Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 357 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
śṛṇu lakṣmi yamarājaḥ kārtike dhavale dale |
dvitīyāyāṃ sūryaputryā bhojitaḥ pūjito'grajaḥ || 1 ||
[Analyze grammar]

prasannaśca yamo yamīṃ provāca varadānakam |
tīrthe tvayi jale yadvā pārśve bhūmau tu dehinaḥ || 2 ||
[Analyze grammar]

pāpāḥ puṇyāśca ye yonicatuṣṭayagatā api |
vasanti yogamāpannā na te daṇḍyā mayā svasaḥ || 3 ||
[Analyze grammar]

yamunā''ha tadā jyeṣṭhaṃ bhrātaraṃ yadi te kṛpā |
adya yamapurīvāsānnirmocaya samantataḥ || 4 ||
[Analyze grammar]

ahaṃ snānaphalaṃ tadvajjalapānaphalaṃ bahu |
vṛndātulasīpatrāṇāṃ dānasya puṇyamityapi || 5 ||
[Analyze grammar]

dadāmi nārakebhyo vai kuru nirbandhanān hi tān |
svasurvākyaṃ samagṛhya tathā'stvityabhidhāya ca || 6 ||
[Analyze grammar]

yamaḥ sarvānnārakān vai puṇyaṃ datvā yamīkṛtam |
preṣayāmāsa vai svarga riktāṃ kṛtvā yamasthalīm || 7 ||
[Analyze grammar]

atha kāle punaryāte saṃbhūtā pāpibhistu sā |
lokālokapare pāre gāḍhatamasi nirmitā || 8 ||
[Analyze grammar]

jīvānāṃ karmaṇāṃ śubhā'śubhaphalapralabdhaye |
nyāyālayaḥ kṛṣṇanārāyaṇena nirmitaḥ sa hi || 9 ||
[Analyze grammar]

pāpibhyaḥ puṇyavadbhyaśca yathānyāyaṃ yamādhipaḥ |
dharmarājaḥ svayaṃ krūraḥ saumyo vā dadate phalam || 10 ||
[Analyze grammar]

pretā mṛtāḥ sarvajīvāḥ pāpāḥ puṇyāśca karmiṇaḥ |
tatra gatvaiva gacchanti pare loke'pare'thavā || 11 ||
[Analyze grammar]

bahupāpā alpapāpā yathākarma yamagṛhe |
nārakeṣu karmaphalaṃ bhuktvā yānti bhavāya hi || 12 ||
[Analyze grammar]

nārakāṇi tvasaṃkhyāni sthalāni mānasāni vai |
dharmarājena tatsthalyāṃ nirmitāni bhavanti hi || 13 ||
[Analyze grammar]

yathākarma tathā tasmai daṇḍāya pradadāti tat |
śrīlakṣmīruvāca |
bhagavan śrotumicchāmi karmapākaphalasthalam || 14 ||
[Analyze grammar]

kīdṛśaṃ kiṃpramāṇaṃ ca kiṃrūpaṃ kena dṛśyate |
karmapākaphalaṃ kīdṛṅ mānuṣairupabhujyate || 15 ||
[Analyze grammar]

jano gacchet kathaṃ naiva pretarājaniveśanam |
etatsarvaṃ samākhyāhi janānāmupakārakam || 16 ||
[Analyze grammar]

śrīnārāyaṇa uvāca |
śṛṇu lakṣmi purā vṛttāṃ kathāṃ paramaśobhanām |
pāvanīṃ sarvapāpānāṃ pravṛttau śubhakāriṇīm || 17 ||
[Analyze grammar]

samudramathane jātā tvalakṣmīrdevatādibhiḥ |
uddālakāya munaye pradattā dharmataḥ priyā || 18 ||
[Analyze grammar]

tasyāṃ jāto mānaso vai suto vedāṃgatattvavit |
naciketa iti khyātaḥ pitrājñāvartanaḥ sadā || 19 ||
[Analyze grammar]

araṇye godhanaṃ tasya daśasāhasrasaṃkhyakam |
āsīt tasmāt prage nityaṃ naciketo mahāmuniḥ || 20 ||
[Analyze grammar]

prātaḥ kratuṃ vidhāyaiva śataṃ dānaṃ dadāti vai |
dāne tena kvacittatra gāvo dattā dvijāya tu || 21 ||
[Analyze grammar]

bhuktabhogā gatāvasthā bhagnadantā jarāntigāḥ |
jagdhatṛṇāḥ śuṣkadugdhā luptadaurhṛdalakṣaṇāḥ || 22 ||
[Analyze grammar]

etādṛśīstu gāḥ prāyo dātantaṃ naciketasam |
pitaraṃ prāha putrastu nāciketā dayāvaśaḥ || 23 ||
[Analyze grammar]

pitargāvo dānayogyā dogdhryo bhavanti sarvathā |
naitādṛśyo jarjaritā garbhaśaktikṣayānvitāḥ || 24 ||
[Analyze grammar]

iti śrutvā pitā prāha śiṣyante vṛddhadhenavaḥ |
yuvatyo dānasaṃdattā na santyasmadgṛhe'dhunā || 25 ||
[Analyze grammar]

śrutvā putro virarāma tato vai divasāntare |
dhenvarthaṃ tu samāyātaḥ kaścid vipro hi bhikṣukaḥ || 26 ||
[Analyze grammar]

yayāce dhenubhikṣāṃ sa naciketo'pi godhanam |
avaśiṣṭaṃ cātivṛddhaṃ dadāti tad dvijāya vai || 27 ||
[Analyze grammar]

tadā putro nāciketā muhurjanakamāha yat |
na dātavyāḥ pitargāvo yā na dugdhāya karhicit || 28 ||
[Analyze grammar]

bhārarūpāstu tā gāvo mṛtyumātrā'vaśeṣitāḥ |
pitā kiñcid vyagramanā bhūtvā putramuvāca tam || 29 ||
[Analyze grammar]

kiṃ tarhi pradadāmyatra tvāṃ dadāmi gavāṃ sthale |
itiśrutvā punaḥ putro māṃ dadasvetyuvāca ha || 30 ||
[Analyze grammar]

tadā pitā tu roṣeṇa prāha putraṃ bhayakaram |
punaḥ punaryataḥ putra māṃ nirodhayasi drutam || 31 ||
[Analyze grammar]

māṃ dadasveti vadasi dattastvaṃ mṛtyave mayā |
ityuktamātre pitari mṛtyustatrā''jagāma ha || 32 ||
[Analyze grammar]

putrastathāstu oṃ prāha kṣaṇenā'ntarhito'bhavat |
mābhūd vākyaḥ piturmiṃthyā gamiṣyāmi yamālayam || 33 ||
[Analyze grammar]

śrutvā putravacaḥ prāha pitā vai dīnamānasaḥ |
ekastvamasi vatsaśca nānyo bandhurhi vidyate || 34 ||
[Analyze grammar]

yācitastvaṃ mayā putra gantuṃ vai tatra nā'rhasi |
roṣeṇa hi mayoktaṃ yad dharmatattvaṃ na tanmatam || 35 ||
[Analyze grammar]

pitṛvākyaṃ tu tanmānyaṃ yatrā'dharmo na vai spṛśet |
yadi vaivasvato rājā tvāṃ punarvisṛjennahi || 36 ||
[Analyze grammar]

vinaśyeyamahaṃ paśya kulasetuvināśanaḥ |
narakasya pudityākhyā duḥkhaṃ vai narakaṃ viduḥ || 37 ||
[Analyze grammar]

putitrāṇaṃ bhavet putrādatra paratra sarvathā |
hutaṃ dattaṃ tapastaptaṃ pitaraścāpi poṣitāḥ || 38 ||
[Analyze grammar]

aputrasya hi tatsarvaṃ moghaṃ bhavati niścayāt |
tapo vā vipulaṃ taptvā datvā dānāni dharmataḥ || 39 ||
[Analyze grammar]

kṛtvā vahnau havanāni japtvā ca mantramālikāḥ |
aputro nā''pnuyāt svargaṃ mayā devatrayāt śrutam || 40 ||
[Analyze grammar]

putreṇa gaṇyate pitā pautreṇa tu pitāmahaḥ |
putrasya tu prapautreṇa modate prapitāmahaḥ || 41 ||
[Analyze grammar]

na hāsyāmīti vatsa tvāṃ mama vaṃśavivardhanam |
yācyamānaḥ prayatne na tatra gantuṃ na cārhasi || 42 ||
[Analyze grammar]

śrutvā taṃ pitaraṃ prāha nāciketā vinītakaḥ |
na viṣādaḥ pitaḥ kāryo drakṣyase māmihā''gatam || 43 ||
[Analyze grammar]

yamarājamahaṃ dṛṣṭvā tathyaṃ kṛtvā bhavadvacaḥ |
āgamiṣye punastvatra nāsti tasmād bhayaṃ mama || 44 ||
[Analyze grammar]

satyaṃ svargasya sopānaṃ satye tiṣṭhatu vai bhavān |
satyena labhyate sarvaṃ hitaṃ tatra pratiṣṭhitam || 45 ||
[Analyze grammar]

aśvamedhasahasraṃ ca satyaṃ ca tulayā dhṛtam |
aśvamedhasahasrāddhi satyameva viśiṣyate || 46 ||
[Analyze grammar]

sthitaḥ satye mahāvindhyo vardhamāno na vardhate |
pālayan svavrataṃ satyaṃ baddho vairocano baliḥ || 47 ||
[Analyze grammar]

satyadharmo rakṣitaḥ san rakṣati svaprarakṣakam |
tasmāt satyaṃ kuruṣvā'dya rakṣa tvātmānamātmanā || 48 ||
[Analyze grammar]

evamuktvā gato mṛtyuṃ nāciketāḥ prasannadhīḥ |
prāpto yamagṛhaṃ yatra yamo nāsīttadā gṛhe || 49 ||
[Analyze grammar]

lokapālakṛte yajñe gatastvāsīnmahotsave |
atithirbrāhmaṇo nāciketo'tiṣṭhad gṛhāṃgaṇe || 50 ||
[Analyze grammar]

kṣudhayā tṛṣayā yukto vinā svāgatameva ca |
ekaṃ dinaṃ dvitīyaṃ ca gataṃ tatsvāgataṃ vinā || 51 ||
[Analyze grammar]

tṛtīye'hni yamasyā''sīt kṣmāyāṃ mukuṭapātanam |
tadā jñātaṃ mahajjātaṃ pātakaṃ vidyate kvacit || 52 ||
[Analyze grammar]

vijñātaṃ kāraṇaṃ tvetad dūtaistatparimārgitam |
atitherasvāgataṃ vai vijñāya puṇyanāśakam || 53 ||
[Analyze grammar]

dūtānprāha yamastatra hyaḥ samāgatavānaham |
kenāpi dūtavaryeṇā'tithirvijñāpito na hi || 54 ||
[Analyze grammar]

svāgataṃ tasya kurvantu viprasya satyaśālinaḥ |
yasyāṃ'ganetithistvāste jalā'nnā''sanavarjitaḥ || 55 ||
[Analyze grammar]

sukṛtaṃ tadgṛhasthasya bhasmībhavati sarvathā |
ādeyaṃ bhojanaṃ tasmai pādau prakṣālya mastake || 56 ||
[Analyze grammar]

jalaṃ dhāryaṃ gṛhasthena tena puṇyaṃ vivardhate |
svalpaṃ vā bahu vā deyaṃ śaktipūrvaṃ suśraddhayā || 57 ||
[Analyze grammar]

yadyatithistu bhagnāśo yasmād gṛhānnivartate |
gṛhiṇaḥ puṇyamādāya pāpaṃ datvā prayāti saḥ || 58 ||
[Analyze grammar]

vipraḥ sādhuḥ satī sādhvī yatiśca prathamāśramī |
ete dharmātithayo vai tebhyo dattamanantakam || 59 ||
[Analyze grammar]

pretā vṛddhāśca pitaraḥ svāśritā vā nirāśrayāḥ |
dīnā bālā jaḍā andhā nimittā'tithayastvime || 60 ||
[Analyze grammar]

pādāvanejanaṃ kāryamatithergātramardanam |
snapanaṃ bhojanaṃ vāripānaṃ nivedanaṃ śubham || 61 ||
[Analyze grammar]

ityupādiśya bhṛtyān sa yamo'pi nāciketasam |
prati dvāraṃ samāyāto neme papraccha tatsukham || 62 ||
[Analyze grammar]

satyāyuṣye samāyāto vipro me bhāgyamuttamam |
gṛhāṇa sādho miṣṭānnaṃ bhojanaṃ jalapānakam || 63 ||
[Analyze grammar]

praviśā'tra gṛhāntarme pādyamarghyaṃ gṛhāṇa ca |
āsanaṃ vividhaṃ vastraṃ vibhūṣāśca gṛhāṇa me || 64 ||
[Analyze grammar]

kathaṃ kimarthamāyāto vada vipra dadāmyaham |
nāciketā yamaṃ prāha kṛpayā tava vai mayā || 65 ||
[Analyze grammar]

vastrabhūṣādikaṃ prāptaṃ vadā''tmajñānameva me |
yamo yogī hariścaite pratyakṣā''tmapradarśinaḥ || 66 ||
[Analyze grammar]

tadātmadarśanaṃ yāce dehi me sukṛpā yadi |
yamaḥ prāha gṛhāṇedaṃ suvarṇaṃ ratnasañcayam || 67 ||
[Analyze grammar]

kalpavṛkṣaṃ somavallīṃ cintāmaṇiṃ tanuṃ punaḥ |
suvarṇabhavanaṃ ramyaṃ dāsān dāsīḥ śatottarān || 68 ||
[Analyze grammar]

yānāni gajavājyādivāhanāni suvāṭikāḥ |
udyānāni suvarṇānāṃ śevadhiṃ ca gṛhāṇa bhoḥ || 69 ||
[Analyze grammar]

na tu pratyakṣātmano vai jñānaṃ dāsye kadācana |
tathā'stu tvatkṛpayaiva prāptaṃ sarvaṃ mayā prabho || 70 ||
[Analyze grammar]

ityuktvā nāciketāstaṃ tvātmajñānāya cārthayat |
yamaḥ prāha bhuvo rājyaṃ sārvabhaumaṃ gṛhāṇa me || 71 ||
[Analyze grammar]

svargaṃ yadvā ca pātālaṃ satyarājyaṃ ca vedhasaḥ |
aiśvaryāṇi samagrāṇi siddhīstvaṇimaprabhṛtīḥ || 72 ||
[Analyze grammar]

parakāyapraveśādyaṃ sāmarthyaṃ ca gṛhāṇa bho |
mā tvarthayā''tmavijñānaṃ yogināmapi durlabham || 73 ||
[Analyze grammar]

tathā'stu tvatkṛpayaiva prāptaṃ sarvaṃ mayā prabho |
ityuktvā nāciketāstaṃ tvātmajñānamayācata || 74 ||
[Analyze grammar]

yamaḥ prāha vṛṇu tvanyad yatte manasi vartate |
na tu tvātmapravijñānaṃ duṣkaraṃ tat kuyoginām || 75 ||
[Analyze grammar]

nāciketāstathāpyevamātmajñānamayācata |
yamaḥ prāha śṛṇu tvātmā divyadṛṣṭyā vilokyate || 76 ||
[Analyze grammar]

dadāmi divyacakṣuste paśyātmānaṃ hṛdi sthitam |
ityuktvā dharmarājastaṃ dadau vāri supuṇyavat || 77 ||
[Analyze grammar]

netrāṃjanena vai nāciketā dadarśa cetanam |
bhāsvaraṃ saccidānandaṃ sūkṣmaṃ mūrtaṃ guṇākaram || 78 ||
[Analyze grammar]

sarvasiddhyāśrayaṃ bhāntamantaḥsthitāntarātmakam |
dṛṣṭvā jaharṣa cātyantaṃ nāciketāḥ sudivyadṛk || 79 ||
[Analyze grammar]

yamastasyā''tmavijñāne dṛṣṭvā dṛḍhāgrahaṃ tataḥ |
prasannaḥ prāha viprāya vṛṇu tvanyad yathepsitam || 80 ||
[Analyze grammar]

nāciketāstadā prāha śavaṃ me tvakṣataṃ bhavet |
yatra me jīvanaṃ śaśvad bhaved divyaṃ vinā kṣayam || 81 ||
[Analyze grammar]

piturme tvaparādho mā'stviti paśyāmi śāntidam |
nāciketāitināmnā saṭā vahnirbhavāmyaham || 82 ||
[Analyze grammar]

kīrtirābrahmabhavanaṃ sarvatrā'stu sadā mama |
etānvarān prayāce'haṃ pūrvoktāṃśca tvayā'rpitān || 83 ||
[Analyze grammar]

tathā'stviti yamaḥ prāhā'tithaye sarvamārpayat |
svasaudhaṃ karmacārāṇāṃ bhavanāni śubhāni ca || 84 ||
[Analyze grammar]

darśayāmāsa pāpānāṃ kārāgārāṇi cāpyatha |
nārakāṇāṃ daṇḍavāsān puṇyānāṃ svargabhūmikāḥ || 85 ||
[Analyze grammar]

darśayāmāsa pūjyāyā'tithaye yamarāṭ svayam |
sarvaṃ dṛṣṭvā dhanaṃ smṛddhiṃ nītvaiśvaryaṃ varātmakam || 86 ||
[Analyze grammar]

nāciketā yayau naijaṃ gṛhaṃ yatrāsti tatpitā |
śavaṃ cetanayuktaṃ vai samuttasthau sudivyakam || 87 ||
[Analyze grammar]

tato hṛṣṭamanā lakṣmi putraṃ dṛṣṭvā taponidhiḥ |
pariṣvajya ca bāhubhyāṃ mūrdhanyāghrāya cāha tam || 88 ||
[Analyze grammar]

kaccit tvaṃ na hato vatsa naiva baddho yamālaye |
kaccitte saśivaḥ panthā gacchatastava putraka || 89 ||
[Analyze grammar]

kaccitte yamasadane vyādhayo nā'bhavan suta |
kiṃ tatra kṛtavān gatvā dṛṣṭavāṃśca kimu gṛham || 90 ||
[Analyze grammar]

kaccid yamastvayā dṛṣṭaḥ paruṣo vā sukomalaḥ |
tuṣṭo vā krodhasampanno visṛṣṭo'si kathaṃ drutam || 91 ||
[Analyze grammar]

kaccid dauvārikaistatra ruddho vā'ntarniveśitaḥ |
kaccitte puṇyapāpānāṃ phalaṃ nā'bhūttu bādhakṛt || 92 ||
[Analyze grammar]

kaccitpanthāstvayā prāpto nirbādho vā susatkṛtaḥ |
ityuktvā naciketāstaṃ svaputraṃ nāciketasam || 93 ||
[Analyze grammar]

hṛṣṭamanāḥ parireme prāhā''ganāṃstapasvinaḥ |
paśyantu mama putrasya prabhāvaṃ vijayapradam || 94 ||
[Analyze grammar]

yamasya bhavanaṃ dṛṣṭvā punardehaṃ samāgataḥ |
pitṛsevāpratāpena guruśuśrūṣayāpi ca || 95 ||
[Analyze grammar]

satyena daivadṛṣṭena jīvatputro vilokitaḥ |
aho bhāgyaṃ mama śreṣṭhaṃ mṛtyuṃ tīrtvā''gataḥ sutaḥ || 96 ||
[Analyze grammar]

prasannā devatā me vai ṛṣayaḥ santa īśvarāḥ |
kṛṣṇanārāyaṇo hṛṣṭo yanme vatsaḥ samāgataḥ || 97 ||
[Analyze grammar]

iti tvābhāṣamāṇe ca karṇākarṇitayā janāḥ |
śrutvā vanaukasasttyaktvā vrataṃ japaṃ tathā'rcanam || 98 ||
[Analyze grammar]

tapo homaṃ parityajya draṣṭuṃ sarve samāgatāḥ |
udūrdhvabāhavaḥ kecit kecidekapadasthitāḥ || 99 ||
[Analyze grammar]

kecit sūryābhinetrāśca kecidbhūgatamastakāḥ |
keciddigambarāścānye dantolūkhalinastathā || 100 ||
[Analyze grammar]

aśmakūṭāśca maunāśca śīrṇapatratṛṇādanāḥ |
dhūmrapānā vāṣpapānā jalapānāstathā'pare || 101 ||
[Analyze grammar]

parivārya tu te sarve papracchurnāciketasam |
bhorbhoḥ satyavratācāra guruśuśrūṣaṇapriya || 102 ||
[Analyze grammar]

nāciketarbrūhi satyaṃ kiṃ dṛṣṭaṃ ca śrutaṃ tvayā |
yadyad yamasya caritaṃ guptaṃ prakāśamityatha || 103 ||
[Analyze grammar]

sarvaṃ tvayā pravaktavyaṃ tvatkṛte cāpi yatkṛtam |
duḥkhaṃ bhartsanamākrośaṃ gopyaṃ prakāśyamityapi || 104 ||
[Analyze grammar]

brūhi sarvaṃ lokaśikṣāmayaṃ yadvai bhaviṣyati |
iha caiva kṛtaṃ yattu tatparatropayujyate || 105 ||
[Analyze grammar]

kṛtasyā'ntaṃ na paśyanti jantavaḥ pāracintakāḥ |
citraguptastvayā dṛṣṭo na vā kaccit karoti kim || 106 ||
[Analyze grammar]

dharmarājasya kiṃ rūpaṃ kālarūpaṃ ca kīdṛśam |
mṛtyurūpaṃ tathā kīdṛg vyādhayaḥ kiṃsvarūpiṇaḥ || 107 ||
[Analyze grammar]

karmaphalavipākaśca kīdṛśaścānubhūyate |
jitātmānaḥ kathaṃ yānti puṇyācārāstathāvidhāḥ || 108 ||
[Analyze grammar]

pāpinaśca kathaṃ yānti kathaṃ yānti hyudāsināḥ |
yathādṛṣṭaṃ yathājātaṃ yathānubhūtamityapi || 100 ||
[Analyze grammar]

tvayā bhuktaṃ yathā yacca tathā'nyat tvatsmṛtau sthitam |
vad sarva nāciketaryāthātathyena vistarāt || 110 ||
[Analyze grammar]

ityuktvā cātisantṛṣṇāḥ śrotuṃ tvalaukikaṃ hi tat |
abhavan dattahṛdayā nāciketā uvāca tān || 111 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne māthurakṣetramāhātmye yamunāpratāpena yamapurīriktatā punaḥ sā karmibhiḥ prapūritā nāciketasaḥ svapituḥ śāpena yamasadanagamanaṃ yamāśīrvādā''tmadarśanayamapūrāvalokanottaraṃ svadehe punarāgamanaṃ tatra kiṃ kiṃ dṛṣṭaṃ śrutamitiṛṣipraśnā |
ityādinirūpaṇanāmā saptapaṃcāśadadhikatriśatatamo'dhyāyaḥ || 357 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 357

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: