Chapter 319

| śrīnārāyaṇa uvāca |
śrūyatāṃ ca tvayā lakṣmi kathāṃ vairājapādajām |
joṣṭrīṃ devīṃ samudbhūtāṃ sṛṣṭyāraṃbhe tu sevikām || 1 ||
[Analyze grammar]

vairājaḥ puruṣaḥ putraṃ brahmāṇaṃ nābhideśataḥ |
samutpādyā''rpayantasmai joṣṭryākhyāṃ sevikāṃ tataḥ || 2 ||
[Analyze grammar]

vairājacaraṇotpannāṃ juṣamāṇāṃ tu vedhasam |
satyaloke sadā dāsīsamāṃ tvāvāsayaddhyajaḥ || 3 ||
[Analyze grammar]

brahmaṇā manasā dhyātā sevikā sā punaḥ punaḥ |
suṣuve sevikāṃ jātiṃ naikadhā svapnajātyikām || 4 ||
[Analyze grammar]

ṛṣiṣvanaśanākhyāṃ svaputrīṃ prasūya saṃdadhe |
pipāsākhyāṃ sutāṃ pitṛṣu prasūya ca saṃdadhe || 5 ||
[Analyze grammar]

aśanākhyāṃ sutāṃ deveṣu ca prasūya sandadhe |
bhūtapretapiśācādau prasūya vāsanāṃ dadhe || 6 ||
[Analyze grammar]

bhūbhṛtsu ca karā''yāṃ saṃprasūya putrikāṃ dadhe |
mānaveṣu vyavasāyā putrīṃ prasūya sandadhe || 7 ||
[Analyze grammar]

dānaveṣu prasahyāṃ ca putrīṃ prasūya sandadhe |
daityeṣu ca vilāsākhyāṃ sutāṃ prasūya sandadhe || 8 ||
[Analyze grammar]

paśupakṣiṣu viśvāsāṃ sutāṃ prasūya sandadhe |
vṛkṣavallīṣu tāṃ meghāṃ putrīṃ prasūya sandadhe || 9 ||
[Analyze grammar]

kīṭapataṃgajantvādau dadhe prasūya kardamām |
jalavāseṣu putrīṃ kuṃbhikāṃ prasūya sandadhe || 10 ||
[Analyze grammar]

evaṃ dvādaśaputrīḥ sā samprasūya yathāprajam |
pradadau sā prajābhyaḥ sevikā pratyekamādarāt || 11 ||
[Analyze grammar]

evaṃ sevāparā joṣṭrī vedhasaḥ sevikā sadā |
satyaloke vartate sma sevādharme hi nityadā || 12 ||
[Analyze grammar]

yathā viprasya karmāṇi santi ṣaṭ mokṣadāni hi |
tathā caturthavarṇasya sevā mokṣakarī matā || 13 ||
[Analyze grammar]

yathā trāṇaṃ kṣatriyāṇāṃ niḥśreyakaraṃ matam |
tathā sevakavargasya sevā niḥśreyasapradā || 14 ||
[Analyze grammar]

yathā dānaṃ tu vaiśyasya śreyaskṛt tūbhayatra hi |
tathā tu sevikā vargaḥ śreyāṃsi sevayā labhet || 15 ||
[Analyze grammar]

yathā dāsyāḥ sadā''jñāyāṃ vartanaṃ mokṣadaṃ bhavet |
tathā sevakavargasya sevā 3 mokṣadā bhavet || 16 ||
[Analyze grammar]

brahmacaryavrate śīlaṃ yathā rakṣaṇadaṃ bhavet |
tathā sevā sevikāyāḥ sadā rakṣaṇadā bhavet || 17 ||
[Analyze grammar]

yathā gārhasthyadharmasya satkāro rakṣako bhavet |
yathā sevakavargasya sevā vai rakṣikā bhavet || 18 ||
[Analyze grammar]

yathā vanasthitānāṃ vai tapaḥ sukhakaraṃ matam |
tathā saukhyaṃ paricaryākarturbhavati sarvadā || 19 ||
[Analyze grammar]

yathā tyāgavatāṃ tyāgaḥ paramānandado mataḥ |
tathā bhāvena sevā vai sevakā''nandadāyinī || 20 ||
[Analyze grammar]

yathā yajñastapo dhyānaṃ japo dānaṃ havādikam |
ubhayatra sukhadaṃ sevāpi sarvatra saukhyadā || 21 ||
[Analyze grammar]

sevayā prāpyate svargaṃ rājyaṃ lakṣmīrdhanādikam |
yaśaḥ kīrtistathā puṇyaṃ śāśvataṃ mokṣaṇaṃ dhruvam || 22 ||
[Analyze grammar]

kṛṣṇasevā mātṛsevā pitṛsevā''tmasevanam |
devasevā janasevā vṛddhasevā''rttasevanam || 23 ||
[Analyze grammar]

patisevā satīsevā patnīseveśvarārcanam |
gobhūdharmā'nāthasevā''śritasevā prajārhaṇam || 24 ||
[Analyze grammar]

svāmisevā'tithisevā parātmatoṣaṇādikam |
ihā'mutra sukhadaṃ ca puṇyadaṃ śāntidaṃ bhavet || 25 ||
[Analyze grammar]

puruṣottamavṛddhyā tu kṛtaṃ mokṣakaraṃ bhavet |
dehasevā dhanasevā pādasaṃvāhanādikam || 26 ||
[Analyze grammar]

guṇasevā vastusevā'nnasevā jalasevanam |
gṛhasevā rugṇasevā lokasevādikaṃ tathā || 27 ||
[Analyze grammar]

sarvaṃ kṛtaṃ brahmadṛṣṭyā sukhadaṃ mokṣadaṃ bhavet |
sevādharmastato bodhyo'gamyo vai sarvadehinām || 28 ||
[Analyze grammar]

sarvamanyadbhavet sevā na bhavecchraddhayā vinā |
vinā bhāvanayā sevā na bhaved yojitā'pi vai || 29 ||
[Analyze grammar]

mokṣecchayā bhavetsevā bhavetsukhecchayā'pi vā |
svārthecchayā'pi vā sevā bhavet phalābhikāmyayā || 30 ||
[Analyze grammar]

niṣkāmena kṛtā yā tu koṭiguṇārthadā hi sā |
akāmasya tu kāryasya phaladaḥ puruṣottamaḥ || 31 ||
[Analyze grammar]

iti vicārya sā joṣṭrī sarvalokasya sevanam |
putrībhiḥ kārayāmāsā''ntarātmā yatra tuṣyati || 32 ||
[Analyze grammar]

sevayā toṣitāḥ santo dadatyāśiṣa eva ca |
vṛddhā viprāḥ prayuñjanti samāśiṣastu sevine || 33 ||
[Analyze grammar]

śarīraṃ nāśamāyāti tena sevā kṛtā pare |
loke sahāyatāṃ yāti tasmāt sevāṃ samācaret || 34 ||
[Analyze grammar]

paropakāraḥ kutrāpi viphalo yāti naiva ha |
sevāpi viphalā naiva kālāntare'pi jāyate || 35 ||
[Analyze grammar]

adattaṃ nopatiṣṭheta dattamevopatiṣṭhate |
asevā nopatiṣṭheta kṛtā sevopatiṣṭhate || 36 ||
[Analyze grammar]

dehena manasā vācā pitaraṃ gurumacyutam |
seveta sarvadā prāṇī phalaṃ tacchāśvataṃ bhavet || 37 ||
[Analyze grammar]

iti joṣṭrī sadā satye sevate parameṣṭhinam |
putrībhiśca prajāsevāṃ karotyanudivaṃ śubhām || 38 ||
[Analyze grammar]

ekadā tu samājo'bhūt sudharmāyāmajagṛhe |
ṛṣayo munayo devāḥ pitaro mānavā drumāḥ || 39 ||
[Analyze grammar]

piśācādyāstathā kandā vallayo daityadānavāḥ |
samāyātāścaturdaśabhuvanasthāstu dehinaḥ || 40 ||
[Analyze grammar]

adṛśyāśca tathā dṛśyāḥ sastrīkā samupāyayuḥ |
taistaiḥ samājamūrdhanyairāyayurdvādaśāpi tāḥ || 41 ||
[Analyze grammar]

sevikā dāsikārūpā joṣṭrīputryo'śanādikāḥ |
samājāḥ sevitāstābhiryogyā yeṣāṃ kṛte tu yā || 42 ||
[Analyze grammar]

tāṃ tāṃ sevāṃ vidhāyaiva toṣitāḥ sarvayonayaḥ |
tuṣṭāstābhyo daduḥ pāritoṣikāṇyāśiṣastathā || 43 ||
[Analyze grammar]

sarvā bhavantu sadbhāgyāḥ śāśvatānandapūritāḥ |
dhanadhānyayaśaḥkīrtisanmānaguṇapūjitāḥ || 44 ||
[Analyze grammar]

siddhyaiśvaryayutā ramyarūpadhāriṇya eva ca |
joṣṭrīvaṃśapravardhinyo mahātejodharāḥ sadā || 45 ||
[Analyze grammar]

lokaprakāśakāriṇyo devyo yadyapi sevikā |
bhavantu sarvadā brāhmyaḥ śāśvatasthirayauvanāḥ || 46 ||
[Analyze grammar]

iti labdhāśiṣaḥ sarvāḥ samāje tu nivartite |
svasāro dvādaśamāturjoṣṭryā gṛhaṃ yayuḥ kṣaṇam || 47 ||
[Analyze grammar]

tatra tāvat satyaloke dundubhiḥ śrīharermahān |
aśrūyata vadan śabdaṃ puruṣottamadeśitam || 48 ||
[Analyze grammar]

atrā'dhike tu me māse dvādaśyāṃ mama pūjanam |
vrataṃ mamaikaśaraṇaṃ kurvantu dehino yathā || 49 ||
[Analyze grammar]

bhavanmano'bhilaṣitaṃ dāsye'haṃ puruṣottamaḥ |
mā'tra pramaditavyaṃ vai kṛcchre svalpaṃ vrataṃ bahu || 50 ||
[Analyze grammar]

bhāgyaṃ yeṣāmujjvalaṃ vai gṛhṇantu te'ti tatphalam |
dātā'haṃ kṛpayā kṛṣṇanārāyaṇo'smi sarvathā || 51 ||
[Analyze grammar]

siddhīrdāsye dhāma dāsye dāsye vai śāśvataṃ sukham |
sarvaṃ dāsye ca māṃ dāsye na dāsye nepsitaṃ tu yat || 52 ||
[Analyze grammar]

ekabhuktena naktena phalāhāreṇa vā vratam |
jalāhāreṇa dadhnā vā munnyannena ca bhājayā || 53 ||
[Analyze grammar]

patreṇa kandamūlaiśca vāyubhakṣeṇa vā vratam |
mama prasādaleśena kṛtaṃ vā yadyapi vratam || 54 ||
[Analyze grammar]

takreṇa payasā vāpi tilaiśca māṣamuṣṭibhiḥ |
yena kenāpi bhāvena dvādaśīvratamāhitam || 55 ||
[Analyze grammar]

tasyā'haṃ vāñchitaṃ sarvaṃ pūrayiṣyāmi sarvathā |
pūjanaṃ mama kartavyaṃ prātarmadhye niśāmukhe || 56 ||
[Analyze grammar]

jāgaraṃ ca prakartavyaṃ deyāni bhojanāni ca |
dānānyapi pradeyāni yathāśakti yathārjanam || 57 ||
[Analyze grammar]

mahyaṃ puṣpāṃjaliṃ dadyād dadyāttathā'kṣatāñjalim |
jalāṃjaliṃ pradadyācca dadyācca bhāvanāṃjalim || 58 ||
[Analyze grammar]

snehāṃjaliṃ pradadyācca dadyādātmāṃjaliṃ vratī |
pradadyātsarvataḥ śreṣṭhāṃ sarvasamarpaṇāṃjalim || 59 ||
[Analyze grammar]

bhāvagamyaḥ snehagamyaḥ premagamyo bhavāmyaham |
vastugamyaḥ svārthagamyo yadvā tadvā bhavāmyaham || 60 ||
[Analyze grammar]

gamiṣyati ca dīrghāyurgamiṣyati ca yauvanam |
yāsyanti sampado nāśaṃ matkṛpā śāśvatī matā || 61 ||
[Analyze grammar]

yāsyanti śīrṇatāṃ yogāḥ puṣṭiryāsyati jīrṇatām |
varṣma yāsyati bhasmatvaṃ matkṛpā śāśvatī matā || 62 ||
[Analyze grammar]

utpannaṃ tadvinaṣṭaṃ syāt puṇyaṃ rājyaṃ dhanādikam |
śāśvatī me kṛpā bodhyā yannāśo naiva vidyate || 63 ||
[Analyze grammar]

kṛpāṃ gṛhṇantu kṛpaṇā dūrayāntu daridratām |
madājñayā vratenaiva śāśvatāḍhyā bhavantu vai || 64 ||
[Analyze grammar]

ityevaṃ dundubheḥ śabdaṃ śrutvā tā mātṛvardhitāḥ |
vrataṃ cakrurhi payasā dvādaśyā dvādaśaiva tāḥ || 65 ||
[Analyze grammar]

api joṣṭrī vrataṃ cakre vāriṇā bhāvagarbhitam |
snātvā prātaḥ kṛṣṇanārāyaṇaṃ smṛtvā trayodaśa || 66 ||
[Analyze grammar]

svarṇamūrtiṃ vidhāyaivā'pūjayan puruṣottamam |
maṇḍapaṃ kadalīstabhaṃ hyaśokāmrāditoraṇam || 67 ||
[Analyze grammar]

puṣpahārāvalijuṣṭaṃ svarṇavastrādiśobhitam |
raṃgadīpasukalaśairmaṇḍitaṃ toraṇādibhiḥ || 68 ||
[Analyze grammar]

tanmadhye sarvatobhadraṃ kārayitvā sumaṇḍalam |
ramyaṃ suvarṇakalaśaṃ pañcaratnasupallavam || 69 ||
[Analyze grammar]

vastraṃ phalaṃ candanaṃ cā'kṣatān madhye nidhāya ca |
tanmūrdhni kānakaṃ nyasya pātraṃ satilaśarkaram || 70 ||
[Analyze grammar]

tatra nidhāya deveśaṃ śrīkṛṣṇapuruṣottamam |
vai ṣoḍaśapadārthaiśca pūjayāmāsurādarāt || 71 ||
[Analyze grammar]

āvāhanādikaṃ kṛtvā pañcāmṛtaiśca vāribhiḥ |
saṃsnāpya mārjanaṃ kṛtvā'mbarāṇyābhūṣaṇāni ca || 72 ||
[Analyze grammar]

kuṃkumaiḥ kajjalairgandhasārairakṣatacandanaiḥ |
śṛṃgārayitvā śrīkṛṣṇaṃ dhūpaṃ dīpaṃ vidhāya ca || 73 ||
[Analyze grammar]

naivedyaṃ pāyasaṃ śreṣṭhaṃ miṣṭānnaṃ pūrikādikam |
phalaṃ tvāmrādikaṃ pānaṃ cāmṛtaṃ madhuraṃ jalam || 74 ||
[Analyze grammar]

tāmbūlakaṃ phalaṃ cānyad yadyattvapekṣitaṃ prabhoḥ |
tattatsarvaṃ pradāyaivā''rārtrikaṃ dadhire ca tāḥ || 75 ||
[Analyze grammar]

daṇḍavat namanaṃ stotraṃ pradakṣiṇaṃ sumā'ñjalim |
aparādhakṣamāyāñcāṃ cāntimārghyaṃ daduḥ prage || 76 ||
[Analyze grammar]

madhyāhne'pi tathā cakruḥ sevanaṃ niśi cāpi tāḥ |
rātrau jāgaraṇaṃ cakrurnartanaṃ gāyanādibhiḥ || 77 ||
[Analyze grammar]

dvādaśaiva ca tāḥ kanyā hāvabhāvasamanvitam |
yathā kṛṣṇaharirnārāyaṇaḥ śrīpuruṣottamaḥ || 78 ||
[Analyze grammar]

śṛṃgārarasabhāvena prasannaḥ syātpumuttamaḥ |
ākṛṣṭaḥ san dayāluḥ sa darśanaṃ ca dadedyathā || 79 ||
[Analyze grammar]

tathā tābhirmahāharṣaiḥ kṛtaṃ nartanagāyanam |
prātarharirbrāhmakāle prādurbabhūva saṃhasan || 80 ||
[Analyze grammar]

yuvā puṣṭaḥ surūpaśca yuvatīmānasāśrayaḥ |
koṭikāmātisaundaryo vīryasaṃbhṛtagātrakaḥ || 81 ||
[Analyze grammar]

pratiromarativyāptaḥ pratyaṃgānaṃgabhāsitaḥ |
prasanno'smi prasanno'smi sevayā saṃvadan muhuḥ || 82 ||
[Analyze grammar]

sevikā varadānāni vṛṇuteṣṭāni sarvathā |
indrāṇītvaṃ śivātvaṃ vā brahmāṇītvaṃ tato'pi ca || 83 ||
[Analyze grammar]

kṛṣṇātvaṃ vaiṣṇavītvaṃ ca brāhmītvaṃ tatparaṃ ca vā |
yadyadicchā bhavet tattad dadāmyadya na saṃśayaḥ || 84 ||
[Analyze grammar]

dvādaśātmabhavatībhirjitā lokāḥ parātparāḥ |
sevayā śraddhayā bhāvanayā snehārdrayā'ṅganāḥ || 85 ||
[Analyze grammar]

dāsyo'pi yūyamevā'dyā'dāsyo jātā hi sevayā |
mānasasthaṃ vṛṇutā'dya mā ciraṃ hṛdayaṃgamāḥ || 86 ||
[Analyze grammar]

sevikānāṃ sevako'haṃ śāstrīṇāṃ śāsako'smyaham |
mitrāṇīnāmahaṃ mitraṃ vāmānāṃ dakṣiṇo'smyaham || 87 ||
[Analyze grammar]

snigdhānāṃ snehilaścāsmi śaraṇyānāṃ tu rakṣakaḥ |
madarthatyaktasarvasvānāṃ tu sarvasvado'smyaham || 88 ||
[Analyze grammar]

tathā na toṣamāpnomi dhanairbhṛtyaiśca sevayā |
yathā santoṣamāpnomi svenaiva kṛtasevayā || 89 ||
[Analyze grammar]

sevako'hamahaṃ svāmī yatra sevā na bhidyate |
yatra bhaktaḥ svayaṃ māṃ vai svayaṃ bhāvena sevate || 90 ||
[Analyze grammar]

tasmāt priyāḥ pravadantu kiṃ dadāmi vadāmi kim |
priyābhyaḥ kiṃ prayacchāmi sarvasvaṃ hṛdayānvitam || 91 ||
[Analyze grammar]

priyāḥ prāhurvayaṃ sarvā arpitāḥ paramātmani |
sarvakānte pare kānte patyau śrīpuruṣottame || 92 ||
[Analyze grammar]

dāsīnāṃ tu tathā dharmaḥ sarvārpaṇaṃ tu śāstari |
priyāṇāṃ tu tathā dharmaḥ kānte sarvārpaṇaṃ priye || 93 ||
[Analyze grammar]

svāminaśca tathā dharmo'rpitānāṃ grahaṇaṃ sadā |
kāntapriyasya dharmo vai kāntānāṃ priyakāritā || 94 ||
[Analyze grammar]

priyā priyasya sarvasvaṃ priyaḥ sarvaṃ priyākṛte |
priyāyāścāpi sarvasvaṃ priya eva dayānidhiḥ || 95 ||
[Analyze grammar]

iti cātra mahatyarthe yatheṣṭaṃ kuru keśava |
mānasaṃ tvayi sarvasvaṃ cārpitaṃ kuru yanmatam || 96 ||
[Analyze grammar]

śrutvā prāha tadā kṛṣṇanārāyaṇaḥ prabhūttamaḥ |
sarvaṃ vedmi tathā sarvāḥ svīkaromi hṛdantare || 97 ||
[Analyze grammar]

bāhyato'pi karāndhṛtvā karomi hṛdayaṃgamāḥ |
bhavantu matkarasparśād divyarūpadharā mama || 98 ||
[Analyze grammar]

priyāḥ patnyo bhavantvakṣarākhye dhāmani sarvadā |
joṣṭrī mama svarūpe'stu tejomayī tu śaktikā || 99 ||
[Analyze grammar]

sarvānandapradā devī cinmayī matsvarūpiṇī |
saccidānandarūpe me cinmayī sā mayā kṛtā || 100 ||
[Analyze grammar]

anyāśca dvādaśapatnyaḥ santu śāśvatikā mama |
tattannāmnā tu tāḥ patnyastatra vasantu madgṛhe || 101 ||
[Analyze grammar]

matsamākṛtayaḥ sarvāḥ patnyastā arthato yathā |
māṃ vinā'nyasukhāderyā'śanaṃ naiva karoti hi || 102 ||
[Analyze grammar]

iti sārthā'naśanākhyā pipāsāṃ tvarthataḥ śṛṇu |
madrasaṃ sarvadā pātumicchati nānyameva yā || 103 ||
[Analyze grammar]

sā pipāsā mayā patnī rakṣitā matsvarūpiṇī |
athā'śanā mama patnī yā samaśnāti māṃ sadā || 104 ||
[Analyze grammar]

sarvān kāmānaśnute sā brahmaṇā viduṣā saha |
iti sārthā'śanākhyā sā patnī me rakṣitā mayā || 105 ||
[Analyze grammar]

yā ca svātmani nityaṃ māṃ paraṃ vāsayate patim |
sā mayā bhāvapūrṇā vāsanā patnī surakṣitā || 106 ||
[Analyze grammar]

yasyā nāmā'tra vaktavyaṃ bhāvanā bhāvitā mayā |
āyāti matkaraṃ dhṛtvā karāyā me priyā hi sā || 107 ||
[Analyze grammar]

kaṃ sukhaṃ matparānandaṃ śaṃ lakṣmīṃ divyasaṃpadam |
sevayā yāti gṛhṇāti matto yā sā karāyikā || 108 ||
[Analyze grammar]

madarthameva sarvasvaṃ kṛtaṃ kriyātmakaṃ yayā |
iti niścayasārthakyā vyavasāyā priyā mama || 109 ||
[Analyze grammar]

soḍhuṃ yogyā mama sarvā kriyā''jñā sā priyā mama |
prakarṣeṇa sahate yā madratiṃ sā prasahyakā || 110 ||
[Analyze grammar]

madarthe sarvathā divyā vilasyati madarthikā |
vilāsākhyā mama patnī me'nuvilāsakāriṇī || 111 ||
[Analyze grammar]

yasyāḥ śvāso vinā māṃ tu sthātuṃ śakto bhavennahi |
yasyā hyahaṃ ca me sā'sti patirme'sti sukhāya vai || 112 ||
[Analyze grammar]

iti viśvāsamāpannā viśvāsā sā mama priyā |
māṃ vinā jīvanaṃ śvāso nāsti yasyāḥ pratikṣaṇam || 113 ||
[Analyze grammar]

mehati varṣate patyau prema varṣayati prabhau |
mayi snehaṃ karotyeva meghā sā matpriyā matā || 114 ||
[Analyze grammar]

sarvaṃ karmaṃ mayi yā svāṃ damayatibhāvataḥ |
madarthaṃ damanaṃ yasyāḥ karmaṇāṃ kardamā priyā || 115 ||
[Analyze grammar]

kuṃ kṣetraṃ svātmakaṃ yā bhāvayati matkṛte'nvaham |
kuṃbhe jalaṃ yathā tadvanmāṃ bibharti nijātmani || 116 ||
[Analyze grammar]

sā patnī kuṃbhikā me'sti yūyaṃ patnyaḥ prakīrtitāḥ |
divyā yāstā dvādaśaivā'kṣare dhāmni vasantu me || 117 ||
[Analyze grammar]

athā'nyaistu svarūpairdvādaśaśaktyātmikāstu vai |
vartantāmanyarūpiṇyo mahākālāya cārpitā || 118 ||
[Analyze grammar]

tato viśvaṃ saṃvyakrāmat sāśanā'naśane hyabhi |
pipāsayā pravāhastu dhāvatyagre'sya saṃsṛteḥ || 119 ||
[Analyze grammar]

vāsanayā vasatyetajjaḍacetanamiśritam |
karāyayā bhavatyatra vinimayastu dehinoḥ || 120 ||
[Analyze grammar]

dhāryate puṣyate kālavāhayā vyavasāyayā |
prasahyayā kṣamate tvārtavān dvandvāṃśca vatsaraḥ || 121 ||
[Analyze grammar]

vilāsayā śramaṃ hāpayitvā jīvān yunakti saḥ |
viśvāsayā phale lobhātpravartante tu dehinaḥ || 122 ||
[Analyze grammar]

meghayā snehavṛṣṭyā vai rañjayanti prajāḥ samāḥ |
kardamayā prajā bhūtā mayi tiṣṭhanti kardame || 123 ||
[Analyze grammar]

kuṃbheṣvatra golakeṣu brahmāṇḍeṣu ca sarvathā |
tattatsthāne sthāpayitrī kuṃbhikā rakṣikā matā || 124 ||
[Analyze grammar]

evaṃ kālasya macchaktibhūtasya śaktayo'nvaham |
bhavantu kāryakāriṇyo loke kālāya cārpitāḥ || 125 ||
[Analyze grammar]

atha yatra joṣṭrikāyāḥ putryaḥ santyuṣitā yathā |
tāstathaiva tu vedhaḥ kṛdbrahmāṇḍe'pi vasantviti || 126 ||
[Analyze grammar]

vasantu śrīkṛṣṇanārāyaṇasya mama vācchayā |
tṛtīyaistu svarūpaiḥ svairjyoṣṭrījananya eva ha || 127 ||
[Analyze grammar]

evaṃ trividharūpairvai mayā samyaṅniyojitāḥ |
kurvantu dāsyamevā'tra mahākāle tathā mayi || 128 ||
[Analyze grammar]

bhavatīnāmahaṃ svāmī patiḥ śrīpuruṣottamaḥ |
ramantāṃ tu mayā sārdhaṃ svatantrā akṣare pare || 129 ||
[Analyze grammar]

tathā'nyā macchaktirūpamahākālasahāyikāḥ |
tathā'parā mama sṛṣṭau tattatkāryavahāḥ sadā || 130 ||
[Analyze grammar]

iti tredhā mayā dattaṃ bhavatībhyaḥ prasevanam |
dvādaśyāstu vratasyaiva phalaṃ dattaṃ hi śāśvatam || 131 ||
[Analyze grammar]

ityuktvā bhagavān kṛṣṇanārāyaṇaḥ pumuttamaḥ |
divyāstāḥ saha nītvaiva vyavasthāpya tathā'parāḥ || 132 ||
[Analyze grammar]

mahākālāya datvā'nyā yayau dhāmā'kṣaraṃ hariḥ |
vada lakṣmi kṛpāpārāvāraḥ kṛṣṇaḥ pumuttamaḥ || 133 ||
[Analyze grammar]

kiṃ kiṃ dadāti kṛpayā svalpasyā'nantakaṃ phalam |
iti te kathitaṃ sarvaṃ joṣṭrīdevyāḥ kathānakam || 134 ||
[Analyze grammar]

devī joṣṭrī vasudhitī devamindraṃ vayodhasam |
prāpyā'vardhata bṛhatī brāhmyāsa puruṣottamam || 135 ||
[Analyze grammar]

ya idaṃ śrāvayeccāpi śṛṇuyādvā paṭhecca vā |
tasyāpi tādṛśaṃ syācca phalaṃ vratasya niścitam || 136 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne puruṣottamamāsamāhātmye vairājaputryā joṣṭryā anaśanādidvādaśaputrīṇāṃ sevayā dvādaśyāvratena ca prasannasya puruṣottamanārāyaṇasya prāptistredhārūpadhāraṇādika cetyādinirūpaṇanāmaikonaviṃśādhikatriśatatamo'dhyāyaḥ || 1319 ||
[Analyze grammar]