Chapter 273

śrīnārāyaṇa uvāca |
atha lakṣmi kathayāmi tvaṣṭamīnāṃ vratāni te |
yāni kṛtvā bhuktimuktimāpnuyāt padmaje vratī || 1 ||
[Analyze grammar]

śuklāṣṭamyāṃ tu caitrasya pārvatījanmasadvratam |
maṇḍapaṃ kadalīstaṃbhāśokatoraṇamaṇḍitam || 2 ||
[Analyze grammar]

kṛtvātra sarvatobhadraṃ maṇḍalaṃ tasya madhyagām |
sauvarṇīṃ pārvatīṃ nyasya pradakṣiṇaśataṃ caret || 3 ||
[Analyze grammar]

pūjayet ṣoḍaśavastuśreṣṭhopadādibhojanaiḥ |
nīrājayedrathe sthāpayitvā śrāṃgārikaṃ caret || 4 ||
[Analyze grammar]

gītavādyādibhirbhaktaiḥ kāryo yātrāmahotsavaḥ |
gṛhe gṛhe prapūjyā taṇḍulalājājalaiḥ phalaiḥ || 5 ||
[Analyze grammar]

saubhāgyadravyakuṃkumakajjalābharaṇādibhiḥ |
nārīkelaphalenātha kalaśenāpi vardhayet || 6 ||
[Analyze grammar]

evaṃ mahotsavapūrvaṃ jale vā mandire'tha vā |
ānayitvā pūjayettāmārārtrikamathā''caret || 7 ||
[Analyze grammar]

bhojayitvā ca deveśīṃ vidhinā tāṃ visarjayet |
dadyād dānāni sarvāṇi bālābhyo'mbarabhojanam || 8 ||
[Analyze grammar]

evaṃ kṛtvā vrataṃ nārī saubhāgyaṃ labhate śubham |
kanyā vrataṃ paraṃ kṛtvā rājñīpadamavāpnuyāt || 9 ||
[Analyze grammar]

atraivā'śokakalikā'ṣṭakasyā'danamācaret |
evaṃ prāśanakartustu na śoko jāyate kvacit || 10 ||
[Analyze grammar]

mahāṣṭamīti saiveyaṃ kartavyā sopavāsikā |
pārvatyāḥ pūjanaṃ visarjanāntaṃ kāryameva ca || 11 ||
[Analyze grammar]

vaiśākhasya sitāṣṭamyāmathopoṣaṇamācaret |
durgāṣṭamīti sā proktā'parājitāṃ tu pūjayet || 12 ||
[Analyze grammar]

naivedyaṃ śarkarāyuktaṃ dadyād dānāni vai tadā |
kumārīrbhojayeccāpi navamyāṃ pāraṇāgrataḥ || 13 ||
[Analyze grammar]

vratī jyotirvimānastho'parājitākṛpāvaśāt |
svargalokeṣu vicared bhuktimuktiyuto bhavet || 14 ||
[Analyze grammar]

jyeṣṭhakṛṣṇāṣṭamīprāptau kuryāt trilocanavratam |
kailāse saṃvaset kalpaparyantaṃ bahumānitaḥ || 15 ||
[Analyze grammar]

jyeṣṭhaśuklāṣṭamīprātardurgāṃ śuklāṃ prapūjayet |
śuklādevīprasādena kailāsaṃ labhate vratī || 16 ||
[Analyze grammar]

āṣāḍhadhavalāṣṭamyāṃ devīṃ sampūjayed vratī |
naivedyaṃ śarkaropetaṃ dadyāt kanyāśca bhojayet || 17 ||
[Analyze grammar]

suvarṇadakṣiṇāṃ datvā visṛjyā'dyāt svayaṃ vratī |
etadvrataṃ śubhaṃ kṛtvā durgālokamavāpnuyāt || 18 ||
[Analyze grammar]

nabhaḥśukle tathāṣṭamyāṃ durgāṃ sampūjayed vratī |
bhojayed vividhairannairvisarjayed vidhānataḥ || 19 ||
[Analyze grammar]

pāraṇāṃ ca tataḥ kuryād vrataṃ santativardhanam |
bhādramāse sitāṣṭamyāṃ daśāphalamiti vratam || 20 ||
[Analyze grammar]

sopavāsaṃ prakuryādvai pūjanaṃ śrīharestathā |
tulasyāḥ kṛṣṇavarṇāyā dalairdaśabhirarcayet || 21 ||
[Analyze grammar]

kṛṣṇaṃ viṣṇuṃ tathā'nantaṃ govindaṃ garuḍadhvajam |
dāmodaraṃ hṛṣīkeśaṃ padmanābhaṃ hariṃ prabhum || 22 ||
[Analyze grammar]

etairvai nāmabhiḥ kṛṣṇaṃ pūjayitvā dine dine |
homaṃ kuryācchatamaṣṭottaraṃ śrīkṛṣṇanāmataḥ || 23 ||
[Analyze grammar]

juhuyāccaruṇā puṣpaiḥ phalaiḥ śarkarayā tathā |
evaṃ daśadinaṃ kuryādācāryaṃ pūjayettataḥ || 24 ||
[Analyze grammar]

sauvarṇe vā'nyapātre tu sauvarṇaṃ tulasīdalam |
pratimāṃ kānakīṃ cāpi nidhāya gurave'rpayet || 25 ||
[Analyze grammar]

gopradānaṃ prakuryādvai vastrālaṃkāraśobhanam |
daśāhaṃ dugdhapākaṃ ca pūrikāśca nivedayet || 26 ||
[Analyze grammar]

svayaṃ prasāda gṛhṇīyāt viprān sādhūṃśca bhojayet |
vratānte daśasādhubhyaḥ pratyekaṃ daśa pūrikāḥ || 27 ||
[Analyze grammar]

dadyādevaṃ daśābdaṃ tu kṛtvā vratamanuttamam |
sarvānsvargānanubhūya kṛṣṇasāyujyamāpnuyāt || 28 ||
[Analyze grammar]

naraḥ kṛṣṇapārṣadaḥ syānnārī kṛṣṇapriyā bhavet |
naitādṛśaṃ vrataṃ tvanyat kṛṣṇasāyujyakṛdbhavet || 29 ||
[Analyze grammar]

bhādrakṛṣṇāṣṭamī kṛṣṇajanmāṣṭamīvrataṃ purā |
upavāsena tatkartuḥ saptajanmāghanāśanam || 30 ||
[Analyze grammar]

upavāsī tilaiḥ snātvā nadyādau vimale jale |
mandiraṃ śodhayet samyaṅ mṛjākṣālanalepanaiḥ || 31 ||
[Analyze grammar]

raṃgairnānāvidhaiścitraistoraṇaiḥ śobhayed dhvajaiḥ |
navīnāṃśca vitānādīn badhnīyād rūpakāṇi ca || 32 ||
[Analyze grammar]

siṃhāsanaṃ bhagavataḥ pūjopakaraṇāni ca |
sammārjayed dīpikāśca kuryādāstaraṇaṃ navam || 33 ||
[Analyze grammar]

pūjānaivedyavastrādi vratī sampādayettataḥ |
sabhāmaṇḍapamadhye vā mandirasyā'grato'thavā || 34 ||
[Analyze grammar]

maṇḍapaṃ kārayed ramyaṃ kadalīstambhaśobhitam |
vastravicitrasatpuṣpapallavaiḥ kalaśairyutam || 35 ||
[Analyze grammar]

phaladīpāvalīmālācandanādivirājitam |
dhūpitaṃ kārayettaṃ ca tanmadhye kalaśaṃ nyaset || 36 ||
[Analyze grammar]

tasyopari nyasetpātraṃ tāmraṃ tasyopari sthitām |
haimīṃ vastrayugacchannāṃ pratimāṃ śrīhareḥ śubhām || 27 ||
[Analyze grammar]

pādyādyairupacāraiśca pūjayed vratakārakaḥ |
maṇḍape sūtikāgāraṃ devakyā vidadhīta ca || 38 ||
[Analyze grammar]

tatra vai devakīṃ bālakṛṣṇena sahitāṃ tathā |
yaśodāṃ gokule kuryāt sutāyuktāṃ manoharām || 39 ||
[Analyze grammar]

vasudevaṃ ca nandaṃ ca gopān gopīśca gāstathā |
vṛṣān vatsān vatsatarīḥ sauvarṇān kārayed vratī || 40 ||
[Analyze grammar]

maṇḍape sthāpitān dikṣu vidikṣvapi samarcayet |
vādayet tūryavādyāni maṃgalāni ca gāpayet || 41 ||
[Analyze grammar]

snānapūjādikaṃ mūrte kṛtvā tvārārtrikaṃ caret |
paṃcāmṛtairardharātre snāpayecchuddhavāribhiḥ || 42 ||
[Analyze grammar]

vāsobhūṣāratnahārān śobhanān paridhāpayet |
kuṃkumakesarāgurucandanakusumāni ca || 43 ||
[Analyze grammar]

hārāpīḍāṃścāvataṃsān pauṣpāṃśca tulasīsrajaḥ |
dhūpadīpāṃstataḥ kṛtvā mahānaivedyamāharet || 44 ||
[Analyze grammar]

ajamāṃśca tathā śuṇṭhīṃ dhānyākān śarkarāṃ ghṛtam |
pañcacūrṇī raupyapātre naivedyaṃ vinivedayet || 45 ||
[Analyze grammar]

pūrīpāyasasaṃyāvaghṛtapakvādi cārpayet |
jalaṃ samarpayed dadyāt tāmbūlaṃ mukhaśodhanam || 46 ||
[Analyze grammar]

nārīkelaphalaṃ dadyād dakṣiṇāṃ tulasīdalam |
tato nīrājayet kṛṣṇaṃ caturviṃśatirūpiṇam || 47 ||
[Analyze grammar]

arghyaṃ dadyāt kṣamāṃ prārthya svāpayitvā vratī tataḥ |
rātrau jāgaraṇaṃ kuryācchṛṇuyāttatkathānakam || 48 ||
[Analyze grammar]

tadā pibed vratī kṛṣṇacaraṇāmṛtamuttamam |
saśarkaraṃ dadhiṃ kiṃcinmātraṃ pañcāmṛtaṃ graset || 49 ||
[Analyze grammar]

tataḥ prabhāte snātvaiva pūjayed bālakṛṣṇakam |
kṣīraṃ bhaktaṃ śarkarāṃ ca viśeṣeṇa nivedayet || 50 ||
[Analyze grammar]

narānāryastatastatra dadhikṣīraghṛtāmbubhiḥ |
kurvīran krīḍanaṃ tvagre lepakṣepaṇasecanaiḥ || 51 ||
[Analyze grammar]

snātvā sādhūn bhojayecca sādhvīrbālāṃśca bālikāḥ |
viprān bhaktān bhojayecca dīnāndhakṛpaṇānapi || 52 ||
[Analyze grammar]

dakṣiṇāṃ pradadedaśnīyāt svajanaiḥ prasādikam |
prātaḥ sāyaṃ pūjanānte vratinā pālane hariḥ || 53 ||
[Analyze grammar]

āndolanīyo'nudinaṃ yāvadbhādradvitīyakam |
dārāpatyasuhṛdbhṛtyairevaṃ kṛtvā vrataṃ naraḥ || 54 ||
[Analyze grammar]

sākṣād golokamāpnoti vimānavaramāsthitaḥ |
trilokyāṃ vai vrataṃ caitatsadṛśaṃ nāsti yatparam || 55 ||
[Analyze grammar]

kṛtena yena labhyeta koṭyaikādaśakaṃ phalam |
dānānyatra pradeyāni rājayogyāni padmaje || 56 ||
[Analyze grammar]

yathāśakti yathāvastu kāryaṃ kārṣṇaṃ vrataṃ priye |
bhādrapadasitāṣṭamyāṃ rādhikājanma nirmitam || 57 ||
[Analyze grammar]

bhagavantaṃ tathā rādhāṃ raktavastrāṇi dhārayet |
madhyāhne rādhikāmūrtiṃ sakṛṣṇāṃ pūjayed vratī || 58 ||
[Analyze grammar]

laḍḍukān mauktikān dadyānnaivedye'pi phalānyapi |
yadyadiṣṭaṃ bhavet svasya tattat samarpayed vratī || 59 ||
[Analyze grammar]

rādhikājanmapadyāni gāpayed gopikādibhiḥ |
ekabhaktaṃ vrataṃ kṛtvā suvāsinīśca bhojayet || 60 ||
[Analyze grammar]

mūrtyarpaṇaṃ ca gurave kṛtvā bhuñjīta vai vratī |
upavāsaṃ ca vā kuryād dadyādraktāmbarāṇi vai || 61 ||
[Analyze grammar]

evaṃ kṛtvā vrataṃ nārī rādhāparikare vaset |
kṛṣṇapatnī sadā bhūtvā kṛṣṇasaukhyaṃ sadā'rjayet || 62 ||
[Analyze grammar]

dūrvāṣṭamīvrataṃ caitatkartavyaṃ vratinā tathā |
dūrvārūḍhasthale śaṃbhubāṇaṃ saṃpūjayed vratī || 63 ||
[Analyze grammar]

gandhaiḥ puṣpairdhūpadīpairdadhyakṣataphalādibhiḥ |
dūrvābhiḥ pūjayeccāpyarthayed dūrve'mṛte sadā || 64 ||
[Analyze grammar]

yathā śākhāpraśākhābhirvistṛtā'si mahīstare |
saubhāgyaṃ vistṛtāṃ dehi santatiṃ cā'jarāmarām || 65 ||
[Analyze grammar]

viprān sādhūn bhojayitvā śaṃbhuṃ visṛjya vai vratī |
vrataṃ pūrṇaṃ prakurvīta nārī bhāgyavatī bhavet || 66 ||
[Analyze grammar]

evaṃ puṇyā pāpaharā santatideyamaṣṭamī |
dūrvāṃ na pūjayed yā sā vidhavā syāt trijanmasu || 67 ||
[Analyze grammar]

jyeṣṭharkṣasaṃyutā ceyaṃ jyeṣṭhāṣṭamī vratātmikā |
mahālakṣmyā vrataṃ caitaditaḥ ṣoḍaśavāsarān || 68 ||
[Analyze grammar]

punarvasupraparyantaṃ kālāṣṭamyavadhiṃ dhruvam |
kartavyaṃ vratinā dakṣe kare badhvā tu ḍorakam || 69 ||
[Analyze grammar]

ṣoḍaśagranthisahitaṃ guṇaiḥ ṣoḍaśabhiryutam |
nityaṃ prapūjayellakṣmīṃ tata udyāpanaṃ caret || 70 ||
[Analyze grammar]

vastramaṇḍapikāṃ kṛtvā sarvatobhadramaṇḍale |
kalaśaṃ deyasya dīpaṃ ca kṛtvottārya ca ḍorakam || 71 ||
[Analyze grammar]

kuṃbhā'dhastat sthāpayitvā lakṣmyāścatuḥsumūrtikāḥ |
snapanaṃ kārayetpacāmṛtaiśca salilairvratī ||7 || re |
upacāraiḥ ṣoḍaśādyaiḥ pūjayitvā prabhojayet |
niśi jāgaraṇaṃ kuryāccandre'rghya saṃpradāpayet || 73 ||
[Analyze grammar]

kṣīrasāgarasaṃbhūta mahālakṣmīsahodara |
annauṣadhiprado me'stu śrīkhaṇḍārghyaṃ gṛhāṇa me || 74 ||
[Analyze grammar]

kṣīrodārṇavasaṃbhūte kamale kṛṣṇasatpriye |
viṣṇuvakṣaḥsthalāvāse bhava me sarvakāmadā || 75 ||
[Analyze grammar]

ekanāthe jagannāthe gopālasya priye'vyaye |
kambhare trāhi māṃ devi kṛṣṇamātaḥ śivaṃ kuru || 76 ||
[Analyze grammar]

evaṃ prārthya mahālakṣmīṃ sampūjya bhaktayoṣitaḥ |
bhojayitvā juhuyācca bilva padmakapāvasaiḥ || 77 ||
[Analyze grammar]

samittilaghṛtaiḥ puṣpaiḥ phalaiśca vividhaistathā |
viṣṇave candane tālapatraṃ mālāṃ tathā'kṣatān || 78 ||
[Analyze grammar]

dūrvāṃ kausuṃbhasūtraṃ ca yugalaṃ śrīphalaṃ tathā |
tulasīṃ śarkarāṃ laḍḍūn dugdhasāraṃ tilān yavān || 79 ||
[Analyze grammar]

jalaṃ tāmbūlakaṃ ceti dadyāddharaye ṣoḍaśa |
mahālakṣmyai tathā dadyācchūrpeṇācchādya śūrpake || 80 ||
[Analyze grammar]

lakṣmyai nārāyaṇāyā'pi prasamarpya vratī svayam |
visarjayetpūjanaṃ ca vrataṃ tadvai samāpayet || 81 ||
[Analyze grammar]

catasraḥ pratimā dadyāccaturviprebhya eva vai |
ṣoḍaśasuvāsanībhyo dadyāt ṣoḍaśavastukam || 82 ||
[Analyze grammar]

miṣṭānnairāśayitvā tāḥ saṃvisṛjet sadakṣiṇāḥ |
paścāttu pāraṇāṃ kuryād vratī tvevaṃ vratena vai || 83 ||
[Analyze grammar]

koṭyadhīśo bhavelloke lakṣmīloke vasetpunaḥ |
ciraṃ bhogān prabhuṃkte vai kaṃbharālakṣmyanugrahāt || 84 ||
[Analyze grammar]

eṣā śokāṣṭamī proktā'śokapūjanamācaret |
ekabhaktaṃ vrataṃ kṛtvā ramāṃ sampūjya bhāvataḥ || 85 ||
[Analyze grammar]

yatra kutrāpi janma syādaśokaḥ syānna saṃśayaḥ |
āśvine tu site'ṣṭamyāṃ durgāvratamupoṣaṇam || 86 ||
[Analyze grammar]

ekabhaktaṃ ca vā pūjāṃ kuryāttvetadvidhānataḥ |
sarvato vibhavaṃ labdhvā modate divi devavat || 87 ||
[Analyze grammar]

ūrjakṛṣṇāṣṭamīkāle karakākhyaṃ vratṃ smṛtam |
putrecchubhiḥ pūjanīyaḥ umeśo niśi sarvathā || 88 ||
[Analyze grammar]

dānaṃ kṛtvā suvarṇasya candrodaye nīrājayet |
vratī prātaḥ pūjayitvā tataḥ kuryāttu pāraṇām || 89 ||
[Analyze grammar]

kārtikakṛṣṇapakṣasyā'ṣṭamyāṃ śrībhagavadvratam |
kṛṣṇanārāyaṇo jajñe gopālakaṃbharāgṛhe || 90 ||
[Analyze grammar]

devāśca munayaḥ sarve tadā'kurvanmahotsavam |
vimānāni samāruhyāgatā darśanalālasāḥ || 91 ||
[Analyze grammar]

puṣpādibhistadā divyairvardhayāmāsurādarāt |
tadā vai maṇḍapaḥ kāryaḥ prātareva mahārhaṇaḥ || 92 ||
[Analyze grammar]

saudhamadhye kṛṣṇanārāyaṇastanmaṇḍape tadā |
sauvarṇaḥ sthāpanīyo'tra sarvatobhadramaṇḍale || 93 ||
[Analyze grammar]

ghaṭe paṃcasuratnādiphalapallavaśobhite |
sthālyāṃ tilānvitāyāṃ vai pūjanīyo hariḥ svayam || 94 ||
[Analyze grammar]

śriyā yuktastathā pitrā mātrāyukto mahāprabhuḥ |
śṛṇu lakṣmi tvayā sākaṃ mamārcanaṃ pramuktidam || 95 ||
[Analyze grammar]

sampatkaraṃ sarvasaukhyapradaṃ sarvepsitapradam |
tatkartavyaṃ yoṣitā vā nareṇāpi vratārthinā || 96 ||
[Analyze grammar]

āvāhanāt samārabhya pañcāmṛtajalādikaiḥ |
snapanaṃ vastrabhūṣādidhāraṇaṃ śobhanādikam || 97 ||
[Analyze grammar]

dhūpadīpasunaivedyārārtrikadakṣiṇādikam |
stavanārādhanātāmbūlā'danajalamarpayet || 98 ||
[Analyze grammar]

sarvaśāstramayaṃ kṛṣṇaṃ sarasvatīnivāsinam |
sarvadevakṛtā''vāsaṃ śrīramādikṛtālayam || 99 ||
[Analyze grammar]

prabhālakṣmīpārvatīmāṇikīnāthaṃ smarettathā |
dadyād dānāni bahudhā jāgaraṃ sotsavaṃ caret || 100 ||
[Analyze grammar]

prātaḥ snātvā pūjayitvā bhojayitvā visarjayet |
evaṃ kṛtvā vrataṃ kṛṣṇanārāyaṇajayantikam || 101 ||
[Analyze grammar]

patnīṃ patiṃ sutāṃ putraṃ gāṃ dhanaṃ svarṇamityapi |
kṣetraṃ ca bhavanaṃ yānamārogyaṃ vindati vratī || 102 ||
[Analyze grammar]

vidyāṃ sattāṃ mahākīrtiṃ pūjyatāṃ sarvasampadaḥ |
vratenā'nenā''pnuyādvai svargaṃ mokṣaṃ ca vindati || 103 ||
[Analyze grammar]

kālabhairavajanmāpi kālāṣṭamīti saiva hi |
pūjanaṃ tasya yogyopacāraiḥ kāryaṃ vratārthinā || 104 ||
[Analyze grammar]

śaṃkaraḥ kālarūpo'yaṃ saṃjāto bhairavaḥ svayam |
vratino bhairavādīnāṃ bhayaṃ naiva hi jāyate || 105 ||
[Analyze grammar]

kārtike dhavale gopāṣṭamī bodhyā'tra vai gavām |
pūjāṃ gogrāsamevāpi godānaṃ gopradakṣiṇam || 106 ||
[Analyze grammar]

kuryāt kṛṣṇo'bhavadgopaścārayāmāsa gā yataḥ |
govratena sadā lakṣmīrgṛhe rasātmikā vaset || 107 ||
[Analyze grammar]

mārgasya kṛṣṇāṣṭamyāṃ vai darbhamithunakaṃ vratam |
anaghāmanaghaṃ nāmnā kṛtvā darbhamithunakam || 108 ||
[Analyze grammar]

sutāsutasamāyuktaṃ sthāpayed gomayādibhiḥ |
lepite bhūtale gandhapuṣpādyaiḥ pūjayecca tat || 109 ||
[Analyze grammar]

bhojayitvā ca dāmpatyaṃ visṛjellabdhadakṣiṇam |
naro nārī vrataṃ kṛtvā''pnuyātputraṃ sutāṃ sukham || 110 ||
[Analyze grammar]

atraiva kālabhairavajayantīvratamācaret |
atha mārgasitāṣṭamyāṃ durgāvrataṃ ravermatam || 111 ||
[Analyze grammar]

kāryaṃ kālavrataṃ pūjāhomadānasubhojanaiḥ |
kālabhairavasānnidhye sajāgaramupoṣaṇam || 112 ||
[Analyze grammar]

kṛtvā vai duḥkhadaṃ karma nāśamāyāti tadbalāt |
atha pauṣasitāṣṭamyāṃ śrāddhamaṣṭakasaṃjñitam || 113 ||
[Analyze grammar]

pitṝṇāṃ tṛptidaṃ varṣaṃ kulasantativardhanam |
kartavyaṃ vidhinā sarvaṃ madhyāhnottarameva ha || 114 ||
[Analyze grammar]

śivapūjā prakartavyā bhuktimuktipradā yataḥ |
māghasya kṛṣṇāṣṭamyāṃ vai bhadrakālīvrataṃ caret || 115 ||
[Analyze grammar]

pūjayed vairivṛndaghnīṃ sarvakāmapradāyinīm |
aṣṭamyāṃ māghaśuklasya kṛṣṇanārāyaṇo hariḥ || 116 ||
[Analyze grammar]

divyakāśyāṃ cakārāvataraṇaṃ brahmalokataḥ |
navamyāṃ sa parāvidyāsaṃcāraṃ kṛtavān prabhuḥ || 117 ||
[Analyze grammar]

avatāravrataṃ vidyāvrataṃ kāryaṃ dinadvayam |
pūjanaṃ ṣoḍaśavastukṛtaṃ dānaṃ suvarṇakam || 118 ||
[Analyze grammar]

dugdhasāraṃ prabhuṃjyācca vidyāṃ bhuktiṃ vratī labhet |
māṇikīṃ pārvatīṃ lakṣmīṃ prabhāṃ kṛṣṇaṃ ca pūjayet || 119 ||
[Analyze grammar]

kṛṣṇena sahitāḥ sarvāḥ prasannāḥ paṭṭayoṣitaḥ |
nayanti puruṣaṃ nārīṃ svakaṃ dhāma parākṣaram || 120 ||
[Analyze grammar]

phālgune tvasitāṣṭamyāṃ bhīmādevīvrataṃ matam |
bhīmāyāḥ pūjanaṃ kāryaṃ bhuktimuktiphalapradam || 121 ||
[Analyze grammar]

śuklāṣṭamyāṃ phālgunasya śivaṃ śivāṃ samarcayet |
śītalāṃ pūjayeccāpi pūrvakṛnmiṣṭabhojanaiḥ || 122 ||
[Analyze grammar]

digambarāṃ rāsabhasthāṃ mārjanīkalaśānvitām |
visphoṭanāśinīṃ devīṃ jale japedatandritaḥ || 123 ||
[Analyze grammar]

tasya tu śītalā devī syād visphoṭakaśāntidā |
śītalāyā vratakarturvarṣaṃ śāntimayaṃ bhavet || 124 ||
[Analyze grammar]

caitrasyā'dhavalāṣṭamyāmṛṣabho'haṃ babhūva vai |
kartavyaṃ pūjanaṃ viṣṇorvratinā puṇyadaṃ param || 125 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne vārṣikāṣṭamīvrateṣu pārvatījayantīdurgāṣṭamīdaśāhaphalavratakṛṣṇāṣṭamīrādhāṣṭamīṭrūrvāṣṭamījyeṣṭhāṣṭamīkaṃbharālakṣmī jayantīdurgāvratakarakāvrataśrīkṛṣṇanārāyaṇabhagavajjayantīkālāṣṭamīgopāṣṭamīdarbhavrataśrāddhāṣṭamī |
bhairavāṣṭamīśrīkṛṣṇanārāyaṇakāśyavataraṇa vratavidyāvratapaṭṭarājñīkṛtapūjanavratabhīmādevīvrataśītalāṣṭamīṛṣabhajayantyādivratānāṃ nirūpaṇaṃ |
nāma trisaptatyadhikadviśatatamo'dhyāyaḥ || 273 ||
[Analyze grammar]