Chapter 306

| śrīnārāyaṇa uvāca |
śṛṇu lakṣmi pare tvādye vaikuṇṭhe prathame tu yat |
sañjātaṃ vai caturdaśyāṃ caritraṃ dundubhestu yat || 1 ||
[Analyze grammar]

akṣarabrahmadhāmnastu sīmni saṃvidyate tu yat |
vaikuṇṭhaṃ prathamaṃ śreṣṭhaṃ gṛhaṃ golokasadṛśam || 2 ||
[Analyze grammar]

tatra yuktasvarūpā vai vasanti kalpaśākhinaḥ |
tatputrī śrīḥ sadā tatra vartate vai kumārikā || 3 ||
[Analyze grammar]

divyabhūmisvarūpā ca divyā vibhūtirasti ca |
cetanādhiṣṭhitā devī sarvādhārasvarūpiṇī || 4 ||
[Analyze grammar]

tasyā vibhūteḥ putrī ca māṇikyā'sti kumārikā |
divyadugdhā'mṛtābdhiśca vaikuṇṭhe tatra vartate || 5 ||
[Analyze grammar]

tasya putrī kumārī ca lakṣmīstvadātmikā'sti ca |
tā etāstisra īśvaryo rājante dhāmni tatra vai || 6 ||
[Analyze grammar]

sakhyastisraḥ savayasyāḥ kumāryo'tīva komalāḥ |
māṇikyā śrīśca lakṣmīśca brahmavetryo'bhavan sadā || 7 ||
[Analyze grammar]

brahmātmajñānayoginyo bhaktimatyaśca vai harau |
kurvanti sevanaṃ nityaṃ kṛṣṇanārāyaṇasya tāḥ || 8 ||
[Analyze grammar]

tasyaiva pratimāṃ nityaṃ gṛhe dhyāyanti bhāvataḥ |
divyavibhūtiḥ kalpadruḥ kṣīrābdhiśceti te trayaḥ || 9 ||
[Analyze grammar]

putrīṇāṃ dhyānasevādi dṛṣṭvā tuṣyanti vai muhuḥ |
vitarantyāśiṣastābhyo bhavantyānandamūrtayaḥ || 10 ||
[Analyze grammar]

anantadhāmasu kṛṣṇapatnyaḥ santi tvanekaśaḥ |
bhavatyaśca bhavantyeva parabrahmapriyāḥ parāḥ || 11 ||
[Analyze grammar]

rājādhirājarūpiṇyo yābhyo nānyāḥ parāḥ kvacit |
iti pitrāśiṣaḥ prāptā dīvyanti nityavardhitāḥ || 12 ||
[Analyze grammar]

prātaḥ snānti hariṃ smṛtvā dhyāyanti ca hariṃ tataḥ |
kurvanti maṇḍapaṃ divyaṃ vidyuttoraṇasūjjvalam || 13 ||
[Analyze grammar]

vicitraratnamaṇibhirnaddhastaṃbhādimaṇḍitam |
kṛtrimodyānasaṃvyāptaṃ divyāmbaravibhūṣitam || 14 ||
[Analyze grammar]

kṛṣṇanārāyaṇamūrtiśobhitaṃ sarvato diśi |
madhye siṃhāsanaṃ ramyaṃ maṇisvarṇādirājitam || 15 ||
[Analyze grammar]

sthāpayanti ca tāstatra tūlikāśca sukhāvahāḥ |
mūrtiṃ vinyasya tanmadhye kṛṣṇanārāyaṇasya tāḥ || 16 ||
[Analyze grammar]

snāpayanti kṣīradhārābhiścādbhiḥ snāpayanti ca |
sugandhaṃ candanaṃ tailaṃ mardayanti ca tā muhuḥ || 17 ||
[Analyze grammar]

snāpayitvā ca vastrāṇi divyāni dadati prage |
dhārayanti vibhūṣāśca śṛgāraṃ dhārayanti ca || 18 ||
[Analyze grammar]

patraiḥ puṣpaiḥ phalaistoyaiḥ pūjayanti muhurmuhuḥ |
dhūpaṃ dīpaṃ sugandhaṃ ca kurvanti kṛṣṇasannidhau || 19 ||
[Analyze grammar]

saṃvāhayanti caraṇau gṛhṇanti caraṇāmṛtam |
jighranti tā bhaktimatyo gandhaṃ kṛṣṇaprasādajam || 20 ||
[Analyze grammar]

paśyanti tā hareḥ rūpaṃ spṛśanti kṛṣṇapatkajam |
āsvādayanti pūjāyāṃ dattaṃ phalādikaṃ tu yat || 21 ||
[Analyze grammar]

śṛṇvanti bhagavatstotraṃ gītaṃ paraspareṇa yat |
vadanti guṇacāritryaṃ kṛṣṇanārāyaṇasya tāḥ || 22 ||
[Analyze grammar]

ādadati hareḥ kārye gacchanti ca pradakṣiṇam |
vilāsaṃ hāvabhāvādi tathā''nandaṃ ca mānasam || 23 ||
[Analyze grammar]

cintanaṃ nirṇayaṃ svatvaṃ kurvanti kṛṣṇayogajam |
miṣṭānnāmṛtapātrāṇi jalapātrāṇi tatpuraḥ || 24 ||
[Analyze grammar]

svarṇasthālāni naivedyapūritāni daduśca tāḥ |
bhojayanti bhāvapūrṇaṃ rāmayanti hariṃ punaḥ || 25 ||
[Analyze grammar]

vāripānaṃ kārayanti ramante tā hareḥ puraḥ |
vādayanti pravādyāni kurvantyārārtrikaṃ mudā || 26 ||
[Analyze grammar]

namanti haraye tāśca praśaṃsanti ca tadguṇān |
varṇayanti caritrāṇi kathayanti kathānakam || 27 ||
[Analyze grammar]

bhāvayanti kṛṣṇahṛccārpayanti hṛdayaṃ harau |
puṣpāṃjalipradānaiśca toṣayanti narāyaṇam || 28 ||
[Analyze grammar]

stuvanti paramātmānaṃ smarantyapyabhidhā hareḥ |
dāsyaṃ kurvanti satataṃ sakhyaṃ cātmanivedanam || 29 ||
[Analyze grammar]

evaṃ bhaktimayaṃ divyaṃ kartavyamācaranti tāḥ |
madhyāhnepi prapūjyainaṃ śrīḥ phalānyarpayaṃtyapi || 30 ||
[Analyze grammar]

kalpadrukanyakā kalpapādapebhyo nayaṃtyapi |
uttamaṃ cottamaṃ ramyaṃ surasaṃ miṣṭamamblakam || 31 ||
[Analyze grammar]

navaṃ navaṃ phalaṃ vṛkṣaputrī śrīrarpayatyapi |
kadalāni supakvāni kadalībhyo'bhigṛhya sā || 32 ||
[Analyze grammar]

āhṛtya cāmravṛkṣebhyaścāmrāṇi tūttamāni ca |
karmadebhyaḥ karmadāni cāmblamiṣṭānyavāpya ca || 33 ||
[Analyze grammar]

karkaṭikāśca vallībhya āhṛtya pakvasadrasāḥ |
kaliṃgāni supakvāni śaityāvahāni yānyapi || 34 ||
[Analyze grammar]

kapitthāni ca taddrubhyaḥ pakvānyānīya cāpyatha |
kājūphalāni miṣṭāni kājū drubhyo'bhihṛtya ca || 35 ||
[Analyze grammar]

kaṭīṅgudībhya āhṛtya kaṭīṅgundīphalāni ca |
iṅgudāni mahāntyeva pakvasnigdharasāni ca || 36 ||
[Analyze grammar]

āhṛtyā'rpayati śrīśca bhuṃkte nārāyaṇaḥ svayam |
aṃjīrāṇi sumiṣṭāni drākṣāṇi surasāni ca || 37 ||
[Analyze grammar]

kharjūrakhārikādīni tālāni śrīphalāni ca |
bhūphalāni sumiṣṭāni cikkaṇāni phalāni ca || 38 ||
[Analyze grammar]

kṣīrikāṇi piśaṃgāni panasāni mahānti ca |
garjarāṇi vividhāni ghṛtaghaṭāni caiva ha || 39 ||
[Analyze grammar]

śiṅgavaḥ pakvāstathā jambūphalāni rāvaṇāni ca |
amṛtāni sumiṣṭāni ṭiṭīmā miṣṭasadrasāḥ || 40 ||
[Analyze grammar]

dāḍimāni cekṣudaṇḍān badarāṇi navāni ca |
ṭimbūravāṃśca madhukān badāmān bahubījakān || 41 ||
[Analyze grammar]

rāmaphalāni ca sītāphalāni madhurāṇi ca |
naspatīna santarāṃścāpi jambīrāṇi ca puppinān || 42 ||
[Analyze grammar]

cirbhaṭāni ca saphalajanāni ṭimṭimāni ca |
navaraṃgāni cānyāni phalānyāhṛtya śrīrdadau || 43 ||
[Analyze grammar]

kṛṣṇanārāyaṇāya śrīpuruṣottamamūrtaye |
bhagavānapi bhāvena samattiśryarpitāni vai || 44 ||
[Analyze grammar]

divyavibhūtikanyā tu māṇikyā bhagavatkṛte |
samānayati ratnāni dhārayatyacyutaṃ svayam || 45 ||
[Analyze grammar]

ratnamālāstathā muktāhārān mauktikakaṃkaṇān |
vajramaṇīn padmarāgamaṇīn marakatān maṇīn || 46 ||
[Analyze grammar]

indranīlamaṇīṃścāpi kaustubhān bhīṣmakāṃstathā |
vaidūryānpuṣparāgāṃśca karketakān suvarṇakān || 47 ||
[Analyze grammar]

hāritān pulakāṃścaiva rudhirān sphaṭikāṃstathā |
vidrumāṃśca pravālāṃśca māṇikyān citrakāṃstathā || 48 ||
[Analyze grammar]

gomedāṃśca mahānīlān kūpyāṃścādāya sandadau |
kṛṣṇanārāyaṇastāni maṇiratnamayāni ca || 49 ||
[Analyze grammar]

bhūṣaṇāni dhṛtavāṃśca prasanno'bhūdatīva saḥ |
atha kṣīrābdhikanyā vai lakṣmīḥ kṣairāṇi bhāvukī || 50 ||
[Analyze grammar]

bhojanaṃ kārayāmāsa pāyayāmāsa tāni vai |
dugdhasāraṃ pāyasānnaṃ dugdhapākaṃ sataṇḍulam || 51 ||
[Analyze grammar]

dugdhastaraṃ dugdhamanthaṃ dugdhaghaṭṭa payobalim |
dugdhakvāthaṃ dugdhapiṇḍān dugdhamallayinīṃ śubhām || 52 ||
[Analyze grammar]

dadhi sarpirvṛtaṃ takraṃ navanītaṃ payaḥpuṭam |
kṣīraudanaṃ payomiśraṃ payaḥpānādikaṃ dadau || 53 ||
[Analyze grammar]

kṛṣṇanārāyaṇastattad bhuktavān pītavāṃśca vai |
kṣīrotpannāni ratnāni dadau sā vividhāni ca || 54 ||
[Analyze grammar]

śriyā māṇikyayā lakṣmyā yānyarpitāni bhāvataḥ |
kṛṣṇanārāyaṇastāni jagrāha bhāvapūritaḥ || 55 ||
[Analyze grammar]

phalāni ratnāni ca pāyasāni bhuṃkte dadhātyatti ca bhāvagarbham |
śriyaṃ ca maṇikyavarāṃ ca lakṣmīṃ sevāparāṃ vīkṣya haristutoṣa || 56 ||
[Analyze grammar]

sāyaṃ ca tāḥ pūrvavadeva pūjanaṃ cakruḥ samārādhanatatparāḥ sutāḥ |
nīrājanaṃ bhojanamanyadarpaṇaṃ sadaiva cakrurbahubhaktibhāvataḥ || 57 ||
[Analyze grammar]

caturdaśyāmadhimāse madhyāhne pūjanottaram |
śrutastābhirdundubhiśca kṛṣṇanārāyaṇasya hi || 58 ||
[Analyze grammar]

kurvantu pūjanaṃ nityaṃ kurvantvārādhanaṃ mama |
arpayantu ca me kiñcitprāpnuvantu mama gṛham || 59 ||
[Analyze grammar]

puruṣottamasaṃjño'haṃ brahmadhāmādhipaḥ pumān |
adhimāsādhidaivo'haṃ vadāmi tad dadāmi vai || 60 ||
[Analyze grammar]

golokasthā api yāśca vaikuṇṭhasthā api vratam |
adhimāse caturdaśyāṃ kurvanti yāśca ye'pi ca || 61 ||
[Analyze grammar]

tāsāṃ teṣāṃ manolabhyaṃ kariṣye bhagavānaham |
dāsyāmi paramaṃ dhāmā'kṣarātītanivāsanam || 62 ||
[Analyze grammar]

phalaiḥ ratnaiḥ pāyasānnaiḥ pūjayiṣyanti māṃ janāḥ |
prāpsyanti paramaṃ dhāma yatrāsmi puruṣottamaḥ || 63 ||
[Analyze grammar]

anyebhyo dhāmavāsibhyaḥ sthitiṃ śreṣṭhāṃ dadāmyaham |
gṛhṇantu bhaktimatyo me bhaktāśca paramaṃ padam || 64 ||
[Analyze grammar]

nedṛśaṃ tvasti vaikuṇṭhaṃ golokaścāpi naiva ha |
mama dhāmnā samaṃ tvanyad vidyate naiva naiva ca || 65 ||
[Analyze grammar]

na matsamo vā'pyadhiko'sti kaścit na brahmaṇā sannibhamasti kiñcit |
nānyatsukhe matsukhasāmyamasti svalpapradānena lihantu cāryāḥ || 66 ||
[Analyze grammar]

bhavantu dāsyaḥ prabhavantu bhaktā ānandamātrāṃ mama mūrtilabdhām |
bhuñjantu nityaṃ mayi saṃramantu caturdaśīsadvratakalpanena || 67 ||
[Analyze grammar]

mānavyo māṃ samārādhya bhavantu divi devatāḥ |
devyaśca māṃ samārādhya bhavantvārṣiṇya eva ca || 68 ||
[Analyze grammar]

ārṣiṇyo māṃ samārādhya bhavantvīśānya eva vā |
tvīśānyo māṃ samārādhya bhavantvīśvarya eva ca || 69 ||
[Analyze grammar]

īśvaryo māṃ samārādhya nārāyaṇyo bhavantu ca |
nārāyaṇyaḥ samārādhya gopyo bhavantu māṃ mudā || 70 ||
[Analyze grammar]

tāśca sarvāḥ samārādhya māṃ varaṃ puruṣottamam |
bhavantu puruṣottamyo nityamuktānya eva ha || 71 ||
[Analyze grammar]

kṛṣṇanārāyaṇaṃ māṃ vai saṃrādhya puruṣottamam |
mamā'kṣaraṃ paraṃ dhāma gṛhṇantu madvratārthinaḥ || 72 ||
[Analyze grammar]

caturdaśyāmadhimāse vrataṃ śrīpuruṣottame |
kṛtaṃ yenā'rjitaṃ tena māmakaṃ sarvameva ha || 73 ||
[Analyze grammar]

vacmi vacmi punarvacmi hyāgacchantu mayā saha |
bhavane tvakṣare me vai nivasantu mayā saha || 74 ||
[Analyze grammar]

tuṣṭo'smi garjanāṃ kṛtvā kathayāmi punaḥ punaḥ |
adhimāse caturdaśyāṃ yāntu vratena madgṛham || 75 ||
[Analyze grammar]

vaikuṇṭhe dundubhiṃ śrutvā kṛṣṇanārāyaṇasya tāḥ |
saharṣāḥ satvaraṃ tatra yayuryatrā'sti ghoṣakṛt || 76 ||
[Analyze grammar]

śrīśca hṛṣṭā ca māṇikyā lakṣmīrhṛṣṭā hṛdantare |
natvā natvā punarnatvā prāhustaṃ dundubhiṃ hareḥ || 77 ||
[Analyze grammar]

nārāyaṇasya vaikuṇṭhe vasāmo'tra mahāsukhe |
tato'tiśreṣṭhasaubhāgyaṃ prayacchati yadi prabhuḥ || 78 ||
[Analyze grammar]

kanyakā smo vayaṃ kurmo'rcanaṃ tasya hareḥ sadā |
adya vrataṃ caturdaśyāḥ kurmo'dhimāsi nirṇayāt || 79 ||
[Analyze grammar]

kadā'kṣarādhipaḥ kṛṣṇanārāyaṇo miliṣyati |
kadā neṣyati paramaḥ purāṇaḥ puruṣottamaḥ || 80 ||
[Analyze grammar]

dundubhistu tadākarṇya prāha tāścā'dya vai prabhuḥ |
niśi pūjottaraṃ tvāyāsyati kurvantu jāgaram || 81 ||
[Analyze grammar]

stuvantu paramātmānaṃ hṛdayasthaṃ janārdanam |
bhavatīnāṃ saphalāśca prabhavantu manorathāḥ || 82 ||
[Analyze grammar]

ityuktvā'kṣatapuṣpaiśca pūjito dundubhiryayau |
kanyāḥ pupūjuḥ śrīkṛṣṇaṃ niśīthe pratighasravat || 83 ||
[Analyze grammar]

jāgaraṃ tatra kurvantyaḥ śrīścakāra sunartanam |
vādyaṃ tvavādayattatra māṇikyā tālasaṃyutam || 84 ||
[Analyze grammar]

lakṣmīstu gāyanaṃ cakre tisraśca militā jaguḥ |
susvaraiśca naddhakiṃkiṇikā nūpurakaṃkaṇaiḥ || 85 ||
[Analyze grammar]

satya brahmā'kṣaraparamaparaṃ lokeśaṃ paralokeśaṃ nityaṃ jñānamanantamapāramanekākāraṃ kamaleśam |
śāntaṃ bhāskarakāntamaghanutaṃ brahmānandamahānandaṃ parameśvaramabhivande prāvirbhāveśvaraparamānandam || 86 ||
[Analyze grammar]

dhāmni brahmā'kṣaramukteśvarapārṣadavṛndārcitacaraṇaṃ caitanyāmṛtadhāmavirājitamukteśaikasudhākaraṇam |
śrīvatsāṃkaviraṃcigirīśanatāṃ'ghritalaṃ suhṛdānandaṃ parameśvaramabhivande prāvirbhāveśvaraparamānandam || 87 ||
[Analyze grammar]

divyā'khaṇḍamanantamunīśvaramaṇḍalamadhyagatākāraṃ nigamāgamapaṭalairabhivedyaṃ sākāraṃ paramākāram |
divyavihāramanudbhavarūpamanādiṃ divyaguṇāgāraṃ parameśvaramabhivande prāvirbhāveśvaraparamānandam || 88 ||
[Analyze grammar]

saumyābhaṃ cinmālākuṇḍalamukuṭapiśaṃgasuceladharam sarvajñāmitaśaktiyutaṃ harikṛṣṇamacintyānandakaram |
nigamāgamavanditayaśasaṃ śaṃsantaṃ dharmaṃ vedamatam parameśvaramabhivande prāvirbhāveśvaraparamānandam || 89 ||
[Analyze grammar]

lokālokavibhāsivibhūtimalokanivāsamanirvācyaṃ janmādyasya yato bhagavantamaśaraṇādhāraṃ vṛṣalālam |
kṛṣṇaṃ karuṇārasamayarūpaṃ dīnadayāluṃ devavaraṃ parameśvaramabhivande prāvirbhāveśvaraparamānandam || 90 ||
[Analyze grammar]

bhāsvarakārtasvaravidyunmaṇibhāskaracandraviśeṣābhaṃ sadrūpaṃ ghanavarṇamatarkyamajaṃ hṛtsthaṃ tribhuvananābham |
śyāmasaroruhadalasamanayanaṃ smerāsyaṃ sarvānandaṃ parameśvaramabhivande prāvirbhāveśvaraparamānandam || 91 ||
[Analyze grammar]

śyāmaṃ vyāpakamuttamapuruṣaṃ paramātmānaṃ sukhakandaṃ svāṃghrisarojasamudbhavakāntidyotitayāvajjanavṛndam |
satyaṃ nārāyaṇaparameśvaramāyeśeśvaramuktavaraṃ parameśvaramabhivande prāvirbhāveśvaraparamānandam || 92 ||
[Analyze grammar]

kalpadrumaduhitā śrīrnityaṃ dhyāyati vallabhamātmānaṃ divyavibhūtisutā māṇikyā prārthayati svāmyātmānam |
divyakṣīrābdhiduhitā lakṣmīrapi cecchati patimanaghaṃ puruṣottamamakṣaradhāmasthaṃ sa tvaṃ bhavasi bhavārthakaraḥ || 93 ||
[Analyze grammar]

karān gṛhāṇa cāsmākaṃ mā vai muñca kadācana |
yāvadvai te'kṣaraṃ dhāma tāvatpatnyo bhavāmahe || 94 ||
[Analyze grammar]

śīghraṃ kuru kṛpānātha kṛṣṇanārāyaṇa prabho |
varamālā gṛhāṇā'smaddhastebhyaścaikakālikāḥ || 95 ||
[Analyze grammar]

iti stutvā ca tāstisro viramustāvadeva tu |
prāvirbabhūva bhagavān kṛṣṇanārāyaṇaḥ prabhuḥ || 96 ||
[Analyze grammar]

sarvāvirbhāvaheturyaḥ sarvakāraṇakāraṇam |
sarveśeśeśvaraḥ śreṣṭhabrahma śrīpuruṣottamaḥ || 97 ||
[Analyze grammar]

śvetahastiyutaṃ yānaṃ vimānākhyaṃ cidambare |
vāhayan yojanakoṭivistṛtaṃ muktapūritam || 98 ||
[Analyze grammar]

tisra āśvāsya vaikuṇṭhe kalpadrūn divyabhūtikam |
kṣīrābdhiṃ ca namaskṛtya vidhinā taiḥ samarpitāḥ || 99 ||
[Analyze grammar]

pitṛbhistvarthitaḥ kṛṣṇe jagrāha tisṛkanyakāḥ |
kintvasmābhirviyogo mā syāttathā kuru keśava || 100 ||
[Analyze grammar]

kare karān samādāya grahītā hariṇā tadā |
śrīśca lakṣmīśca māṇikyā kṛṣṇātulyā virejire || 101 ||
[Analyze grammar]

tāsāṃ dvedve svarūpe ca kārayitvā pumuttamaḥ |
chāyārūpa trayaṃ tāsāṃ pitradhīnaṃ surakṣya ca || 102 ||
[Analyze grammar]

divyarūpaṃ trayaṃ tāsāṃ puruṣottamayogyakam |
akṣaradhāmavāsārhaṃ patnīrūpaṃ pragṛhya ca || 103 ||
[Analyze grammar]

tisra ārohayitvaiva vimāne puruṣottamaḥ |
yayau divyākṣaraṃ dhāma patnīyuktaḥ svayaṃ hariḥ || 104 ||
[Analyze grammar]

evaṃ cādhikamāsasya caturdaśyā vratena tāḥ |
śrīśca lakṣmīśca māṇikyā tisraḥ patnyo hareḥ sadā || 105 ||
[Analyze grammar]

babhūvuḥ śāśvate dhāmni kimatra khalu durlabham |
śroturvaktarapi tvevaṃ phalaṃ syānnātra saṃśayaḥ || 106 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne puruṣottamamāsamāhātmye vaikuṇṭhe dundubhiśravaṇena kalpadrumaputryāḥ śriyaḥ divyavibhūteḥ putryā māṇikyāyāḥ divyakṣīrodadhiputryā lakṣmyāśca adhikamāsasya caturdaśyā vratenā'kṣaradhāmni parabrahmapuruṣottamaśrīkṛṣṇanārāyaṇapatnītvaprāptyādinirūpaṇanāmā ṣaḍadhikatriśatatamo'dhyāyaḥ || 1306 ||
[Analyze grammar]