Chapter 349

śrīnārāyaṇa uvāca |
śṛṇu lakṣmi yamunāyā viśrāntighaṭṭanirvacaḥ |
ujjayinyāmabhūd vipro bhraṣṭācāraḥ praṇāstikaḥ || 1 ||
[Analyze grammar]

sadācāraparityāgī na tu snānaṃ karoti saḥ |
sa na pūjayate devānna sa sādhūnnamasyati || 2 ||
[Analyze grammar]

kāmanāvyākulaḥ sandhyāśayanaḥ pitṛnindakaḥ |
śrāddhakhaṇḍanakartā ca pāpasaṃgaḥ sudurmatiḥ || 3 ||
[Analyze grammar]

svakuṭumbodarabharaścauryādibhiḥ sadā niśi |
ekadā sa niśi cauryaṃ kurvāṇaḥ pāpibhiḥ saha || 4 ||
[Analyze grammar]

rājabhaṭairvīkṣyamāṇo dravanvegādvimārgagaḥ |
palāyamānaḥ sa paramandhakūpe'patattadā || 5 ||
[Analyze grammar]

mṛto'sau patitaścātha rākṣasatvamupāgataḥ |
sa tu pārśvagamārgasthajīrvāvṛkṣe vasan sadā || 6 ||
[Analyze grammar]

paśūnpakṣavataḥ prāṇān raktaṃ pibati khādati |
kadācittena mārgeṇa mahānsārtha upāgataḥ || 7 ||
[Analyze grammar]

tanmadhyasthena vipreṇa rakṣoghnamantrarakṣitaḥ |
sārthaḥ suṣvāpa suśrānto vṛkṣā'dhaḥkūpasannidhau || 8 ||
[Analyze grammar]

tatrāgatya ca rakṣastu brāhmaṇaṃ prāha bho dvija |
ahaṃ dāsyāmi te dravyaṃ yatte manasi vartate || 9 ||
[Analyze grammar]

bahukālena saṃprāptaṃ bhojanaṃ bahumānavam |
dehi bhakṣayituṃ vipra gacchānyatra kṛpāṃ kuru || 10 ||
[Analyze grammar]

yenā'haṃ bhakṣaye sārthaṃ yāvat tṛptirbhavenmama |
vipraḥ prāha kṛtaghno'haṃ na bhavāmi kathaṃcana || 11 ||
[Analyze grammar]

duṣṭena mama kā maitrī ko lābho rakṣasā saha |
rakṣasā mitratālābhau prāṇāntāmantraṇāpradau || 12 ||
[Analyze grammar]

sārthena mama lābho'sti na tvayā tu kathaṃcana |
ekasārthaprayāto'haṃ notsṛjāmi sahārthakam || 13 ||
[Analyze grammar]

tasmād rākṣasa gaccha tvaṃ vihāya mama sārthakam |
nirīkṣituṃ na śakto'si mama mantrabalena vai || 14 ||
[Analyze grammar]

rakṣaḥ prāha hate bhakṣye me doṣaste bhaviṣyati |
dayāṃ kuru tvaṃ viprendra bhojanaṃ mama dīyatām || 15 ||
[Analyze grammar]

evamarthamarthayantaṃ papraccha rākṣasaṃ dvijaḥ |
kena karmapradoṣeṇa rākṣasatvamupāgataḥ || 16 ||
[Analyze grammar]

rakṣaḥ prakathayāmāsa cauryā'nācāradūṣaṇaiḥ |
vipro'pi pāpakāryaiśca rākṣasatvamupāgataḥ || 17 ||
[Analyze grammar]

tadā sārthagataḥ kṣmādevo'pi śrutvā kṛpāṃ gataḥ |
uvāca rakṣo vada me mārjayāmi dvijasya te || 18 ||
[Analyze grammar]

yāni kāni ca pāpāni muktiścāpi yathā bhavet |
mayā kṛtopakāreṇa priyaṃ kiṃ karavāṇi te || 19 ||
[Analyze grammar]

śrutvā''ha rākṣaso vipraṃ tvayā yātrā bahukṛtā |
mathurāyāṃ tu yat snānaṃ kṛtaṃ viśrāntitīrthake || 20 ||
[Analyze grammar]

tacca snānaphalaṃ dehi yena muktiṃ vrajāmyaham |
vipraḥ papraccha tacchrutvā rākṣasaṃ prāgudantakam || 21 ||
[Analyze grammar]

kathaṃ jānāsi rakṣastvaṃ tīrthaṃ viśrāntisaṃjñakam |
kathaṃ ca tādṛśī saṃjñā sarvaṃ kathaya vitsi cet || 22 ||
[Analyze grammar]

rākṣasaḥ prāha viprendra ujjayinyāṃ purā mama |
puryāṃ vāsaḥ sadā''sīnme tatra vai viṣṇumandire || 23 ||
[Analyze grammar]

lakṣmīnārāyaṇasaṃhitāyāḥ kathāṃ tu bhūsuraḥ |
karoti nityamevātibhāvato janatākṛte || 24 ||
[Analyze grammar]

viśrāntitīrthamāhātmyaṃ śrutaṃ dvija mayā tadā |
tasya śravaṇamātreṇa mama bhaktirhṛdi sthitā || 25 ||
[Analyze grammar]

sā tu saṃjñā śrutā tatra viśrānterarthabodhikā |
vāsudevaḥ paraṃ brahma kṛṣṇanārāyaṇo hariḥ || 26 ||
[Analyze grammar]

viśrāmaṃ kurute nityaṃ yatra vai yamunātaṭe |
tatsthānaṃ jalasānnidhye viśrāntisaṃjñakaṃ hyabhūt || 27 ||
[Analyze grammar]

tatra snātā koṭiyugānsvargaṃ bhuktvā tataḥ param |
vairājasaṃjñakān lokān bhuktvā yāti paraṃ padam || 28 ||
[Analyze grammar]

tasmāt prayaccha viprendra hyekasnānasya me phalam |
yena me rākṣasabhāvānmuktiḥ svargagatistathā || 29 ||
[Analyze grammar]

ante muktirbhaveccāpi kṛpāṃ kuru mamopari |
rākṣasasya vacaḥ śrutvā sārthavipro'bravīttadā || 30 ||
[Analyze grammar]

ekasnānasya hi phalaṃ tava dattaṃ tu rākṣasa |
ityabhidhāya yāvat sa jalaṃ dadāti rakṣase || 31 ||
[Analyze grammar]

tāvacchuddho divyatanumavāpya sa divaṃ yayau |
tatra bhogānparān bhuktvā mokṣamavāpa padmaje || 32 ||
[Analyze grammar]

tataḥ sārthaḥ sa vipro hi yayau deśaṃ prati svakam |
śṛṇu lakṣmi purā śaṃbhurharestoṣaṇahetave || 33 ||
[Analyze grammar]

cakārograṃ tapastena prasannaḥ sannahaṃ tadā |
śaṃkaraṃ tu samāgatya datvā darśanameva me || 34 ||
[Analyze grammar]

varaṃ varaya cetyukto vavre matto varaṃ haraḥ |
yadi tuṣṭo'si bhagavan mathurākṣetramaṇḍale || 35 ||
[Analyze grammar]

yatra kvāpi ca me sthānaṃ sadā kṛṣṇa pradīyatām |
tadā mayā kathitaṃ tvaṃ kṣetrapālo bhaviṣyasi || 36 ||
[Analyze grammar]

tvayi dṛṣṭe mahādeva mama kṣetraphalaṃ bhavet |
mama kṣetrasya saṃrakṣāṃ kuru śaṃbho sadā'bhitaḥ || 37 ||
[Analyze grammar]

mama kṣetrapraveśe ca saṃsāro vai nivartate |
yathā vaikuṇṭhanagarī vallabhā mathurā mama || 38 ||
[Analyze grammar]

viṃśatiryojanānāṃ hi māthuraṃ mama maṇḍalam |
pade pade'śvamedhānāṃ phalaṃ madyogato bhavet || 39 ||
[Analyze grammar]

atra tiṣṭhanti tīrthāni svargamokṣapradāni vai |
ṣaṣṭikoṭisahasrāṇi ṣaṣṭikoṭiśatāni ca || 40 ||
[Analyze grammar]

iti śrutvā varaṃ prāpya śaṃbhustatraiva saṃsthitaḥ |
kṣetrapālasvarūpo me bhaktarāḍ vaiṣṇavaḥ paraḥ || 41 ||
[Analyze grammar]

iti te kathitaṃ lakṣmi māhātmyaṃ mokṣadaṃ param |
ye paṭhanti ca śṛṇvanti te yānti paramaṃ padam || 42 ||
[Analyze grammar]

kulānyapi tārayanti dve śate viṃśayordvayoḥ |
prāpte ca maraṇe tīrthaṃ smared yo māthuraṃ janaḥ || 43 ||
[Analyze grammar]

sa gacchet paramāṃ siddhimiha saṃsāranāśinīm |
sarveṣāmeva tīrthānāṃ māthuraṃ paramaṃ mahat || 44 ||
[Analyze grammar]

kṛṣṇena krīḍitaṃ tīrthaṃ tacchuddhaṃ hi pade pade |
dakṣiṇottaravasudhāmaṇḍalaṃ māthuraṃ sadā || 45 ||
[Analyze grammar]

gṛhānniḥsṛtya maunena yāvatsnānaṃ hi vartayet |
prapūjānantaraṃ brūyād dhenūrdadyātpayasvinīḥ || 46 ||
[Analyze grammar]

hiraṇyaṃ ca vasuṃ dadyād bhojayed bhūsurāna sataḥ |
cāturmāsye mathurāyāṃ vased dādāni vartayet || 47 ||
[Analyze grammar]

na tasya punarāvṛttirmama loke mahīyate |
māthure tu mṛtā lakṣmi mama lokaṃ vrajanti vai || 48 ||
[Analyze grammar]

anyatra ca mṛtānāṃ vai dāhe māthuramaṇḍale |
kṛte svargaṃ tathā vāso mama golokadhāmani || 49 ||
[Analyze grammar]

māthurāṇāṃ tu yadrarūpaṃ tadrūpaṃ me caturbhujam |
māthureṇa tu tṛptena tṛpto'haṃ vārdhije sadā || 50 ||
[Analyze grammar]

śṛṇu lakṣmi yathāvṛttaṃ garuḍasya mahātmanaḥ |
āgatasya mathurāyāṃ kṛṣgadarśanakāṃkṣayā || 51 ||
[Analyze grammar]

kṛṣṇasyā'gre garuḍaḥ sa stutiṃ cakre nanāma ca |
jaya lakṣmīpate kṛṣṇa jayasva māṇikīpate || 52 ||
[Analyze grammar]

prabhāpate jaya rādhāpate śrīpārvatīpate |
jaya viṣṇo jaya kṛṣṇanārāyaṇa ramāpate || 53 ||
[Analyze grammar]

jaya gopīpate kṛṣṇa garuḍādhipate jaya |
jaya sarvapate brahma jaya kṛṣṇa namo'stu te || 54 ||
[Analyze grammar]

ityevaṃ saṃstuto devo garuḍena mahātmanā |
garuḍasya puraḥ kṛṣṇa sthito'bhūt suśarīravān || 55 ||
[Analyze grammar]

uvāca pakṣirāṭ kiṃ te cikīrṣitaṃ tathā''gamaḥ |
vada śīghraṃ pradāsye'haṃ śrutvā''ha garuḍastadā || 56 ||
[Analyze grammar]

mathurāmāgataścā'haṃ tava darśanakāṃkṣayā |
na dṛṣṭaṃ tava rūpaṃ ca māṃ tu mohaḥ samāviśat || 57 ||
[Analyze grammar]

mathurāyāṃ bhavāna lokaiḥ samaṃ dhṛtvā svarūpakam |
vartate na mayā jñātastato māṃ mohamāviśat || 58 ||
[Analyze grammar]

idānīṃ divyarūpaṃ te dṛṣṭvā śāntirabhūttu me |
garuḍasya vacaḥ śrutvā prahasyovāca mādhavaḥ || 59 ||
[Analyze grammar]

māthurāṇāṃ svarūpeṇa vartāmyahaṃ dvijottama |
ye pāpaste na paśyanti madrūprān māthurān janān || 60 ||
[Analyze grammar]

ahaṃ vasāmi tatraiva vicarāmi kvacit pṛthak |
evamuktvā tataḥ kṛṣṇastatraivāntaradhīyata || 61 ||
[Analyze grammar]

garuḍo'pi gataḥ kṛṣṇapade vaikuṇṭhameva ha |
māthurā mathurāyāṃ vai sthitvā devatvamāgatāḥ || 62 ||
[Analyze grammar]

pavitrayanti sarvāṃste yathā kṛṣṇasya pārṣadāḥ |
api kīṭaḥ pataṃgo vā tiryagyonisthito'pi vā || 63 ||
[Analyze grammar]

caturbhujā bhavantyeva śrīkṛṣṇasya pratāpataḥ |
atha lakṣmi śṛṇu tvanyat camatkāraṃ tu māthuram || 64 ||
[Analyze grammar]

saurāṣṭrasya raivatādrervāstavyo brāhmaṇo hariḥ |
patnīvratābhidhānaḥ svakuṭumbena purā yuge || 65 ||
[Analyze grammar]

yamunāyāstu yātrārthaṃ gato māthuramaṇḍalam |
viśrāntau sa yamunāyāṃ snātaścakre pradakṣiṇam || 66 ||
[Analyze grammar]

mathurāyāstathā govardhanasyā'nyavanasya ca |
vṛndāvanasya tulasīvanasyāpi pradakṣiṇam || 67 ||
[Analyze grammar]

bhojayitvā bahūn viprān nītvā tīrthajalāni ca |
nyavartata svakaṃ deśaṃ marudeśaḥ samāgataḥ || 68 ||
[Analyze grammar]

tatrā'raṇye śamīprāye śuṣke śṛṃgamaye sthale |
dadarśa ḍākinīśākinīnāṃ sārthaṃ śatottaram || 69 ||
[Analyze grammar]

nṛtyantaṃ bhakṣaya khādayeti brūvantamuddhatam |
vīrūpaṃ ca vivastraṃ ca kṛṣṇavarṇaṃ bhayaṃkaram || 70 ||
[Analyze grammar]

kṛtyāsārthaṃ vilokyaiva patnīvratastu tatkṣaṇam |
cakre sasmāra kṛṣṇasya drāgevopasthitaṃ jvalat || 71 ||
[Analyze grammar]

pretasvarūpikāstāstaccakraṃ dadāha bāhyataḥ |
rurudustāścukruśuśca prārthayāṃcakruratyati || 72 ||
[Analyze grammar]

trāhi brahman na bhakṣyāmo mariṣyāmo'tra rakṣa naḥ |
vayaṃ marunṛpatervai patnyo'bhavan śatottaram || 73 ||
[Analyze grammar]

madyamāṃsāśanāḥ pāpakāriṇyo dharmavarjitāḥ |
mahāmārīmahāroge rājā tu nidhanaṃ gataḥ || 74 ||
[Analyze grammar]

rājyaṃ hṛtaṃ tripureṇa bhraṣṭāstena kṛtā vayam |
bhūkampe bhavane bhagne sarvāstatrā'rditā mṛtāḥ || 75 ||
[Analyze grammar]

ḍākinīśākinībhautiyoniṃ gatāḥ sma bhūsura |
mokṣaṃ kuru tadasmākaṃ tīrthajalena keśava || 76 ||
[Analyze grammar]

śratvā patnīvrataḥ so'yaṃ kṛṣṇāṃśo brāhmaṇo jalam |
yamunāyāḥ kare dhṛtvā prokṣayāmāsa tāstadā || 77 ||
[Analyze grammar]

pretarūpāṇi santyajya divyāścaturbhujāstu tāḥ |
ramārūpāstadā jātā natvā tuṣṭuvurādarāt || 78 ||
[Analyze grammar]

kṛṣṇaḥ svayaṃ tvamevā'si hyuddhṛtā duḥkhasāgarāt |
naya dhāma svakaṃ kṛṣṇetyukte vimānamāgatam || 79 ||
[Analyze grammar]

vipraḥ kṛṣṇasvarūpaḥ sa golokaṃ tāṃ nināya vai |
punaḥ kuṭumbasahitaḥ svadeśaṃ raivataṃ yayau || 80 ||
[Analyze grammar]

iti viśrāntitīrthasya yamunāsalilasya ca |
pretoddhārakaraṃ divyaṃ māhātmyaṃ te prakīrtitam || 81 ||
[Analyze grammar]

kṛṣṇanārāyaṇaścā'haṃ yamunājalasaṃgataḥ |
yatra tatra tadā svargaṃ golokaṃ mokṣa eva ca || 82 ||
[Analyze grammar]

ya idaṃ śṛṇuyāccāpi vācayecchrāvayettathā |
teṣāṃ lakṣmi bhavet svargaṃ goloke muktireva ca || 83 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne mathurākṣetramāhātmye ujayinīpurīvāsibhraṣṭācāraviprasya rākṣasatvamupagatasya viśrāntisnānaphaladānānmuktiḥ śaṃbhukṛtakṣetrasarakṣaṇaṃ garuḍasya māthurarūpakṛṣṇā'paricaye stavanena divyadarśanaṃ |
patnīvrataviprātmakakṛṣṇanārāyaṇakṛto viśrāntijalaprokṣaṇena ḍākinīśākinīśatottaramokṣaścetyādinirūpaṇanāmaikonapañcāśadadhikatriśata |
tamo'dhyāyaḥ || 349 ||
[Analyze grammar]