Chapter 256

śrīlakṣmīruvāca |
nārāyaṇasmaraṇena janmasaṃsārabandhanam |
naśyatyeva janānāṃ vai vande nārāyaṇa tu tam || 1 ||
[Analyze grammar]

kartāraṃ karaṇaṃ kāryaṃ preritāraṃ vibhuṃ prabhum |
sukhadaṃ putradaṃ śāntipradaṃ vande patiṃ harim || 2 ||
[Analyze grammar]

nārāyaṇa hare kṛṣṇa lakṣmīnātha ramāpate |
māṇikyeśa prabhāsvāmin pārvatīśvara te namaḥ || 3 ||
[Analyze grammar]

tvanmukhānme kathālābhe tṛptirnaiva hi jāyate |
vada bhādrapade kṛṣṇe kiṃnāmnyekādaśī matā || 4 ||
[Analyze grammar]

ko devaḥ kiṃ phalaṃ dāne deyaṃ puṣpādikaṃ ca kim |
ko vidhistadvratasyā'sti vistarāt kathaya prabho || 5 ||
[Analyze grammar]

śrīnārāyaṇa uvāca |
śṛṇuṣvaikamanā lakṣmi kathayiṣyāmi vistarāt |
ajānāmnī bhādrakṛṣṇaikādaśī pāpanāśinī || 6 ||
[Analyze grammar]

sundaryā tu sahaivā'rcyastasyāṃ devo janārdanaḥ |
puṣpeṣu pāṭalā deyā tvarghye pūgīphalaṃ matam || 7 ||
[Analyze grammar]

dāne tu mahiṣī deyā naivedye gūḍalaḍḍukāḥ |
yathākālaṃ yathālabhyaṃ tathākāryaṃ viśeṣataḥ || 8 ||
[Analyze grammar]

daśamyāmekabhuktena tathā bhāvyaṃ vratārthinā |
svaptavyaṃ bhūtale rakṣaṇīyaṃ vai brahmaśīlakam || 9 ||
[Analyze grammar]

ekādaśyāṃ prage dhyātvā nārāyaṇajanārdanam |
snātvā pūjāṃ naityakīṃ tu kuryāt ṣoḍaśavastubhiḥ || 10 ||
[Analyze grammar]

maṇḍapaṃ kārayed ramyaṃ bahustambhasuśobhitam |
madhye tu sarvatobhadraṃ maṇḍalaṃ kārayedvratī || 11 ||
[Analyze grammar]

tanmadhye svarṇakalaśaḥ pañcaratnajalānvitaḥ |
savastraphalapatropavītacandanataṇḍulaḥ || 12 ||
[Analyze grammar]

sthāpanīyaśca tatpārśve ghaṇṭāṃ śaṃkhaṃ ca rakṣayet |
pūjayedvidhinā mantraistilasthālī ghaṭe nyaset || 13 ||
[Analyze grammar]

mūrtiṃ tu kānakīṃ janārdanasundarikāyutām |
ajaikādaśikāṃ sthālyāṃ sthāpayed rājatīṃ ca vā || 14 ||
[Analyze grammar]

āvāhanādibhiḥ pañcāmṛtairdravitacandanaiḥ |
pūjayenmardayet devaṃ snāpayettīrthavāribhiḥ || 12 ||
[Analyze grammar]

vastrālaṃkāraśṛṃgārābhūṣāhārādirājibhiḥ |
sugandhidravyavaryaiśca dhūpadīpanivedanaiḥ || 16 ||
[Analyze grammar]

kuṃkumā'gurukastūrītailadravasusaurabhaiḥ |
kajjalaśvetapāṇḍuracūrṇaśekharanaktakaiḥ || 17 ||
[Analyze grammar]

yaṣṭyrupānahasacchatracāmarairyānavāhanaiḥ |
ārārtrikastutinamrabhāvadaṇḍavadādibhiḥ || 18 ||
[Analyze grammar]

puṣpāṃjalijalatāmbūlailālaṃvagacarvaṇaiḥ || 19 ||
[Analyze grammar]

kṣamārthanādibhirdevaṃ pūjayedbahubhāvataḥ || 19 ||
[Analyze grammar]

śayyāṃ svarṇamayīṃ satkomalāstaraṇasaṃyutām |
dadyāddevāya cādarśapārśvakavyajanānvitām || 20 ||
[Analyze grammar]

evaṃ samarcya govindaṃ vratārthaṃ prārthayed vratī |
karomyajāvrataṃ kṛṣṇa nirvighnaṃ pūrṇatāmiyāt || 21 ||
[Analyze grammar]

dānaṃ dadyād vividhaṃ sadratnasārasuvarṇakam |
dadyād gomahiṣīprabhṛtyapi dugdhānvitaṃ śubham || 22 ||
[Analyze grammar]

madhyāhne'pi hariṃ kṛṣṇaṃ pūjayitvā nivedayet |
meśubhaṃ mohanasthālaṃ mauktikāṃścūrṇamodakān || 23 ||
[Analyze grammar]

apūpāṃśca tathā pūpān polikā miṣṭapolikāḥ |
pūrikāḥ puṣpavaṭikā rājikārāddhamityapi || 24 ||
[Analyze grammar]

śākāni vividhānyāranālāni svādavanti ca |
dadhidugdhapramiṣṭaṃ sadrasasārāṇi cārpayet || 25 ||
[Analyze grammar]

dadyātphalāni pānīyaṃ mukhavāsādikaṃ tathā |
sāyaṃ caiva mahatsamyagarcanaṃ kārayedvratī || 26 ||
[Analyze grammar]

āndolayeddhariṃ preṃkhāṃ baddhvā vṛkṣādike'mbare |
rātrau dugdhapracūraṃ vai bhojyaṃ dadyādbalapradam || 27 ||
[Analyze grammar]

ārārtrikaṃ stutiṃ kṣāntyarthanaṃ puṣpāṃjaliṃ tathā |
arpayedanyayogyaṃ yattvapekṣitamatho hareḥ || 28 ||
[Analyze grammar]

rātrau jāgaraṇaṃ kuryānnṛtyagāyanavācanaiḥ |
harekīrtināmabhaktyā kathāśravaṇakhelanaiḥ || 29 ||
[Analyze grammar]

dvādaśyāṃ ca prage snātvā pūjayitvā janārdanam |
bhojayitvā hariṃ dadyād dānāni vividhāni ca || 30 ||
[Analyze grammar]

anyānsamāśritān miṣṭaṃ bhojayitvā sato dvijān |
bālāṃśca pāraṇāṃ paścāt kuryād vratī vratottare || 31 ||
[Analyze grammar]

evaṃ kṛte vrate sarvakāmanā vratinaḥ phalet |
svargaṃ mokṣaṃ ca sāmrājyaṃ yadicchet tadvratī vrajet || 32 ||
[Analyze grammar]

īdṛgvidhaṃ vrataṃ lakṣmi ye kurvanti tu mānavāḥ |
sarvapāpavinirmuktāstridivaṃ yānti śāśvatam || 33 ||
[Analyze grammar]

śṛṇu kathāṃ vratayuktāṃ duḥkhanāśakarīṃ śubhām |
hariścandrasya nṛpateḥ sakalatrasutasya vai || 34 ||
[Analyze grammar]

vādau satyaguṇopetaḥ yuge satye babhūva saḥ |
hariścandrābhidho rājā sāketapurabhūpatiḥ || 35 ||
[Analyze grammar]

sarayūsaritastīre pañcayojanavistṛtām |
sāketanagarīṃ śāsan bhūpo rarakṣa tatprajāḥ || 36 ||
[Analyze grammar]

cakravartī satyasaṃdhaḥ samastāyā bhuvaḥ patiḥ |
atithīnsma pūjayati yatheṣṭaṃ sma dadāti ca || 37 ||
[Analyze grammar]

nā'rthī kaścidgṛhāttasya nivartate na satkṛtaḥ |
arthī yadicchati tattad dadātyeva tu sarvadā || 38 ||
[Analyze grammar]

viprā miṣṭānnabhikṣādyaiḥ kṣatriyā bahumānakaiḥ |
vaiśyāḥ sahāyatālābhaiḥ śūdāścāśramamīlanaiḥ || 39 ||
[Analyze grammar]

devā yajñīyahavyānnaiḥ ṛṣayaścātitheyakaiḥ |
munayo brahmabhaktyādyaiḥ sakāmā vāñchitārthakaiḥ || 40 ||
[Analyze grammar]

nāryo vṛttipāla tādyairbālā vidyādiraṃjanaiḥ |
anye yatheṣṭasamprāptaiḥ pūjyante tena sarvathā || 41 ||
[Analyze grammar]

tuṣṭāḥ sarve gṛhaṃ yānti sukhaṃ jīvanti tatprajāḥ |
nā'sya rājye dhanahīno bhaktihīnaśca mānavaḥ || 42 ||
[Analyze grammar]

pitṛsevāvihīno na pramadāsu ghṛṇākaraḥ |
vedaghoṣo yajñahomaścārthidānapravāhakaḥ || 42 ||
[Analyze grammar]

sarvo dharmo harernāma pañcaka virarāma na |
evaṃ vartayatastasya kīrtirdikṣu vidikṣu ca || 44 ||
[Analyze grammar]

vyāptā babhūva trailokye na satyāccalatīti saḥ |
tadā brahmā hariḥ śaṃbhurviśvāmitrādayaḥ khalu || 45 ||
[Analyze grammar]

parīkṣārthaṃ samāyātāḥ kiyatsatyaṃ nu lambate |
hariścandreṇa sammānaṃ dvijarūpadhareṣu vai || 46 ||
[Analyze grammar]

kṛtaṃ cātithyasevādi sveṣṭavyārtho niveditaḥ |
viśvāmitrastataḥ prāha rājyaṃ sarvamapekṣyate || 47 ||
[Analyze grammar]

dīyatāṃ me mahārāja nirṛṇo'haṃ bhavāmyataḥ |
tathāstviti nṛpaḥ prāha jalaṃ muktvā dadau tataḥ || 48 ||
[Analyze grammar]

rājyaṃ pragṛhya ca pṛthag yayāce dakṣiṇāṃ muniḥ |
dakṣiṇārthaṃ pṛthagadrvyaṃ nāsīt tatpūrtaye nṛpaḥ || 49 ||
[Analyze grammar]

babhūva rājyabhraṣṭo'sau sevākaiṃkaryamāptavān |
vikrītvā vanitā putrau sa cakārātmavikrayam || 50 ||
[Analyze grammar]

pulkasasya tu dāsatvaṃ prāpto rājā sa puṇyabhāg |
śmaśāne satyamālambya mṛtacailāpahārakaḥ || 51 ||
[Analyze grammar]

so'bhavannṛpatipūjyo na satyāccalitaḥ khalu |
evaṃ vai tasya nṛpaterbahavo vatsarā gatāḥ || 52 ||
[Analyze grammar]

vetanaṃ tu dadātyeva viśvāmitrāya dakṣiṇām |
tathāpi dakṣiṇā pūrṇā na jātā ṛṣituṣṭaye || 53 ||
[Analyze grammar]

vastraṃ pātraṃ bhavellabdhaṃ sarvaṃ taddakṣiṇākṛte |
dadātyeva prapūrtyarthaṃ svayaṃ duḥkhaṃ tu vindati || 54 ||
[Analyze grammar]

evaṃ prapūritā karmacārikaiṃkaryavartinā |
dakṣiṇā'pi tatā dāsyaṃ vṛttyarthaṃ prakaroti saḥ || 55 ||
[Analyze grammar]

duḥkhasyā'nto na cāyātastataścintāparo'bhavat |
kiṃ karomi kva gacchāmi duḥkhasyā'ntaḥ kathaṃ bhavet || 56 ||
[Analyze grammar]

patnī vaṇiggṛ'he dāsī putrastvanyatra kiṃkaraḥ |
ahaṃ śmaśānasevī cā'pyaho cāṇḍālakiṃkaraḥ || 57 ||
[Analyze grammar]

kva rājyaṃ kva ca kaiṃkarya cakraṃ māyāmayaṃ nvidam |
tathāpi duḥkhanāśaḥ syāttathā yatnaṃ karomi vai || 58 ||
[Analyze grammar]

iticintayatastasya magnasya duḥkhasāgare |
ājagāma munistatra jñātvā rājānamāturam || 59 ||
[Analyze grammar]

vaiṣṇavaṃ ca prajāśīrvādapātraṃ nyāyavartinam |
gautamākhyaḥ kṛpāluśca paropakṛtikārakaḥ || 60 ||
[Analyze grammar]

āśīrvādān dadau rājñe sukhī bhaveti sarvathā |
nṛpo nanāma taṃ vipraṃ kṛtāṃjalipuṭaḥ sthitaḥ || 61 ||
[Analyze grammar]

kathayāmāsa vṛttāntamātmano duḥkhasaṃbhṛtam |
śrutvā sarvaṃ gautamastu babhūva cātivismitaḥ || 62 ||
[Analyze grammar]

duḥkhanistaraṇopāyaṃ vrataṃ tūpādideśa tam |
māsi bhādrapade rājan kṛṣṇapakṣe'tipāvanī || 63 ||
[Analyze grammar]

ekādaśī tvajānāmnī bhavati duḥkhanāśinī |
asyāḥ kuru vrataṃ rājan duḥkhadhvaṃso bhaviṣyati || 64 ||
[Analyze grammar]

tava patnī vratamasyāḥ karotvapi sukhāvaham |
putraste tvekabhuktaṃ vā vrataṃ kuryāt sukhāptaye || 65 ||
[Analyze grammar]

ityādiṣṭo hariścandraścakārā'jāvrataṃ param |
muniryayau ca tatpatnīṃ putraṃ nirdiśya tadvratam || 66 ||
[Analyze grammar]

jagāma svāśramaṃ rājñī kumāraśca yathoditam |
cakratuśca yathāśakti tvajāvratamaharniśam || 67 ||
[Analyze grammar]

kṛte tasmin vrate rājño duḥkhasyā'nto'bhavatkṣaṇāt |
rājñyāścāpi ca kiṃkaryā duḥkhasyā'nto'bhavatkṣaṇāt || 68 ||
[Analyze grammar]

putro mṛto'bhavattatra vratottaraṃ divā'pi saḥ |
rohito jīvanaṃ prāpa vratasyaiva prabhāvataḥ || 69 ||
[Analyze grammar]

tadduḥkhaṃ bahubhirvarṣairbhoktavyaṃ kṣayatāṃ gatam |
nistīrṇaduḥkho rājā''sīd vratasyā'syāḥ prabhāvataḥ || 70 ||
[Analyze grammar]

patnyā saha samāsaṃgaṃ putrajīvanamityapi |
putreṇa ca samāsaṃgaṃ hariścandrastvavāpa vai || 71 ||
[Analyze grammar]

brahmaviṣṇumaheśāśca viśvāmitrādayastadā |
svasvarūpāḥ samāyātāḥ pratyakṣā duḥkhanuttaye || 72 ||
[Analyze grammar]

te satyasya parīkṣā'dya pūrṇā jāteti cocire |
sarve devāśca devyaśca samāyātāstadutsave || 73 ||
[Analyze grammar]

āśīrvādapradānārthaṃ hariścandrāya bhūbhṛte |
divi dundubhayo neduḥ puṣpavarṣamabhūd divaḥ || 74 ||
[Analyze grammar]

ekādaśyāḥ prabhāveṇa hariścandraḥ saputrakaḥ |
sadāraśca svakaṃ sarvaṃ prāpya rājyamakaṇṭakam || 75 ||
[Analyze grammar]

bhuktvā tu bahuvarṣāṇi kṛtvā bhaktiṃ harestataḥ |
putraṃ rājye sthāpayitvā patnyā saha virāgavān || 76 ||
[Analyze grammar]

svargaṃ lebhe hariścandraḥ sapuraḥ saparicchadaḥ |
anantakālaṃ tad bhuktvā yayau sāketadhāma saḥ || 77 ||
[Analyze grammar]

īdṛgvidhaṃ vrataṃ lakṣmi ye kariṣyanti mānavāḥ |
sarvapāpavinirmuktāḥ sarvaduḥkhavihīnakāḥ || 78 ||
[Analyze grammar]

svargaṃ mokṣaṃ paraṃ sarve yāsyanti paramaṃ padam |
paṭhanācchravaṇād vāpi tvaśvamedhaphalaṃ bhavet || 79 ||
[Analyze grammar]

tasmādasyāḥ kathā śravyā kartavyaṃ śraddhayā vratam |
tadaṃgabhūtadānārcāpūjanaṃ vidhivattathā || 80 ||
[Analyze grammar]

vratakartā tadanyeṣāṃ pāpakṣālanako bhavet |
svargaṃ prāpayitā cāpi yāmyādibhayavārakaḥ || 81 ||
[Analyze grammar]

kimu tarhi svātmakṛte bhuktimuktisamarjane |
samarthaśceti vaktavyaṃ nārāyaṇaprasaṃgataḥ || 82 ||
[Analyze grammar]

asyā vratī punarnaiva jāyate'tastvajā matā |
ajā muktirbhavedasyā vratādasmādajā hi sā || 83 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne bhādrapadakṛṣṇā'jaikādaśīvratamāhātmyaṃ viśvāmitrakṛtā hariścandrasya satyavrataparīkṣā rājyastrīputrahāniḥ gautamapradarśitā'jāvratena duḥkhanivṛttirityādinirūpaṇanāmā ṣaṭpaṃcāśadadhikadviśatatamo'dhyāyaḥ || 256 ||
[Analyze grammar]