Chapter 271

śrīnārāyaṇa uvāca |
atha vārṣikaṣaṣṭhīnāṃ vratāni vividhāni te |
śṛṇu lakṣmi kathayāmi bhuktimuktipradāni vai || 1 ||
[Analyze grammar]

caitramāse śuklaṣaṣṭhyāṃ skandajanmā'bhavatpurā |
kumāravratamevaitatkartavyaṃ pūjanādibhiḥ || 2 ||
[Analyze grammar]

ṣaṇmukhaṃ samayūraṃ ca senānīṃ tu samarcayet |
bhojanāni ca dānāni vratī dadyāt subhaktitaḥ || 3 ||
[Analyze grammar]

vratenānena balavān śūraḥ sarvaguṇānvitaḥ |
ciraṃjīvī prāpyate vai putrastu vratinā dhruvam || 4 ||
[Analyze grammar]

śaṃkaraṃ pārvatīṃ skandaṃ sauvarṇaṃ sarvavastubhiḥ |
śṛṃgāritaṃ dāpayecca gurave vratapūrtaye || 5 ||
[Analyze grammar]

vaiśākhe'pi tithau ṣaṣṭhyāṃ kārtikaṃ pūjayed vratī |
labhate mātṛjaṃ saukhyaṃ lālanaṃ pālanādikam || 6 ||
[Analyze grammar]

jyeṣṭhe śukle tithau ṣaṣṭhyāṃ pūjayettu divākaram |
labhate vāñchitān kāmān divākaraprasādataḥ || 7 ||
[Analyze grammar]

aṣāḍhaśuklaṣaṣṭhyāṃ ca kuryāt skandavrataṃ punaḥ |
labhate'bhīpsitān kāmānputrapautrādisantatim || 8 ||
[Analyze grammar]

śrāvaṇe śuklaṣaṣṭhyāṃ ca śarajanmānamarcayet |
labhate'bhīpsitānarthān ṣaṇmukhasya prasādataḥ || 9 ||
[Analyze grammar]

atraiva divase kuryāt sūpaudanāśanaṃ vratam |
haraye tvarpayed bhakto bhuñjīta tatprasādakam || 10 ||
[Analyze grammar]

sūpaudanaṃ vinā nānyad bhoktavyamekabhuktakam |
vratenānena dadyācchrīhariḥ sūpaudanaṃ tadā || 11 ||
[Analyze grammar]

atraiva divase cāhaṃ kalkirūpo bhavāmi vai |
mama janmavrataṃ kuryāt śvetāśvasthitameva ca || 12 ||
[Analyze grammar]

sacchatraṃ sāyudhaṃ svarṇahārāḍhyaṃ pūjayettu mām |
rakṣāṃ karomi pākhaṇḍaduṣṭaduḥkhād vratārthinaḥ || 13 ||
[Analyze grammar]

bhādramāse kṛṣṇaṣaṣṭhyāṃ lalitāṃ pūjayed vratī |
nārī vratārthinī snātvā śuklāmbaradharā satī || 14 ||
[Analyze grammar]

nadyoḥ saṃgamavālukā gṛhītvā piṇḍamācaret |
vinirmāya ca lalitāṃ paṃkajaiḥ karavīrakaiḥ || 15 ||
[Analyze grammar]

nīlotpalairmālatībhiḥ ketakaiśca prapūjayet |
aṣṭottaraśataṃ tasyai puṣpāṇāṃ cārpayet tataḥ || 16 ||
[Analyze grammar]

prārthayedagrataḥ sthitvā lalitāṃ śrīharipriyām |
gaṃgādvāre kuśāvarte bilvake nīlaparvate || 17 ||
[Analyze grammar]

tathā kanakhale snātvā hariṃ labdhavatī patim |
mamāpi śrīhareryogaṃ dehi saubhāgyavardhini || 18 ||
[Analyze grammar]

samprārthyaivaṃ prapūjyaiva naivedyaṃ purato nyaset |
nārīkelasukūṣmāṇḍadāḍīmabījapūrakaiḥ || 19 ||
[Analyze grammar]

cirbhaṭṭakarkaṭikābhiḥ phalaiḥ saṃśobhayet puraḥ |
navīnāṃkurapatraiśca dīpāvalyā ca toraṇaiḥ || 20 ||
[Analyze grammar]

dhūpaiḥ sugandhinaivedyairmiṣṭānnairvividhairapi |
śaṣkulībhirmodakaiśca bhojayedbhāvato vratī || 21 ||
[Analyze grammar]

ārārtrikaṃ ca kurvīta rātrau jāgaraṇaṃ caret |
gītaivādyairnartanaiśca bhajanairnāmakīrtanaiḥ || 22 ||
[Analyze grammar]

sakhībhiḥ sahitā sādhvī na netre saṃpramīlayet |
saptamyāṃ saritaṃ gatvā snātvā samarcya tāṃ tataḥ || 23 ||
[Analyze grammar]

datvā dvijāya dānāni hutvā vaiśvānaraṃ tathā |
devān pitṝn manuṣyāṃśca pūjayitvā suvāsinīḥ || 24 ||
[Analyze grammar]

brāhmaṇānkanyakāḥ sādhūnsādhvīḥ saṃbhojayed vratī |
lalitā me'stu suprītā saṃprārthyaitān visarjayet || 25 ||
[Analyze grammar]

naro nārī caredevaṃ vrataṃ saubhāgyadaṃ param |
anyavrataistapobhiśca dānairniyamasaṃyamaiḥ || 26 ||
[Analyze grammar]

yatphalaṃ tatsulabhyeta praitya lokaṃ sanātanam |
modate lalitādevyā sākaṃ vimānago vratī || 27 ||
[Analyze grammar]

bhādramāse śuklapakṣe vrataṃ candanaṣaṣṭhikam |
tasyāṃ lakṣmīstu saṃpūjyā candanairbhūṣaṇādibhiḥ || 28 ||
[Analyze grammar]

rohiṇīpātabhaumaiśca yuktā ṣaṣṭhī hi kāpilā |
tasyāṃ raviṃ samabhyarcya ṣoḍaśopasuvastubhiḥ || 29 ||
[Analyze grammar]

labheta vāñchitānkāmān vratakṛnnātra saṃśayaḥ |
sūryaṣaṣṭhīyamevāpi bhāskarasya prasādataḥ || 30 ||
[Analyze grammar]

japo homastathā dānaṃ pitṛdevarṣitarpaṇam |
sarvamevā'kṣayaṃ jñeyaṃ kṛtaṃ yad vratinā śubham || 31 ||
[Analyze grammar]

pūjayitvā kapilāṃ gāṃ mālyakuṃkumabhojanaiḥ |
sopaskarāṃ pradadyādvai gurave ravituṣṭaye || 22 ||
[Analyze grammar]

evaṃ kṛtvā vrataṃ nārī labheta sukhamuttamam |
rasānnaphalabhūṣādismṛddhaṃ gṛhaṃ patiṃ labhet || 33 ||
[Analyze grammar]

atheṣaśuklaṣaṣṭhyāṃ vai pūjyā kātyāyanī priye |
sugandhamaṃgaladravyairbhojanairmiṣṭasadrasaiḥ || 24 ||
[Analyze grammar]

pārvatī vai svayaṃ proktā kālā kātyāyanī prasūḥ |
pūjyā'tra saikatīrmūrtiryadvā dvijasatī priye || 25 ||
[Analyze grammar]

vastrālaṃkāravān datvā natvā kṣāntvā visarjayet |
kanyā vratārthinī daivaṃ varaṃ vindet susundaram || 26 ||
[Analyze grammar]

putrārthinī labhetputraṃ kātyāyanyāḥ prasādataḥ |
kārtike śuklaṣaṣṭhyāṃ tu ṣaṇmukhena mahātmanā || 27 ||
[Analyze grammar]

devasenābhidhāpatnī labdhā sarvasurārcitā |
devasenāyutaṃ skandaṃ pūjayedupacārakaiḥ || 38 ||
[Analyze grammar]

vahnipūjā tathā homaścāpi kartavya ādarāt |
evaṃ vratī laset siddhiṃ manobhīṣṭāṃ tu śāśvatīm || 35 ||
[Analyze grammar]

mārgaśīrṣe śuklaṣaṣṭhyāṃ kārtikeyena dhīmatā |
nihatastārako daityo brahmādyāḥ skandapūjanam || 40 ||
[Analyze grammar]

akurvan gandhapuṣpādyairvratinā'pi phalādibhiḥ |
pūjanaṃ paramaṃ kāryaṃ vastrabhūṣāprahetibhiḥ || 41 ||
[Analyze grammar]

naivedyaṃ miṣṭamatroktaṃ dānaṃ gobhūmayaṃ smṛtam |
ravivārayutā seyaṃ cettu śatabhiṣānvitā || 4 ||
[Analyze grammar]

campāṣaṣṭhī tadā proktā haraḥ pūjyastadatra vai |
snānadānādikaṃ sarvaṃ kṛtamakṣayyamucyate || 43 ||
[Analyze grammar]

mahāpūjā prakartavyā harasya ca harestathā |
dānāni vividhānyeva vratī dadyāttu bhāvataḥ || 44 ||
[Analyze grammar]

naro nārī vratenātra saukhyaṃ labdhvākṣaraṃ vrajet |
pauṣamāse śuklaṣaṣṭhyāṃ sūrya pūjyaḥ prabheśvaraḥ || 45 ||
[Analyze grammar]

viṣṇurūpo jagattrātā jāto vai vedhasaḥ punaḥ |
nārāyaṇo'yaṃ sākṣāt sarvaprakāśakṛtprabhuḥ || 46 ||
[Analyze grammar]

ṣoḍaṣottamavastvādyai pūjanīyaḥ sukhepsubhiḥ |
netratejo vivardheta dhanasampadgṛho bhavet || 47 ||
[Analyze grammar]

brahmaṇā sahitaṃ putraṃ sūryaṃ sumukuṭaṃ vratī |
sauvarṇaṃ kārayitvaiva dadyāt dānaṃ dvijātaye || 48 ||
[Analyze grammar]

māghamāse sitā ṣaṣṭhī varuṇotpattikā matā |
tasyāṃ pūjyo jaleśo vai viṣṇurūpī sureśvaraḥ || 49 ||
[Analyze grammar]

raktagandhāṃśukapuṣpadhūpanaivedyadīpakaiḥ |
vratinā pūjito dadyād yatheṣṭān sadrasān śubhān || 50 ||
[Analyze grammar]

phālgune śuklaṣaṣṭhyāṃ ca haraṃ paśupatiṃ prabhum |
mṛnmayaṃ vāpi sauvarṇaṃ kārayitvā prapūjayet || 51 ||
[Analyze grammar]

saṃsnāpya śatarudreṇa pṛthak paṃcāmṛtairjalaiḥ |
śvetacandanasaugandhyairālipyā'kṣatapuṣpakaiḥ || 52 ||
[Analyze grammar]

śvetairdhattūrapuṣpaiśca phalairbilvasupatrakaiḥ |
pūjayitvā ca naivedye miṣṭānnāni samarpayet || 53 ||
[Analyze grammar]

nīrājayitvā natvā ca kṣamāpyātha visarjayet |
naro nārī vrataṃ kṛtvā bhogānte śivatāṃ vrajet || 54 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne vārṣikaṣaṣṭhīvrateṣu kārtikasvāmijayantīdivākaravrataskanda |
śarajanmotsavasūpaudanāśanavratakalkijayantīlalitāhariprāptivratacandanaṣaṣṭhīkapilāṣaṣṭhīkātyāyanīvratadevasenāvratatārakavadhakṛtskandavratacampā |
ṣaṣṭhīviṣṇujayantīsūryajayantīvaruṇajayantyādivratanirūpaṇanāmaikasaptatyadhikadviśatatamo'dhyāyaḥ || 271 ||
[Analyze grammar]