Chapter 293

śrīlakṣmīruvāca |
māsāstu dvādaśa proktāsteṣu vratadināni ca |
tebhyo'dhiko'pi trayodaśaḥ sārdhadvayavārṣikaḥ || 1 ||
[Analyze grammar]

cāndrapūrṇatvasampādyo bhavatīti tadīyakam |
itivṛttaṃ vidhiṃ devaṃ sarve śrotuṃ samutsahe || 2 ||
[Analyze grammar]

śrīnārāyaṇa uvāca |
śṛṇu lakṣmi kathāṃ divyāṃ puruṣottamayoginīm |
cāndramāse yatra sūryasaṃkrāntirnahi jāyate || 1 ||
[Analyze grammar]

ekarāśiprabhogastho'rko na saṃkramate'pare |
sūryasaṃkrāntiśūnyo'yaṃ māso'dhikatayā mataḥ || 2 ||
[Analyze grammar]

madhye'māvāsyayoścāndramāsaḥ pūrṇaḥ prajāyate |
sauramāsastu saṃkrāntyormadhye pūrṇaḥ prajāyate || 3 ||
[Analyze grammar]

cāndramāse sāvanāhānyekonatriṃśadityatha |
ṣaḍviṃśatighaṭikāśca pañcāśatpalikāstathā || 4 ||
[Analyze grammar]

bhujyante'tha ca saure tu triṃśadahāni vai tathā |
ṣaḍviṃśatiśca ghaṭikāḥ palānyekonaviṃśatiḥ || 5 ||
[Analyze grammar]

vipalānyekatriṃśacca dvāpaṃcāśatkṣaṇāni ca |
prabhujyante tayoścāndre yaḥ kālaḥ śiṣyate'rkitaḥ || 6 ||
[Analyze grammar]

teṣāṃ tu śiṣṭakālānāṃ samavāya prajāyate |
pūrṇastrayodaśaścāndramāso'yaṃ tvadhiko mataḥ || 7 ||
[Analyze grammar]

dvātriṃśatsauramāseṣu ṣoḍaśāhādhikeṣu tu |
trayastriṃśaccāndramāsāḥ ṣoḍaśāhādhikāḥ khalu || 8 ||
[Analyze grammar]

niṣpadyante'dhiko māsaścāndraḥ so'yaṃ mato'dhikaḥ |
paṃcavarṣeṣvadhimāsau dvau cāndrau prāyaśo matau || 9 ||
[Analyze grammar]

adhimāsaḥ punaḥ so'ṣṭavarṣe vaikonaviṃśatau |
ekacatvāriṃśadadhike śate vā sa eti vai || 10 ||
[Analyze grammar]

sa evāyāti cetyevaṃ prāyaśo niyamo'sti hi |
so'yaṃ puṇyaprakāryārthaṃ niścito munibhiḥ purā || 11 ||
[Analyze grammar]

śṛṇuṣvaināṃ kathāṃ lakṣmi nau gehādyudbhavā'sti sā |
malamāsastvayaṃ prokto malaśeṣātmasaṃcayaḥ || 12 ||
[Analyze grammar]

puruṣottamasaṃyogāt puruṣottamasaṃśrayāt |
puruṣottamamāso'yaṃ devo'sya puruṣottamaḥ || 13 ||
[Analyze grammar]

kṛṣṇanārāyaṇaḥ śrīmān parabrahma parātparaḥ |
brahmamuktaiḥ sadā sevyo bhagavānakṣarādhipaḥ || 14 ||
[Analyze grammar]

avatārasvarūpāṇāmavatārī hariḥ svayam |
yasmād vyūhāḥ prajāyante vāsudevādayo'khilāḥ || 15 ||
[Analyze grammar]

yasmād golokadhāmādyāḥ prāvirbhavanti cāśrayāḥ |
yatra sarvaparākāṣṭhā yatra sarvaṃ pratiṣṭhitam || 16 ||
[Analyze grammar]

yasmāt prakāśate sarvaṃ yanmayaṃ jaḍacetanam |
so'yaṃ śrībhagavān rājādhirājaḥ parameśvaraḥ || 17 ||
[Analyze grammar]

puruṣottamamāsasyādhidevaḥ puruṣottamaḥ |
akṣare parame vyomni muktamaṇḍalasevitaḥ || 18 ||
[Analyze grammar]

anāthaṃ malamāsaṃ tu dṛṣṭvā kṛpāvaśaḥ prabhuḥ |
svīcakāra śaraṇyastaṃ śaraṇāgatameva saḥ || 19 ||
[Analyze grammar]

adhiṣṭhānatayā tasya tato'kṣarasamānatām |
prāptaḥ śrīmalamāsastu nirmalaḥ puruṣottamaḥ || 20 ||
[Analyze grammar]

sarve māsāḥ prathamaṃ tu garjanti sma muhurmuhuḥ |
nā'smādṛśaṃ kiṃcidasti tārakaṃ bhuvanatraye || 21 ||
[Analyze grammar]

kintu śrīhariṇā yāvanmalamāsastvadhiṣṭhitaḥ |
tato dvādaśamāsāste babhūburbhagnagarvakāḥ || 22 ||
[Analyze grammar]

kiṃ vaktavyaṃ mahālakṣmi yatra nārāyaṇaḥ svayam |
prasannastiṣṭhate tasya bhāgyaṃ puṇyaṃ kathānakam || 23 ||
[Analyze grammar]

anyamāsakṛtātpuṇyājjapāddhomātpradānakāt |
anantaguṇakaṃ tvatra kṛtaṃ bhavati sarvathā || 24 ||
[Analyze grammar]

māso'yamadhikaḥ sarvapuṇyā''dhikyaprado mataḥ |
gayāgaṃgāharidvārapuṣkarādiṣu yat kṛtam || 25 ||
[Analyze grammar]

tatkṛtasyā'dhike māse phalaṃ bhavati śāśvatam |
kurukṣetre grahaṇe yatsnānasya phalamāpyate || 26 ||
[Analyze grammar]

gayāyāṃ piṇḍadānasya pitṝṇāṃ tṛptirasti yā |
tatphalaṃ tādṛśī tṛptiradhimāsasya sevanāt || 27 ||
[Analyze grammar]

jagannāthapure syād yad rathayātrāphalaṃ mahat |
puruṣottamamāse tatphalaṃ tvāplavanād bhavet || 28 ||
[Analyze grammar]

yatphalaṃ sarayūsnānāt sākete tīrthadarśanāt |
tatphalaṃ tvadhike cādyadine snānāddhi jāyate || 29 ||
[Analyze grammar]

yatphalaṃ dvārikāyāṃ tu gomatīsāgarāplave |
tatphalaṃ malamāse syāt pratipatsnānamātrataḥ || 30 ||
[Analyze grammar]

yatphalaṃ badarīkṣetre svarṇadyāṃ snānato bhavet |
malamāsā''dyadivase'dhikaṃ syātsnānataḥ phalam || 31 ||
[Analyze grammar]

yatphalaṃ dakṣiṇe vārdhau rāmasetau jalāplavāt |
malamāse'dhikaṃ snānāt tataḥ syātprathame dine || 32 ||
[Analyze grammar]

yatphalaṃ raivate svarṇarekhāyāṃ snānato bhavet |
prabhāse yatphalaṃ vā sannidhāvāplavanādbhavet || 33 ||
[Analyze grammar]

tato'dhikaphalaṃ tvādyadine snāne'dhikasya ca |
yatphalaṃ kuṃkumavāpyāmaśvapaṭṭasarovare || 34 ||
[Analyze grammar]

tato'dhikaphalaṃ tvādyadivase'dhikamāsinaḥ |
narmadāyāṃ śuklatīrthe oṃkāreśvaratīrthake || 35 ||
[Analyze grammar]

puṣkare paścime nārāyaṇe sarasi yatphalam |
taḍāge mānase cāpi prayāge cāpi yatphalam || 36 ||
[Analyze grammar]

yamunāyāṃ mathurāyāṃ gaṇḍakyāṃ cāpi yatphalam |
yatphalaṃ ca hariśaṃbhukṣetre kapilavāridhau || 37 ||
[Analyze grammar]

godāvaryāṃ tathā kuṃbhalagne kṛṣṇājale ca yat |
sindhau tāmraparṇikāyāṃ kāveryāṃ cāpi yatphalam || 38 ||
[Analyze grammar]

mahodaye tathā somā'māyāṃ parvaṇi paṭṭane |
snānena yatphalaṃ yadyattvādyehni snānato'tra tad || 39 ||
[Analyze grammar]

puruṣottamamāsasya prathamāyāṃ samāhitaḥ |
brāhme muhūrte sañcintya śrīkṛṣṇaṃ puruṣottamam || 40 ||
[Analyze grammar]

snāyānnadyāṃ taḍāge vā sarasi prasrave gṛhe |
kūpe vāpyāṃ pravāhe vā tatpuṇyaṃ śāśvataṃ bhavet || 41 ||
[Analyze grammar]

nahi loke'dhikamāsasadṛśaṃ pāpanāśakam |
puṇyārjakaṃ tathā tvanyat svargamokṣapradaṃ param || 42 ||
[Analyze grammar]

pūrṇimāyāṃ cādye'hani tvamāvāsyādine'pi ca |
ekādaśe'ntime cāpi māse'hni puruṣottame || 43 ||
[Analyze grammar]

snānena sadṛśaṃ tvanyattvakhaṇḍapuṇyakṛnnahi |
teṣu snānena vai lokā nirdhūya pāpapuñjakam || 44 ||
[Analyze grammar]

jāyante puṇyapuñjena pārāvārasamā bhuvi |
snānamātreṇa vai svarge koṭikalpātmakaṃ milet || 45 ||
[Analyze grammar]

harestu pūjanāttatra vaikuṇṭhaṃ śāśvataṃ vrajet |
puruṣottamanaivedyadāne mukticatuṣṭayam || 46 ||
[Analyze grammar]

labhate'tra na sandehaḥ śrīkṛṣṇo vadati svayam |
kṛṣṇanārāyaṇaḥ sarvaṃ lakṣmīyuktaṃ dadāti vai || 47 ||
[Analyze grammar]

malamāsā''dyadivase snātuścārcayitustathā |
svatvaṃ śrīkṛṣṇavaddhāmni goloke'sya pravartate || 48 ||
[Analyze grammar]

pūrṇimāyāmamāyāṃ vā prātaḥ snānaṃ saritsu cet |
kriyate'vabhṛthatulyaphalaṃ viṣṇukratormatam || 49 ||
[Analyze grammar]

madhyāhne cetkṛtaṃ snānamaśvamedhāntapuṇyadam |
snānaṃ sāyaṃ vājapeyayajñasya phaladaṃ bhavet || 50 ||
[Analyze grammar]

snātvā vratī hariṃ kṛṣṇanārāyaṇaṃ suvarṇajam |
āvāhayet tathā paṃcāmṛtaiḥ saṃsnāpayecchanaiḥ || 51 ||
[Analyze grammar]

ekādaśīkṛtaṃ puṇyaṃ malamāse tu parvaṇi |
snānamātreṇa bhavati kimanyat tatkṛte punaḥ || 52 ||
[Analyze grammar]

lakṣagavāṃ mahiṣīṇāmayutasya śatasya tu |
vāraṇānāṃ ca dānena kurukṣetre tu yatphalam || 53 ||
[Analyze grammar]

lakṣāśvānāṃ tathā dānādyatphalaṃ kaurave sthale |
prātaḥsnānānmalamāse tatphalaṃ pratipattithau || 54 ||
[Analyze grammar]

dvādaśānāṃ tu māsānāṃ pāpāni malamucyate |
malaprakṣālanaśakto malamāsaḥ kṛto'sti vai || 55 ||
[Analyze grammar]

snāpayecchrīkṛṣṇanārāyaṇaṃ pañcāmṛtaistataḥ |
śuddhodakaistailasārairmardayitvā punaḥ punaḥ || 56 ||
[Analyze grammar]

snāpayed vai tato vastrairmārjayet puruṣottamam |
pītāmbaraṃ cottarīyaṃ svarṇaprāntaṃ samarpayet || 57 ||
[Analyze grammar]

kirīṭaṃ kuṇḍale cāpi candanaṃ kuṃkumaṃ tathā |
kajjalaṃ kaṇṭhahārāṃścormikāśca kaṃkaṇāni ca || 58 ||
[Analyze grammar]

puṣpahārān raśanāścā''bhūṣaṇānyambarāṇi ca |
dravyā'laṃkārabhūṣāśca samarpayya prapūjayet || 59 ||
[Analyze grammar]

dhūpaṃ dīpaṃ tathā''pīḍān śekharān mālikāstathā |
gucchaṃ kandaṃ svarṇayaṣṭiṃ chatraṃ ca cāmare'rpayet || 60 ||
[Analyze grammar]

naivedyāni sumiṣṭānnapakvānnāni phalāni ca |
mṛṣṭasvādūni peyāni tāmbūlāni jalāni ca || 61 ||
[Analyze grammar]

samarpayettato nīrājayet kṣamāṃ tu yācayet |
pradakṣiṇāṃ namaskāraṃ daṇḍavacca stutiṃ caret || 62 ||
[Analyze grammar]

puṣpāñjaliṃ pradatvaiva śrīhariṃ puruṣottamam |
prārthayenmalamāsasya vratasya pūrtaye muhuḥ || 63 ||
[Analyze grammar]

upoṣaṇānyekabhuktaṃ naktaṃ phalāśanaṃ ca vā |
kariṣye malamāse tadvrataṃ te kṛpayā prabho || 4 ||
[Analyze grammar]

nirvighnaṃ pūrṇatāṃ yāyāditi tuṣṭo hare kuru |
snānaṃ tīrthe'thavā kūpe gṛhe nadyāṃ prage'nvaham || 65 ||
[Analyze grammar]

dānaṃ pūjāṃ yathāśakti kariṣye puruṣottama |
tatsarvaṃ bhajanaṃ cāpi nirvighnaṃ me bhavediti || 66 ||
[Analyze grammar]

kṛpāṃ kuru mahārājā''lasyaṃ nāśaya dehataḥ |
mānasāni malānyatra prakṣālaya prabhāvataḥ || 67 ||
[Analyze grammar]

ātmīyāni ca pāpāni prajvālaya pareśvara |
ātmamuktiṃ ca me dehi puruṣottama keśava || 68 ||
[Analyze grammar]

kṛṣṇanārāyaṇa svāmin lakṣmīnātha prabhāpate |
pārvatīmāṇikīsvāmin sampatkuru gṛhe mama || 69 ||
[Analyze grammar]

evaṃ samprārthya deveśaṃ svāpayedvā visarjayet |
madhyāhne bhojayet sāyaṃ bhojayet pūjayet tathā || 70 ||
[Analyze grammar]

nīrājayecca dolāyāṃ guruṃ tvāndolayeddharim |
bālakṛṣṇaṃ kṛṣṇanārāyaṇaṃ harinarāyaṇam || 71 ||
[Analyze grammar]

ramayedvā jale ramye tūdyāne bhavane'pi vā |
nṛtyaṃ gītaṃ savādyaṃ ca kārayet tatsamīpataḥ || 72 ||
[Analyze grammar]

annavastrajalapuṣpaphaladānāni vai dadet |
bhojayed bālakān sādhūn viprān gogrāsamarpayet || 73 ||
[Analyze grammar]

kṛṣṇanārāyaṇavārtā puruṣottamamāḥkathām |
lakṣmīnārāyaṇasaṃhitākathāṃ vācayedavratī || 74 ||
[Analyze grammar]

mālāṃ kṛṣṇaharikṛṣṇakṛṣṇanārāyaṇābhidhaiḥ |
kuryājjapaṃ ca bhajanaṃ smaraṇaṃ kīrtanaṃ muhuḥ || 75 ||
[Analyze grammar]

vandanaṃ dāsatāṃ sevāṃ pādayoścāpi mardanam |
mārjanaṃ paricaryāṃ kṣālanaṃ viṣṇugrahasya ca || 76 ||
[Analyze grammar]

guroḥ sevāṃ prakurvīta vratapuṣṭikarīṃ śubhām |
gurau tuṣṭe vrataṃ pūrṇe bhavedvai manasepsitam || 77 ||
[Analyze grammar]

phaletsarvaṃ prasaṃpūrṇaṃ svargamokṣādidāyakam |
gaurīḥ sādhvīḥ satīrbālān bālikāḥ sadhavā'dhavāḥ || 78 ||
[Analyze grammar]

anāthā'nāśritāḥ saṃbhojayed dānāni saṃdadet |
gṛhaṃ dadyājjīvikāṃ ca kṣetraṃ vāṭīṃ ca vetanam || 79 ||
[Analyze grammar]

sāhāyyaṃ vividhaṃ dadyād yathā santoṣamāpnuyāt |
saṃphalet tena vai māsaḥ puruṣottamasaṃjñakaḥ || 80 ||
[Analyze grammar]

nityaṃ vai mandire dadyād devāya jalagāḥ śubhāḥ |
āmānnāni ca śākāni lavaṇaṃ śarkarādikam || 81 ||
[Analyze grammar]

phalāni taṇḍulān mudgān dvidalā ghṛtavartikāḥ |
ghṛtaṃ tailaṃ nivārāṃśca marīcakān sujīrakam || 82 ||
[Analyze grammar]

śuṇṭhīśca methikāṃ dadyād dadhi dugdhaṃ ca takrakam |
patrāṇāṃ bhājikāṃ kharjūrakaṃ śreṣṭhaṃ surājikām || 83 ||
[Analyze grammar]

bhūmikandān badāmāṃśca kāṣṭhāni mṛttikāstathā |
iṣṭikā vaṃśapātrāṇi dhātupātrāṇi mṛddhaṭān || 84 ||
[Analyze grammar]

ghāsagrāsān gavādyarthe pārāvātebhya ityapi |
kaṇān dadyātpipīlikādyarthe piṣṭādikaṃ tathā || 85 ||
[Analyze grammar]

jalasthebhyaścaṇakāṃśca śvādibhyo roṭakāṃstathā |
jalaṃ tu vṛkṣavallībhyo dadyācchrīpuruṣottame || 86 ||
[Analyze grammar]

pippalebhyo barburebhyo jalaṃ dadyācchivopari |
bilvebhyaḥ śrīphalebhyaśca vaṭebhyo jalamarpayet || 87 ||
[Analyze grammar]

tulasībhyaḥ kamalebhyaḥ puṣpavallībhya ityapi |
jalaṃ khādyaṃ pradadyācca kuryādvṛttiṃ surakṣikām || 88 ||
[Analyze grammar]

evaṃ dānāni vastrāṇāṃ vastūnāṃ cāpi kārayet |
bhūśāyī brahmacārī ca śānte bhūtvā'dhike punaḥ || 89 ||
[Analyze grammar]

māse vai sādhuvadbhūtvā sādhvīvacca vratānvitaḥ |
aihikaṃ tvātmanaḥ kuryātpuṇyaṃ paraṃ ca mokṣaṇam || 90 ||
[Analyze grammar]

patiḥ patnī ca dāsī ca sutaḥ sutā ca bāndhavāḥ |
bandhupatnyo jananyaśca pitaraśca pitāmahāḥ || 91 ||
[Analyze grammar]

mātā mātāmahī cāpi bālāśca bālikāśca yāḥ |
śiṣyā svasā cāśritāśca prāghūrṇikāḥ samāśritāḥ || 92 ||
[Analyze grammar]

ye ca gṛhe janāḥ svasyā'bhijanāśca kuṭumbinaḥ |
sarve te vai vrataṃ kuryuḥ puruṣottamamāsi tu || 93 ||
[Analyze grammar]

ekabhaktena naktena phalenā'yācitena vā |
jalena payasā dadhnā nivārādibhireva vā || 94 ||
[Analyze grammar]

śākena bharjitenāpi dehayātrāṃ vidhāya ca |
puruṣottamamāsasya vrataṃ kuryustu śaktitaḥ || 95 ||
[Analyze grammar]

ekānnenā'thavā kuryādbhikṣānnenāpi sarvathā |
uñcchavṛttyā'thavā kuryādājagaryā'thavā caret || 96 ||
[Analyze grammar]

devānnaṃ vā grasetsāyaṃ pūjayitvā janārdanam |
devānāṃ darśanaṃ nityaṃ sādhūnāṃ caraṇāmṛtam || 97 ||
[Analyze grammar]

peyaṃ dhāryaṃ mastake ca dhūlyāmāluṇṭhanaṃ tathā |
hareḥ pādodakaṃ peyaṃ striyā puṃsā vrate sadā || 98 ||
[Analyze grammar]

paryaṃkā'śayanaṃ kāryaṃ kāmakrodhavivarjanam |
kṣauravivarjanaṃ kāryaṃ maithunasya vivarjanam || 99 ||
[Analyze grammar]

rasanāyāstapaḥ kāryaṃ tyāgaḥ prāptā'rjitasya ca |
nāryā tu sparśanaṃ puṃsaḥ puṃsā sparśaśca yoṣitām || 100 ||
[Analyze grammar]

tyājyo vai sarvathā māse'dhike śrīpuruṣottame |
gṛhādbahirna gantavyaṃ tīrthārthaṃ gamyameva vā || 101 ||
[Analyze grammar]

vāṭikāyāṃ samudyāne vastavyaṃ kṣetrake tathā |
vane'raṇye daivabhūmau sādhumadhye satījane || 102 ||
[Analyze grammar]

tyāgibhūmau nivāsaśca tīrthataṭe'tha sīmni vā |
parṇaśālottamāyāṃ vā vyomni vāso'dhike mataḥ || 103 ||
[Analyze grammar]

śravaṇaṃ kīrtanaṃ kṛṣṇanārāyaṇasya vai smṛtiḥ |
pādayoḥ sevanaṃ cāpi pūjanaṃ vandanaṃ tathā || 104 ||
[Analyze grammar]

dāsyaṃ cātmātmīyavastvarpaṇaṃ kṛṣṇavicintanam |
evamādikriyārūpāṃ bhaktiṃ kuryānmale'dhike || 105 ||
[Analyze grammar]

maṃ muktiṃ lāti gṛhṇāti malo'yaṃ māsa ucyate |
mā māyā līyate yena malo'yaṃ māsa īritaḥ || 106 ||
[Analyze grammar]

māṃ lakṣmīṃ māti yo māsastasmānmalaḥ prakīrtyate |
puruṣottamanāmmo vai makārastvantyavarṇakaḥ || 107 ||
[Analyze grammar]

lakṣmyāścādyākṣaro lopi malaḥ kṛṣṇaḥ śriyā yutaḥ |
maṃ mala līyate yena malakṣālanako hariḥ || 108 ||
[Analyze grammar]

malamāse kṛtaṃ yadyaddānaṃ puṇyaṃ tadīyakam |
kaṃ sukhaṃ jāyate cādhyadhikaṃ hyadhikamāssa hi || 109 ||
[Analyze grammar]

yatra nārāyaṇaḥ kṛṣṇaḥ pratyahaṃ tu gṛhe gṛhe |
vyavasthitaḥ śubhāṃ pūjāṃ gṛhṇāti puruṣottame || 110 ||
[Analyze grammar]

māse'tra ramayā lakṣmyā pārvatyā prabhayā tathā |
māṇikyayā kṛṣṇanārāyaṇaḥ śrīpuruṣottamaḥ || 111 ||
[Analyze grammar]

golokāccāpi vaikuṇṭhādavyākṛtācca dhāmataḥ |
bhuvane'tra samāyāti lokānāṃ darśanāya vai || 112 ||
[Analyze grammar]

satkarmāṇyarcanādīni pūjanāni vratāni ca |
ke kurvanti ca me māse snānaṃ pūjāṃ pradānakam || 113 ||
[Analyze grammar]

evaṃ devaḥ sadā prātarvyomamārgeṇa paśyati |
dṛṣṭvā snātṝn bhaktikartṝn bhaktān devagrahasya ca || 114 ||
[Analyze grammar]

dātṝn saṃpālayitṝṃśca niyamānāṃ narān priyāḥ |
vilokya divyadṛṣṭyā śrīsahitaḥ puruṣottamaḥ || 115 ||
[Analyze grammar]

prasanno bhavati śreyaḥ kartuṃ yātuṃ ca tadgṛhe |
sthātuṃ ciraṃ śriyai kṛṣṇaḥ pradiśati toṣitaḥ || 116 ||
[Analyze grammar]

puruṣottamamāsasya vratināṃ bhavanāni vai |
sarvasmṛddhiprapūrṇāni kuru lakṣmi mamā''grahāt || 117 ||
[Analyze grammar]

malamāsā'vamantṝṇāṃ gṛhe vāso ca mā tava |
yatra nāsti mamā''vāsastatra te'pi ca mā'stu saḥ || 118 ||
[Analyze grammar]

ityādiśya hariḥ prātastato madhyāhnake'pi ca |
naivedyaṃ tvarpitaṃ labdhvā punaryāti svadhāma vai || 119 ||
[Analyze grammar]

sāyaṃ punaḥ svapatnībhiḥ samāyāti hariḥ svayam |
ārārtrikādikā sevāṃ tvaṃgīkartuṃ gṛhe gṛhe || 120 ||
[Analyze grammar]

ghṛtadīpaṃ tathā dhūpaṃ puṣpaṃ jalaṃ subhojanam |
sarvaṃ prāpya svakaṃ dhāma visarjitaḥ prayāti saḥ || 121 ||
[Analyze grammar]

nityaṃ māse'dhike hyevaṃ paśyati śrīharirvibhuḥ |
bhaktānukampayā tasmāt pūjyau śrīpuruṣottamau || 122 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne śrīpuruṣottamamāsamāhātmye tadādyadivasīyavratatapodānasnānārādhananiyamādikartavyatānirūpaṇanāmā trinavatyadhikadviśatatamo'dhyāyaḥ || 1293 ||
[Analyze grammar]