Chapter 381

śrīnārāyaṇa uvāca |
śṛṇu lakṣmi kathāṃ cānyāṃ pātivratyaparāyaṇām |
reṇukā jamadagneryā patnī cā'bhūtpativratā || 1 ||
[Analyze grammar]

yā mṛtaṃ patimādāya saṃviveśa citā'nale |
yatputraḥ paraśurāmo hyāsīdvane tapaḥsthitaḥ || 2 ||
[Analyze grammar]

narmadāyāstaṭe māhiṣmatyā nātipradūrake |
vane śreṣṭhāśramo hyāsījjamadagnerdrumākulaḥ || 3 ||
[Analyze grammar]

jamadagniḥ kāmadhenuḥ parśurāmaśca reṇukā |
ete mukhyāstathā cānye hyāsan śiṣyāḥ sutāḥ pare || 4 ||
[Analyze grammar]

sahasraśaḥ patiṃ saṃsevate bhaktyā tu reṇukā |
pātivratyena dharmeṇa devatāvanditā satī || 5 ||
[Analyze grammar]

śṛṇu vistaratastasyāḥ kathāṃ lakṣmi pramuktidām |
reṇukā putralabdhyarthaṃ tapaścacāra dāruṇam || 6 ||
[Analyze grammar]

śītakāle patisevā karotyaharniśaṃ satī |
ārdravastreṇa ca kṛṣṇapūjāṃ karoti vai prage || 7 ||
[Analyze grammar]

ekabhuktā'bhavaccaiva sūryapūjāṃ karoti ca |
vahnipūjāmatithīnāṃ gavāṃ pūjāṃ karoti ca || 8 ||
[Analyze grammar]

varṣamātraṃ phalāhārā varṣaṃ patrādanā'bhavat |
varṣaṃ jalādanā varṣaṃ vāyvāhārā'bhavat satī || 9 ||
[Analyze grammar]

varṣaṃ bāṣpādanā varṣaṃ nirāhārā'bhavat satī |
kṛṣṇanārāyaṇanāmnā japati sma nirantaram || 10 ||
[Analyze grammar]

patyuḥ sevāṃ dvitīyena rūpeṇa ca karoti vai |
evaṃ tasmai prasanno'bhūt kṛṣṇanārāyaṇaḥ prabhuḥ || 11 ||
[Analyze grammar]

sākṣājjagāma tasyāstvantikaṃ prāha varaṃ vṛṇu |
satī prāha bhavān me'tra gṛhe putro'stu rakṣakaḥ || 12 ||
[Analyze grammar]

tathāstviti prāha kṛṣṇanārāyaṇastirodadhe |
tataḥ kāle'bhavad rāmaḥ kāṣṭhārtaṃ paraśuṃ dadhan || 13 ||
[Analyze grammar]

paraśurāmanāmā'sau khyāto'bhavad vaneṣu saḥ |
ekadā pitarau natvā pitāmahagṛhaṃ gataḥ || 14 ||
[Analyze grammar]

ṛcīkaṃ taṃ pitāmahaṃ natvā''sasāda cāsane |
uvāsa katicinmāsān tacchuśrūṣāparāyaṇaḥ || 15 ||
[Analyze grammar]

tato yayau bhṛguṃ khyātiṃ nanāma vinayānvitaḥ |
bhṛguḥ prāha hitaṃ kartuṃ lokānāṃ rāmamacyutam || 16 ||
[Analyze grammar]

gaccha putra mamā''deśāddhimavantaṃ tapaḥkṛte |
śaṃkaraḥ sarvathā tuṣṭastava śreyaḥ kariṣyati || 17 ||
[Analyze grammar]

natvā tau ca tato rāmo jagāma himaparvatam |
sarastīre parṇakuṭīṃ kṛtvā tapaścacāra ha || 18 ||
[Analyze grammar]

bahuvarṣaṃ gate kāle mṛgavyādhavapuḥ śivaḥ |
tapastuṣṭo jagāmāsyā'ntikaṃ prāha tu tāpasam || 19 ||
[Analyze grammar]

snāhi sarvatra tīrtheṣu tapo ghoraṃ samācara |
tena puṇyena te rāma sarvāṇyastrāṇyavāpsyasi || 20 ||
[Analyze grammar]

ityuktvā'ntardadhe śaṃbhū rāmastīrthāni saṃyayau |
kailāsaṃ ca yayau tasmai śaivamastraṃ dadau haraḥ || 21 ||
[Analyze grammar]

datvā ca paraśuṃ prāha suraśatrūn sadā jahi |
rāmo daityān bahūn hatvā samāpede svakāśramam || 22 ||
[Analyze grammar]

śaṃbhustatra samāgatya dadāvastrāṇyaśeṣataḥ |
saprayogaṃ sasaṃhāraṃmastragrāmaṃ caturvidham || 23 ||
[Analyze grammar]

asaṃvegaṃ śubhrāśvaṃ sudhvajaṃ ca rathottamam |
iṣudhī cā'kṣayabāṇau dadau rāmāya śaṃkaraḥ || 24 ||
[Analyze grammar]

abhedyamajaraṃ divyaṃ dṛḍhajyaṃ vijayaṃ dhanuḥ |
sarvaśastrasahaṃ citraṃ kavacaṃ ca mahādhanam || 25 ||
[Analyze grammar]

tapaḥprabhāvaṃ cograṃ ca pradadau bhārgavāya saḥ |
athā'raṇye vyāghravyāpāditaṃ dvijasutaṃ tadā || 26 ||
[Analyze grammar]

jīvayāmāsa rāmo'yaṃ cā'kṛtapraṇanāmakam |
śiṣyaṃ kṛtvā tu śāntarṣisutaṃ rāmo yayau gṛham || 27 ||
[Analyze grammar]

jamadagniṃ reṇukāṃ ca nanāma daṇḍavadbhuvi |
atha kālāntare tatrā''yayau haihayabhūpatiḥ || 28 ||
[Analyze grammar]

caturaṃgabalairyukto narmadātīramāśramam |
dṛṣṭvopetya jamadagniṃ nanāma śirasā nṛpaḥ || 29 ||
[Analyze grammar]

jamadagnistadātithyaṃ kāmadhenvā hyakārayat |
nagaraṃ vāṭikāścodyānāni saudhāni sevikāḥ || 30 ||
[Analyze grammar]

dāsā gā upasāmagrīrbhojyapeyāni nirmame |
reṇukā'pi kāmadhenuṃ dogdhrīmuvāca vai punaḥ || 31 ||
[Analyze grammar]

ayaṃ rājā kārtavīryo mamā'tithistavā'tithiḥ |
tasmāt sarvaṃ tavaiśvaryaṃ prakaṭīkuru me svasaḥ || 32 ||
[Analyze grammar]

ityuktā kāmagauḥ prāha kuru saṃkalpamīśvari |
pātivratyabalātte'haṃ vairājasmṛddhīrānaye || 33 ||
[Analyze grammar]

atha dvayoḥ prabhāvāttadvane suvarṇapattanam |
surarājagṛhatulyaṃ tadāsīd bhaguvaṃśinaḥ || 34 ||
[Analyze grammar]

divyavibhūtibhedaiścā'cintyarūpaṃ tadā'bhavat |
hemaratnojjvalamārgaṃ samudyānacatuṣkavat || 35 ||
[Analyze grammar]

rājamārgādikallolavālukāstabakānvitam |
pūrṇacandrābhaśikharaiḥ prāsādaiḥ pariśobhitam || 36 ||
[Analyze grammar]

svarṇaraupyarītitāmrarasaiḥ saudhairvirājitam |
ratnopalābhiḥ sphaṭikamiśraratnālirājitaiḥ || 37 ||
[Analyze grammar]

mahāmaṇipradīpānāṃ prakāśairakṣatairyutam |
ratnojjvalasuvarṇāḍhyavedīsopānasadgṛhaiḥ || 38 ||
[Analyze grammar]

ratnamālāḍhyakuḍyādikapāṭārgalagopuraiḥ |
svarṇāstaraṇasaṃsaktadehalyajiraśālibhiḥ || 39 ||
[Analyze grammar]

rātrigṛhānvitaṃ catuṣkikātoraṇaśobhitam |
divyastambhaiḥ kuṇḍyacitraiḥ svarṇasiṃhāsanādibhiḥ || 40 ||
[Analyze grammar]

pīṭhakairbhakṣyabhojyaiśca bhāṇḍaiḥ pānairanantakaiḥ |
devocitānnasampadbhirvadhūbhiśca manoharam || 41 ||
[Analyze grammar]

suvarṇaratnadurgaiśca koṣṭhakaiḥ sāptabhaumakaiḥ |
parikhābhiśca divyābhirjalanālīvirājitam || 42 ||
[Analyze grammar]

vidyuddīpairdūrayantrairdūradṛśyapradarpaṇaiḥ |
dūraśrāvaṇakośaiśca yānairvaihāyasairyutam || 43 ||
[Analyze grammar]

dīrghikābhirvāpikābhiḥ snānataḍāgaśobhitam |
pradarśanairvividhaiśca nāṭakaiḥ śramanodanaiḥ || 44 ||
[Analyze grammar]

mallairbahusamāyāsaiḥ raṃjanairnartakairyutam |
gāyakairvādyaśālābhiḥ rājasaṃsadvirājitam || 45 ||
[Analyze grammar]

śastrāgāraiścopakaraṇairmuktiśālābhiranvitam |
snānasevanaśālābhirvimānaiḥ kāmagairyutam || 46 ||
[Analyze grammar]

haṃsaiśca garuḍaiścāpi menācātakasacchukaiḥ |
mayūrairdevavāṇyā vai vadadbhiścānvitaṃ śubham || 47 ||
[Analyze grammar]

vṛkṣavallīphalapuṣpadivyagandhasugandhitam |
kṛtaṃ vai nagaraṃ tatra dugdhekṣurasarājitam || 48 ||
[Analyze grammar]

amṛtaṃ ca kṛtaṃ tatra pratigṛhaṃ hradeṣu ca |
jalāntaryānasaṃpūrṇa vahnyantaryānabhūṣitam || 49 ||
[Analyze grammar]

reṇukā gaurnirmamāte yogyayoṣitkumārikāḥ |
vicitraveṣābharaṇapuṣpagandhāmbarādibhiḥ || 50 ||
[Analyze grammar]

śṛṃgāraśobhāśrīkāntihāvabhāvādiceṣṭitaiḥ |
cāñcalyaujjvalyanairmalyeṣaddhāsyākarṣaṇādibhiḥ || 51 ||
[Analyze grammar]

saundaryādiguṇairyuktā mandahāsyā''syaśobhanāḥ |
kundakalikāsadṛśadantapaṃktivirājitāḥ || 52 ||
[Analyze grammar]

pratyagrayauvanabharā valgumiṣṭagiraḥ śubhāḥ |
premamantharanetrāktakaṭākṣekṣaṇamaṇḍitāḥ || 53 ||
[Analyze grammar]

prītiprasannahṛdayāḥ śṛṃgāraratisatprabhāḥ |
kalpavṛkṣakusumānāṃ hṛtsu hārālirājitāḥ || 54 ||
[Analyze grammar]

devāṃganā'dhikā'tyantasaubhāgyadivyatānvitāḥ |
saukumāryā''bhirūpyāḍhyamadhurākṛtirājitāḥ || 55 ||
[Analyze grammar]

pīnavakṣoruhadvandvabharānatasumadhyamāḥ |
śroṇībharānatāścāpi raktāṃghrikarasattalāḥ || 56 ||
[Analyze grammar]

hārakeyūrakaṃkaṇakaṇṭhasūtrādirājitāḥ |
karṇakapolabhālādivibhūṣābhirvirājitāḥ || 57 ||
[Analyze grammar]

prakoṣṭhāṃgulikābhūṣākaṭibhūṣābhirājitāḥ |
puṣpabhūṣātyabhirāmālakapāśasuśobhitāḥ || 58 ||
[Analyze grammar]

kāṃcīkalāpakiṃkiṇīpariśiñjitanūpurāḥ |
narmasāntvanahāsyārghyakelīgītiviśāradāḥ || 59 ||
[Analyze grammar]

susvarā sumadhubhāṣā miṣṭagaṃbhīrabhāṣaṇāḥ |
ratipragalbhā bhāvāḍhyāḥ kāmayogaviśāradāḥ || 60 ||
[Analyze grammar]

padmapatranibhanetrāḥ sampadaudāryasaṃbhṛtāḥ |
gṛhakāryanipūṇāśca tādṛśyaḥ paricārikāḥ || 61 ||
[Analyze grammar]

gṛhacarān bhṛtyadāsān śataśo'tha sahasraśaḥ |
pācakān mardakān pādasaṃvāhakāṃśca yāpakān || 62 ||
[Analyze grammar]

devālayān rathāśvāṃśca mātaṃgāṃśca kharoṣṭrakān |
go'jā'vikānuyuktānnirmamāte paśūn bahūn || 63 ||
[Analyze grammar]

sāmantāṃśca narendrāṃśca rājanyāṃśca niṣādinaḥ |
sādinaśca padātīṃśca senāpatīṃśca nāyakān || 64 ||
[Analyze grammar]

viprādikāṃśca rathinaḥ sārathīn sūtabandinaḥ |
māgadhāṃścāraṇāṃścāpi nartakāṃśca naṭāṃstathā || 65 ||
[Analyze grammar]

kinnarān bahurūpāṃśca gaṇikāṃśca napuṃsakān |
cakrāhvahaṃsakurarībakasārasacātakān || 66 ||
[Analyze grammar]

kalhārakaṃjakumudotpalakundakadambakān |
cūtapriyālapanasān madhūkakadalītarūn || 67 ||
[Analyze grammar]

nāgaketakīpunnāgamandārakundacampakān |
karavīrān yūthikāśca phalapuṣpāṇi sarvaśaḥ || 68 ||
[Analyze grammar]

sarvartusaurabhān vāyūn mandaṃ mandaṃ prasāriṇaḥ |
nirmamāte reṇukāyukkāmadhenurniyojitā || 69 ||
[Analyze grammar]

rājā tvātithyasatkāraṃ devādīnāṃ hi durlabham |
jagrāha prāviśatpuṇyaṃ pattanaṃ svakṛte kṛtam || 70 ||
[Analyze grammar]

sarvopabhoganilayaṃ kauśeyā'mbarakoṭibhiḥ |
citraraṃgaurṇavastraiśca śobhitaṃ cojjvalaṃ puram || 71 ||
[Analyze grammar]

antaḥpraviśya puryarddhiṃ svargilokavimohinīm |
sabalo vismayaṃ prāpa hetuṃ viveda gāṃ tataḥ || 72 ||
[Analyze grammar]

praveśitaṃ ca rājānaṃ nāryaścandanavāribhiḥ |
prasūnalājāprakaraiścāvīvṛṣan gavākṣagāḥ || 73 ||
[Analyze grammar]

brāhmīṃ tapaḥśriyaṃ dṛṣṭvā rājā mumoha sarvathā |
śaśaṃsa manasā vācā mene kṣatrottarāṃ navām || 74 ||
[Analyze grammar]

asyāḥ śatāṃśatulanāṃ nopagantuṃ mama śriyaḥ |
prabhavantīti matvaiva mānagarvagato'bhavat || 75 ||
[Analyze grammar]

ratnahīrakamālādisaparyāṃ labdhavānnṛpaḥ |
kāmadhenukṛtasainyaiḥ sevakaiśca praveśitaḥ || 76 ||
[Analyze grammar]

kakṣāntarāṇi śanakairatītya trīṇi cārjunaḥ |
sadmā''viveśa sauvarṇadīpojjvalasubhāsvaram || 77 ||
[Analyze grammar]

dadhidarpaṇasaugandhyapuṣpadurvā'kṣatādibhiḥ |
kanyābhirvardhito rājā''ruroha svarṇaviṣṭaram || 78 ||
[Analyze grammar]

purandhryastu pupūjustaṃ rājayogyā'rhaṇādibhiḥ |
tābhiśca sākaṃ nṛpatirdinaṃ nināya nākavat || 79 ||
[Analyze grammar]

prapede ca sadaḥ sāyaṃ mantrisāmantanāyakaiḥ |
vādyavinodaḥ pravṛtto nṛtyahāsyakathāyutaḥ || 80 ||
[Analyze grammar]

vilāsā gaṇikānāṃ ca hāsakrīḍādayo'bhavan |
ardharātryuttara saudhaṃ viśrāmārthaṃ jagāma saḥ || 81 ||
[Analyze grammar]

rājasainyaṃ rājarūpavaibhaveṣu sameṣu vai |
saudheṣu prāptavacchāntiṃ babhūva muditaṃ bahu || 82 ||
[Analyze grammar]

rājavad rājasainyānāṃ bhojyaṃ peyaṃ ca bhogyakam |
sarva cā'bhūt samaṃ tena vasāmo'traiva te jaguḥ || 83 ||
[Analyze grammar]

svapantametya rājānaṃ sūtamāgadhabandinaḥ |
prātaḥ prabodhayituṃ taṃ jaguruccairmadhusvaraiḥ || 84 ||
[Analyze grammar]

vīṇāveṇuravonmiśraistālamūrchāsumiśritaiḥ |
vinidrākṣaḥ samutthāya rājā naityakamācarat || 85 ||
[Analyze grammar]

sevito vārayoṣābhiḥ samupetya taponidhim |
nanāmā'tha ṛṣiḥ prāha vyuṣṭā rātriḥ sukhena kim || 86 ||
[Analyze grammar]

vanyā mṛgasadharmāṇo vayaṃ vanyena poṣitāḥ |
rājānastu vane kleśaṃ gaṇayanti praduḥsaham || 87 ||
[Analyze grammar]

ityuktaḥ prahasan rājā muniṃ prāha vinirmadaḥ |
bhavatprabhāvasaṃjātavibhavā''hatacetasaḥ || 88 ||
[Analyze grammar]

ito na gantumicchanti sainikā me sukhālayāḥ |
naiva citraṃ tava vibho tapaḥsiddhasya yoginaḥ || 89 ||
[Analyze grammar]

kāmadhenvāstathā pativratāyā yoṣitaśca te |
svargaṃ tvatraiva sañjātaṃ kā smṛddhiḥ kṣudrabhūbhṛtaḥ || 90 ||
[Analyze grammar]

gamiṣyāmi gṛhaṃ brahmannanujānātu māṃ bhavān |
tathetyuktaśca muninā saṃpratasthe purīṃ svakām || 91 ||
[Analyze grammar]

cintayāmāsa dhenuṃ tāṃ sarvakāmaduhāṃ varām |
kiṃ me sakalarājyena kapardikopameva vai || 92 ||
[Analyze grammar]

ṛddhamaindrapadaṃ dhenoḥ kalāṃ nārhati ṣoḍaśīm |
dhenvā kṛtaṃ vane svargaṃ dhenvā kṣaṇena nāśitam || 93 ||
[Analyze grammar]

evaṃprabhāvā sā dhenuḥ rājyayogyā na tāpase |
datvā mūlyaṃ gavāśvādi tvānetavyā mayā pure || 94 ||
[Analyze grammar]

iti nirṇīya rājā saḥ preṣayāmāsa mantriṇam |
candraguptaḥ ṛṣiṃ prāha rājā vai bhuvi ratnabhāk || 95 ||
[Analyze grammar]

ratnānyādāya rājñe tvaṃ gāṃ ratnaṃ dātumarhasi |
prāharṣirhomadhenurme dātavyā naiva kasyacit || 96 ||
[Analyze grammar]

krayavikrayornā'haṃ kartā na nṛpatervaśaḥ |
prasahya haraṇe tvāyurnāśaste bhūbhṛtastathā || 97 ||
[Analyze grammar]

ityuktaḥ krodhamāpanno mantrī buddhvā tu gāṃ tadā |
vicakarṣa yathāśaktirjamadagniḥ rurodha tam || 98 ||
[Analyze grammar]

mantryājñaptā muniṃ bhṛtyāḥ kaṣābhirjaghnuratyatha |
dūre cakruḥ ṛṣiḥ sehe gāṃ prasahya prajagṛhuḥ || 99 ||
[Analyze grammar]

sā tu vyomagatā paścād vatsāṃ dhṛtvā yayurhi te |
ṛṣirmamāra tāvattu parśurāmo hyupasthitaḥ || 100 ||
[Analyze grammar]

vanādāgata evāsau mātaraṃ rudatīṃ sutaḥ |
śrutvā''krośaṃ ca rāmeti rāmetyevaṃ puro drutam || 101 ||
[Analyze grammar]

samidbhāraṃ tvavatārya dṛṣṭvā vai pitaraṃ mṛtam |
sāntvayāmāsa jananīṃ rudatīṃ sāśrulocanaḥ || 102 ||
[Analyze grammar]

reṇukā śokamāpannā tadā vaidhavyaśaṃkayā |
triḥsaptakṛtvo hastābhyāmudaraṃ samatāḍayat || 103 ||
[Analyze grammar]

tadā rāmo mātaraṃ svāmuvācā''veśataḥ khalu |
triḥsaptakṛtvo yadidaṃ tvayā vakṣaḥ samāhatam || 104 ||
[Analyze grammar]

tāvatsaṃkhyamahaṃ kṣatraṃ haniṣye mā śucaṃ vraja |
atha sā reṇukā svāmivratā putrānuvāca ha || 105 ||
[Analyze grammar]

ahaṃ pativratā putrāḥ svargataṃ pitaraṃ tu vaḥ |
anugantumihecchāmi vahniṃ prajvālya dehataḥ || 106 ||
[Analyze grammar]

yathā tena pravartiṣye paratrāpi sahā'niśam |
bharturmama bhaviṣyāmi pitṛlokapriyā'tithiḥ || 107 ||
[Analyze grammar]

tāvattatrā'tigaṃbhīrā vāguvācā'śarīriṇī |
pativrate'tra mā kārṣīḥ sāhasaṃ dhairyamāvaha || 108 ||
[Analyze grammar]

kuru patyuḥ prabodhāya saṃkalpaṃ tvaṃ pativrate |
acireṇaiva bhartā te bhaviṣyati sacetanaḥ || 109 ||
[Analyze grammar]

ityuktā sā patidehaṃ nināya kuṭikāgṛhe |
satī saṃkalpayāmāsa bharturutthānajīvanam || 110 ||
[Analyze grammar]

tāvattatra samāyāto bhṛgvarṣiḥ suravanditaḥ |
mṛtasañjīvanīvidyāvāridhistamajīvayat || 111 ||
[Analyze grammar]

jamadagnirutthitaśca nanāma taṃ pitāmaham |
papraccha rājñā pāpaṃ kiṃ kṛtaṃ yena mṛtopyaham || 112 ||
[Analyze grammar]

bhṛguḥ prāha vaśiṣṭhena śapto nāśāya sa nṛpaḥ |
dvijāparādhato mūḍha vīryaṃ te vinaśiṣyate || 113 ||
[Analyze grammar]

tena putraśca te rāmo haniṣyati tamarjunam |
ekaviṃśativāraṃ sa niḥkṣatrāṃ kṣmāṃ kariṣyati || 114 ||
[Analyze grammar]

datrātreyāddhareraṃśāllabdhaiśvaryaḥ sa jīvati |
rāmaśastrairhataścādya paralokaṃ gamiṣyati || 115 ||
[Analyze grammar]

ityuktvā'rcanamādāya yayau gṛhaṃ bhṛgustataḥ |
rāmaścakre pratijñāṃ cā'rjunaṃ nāśayituṃ tadā || 116 ||
[Analyze grammar]

jamadagniśca taṃ prāha satāṃ dharmaṃ smaran dvijaḥ |
sādhavo ye mahābhāgāḥ saṃsārānmokṣakāriṇaḥ || 117 ||
[Analyze grammar]

na kasmaicitprakupyanti ninditāstāḍitā api |
kṣamādhanā mahābhāgā ye ca dāntāstapasvinaḥ || 118 ||
[Analyze grammar]

teṣāṃ caivā'kṣayā lokāḥ satataṃ sādhukāriṇām |
yastu duṣṭaiśca daṇḍādyairvacasāpi pratāḍitaḥ || 119 ||
[Analyze grammar]

na tu kṣobhamavāpnoti sa sādhuḥ parikīrtyate |
tāḍayettāḍayantaṃ yo na ca sādhuḥ sa pāpabhāk || 120 ||
[Analyze grammar]

kṣamayā'rhaṇatāṃ prāptāḥ sādhavo brāhmaṇā vayam |
tasmānnivāraye putra kṣamāṃ kuru tapaścara || 121 ||
[Analyze grammar]

iti pitrā samādiṣṭaḥ parśurāma uvāca tam |
saḥ śamaḥ sādhudīneṣu na khaleṣu kadācana || 122 ||
[Analyze grammar]

tasmādasya vadhaḥ kāryaḥ kārtavīryasya vai mayā |
ityuktavantaṃ taṃ putraṃ jāmadagniruvāca vai || 123 ||
[Analyze grammar]

ito vraja tvaṃ brahmāṇaṃ taduktakārako bhava |
ityuktaḥ sa yayau vyomnā brahmāṇaṃ taṃ nanāma ca || 124 ||
[Analyze grammar]

vṛttāntaṃ svapratijñāṃ ca kathayāmāsa sarvathā |
brahmā prāha śṛṇu putra gaccha tvaṃ śaṃkaraṃ prati || 125 ||
[Analyze grammar]

divyaṃ pāśupataṃ cāstraṃ dāsyati kṛṣṇavarma ca |
paścād vijeṣyasi putra śaṃbhumārādhya sarvathā || 126 ||
[Analyze grammar]

ityājñayā yayau rāmaḥ śivaṃ kailāsamuttamam |
nanāmovāca kāryārthī brahmoktaṃ sarvameva ca || 127 ||
[Analyze grammar]

śivastasmai dadau mantraṃ kavacaṃ vijayapradam |
nāgapāśaṃ pāśupataṃ brahmāstraṃ vāruṇaṃ tathā || 128 ||
[Analyze grammar]

nārāyaṇāstramāgneyaṃ vāyavyaṃ gāruḍaṃ tathā |
gāndharvaṃ jṛṃbhaṇāstraṃ ca gadāṃ śaktiṃ triśūlakam || 129 ||
[Analyze grammar]

daṇḍaṃ paraśuṃ śastrāstrajālaṃ rāmaḥ praharṣitaḥ |
yayau natvā puṣkaraṃ saḥ sādhayāmāsa sarvathā || 130 ||
[Analyze grammar]

agastyoktena mārgeṇa kṛṣṇamārādhya bhaktitaḥ |
kṛṣṇaṃ sākṣād dṛṣṭavāṃśca kṛṣṇaḥ prāha bhṛgūdvaham || 131 ||
[Analyze grammar]

mama cakrāvatāraṃ hi kārtavīryaṃ vināśaya |
madaṃśāveśayuktastvaṃ kṣauṇyāṃ vicara bhārgava || 132 ||
[Analyze grammar]

rāmaścāhaṃ punarbhūtvā hariṣye teja eva te |
ityuktvā'ntardadhe kṛṣṇo rāmo māhiṣmatīṃ yayau || 133 ||
[Analyze grammar]

yuddhaṃ vavre'rjunād rāmo'rjuno yuddhāya niryayau |
anekā'kṣauhiṇīyukto dadarśā'paśakunaṃ pathi || 134 ||
[Analyze grammar]

sarajaskā diśo vyoma nistejastvaṃ grahādikam |
muktakeśāṃ chinnanāsāṃ rudatīṃ ca digambarām || 135 ||
[Analyze grammar]

kṛṣṇavastraparīdhānāṃ vanitāṃ sa dadarśa ca |
kucailaṃ patitaṃ bhagnaṃ nagnaṃ kāṣāyavāsasam || 136 ||
[Analyze grammar]

aṃgahīnaṃ dadarśā'sau naraṃ duḥkhitamānasam |
godhāṃ ca śaśakaṃ śalyaṃ riktakuṃbhaṃ sarīsṛpam || 137 ||
[Analyze grammar]

kārpāsaṃ kacchapaṃ tailaṃ lavaṇaṃ cāsthikhaṇḍakam |
svadakṣiṇe śṛgālaṃ ca kurvantaṃ bhairavaṃ ravam || 138 ||
[Analyze grammar]

rogiṇaṃ pulkasaṃ caiva vṛṣaṃ ca śyenabhallukau |
dṛṣṭvā'pi prayayau yoddhuṃ kālapāśā''vṛto haṭhāt || 139 ||
[Analyze grammar]

śataputrānarjunaṃ ca śatā'kṣauhiṇikāyutān |
dārayāmāsa saṃgrāme rāmaḥ śastrāstramaṇḍalaiḥ || 140 ||
[Analyze grammar]

tato yayau sa kailāsaṃ darśanārthaṃ śivasya vai |
gopurasthagaṇeśena ruddho dantaṃ gaṇeśituḥ || 141 ||
[Analyze grammar]

bhaṃktvā dṛṣṭvā śivāṃ śaṃbhumājagāma piturgṛham |
dadarśa pitarau rāmaḥ papāta pādayostayoḥ || 142 ||
[Analyze grammar]

uvāca kārtavīryasya hananaṃ vāmanugrahāt |
rāmaṃ pitā sāntvayitvā prāyaścittaṃ dadau tataḥ || 143 ||
[Analyze grammar]

mahendrādriṃ yayau prāyaścittaṃ rāmaścakāra ha |
tatra kṛtvā''śramapadaṃ tapastepe suduṣkaram || 144 ||
[Analyze grammar]

tataḥ kadācid vipine caturaṃgabalānvitāḥ |
anye sahasrārjunajāḥ putrāstadāśramaṃ yayuḥ || 145 ||
[Analyze grammar]

jamadagneḥ śiro hṛtvā prayayuḥ svapurīṃ prati |
bhartāraṃ nihataṃ bhūmau patitaṃ vīkṣya reṇukā || 146 ||
[Analyze grammar]

samudbhāvya citāgniṃ ca viveśa bhasmatāṃ gatā |
bhartrā saha satī vaihāyasā yānena cāmbare || 147 ||
[Analyze grammar]

devarṣipūjitā svargaṃ yayau paścāt tadātmajāḥ |
anye cakrustadūrdhvaṃ yatkartavyamanantaram || 148 ||
[Analyze grammar]

tataḥ kāle gate rāmaḥ svāśramaṃ tvāyayau vanāt |
pitustu jīvaharaṇaṃ śiroharaṇamityapi || 149 ||
[Analyze grammar]

mātuśca maraṇaṃ śrutvā kṣatranāśe mano dadhe |
kṣatravaṃśyānaśeṣeṇa hatvā taddehalohitaiḥ || 150 ||
[Analyze grammar]

kariṣye tarpaṇaṃ pitroriti niścitya saṃyayau |
prāpya māhiṣmatīṃ rāmaḥ ṭaṃkārān dhanuṣo'karot || 151 ||
[Analyze grammar]

sahasrārjunapuṃtrāśca rājānaścaturaṃgiṇaḥ |
yuyudhire samāgatya hatā rāmeṇa dudruvuḥ || 152 ||
[Analyze grammar]

udairayat bhārgavo'straṃ tadā kālāgnināmakam |
purīṃ prākārasahitāṃ pradadāhā'strapāvakaḥ || 153 ||
[Analyze grammar]

bhasmāvaśeṣaṃ tadrājyaṃ kṛtvā niḥkṣatriyāṃ mahīm |
mahendrādriṃ yayau rāmastapase dhṛtamānasaḥ || 154 ||
[Analyze grammar]

varṣadvayena bhūyo'pi kṛtvā niḥkṣatriyāṃ mahīm |
bhūyo'pi viralaṃ pṛthvyāṃ kṣatramutpāditaṃ dvijaiḥ || 155 ||
[Analyze grammar]

jaghāna bhūmau niḥśeṣaṃ sākṣāt kāla ivāntakaḥ |
yathā yathā kṣitau bhūyaḥ kṣatravaṃśaḥ prakāśitaḥ || 156 ||
[Analyze grammar]

triḥsaptakṛtvaḥ pṛthvīṃ cakre niḥkṣatriyāṃ muhuḥ |
tato mūrdhābhiṣiktānāṃ ṣaṭsahasradvayaṃ punaḥ || 157 ||
[Analyze grammar]

jīvagrāhaṃ gṛhītvaiva kurukṣetraṃ jagāma saḥ |
sarasāṃ pañcakaṃ tatra khānayitvā bhṛgūdvahaḥ || 158 ||
[Analyze grammar]

jaghāna tatra vai rājñaḥ śarīraprabhavā'sṛjā |
sarāṃsi tāni vai pañca pūrayāmāsa bhārgavaḥ || 159 ||
[Analyze grammar]

pitṝn santarpayāmāsa śrāddhaṃ pitroścakāra ha |
tato nivṛttaḥ rāmo'sau gayātīrthaṃ yayau punaḥ || 160 ||
[Analyze grammar]

samantapaṃcakaṃ tīrthaṃ kurukṣetre'bhavaddhi tat |
yatra snātaḥ sarvatīrthaiḥ snāto bhavati mānavaḥ || 161 ||
[Analyze grammar]

gayāyāṃ pitarastasya pitṛlokādupāgatāḥ |
jagṛhustatkṛtāṃ pūjāṃ jamadagnipurogamāḥ || 162 ||
[Analyze grammar]

prāhuḥ rāma mahatkarma kṛtvā tarpitavānasi |
vadhācca vinivartasva prāyaścittaṃ punaḥ kuru || 163 ||
[Analyze grammar]

śamamāpnuhi bhadraṃ te ityuktvā'ntardadhuśca te |
rāmastīrthāni sarvāṇi jagāma śuddhikāmyayā || 164 ||
[Analyze grammar]

tato yayau mahendrādriṃ hayamedhaṃ cakāra saḥ |
kaśyapāya dadau pṛthvīṃ cacāra bhārgavastapaḥ || 165 ||
[Analyze grammar]

iti te kathitā lakṣmi parśurāmacamatkṛtiḥ |
pātivratyaṃ reṇukāyāḥ putrasya pitṛbhaktatā || 166 ||
[Analyze grammar]

kṣatriyāṇāṃ ca daurātmyaṃ phalaṃ vināśa ityapi |
paṭhanācchravaṇāccāsya tattadbhaktiphalaṃ bhavet || 167 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye pativratāyā reṇukāyāḥ kāmadhenvāśca prabhāveṇa parśurāmakṛtakṣatriyanāśo mṛtajamadagnisajīvanatā reṇukājamadagnyośca svarganivāsa ityādinirūpaṇanāmā ekāśītyadhikatriśatatamo'dhyāyaḥ || 381 ||
[Analyze grammar]