Chapter 288

śrīnārāyaṇa uvāca |
śṛṇu lakṣmi tadā rājyaṃ cakre dharmāṃgadaḥ sutaḥ |
piturniyogāt saṃkurvan kārayan harivāsaram || 1 ||
[Analyze grammar]

dharme bhāgavate saṃrakṣayan sarvāḥ prajāḥ sutaḥ |
viṣṇudinavratārthaṃ vādayate paṭahaṃ sadā || 2 ||
[Analyze grammar]

rājāpi vāsaraṃ viṣṇoḥ karoti niyamena vai |
anyavratāni santyajya bhuṃkte patnīṃ suyauvanām || 3 ||
[Analyze grammar]

ekadā''śvinasamaye mohinī sarvabhāvataḥ |
rājānaṃ ramayāmāsa divyasaukhyaiḥ punaḥ punaḥ || 4 ||
[Analyze grammar]

pārthivaścātimugdho'pi vrataṃ nopekṣate hareḥ |
krīḍāṃ tyajati kṣmāpālo daśamyādidinatraye || 5 ||
[Analyze grammar]

viṣṇordinaṃ na tyajati janmamṛtyunikṛntanam |
tāvat prāptaḥ prabodhāya viṣṇormāsastu kārtikaḥ || 6 ||
[Analyze grammar]

yasmin kṛtaṃ tu sukṛtaṃ yaiḥ kaiścinmanujairiha |
akṣayaṃ hi bhavet sarvaṃ viṣṇulokapradāyakam || 7 ||
[Analyze grammar]

iti vicārya nṛpatirmohinīṃ vākyamabravīt |
rataṃ devi tvayā sārdhaṃ mayā samvatsarān bahūn || 8 ||
[Analyze grammar]

tavā'pamānabhītena noktaṃ kiṃcidapi kvacit |
tvayyāsaktasya me subhru bahavaḥ kārtikā gatāḥ || 9 ||
[Analyze grammar]

na vrataṃ kārtike jātaṃ me māsaṃ vā'rdhamāsakam |
so'haṃ kārtikamicchāmi savrataṃ paryupāsitum || 10 ||
[Analyze grammar]

avrataḥ kārtiko yasya gatastasya vṛthā gatam |
madyamāṃsavyavāyāḍhyā api kārtikasadvratāḥ || 11 ||
[Analyze grammar]

bhūtvā śuddhā gatāste vai śāśvataṃ vaiṣṇavaṃ padam |
kārtike dīpadānena dātā vai divamāvrajet || 13 ||
[Analyze grammar]

paradīpaprabodhena daridro'pi divaṃ vrajet |
puṣkare pūrṇimāṃ kṛtvā'janmapāpātpramucyate || 14 ||
[Analyze grammar]

vratopavāsaniyamārcanadānādisatkṛtaiḥ |
gacchati kārtiko yasya sa yāti paramāṃ gatim || 14 ||
[Analyze grammar]

kārtike kṛcchrasevī yaḥ prājāpatyaparo'pi vā |
ekāntaropavāsī vā trirātropoṣito'pi vā || 15 ||
[Analyze grammar]

saptāhaṃ vā daśāhaṃ vā pakṣaṃ māsamupoṣitaḥ |
phalāhāro naro yāti sa viṣṇoḥ paramaṃ padam || 16 ||
[Analyze grammar]

ekabhaktena naktenā'yācitena vratasthitaiḥ |
dharā dārā suto rājyaṃ dhanaṃ dhānyamavāpyate || 17 ||
[Analyze grammar]

kārtiko bhaktidaḥ puṇyo vratadānārcanādibhiḥ |
tasmin haridinaṃ puṇyaṃ tathaiva dinapañcakam || 18 ||
[Analyze grammar]

prabodhinīṃ jāgarāḍhyāṃ kṛtvā muktiṃ prayāti vai |
kārtike varjayettailaṃ madhu sūpaṃ ca maithunam || 19 ||
[Analyze grammar]

niṣpāvān rājasān bhogān varjayettu prayatnataḥ |
kārtike tvarjitā dīkṣā nṝṇāṃ janmani kṛntanī || 20 ||
[Analyze grammar]

paśuyonimavāpnoti dīkṣayā rahito janaḥ |
ekādaśyāṃ pūrṇimāyāṃ dīkṣito yāti cākṣaram || 21 ||
[Analyze grammar]

kuṃbhān datvā jalapūrṇān prayāti harimandiram |
samvatsaravratānāṃ tu samāptiḥ kārtike'rcanam || 22 ||
[Analyze grammar]

udyāpanādikaṃ sarvaṃ sampūrṇaphaladaṃ bhavet |
naktavratī ca ṣaḍrasairbālān sādhūn prabhojayet || 23 ||
[Analyze grammar]

ayācite tvanaḍvāhaṃ saddvijāya pradāpayet |
naivedyāśī bhaved yastu gāṃ pradadyātsadakṣiṇām || 24 ||
[Analyze grammar]

dhātrīsnāne jano dadyāt pāyasaṃ picchalaṃ dadhi |
phalānāṃ niyame tatra phalāni tvarpayettathā || 25 ||
[Analyze grammar]

tailatyāge ghṛtaṃ dadyād ghṛtatyāge payastathā |
dhānyānāṃ niyame śālīṃstattaddhānyamathāpi vā || 26 ||
[Analyze grammar]

bhūśāyitve saparyaṃkāṃ śayyāṃ dadyādalaṃkṛtām |
patrabhojī pradadyādvai pātrāṇi saghṛtāni vai || 27 ||
[Analyze grammar]

maune ghaṇṭāṃ hiraṇyaṃ vā tilānvāpi pradāpayet |
prātaḥsnāne hayaṃ dadyānniḥsnehe ghṛtasaktukān || 28 ||
[Analyze grammar]

nakhakeśā'vapane tu darpaṇaṃ mṛttikāṃ dadet |
pādatrāṇā'grahe dadyādupānahau ca pāduke || 29 ||
[Analyze grammar]

lavaṇādiparityāge dātavyā gauḥ sudugdhadā |
dīpadātā pradadyādvai kāṃcanaṃ devamūrtaye || 30 ||
[Analyze grammar]

chatraṃ ca cāmare dadyāt kṣaumavastrāṇi cārpayet |
trirātravratakartā tu dadyācchayyāmalaṃkṛtām || 31 ||
[Analyze grammar]

saptarātropavāsī tu śibikāṃ chatramarpayet |
pakṣadinopavāsī tu yānaṃ dadyācca hastinam || 32 ||
[Analyze grammar]

māsopavāsakartā tu gṛhaṃ sarvasvamarpayet |
ajāvikaṃ tvekabhakte phalāhāre suvarṇakam || 33 ||
[Analyze grammar]

śākāhāre phalaṃ dadyātpātraṃ vā'nyat samarpayet |
evaṃ yathā dhanasmṛddhistathā dadyād vratānugam || 34 ||
[Analyze grammar]

labhyate vratakartā'tra rājyaṃ dārā dhanādikam |
tasmānmohini kartā'smi kārtike vratasevanam || 35 ||
[Analyze grammar]

vratopavāsaniyamaiḥ kārtiko yasya gacchati |
devo vaimāniko bhūtvā sa yāti paramāṃ gatim || 36 ||
[Analyze grammar]

tasmānmohaṃ parityajyā''jñāpaya kārtike vrate |
ahaṃ vratadharaścaiva bhaviṣye haripūjane || 37 ||
[Analyze grammar]

śrutvaitatpratikūlaṃ sā mohinyāha nijārthinī |
na vrataṃ hi tvayā kāryaṃ yadi māmicchasi priyām || 38 ||
[Analyze grammar]

dānaṃ prapālanaṃ yuddhaṃ kāryatrayaṃ tu bhūbhujām |
vratādikaraṇaṃ rājñāṃ noktaṃ kvāpi nidarśane || 39 ||
[Analyze grammar]

muhūrtamapi rājendra na śaknomi tvayā vinā |
sthātuṃ kamalanābhābha kiṃ punarmāsasaṃkhyayā || 40 ||
[Analyze grammar]

tvayi vrate kṛte'vaśya maraṇaṃ me bhavennanu |
kariṣyāvastato vārdhakye vrataṃ kārtikasya vai || 41 ||
[Analyze grammar]

śrutvā prāha tadā rājā mohinyāṃ vacanottamam |
na kariṣye vrataṃ subhru kariṣye tava sammatam || 42 ||
[Analyze grammar]

śrutvā tu mohinī hṛṣṭā saṃśliṣṭā rahasi sthitam |
ramayāmāsa tanvaṃgī kāmarītividhānataḥ || 43 ||
[Analyze grammar]

tasyaivaṃ ramamāṇasya samāyātā prabodhinī |
rukmāṃgadasya karṇābhyāṃ paṭahadhvanirāgataḥ || 44 ||
[Analyze grammar]

prātarharerdinaṃ lokāstiṣṭhadhvaṃ tvekabhojanāḥ |
akṣāralavaṇāḥ sarve haviṣyānnaniṣeviṇaḥ || 45 ||
[Analyze grammar]

avanitalpaśayanāḥ kāmasaṃgavivarjitāḥ |
smaradhvaṃ devadeveśaṃ kṛṣṇanārāyaṇaṃ harim || 46 ||
[Analyze grammar]

sakṛdbhojanasaṃyuktā upavāsaṃ kariṣyatha |
akṛtaśrāddhanicayā gacchadhvaṃ śrīhareḥ padam || 47 ||
[Analyze grammar]

prātaḥ kārtikaśu्klā'sti tvekādaśī prabodhinī |
yāstūpoṣya harerdhāma vidhūya pāpajālakam || 48 ||
[Analyze grammar]

kurudhvaṃ śrīhareḥ pūjāmātmavittena mānavāḥ |
vastraiḥ puṣpairdhūpadīpairvaracandanakuṃkumaiḥ || 49 ||
[Analyze grammar]

naivedyaiśca phalairyaṣṭvā gacchadhvaṃ śrīhareḥ padam |
yo na kuryādvaco rukmāṃgadasya haridhāmadam || 50 ||
[Analyze grammar]

sa me daṇḍyaśca vadhyaśca dharmāṃgado bravīmyaham |
iti śrutvā paṭahasya dharmyāṃ vai ghoṣaṇāṃ svakām || 51 ||
[Analyze grammar]

rukmāṃgada udatiṣṭhanmohinīśayanād drutam |
prāha prātarharerahni bhaviṣyatyaghanāśanam || 52 ||
[Analyze grammar]

saṃyato'haṃ bhaviṣyāmi kṣamyatāṃ kṣamyatāmiti |
iyamekādaśī kāryā bandhachetrī gatipradā || 53 ||
[Analyze grammar]

mayā saha viśālākṣi tvaṃ cāpi tamadhokṣajam |
ārādhaya hṛṣīkeśamupavāsaparāyaṇā || 54 ||
[Analyze grammar]

yena yāsyasi nirvāṇaṃ dāhapralayavarjitam |
punā rājyaṃ punaḥ svargaṃ punaryadvā pramokṣaṇam || 55 ||
[Analyze grammar]

mohinyuvāca sādhūktaṃ tvayā vratārcanaṃ hareḥ |
janmamṛtyujarāchedi kariṣye vai tavā'jñayā || 56 ||
[Analyze grammar]

pratijñā yā tvayā pūrvaṃ kṛtā'smin raivate girau |
karapradānasahitā bhavatā sukṛtāṃ'kitā || 57 ||
[Analyze grammar]

tasyāstu samayaḥ prāpto dīyatāṃ sahi me tvayā |
anyathā''janmanaḥ puṇyaṃ sarvaṃ te nāśameṣyati || 58 ||
[Analyze grammar]

śrutvā smṛtvā''ha rukmāṃgaḥ kartā'smi tvanmanogatam |
nā'deyaṃ vidyate kiñcittubhyaṃ me jīvitāvadhi || 59 ||
[Analyze grammar]

kiṃ punā rājyanagaraṃ vittaṃ vā'nyacca bhāmini |
mohinyuvāca saṃprāptaṃ jñātvā hyavasaraṃ śubham || 60 ||
[Analyze grammar]

nātha kānta priya rājan jīviteśa ratipriya |
nopoṣyo vāsaro viṣṇorbhoktavyā yadyahaṃ priyā || 61 ||
[Analyze grammar]

vinābhūtā bhaviṣyāmi tvatsaṃyogaṃ vinā nṛpa |
tasmānmāṃ yadi vāñchethā bhoktumājīvanaṃ priyām || 62 ||
[Analyze grammar]

mayā'vaśyaṃ ca vastavyamāmṛtyuṃ tvadgṛhe nṛpa |
tadā tyajopavāsaṃ vai bhujyatāṃ harivāsare || 63 ||
[Analyze grammar]

eṣa eva varo deyo mayā saṃprārthitaḥ purā |
na ced dāsyasi mohādvā bhūtvā'nṛtavacā bhavān || 64 ||
[Analyze grammar]

yāsyate narake ghore yāvadābhūtasamplavam |
patnīhānau vratahānau vacohānau balābale || 65 ||
[Analyze grammar]

dṛṣṭā'dṛṣṭau vṛṣā'dharmau vicāryeṣṭatamaṃ kuru |
rājovāca tvayā subhru ruddhaḥ kārtikasadvrate || 66 ||
[Analyze grammar]

rodhayasi punarekādaśyāmapi kathaṃ priye |
vratapuṇyena sukhinau jātau sva iti cintaya || 67 ||
[Analyze grammar]

dharmasvasā vidheḥ putrī bhūtvaivaṃ tvayi nocitam |
dharmarakṣākaro bhūtvā dharmavighnaṃ karoṣi kim || 68 ||
[Analyze grammar]

janmaprabhṛtyahaṃ naiva bhuktavān harivāsare |
sa cā'dyā'haṃ tavā'dhīnaḥ kathaṃ bhoktā harerdine || 69 ||
[Analyze grammar]

antime svāyuṣo bhāge svarṇarekhāprasevanam |
bhajanaṃ pūjanaṃ yuktaṃ nityaṃ ca harisevanam || 70 ||
[Analyze grammar]

na kṛtaṃ yanmayā bālye yauvane vaibhave sati |
tadahaṃ vanamadhye'dya kathaṃ kuryāṃ jugupsitam || 71 ||
[Analyze grammar]

mā kuruṣva vrataṃ bhaṃgaṃ mā kuruṣvāgrahaṃ tathā |
yadanyadicchasi subhru dātā'haṃ rājyasampadām || 72 ||
[Analyze grammar]

vimānaṃ saṃgṛhāṇedaṃ dolāṃ vyomavihāriṇīm |
kalpalatārasaṃ bhuṃkṣva mā vrate vighnamācara || 73 ||
[Analyze grammar]

ātmamāṃsaṃ naro bhuṃkte yo bhuṃkte harivāsare |
trailokyaghātinaḥ pāpaṃ maithune harivāsare || 74 ||
[Analyze grammar]

gocāralope yatpāpaṃ yatpāpaṃ kūṭasākṣike |
nikṣepahārake cāpi tathā viśvāsaghātake || 75 ||
[Analyze grammar]

hatyākāriṇi yatpāpaṃ yatpāpaṃ gurunindake |
tatsarvaṃ pātakaṃ tvanne saṃsthitaṃ harivāsare || 76 ||
[Analyze grammar]

evaṃ jānan viśālākṣi kathaṃ bhokṣyāmi pātakam |
evaṃ jñānavatī tvaṃ ca kathaṃ nāśayasi vratam || 77 ||
[Analyze grammar]

mohinyuvāca tacchrutvā bādhadharmān nṛpaṃ prati |
ekabhuktena naktena yadvā tvayārcitena ca || 78 ||
[Analyze grammar]

phalairvātūpavāsena dvādaśīṃ na vilaṃghayet |
gurvīṇīnā gṛhasthānāṃ kṣīṇānāṃ rogiṇāṃ tathā || 79 ||
[Analyze grammar]

śiśūnāṃ valigātrāṇāṃ saṃgrāmakṣitisevinām |
yajñabhogodyatānāṃ ca pātivratyāḍhyayoṣitām || 80 ||
[Analyze grammar]

yuvatīstrīpatīnāṃ ca na yuktaṃ samupoṣaṇam |
kimanyairbahubhirbhūpa vākyālāpakṛtairmayā || 81 ||
[Analyze grammar]

bhojane'tra kṛte prītirekādaśyāṃ tvayā mama |
na prītiryadi me chitvā śiraḥ svaṃ hi prayacchasi || 82 ||
[Analyze grammar]

na kariṣyasi ced rājan bhojanaṃ harivāsare |
tadā tvasatyavacaso dehaṃ na sparśayāmi te || 83 ||
[Analyze grammar]

satyena sūryastapati śaśī satyena śobhate |
satyadharmasthitā bhūmiḥ sarvaṃ dhārayate jagat || 84 ||
[Analyze grammar]

vāyurvātyapi satyena satyena jvalate'nalaḥ |
satyādhāramidaṃ sarvaṃ yathākāryaṃ vyavasthitam || 85 ||
[Analyze grammar]

sindhurna calate satyād vindhyaḥ satyānna vardhate |
vṛkṣāḥ satyasamācārā ṛtumāsādya puṣpiṇaḥ || 86 ||
[Analyze grammar]

aśvamedhā'yutebhyo'pi satyameva viśiṣyate |
asatyavacaso rājan sarvaṃ śīghraṃ vinaśyati || 87 ||
[Analyze grammar]

mā bhūt tādṛk ca te rājanśocāmi bahulābhakṛt |
bahūnāṃ bhojane lābho dṛśyate'to haṭho mama || 88 ||
[Analyze grammar]

matpitrāpi tathaivoktaṃ satyenaivocyate mayā |
yadi cette na viśvāso yathecchasi tathā kuru || 89 ||
[Analyze grammar]

mohinītthamabhidhāya pitṛkāryaprasādhinī |
virarāma yadā lakṣmi rājā cintāṃ jagāma vai || 90 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne rukmāṃgadasya samāhātmyakārtiṃkavratecchāyāṃ mohinyā tannirodhanaṃ punaśca svapaṭahaghoṣaṇāyāṃ prabodhinīvratānumatiyācanāyāṃ mohinyā kṛtastadvirodha ityādinirūpaṇanāmā'ṣṭāśītyadhikadviśatatamo'dhyāyaḥ || 288 ||
[Analyze grammar]