Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 274 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
kathayāmi vatsarasya navamīnāṃ vratāni tai |
śṛṇu lakṣmi yāni kṛtvā svargaṃ mokṣaṃ ca vindati || 1 ||
[Analyze grammar]

caitrasya dhavale pakṣe rāmajanmavrataṃ matam |
śrīrāmanavamī kāryā sotsāhā bahupuṇyadā || 1 ||
[Analyze grammar]

upoṣyā sā'thavā kāryaṃ tvekabhaktaṃ janeḥ param |
maṇḍapaḥ sumahān kāryaḥ sarvatobhadramaṇḍalam || 3 ||
[Analyze grammar]

kārayitvā ghaṭaṃ nyasya mūrtiṃ sthālyāṃ nidhāpayet |
mukuṭādi dhanurbāṇau bhūṣaṇādi ca dhārayet || 4 ||
[Analyze grammar]

pūjanaṃ ṣoḍaśavastukṛtaṃ nīrājanādikam |
naivedye kaisaraṃ bhaktaṃ śarkarāṃ dadhi pāyasam || 5 ||
[Analyze grammar]

dadyācca jāgaraṃ kuryātpare'hni dānamācaret |
gobhūtilahiraṇyādi dadyādvai gurave vratī || 6 ||
[Analyze grammar]

viprānsādhūṃśca santarpya vratī kurvīta pāraṇām |
evaṃ kṛtvā vrataṃ viṣṇorvrajet saḥ paramaṃ padam || 7 ||
[Analyze grammar]

asyāmeva tithau harijayantīvratamityapi |
kartavyaṃ dharmabhavane harikṛṣṇo vyajāyata || 8 ||
[Analyze grammar]

asminneva dine bhadrakālī tu yoginīvarā |
śaṃkareṇā'bhiṣiktā sā sarvāsāmādhipatyake || 9 ||
[Analyze grammar]

idaṃ mātṛvrataṃ proktaṃ bhairaveṇa samanvitāḥ |
catuḥṣaṣṭistu yoginyaḥ saṃpūjyāścaṇḍikānvitāḥ || 10 ||
[Analyze grammar]

vaiśākhe tu ramāṃ devīṃ pūjayeddhariṇā'nvitām |
bhuktimuktipradāṃ putravittasaubhāgyadāṃ śubhām || 11 ||
[Analyze grammar]

ekabhuktaṃ navamyāstu śuklāyā vratamatra vai |
kartavyaṃ pūjanādyaṃ ca dānaṃ sauvarṇavastunaḥ || 12 ||
[Analyze grammar]

jyeṣṭhaśuklanavamyāṃ tu devīmumāṃ sumaṃgalām |
taponiṣṭhāṃ pūjayedvai vrataṃ naktaṃ mataṃ śubham || 13 ||
[Analyze grammar]

kumārīrbhojayecchaktyā naikadānāni dāpayet |
dadyācca dakṣiṇāṃ śreṣṭhāmaśnīyātpāyasaṃ vratī || 14 ||
[Analyze grammar]

lakṣmī māṣāḍhaśuklasya navamyāṃ pūjayed vratī |
airāvatasthitāṃ caindrīṃ tadvat saṃpūjayed vratī || 15 ||
[Analyze grammar]

sa bhaveddevaloke tu bhogavān devayānavān |
navamyāṃ śrāvaṇe śukle bhārgavī śriyamarcayet || 16 ||
[Analyze grammar]

kumārīṃ duḥkhahāṃ lakṣmīṃ yajennaivedyasadrasaiḥ |
gandhapuṣpadhūpadīpāmbaranepālakambalaiḥ || 17 ||
[Analyze grammar]

kumārīrbhojayeccāpi duḥkhahāśrīsvarūpiṇīḥ |
duḥkhahālakṣmyā vratakṛd yāti kṛṣṇālayaṃ param || 18 ||
[Analyze grammar]

nakulanavamī ceyaṃ kartavyā vratinā tathā |
bhādraśuklanavamyāṃ tu nandāvratamudāhṛtam || 19 ||
[Analyze grammar]

nandā durgāṃ pūjayedvai vidhivaccopacārakaiḥ |
aśvamedhaphalaṃ labdhvā vratī vaikuṇṭhago bhavet || 20 ||
[Analyze grammar]

aduḥkhanavamī ceyaṃ kartavyā duḥkhanāśikā |
iyaṃ tvavidhavānavamī kartavyā dhavajīvikā || 21 ||
[Analyze grammar]

upavāsaśca kartavyaḥ pūjyā lakṣmīḥ satī tathā |
āśvinaśuklanavamī mahānavamī ceritā |
navarātravratānte sā yatra durgā prapūjyate || 22 ||
[Analyze grammar]

mahālakṣmīstathā pūjyā devyaḥ pūjyāstu koṭiśaḥ |
sarvā devyaḥ prapūjyante sadhavā adhavāśca vā || 22 ||
[Analyze grammar]

vastrālaṃkārabhūṣādiśrāṃgārikadravādibhiḥ |
yānavāhanabhojyādivilāsādibhirityatha || 24 ||
[Analyze grammar]

aparāhne śamīpūjā kartavyā prāgdiśi priye |
sāyaṃ śaṃkhaṃ gadāṃ cakraṃ kamalaṃ ca prapūjayet || 25 ||
[Analyze grammar]

khaṅgaṃ dhanuripūn śaktiṃ śūlaṃ carma ca kheṭakam |
churikāṃ paraśuṃ pāśaṃ daṇḍaṃ vajraṃ cipīṭakam || 26 ||
[Analyze grammar]

chatraṃ dhvajaṃ gajaṃ cāśvaṃ haṃsaṃ vīṇāṃ mayūrakam |
vṛṣabhaṃ mahiṣaṃ granthaṃ tulāṃ gāṃ mastakādikam || 27 ||
[Analyze grammar]

yayā yadrakṣitaṃ svasyāstattatsarvaṃ prapūjayet |
yasyā yacca bali preṣṭhaṃ tasyaitattvarpayed vratī || 28 ||
[Analyze grammar]

pūjāṃ rātrau samāpyaiva prātarviṃsarjanottaram |
vratī pakvānnamadyād vai tathā viprāṃśca bhojayet || 29 ||
[Analyze grammar]

datvā ca dakṣiṇāṃ paścād datvā dānāni bhāvataḥ |
vratapūrtiṃ prakuryādvai pratimāṃ nikṣipejjale || 30 ||
[Analyze grammar]

evaṃ vratena lokānāṃ mātaraḥ sukhadāḥ sadā |
tuṣṭāḥ puṣṭāḥ poṣayanti bālān lokān dayāśrayāḥ || 31 ||
[Analyze grammar]

vratī bhuktvā varānbhogānante svargādikaṃ vrajet |
mātṛlokaṃ satīlokaṃ devīlokaṃ vrajettathā || 32 ||
[Analyze grammar]

kārtikaśuklanavamī yā'kṣayā sā vrataṃ mahat |
devarṣipitṝṇāmaśvatthamūle tarpaṇaṃ caret || 33 ||
[Analyze grammar]

sūryāyā'rghyaṃ pradatvātha dvijān bālāṃśca bhojayet |
dānaṃ homaṃ japaṃ kuryād dadyācca dakṣiṇāṃ vratī || 34 ||
[Analyze grammar]

tīrthe ca mandire sarvaṃ kṛtaṃ tattvakṣayaṃ bhavet |
kūṣmāṇḍadānaṃ dadyādvai mukhyaṃ yajñaphalaṃ bhavet || 35 ||
[Analyze grammar]

mārge śukle nandinī tu navamīvratamucyate |
upoṣito vratī nandālakṣmīṃ saṃpūjayettataḥ || 36 ||
[Analyze grammar]

dadyād dānaṃ tu kanyāyāḥ phalaṃ syādaśvamedhajam |
pauṣaśuklanavamyāṃ tu mahālakṣmīṃ prapūjayet || 37 ||
[Analyze grammar]

māghamāse navamyāṃ tu mahānandāṃ prapūjayet |
phālgunasya navamyāmānandālakṣmīṃ prapūjayet || 38 ||
[Analyze grammar]

atra snānaṃ japo mālā dānaṃ homa upoṣaṇam |
sarvamakṣayatāṃ yāti kṛṣṇalakṣmīprasādataḥ || re || 9 ||
[Analyze grammar]

dānaṃ ca vividhaṃ deyaṃ pātre deśe dine śubhe |
pātraṃ te vacmi kamale yatpātraṃ tārayejjanān || 40 ||
[Analyze grammar]

na vidyayā kevalayā tapasā vā'pi pātratā |
yatra vṛttaṃ dvayaṃ tadvai satpātraṃ bhaktisaṃyutam || 41 ||
[Analyze grammar]

svādhyāyī niyamī dhyānī tapoyukto jitendriyaḥ |
kṣamāśīlaḥ śāntabhāvaḥ satyavādī dvijo'thavā || 42 ||
[Analyze grammar]

śāstrābhyāsī śrutasarvo'droho pratigrahā'rataḥ |
suvrataḥ sādhuśīlaśca pātra bhakto mahattamam || 43 ||
[Analyze grammar]

sādhavo dhyānaśīlāśca paropakaraṇe ratāḥ |
punanti darśanaṃ prāptāḥ kiṃ punaḥ saṃgatiṃ gatāḥ || 44 ||
[Analyze grammar]

tebhyo datvā yathāpekṣaṃ prāpnuyuḥ paramāṃ gatim |
śrotriyāya sudharmāya brahmaniṣṭhāya cārpayet || 45 ||
[Analyze grammar]

kṣamā dayā spṛhā satyaṃ dānaṃ śīlaṃ tapaḥ śrutam |
etadaṣṭāṃgamatroktaṃ paramaṃ pātralakṣaṇam || 46 ||
[Analyze grammar]

yājñikaṃ vācakaṃ paurāṇikaṃ cācāryakaṃ gurum |
kṛṣṇaṃ strīṣu dayāvantaṃ gosevinaṃ supātrakam || 47 ||
[Analyze grammar]

nagnaṃ vṛttihīnaṃ kṣuttṛṭsahitaṃ śaraṇāgatam |
satkarmakāriṇaṃ pātraṃ taddattaṃ śāśvataṃ tu tat || 48 ||
[Analyze grammar]

gobhūtilahiraṇyādi pātre dattaṃ sadā'kṣayam |
kiṃcidvedamayaṃ pātraṃ kiñcit pātraṃ tapomayam || 49 ||
[Analyze grammar]

kiñcidbhaktimayaṃ pātraṃ pātraṃ brahmamayaṃ tathā |
brahmacārī yatiḥ sādhuḥ sādhvī pātraṃ sadā matam || 50 ||
[Analyze grammar]

etādṛśaṃ samarthaṃ tu dātāraṃ tārayiṣyati |
nistārayati dātāramātmānaṃ ca svatejasā || 51 ||
[Analyze grammar]

śataṃ tvabrāhmaṇe dānaṃ dviguṇaṃ brāhmaṇabruve |
sahasraguṇamācārye hyanantaṃ sādhuṣu smṛtam || 52 ||
[Analyze grammar]

vedendhanasamṛddheṣu hutaṃ vipramukhādiṣu |
santārayati dātāraṃ hutaṃ sādhvīṣu sādhuṣu || 53 ||
[Analyze grammar]

hṛtasvā hṛtasarvasvā dvijāḥ pātraṃ paraṃ matam |
atithayo'bhyāgatāśca pātraṃ ca kṛśavṛttayaḥ || 54 ||
[Analyze grammar]

dharmaratā jñānaratā bhaktiratā dayālavaḥ |
taporatā bhaikṣajīvāsteṣāṃ dattaṃ mahāphalam || 55 ||
[Analyze grammar]

sannihitaṃ parityajya pātraṃ deśāntarasthitam |
abhigacchettu dānārthaṃ dahatyāsaptamaṃ kulam || 56 ||
[Analyze grammar]

yasya caiva gṛhe mūrkho dūre cāsti bahuśrutaḥ |
tatra nātikramo doṣo hūyate'gnau na bhasmani || 57 ||
[Analyze grammar]

bālā bhojanapātrāṇi nāryaḥ śṛṃgārapātrikāḥ |
yuvā tūnnatipātraṃ syāt sevāpātraṃ sthavīrakāḥ || 58 ||
[Analyze grammar]

sādhavaścārcanapātramannapātraṃ tu bhikṣukāḥ |
duḥkhitāstu dayāpātraṃ satyapātraṃ suhṛttamāḥ || 59 ||
[Analyze grammar]

dīnāścopakṛteḥ pātraṃ rakṣāpātraṃ padāśritāḥ |
svargapātraṃ dānavantaḥ sukhapātraṃ sutuṣṭayaḥ || 60 ||
[Analyze grammar]

vivāhamekhalābandhapratiṣṭhādikratupradam |
dīnāndhakṛpaṇāpannādiṣu datta tadakṣayam || 61 ||
[Analyze grammar]

nindake drohake caure śaṭhe ghātini nāśake |
krūre sakapaṭe serṣye dharmahīne ca pāpini || 62 ||
[Analyze grammar]

dhūrte chalinyaniṣṭacintake sāsūyake sulau |
duḥkhade vyasanāḍhye cātatāyini hyabhaktake || 63 ||
[Analyze grammar]

hutaṃ dattaṃ kṛtaṃ sarvaṃ naśyatyeva na saṃśayaḥ |
rodityetad dīyamānaṃ kiṃ mayā duṣkṛtaṃ kṛtam || 64 ||
[Analyze grammar]

ūṣare bījamuptaṃ vā bhasmanyapi ca yaddhutam |
apātrake ca yaddattaṃ tannāśe pariṇīyate || 65 ||
[Analyze grammar]

yadyadiṣṭaṃ bhavetsvasya svīyaṃ nyāyyaṃ ca yadbhavet |
pātre tadvai pradātavyaṃ phalakṛd dānameva tat || 66 ||
[Analyze grammar]

saśraddhaṃ savidhiṃ pātre dattasyā'nto na vidyate |
iti te kathitaṃ lakṣmi vratadānasupātrakam || 67 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne vārṣikanavamīvrateṣu śrīrāmajayantīśrīharijayantībhadrakālī |
vrataramāvratomāvrataindrīvrataduḥkhahālakṣmīvratanakulavratanandādurgāvratā'duḥkhanavamīvratā'vidhavānavamīnavarātranavamī |
vratā'kṣayānavamīkūṣmāṇḍanavamīnandinīnavamīmahālakṣmīmahānandā''nandāpūjāsatpātrādicetinirūpaṇanāmā catuḥsaptatyadhikadviśata |
tamo'dhyāyaḥ || 274 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 274

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: