Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 283 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
śṛṇu lakṣmi pravakṣyāmi vikhyātaṃ haripañcakam |
nārīnarāṇāṃ sukhadaṃ vrataṃ sarvavratottamam || 1 ||
[Analyze grammar]

mārgaśukladaśamyāṃ tu snātvā devārcanaṃ caret |
pañcayajñān vidhāyāpi tvekabhuktaṃ dinaṃ nayet || 2 ||
[Analyze grammar]

ekādaśyāṃ prage snātvā hariṃ pañcāmṛtaistathā |
tīrthajalaiḥ snāpayitvā'rcayed gandhadravādibhiḥ || 3 ||
[Analyze grammar]

āvāhanāt samārabhya visarjanāvadhiṃ kriyām |
dhūpadīpasunaivedyatāmbūladakṣiṇānvitām || 4 ||
[Analyze grammar]

pūjātmikāṃ vratī kṛtvā śrīhariṃ prārthayet puraḥ |
pañcarātraṃ nirāhāro hyadyaprabhṛti mādhava || 5 ||
[Analyze grammar]

kariṣye haripaṃcākhyaṃ vrataṃ pūrṇaṃ ca me bhavet |
ekabhukto daśamyāṃ vai rātrau bhūśayano bhavet || 6 ||
[Analyze grammar]

ekādaśyāṃ triṣavaṇaṃ arcanaṃ trinivedanam |
rātrau jāgaraṇaṃ kuryād gītanṛtyakathānakaiḥ || 7 ||
[Analyze grammar]

dvādaśyāṃ ca trayodaśyāṃ caturdaśyāṃ trikaṃ caret |
paurṇamāsyāmapi snānārcananaivedyamācaret || 8 ||
[Analyze grammar]

paurṇamāsyāṃ tathā rātrau kuryājjāgaraṇaṃ vratī |
pañcāmṛtādipūjāṃ tu prakuryāddinapañcasu || 9 ||
[Analyze grammar]

dugdhena snāpayed viṣṇuṃ paurṇāyāmatha ṣaṣṭhake |
tilahomaṃ tiladānaṃ pañcagavyāśanaṃ tathā || 10 ||
[Analyze grammar]

kṛtvā viprān bhojayecca pūjayedvidhivaddharim |
sādhusādhvīrbhojayecca svayaṃ bhuñjīta bandhubhiḥ || 11 ||
[Analyze grammar]

evaṃ saṃvatsaraṃ kāryaṃ pratimāsaṃ vrataṃ śubham |
udyāpanaṃ mārgaśīrṣe kāryamaudāryapūrvakam || 12 ||
[Analyze grammar]

śuklapakṣavratasyātra śuklaikādaśikādine |
nirāhāro dvādaśyāṃ tu paṃcagavyaṃ grased vratī || 13 ||
[Analyze grammar]

puṣpādibhirhariṃ caivābhyarcya dadyād dvijātaye |
pāyasaṃ śarkarāyuktaṃ ghṛtayuktaṃ phalānvitam || 14 ||
[Analyze grammar]

miṣṭānnaśākapatrādyairanvitaṃ prasamarpayet |
sugandhajalasadratnadakṣiṇāvastrasaṃyutam || 15 ||
[Analyze grammar]

pūrṇaṃ ca kalaśaṃ dadyādātmavide tu sādhave |
sarvasvaṃ gurave dadyād bhojayed bālabālikāḥ || 16 ||
[Analyze grammar]

sādhūn sādhvīrbhojayecca svayaṃ bhuñjīta pāraṇām |
etadvrataṃ tu te proktaṃ haripañcakasaṃjñitam || 17 ||
[Analyze grammar]

tatkartuḥ punarāvṛttirbrahmalokānna vai bhavet |
gavāṃ koṭisahasrāṇāṃ dānasya phalamāpnuyāt || 18 ||
[Analyze grammar]

paṭhedetacca śṛṇuyād vācayecchrāvayecca vā |
tasyāpi vratapuṇyaṃ syād bhuktiṃ muktiṃ labheta ca || 19 ||
[Analyze grammar]

athānyatte pravakṣyāmi vrataṃ māsopavāsakam |
pārākākhyaṃ mahālakṣmi yattulyaṃ nānyaducyate || 20 ||
[Analyze grammar]

āṣāḍhe śrāvaṇe vāpi bhādre cāśvinake'pi vā |
eteṣvanyatame māse śuklasyā''dyadine priye || 21 ||
[Analyze grammar]

prāśayet paṃcagavyaṃ ca tiṣṭhedviṣṇusamīpataḥ |
snātvā dhyātvā prage viṣṇuṃ nityakarma samāpya ca || 22 ||
[Analyze grammar]

viṣṇuṃ samarcya saṃkalpaṃ kuryānmāsopavāsakam |
svastivācanamantrāṃśca vācayed brāhmaṇastadā || 23 ||
[Analyze grammar]

prārthayecca vratī devaṃ tvadyaprabhṛti mādhava |
māsamekaṃ nirāhāro bhaviṣyābhīṣṭamāvaha || 24 ||
[Analyze grammar]

tataḥ prabhṛti māsāntaṃ nivaseddharimandire |
nityaṃ paṃcāmṛtairdevaṃ snāpayed dīpamādadet || 25 ||
[Analyze grammar]

apāmārgaśalākāṃ khādayet snāyāt sa cānvaham |
devaṃ samarcayennityaṃ bālān viprāṃśca bhojayet || 26 ||
[Analyze grammar]

evaṃ māsopavāsāṃśca kuryād dvādaśavatsarān |
prativarṣaṃ ca godānaṃ viprapitṛpratarpaṇam || 27 ||
[Analyze grammar]

dakṣiṇābharaṇānnāni dadyād dānāni śaktitaḥ |
ekamāsopavāsena rājasūyaphalaṃ bhavet || 28 ||
[Analyze grammar]

māsopavāsadvitaye phalaṃ taddviguṇaṃ bhavet |
māsopavāsatritaye caturguṇaphalaṃ bhavet || 29 ||
[Analyze grammar]

catuḥkṛtvaḥkṛte puṇyamaṣṭāgniṣṭomajaṃ bhavet |
pañcakṛtvaḥkṛte puṇyamatyagniṣṭomajaṃ bhavet || 30 ||
[Analyze grammar]

ṣaṭakṛtvaḥsaṃkṛtaṃ jyotiṣṭomā'ṣṭakaphalaṃ bhavet |
saptakṛtvaḥkṛte vājimedhāṣṭakaphalaṃ bhavet || 31 ||
[Analyze grammar]

aṣṭakṛtvaḥkṛte naramedhāṣṭakaphalaṃ bhavet |
navakṛtvaḥkṛte puṇya gomedhāṣṭakajaṃ bhavet || 32 ||
[Analyze grammar]

daśakṛtvaḥkṛte brahmamedhāṣṭakaphalaṃ bhavet |
ekādaśaparāke tu hareḥ sārūpyamaśnute || 33 ||
[Analyze grammar]

sadvādaśaparāke tu labhenmukticatuṣṭayam |
pārākavratakartāro muktā eva na saṃśayaḥ || 34 ||
[Analyze grammar]

nārī vā puruṣo vāpi vratakṛnmokṣamāpnuyāt |
vratākhyānaṃ paṭhedvāpi śṛṇuyānmokṣabhāg bhavet || 35 ||
[Analyze grammar]

nāsti gaṃgāsamaṃ tīrthaṃ nāsti mātṛsamo guruḥ |
nāsti viṣṇusamo devastapo nā'naśanātparam || 36 ||
[Analyze grammar]

nāsti kṣamāsamā mātā nāsti kīrtisamaṃ dhanam |
nāsti jñānasamo lābho nāsti dharmasamaḥ pitā || 37 ||
[Analyze grammar]

na vivekasamo bhrātā naikādaśyāḥ samaṃ vratam |
nāsti brahmasamaṃ pātraṃ nāsti patnīsamaṃ priyam || 38 ||
[Analyze grammar]

nāsti sādhusamā naukā nāsti pārākavad vratam |
dānaṃ homādikaṃ kāryaṃ prāpte puṇye'hani priye || 39 ||
[Analyze grammar]

tṛtīyā mādhave śuklā bhādre kṛṣṇā trayodaśī |
kārtike navamī śuddhā māghe pañcadaśī tithiḥ || 40 ||
[Analyze grammar]

etā yugādyāḥ kathitā dattasyā'kṣayakārikāḥ |
akṣayukchuklanavamī kārtike dvādaśī sitā || 41 ||
[Analyze grammar]

tṛtīyā caitramāsasya tathā bhādrapadasya ca |
āṣāḍhaśukladaśamī sitā māghasya saptamī || 42 ||
[Analyze grammar]

śrāvaṇasyā'ṣṭamī kṛṣṇā tathā'ṣāḍhī ca pūrṇimā |
phālgunasya tvamāvāsyā pauṣasyaikādaśī sitā || 43 ||
[Analyze grammar]

kārtikī phālgunī caitrī jyaiṣṭhī pañcadaśī sitā |
manvādayaḥ samākhyātā dattasyā'kṣayakārikāḥ || 44 ||
[Analyze grammar]

puṣkarādiṣu tīrtheṣu gaṃgādiṣu saritsu ca |
ayodhyāyāṃ mathurāyāṃ māyāyāṃ kāśikābhuvi || 45 ||
[Analyze grammar]

kāñcyāmavantikāyāṃ dvārakāyāṃ dattamakṣayam |
atithau vedavidvipre sādhusādhvīsatīṣu ca || 46 ||
[Analyze grammar]

deve devasame puṃsi dattamakṣayapuṇyakṛt |
brahmacāriṣu yaddattaṃ bhabedakṣayapuṇyakṛt || 47 ||
[Analyze grammar]

vratinā sarvathā kāryaṃ tapo dānaṃ ca pūjanam |
kāraṇīyaṃ bhojanādi sarvaṃ cā'kṣayapuṇyadam || 48 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne haripañcakavratamāsopavāsavratatadudyāpanayugamanvāditithidānamāhātmyādinirūpaṇanāmā tryaśītya |
dhikadviśatatamo'dhyāyaḥ || 283 ||
[Analyze grammar]

Other editions:

Also see the following editions of the Sanskrit text or (alternative) English translations of the Lakshminarayana Samhita Chapter 283

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: