Chapter 358

śrīnārāyaṇa uvāca |
śṛṇu lakṣmi nāciketāḥ svānubhūtaṃ jagāda tān |
kathyamānaṃ mayā viprāḥ śṛṇvantu yamakautukam || 1 ||
[Analyze grammar]

yamamārge gacchatā tu mayā dṛṣṭā hiṃ dehinaḥ |
puṇyāḥ puṇyavimānādivāhanaiḥ sahitāḥ sukhāḥ || 2 ||
[Analyze grammar]

pāpāḥ sādhanaśūnyāśca yamadūtaiḥ sutāḍitāḥ |
mārge tu vikaṭe yānti yamasthānaṃ suduḥkhitāḥ || 3 ||
[Analyze grammar]

pāpakṛtān kathayāmi dṛṣṭā ye mārgagā mayā |
asatyavādinaḥ krūrā jantustrībālaghātakāḥ || 4 ||
[Analyze grammar]

sādhubrahmahaṇo duḥkhakarā viśvāsaghātakāḥ |
śaṭhāḥ kṛtaghnā lolubhāḥ paradārābhihāriṇaḥ || 5 ||
[Analyze grammar]

kanyāghātakarā ye ca dharmamārgavināśakāḥ |
prasahya pāpakartāro madyamāṃsādisevinaḥ || 6 ||
[Analyze grammar]

jihmā vinindakā mātṛpitṛgurupraghātakāḥ |
mātāpitrostyājakāśca satīsādhvīsuduḥkhadāḥ || 7 ||
[Analyze grammar]

gurudveṣakarā devadveṣiṇo vaṃcakāḥ khalāḥ |
gṛhakṣetraharāḥ setubandhanāśakarāstathā || 8 ||
[Analyze grammar]

śraddhāhīnā nāstikāśca nirdayāḥ śaucavarjitāḥ |
dāraputravihīnāśca vratabhaṃgādikārakāḥ || 9 ||
[Analyze grammar]

dvijā dvijatvahīnāśca bhraṣṭācārā vidharmiṇaḥ |
sarvabhakṣāḥ sarvakāryāḥ sarvamithunakāriṇaḥ || 10 ||
[Analyze grammar]

ātatāyijanāścāpi pāpisaṃgakarāstathā |
patipatnīkleśadāśca patikleśapradāḥ striyaḥ || 11 ||
[Analyze grammar]

nārīkleśapradāścāpi vittahāriṇa eva ye |
kapaṭamānakartāro mithyādoṣakalaṃkadāḥ || 12 ||
[Analyze grammar]

kūṭauṣadhapradātāro vārtābhirvañcakāstathā |
agniśastraprahātāraścakre tilādipīḍakāḥ || 13 ||
[Analyze grammar]

devālayānnasatrādibhaṃjakā vṛkṣanāśakāḥ |
kūṭaśāsanakā ye ca sūcakāḥ karṇabhedakāḥ || 14 ||
[Analyze grammar]

tīrthapradūṣakā ye ca kalaheṣṭātiniṣṭhurāḥ |
narāḥ striyastathākarmakarā dṛṣṭā mayā pathi || 15 ||
[Analyze grammar]

gatāste yamasadanaṃ citraguptādyadhiṣṭhitam |
ahaṃ drāgeva gatavān yamarājagṛhāṃgaṇam || 16 ||
[Analyze grammar]

satyavratākṣarāṇyeva phālake mama te bhaṭāḥ |
vācayitvā praṇamanti darśayanti ca mārgakam || 17 ||
[Analyze grammar]

yamarājagṛhaṃ ramyaṃ mahāprākāraveṣṭitam |
dṛṣṭaṃ mayā'sanaṃ tasya gopure divasatrayam || 18 ||
[Analyze grammar]

kṛtaṃ paścād yamaḥ sākṣādāyātaḥ svāgatāya me |
sammānya ninye māṃ tasya viśālabhavanāntaram || 19 ||
[Analyze grammar]

varān datvā tato mahyaṃ dharmarājapuraṃ mahat |
darśitaṃ tadbhaṭaistasyājñayā dṛṣṭaṃ mayā'bhitaḥ || 20 ||
[Analyze grammar]

yojanānāṃ sahasraṃ tu vistarād dviguṇāyatam |
dviguṇaṃ pariveṣeṇa parikhābhiḥ samāvṛtam || 21 ||
[Analyze grammar]

bhavanairāvṛtaṃ divyairjāmbūnadamayaiḥ śubhaiḥ |
harmyaiḥ śatottarabhūmiprāsādaiḥ śikharānvitaiḥ || 22 ||
[Analyze grammar]

aṭṭālikānvitasaudhaiḥ kalaśānvitamandiraiḥ |
sauvarṇena ca mahatā prākāreṇābhiveṣṭitam || 23 ||
[Analyze grammar]

yatra yamapurībhṛtyāḥ pradhānāścādhikāriṇaḥ |
śravaṇā yāmyāḥ kālāśca bhaṭādyā vai nivāsinaḥ || 24 ||
[Analyze grammar]

tatramiṣṭasalilāśca nadyaḥ sarāṃsi dīrghikāḥ |
kūpāstaḍāgā nālinyo rājante vallikādrumaiḥ || 25 ||
[Analyze grammar]

dāsyo dūtyastathā patnyaḥ sevikā kanyakāḥ sutāḥ |
vasanti tatkuṭumbāni yamarājaprajātmakāḥ || 26 ||
[Analyze grammar]

gajavājirājahaṃsoṣṭrakagovṛṣabhādayaḥ |
nānājātipaśavo'pi vidyante tūpakārakāḥ || 27 ||
[Analyze grammar]

śukasārasamenādyāḥ pakṣivrātā vasanti vai |
sarvajīvaiḥ samākīrṇaṃ yamarājasya satpuram || 28 ||
[Analyze grammar]

puṣpodakā nadī vṛkṣavallīṣaṇḍasuśobhitā |
udyānādilasattīrā svarṇasopānavālukā || 29 ||
[Analyze grammar]

pratisaudhaṃ gatā yasyā nalinyo jalavāhikāḥ |
tatra miṣṭaśītavārihradeṣu divyavarṣmaṇaḥ || 30 ||
[Analyze grammar]

gandharvāḥ kinnarā dūtāḥ kinnaryo'pi suśobhanāḥ |
viśālajaghanā bhūṣācaṃcadgātrā ratipradāḥ || 31 ||
[Analyze grammar]

krīḍanti snānakāle vai kāmarūpadharāḥ striyaḥ |
rāmayanti narastatra yathākāmaṃ yathāsukham || 32 ||
[Analyze grammar]

tāṃ nadīṃ kṣobhayantyaśca gāyanti svapriyaiḥ saha |
divyamauktikaratnādikṛtasopānavistarām || 33 ||
[Analyze grammar]

vaivasvatīṃ nāmanadīṃ nagaramadhyagāminīm |
divyatoyāṃ sadā pūrṇāṃ kundābhahaṃsarājitām || 34 ||
[Analyze grammar]

padmavallīpuṣpaṣaṇḍavālakhilyādiśobhitām |
sugandhyamṛtavimalasalilāṃ saṃninādinīm || 35 ||
[Analyze grammar]

phalapuṣpataruṣaṇḍaiḥ kandamūlādibhiryutām |
nāryaḥ svarūpā avagāhya krīḍanti madavihvalāḥ || 36 ||
[Analyze grammar]

tathā gāyanti sahitā gītavāditratālakaiḥ |
kanyāsamūhā yattīrodyāneṣvārāmakeṣu ca || 37 ||
[Analyze grammar]

avatāreṣu ghaṭṭeṣu narā nāryo manoharāḥ |
viharanti pragāyanti tantrimṛdaṃgagītibhiḥ || 38 ||
[Analyze grammar]

gandhaḥ sugandhaḥ pavano'gurucandanavāsitaḥ |
śītamandaśca harmyeṣu caratyāmodakārakaḥ || 39 ||
[Analyze grammar]

vimānāni ca yānāni vaihāyasagamāni ca |
pracaranti jale vyomni sakāntapramadāni ca || 40 ||
[Analyze grammar]

rājamārgā vasataya ānandānandasaṃplutāḥ |
yāvadvidhasmṛddhiyuktā āpaṇādivirājitāḥ || 41 ||
[Analyze grammar]

sabhāgṛhāṇi divyāni divyapradarśanāni ca |
divyanāṭakanṛtyādigītigṛhāṇi santi ca || 42 ||
[Analyze grammar]

evaṃ dṛṣṭaṃ yamapuraṃ vistṛtaṃ sukhasaṃbhṛtam |
puṇyavatāṃ tu dvitīyaṃ vaikuṇṭhamiva bhāṣate || 43 ||
[Analyze grammar]

atha tadgopuraṃ ramyaṃ svarṇabhūmivirājitam |
daśayojanavistāraṃ tato dviguṇamāyatam || 44 ||
[Analyze grammar]

prākārobhayapārśvaṃ ca prāsādaśataśobhitam |
samālikhadivā''kāśaṃ nānāyantraprajālakam || 45 ||
[Analyze grammar]

svargamiva prakāśāḍhyaṃ dharmadarśipraveśanam |
devarṣipuṇyasatkarmakāriṇāṃ supraveśanam || 46 ||
[Analyze grammar]

tatraiva vihitaṃ dvāraṃ śāradrābhracayaprabham |
manuṣyāṇāṃ sukṛtīnāṃ praveśastatra nirmitaḥ || 47 ||
[Analyze grammar]

atha dhūmrasamavarṇaṃ bahudoṣasamanvitam |
āyasaṃ gopuraṃ tatra dakṣiṇaṃ bhīmadarśanam || 48 ||
[Analyze grammar]

raudraṃ taptaṃ dāvakaraṃ praveśo yatra pāpinām |
nṛśaṃsānāṃ ghātakānāṃ kravyādānāṃ durātmanām || 49 ||
[Analyze grammar]

pāpānāṃ khalu sarveṣāṃ jīvaduḥkhapradāyinām |
gopuraṃ paścimaṃ tatra bahuśastrādinirmitam || 50 ||
[Analyze grammar]

audumbaravahnijālasamāliptaṃ vidāhakam |
duṣkṛtīnāṃ praveśārthaṃ yamena kāritaṃ svayam || 51 ||
[Analyze grammar]

tatra pure sarvaratnamayī divyā sabhā''yatā |
yamena yojitā sā ca dharmitapasvimānavaiḥ || 52 ||
[Analyze grammar]

satyavādijitakrodhā'lubdhā'rāgaiḥ suśobhitā |
sā sabhā dharmayuktānāṃ sā sabhā pāpakāriṇām || 53 ||
[Analyze grammar]

sā sabhā sarvalokasya śubhasyaivā'śubhasya ca |
karmaṇāṃ nyāyadātrī sā sarvoṣāṃ dharmasaṃhitā || 54 ||
[Analyze grammar]

yatra madhyastharūpā nirapekṣā dharmapāṭhakāḥ |
cintayanti phalānyeva sarvalokahitāya vai || 55 ||
[Analyze grammar]

yathānyāyaṃ yathālekhaṃ yathākālanivedakāḥ |
manurvyāso'trirāpastambaśca śukro bṛhaspatiḥ || 56 ||
[Analyze grammar]

nāciketā gautamaśca śaṃkho likhita ityapi |
pulastyo bhṛguraṃgirā vahnirvāyuryugāstathā || 57 ||
[Analyze grammar]

patnīvrataśca pulahastathā'nye dharmapāṭhakāḥ |
yamena sahitāḥ sarve cintayanti pratikriyām || 58 ||
[Analyze grammar]

sarve kāryapracūrāste kuṇḍalāṃgadabhūṣitāḥ |
brahmadattamukuṭāditejobhirdurnirīkṣaṇāḥ || 59 ||
[Analyze grammar]

atha tatpārśvayordivyāḥ ṛṣayo brahmavādinaḥ |
vedatadaṃgamarmajñāḥ satyadharmapuraskṛtāḥ || 60 ||
[Analyze grammar]

tatra caivaṃ mayā dṛṣṭvā ṛṣayaḥ pitaraḥ khalu |
bhavane dharmarājasya pragāyantaḥ purā kathāḥ || 61 ||
[Analyze grammar]

teṣāṃ pārśve mayā dṛṣṭaḥ kṛṣṇavarṇo mahāhanuḥ |
ūrdhvākṛtirūrdhvaromā mahādaṃṣṭro bhayānakaḥ || 62 ||
[Analyze grammar]

kruddho vāmakare dhṛtvā mahograṃ daṇḍameva ca |
darśayan svamukhe śaśvad durdṛśyāṃ vikarālatām || 63 ||
[Analyze grammar]

śikṣārthaṃ dharmarājena sandiṣṭo'nekarūpadhṛka |
śṛṇoti nirṇayān kālo yunakti dehinastathā || 64 ||
[Analyze grammar]

tathā'nye kālasadṛśāḥ kiṃkarā gaṇanāparāḥ |
phalayoktāra evātra koṭiśaḥ śāsanaṃkarāḥ || 65 ||
[Analyze grammar]

yamena satkṛtā samyag divyagandhānulepanaiḥ |
saṃhartrī sarvalokānāṃ ghorā vai yātanāmayī || 66 ||
[Analyze grammar]

bibhyati hyasurāstasyāḥ ṛṣayaśca tapodhanāḥ |
asurāśca surāścaiva yogino'pi mahaujasaḥ || 67 ||
[Analyze grammar]

tasyā dehāt samudbhūtā vyādhayaḥ kālanirmitāḥ |
mahāghorā mahākleśā daṇḍadāne'titatparāḥ || 68 ||
[Analyze grammar]

mayā dṛṣṭāstathā dṛṣṭo mahākrodhaḥ sudāruṇaḥ |
prakṛtyā durvinītaśca jarāmaraṇavarjitaḥ || 69 ||
[Analyze grammar]

mahāsattvo vikarālo mṛtyurnāmā pumāṃstathā |
divyatejomayo dṛṣṭo sarvapāśasamanvitaḥ || 70 ||
[Analyze grammar]

gāyakā hāsakāścāpi sarvajīvaprabodhakāḥ |
kālajñāśca mayā dṛṣṭāstejobhūṣāmbarānvitāḥ || 71 ||
[Analyze grammar]

anekāśca jvarā dṛṣṭā rogāśca vedanāstathā |
nārīnarasvarūpāśca jīvabhakṣakarā hi te || 72 ||
[Analyze grammar]

krodhadāvānaladātryo nānākṛtyā vilokitāḥ |
tīvraroṣā nāśayitryo nānārūpadharāḥ striyaḥ || 73 ||
[Analyze grammar]

tatra halahalāśabdaḥ prāṇiśoṣaṇahetave |
śruto hyavirataṃ krūro dharmarājasamīpataḥ || 74 ||
[Analyze grammar]

kūṣmāṇḍā yātudhānāśca rākṣasā māṃsabhojinaḥ |
ekapādā dvipādāśca tripādā bahupādakāḥ || 75 ||
[Analyze grammar]

ekabāhurdvibāhuśca tribāhurbahubāhavaḥ |
śaṃkukarṇāḥ śūrpakarṇā nalakarṇāstathā'pare || 76 ||
[Analyze grammar]

kṛkalāsamukhāstvanye tathānye makarānanāḥ |
anye vyāghrabiḍālāsyā vikarālapranetrakāḥ || 77 ||
[Analyze grammar]

sakuṭhārāḥ sakuddālāḥ sacakrāḥ śūlahastakāḥ |
śaktitomarabhūśuṇḍīdhanurmudgarapāṇayaḥ || 78 ||
[Analyze grammar]

asikuntadharāstvanye vicitrabhakṣyahastakāḥ |
athānye puruṣā dṛṣṭāḥ sarvaśobhāvaśobhitāḥ || 79 ||
[Analyze grammar]

keyūraśṛṃkhalācitramukuṭakaṭakānvitāḥ |
sragviṇo vastraśobhāḍhyā sugandhagandhamoditāḥ || 80 ||
[Analyze grammar]

vājikuṃjarahaṃsādiyuktāstvanye tu yānagāḥ |
śarabharṣabhasārasacakramayūrasaṃsthitāḥ || 81 ||
[Analyze grammar]

tathā saumyā mayā dṛṣṭā dṛṣṭāstvanye bhayānakāḥ |
ujjvalāścā'pare tatra malinā api sarvathā || 82 ||
[Analyze grammar]

navojjvalāmbarāḥ kecit kecijjīrṇāṃśukāstathā |
sāttvikāḥ sumanasaśca tathā'nye krūramānasāḥ || 83 ||
[Analyze grammar]

mṛṣṭavacanamādhuryāstathā'nye śatamārakāḥ |
kaliḥ kṛṣṇā mahākṛtyā kāliścāpyavalokitāḥ || 84 ||
[Analyze grammar]

dharmahastā yaśohastāḥ kīrtihastāstathā'pare |
ete kṛtāntasānnidhye vartante tadvacaḥparāḥ || 85 ||
[Analyze grammar]

paśubhakṣyā narabhakṣyā nārībhakṣyāstathā'pare |
śavabhakṣyā bālabhakṣyāḥ pakṣibhakṣyā hyanekaśaḥ || 86 ||
[Analyze grammar]

āmabhakṣyāḥ pakṣibhakṣyāḥ padmahastā yamānugāḥ |
mahādaṃṣṭrā vikarālā vahnivāryaparābhavāḥ || 87 ||
[Analyze grammar]

agnidehā jaladehā loṣṭhavarṣmāṇa ityamī |
śastrā'ghātyā mayā dṛṣṭā vāyvaspṛśyāstathā'pare || 88 ||
[Analyze grammar]

yamarājabhaṭā hyete siddhimanto'valokitāḥ |
sakubhakāḥ sapakṣāśca vyomādisarvagāminaḥ || 89 ||
[Analyze grammar]

aprāṇarodhavaśagā yamabhṛtyā vilokitāḥ |
sarvagrāhyā sarvaspṛśyāḥ sarvadṛśyā vilokitāḥ || 90 ||
[Analyze grammar]

yāvantaścātra vai brahmāṇḍe janā bhuvaneṣu ca |
dehināṃ ca svabhāvā vai yādṛgguṇāstu cetanāḥ || 91 ||
[Analyze grammar]

jaḍā yādṛgguṇāḥ santi mūrtā'mūrtāni yāni ca |
sthāvarā jaṃgamāścāpi yayā bhavanti yādṛśāḥ || 92 ||
[Analyze grammar]

teṣāṃ sarvavidhānāṃ vai daṇḍadānāya te bhaṭāḥ |
sarvaśaktiyutāḥ sarvasiddhiyuktā niyāmakāḥ || 93 ||
[Analyze grammar]

alepāścā'parābhūtāsteṣāmaviṣayāstathā |
bhavanti kiṃ varṇayāmi pārasteṣāṃ na vidyate || 94 ||
[Analyze grammar]

iṣṭarūpadharā iṣṭasiddhisāmarthyayoginaḥ |
iṣṭatarkakarā daṇḍadāne'pradhṛṣyaśaktayaḥ || 95 ||
[Analyze grammar]

kecit sūkṣmaśarīrā vai kecitparvatarūpiṇaḥ |
kecidbrahmāṇḍatulyatvaṃ gṛhṇanti kāryasaṃgame || 96 ||
[Analyze grammar]

kecinnadanadīrūpāḥ kecijjvālāsvarūpiṇaḥ |
kecitsūryasamā uṣṇāḥ kecicchītahimālayāḥ || 97 ||
[Analyze grammar]

yādṛśaṃ daṇḍatattvaṃ vai tādṛśāste bhavanti hi |
mayā dṛṣṭā bahurūpā āścaryaṃ prāptavānaham || 98 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne yāmyacakre mārge dṛṣṭāḥ pāpinaḥ yamarājasya puraṃ gṛha prākāro gopurāṇi kṛtāntakālamṛtyukiṃkarakṛtyādīnāṃ rūpādyākṛtinirdaśādisāmarthyādinirūpaṇanāmā'ṣṭapaṃcāśadadhikatriśatatamo'dhyāyaḥ || 358 ||
[Analyze grammar]