Chapter 338

śrīnārāyaṇa uvāca |
satpatramañjarīyuktāṃ tulasīṃ pravilokya ca |
devādyāśca mahāścaryapariplutāstadā'bhavan || 1 ||
[Analyze grammar]

lakṣmyādayastathā devyo vavandire ca tulasīm |
nārāyaṇo mahāviṣṇurmahimānamuvāca tān || veḥ |
śṛṇu lakṣmi tadā kanyā tulasī divyarūpiṇī |
mama pārśve sthitā'pyāsīt śṛṇoti sma svagauravam || 3 ||
[Analyze grammar]

tulanā sīdati yatra sarvaṣāṃ tulasī hi sā |
svarge martye ca pātāle vaikuṇṭhe'kṣaradhāmani || 4 ||
[Analyze grammar]

tulasī sarvadā cāstu taravo mama sannidhau |
goloke virajātīre rāse vṛndāvane bhuvi || 5 ||
[Analyze grammar]

bhāṇḍīre campakavane'śoke candanakānane |
mādhavīketakīkundamallikāmālatīvane || 6 ||
[Analyze grammar]

bhavantu tulasīvṛkṣā yatrāhaṃ tulasī saha |
tulasīmūlabhūmau ca tīrthavāso bhaviṣyati || 7 ||
[Analyze grammar]

tulasīpatrapatanasthale devādyadhisthitiḥ |
tulasījalasaṃsnātastulasīpatrabhojanaḥ || 8 ||
[Analyze grammar]

sa snātaḥ sarvatīrtheṣu sarveyajñeṣu dīkṣitaḥ |
sarvayātrāsu dāneṣu puṇyabhāk tulasīśrayaḥ || 9 ||
[Analyze grammar]

sudhāghaṭapralakṣeṇa na tathā tṛptimānaham |
yaḥ santoṣo mama devāstulasīpatradānataḥ || 10 ||
[Analyze grammar]

nidhanasya samaye yastulasīvāri saṃgraset |
sarvapāpavinirmukto vaikuṇṭhaṃ yāti bhaktarāṭ || 11 ||
[Analyze grammar]

nityaṃ tulasīsaṃspṛṣṭaṃ jalaṃ pibati bhaktitaḥ |
jīvanmuktaḥ sa vijñeyo gaṃgāsnānaphalaṃ labhet || 12 ||
[Analyze grammar]

tulasyā mama pūjākṛllakṣāśvamedhapuṇyabhāk |
tulasīpatramāsye tu dhṛtvā prāṇāṃstyajettu yaḥ || 13 ||
[Analyze grammar]

tulasīmālikāṃ kaṇṭhe bibhran yo maraṇaṃ vrajet |
svarge koṭiyugaṃ bhuktvā viṣṇulokaṃ prayāti saḥ || 14 ||
[Analyze grammar]

tulasīnāmadhṛgaśvamedhapuṇyaḥ pade pade |
tulasītoyakaṇikāṃ bhojane yo labhejjanaḥ || 15 ||
[Analyze grammar]

mṛtyukāle'thavā''pattau labhate tulasīdalam |
sa ratnayānamāruhya vaikuṇṭhaṃ yāti madgṛham || 16 ||
[Analyze grammar]

trirātraṃ tulasīpatraṃ śuddhaṃ paryuṣitaṃ surāḥ |
śrāddhe vrate pradāne ca pratiṣṭhāyāṃ surārcane || 17 ||
[Analyze grammar]

bhūgataṃ toyapatitaṃ kṣālayitvā dadettu tat |
viṣṇave'rpitamevaitad divyaṃ śuddhaṃ prajāyate || 18 ||
[Analyze grammar]

parvasu sandhayoḥ rātrau na chettavyaṃ tu taddalam |
drumādhidevatā dhāmni tulasī mama supriyā || 19 ||
[Analyze grammar]

nadyadhidevatā bhūmau vārnidhergaṇḍakī priyā |
ramā padmā svarūpā ca vaikuṇṭhe'pi mama priyā || 20 ||
[Analyze grammar]

nityaṃ saha mayā rāse ramamāṇā bhaviṣyati |
tulasyāḥ śāpayogena gaṇḍakīmūlatīragaḥ || 21 ||
[Analyze grammar]

śailarūpo bhavāmyadya śālagrāmaśilāmayaḥ |
vajrakīṭāstu kṛmayo vajradaṃṣṭrāśca tāsu te || 22 ||
[Analyze grammar]

mama cakra kariṣyanti kīṭāste pārṣadā mama |
svarṇarekhātmacakrāḍhyaḥ śilātmā'haṃ pratiṣṭhitaḥ || 23 ||
[Analyze grammar]

ekadvāre catuścakraṃ vanamālā vibhūṣitam |
svarṇarekhānvitaṃ lakṣmīnārāyaṇābhidhaṃ hi tat || 24 ||
[Analyze grammar]

ekadvāre catuścakraṃ vanamālāṃ vinā yadi |
svarṇarekhānvitaṃ lakṣmījanārdanābhidhaṃ hi tat || 25 ||
[Analyze grammar]

dvāradvaye catuścakraṃ goṣpadena samanvitam |
raghunāthābhidhaṃ jñeyaṃ rahitaṃ vanamālayā || 26 ||
[Analyze grammar]

svalpaṃ dvicakrasahitaṃ mālayā svarṇarekhayā |
prabhākṛṣṇābhidhaṃ bodhyaṃ gṛhiṇāṃ tatsukhapradam || 27 ||
[Analyze grammar]

sthūlaṃ dvicakraṃ rahitaṃ mālayā svarṇarekhayā |
pārvatīkṛṣṇasaṃjñaṃ tat tyāgināṃ sukhadaṃ smṛtam || 28 ||
[Analyze grammar]

atikṣudraṃ dvicakraṃ tu dadhivāmanasaṃjñitam |
rekhāyuktaṃ ca vā mālāyug gṛhiṇāṃ sukhapradam || 29 ||
[Analyze grammar]

dvicakraṃ mālayā yuktaṃ śrīdharaṃ śrīpradaṃ sadā |
sthūlaṃ ca vartulākāraṃ rahitaṃ vanamālayā || 30 ||
[Analyze grammar]

dvicakraṃ dhānyadhanadaṃ jñeyaṃ dāmodarābhidham |
kṣetrodyānavāṭikākṛt tathā bodhyaṃ suvastradam || 31 ||
[Analyze grammar]

madhyamaṃ vartulākāraṃ dvicakraṃ bāṇavikṣatam |
raṇarāmābhidhaṃ bodhyaṃ śaratūṇasamanvitam || 32 ||
[Analyze grammar]

madhyamaṃ saptacakraṃ ca chatratūṇasamanvitam |
rājarājeśvaraṃ bodhyaṃ rājasampatpradaṃ nṛṇām || 33 ||
[Analyze grammar]

dvisaptacakraṃ sthūlaṃ ca phaṇāvadūrdhvakā''syakam |
anantākhyaṃ tu vijñeyaṃ caturvargaphalapradam || 34 ||
[Analyze grammar]

madhyaraktaṃ dvicakraṃ tu māṇikīkṛṣṇasaṃjñitam |
dārā'patyagṛharatnapradaṃ vāhanadaṃ hi tat || 35 ||
[Analyze grammar]

cakrākāraṃ dvicakraṃ saśrīkaṃ sagoṣpadaṃ tu yat |
madhusūdanasaṃjñaṃ tad bhuktimuktiphalapradam || 36 ||
[Analyze grammar]

sudarśanaṃ tvekacakraṃ guptacakraṃ gadādharam |
dvicakraṃ hayavaktrābhaṃ hayagrīvaṃ prakīrtitam || 37 ||
[Analyze grammar]

pañcavaktraṃ kṛṣṇanārāyaṇātmakaṃ prakīrtitam |
atīva vistṛtāsyaṃ dvicakraṃ nṛsiṃhanāmakam || 38 ||
[Analyze grammar]

vairāgyatyāgadaṃ tattu sabhālaṃ cet sukhapradam |
lakṣmīnṛsiṃhasaṃjñaṃ tad vighnahantṛ tathā matam || 39 ||
[Analyze grammar]

dvāradeśe dvicakraṃ ca saśrīkaṃ ca samaṃ ca yat |
tadvāsudevasaṃjñaṃ vai sarvakāmaprapūrakam || 40 ||
[Analyze grammar]

sūkṣmacakraṃ tu suṣire bahucchidraṃ pradyūmnakam |
gṛhiṇāṃ sukhadaṃ saubhāgyādipravardhakaṃ hi tat || 41 ||
[Analyze grammar]

dve cakre tvekalagne ca pṛṣṭhe tu sthūlapuṣkalam |
saṃkarṣaṇaṃ tu vijñeyaṃ gṛhiṇāṃ sukhakṛt sadā || 42 ||
[Analyze grammar]

pītābhaṃ vartulaṃ cātiśobhanaṃ tvaniruddhakam |
sukhapradaṃ gṛhasthānāṃ sampadāṃ ca pravardhakam || 43 ||
[Analyze grammar]

śālagrāmaśilā yatra tatra lakṣmīrharistathā |
vasanti sarvatīrthāni tadarcā pāpanāśinī || 44 ||
[Analyze grammar]

chatrākāre tu sāmrājyaṃ vartule sarvasampadaḥ |
duḥkhaṃ tu śakaṭākāre śūlākāre mṛtirbhavet || 45 ||
[Analyze grammar]

vikṛtāsye tu dāridryaṃ piṃgale hānireva ca |
lagnacakre bhaved vyādhirvidīrṇe tu mṛtirdhruvā || 46 ||
[Analyze grammar]

śālagrāmaśilātoyaiḥ snāyād yaḥ sa tu mānavaḥ |
sarvatīrthakṛtasnānaḥ sarvayajñasudīkṣitaḥ || 47 ||
[Analyze grammar]

vrataṃ dānaṃ pratiṣṭhā ca śrāddhaṃ ca devapūjanam |
śālagrāmasya nikaṭe kṛtaṃ koṭiprapuṇyadam || 48 ||
[Analyze grammar]

śālagrāmapradakṣiṇaṃ mataṃ pṛthvīpradakṣiṇam |
vedapuṇyaṃ tapaḥpuṇyaṃ śālagrāmārcanād bhavet || 49 ||
[Analyze grammar]

śālagrāmajalapātā jīvanmukto bhavet sadā |
tatpādasparśamicchanti tīrthāni nikhilānyapi || 50 ||
[Analyze grammar]

pṛthvī tatpādapūtā tallakṣavaṃśapramokṣaṇam |
nidhane tajjalapātā viṣṇulokagato bhavet || 51 ||
[Analyze grammar]

nirvāṇaṃ labhate viṣṇupādayoḥ sa pralīyate |
śālagrāme tu vicchedaṃ tulasyāśca karoti yaḥ || 52 ||
[Analyze grammar]

tasya dāmpatyavicchedaḥ strīvicchedo bhaved dhruvam |
tulasīpatravicchedaṃ śaṃkhe yastu karoti vai || 53 ||
[Analyze grammar]

tasya bhāryāvihīnatvaṃ rugṇatvaṃ saptajanmasu |
śālagrāmaṃ ca tulasīṃ śaṃkhamekatra caiva yaḥ || 54 ||
[Analyze grammar]

karoti rakṣati tasya vicchedo na dhanastriyoḥ |
nārīcchustulasīṃ dadyācchālagrāmāya sarvadā || 55 ||
[Analyze grammar]

tasmād devāḥ sadā mahyaṃ tulasyā pūjayantu vai |
tulasi tvaṃ mahābhāge vṛkṣarūpā bhavā'tra me || 56 ||
[Analyze grammar]

divyakanyāsvarūpā ca bhavā'trā'haṃ vivāhaye |
ityuktvā śrīharistāṃ ca virarāma tataśca sā || 57 ||
[Analyze grammar]

pūrvadehaṃ parityajya divyarūpaṃ dadhāra ha |
yathā śrīśca yathā lakṣmīstathovāsa hṛdi prabhoḥ || 58 ||
[Analyze grammar]

śālagrāmaśilārūpo ghanavajjalasaṃsthitaḥ |
bhūmisthaḥ piṃgalo viṣṇurupatāpena saṃsthitaḥ || 59 ||
[Analyze grammar]

lakṣmīḥ sarasvatī gaṃgā padmā ca tulasī ramā |
rādhā śrīśca prabhā vṛndā sarvāstā bhagavatstriyaḥ || 60 ||
[Analyze grammar]

jayā pārvatī māṇikyā pāñcālī lalitā tathā |
joṣṭrādyāḥ śaktayastasya kṛṣṇanārāyaṇasya vai || 61 ||
[Analyze grammar]

athātra tulasī kanyā divyarūpā'bhavad yadā |
kṛṣṇavakṣasi saṃlagnā sehe sarasvatītarāḥ || 62 ||
[Analyze grammar]

sarasvatī na vai sehe kaṭākṣeṇa vyalokayat |
tulasī tadbhayāttatra punaradṛśyatāṃ gatā || 63 ||
[Analyze grammar]

kṛṣṇanārāyaṇastadā bodhayitvā sarasvatīm |
dhyātvā tāṃ pūjayāmāsa stotraṃ tasyāścakāra ca || 64 ||
[Analyze grammar]

śrīṃ hrīṃ klīṃ aiṃ vṛndāyai tulasyai svāhāprasaṃjapan |
dvādaśākṣaramantraṃ taṃ viṣṇuḥ pūjāṃ cakāra ha || 65 ||
[Analyze grammar]

pūjayed yo vidhānena sarvasiddhiṃ labhennaraḥ |
ghṛtadīpena dhūpena sindūracandanena ca || 66 ||
[Analyze grammar]

naivedyena ca puṣpeṇa vastrābharaṇakajjalaiḥ |
alaktakenopahāraiḥ pupūja parameśvaraḥ || 67 ||
[Analyze grammar]

stotreṇāpi ca tuṣṭā sā kanyā''virbhūya taddrumāt |
prapannā pādayoḥ seyaṃ jagāma śaraṇaṃ hareḥ || 68 ||
[Analyze grammar]

varaṃ tasyai dadau viṣṇurjagatpūjyā bhaveti ca |
ahaṃ tvāṃ ca dhariṣyāmi svamūrdhni vakṣasīti ca || 69 ||
[Analyze grammar]

sarve tvāṃ dhārayiṣyanti svayaṃ mūrdhni surādayaḥ |
tadā surairapi devī tulasī pūjitā yathā || 70 ||
[Analyze grammar]

āvāhanaṃ kṛtaṃ tasyā āsanaṃ ca samarpitam |
pādyamarghyamācamanajalamarpitamityatha || 71 ||
[Analyze grammar]

tailaṃ ca mardanāyāpi tadā devaiḥ samarpitam |
dadhi dugdhaṃ ghṛtaṃ kṣaudraṃ śarkarā cārpitā tathā || 72 ||
[Analyze grammar]

pañcāmṛtasnānatīrthajalasnānaṃ ca kāritam |
śāṭikāghargharīkaṃcukīprabhati samarpitam || 73 ||
[Analyze grammar]

kastūrīgandhasārādicandanakajjalādikam |
kuṃkumakeśatailādisindūrādi samarpitam || 74 ||
[Analyze grammar]

alaktakā''bhūṣaṇāni śṛṃgārābharaṇādikam |
yajñasūtrapavitrakayogapaṭṭādikaṃ tathā || 75 ||
[Analyze grammar]

kaustubhamaṇirakṣāmaṃgalasūtrasutantikam |
naktakavyajanādarśadorakabindusaddravam || 76 ||
[Analyze grammar]

kuṃkumā'kṣatagandhadhūpadīpādyarpitaṃ suraiḥ |
miṣṭānnapāyasalaḍḍuphalatāmbūlavāri ca || 77 ||
[Analyze grammar]

maṇḍape kadalīstaṃbhe toraṇāmbarabhūṣite |
sarvatobhadrake pañcaratnayukkalaśopari || 78 ||
[Analyze grammar]

saphalaṃ ca tulasyāstaiḥ kṛtaṃ cārārtrikaṃ tadā |
vastraṃ śaṃkhodakaṃ tasyai bhrāmitaṃ dhūpadīkam || 79 ||
[Analyze grammar]

namanaṃ saphalaṃ cārghyaṃ puṣpāṃjaliḥ pradakṣiṇam |
stotreṇa rañjanaṃ caiva tulasyāḥ saṃkṛtaṃ tadā || 80 ||
[Analyze grammar]

dvādaśavārṣikā kanyā dhyātā svarṇasamā tu taiḥ |
haristuṣṭāva ca tataḥ śṛṇu lakṣmi vadāmyaham || 81 ||
[Analyze grammar]

priyāṃ me sarvadā patnīṃ padmāṃ ca tulasīṃ ramām |
vṛndāṃ ca gaṇḍakīṃ vanaspatiṃ kanyāṃ bhajāmyaham || 82 ||
[Analyze grammar]

goloke me priyā nityaṃ priyāṃ patnīṃ bhajāmyaham |
yayā ramāmi goloke ramāṃ patnīṃ bhajāmyaham || 83 ||
[Analyze grammar]

padmāvatī nadī jātā padmāṃ patnīṃ bhajāmyaham |
yasyāstulā na viśveṣu tulasīṃ tāṃ bhajāmyaham || 84 ||
[Analyze grammar]

vṛndāvane tu vṛndāṃ tāṃ vṛndāvanīṃ bhajāmyaham |
śālagrāmasamāyuktāṃ gaṇḍakīṃ tāṃ bhajāmyaham || 85 ||
[Analyze grammar]

gaṇḍayormadbhālayośca kaṃvatīṃ tāṃ bhajāmyaham |
vṛkṣarūpāṃ puṣpasārāṃ vanaspatiṃ bhajāmyaham || 86 ||
[Analyze grammar]

varārohāṃ kanyakāṃ tāṃ kṛṣṇāṃ kṛṣṇo bhajāmyaham |
ityevaṃ stavanaṃ kṛtvā tatra tasthau ramāpatiḥ || 87 ||
[Analyze grammar]

tadā dadarśa tulasīṃ kanyāṃ svapādayornatām |
varaṃ viṣṇurdadau tasyai viśvapūjyā bhaveti ca || 88 ||
[Analyze grammar]

śirodhāryā ca sarveṣāṃ vandyā mānyā mameti ca |
viṣṇorvareṇa sā devī parituṣṭā babhūva ha || 89 ||
[Analyze grammar]

sasmitā mānayāmāsurlakṣmīrgaṃgā sarasvatī |
virajā rādhikā padmā śrīśca kṛṣṇasya yoṣitaḥ || 90 ||
[Analyze grammar]

kārtikīpūrṇimāyāṃ tu tulasyā janma maṃgalam |
tatra pūjā prakartavyā vihitā hariṇā svayam || 91 ||
[Analyze grammar]

kārtike tulasīpatraṃ viṣṇave yo dadāti ca |
gavāmayutadānasya phalamāpnoti mānavaḥ || 92 ||
[Analyze grammar]

putrapriyādhanavastragṛhānnayānavāhanam |
ārogyā'bhayapuṇyādi stotrasya smaraṇād bhavet || 93 ||
[Analyze grammar]

puṣpeṣu tulanā cāsyā nāsti devīṣu vā tathā |
pavītrīkṛtasarvasvā tulasī viśvapāvanī || 94 ||
[Analyze grammar]

iti sammānitā kṛṣṇanārāyaṇena kanyakā |
tulasī vṛkṣikā cāpi prasannā'bhūddharīśvarī || 95 ||
[Analyze grammar]

uvāca śrīhariṃ kanyā yadi nātha tvayā prabho |
kṛtā svakīyā vāṇyā vā hṛdayenā''tmanā'nvaham || 96 ||
[Analyze grammar]

grahītavyo mama karo vivāhasya vidhānataḥ |
tathā'stviti hariḥ prāha devā devyo jagustathā || 97 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne tulasīvivāhākhyāne tulasīśālagrāmasvarūpamāhātmyapūjāstotrādikathananāmā'ṣṭatriṃśadadhikatriśata |
tamo'dhyāyaḥ || 338 ||
[Analyze grammar]