Chapter 336

śrīnārāyaṇa uvāca |
śivastriśūlamādāya candrabhāgānadītaṭe |
vaṭā'dhastānnivāsaṃ svaṃ tvakarodanyarūpadhṛk || 1 ||
[Analyze grammar]

puṣpadantaṃ pārṣadaṃ ca dūtaṃ kṛtvā surāntikam |
haraḥ prasthāpayāmāsa gangharvottamamādarāt || 2 ||
[Analyze grammar]

pārṣado'pi yayau śaṃkhacūḍasya nagaraṃ prati |
pañcayojanavistīrṇaṃ daśayojanamāyatam || 3 ||
[Analyze grammar]

sarvasphāṭikapāṣāṇaprākārapariveṣṭitam |
saptabhiḥ parikhābhiśca sajalābhiḥ surakṣitam || 4 ||
[Analyze grammar]

madhye prajānāṃ sugamaṃ śaṃkhacūḍālayaṃ varam |
dadarśa valayākāraṃ catuḥprākārarakṣitam || 5 ||
[Analyze grammar]

rājitaṃ dvādaśadvārairdvārapālābhirakṣataiḥ |
maṇimuktādarśaratnasvarṇamandiraśobhitam || 6 ||
[Analyze grammar]

parito rakṣitaṃ śaśvad dānavaiḥ śūrajātibhiḥ |
puṣpadanto navadvāraṃ praviṣyā'bhyantaraṃ gataḥ || 7 ||
[Analyze grammar]

tadantardvārapenā'yaṃ dūta ityavabodhitaḥ |
śaṃkhacūḍastamājuhāvā'bhijñātumudantakam || 8 ||
[Analyze grammar]

puṣpadantaḥ śaṃkhacūḍālayaṃ dadarśa śobhitam |
madhye siṃhāsanaṃ svarṇaṃ parito rāsabhūmikāḥ || 9 ||
[Analyze grammar]

maṇayaḥ khacitāstāsu ratnapuṣpādiśobhitāḥ |
koṭiśo dānavā yatra bhramanti śastradhāriṇaḥ || 10 ||
[Analyze grammar]

svarṇasiṃhāsane chatracāmarādisuśobhite |
rājamānaṃ pūrvamitraṃ śaṃkhacūḍamuvāca ha || 11 ||
[Analyze grammar]

rājendra śivadūto'haṃ puṣpadantābhidhānakaḥ |
yaduktaṃ śaṃkareṇaiva tad bravīmi niśāmaya || 12 ||
[Analyze grammar]

rājyaṃ dehi ca devānāmadhikārān pradehi ca |
viṣayaṃ dehi teṣāṃ ca yuddhaṃ vā kuru niścitam || 13 ||
[Analyze grammar]

gatvā vakṣyāmi kiṃ śaṃbhuṃ tadbhavān vaktumarhasi |
prahasya śaṃkhacūḍaśca prāha taṃ yodhanāya vai || 14 ||
[Analyze grammar]

prabhāte tvāgamiṣyāmi gaccha kathaya śaṃkaram |
puṣpadanto vaṭaṃ gatvā śaṃbhuṃ prāha yathoditam || 15 ||
[Analyze grammar]

śivena tu smṛtāstatra tadā''jagmurgaṇeśvarāḥ |
skando gaṇeśvaro vīrabhadro nandī subhadrakaḥ || 16 ||
[Analyze grammar]

mahākālo viśālākṣo bāṇaḥ piṃgākṣakampanau |
virūpo vikṛtirmaṇibhadravikarabāṣkalāḥ || 17 ||
[Analyze grammar]

kapilākṣo dīrghadaṃṣṭro balībhadraḥ kuṭīcaraḥ |
kālaṃṭakaḥ kālajihvastāmrākṣo durjayo'gamaḥ || 18 ||
[Analyze grammar]

aṣṭau ca bhairavā rudrāścaikādaśāṣṭavāsavāḥ |
ādityā dvādaśa cāpi vahniścandro'śvinau tathā || 19 ||
[Analyze grammar]

viśvakarmā kuberaśca yamaśca nalakūbaraḥ |
vāyurjayanto varuṇo budho dharmaśca maṃgalaḥ || 20 ||
[Analyze grammar]

śanirīśaśca kāmaśca tathā'nye gaṇapuṃgavāḥ |
ugradraṃṣṭrā cogracaṇḍā koṭarī kaiṭabhī tathā || 21 ||
[Analyze grammar]

bhadrakālī tathā caṇḍī kālī kātyāyanī tathā |
āyayuśca tadā tatra nṛtyantyaḥ śaṃbhusaṃsmṛtāḥ || 22 ||
[Analyze grammar]

triśūlaśaktimudgaraśaṃkhacakragadāśarān |
vajrakhaḍgacāpacarmamuśalaparighādikān || 23 ||
[Analyze grammar]

bibhrantyaste ca bibhrantaḥ prastaropalabarburān |
vaiṣṇavāstraṃ vāruṇāstramāgneyaṃ nāgapāśakam || 24 ||
[Analyze grammar]

nārāyaṇāstraṃ brahmāstraṃ gāndharvaṃ gāruḍaṃ tathā |
pārjanyaṃ vai pāśupataṃ jṛmbhaṇārthaṃ ca pārvatam || 25 ||
[Analyze grammar]

māheśvarāstraṃ vāyavyaṃ daṇḍaṃ saṃmohanaṃ tathā |
dhārayantyo'tha yoginyo ḍākinyo vikaṭāstathā || 26 ||
[Analyze grammar]

bhūtapretapiśācāśca kūṣmāṇḍabrahmarākṣasāḥ |
vetālāścaiva yakṣāśca rākṣasāścaiva kinnarāḥ || 27 ||
[Analyze grammar]

śaṃkhacūḍādināśārthaṃ samājagmurharasthalīm |
skando natvā haraṃ tatra vaṭādho niṣasāda ha || 28 ||
[Analyze grammar]

śaṃkhacūḍo'pi tulasīṃ rātrau dūtoditāṃ kathām |
śaṃkaraṃ prati yuddhāya prātargantavyamāha tām || 29 ||
[Analyze grammar]

tulasī raṇavārtāṃ tu śrutvā śuṣkānanā'bhavat |
uvāca duḥkhamāpannā hṛdayena vidūyatā || 30 ||
[Analyze grammar]

dakṣāṃgāni sphurantyatra mama nātha na śobhanam |
duḥsvapnaṃ ca gatarātrau dṛṣṭaṃ mahiṣavāhanam || 31 ||
[Analyze grammar]

bhavanaṃ mūlato naṣṭaṃ patitaṃ jalapūritam |
agnistataḥ punarjāto'vaśiṣṭeṣu vane yathā || 32 ||
[Analyze grammar]

ahaṃ kenāpi nītā ca vṛkṣaśākhālayaṃ gatā |
nāthā'nto'yaṃ tu samprāptaḥ sampattervā''tmano'pi vā || 33 ||
[Analyze grammar]

āndolayanti prāṇā māṃ mano naṣṭamivā'sti me |
iti tulasīvākyāni śrutvā bhuktvā nipīya ca || 34 ||
[Analyze grammar]

śaṃkhacūḍaḥ prāptakālaṃ hyuvāca tāṃ tu tulasīm |
kālena yojitaṃ sarvaṃ priye samupatiṣṭhati || 35 ||
[Analyze grammar]

śubhaṃ harṣaṃ sukhaṃ duḥkhaṃ bhayaṃ śokamamaṃgalam |
kāle vṛkṣāḥ prajāyante phalanti ca linanti ca || 36 ||
[Analyze grammar]

tathā'ṇḍāni prajāścāpi brahmādayo'pi tattathā |
sṛṣṭā pātā ca saṃhartā kālātmā kṛṣṇa eva ha || 37 ||
[Analyze grammar]

bhaja kṛṣṇaṃ tulasi tvaṃ bhāvi tad bhavatu dhruvam |
janmamṛtyuharaṃ kṛṣṇanārāyaṇaṃ bhaja priye || 38 ||
[Analyze grammar]

kālasya kālamevainaṃ kṛṣṇaṃ taṃ śaraṇaṃ vraja |
ko bandhuḥ rakṣakaścānyo bandhuṃ taṃ rakṣakaṃ bhaja || 39 ||
[Analyze grammar]

āvāṃ tu karmaṇā tena yojitau sa viyokṣyati |
ajñānī kātaraḥ śoke vipattau na tu paṇḍitaḥ || 40 ||
[Analyze grammar]

mṛtyau nārāyaṇaṃ kāntaṃ prāpsyasi smara tulasi |
tapaḥ kṛtaṃ yadarthaṃ ca purā badarikāśrame || 41 ||
[Analyze grammar]

mayā tvaṃ tapasā labdhā tvayā'haṃ gaṇaśāpataḥ |
irerarthe tava tapo hariṃ prāpsyasi kāmini || 42 ||
[Analyze grammar]

vṛndāvane tu govindaṃ goloke kṛṣṇameva tam |
labhiṣyasi tathā cā'haṃ labhiṣyāmi paraṃ prabhum || 43 ||
[Analyze grammar]

dānavīṃ tu tanuṃ tvaktvā muktiṃ yāsyāmi śāśvatīm |
tatra dṛśyasi māṃ tvaṃ ca tvāṃ ca drakṣyāmi santatam || 44 ||
[Analyze grammar]

tvaṃ hi dehaṃ parityajya divyarūpaṃ vidhāya ca |
hariṃ drakṣyasi kāntaṃ taṃ mā kānte kātarā bhava || 45 ||
[Analyze grammar]

dampatī saṃvicāryaivaṃ krīḍākautukamaṃgalaiḥ |
sarvaṃ vai naśvaraṃ matvā nimagnau sukhasāgare || 46 ||
[Analyze grammar]

pulakāṃkitasarvāṃgau suprītau suratotsukau |
sukhasuptau kathayantau kathāṃ rasabharāṃ tathā || 47 ||
[Analyze grammar]

hasantau bhuktavantau ca tāmbūlaṃ tu parasparam |
dadantau nidrayā vyāptau rātriṃ ninyatureva tau || 88 ||
[Analyze grammar]

prātarutthāya manasā dhyātvā kṛṣṇaṃ sa dānavaḥ |
snātvā vastrāṇi dhṛtvā ca kṛtvā tilakacandrakau || 49 ||
[Analyze grammar]

devapūjāṃ pitṛtṛptiṃ gurorvandanamityapi |
kṛtvā gopūjanaṃ lājādadhimadhvājyadarśanam || 50 ||
[Analyze grammar]

ratnāmbaramaṇisvarṇādyaṃ dadau sa dvijātaye |
dadau viprāya śakune muktāmāṇikyahīrakān || 51 ||
[Analyze grammar]

gajāśvadhenūḥ pradadau yātrāmaṃgalahetave |
kośakṣetrapattanāni brāhmaṇebhyo dadau mudā || 52 ||
[Analyze grammar]

putraṃ kṛtvā ca rājendraṃ sucandraṃ dānaveṣu ca |
putraṃ samarpya bhāryāṃ ca svarājyaṃ sarvasampadam || 53 ||
[Analyze grammar]

svayaṃ bhuktvā tathā pītvā prasammīlya sutādikān |
varma dhṛtvā'straśastrāṇi dhanuṣpāṇirbabhūva ha || 54 ||
[Analyze grammar]

āhūya tatra sainyāni samasajjo'bhavattadā |
aśvānāṃ lakṣamekaṃ dve pañcalakṣaṃ ca hastinām || 55 ||
[Analyze grammar]

rathānāmayutaṃ dhānuṣkāṇāṃ koṭitrayaṃ tathā |
carmiṇāṃ śūlināṃ koṭitrayaṃ pratyekamityapi || 56 ||
[Analyze grammar]

daityānāṃ dānavānāṃ ca pattīnāṃ gaṇanā tu na |
yatra senāpatiḥ sarvaśastrā'stramantramāyikaḥ || 57 ||
[Analyze grammar]

vāyuyānavāriyānapātālayānaśāradaḥ |
trilakṣāṇāṃ sainikānāmakṣauhiṇīśca tatra vai || 58 ||
[Analyze grammar]

triṃśatkṛtvā śreṣṭhabhaṭamūrdhanyānāṃ mahāsuraḥ |
bahirbabhūva śibirānmanasā śrīhariṃ smaran || 59 ||
[Analyze grammar]

śaṃkarasyāpi sainyāni pañcaviṃśatikoṭayaḥ |
sarvayoddhṛpramukhyānāmabhavaṃstatra padmaje || 60 ||
[Analyze grammar]

anyeṣāṃ tu gaṇanā vai nāsti te śatakoṭayaḥ |
śaṃkarasyā'bhavat senāpatiḥ skando mahābalaḥ || 61 ||
[Analyze grammar]

śaṃkhacūḍasya tu senāpatiḥ rāhustadā'bhavat |
tayoravādayaṃstatra raṇe vādyāni vai muhuḥ || 62 ||
[Analyze grammar]

puṣpabhadrānadītīre śaṃkhacūḍo vimānagaḥ |
dadarśa vaṭamūle taṃ śaṃkaraṃ yogamāsthitam || 63 ||
[Analyze grammar]

triśūlapaṭṭiśadharaṃ vyāghracarmāmbaraṃ varam |
taptakāṃcanavarṇābhaṃ jaṭājālasuśobhitam || 64 ||
[Analyze grammar]

trinetraṃ pañcavaktraṃ ca nāgayajñopavītakam |
bhaktamṛtyuharaṃ śāntaṃ dṛṣṭvā mṛtyupatiṃ haram || 65 ||
[Analyze grammar]

avaruhya vimānāttu bhaktyā nanāma śaṃkaram |
mahādevaśca kṛpayā taṃ vai datvā śubhāśiṣaḥ || 66 ||
[Analyze grammar]

uvāca brahmaṇaḥ putro marīcistasya kaśyapaḥ |
tasmai dakṣo dadau kanyāstrayodaśa hi dharmataḥ || 67 ||
[Analyze grammar]

aditirditirdanuḥ kālā'riṣṭā surasā tathā |
surabhirvinatā cāpi tāmrā krodhavaśā irā || 68 ||
[Analyze grammar]

kadrūrmuniśca tāsāṃ vai prajā jātā vijātayaḥ |
aditerdvādaśā''dityā jātāḥ prathamasūnavaḥ || 69 ||
[Analyze grammar]

dhātā'ryamā ca mitraśca varuṇoṃ'śo bhagastathā |
indro vivasvān pūṣā ca parjanyo daśamaḥ smṛtaḥ || 70 ||
[Analyze grammar]

tatastvaṣṭā tato viṣṇurete kaśyapaputrakāḥ |
diteḥ putradvayaṃ hiraṇyakaśipuḥ sahā'grajaḥ || 71 ||
[Analyze grammar]

hiraṇyā'kṣastvaparaścetyubhau putrī ca saṃhikā |
rāhoḥ sā jananī devī vipracitteḥ parigrahaḥ || 72 ||
[Analyze grammar]

hiraṇyakaśipoḥ putrāścatvāraśca mahābalāḥ |
prahlādaścānuhrādaśca saṃhrādo hlāda ityatha || 73 ||
[Analyze grammar]

hiraṇyākṣasya putrāśca ṣaḍ vai sarve mahābalāḥ |
utkaraḥ śakuniścaiva kālanābhastathā'paraḥ || 74 ||
[Analyze grammar]

mahānābhaśca vikrānto bhūtasantāpanastathā |
danoḥ putrāḥ śataṃ vipracitimukhyāstu dānavāḥ || 75 ||
[Analyze grammar]

dvimūrdhā śaṃkukarṇaśca tathā śaṃkunirāmayaḥ |
śaṃkunāso mahāviśvo gaveṣṭhirdundubhistathā || 76 ||
[Analyze grammar]

ajāmukho'tha bhagahṛt śilo vāmanasastathā |
marīcirakṣakaścāpi mahāgārgyo'ṅgirāvṛtaḥ || 77 ||
[Analyze grammar]

vikṣobhyaśca suketuśca suvīryaḥ suhṛdastathā |
indrajid viśvajiccāpi tathā suravimardanaḥ || 78 ||
[Analyze grammar]

ekacakraḥ suvāhaśca tārakaśca mahābalaḥ |
vaiśvānaraḥ pulomā ca pravīṇo'tha mahāśirāḥ || 79 ||
[Analyze grammar]

svarbhānurvṛṣaparvā ca muṇḍakaśca mahāsuraḥ |
dhṛtarāṣṭraśca sūryaśca candra indraśca tāpanaḥ || 80 ||
[Analyze grammar]

sūkṣmaścāpi nicandraśca ūrṇanābho mahāgiriḥ |
asilomā sukeśaśca sadaśca balakastathā || 81 ||
[Analyze grammar]

vyomamūrdhā kuṃbhanābho mahodaro mahāhanuḥ |
pramodāhaśca kupatho hayagrīvaśca vīryavān || 82 ||
[Analyze grammar]

asuraśca virūpākṣaḥ supatho'tha mahāsuraḥ |
ajo hiraṇmayaścāpi śatamāyuśca śambaraḥ || 83 ||
[Analyze grammar]

śarabhaḥ śalabhaścāpi pradhānā danusūnavaḥ |
ete cānye'pi yuddhe vai dānavāste hyupasthitāḥ || 84 ||
[Analyze grammar]

kālāyāḥ kālarūpāścā'bhavan putrāḥ kṣaṇādayaḥ |
ariṣṭāyā āriṣṭeyā vighnāḥ putrāḥ sahasraśaḥ || 85 ||
[Analyze grammar]

surasāyā nāgasarpā vāsukitakṣakādayaḥ |
surabhiḥ kaśyapājjajñe rudrānekādaśātmajān || 86 ||
[Analyze grammar]

aṃgārakaṃ tathā sarpaṃ nirṛtiṃ sadasaspatim |
atraikapādahirbudhnāvūrdhvaketuṃ jvaraṃ tathā || 87 ||
[Analyze grammar]

bhuvanaṃ ceśvaraṃ mṛtyuṃ kapālaṃ caiva viśrutam |
vinatāyāstu putrau dvāvaruṇo garuḍaśca ha || 88 ||
[Analyze grammar]

ṣaḍtriṃśat tu svasāraśca yavīyasyastu tāḥ smṛtāḥ |
tāmrāyāstu śukī krauṃcī dhṛtarāṣṭrī ca pakṣiṇī || 89 ||
[Analyze grammar]

śyenī bhāsī tathā cānyā pakṣiṇyo hyabhavan prajāḥ |
atha krodhavaśāyāstu kanyakā dvādaśa smṛtāḥ || 90 ||
[Analyze grammar]

mṛgī ca mṛgamandā ca haribhadrā irāvatī |
bhūtā ca kapiśā daṃṣṭrā niśā tiryā tathā'parā || 91 ||
[Analyze grammar]

śvetā cāpi svarā cāpi surasā ceti viśrutāḥ |
atha irā prajajñe vai tisraḥ kanyāḥ sulocanāḥ || 92 ||
[Analyze grammar]

latāṃ vallīṃ virudhāṃ ca tadapatyāni bhūriśaḥ |
kadrūrnāgasahasraṃ vai kādraveyāśca te smṛtāḥ || 93 ||
[Analyze grammar]

atha munestu mauneyā gandharvā'psarasaśca te |
eteṣāṃ vaṃśavistāro koṭisaṃkhyādhiko'bhavat || 94 ||
[Analyze grammar]

aditirdharmaśīlā'sti balaśīlā ditiḥ smṛtā |
tapaḥśīlā tu surabhirmāyāśīlā danuḥ smṛtā || 95 ||
[Analyze grammar]

muniśca gandhaśīlā vai gatiśīlā tvariṣṭikā |
kṣudhāśīlā tu kālāsyā kadrūḥ krūrasvabhāvinī || 96 ||
[Analyze grammar]

irā'nugrahaśīlā ca ariṣṭā krodhaśālinī |
vāhaśīlā tu vinatā tāmrā vai pāśaśālinī || 97 ||
[Analyze grammar]

dharmataḥ śīlato buddhyā kṣamayā balarūpataḥ |
mātṛtulyāścābhijātāḥ kaśyapasyā''tmajāḥ prajāḥ || 98 ||
[Analyze grammar]

devatā'suragandharvā yakṣarākṣasapannagāḥ |
piśācāḥ paśavaścāpi mṛgāḥ patagavīrudhaḥ || 99 ||
[Analyze grammar]

śaṃkhacūḍa vijānīhi tava pakṣe samāgatān |
te caite'surapakṣīyā daityāśca dānavāstathā || 100 ||
[Analyze grammar]

surāṇāṃ te pratipakṣā macchastrā'tithayastu te |
ye ca devasamāḥ surapakṣagāste mayā'sura || 101 ||
[Analyze grammar]

rakṣaṇīyā mayā sarve sajjo bhavā'tra dānava |
danoḥ putrasya tu vipraciteḥ daṃbhābhidhaḥ sutaḥ || 102 ||
[Analyze grammar]

viṣṇubhakto mama sakhā tasyāsi tvaṃ suto mahān |
putrārthaṃ puṣkare kṛṣṇamantraṃ jajāpa te pitā || 103 ||
[Analyze grammar]

cacāra tapa ugraṃ ca sahasrābdaṃ tu te pitā |
tatpratāpena putrastvaṃ sudāmā śaṃkhacūḍakaḥ || 104 ||
[Analyze grammar]

kiṃ te vai kalahenā'dya yadi jānāsi māṃ haram |
yadi jānāsi bhaktaṃ svaṃ sudāmānaṃ tu dānavam || 105 ||
[Analyze grammar]

sālokyasārṣṭisārūpyasāmīpyaikyaṃ harerapi |
dīyamānaṃ na gṛhṇanti vaiṣṇavāḥ sevanaṃ vinā || 106 ||
[Analyze grammar]

kṛṣṇabhaktasya te kiṃ vā rājyena kalahena vā |
dehi rājyaṃ tu devānāṃ matprītiṃ kuru dānava || 107 ||
[Analyze grammar]

sukhaṃ svarājye tvaṃ tiṣṭha devāḥ santu svake pade |
alaṃ bhrātṛvirodhena sarve hi kaśyapātmajāḥ || 108 ||
[Analyze grammar]

yāni kāni ca pāpāni jñātidrohasamāni na |
kāle nāśo bhavatyeva brahmaṇo'pi tavā'tra kim || 109 ||
[Analyze grammar]

sarvāvasthāsu samatā sarvadā nahi kasyacit |
tyaja jñānena bhaktendra mā virodhena dānava || 110 ||
[Analyze grammar]

sūryacandrādayaḥ sarve vardhante'vataranti ca |
kālena pṛthvī sasasyā kālena śrīviyoginī || 111 ||
[Analyze grammar]

kālena tvaṃ mahāsmṛddhaḥ sa te kālo vivartate |
ahaṃ mṛtyuñjayaḥ kālaḥ saṃharāmi tu dehinaḥ || 112 ||
[Analyze grammar]

karomi satataṃ kṛṣṇanāmasadguṇakīrtanam |
tvaṃ tu sarvaṃ parityajya kuru kṛṣṇasya kīrtanam || 113 ||
[Analyze grammar]

ityuktvā virarāmainaṃ śaṃkaro lokaśaṃkaraḥ |
tathāpi śaṃkhacūḍasya mataṃ nā'bhūnmanāgapi || 114 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne tulasīvivāhākhyāne triśūlayuktaśaṃkaraḥ puṣpavantaṃ dūtaṃ śaṃkhacūḍaṃ prati preṣayāmāsa śaṃkhacūḍatulasyorjñānaṃ śaṃkhacūḍasya prātaryuddhāya yānaṃ kaśyapasya trayodaśapatnīnāṃ vaṃśe dānavastvaṃ śaṃkhacūḍaḥ sudāmeti śaṃkareṇa smāritam śaṃbhorupadeśaścetyādinirūpaṇanāmā ṣaṭtriṃśadadhikatriśatatamo'dhyāyaḥ || 336 ||
[Analyze grammar]