Chapter 312

| śrīnārāyaṇa uvāca |
śrūyatāṃ ca tvayā lakṣmi kathā prāksṛṣṭisaṃbhavā |
vasudhānākhyanṛpateḥ rādhyāsāyāśca yoṣitaḥ || 1 ||
[Analyze grammar]

pūrvasṛṣṭyantime kāle nṛpo babhūva dakṣiṇe |
vasudhāno mahābhakto mahādevasya sevakaḥ || 2 ||
[Analyze grammar]

rādhyāsā tasya patnī ca mahādevasya sevikā |
ārādhanāṃ mahādevātmakasya svāminaḥ sadā || 3 ||
[Analyze grammar]

karotyabhinnabhāvena pātivratyaparāyaṇā |
nityaṃ prātaḥ svayaṃ snātvā patiṃ snāpayati prabhum || 4 ||
[Analyze grammar]

mahādevaṃ vividhaistu jalairdugdhādibhistathā |
patraṃ puṣpaṃ phalaṃ vastraṃ sarpaṃ ca śarkarāṃ jalam || 5 ||
[Analyze grammar]

ārārtrikaṃ candanaṃ ca dhūpaṃ dīpaṃ samarpya sā |
vasudhānasya sevāyāṃ dāsīva samatiṣṭhati || 6 ||
[Analyze grammar]

rājā'pi prātarājñāya tyaktvā nidrāṃ muhūrtakam |
dhyātvā śrīśaṃkaraṃ brahma snānaṃ pūjāṃ karoti ca || 7 ||
[Analyze grammar]

hṛdi dhyānaṃ tathā pūjāṃ śaṃbhoḥ kṛtvā vibhajya ca |
annādikaṃ tvāśritebhyo bhuṃktennaṃ strīyuto nṛpaḥ || 8 ||
[Analyze grammar]

rājyakārye prajākāryaṃ kurutastau kṛpānvitau |
devakāryaṃ dānakāryaṃ kuruto nityamātmavat || 9 ||
[Analyze grammar]

dadato'nnaṃ bhikṣukebhyo vastrāṇi tadapekṣiṇe |
pātrāṇi dānapātrāya dhanāni ca phalāni ca || 10 ||
[Analyze grammar]

dānaśabdastayordvāri virāmaṃ yāti naiva ha |
dānakriyāpi ca śāntā naiva bhavatyaharniśam || 11 ||
[Analyze grammar]

yajñānāṃ brāhmaṇānāṃ ca sādhvīnāṃ ca satāmapi |
tayorgṛhe'rhaṇāṃ śaṃbhoraharniśaṃ prajāyate || 12 ||
[Analyze grammar]

gavāṃ dānaṃ rasadānaṃ miṣṭadānaṃ punaḥ punaḥ |
kurutastau patipatnyau tuṣṭā yathā'rthinastathā || 13 ||
[Analyze grammar]

na tadrājye'vagrahosti vatsaro na kratuṃ vinā |
na cotsavā vinā kṛṣṇaṃ vinā śaṃbhuṃ na kīrtanam || 14 ||
[Analyze grammar]

pravartayāmāsatustau rājye dharmān śivasya vai |
śivālayeṣu sarveṣu pūjāṃ kārayataśca tau || 15 ||
[Analyze grammar]

grāmādhīśān samāhūya sarvāṃstau viṣayasthitān |
ājñāpayāmāsatustau pūjā deyā śivālaye || 16 ||
[Analyze grammar]

anyathā satyamevedaṃ sa nau daṇḍyo bhaviṣyati |
pūjādānācchivastuṣṭo bhaviṣyati śivāyutaḥ || 17 ||
[Analyze grammar]

ghṛtadīpāstvakhaṇḍā vai tatra devāḥ śivālaye |
yasya yasyābhito grāmaṃ yāvantaśca śivālayāḥ || 18 ||
[Analyze grammar]

tatra tatrā'khaṇḍadīpo dyotanīyo nṛpājñayā |
nṛpājñābhaṃgakartustu śiraśchedo bhaviṣyati || 19 ||
[Analyze grammar]

nṛpapūjā pradātavyā ṣoḍaśopasuvastubhiḥ |
nyūnakartustathā rājā śiraśchetsyatyasaṃśayam || 20 ||
[Analyze grammar]

iti sarvatra tābhyāṃ vai lakṣmi pūjā vinirmitā |
tayostu bhayato dīpā dīptā pratiśivālayam || 21 ||
[Analyze grammar]

jagmatustau mahāśaṃbhu rātryāṃ darśanahetave |
vyomayānena sarvatra rājye yatra śivālayāḥ || 22 ||
[Analyze grammar]

āprātastau tu sarvatra vidhāyā'rcanadarśanam |
punarāyāta āvāsaṃ kurutaḥ snānapūjanam || 23 ||
[Analyze grammar]

cikīrṣataḥ pāraṇā tau niṣīdata sma yāvatā |
tāvattatra samāyātau bhikṣukau tu śivāśivau || 24 ||
[Analyze grammar]

jñātvā vai kṣudhitau sādhū dadatastau subhojyakam |
riktaṃ tulasīpatreṇa vīkṣyā''hatustu tāvubhau || 25 ||
[Analyze grammar]

nārāyaṇaprasādaśced bhokṣyāvahe pavitrakam |
vaiṣṇavau vaiṣṇavaśreṣṭhau śivāśivau na bhokṣyataḥ || 26 ||
[Analyze grammar]

yadi prāsādikaṃ na syācchrīpuruṣottamā'rpitam |
vaiṣṇavaḥ paramo dharmo vaiṣṇavatvaṃ paraṃ tapaḥ || 27 ||
[Analyze grammar]

vaiṣṇavaistu kṛtaṃ dattaṃ gṛhṇīvo'tīva bhāvataḥ |
yadi vaiṣṇavadattaṃ na gṛhṇīvo na tu vai kvacit || 28 ||
[Analyze grammar]

yuvābhyāmarpyate nityaṃ pūjābhojanadīpakam |
paśyāvo na tu gṛhṇīvo gṛhṇīvo brahmaṇe'rpitam || 29 ||
[Analyze grammar]

ātmanivedibhaktānāṃ dharmo'yaṃ sarvadā mataḥ |
brahmaṇe'narpitaṃ yat tadbhojyaṃ peyaṃ na vai kvacit || 30 ||
[Analyze grammar]

vastraṃ patraṃ phalaṃ puṣpaṃ payaścānnaṃ tathā''sanam |
auṣadhaṃ kaṇamātraṃ vā cūrṇaṃ carvaṇamityapi || 31 ||
[Analyze grammar]

adya svādyaṃ tathā khādyaṃ bhogyaṃ dhāryaṃ mamā'rghyakam |
mardyaṃ deyaṃ tathā'rpyaṃ ca sarvaṃ yad brahmaṇe'rpitam || 32 ||
[Analyze grammar]

tad gṛhṇīvo na cā'nyadvai dharmo'yaṃ tvāvayoḥ sadā |
sarvaṃ brahmārpaṇaṃ grāhyaṃ gṛhavastradhanādikam || 33 ||
[Analyze grammar]

jaḍaṃ yadvā cetanaṃ vā svakīyaṃ yaddhi manyate |
tadvai bhagavate datvā śiṣṭaṃ bhuñjīta bhaktarāṭ || 34 ||
[Analyze grammar]

gṛhastaṃbheṣu vai vāri kuṃbhīṣu mañjulāsu ca |
peṣaṇīṣu ca khaṭvāsu paryaṃkādiṣvapi gṛhe || 35 ||
[Analyze grammar]

tulasīkaṇṭhikāṃ baddhvā tūpayoktavyameva tat |
paśūnāṃ pakṣiṇāṃ harmyaśākhināṃ śakaṭasya ca || 36 ||
[Analyze grammar]

vaiṣṇavatvaṃ vinā naiva kartavyamupayojanam |
annānāṃ tvatha vastrāṇāṃ cakrāṇāṃ vāhanasya ca || 37 ||
[Analyze grammar]

jīvikālohabhastrāṇāṃ kośānāṃ paṇyakasya ca |
vaiṣṇavatvamṛte naiva kartavyamupayojanam || 38 ||
[Analyze grammar]

vādyānāṃ cāpi śastrāṇāṃ hetīnāṃ vastunāminām |
ātmanivedinā kāryā bhagavaccihnayogitā || 39 ||
[Analyze grammar]

sutaḥ sutā dhana dārā dāsā dāsyo gṛhāṇi ca |
patnī patiḥ kuṭumbaṃ ca sarvaṃ vai haraye'rpayet || 40 ||
[Analyze grammar]

abhakṣyaṃ tadabhogyaṃ yaddharaye nā'rpitaṃ bhavet |
bhakṣyaṃ bhogyaṃ tathā peyaṃ haraye'rpitameva yat || 41 ||
[Analyze grammar]

nibodhata yuvāṃ tadvai badaryāśramamuttamam |
prāgahaṃ prāptavāṃstatra nārāyaṇātsamantrakam || 42 ||
[Analyze grammar]

vaiṣṇavatvaṃ tato devyai pārvatyai ca samantrakam |
vaiṣṇavatvaṃ mayā dattaṃ gaṇebhyaścāpi sarvathā || 43 ||
[Analyze grammar]

mama putro gaṇeśastu śrīkṛṣṇāṃśo'sti vaiṣṇavaḥ |
skando'pi vaiṣṇavo jāto rudrā api ca vaiṣṇavāḥ || 44 ||
[Analyze grammar]

devyaśca vaiṣṇavīśreṣṭhā nārāyaṇaparāyaṇāḥ |
kailāsaḥ sarvathā'bhīṣṭo vaiṣṇavo'sti mayā kṛtaḥ || 45 ||
[Analyze grammar]

badaryāśramayogena himālayo'pi vaiṣṇavaḥ |
pitaro vaiṣṇavāsteṣāṃ kanyā menā'pi vaiṣṇavī || 46 ||
[Analyze grammar]

kṣīro'pi sāgaro viṣṇudhārako vaiṣṇavaḥ sadā |
tatputrī śrīḥ ramā lakṣmīścandraścaite'pi vaiṣṇavāḥ || 47 ||
[Analyze grammar]

vāmanasya padāṃguṣṭhasparśā gaṃgāpi vaiṣṇavī |
vāsukiḥ śeṣabandhuśca vaiṣṇavo'sti mayā dhṛtaḥ || 48 ||
[Analyze grammar]

triśūlaṃ sūryato jātaṃ dvādaśo viṣṇurarkarāṭ |
vṛṣabho gokulātprāpto goloke kṛṣṇabhaktarāṭ || 49 ||
[Analyze grammar]

siṃho nṛsiṃhavaṃśo yaḥ sa cāsti vaiṣṇavo mahān |
meghā vairājakeśāśca vaiṣṇavā yajñapoṣitāḥ || 50 ||
[Analyze grammar]

mayūro meghamitraṃ ca picchaṃ mukuṭasaṃśritam |
kṛṣṇayogānmeghayogād vaiṣṇavatvaṃ sadā'sti vai || 51 ||
[Analyze grammar]

kimvadhikaṃ pravakṣye vai nṛsiṃhamastakaṃ gale |
dadhan vai vaiṣṇavaścāsmi viṣṇubhakto'smi sarvathā || 52 ||
[Analyze grammar]

viṣṇurvai vyāpakaṃ brahma yattejo'haṃ sadāśivaḥ |
bāṇarūpo'smi sañjāto dhyāyaṃstaṃ mūrtimānapi || 53 ||
[Analyze grammar]

sarvātmakaṃ parabrahma nārāyaṇaḥ parātparaḥ |
tasmādahaṃ tathā sarvaṃ jāyate tatra līyate || 54 ||
[Analyze grammar]

tato rājan gṛhāṇa tvaṃ vaiṣṇavaṃ manumādarāt |
ahaṃ śaṃbhuḥ pradadāmi rājñyai dāsyati pārvatī || 55 ||
[Analyze grammar]

ityādiṣṭo vasudhāno jagrāhā'ṣṭākṣaraṃ manum |
kṛṣṇanārāyaṇo'vyānmāmiti jagrāha śaṃkarāt || 56 ||
[Analyze grammar]

taṃ ca jagrāha rādhyāsā rājñī vai pārvatīmukhāt |
jagṛhatuśca tulasīkaṇṭhīṃ candrārdhvapuṇḍrakam || 57 ||
[Analyze grammar]

nārāyaṇārcanavāri prasādaṃ cācyutasya vai |
ādadati tu tau tatra prajātau vaiṣṇavau tataḥ || 58 ||
[Analyze grammar]

viṣṇave bhojanaṃ peyaṃ tulasīpatramiśritam |
nivedayāmāsatuśca dadatuścāpi śaṃbhave || 59 ||
[Analyze grammar]

pārvatyai dadatuścā'tha jagṛhatuśca tau mudā |
ādaturvāripānaṃ ca cakraturvai sukhānvitau || 60 ||
[Analyze grammar]

tṛptau babhūvatuścāti harṣitau vai śivāśivau |
āśīrvādān dadatuśca dhanavantāvakhaṇḍitau || 61 ||
[Analyze grammar]

susmṛddhau śāśvatarājyau bhavatāṃ bhṛtyakoṭikau |
iti kṛtvā kathayitvā'dṛśyau jātau śivāśivau || 62 ||
[Analyze grammar]

rājñā rātryā ca nityaṃ śrīkṛṣṇanārāyaṇaḥ prabhuḥ |
śivātmā'yaṃ ceti bhaktyā pūjyate vaiṣṇavīdiśā || 63 ||
[Analyze grammar]

evaṃ tābhyāṃ sadā kṛṣṇe pūjite puruṣottamaḥ |
māso'tidivyasamayaḥ prāpto vyeti dināddinam || 64 ||
[Analyze grammar]

tāvat tābhyāṃ parapakṣapañcamyāṃ dundubhiḥ śrutaḥ |
śṛṇvantu devatanavo rājadehāśca mānavāḥ || 65 ||
[Analyze grammar]

surā divyasamṛddhāśca sthāvarā jaṃgamāśca ye |
puruṣottamamāsasyā'smi dundubhirhareḥ priyaḥ || 66 ||
[Analyze grammar]

haryājñayoddhoṣayāmi maṇiṃ kapardikāphalam |
māse'traikadinakṛcchrāt prāpnuvantu vasundharām || 67 ||
[Analyze grammar]

alakāṃ hemanagarīṃ tathā bhūmiṃ ca kāṃcanīm |
golokasthāṃ tathā'nyeṣāṃ dikpālānāṃ tu hāṭakīm || 68 ||
[Analyze grammar]

rājadhānīṃ tathā svarṇapurīṃ hiraṇmayīṃ tanum |
sāmrājyaṃ cāpi vā'nyadvai yatheṣṭaṃ yāntu vai hareḥ || 69 ||
[Analyze grammar]

rasādhipatyaṃ sauryaṃ vā cāndraṃ gaura padaṃ ca vā |
bārhaspatyaṃ tathaiśānaṃ tvāgneyaṃ vānyadeva vā || 70 ||
[Analyze grammar]

yeṣāmiṣṭaṃ tu yadvai syād dāsye tannātra saṃśayaḥ |
adhimāse tu sampūrṇa pākṣikaṃ dainikaṃ ca vā || 71 ||
[Analyze grammar]

vrataṃ prapūjanaṃ kṛtvā'rjayantu paramaṃ sukham |
parameṣṭhipadaṃ vāpi vairājaṃ satyamityapi || 72 ||
[Analyze grammar]

raudraṃ śaivaṃ ca vā brāhmaṃ vaiṣṇavaṃ dhāma caityapi |
gṛhṇantu kṛpayā me'dya pañcamīvratamātrataḥ || 73 ||
[Analyze grammar]

ityuktvā dundubhistatra virarāmā'tha tāvubhau |
natvā taṃ dundubhiṃ dhyātvā śrīkṛṣṇaṃ puruṣottamam || 74 ||
[Analyze grammar]

pupūjatustaṃ vādyaṃ vai puṣpākṣataistu kānakaiḥ |
arthayāmāsatustatra kāṃcaneyaṃ padaṃ mahat || 75 ||
[Analyze grammar]

tathāstvevaṃ dundubhiśca vicintya hṛdye tadā |
anyatra prayayau tau pañcamīvrataṃ pracakratuḥ || 76 ||
[Analyze grammar]

prātaḥ snātvā hariṃ dhyātvā śaṃbhuṃ natvā tathā''darāt |
guruṃ prapūjya vidhivaccakraturnaityakārcanam || 77 ||
[Analyze grammar]

mūrtiṃ vidhāya sauvarṇīṃ puruṣottamarūpaṇīm |
āvāhya tatra ca kṛṣṇanārāyaṇaṃ pumuttamam || 78 ||
[Analyze grammar]

ācamanaṃ pradāyaiva pañcāmṛtena vāriṇā |
snāpayāmāsatustau ca mārjayāmāsatustathā || 79 ||
[Analyze grammar]

mardayāmāsatuścaitau candanārdrasugandhibhiḥ |
dhārayāmāsatuścaiva vastrāṇi kānakānyapi || 80 ||
[Analyze grammar]

bhūṣayāmāsatuścāpi mukuṭādi vibhūṣaṇaiḥ |
śṛṃgārayāmāsatuśca kajjalaiḥ kesarādibhiḥ || 81 ||
[Analyze grammar]

sugandhayāmāsatuśca puṣpadhūpādisārakaiḥ |
prakāśayāmāsatuśca dīpanīrājanādibhiḥ || 82 ||
[Analyze grammar]

prasādayāmāsatuśca stutipradakṣiṇādibhiḥ |
kṣamāpayāmāsatuścāparādhānarghyakārpaṇaiḥ || 83 ||
[Analyze grammar]

santarpayāmāsatuśca miṣṭānnapāyasādibhiḥ |
santoṣayāmāsatuśca tāmbūlailādicarvaṇaiḥ || 84 ||
[Analyze grammar]

evaṃ madhyāhnasamaye pūjayāmāsatustathā |
bhojayāmāsatuścāpi niśyapyevaṃ pracakratuḥ || 85 ||
[Analyze grammar]

maṇḍapaṃ kadalīstaṃbhaiḥ pāllavaistoraṇaistathā |
sumanohārakaiścāpi kalaśairdīpakaistathā || 86 ||
[Analyze grammar]

racayāmāsatū ramyaṃ pūrayāmāsatuśca tau |
maṇḍalaṃ sarvatobhadraṃ madhye dhānyairnavairnavaiḥ || 87 ||
[Analyze grammar]

saṃsthāpayāmāsatuśca sauvarṇaṃ kalaśaṃ tataḥ |
tatra ghaṭe pañcaratnaṃ jalaṃ phalaṃ tathā'mbaram || 88 ||
[Analyze grammar]

vinyasya tilapūrṇāṃ ca sthālīṃ dadhyaturādarāt |
tatra mūrtiṃ pratiṣṭhāpya pupūjatuḥ suvastubhiḥ || 89 ||
[Analyze grammar]

snānaṃ vastraṃ candanaṃ kuṃkumaṃ puṣpāṇi cākṣatān |
vibhūṣaṇāni hārāṃśca dhūpaṃ dīpaṃ phalāni ca || 90 ||
[Analyze grammar]

ārārtrikaṃ stutiṃ pradakṣiṇāṃ miṣṭānnabhojanam |
jalaṃ tāmbūlakaṃ puṣpāṃjaliṃ cakraturarthanām || 91 ||
[Analyze grammar]

nartanaṃ gītikāṃ vādyasahitāṃ cakratustadā |
tato jāgaraṇe tatra madhyarātrau pumuttamaḥ || 92 ||
[Analyze grammar]

kṛṣṇanārāyaṇaḥ sākṣāllakṣmīśrīrādhikāpatiḥ |
pārvatīmāṇikīsvāmī prabheśaḥ puruṣottamaḥ || 93 ||
[Analyze grammar]

preyasīśreyasīpātā śrījayālalitāpatiḥ |
akṣarā'dhipatirmuktapatirgopīpatiḥ prabhuḥ || 94 ||
[Analyze grammar]

sarvapatiścāntarātmā maṃgalāyatano hariḥ |
prādurbabhūva sahasā vihasan kāśayan diśaḥ || 95 ||
[Analyze grammar]

prāhā'smyatiprasanno'haṃ pañcamyā vratavartanāt |
varadānaṃ prayacchāmi vṛṇuta yadyathepsitam || 96 ||
[Analyze grammar]

bhaktau me vaiṣṇavau jātau tenā'smyatipratoṣitaḥ |
dadāmi mama sarvasvaṃ kimanyanyat sudurlabham || 97 ||
[Analyze grammar]

śrutvā natvā daṇḍavacca prāhatuḥ puruṣottamam |
vasudhānaśca rādhyāsā prabho nā'viditaṃ tava || 98 ||
[Analyze grammar]

caturdaśānāṃ lokānāṃ dhanādhipatyamalpakam |
kāṃkṣāvahe na tatsvāmin raṃkatuṣṭikaraṃ hi tat || 99 ||
[Analyze grammar]

pārameṣṭhyapadaṃ svāmin kuṃbhakārakriyāmayam |
necchāvastatpadaṃ tasmādaindraṃ daityaprapīḍanam || 100 ||
[Analyze grammar]

tatpadāni na kāṃkṣāvaḥ kāṃkṣāvastatparaṃ tu yat |
yāvatāmīśvarāṇāṃ vairājādīnāṃ paraṃ tu yat || 101 ||
[Analyze grammar]

mahāviṣṇoḥ paraṃ yacca hiraṇyādhipateḥ padam |
śrīpurākhyātparaṃ yacca tejo vaikuṇṭhataḥ param || 102 ||
[Analyze grammar]

viṣṇorvai sthānataḥ śreṣṭhaṃ hiraṇyādhipateḥ padam |
māhākauberakaṃ puṃso bhūmnaḥ kośamayaṃ tu yat || 103 ||
[Analyze grammar]

īśvarāṇāṃ tu koṭau tad vartate yanmahattamam |
anantā'ṇḍakuberāṇāṃ tṛptistasya kaṇena vai || 104 ||
[Analyze grammar]

jāyate tanmahārājyaṃ bhūmnaḥ kośādhipātmakam |
sarveśānāṃ tu vai divyahiraṇyā''ttiryato'sti vai || 105 ||
[Analyze grammar]

taddhiraṇyādhipatyaṃ vai samicchāvaḥ kṛpā'stu te |
bhaktānāṃ tu kṛte kiñcidadhikaṃ svāmino'sti na || 106 ||
[Analyze grammar]

yadyayuktaṃ vāñcchitaṃ cet kṣamyatāṃ puruṣottama |
nānyat kāṃkṣāvahe kṛṣṇa tuṣṭo yatpuruṣottamaḥ || 107 ||
[Analyze grammar]

ityabhyarthya pādayostau patitau śrīharestadā |
tathāstviti hariḥ prāha prāhāpi punareva tau || 108 ||
[Analyze grammar]

vartamānasya hairaṇyādhipaterāyuṣaḥ kṣaye |
sargāntare bhavanto vai bhaviṣyathastathāvidhau || 109 ||
[Analyze grammar]

ityuktvā bhagavān kṛṣṇastirobabhūva tatsthalāt |
anantānāṃ hiraṇyādhipatīnāṃ tatra saṃkṣayaḥ || 110 ||
[Analyze grammar]

jāyate vāsudevasya dine dine na saṃśayaḥ |
tatraikasya hiraṇyādhipaternāśo'bhavattadā || 111 ||
[Analyze grammar]

vasudhānaṃ ca rādhyāsāṃ nināya tatpadaṃ prabhuḥ |
mahākauberakaṃ caiśaṃ padaṃ tābhyāṃ dadau hariḥ || 112 ||
[Analyze grammar]

hiraṇyādhipatirbhūtvā rājate vasudhānakaḥ |
rādhyāsā'pīśvarī śreṣṭhā kuberāṇī virājate || 113 ||
[Analyze grammar]

yadasya brahmaṇaścaturmukhasya padmajasya vai |
pitā virāṭ tasya pitā mahāviṣṇustataḥ paraḥ || 114 ||
[Analyze grammar]

yo nāma pūruṣaśca bhūmanārāyaṇābhidhaḥ |
tasya kośeśvaro bhūtvā vasudhāno narādhipaḥ || 115 ||
[Analyze grammar]

vartate'yaṃ bhūmakośādhipaḥ sarvādhipo yathā |
prākṛtapralayaṃ yāvad vartiṣyate dhanādhipaḥ || 116 ||
[Analyze grammar]

sākṣātpratyakṣadarśitvād vedmyahaṃ puruṣottamaḥ |
lakṣmi priye na cānyo'sti sarvajño māṃ vinā yataḥ || 117 ||
[Analyze grammar]

parabrahmasvarūpo'haṃ vedmi sarvajñasarvavit |
ityevaṃ vai mayā tābhyāṃ pūrvasṛṣṭyantakālikam || 118 ||
[Analyze grammar]

pañcamyāstu vratasyānte phalaṃ datta hi śāśvatam |
idṛgvidhaṃ phalaṃ dātuṃ śaktaḥ kaḥ syāddhi māṃ vinā || 119 ||
[Analyze grammar]

sarve vai kālakavalāḥ ṛte nārāyaṇaṃ khalu |
sarvaṃ sṛṣṭvā praviśāmi vasāmi viramāmi ca || 120 ||
[Analyze grammar]

tathā'pyakuṇṭhavijñāno bhavāmyeko na cāparaḥ |
tadatra kathitaḥ pūrvasṛṣṭivṛttānta eva te || 121 ||
[Analyze grammar]

pañcamyāṃ vratakarturhi narasyāpi striyāstathā |
śroturvaktuḥ phalaṃ tādṛgasya vai bhavate dhruvam || 122 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne puruṣottamamāsamāhātmye dvitīyapakṣasya pañcamyāṃ vratakaraṇena śivabhaktayoḥ pūrvasṛṣṭisthayoḥ rādhyāsārājñīvasudānanṛpayoḥ śivapradattavaiṣṇavatvottaraṃ vedhaḥpitṛvairājādapyūrdhvamīśvarasṛṣṭau vartamānasṛṣṭau hiraṇyakośādhipatitvātmakamahākauberapadaprāptivarṇananāmā dvādaśādhikatriśatatamo'dhyāyaḥ || 1312 ||
[Analyze grammar]