvetadvīpe ca kṣīrode lakṣmīpatiścaturmujaḥ || 103 ||
[Analyze grammar]

ahaṃ nārāyaṇarṣiśca naro dharmaḥ sanātanaḥ |
śāntirlakṣmīsvarūpā tvaṃ mayi cāsi pativratā || 104 ||
[Analyze grammar]

ahaṃ kapilastvaṃ siddhiḥ sarvatraivaṃ pravartase |
ahaṃ patnīvratastvaṃ ca pativratā pravartase || 105 ||
[Analyze grammar]

vaikuṇṭhe tu mahālakṣmīrbhavatī hi sarasvatī |
bhavatī mṛtyulakṣmīśca kṣīrodaśāyinaḥ priyā || 106 ||
[Analyze grammar]

dharmaputravadhūstvaṃ ca śāntirlakṣmīsvarūpiṇī |
kapilasya priyā kāntā bhuvi tvaṃ bhāratī satī || 107 ||
[Analyze grammar]

tvaṃ sītā rāmarūpasya mama patnī pravartase |
bhaviṣyasi kṛṣṇarūpe rukmiṇī tvaṃ priyā tadā || 108 ||
[Analyze grammar]

kaṃbharā tvaṃ mahālakṣmīrgopālakṛṣṇabhāminī |
evaṃ tvaṃ bhārgavī jātā kṛṣṇanārāyaṇo'smyaham || 109 ||
[Analyze grammar]

padmā tvaṃ ca ramā tvaṃ ca prabhā tvaṃ pārvatī tathā |
māṇikī tvaṃ jayā tvaṃ ca śrīstvaṃ kṛṣṇā mama priyā || 110 ||
[Analyze grammar]

haṃsā ca maṃjulā campā haimī devī ramā dayā |
mauktikā ca jayā śāntistvaṃ tadrūpādhidevatā || 111 ||
[Analyze grammar]

yatra yadā januṃ prāptā vartase me priyā tadā |
udvāhayitvā saṃgṛhya nayāmi tvāṃ mayā saha || 112 ||
[Analyze grammar]

nānārūpaḥ sadā cāsmi svāṃśena kalayā ca vā |
tvayā sahitaḥ sarvatra virāje matpriye śubhe || 113 ||
[Analyze grammar]

paripūrṇatamaścāsmi tvaṃ ca pūrṇatamā'si vai |
yatra yādṛg bhavet kāryaṃ tatra yāmi tvayā saha || 114 ||
[Analyze grammar]

pativratāsamā nānyā tvayā cānyā hi vidyate |
atituṣṭo'smi deveśi caikarūpeṇa vartase || 115 ||
[Analyze grammar]

yāstavemāṃ patisevāṃ śroṣyanti bhāvataśca tāḥ |
paṭhiṣyanti ca vā tā vai samavāpsyanti māṃ patim || 116 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye bhārgavyāḥ śṛṃgāraḥ śrīkṛṣṇanārāyaṇasya sevanam pātivratyaparāyaṇatāpradarśanaṃ cetyādinirūpaṇanāmā pañcāśītyadhikatriśatatamo'dhyāyaḥ || 385 ||
[Analyze grammar]