Chapter 324

śrīnārāyaṇa uvāca |
ahaṃ lakṣmi prasannaḥ saṃbhavāmyeṣā kṛpā mama |
puruṣottamamāse me prāptau kṛpaiva kāraṇam || 1 ||
[Analyze grammar]

anyamāseṣvatituṣṭaṃ kartumicchati māṃ yadi |
tulasīpatramātreṇā'pyatituṣṭo bhavāmyaham || 2 ||
[Analyze grammar]

mañjarīsahayuktena patreṇa pūjayejjanaḥ |
mañjarīyuktapatrābhyāṃ mañjarīyuktapatrakaiḥ || 3 ||
[Analyze grammar]

śatena vā daśaśatairlakṣeṇa vā prapūjayet |
dṛṣṭvā dṛṣṭvā ca tuṣyāmi tulasīṃ tvāmiva priye || 4 ||
[Analyze grammar]

śrīlakṣmīruvāca |
kathaṃ nārāyaṇa kṛṣṇa puruṣottama keśava |
tulasīṃ manyase toṣakāriṇīṃ māmiva prabho || 5 ||
[Analyze grammar]

vada sarvaṃ yathāvṛttaṃ yadi gopyaṃ na vidyate |
gopyaṃ cāpi yadi pātraṃ matā'smi cennu me vad || 6 ||
[Analyze grammar]

śrīnārāyaṇa uvāca |
śṛṇu lakṣmi kathāṃ pūrvavṛttāṃ vistāraśālinīm |
yathā vṛndā mama toṣakāriṇī svīkṛtā mayā || 7 ||
[Analyze grammar]

saṃśayaṃ tatra kuru mā śrutvā cerṣyāṃ ca mā kuru |
sarvadā tu tvayā rakṣyaṃ sauhārdaṃ vṛndayā saha || 8 ||
[Analyze grammar]

pativratāyā dharmo'sti duḥkhaṃ na gaṇyate kvacit |
sapatnījaṃ sukhaṃ patiparā tu gaṇayet sadā || 9 ||
[Analyze grammar]

śrutvā śrutvā patisukhaṃ svānyanārīsuyogajam |
svātmānandaṃ paraṃ matvā tuṣyati strī pativratā || 10 ||
[Analyze grammar]

sahasrāṇāṃ sahasrāṇi patnīnāṃ me bhavanti vai |
vṛndāpi ca mayā patnī kṛtā sā'pi ratā mayi || 11 ||
[Analyze grammar]

śṛṇvākhyānaṃ yathā jātaṃ tathā te vacmi sarvathā |
kāryasiddhiṃ miṣaṃ kṛtvā vṛndā patnī mayā kṛtā || 12 ||
[Analyze grammar]

vṛndā patnī mamaivā''sīd goloke rādhikāsamā |
rādhikayā samaṃ dṛṣṭvā ramantaṃ māṃ patiṃ svakam || 13 ||
[Analyze grammar]

īrṣyayā hṛdaye tāpaṃ prāptā rativirodhinī |
mahyaṃ vaktumaśaktā sā novāca hṛdayasthitam || 14 ||
[Analyze grammar]

tataḥ kṣaṇāntare rantuṃ mayā''hūtā'pi nā'gatā |
tena doṣeṇa duṣṭeyaṃ na mā sevitumarhati || 15 ||
[Analyze grammar]

iti saṃkalpitaṃ yāvanmayā tāvattu sā tataḥ |
avāpa tadadholoke gatā cā'surabhāvanām || 16 ||
[Analyze grammar]

jalaṃdharaṃ patiṃ prāpya duritaṃ svaṃ samāpya sā |
jalaṃdharamṛterheturūpāṃ bhuktāṃ mayā yadā || 17 ||
[Analyze grammar]

tadā pūtā punarmāṃ sā prāptā me pūrvapatnikā |
śṛṇu vistarato lakṣmi tadākhyānaṃ yathā'bhavat || 18 ||
[Analyze grammar]

ādye kṛtayuge lakṣmi śaṃkaro lokaśaṃkaraḥ |
satīpatirmahādevo līlayā vyacaradvane || 19 ||
[Analyze grammar]

digambarasvarūpeṇa vanināṃ pāvanecchayā |
siṃhāraṇye cacāreśaḥ siṃhavannirbhayo haraḥ || 20 ||
[Analyze grammar]

śivarātridinaṃ jñātvā mahendraśca bṛhaspatiḥ |
sākṣācchivasya pūjārthaṃ svargāt pṛthvīṃ prajagmatuḥ || 21 ||
[Analyze grammar]

vyomamārgādvilokyaiva carantaṃ śivameva tau |
siṃhāraṇyaṃ guruśakrāvavāteraturādarāt || 22 ||
[Analyze grammar]

tāvacchaṃbhustayorjñānaparīkṣārthaṃ vicārya ca |
rūpāntaraṃ vidhāyaiva hyatiṣṭhannikaṣā tayoḥ || 23 ||
[Analyze grammar]

mārgamāruddhya tiṣṭhantaṃ jaṭāsambaddhamastakam |
mahātejasvinaṃ nagnaṃ puruṣamadbhutākṛtim || 24 ||
[Analyze grammar]

mahābāhuṃ mahoraskaṃ mārgarodhakaraṃ dṛḍham |
purandaro'pṛcchadenaṃ nisargānnetrabhīṣaṇam || 25 ||
[Analyze grammar]

kathaṃ mārgaṃ samāruddhya saṃsthito'si bhayaṃkara |
atra dṛṣṭo'mbarapathagāmibhyāṃ śaṃkaro haraḥ || 26 ||
[Analyze grammar]

sa kvā'ste vada vai śīghraṃ pūjākāmau hi sevakau |
itipṛṣṭaḥ pumānnaivā'vadat kiṃcit tataḥ punaḥ || 27 ||
[Analyze grammar]

tathaivendreṇa pṛṣṭo'pi punarmaunaṃ samāśritaḥ |
novāca sa mahāyogī tūṣṇīmāsa punaḥ punaḥ || 28 ||
[Analyze grammar]

pṛṣṭo'pi tāpaso naivovāca cukrodha vāsavaḥ |
uvāca vacanaṃ śaṃbhuṃ nirbhartsyodyamya dakṣiṇam || 29 ||
[Analyze grammar]

hastaṃ kṛtvordhvamādāya vajraṃ cādhikṣipan hariḥ |
re mūḍha pṛcchyamāno'pi nottaraṃ dattavānasi || 30 ||
[Analyze grammar]

eṣa tvāṃ hanmi vajreṇa kaste trāṇaṃ kariṣyati |
ityudīrya krudhā hantuṃ yatate yāvadeva ha || 31 ||
[Analyze grammar]

tāvacchrīśaṃkarastasya cakāra staṃbhanaṃ tadā |
savajrakarayuktaśca sadeho loṣṭakāṣṭhavat || 3 ||
[Analyze grammar]

stabdho jāto mahendro vai samadahyata manyunā |
haro'pi vikarālākṣo drutameva bhayaṃkaraḥ || 33 ||
[Analyze grammar]

prajajvāla pralayāgnisamo dahanniva sthitaḥ |
bṛhaspatistadā śaṃbhuṃ śātvā sattvadhiyā hi tam || 34 ||
[Analyze grammar]

baddhāṃjalirnanāmeśaṃ papāta daṇḍavadbhuvi |
sabhayena hṛdayena haraṃ stotuṃ pracakrame || 35 ||
[Analyze grammar]

namo'gamyasvarūpāya svatantrāya kapardine |
tryambakāya maheśāya digambarāya te namaḥ || 36 ||
[Analyze grammar]

namo raudrāya devāya dīnanāthāya śaṃbhave |
virūpākṣāya śāntāya bhaktatrātre namo namaḥ || 37 ||
[Analyze grammar]

virūpāyā'titejasvisvarūpāya ca te namaḥ |
kālāntakāya śarvāya namaste paramātmane || 38 ||
[Analyze grammar]

tvamagnistvaṃ mahāvāyurvyoma tvaṃ salilaṃ dharā |
sūryastvaṃ candramāstvaṃ ca nakṣatrāṇi tvameva ha || 39 ||
[Analyze grammar]

jyotiścakaṃ tvayi cāste viṣṇurbrahmā tvameva vai |
indro bṛhaspatiścānye tvadārādhanataḥ sadā || 40 ||
[Analyze grammar]

sukhinaḥ sampadāṃ bhoktāraścopadravavarjitāḥ |
bhavanti tatkathaṃ nātha staṃbho'tra suranāyake || 41 ||
[Analyze grammar]

iti stutvā papātā'sya harasya pādayorguruḥ |
pātayāmāsa ca śakraṃ vinayenāha vai punaḥ || 42 ||
[Analyze grammar]

prasanno bhava lokeśa pāhīndraṃ śaraṇāgatam |
krodhaṃ saṃhara śāntaśca kṛpāṃ cendropari prabho || 43 ||
[Analyze grammar]

śīghraṃ kuru śamaṃ yātu bhālanetrānalo hyayam |
kṣantavyaścāparādho'syā'jānatā yaḥ kṛto'dhunā || 44 ||
[Analyze grammar]

śrutvā ca vinayaṃ jñātvā saḥ krodhānalabhālakaḥ |
śaṃkaraḥ prāha taṃ bhaktaṃ bṛhaspatiṃ śanairvaram || 45 ||
[Analyze grammar]

krodho'yaṃ nirgato netrānalo mūrto'tidāruṇaḥ |
bahiryāto na dhartuṃ taṃ manye yogyaṃ bṛhaspate || 46 ||
[Analyze grammar]

nahi sarpa ujjhitāṃ kañcukīṃ dhatte punaśca tām |
tiraskurvanta mevainaṃ kariṣye bhasmasāddharim || 47 ||
[Analyze grammar]

iti śrutvā bhayaṃ prāpto dīno bṛhaspatiḥ punaḥ |
provāca bhagavān bhaktā anukampyāḥ sadaiva yat || 48 ||
[Analyze grammar]

bhaktavatsalanāmā'si sārthakaṃ kuru śaṃkara |
prāhīndraṃ cānalaṃ kṣeptumanyatrā'rhasi vai jaḍe || 49 ||
[Analyze grammar]

athavendraguruṃ māṃ tvaṃ yatheṣṭaṃ bhasmasāt kuru |
paraṃ devapatiṃ mā tvaṃ dagdhumarhasi śaṃkara || 50 ||
[Analyze grammar]

iti śrutvā'tivinayaṃ bhaktavatsalanāmadhṛk |
praṇatā''rtiharaḥ śaṃbhurbṛhaspatimuvāca ha || 5 ||
[Analyze grammar]

prītastavā''graheṇā'tra vinayenā'rpaṇena ca |
jīvadānaṃ mahendrāya dadāmi nirbhayo bhava || 5 ||
[Analyze grammar]

indro jīveti saṃyātu tvaṃ ca jīvātviti prathām |
sukhinau bhavatāṃ cobhau kurutaṃ mama pūjanam || 53 ||
[Analyze grammar]

yadarthaṃ vai samāyātau kṛtvā tatpūjanaṃ mama |
prasannatāṃ samāgṛhyā''dāya nirbhayatāṃ prathām || 54 ||
[Analyze grammar]

yātaṃ svargamahaṃ krodhānalaṃ bhālākṣisaṃbhavam |
svayaṃ kare gṛhītvaiva tyakṣyāmi lavaṇāṃbhasi || 55 ||
[Analyze grammar]

iti kṛtvā''kṣipannetrānalaṃ vahnayaśrurūpiṇam |
paścime'pāṃnidhau pūjāṃ gṛhītvobhakṛtāṃ tataḥ || 56 ||
[Analyze grammar]

tatraivā'ntardadhe śaṃbhurvidyullekheva bhāsvaraḥ |
kṛtārthau ca guruśakrau svasvasthānaṃ prajagmatuḥ || 57 ||
[Analyze grammar]

atha kṣiptaṃ bhālanetrasamutthaṃ cātidāruṇam |
jalaṃ tejomalaṃ cāvilaṃ tu yallavaṇāmbhasi || 58 ||
[Analyze grammar]

bālabhāvaṃ samāpannaṃ sadya eva vyarājata |
bālaśabdaṃ prakurvan sa bālo jalataraṅgake || 59 ||
[Analyze grammar]

dolārūḍha iva prāste jalakallolasevitaḥ |
jātamātro yuvā kaścid vajrāṃga iva cādbhutaḥ || 60 ||
[Analyze grammar]

prahasan sa muhuḥ śabdaṃ prakurvan divibhedinam |
punaḥ punaḥ prahasaṃśca kurvan hāsyaparamparām || 61 ||
[Analyze grammar]

nāditavān diśaḥ sarvāḥ svargaṃ satyaṃ vyakampayat |
prākampata kṣitiḥ sarvāḥ prajāśca badhirīkṛtāḥ || 62 ||
[Analyze grammar]

tena hāsyātiśabdena sabalenā'talādayaḥ |
prākampan dānavāścāpi sarve lokāśca tatrasuḥ || 63 ||
[Analyze grammar]

lokapālā vihvalāśca cacāla sacarācaram |
agragaṇyā surā lokeśvarāścakampire drutam || 64 ||
[Analyze grammar]

militvā satyalokaṃ te brahmāṇaṃ śaraṇaṃ yayuḥ |
ūcurbhayānvitāḥ sarve pitarbhayamupasthitam || 65 ||
[Analyze grammar]

mahāhāsyakṛtaścāyaṃ śabdo lokabhayaṃkaraḥ |
trāsakṛtsarvathā bhāti mahākālasya kiṃ bhavet || 66 ||
[Analyze grammar]

kaścid brahmāṇḍayattuṃ vā samāyāto'suro mahān |
iti bhāti prabho  tasmādasmān rakṣaya pūrvaja || 67 ||
[Analyze grammar]

śrutvaivaṃ surapālānāṃ vākyaṃ lokapitāmahaḥ |
bhayaṃ gato'pi sarveṣāṃ sāhāyyamabhigamya ca || 68 ||
[Analyze grammar]

gantumaicchat sthalaṃ yatra raudraṃ hāsyaṃ vitanyate |
śabdadiśāmabhilakṣyā'vātaran vai surādayaḥ || 69 ||
[Analyze grammar]

śabdamūlamavācīsthaṃ kṣārasāgaravāriṣu |
abhisandhāya jagmuste vyomni vai paścimāṃ diśam || 70 ||
[Analyze grammar]

tāvad bālayuvānaṃ prahasantaṃ cāti karkaśam |
samudrasya taraṃgeṣu vicarantaṃ bhayaṃkaram || 71 ||
[Analyze grammar]

dadṛśustāvadāyāto jñātvā vārdhiḥ pumān varaḥ |
brahmādīnāgatān dṛṣṭvā teṣāṃ cakre'tithikriyām || 72 ||
[Analyze grammar]

hāsyaṃ vihāya bālo'pi tatrā''gamat samādravan |
samudrāṃke niṣasāda pitaḥ pitariti gṛṇan || 73 ||
[Analyze grammar]

brahmaṇā'bdhistadā pṛṣṭaḥ kuto'yaṃ kasya bālakaḥ |
brahmāṇḍatrāsakṛd yasya hāsyaṃ vyāpnoti dikṣu ca || 74 ||
[Analyze grammar]

śaṃkarasya tu bālo'yaṃ vārdhiḥ prāha pitāmaham |
tāvad bālaḥ samutthāya dudrāva vedhasaṃ prati || 75 ||
[Analyze grammar]

brahmāṇamagrahīt kaṇṭhe nidhanāya yathā bhavet |
vidheḥ kaṇṭhavidhūnanānnetrābhyāmagamajjalam || 76 ||
[Analyze grammar]

samudreṇa samākṛṣya brahmā tasmādviyojitaḥ |
evaṃ balānvito bālo haraputraḥ surādibhiḥ || 77 ||
[Analyze grammar]

vilokito jalādhāro jalaṃdharābhidhaḥ kṛtaḥ |
jalaṃdharaḥ samudro'sti jālaṃdharo'pi vārdhijaḥ || 78 ||
[Analyze grammar]

jālaṃdhara iti jāto jālaṃdharo jalaṃdharaḥ |
rudraputro'styato raudro bhaviṣyati parākrame || 79 ||
[Analyze grammar]

śāstrajñaḥ sarvajetā ca śastrāstrajño bhaviṣyati |
avadhyaḥ sarvabhūtānāṃ vinā rudraṃ bhaviṣyati || 80 ||
[Analyze grammar]

ayaṃ daityaguṇaścādya lokyate'tastathāvidhaḥ |
daityeśvaro daityarājo bhaviṣyati na saṃśayaḥ || 81 ||
[Analyze grammar]

brahmā prāha punarbhāgyaṃ tasya dṛṣṭvā tu sāgaram |
kṛṇapatnī tu yā rādhādveṣiṇī tasya dhāmani || 82 ||
[Analyze grammar]

goloke rādhikākṛṣṇaratyasahā'bhavat khalu |
sā golokādū bhagavatā bhūtale'tra nirākṛtā || 83 ||
[Analyze grammar]

kālanemigṛhe jātā putrī sā'sya priyā satī |
pativratā śubhā patnī bhaviṣyati na saṃśayaḥ || 84 ||
[Analyze grammar]

jātamātro yuvā cāsāvabhiṣikto yathā bhavet |
daityānāṃ rājyakartā vai tathā sarvairvidhīyatām || 85 ||
[Analyze grammar]

ityājñāṃ brahmaṇaḥ prāpya cāhūya śukrameva ha |
ādiśya saritāṃ nāthaṃ taṃ rājye tvabhyaṣecayan || 86 ||
[Analyze grammar]

punarbhayaṃkaraṃ hāsyaṃ mā kurviti praśikṣayā |
śāntayantaḥ surāḥ saveṃ yayuḥ svaṃ svaṃ niketanam || 87 ||
[Analyze grammar]

samudraḥ sutamādāya svagehamagamanmudā |
apoṣayanmahopāyaiḥ kālanemiṃ samāhvayat || 88 ||
[Analyze grammar]

vṛndābhidhāṃ sutāṃ tasya tadbhāryārthamayācata |
kālanemyasuro vārdheryāñcāṃ mene'tivāñcchitām || 89 ||
[Analyze grammar]

dadau sutāṃ vidhānena jālaṃdharāya tatkṣaṇam |
tadotsavo mahānāsīd vivāhe ca tayostadā || 90 ||
[Analyze grammar]

samudro'pi sukhaṃ prāpa putraṃ dṛṣṭvā hi sastriyam |
daityāḥ pātālalokasthā jālaṃdharaṃ samāśritāḥ || 91 ||
[Analyze grammar]

bhuvamāgatya rājyāni sthāpayāmāsurīśvarāḥ |
devajayāya ca sarve babhūvurdṛḍhamānasāḥ || 92 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne jālandharavṛndākhyāne golokasthakṛṣṇapatnīvṛndāyāḥ rādhākṛṣṇaratiṃ vilokya sapatnīdveṣadoṣeṇa golokādapagatya kālanemiputratvaṃ śaṃkaradarśanārthaṃ samāgatābhyāṃ siṃhāraṇye śaṃkaraṃ dṛṣṭvā'vātaradbhyāṃ bṛhaspatimahendrābhyāṃ kastvamitipraśnottarā'labdhau śaṃkare vajraprakṣepāyottānitahastasahitendrasya staṃbhanottaraṃ śaṃbhulalāṭanetrajakrodhānalasya samudre prakṣepājjālaṃdharotpattiḥ vṛndayā saha vivāhaścetyādinirūpaṇanāmā |
caturviṃśatyadhikatriśatatamo'dhyāyaḥ || 324 ||
[Analyze grammar]